🇱🇹Литвада Starlink ускуналари сақланадиган корхонага ўт қўйишга уринишди

Литвада номаълум шахслар Starlink ускуналари сақланадиган корхонага ўт қўйишга уринган. Бу ҳақда мамлакат бош вазири Синкявичюс маълум қилди.

Унинг айтишича, махсус хизматлар корхонани эҳтимолий ҳужумлар ҳақида олдиндан огоҳлантирган. Шу боис хавфсизлик чоралари кучайтирилган ва ўт қўйишга уринишнинг олди олинган.

Бош вазирнинг маълум қилишича, эртага Миллий хавфсизлик комиссиясининг йиғилиши бўлиб ўтади.

🔥@burchakostida

🇮🇷🇺🇸 Эрон Ҳўрмуз бўғозини очиш учун АҚШга шарт қўйди

Эрон АҚШ бир қатор талабларни бажарган тақдирда, Ҳўрмуз бўғозини бир ҳафта ичида очишга тайёр. Бу ҳақда Reuters агентлиги хабар берди.

Эрон ташқи ишлар вазири Аббос Ароқчининг таъкидлашича, Теҳроннинг таклифи ҳамон кучда. Эрон АҚШдан мамлакат портларига қўйилган блокадани бекор қилиш, нефт экспортига нисбатан санкцияларни олиб ташлаш ва минтақадаги ҳарбий ҳаракатларни тўхтатишни талаб қилмоқда.

🔥@burchakostida

🇺🇸🇫🇷Трамп Францияни чегараларини ёпишга чақирди

АҚШ президенти Доналд Трамп Франциядаги норозилик намойишлари фонида мамлакат ҳукуматини чегараларни ёпишга ва вазиятни назоратга олишга чақирди. Бу ҳақда у Truth Social тармоғида ёзди.

“Франция ёнмоқда! Қалби нафратга тўла, бутунлай бошқа дунёдан келган одамлар иммиграцияси бир вақтлар буюк бўлган бу мамлакатни вайрон қилди. Кеч бўлмасидан чегараларингизни ёпинг ва вазиятни назоратга олинг!”— деб ёзди Трамп.

Францияда нархлар ошишига қарши намойишлар бўлиб ўтмоқда. Айрим ҳудудларда намойишчилар полиция билан тўқнашган, ўт қўйиш ва талончилик ҳолатлари кузатилган. Мамлакат ички ишлар вазирининг маълум қилишича, намойишлар давомида 1 800 дан ортиқ киши қўлга олинган.

Франция президенти Эммануэл Макрон эса бугун Париж вақти билан соат 20:00 да халққа мурожаат қилиши кутилмоқда.

🔥@burchakostida

🇺🇦🇷🇺 Россия қишда Одесса, Харкив ва Киевни электр ҳамда сувсиз қолдириш орқали Украинани таслим этишни режалаштирган — The New York Times

Нашр журналистлари Украина томонидан қўлга киритилган ва сентябр ойида европалик иттифоқчиларга тақдим этилган Россия ҳукумати режаси билан танишиб чиқди.

Ушбу режага кўра, Украинанинг учта энг йирик шаҳрини сув, электр энергияси ва иситиш тизимидан маҳрум қилиш учун Россияга 70 га яқин баллистик ракета, камида 720 та узоқ масофага учувчи дрон ва 150 та бошқариладиган авиабомба керак бўлади. Россия ҳарбий стратегларининг фикрича, ана шундай жадалликдаги бир ойлик зарбалар оқибатида Украинанинг энергетика тизими вайрон бўлади.

"Украина электр станциялари аввалги ҳужумлар туфайли тўлиқ қувват билан ишлаш қобилиятини йўқотган ва ҳар бир янги зарба уларни тезда ишдан чиқаради. Хусусан, уруш бошланишидан олдин Киевни таъминлайдиган учта ИЭМ умумий қуввати тахминан 1,3 гигаваттни ташкил этган бўлса, ҳозир бу кўрсаткич қарийб 500 мегаваттгача қисқарган. Агар Россиянинг режаси иш берса, Киев, Харкив ва Одесса энергия қувватларининг 90 фоизини йўқотиши, иссиқлик таъминоти 90 фоизга қисқариши билан тўқнаш келиши ва бунинг оқибатида сув таъминоти ҳамда канализация тизимлари фаолиятида узилишлар юзага келиши мумкин", дейилади хабарда.

Россиянинг бу режа амалга ошишига бўлган ишончи кўп жиҳатдан Украинада ҳаво ҳужумидан мудофаа воситалари, биринчи навбатда, Patriot тизимлари учун ракеталар етишмаслиги билан изоҳланади. Уларсиз Украина қуролли кучлари баллистик ракеталардан ҳимояланишга деярли қодир эмас.

"Киев мунтазам равишда таклиф қилаётган энергетика сулҳига Москванинг қандайдир шаклда рози бўлиш эҳтимоли жуда паст. Уларда украиналикларга босим ўтказиш учун қолган ягона ричаг бу ҳаво зарбаларидир. Уларда бошқа ҳеч нарса йўқ", – деди Rasmussen Global консалтинг компанияси директори Гарри Неделку The New York Times нашрига.

"Иқтисодиёт ва тинч аҳоли ҳаётини вайрон қилувчи бундай бомбардимон кампаниялари одатда кутилган таслим бўлишга олиб келмаслигини тарихнинг ўзи кўрсатмоқда. Масалан, америкаликлар худди шундай усул билан Вьетнамда ва 1990—йиллар бошидаги Форс кўрфази урушида, шунингдек, Эронга қарши ҳозирги урушда ўз мақсадларига эриша олмаган", деб ёзади NYT. .

🔥 @burchakostida

🇺🇸 Жей Ди Вэнс 2028 йилда АҚШ президентлиги лавозимига ўз номзодини қўйишни истисно қилмади

Ҳозирда АҚШ вице-президенти сифатида фаолият юритаётган сиёсатчи келажакда бу масалани янада батафсил ўйлаб кўриши кераклигини маълум қилди.

🔥 @burchakostida

🇺🇦🇺🇸🇷🇺 АҚШ Украина билан разведка маълумотларини алмашишни тиклади — Володимир Зеленский

Аввалроқ оммавий ахборот воситалари Қўшма Штатлар агар Украина Россиядаги нефтни қайта ишлаш заводларига зарбаларни тўхтатмайдиган бўлса, Киев билан разведка маълумотлари алмашинувини тўхтатиши ҳақида огоҳлантиргани ҳақида хабар берган эди.

🔥 @burchakostida

🇺🇿🇺🇸🇰🇿🇰🇬🇹🇲🇹🇯 АҚШ давлат котиби Марко Рубио рафиқаси билан Самарқандга етиб келди

Қўшма Штатлар Давлат департаменти раҳбарини Президент администрацияси раҳбари Саида Мирзиёева ва бошқа расмийлар кутиб олди.

Рубио АҚШ ҳамда Марказий Осиё ташқи ишлар вазирларининг C5+1 форматидаги учрашувида иштирок этади.

🔥 @burchakostida

🇺🇦🇺🇸🇷🇺 Трамп “энергетик сулҳ” эълон қилганидан бери Россия Украина энергетика объектларига 76 марта зарба берди — Володимир Зеленский

"АҚШ президенти “энергетик сулҳ” эълон қилган пайтдан бошлаб, Россия Украина энергетикаси ва нефт-газ секторига аллақачон 76 марта мақсадли зарбалар берди. Фақатгина ўтган туннинг ўзида Винница, Житомир, Хмелницкий ва Одесса вилоятларидаги подстанцияларга зарбалар берилди", — деди Украина президенти.

"АҚШ шуни билиши керакки, Россия санкциялар бекор қилинишига ёки келишувлар тузилишига жавобан муросага қараб қадам ташламаяпти. Айнан Россиянинг ушбу позицияси сабабли уруш давом этмоқда, Украина ўзини ҳақли равишда ҳимоя қилаётгани учун эмас", — дея қўшимча қилди Зеленский.

Трамп 11 октябр куни Россия ва Украина “энергетик сулҳ” тўғрисида келишиб олганини эълон қилган эди. Зеленский журналистларга бу унинг учун кутилмаган янгилик бўлганини айтди. Шунга қарамай, у Украина Қуролли кучлари тегишли буйруқларни олганини қўшимча қилди. 15 октябр куни Зеленский Украина Россиянинг нефтни қайта ишлаш заводларига зарба беришни қайта бошлашини, чунки Москва сулҳга амал қилмаётганини маълум қилди.

🔥 @burchakostida

🇺🇸 Трампнинг рейтинги кескин пасайди

The Washington Post нашрининг ABC ва Ipsos томонидан ўтказилган сўровномага таяниб хабар беришича, америкаликларнинг 33 фоизигина Доналд Трампнинг сиёсатини қўллаб-қувватламоқда.

"Трампнинг рейтинги июл ойидан бери 4 фоизга, ўтган йилнинг октябр ойига солиштирганда эса 8 фоизга пасайган. АҚШ Конгрессига бўлиб ўтадиган оралиқ сайловларга икки ҳафта қолган бир пайтда, тобора кўпроқ америкаликлар Демократик партияни қўллаб-қувватлашини билдирмоқда", дейилади хабарда.

🔥 @burchakostida

🇺🇸🇺🇦🇷🇺 Трамп Россияга қарши санкциялар бўйича якуний қарорни 60 кун ичида қабул қилиши мумкин — АҚШ давлат котиби

Марко Рубионинг маълум қилишича, Доналд Трамп Россия билан боғлиқ санкциялар ва бож тарифларини бекор қилиш масаласини якуний тарзда ҳал қилгани йўқ.

Унинг сўзларига кўра, Трамп Россияга қарши санкциялар ва тарифларни жорий этишнинг жаҳон ҳамда АҚШ иқтисодиётига таъсирини таҳлил қилиш учун 60 кунлик муддатдан фойдаланмоқчи.

Трамп 16 октябр куни Россия билан боғлиқ муҳим санкциялар ва тарифларни вақтинча қўлламаслик тўғрисидаги фармонни имзолади. “Жаҳаннам санкциялари” деб номланган ушбу чоралар вафот этган республикачи сенатор Линдси Грэм томонидан илгари сурилган ҳамда ўтган ойда имзоланганди. Ушбу ҳужжат Россия нефти ва газининг йирик импортчиларига нисбатан 100 фоизлик божлар жорий этишни назарда тутади. Шунингдек, унда Россиянинг бошқа маҳсулотларига 500 фоизлик бож қўллаш чораси ҳам кузда тутилган эди. Ушбу чекловлар келаси ҳафтадан кучга кириши керак эди.

🔥 @burchakostida

🇵🇱 Польшада Украина томонидан учиб келган номаълум объект қидирилмоқда

Польша полицияси ва ҳарбийлари Украина чегараси томонидан мамлакат ҳудудига учиб келган номаълум объектни қидирмоқда.

Маълумотларга кўра, объект ҳақидаги дастлабки хабарлар Украина чегараси яқинидаги Окунинка қишлоғидан келиб тушган. Ҳодиса жойида портлаш ёки зарба овози эшитилмаган, вайронагарчиликлар ҳақида ҳам хабар берилмаган. Фақат учиб ўтаётган объектнинг баланд овози эшитилган.

🔥@burchakostida

🇷🇺🇺🇸🇨🇳Путин Трамп ва Си Жинпингга уч томонлама саммит ўтказишни таклиф қилди — WSJ

The Wall Street Journal маълумотига кўра, Россия президенти Владимир Путин 9 октябрь куни Доналд Трамп билан телефон суҳбатида Украинадаги урушни муҳокама қилиш учун уч томонлама учрашув ўтказишни таклиф қилган. Саммитни 18–19 ноябрь кунлари Хитойнинг Шэньчжэнь шаҳридаги АТЭС саммити доирасида ўтказиш режалаштирилган.

Нашр манбаларига кўра, Путин учрашувда дунёни таъсир доираларига бўлиш масаласини муҳокама қилишни кўзлаётган бўлиши мумкин.

Трамп таклифга ҳали расман жавоб бермаган. Хитой эса АҚШ президенти рози бўлган тақдирда учрашувга қарши эмас. Кремль матбуот котиби Дмитрий Песков музокаралар имконияти муҳокама қилинаётганини, аммо сана ва кун тартиби бўйича келишув йўқлигини билдирган.

🔥@burchakostida