🟢ROMITANDA KUZ-QISH MAVSUMINI BETALAFOT O‘TKAZISH MASALALARI MUHOKAMA QILINDI

Bugun Romitan tumanidagi 2-son temnikumi binosida tuman hokimi Umedjon Barnoyev boshchiligida kuz-qish mavsumini betalafot o‘tkazish maqsadida yig‘ilish bo‘lib o‘tdi.

Unda tuman prokurori F.Atoyev, tuman hokimi o‘rinbosarlari, huquqni muhofaza qiluvchi organlar, tegishli tashkilot, korxona rahbarlari, barcha mahalla raislari hamda mas’ul tashkilotlar rahbarlari hamda ishtirok etdi.

Yig‘ilishda aholi xonadonlari, ijtimoiy soha obyektlari, ko‘p kvartirali uylar, bozorlar va savdo majmualarida yong‘in xavfsizligi qoidalariga qat’iy rioya etish, elektr energiyasi va tabiiy gaz ta’minoti barqarorligini ta’minlash bo‘yicha amalga oshirilishi lozim bo‘lgan vazifalar muhokama qilindi.

Kuz-qish mavsumida yuzaga kelishi mumkin bo‘lgan favqulodda vaziyatlarning oldini olish maqsadida aholi xonadonlaridagi isitish moslamalari, mo‘rilar va shamollatish kanallarining texnik holatini tekshirish, aniqlangan kamchiliklarni o‘z vaqtida bartaraf etish hamda nosoz elektr va gaz jihozlaridan foydalanishga yo‘l qo‘ymaslik zarurligi tuman rahbari tomonidan ta’kidlandi.

Shuningdek, ta’lim va tibbiyot muassasalarining mavsumga tayyorgarligini ta’minlash, isitish tizimlari va qozonxonalarning sozligini tekshirish, bozorlar hamda savdo majmualarida yong‘in xavfsizligi talablariga rioya etilishini nazorat qilish bo‘yicha tegishli vazifalar belgilandi.

Mahallalarda aholi o‘rtasida tushuntirish va targ‘ibot ishlarini kuchaytirish, is gazidan zaharlanish va yong‘inlarning oldini olish, fuqarolarning xavfsizlik qoidalariga rioya etish borasidagi mas’uliyatini oshirish muhimligi qayd etildi.

@Umed_Barnoyev