🇷🇺 Санкт-Петербург ва Ленинград вилояти дронлар ҳужумига учради: бир киши ҳалок бўлди

Санкт-Петербург ва Ленинград вилоятидаги дронлар ҳужуми оқибатида бир киши ҳалок бўлди, беш киши жароҳатланди. Бу ҳақда шаҳар губернатори Александр Беглов маълум қилди.

Унинг сўзларига кўра, Санкт-Петербургда 12 та кўп қаватли ва иккита турар жой биносига зарар етган. “Петербург нефт терминали“, “Ручьи“ нефт базаси ва Колпино туманидаги саноат омборларида ёнғинлар чиққан.

Ленинград вилояти губернатори Александр Дрозденко ҳудудда 144 та дрон уриб туширилганини билдирди. Вилоятдаги ёнғиндан кейин бир аёл ва уч нафар бола ис газидан заҳарланиш аломатлари билан шифохонага ётқизилган.

Ҳужум оқибатида VK маълумотлар маркази ва Ozon логистика маркази ҳам зарар кўрган. Ozon омбори ходимлари эвакуация қилинган, жабрланганлар йўқ. Янино аҳоли пунктида эса қарийб 20 минг киши электр таъминотисиз қолган.

🔥@burchakostida

🇮🇹Миланда яшаш қимматлашишига қарши намойишлар тўқнашувларга айланди

Италиянинг Милан шаҳрида ҳаёт қимматлашиши, нархлар ошиши, иш ҳақининг пастлиги ва уй-жой муаммоларига қарши ўтказилган намойишлар полиция билан тўқнашувларга айланди.

Намойишчилар Миланнинг асосий рамзларидан бири бўлган Дуомо собори яқинидаги баррикадаларга ўт қўйган. Полиция намойишчиларни тарқатиш учун кўздан ёш оқизувчи газ ва сув тўпларидан фойдаланган.

Шунга ўхшаш тўқнашувлар Болония ва Турин шаҳарларида ҳам кузатилган.

🔥@burchakostida

🇫🇷Францияда оммавий намойишлар фонида тартибсизликлар кузатилмоқда

Франциянинг Бордо шаҳрида намойишчилар Guerlain, Hermès, Louis Vuitton, Sephora ва Apple брендларига тегишли дўконларни вайрон қилмоқда.

Лимож шаҳрида шаҳар ҳокимияти биносига ўт қўйилгани хабар қилинди. Шунингдек, намойишчилар Лувр музейи ва Эйфел минорасига таҳдид қилаётгани айтилмоқда.

Америкалик миллиардер Билл Акман юз бераётган воқеаларни “цивилизациянинг интиҳоси“ деб баҳолади.

Дастлабки маълумотларга кўра, Франция бўйлаб намойишларда 800 мингдан ортиқ киши иштирок этган.

🔥@burchakostida