BOZORLARDA YONG‘IN XAVFSIZLIGI BO‘YICHA KENG KO‘LAMLI TADBIRLAR O‘TKAZILDI

Buxoro viloyati Favqulodda vaziyatlar boshqarmasining shahar va tuman bo‘limlari tomonidan hududlardagi bozorlar va savdo obyektlarida yong‘in xavfsizligini ta’minlashga qaratilgan keng ko‘lamli tadbirlar amalga oshirildi. Tadbirlar davomida savdo rastalari, omborxonalar va boshqa obyektlarning yong‘in xavfsizligi holati o‘rganilib, aniqlangan kamchiliklarni bartaraf etish bo‘yicha tegishli choralar ko‘rildi.

Shuningdek, yong‘in kelib chiqish xavfini oshiruvchi yonuvchan materiallar belgilangan talablarga muvofiq joylashtirilishi ta’minlandi, savdo hududlarida o‘zboshimchalik bilan yopilgan va xavfsizlik talablariga javob bermaydigan chodirlar hamda konstruksiyalar tartibga keltirildi. Tadbirkor va savdo xodimlariga yong‘in xavfsizligi qoidalariga qat’iy rioya qilish, elektr jihozlaridan to‘g‘ri foydalanish hamda favqulodda vaziyatlarning oldini olish yuzasidan tushuntirishlar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

Buxoroda yong'inlarni o'chirish hamda qutqaruv ishlarini olib borish sohasida amaliy seminar o‘tkazilmoqda

FVV mas’ul xodimlari tomonidan Buxoro viloyati FVB yong'in-qutqaruv bo'linmalari shaxsiy tarkibining yong'inlarni bartaraf etish, qutqaruv ishlarini olib borish borasidagi amaliy ko'nikmalarini mustahkamlash, yong'in-qutqaruv garnizoni va navbatchi smena xizmatini tashkil etish, yong'in-qutqaruv bo'linmalari shaxsiy tarkibining kasbiy, jismoniy, jangovar hamda yong'in-qutqaruv saf tayyorgarligini takomillashtirish hamda xizmat hujjatlarini yuritilishini tartibga keltirish maqsadida nazariy va amaliy seminarlar o‘tkazilmoqda.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw