🇺🇦🇷🇺Қримда электр ва сув таъминоти чекланади

Қрим раҳбари Сергей Аксёнов яриморолда электр энергияси ва сув таъминотига чекловлар жорий этилишини маълум қилди.

Унинг сўзларига кўра, бунга Украина дронлари ҳужуми оқибатида яриморол ташқарисидаги магистрал электр тармоқларида юз берган авария сабаб бўлган.

🔥@burchakostida

🇺🇦🇺🇸Зеленский: Украина АҚШдан уч ойда атиги 24 та Patriot ракетасини олди

“Биз шикоят қилмаяпмиз, аммо Украина сўнгги уч ойда АҚШдан Patriot тизимлари учун атиги 24 та ракета олди”, — деди Володимир Зеленский.

🔥@burchakostida

🇺🇸Трампнинг фаоллиги Конгресс сайловларида демократларга устунлик бериши мумкин

АҚШ президенти Доналд Трампнинг машҳурлиги бўлажак оралиқ Конгресс сайловларига сезиларли таъсир кўрсатиши мумкин. Бу ҳақда Нью-Йорк шаҳар университети сиёсатшунослик бўйича фахрий профессори Томас Вайс РИА Новости агентлигига маълум қилди.

“У аҳолининг учдан бир қисми орасида ҳамон машҳур ва улар уни ҳар қандай ҳолатда ҳам қўллаб-қувватлайди”, — деди эксперт.

Вайснинг таъкидлашича, республикачилар ва демократлар деярли тенг қўллаб-қувватланадиган штатларда Трампнинг сайловолди кампаниясида фаол иштирок этиши демократларга фойда келтириши мумкин.

🔥@burchakostida

🇺🇸АҚШда республикачилар Россия дизелини импорт қилишни тақиқлашни таклиф қилди

АҚШ Конгрессига Россиядан ёқилғи импорт қилиш бўйича Доналд Трамп келишувини бекор қилишни назарда тутувчи қонун лойиҳаси киритилди.

Ҳужжат АҚШ Молия вазирлиги томонидан берилган импорт лицензиясини бекор қилиш ва Россия энерго ресурсларини импорт қилиш учун янги рухсатномалар беришни тақиқлашни кўзда тутади. Қонун лойиҳаси муаллифлари — республикачилар Брайан Фицпатрик ва унинг икки ҳамкасби.

Шунингдек, лойиҳада АҚШ разведкаси Украинага мудофаани таъминлаш ва йўқотилган ҳудудларни қайтариш учун зарур маълумотларни тақдим этиши белгиланган.

🔥 @burchakostida

🇵🇭 Филиппин Ҳарбий-ҳаво кучларининг иккита самолёти ўқув парвози пайтида тўқнашиб кетди

Хабар берилишича, SF-260 самолётлари Фернандо авиабазасида ҳалокатга учради, бунинг оқибатида оқибатда 4 нафар учувчи ҳалок бўлди.

🔥 @burchakostida

🇺🇦🇺🇸🇷🇺 Украина, АҚШ ва Россия делегациялари ўртасидаги музокараларнинг навбатдаги раунди БАА ёки Швейцарияда ўтказилиши мумкин — Sky News

Телеканал манбаларига кўра, учрашув яқин икки ҳафта ичида бўлиб ўтиши кутилмоқда. Sky News манбаси музокаралардан мақсад келгусида етакчилар даражасида учрашув ташкиллаштириш эканини билдирди. Бироқ бунинг учун ҳали кўп иш қилиниши лозим.

Украина президенти Володимир Зеленский ҳам бу ҳақда баёнот берди. У Россия, Украина ва АҚШ музокарачилари ноябр ойининг биринчи ярмида Абу-Даби шаҳрида техник даражада учрашишга келишиб олганини айтди. Зеленский бу учрашувдан сўнг мамлакат раҳбарларининг учрашуви бўлиб ўтишига умид билдирди.

🔥 @burchakostida

🇺🇦🇷🇺 Украинанинг Россия томонидан босиб олинган ҳудудлари электр таъминотисиз қолди

Россия Энергетика вазирлигининг маълум қилишича, Донецк, Луганск, Запорижжя ва Херсон вилоятларининг бир қисми, шунингдек, Қримда электр таъминоти узилган.

Бунга "ташқи таъсир" сабаб қилиб кўрсатилмоқда. Яъни, катта эҳтимол билан гап Украина дронларининг ҳужумлари ҳақида бормоқда.

Аввалроқ "Таман" нимстанциясига қилинган ҳужумдан сўнг Қримда электр таъминотида узилишлар бўлгани ҳақида хабар берилган эди.

🔥 @burchakostida

🇺🇿🇮🇷🇺🇸 Бир қатор сиёсий мазмундаги баёнотлар ортидан Эрон элчиси Ташқи ишлар вазирлигига чақиртирилди — Ўзбекистон ТИВ

Эроннинг хориждаги дипломатик ваколатхоналари Самарқанднинг тарихий-маданий меросини форс цивилизациясига боғловчи постлар эълон қилганди. Шу сабабли Эрон томонига Ўзбекистоннинг қатъий эътирозини ифодаловчи норозилик нотаси топширилди.

"Бунга Эроннинг айрим хорижий давлатлардаги дипломатик ваколатхоналари томонидан Х ижтимоий тармоғида Самарқанднинг тарихий-маданий меросини бирёқлама ва сиёсий мақсадларда талқин қилувчи материаллар эълон қилингани сабаб бўлди. Учрашувда Эрон элчисига Ўзбекистоннинг қатъий эътирозини ифодаловчи норозилик нотаси топширилди", дейилади ТИВ матбуот хизмати хабарида.

ТИВга кўра, Самарқанд, Бухоро, Хива ва Ўзбекистоннинг бошқа тарихий шаҳарлари мероси кўп асрлар давомида шаклланган бой ва кўп қиррали тарихий-маданий тараққиётнинг ажралмас қисмидир. Самарқанднинг тарихий-маданий қиёфаси ўзбек халқининг кўп асрлик тарихи, давлатчилик анъаналари ва маданий тараққиётини акс эттириши таъкидланган.

Ўзбекистон томони Эрон дипломатик ваколатхоналарининг ижтимоий тармоқлардаги тегишли постларини олиб ташлаш ва келгусида бундай ҳолатлар такрорланишига йўл қўймаслик чораларини кўришни талаб қилган.

Аввалроқ АҚШ давлат котиби Марко Рубио Самарқандга ташрифи давомида Регистон майдонида видеомурожаат эълон қилиб, шаҳарнинг тарихан халқаро савдо ва тижоратдаги муҳим ўрнини таъкидлаганди.

Шундан сўнг Эроннинг Арманистон, Зимбабве ва Болгариядаги элчихоналари Х ижтимоий тармоғида Рубио иштирокидаги сурат ва видеоларни эълон қилиб, Самарқанддаги меъморий обидаларни форс ёки Эрон-ислом цивилизацияси мероси сифатида тақдим этган.

🔥 @burchakostida