⚡️Айгүл Орынбек: Нұрымовтар отбасы өз қайғысымен жападан-жалғыз қалды...

Белгілі заңгер әрі қоғам белсендісі Айгүл Орынбек Талғардағы трагедия кезінде қаза тапқан Шерзат Болаттың ағасының өліміне байланысты DALA INSIDE-қа пікір білдірді. Ол бұл оқиға тек бір отбасының трагедиясы емес, бүкіл қоғамның қабырғасын қайыстырып кетті дейді.

Орынбектің сөзінше, қылмыстық оқиға орын алғаннан кейін, отбасы мүшелеріне ауыр психологиялық салмақ түскен.

"Мұндайда психологтардың көмегі өте маңызды еді. Өкінішке қарай, біздің қоғамда адам өлімі орын алған жерлерде психологтардың жүйелі түрде жұмыс істемеуі күрделі мәселе болып қала береді.

Жас баланың қайтыс болуы отбасының ішкі қарым-қатынасында ауыртпашылық туғызды.

Мұндай жағдайда, “егер сол түні бұлай істемегенде”, “мен кінәлімін” сияқты өзара айыптаулар мен ішкі күйзелістер сөзсіз пайда болады. Осылайша, отбасы мүшелері бір-бірін немесе өздерін кінәлап, жағдайды одан әрі ауырлатуы мүмкін", - дейді заңгер редакция тілшісіне берген жауабында.

Бұл оқиғада, атап айтқанда, мылтықтың ағасының қолында болғаны туралы мәліметтер бар.

"Егер ол оқиға орнына қаруды алып келген болса, оның өзін-өзі кінәлі сезінуі мүмкін. Ішкі кінәлау сезімі оны осындай қадамға итермелеуі ықтимал. Алайда, бұл жағдай тек тергеу барысында толық анықталуы керек.

Дәл қәзір тергеу кезінде қысым жасалған-жасалмағаны туралы сұрақ қоғамда алаңдаушылық тудырады. Егер мұндай жайт орын алған болса, бақылаушы органдар, атап айтқанда прокуратура, бұл жағдайға тиісті құқықтық баға беруі тиіс. Бұл оқиғаның қоғам бақылауында екенін ұмытпаған жөн. Ашықтық пен әділдік принциптері қатаң сақталуы керек", - дейді Айгүл Орынбек.

Заңгер мұндай ауыр жағдайларда отбасына тек адвокаттың емес, психологтардың да көмегі қажет екенін атап өтті.

"Қайғыға душар болған адамдарға кәсіби психологиялық қолдау көрсету олардың ауыр жағдайдан шығуына және қателіктер мен қайталанатын трагедиялардың алдын алуға ықпал етеді. Біз бұл оқиғаны тек қайғы ретінде емес, қоғамдағы маңызды мәселелерді көрсететін жағдай деп қабылдауымыз керек. Отбасыға көмек көрсетіп, тергеудің әділдігіне қол жеткізу - тек құқық қорғау органдарының ғана емес, бүкіл қоғамның міндеті", - дейді Айгүл Орынбек.

Еске салайық, бүгін Алматы облысында Шерзат Болаттың ағасы Нұрқанат Ғайыпбаев өлі табылған еді. Полиция департаментінің алдын ала деректері бойынша, ол суицид жасаған. Оған дәлел ретінде полицейлер Нұрқанаттың туысына мессенджер арқылы жазған хатын жария етті.

Хабарламада ол туысқандарымен қоштасып, жиенінің жанына жерлеуді сұраған. Бұл бойынша қылмыстық іс қозғалды.

Шерзат Болат тарапының адвокаты Саида Тәуекелова жасөспірімнің ағасының өлі табылуына қатысты мәлімдеме жасаған.

Бұған дейін бірқатар телеграм-каналдарда “Шерзат Болаттың ағасы төбелес кезінде қаруды бірінші алып шыққан, сол үшін өзін айыпты сезініп, өз-өзіне қол салған” деген ақпарат тараған-ды.

Адвокат Тәуекелова бұл нұсқаны жоққа шығарып отыр.

“Біз Нұрқанатты өлтіруге оқталу фактісі бойынша тергеу органдарына өтініш жібердік. Күдіктілер Нұрқанатқа дене жарақаттарын келтіріп, 3-4 мәрте жамбасы мен төсіне пышақ сұққан. Аталған әрекеттер адамды өмірінен айыруға тікелей бағытталған, яғни нақты ниетпен жасалған деп есептейміз”, - дейді адвокат.

DALA INSIDE жағдайды бақылауда ұстауда. Бізге тіркелуді ұмытпаңыз👇

https://t.me/dalainside

⚡️ Құпия құжаттың кілтипаны: Есекеев Тоқаевтың атынан бұйрық таратқан ба?

Осындай атпен Exclusive-те жарық көрген мақала DALA INSIDE-тың назарын аударды. Зерттеуде президент кеңесшісі Қуанышбек Есекеевтің Тоқавтың атынан берілгендей етіп таратқан бұйрықтарының заңдылығы мен мақсаттарына күмән келтіріледі. Мақаланы ықшамдап ұсынғанды жөн көрдік...

2024 жылғы 6 желтоқсанда вице-премьер Серік Жұманғарин төрағалық еткен кеңесте тауарларды маркировкалау және олардың қозғалысын бақылау мәселелері қарастырылады.

Бұл жиынға мемлекеттік органдардың өкілдері қатысқан, алайда таңбалауға тікелей тартылған кәсіпкерлер бұл талқылаудан тыс қалған.

Араға үш күн салып «Атамекен» ҰКП төрағасының орынбасары Тимур Жаркенов кәсіпкерлермен кездесіп, вице-премьер кеңесінде талқыланған мәселелерді түсіндірген.

Осы кезде бір қызық жайт анықталған: жиналғандардың ешбірі президент Тоқаевтың тауарларды таңбалау туралы тапсырмасы бар екенін растай алмаған. 2020 жылғы Еуразиялық экономикалық кеңестегі баяндамасынан басқа, ресми құжат табылмаған.

Тек Қуанышбек Есекеевтің қараша айының соңында Тоқаевтың атына жазған қызметтік хаты ғана болған.

«Қазақтелекомның» экс-төрағасы, қазіргі Президент кеңесшісі өз ұсынысында тауарларды таңбалау жүйесін күшейтуді және әкімшілік жауапкершілікті қатаңдатуды ұсынған...және Ресейдің тәжірибесін алға тартқан.

Ол Ресейдегі тәжірибені мысалға келтіре отырып, бұл жүйе арқылы салықтық түсімдердің артқанын және көлеңкелі экономиканың қысқарғанын дәлелдегісі келген.

"Бірақ бұл деректер шынайы нәтижеге сай келмейді. Ресейде таңбалау жүйесі салықтық түсімді арттырғаннан гөрі, тауарларға жалған таңбаларды жаппай сатудың жаңа нарығын қалыптастырды. Ресейдегі кәсіпкерлер бұл жүйеге қарсы петициялар ұйымдастырып, оның бизнесті күйрететінін ашық мәлімдеді", - деді осы тұста жиынға қатысқан сарапшылар.

Бұдан бөлек, Есекеевтің қызметтік жазбасында "кассалық алшақтық" туралы мәселе көтерілген. Алайда, заңгер Айна Қайдарованың айтуынша, "кассалық алшақтық" тек бухгалтерлік есепте қолданылатын термин, оның таңбалау жүйесімен байланысы жоқ. Бұл жерде мәселе нақты салықтық бақылаудың әлсіздігі мен кеден қызметінің жеткіліксіз жұмысында жатыр.

Сонымен қатар, Есекеев қызметтік жазбасында "кейбір кәсіпкерлер тауарларды шикізат ретінде декларациялау арқылы таңбалаудан жалтаруда" деген пікір білдірген.

"Бірақ бұл мәселе импорттаушыларға емес, кеден қызметіне бағытталуы тиіс. Кейбір деректерде таңбалау жүйесінің шығындары шағын және орта бизнес үшін айтарлықтай ауыртпалық туғызатыны анықталған. Таңбалау шығындарына байланысты көптеген кәсіпкерлердің бизнесі тоқтап қалу қаупі бар", - дейді осы Exclusive.

Президент Тоқаев 2020 жылы Еуразиялық экономикалық кеңесте тауарларды таңбалауға қатысты абай болуға шақырып, бұл үдерістің бизнеске теріс әсерін ескерткен еді. Соған қарамастан, таңбалау міндетін белсенді түрде енгізу жалғасып келеді. Бұл шараның артында кімдердің пайда көретіні жайлы сұрақ туындайды.

❗️Exclusive-тің жазғанындай таңбалау жүйесінің жалғыз операторы ретінде «Қазақтелеком» компаниясы бекітілген.

Кәсіпкерлердің айтуынша, таңбалау жүйесінің басты мақсаты көлеңкелі экономиканы қысқарту емес, монополиялық құрылымдардың мүддесін қорғау. Бұл жүйе арқылы түскен қаражат мемлекет емес, жеке компаниялардың шотына ауып жатыр.

Бизнесмендердің пікірінше, Президенттің 2020 жылғы ескертулері мен монополияны жою туралы тапсырмаларын ескере отырып, таңбалау саясаты қайта бағалануы керек. Ең бастысы бұл үдерістің артында кімдер пайда көріп отырғанын қоғам ашық білуі тиіс.

DALA INSIDE жағдайды бақылауда ұстауда. Бізге тіркелуді ұмытпаңыз👇

https://t.me/dalainside

🔥 "Өзге Қазақстан" операциясы: Шерзат ісінен екінші Қаңтар жасаудың әрекеттері басталды

Ескі Қазақстанның олигархтары мен ықпалды шенеуіктерінің биылғы мамыр айынан бері «Өзге Қазақстан» атты бейресми жасырын ұйым құрып, бір жерге топтаса бастағанын жазған болатынбыз. Олардың идеологтары Талғардағы Шерзат ісін триггер ретінде алып, 16 желтоқсан күні жастарды көтеру үшін Тик-ток пен Инстаграм желісінде "За Шерзата" кампаниясын бастады. Кампанияға 300 миллион теңгедей қаржы бөлінген.

"Координаторлар штабы жұмыс бағытын екіге бөлді. Фронталды топ активистерден құралған. Олар аудиториясы үлкен блогерлер, әншілер мен танымал адамдарды "отписка" жасаймыз деп бопсалап, Шерзат ісіне қатысты пікір білдіруге итермелеуде. Оларға ертеңге дейін дедлайн қойылған. Ал екінші бэк-офис программистер мен монтаж мамандарынан тұрады. Олар әлеуметтік желілерге Қаңтар оқиғасындағы, Астана-Челси футбол матчындағы жанкүйерлер маршының видеоларын монтаждап, адамдар Шерзат ісіне қатысты жиналуда деп келтіріп, дезинформация жасауда", - дейді, DALA INSIDE дереккөзі.

"Өзге Қазақстан" жасырын ұйымының белсенділігі қазан айынан бері күрт артты. Қазір олардың қолында кемінде 500 белсенді аккаунт жинақтап отырған кәсіби ботоферма бар. Негізгі электораты жастар және кәсіподақтар болып табылады.

Соңғы уақытта «Өзге Қазақстан» ірі кәсіпорындардағы кәсіподақтармен астыртын байланысын күшейткенін жазған болатынбыз. Егер қаладағы тик-ток жастар көтерілсе, ізін ала әлеуметтік талап қойған жұмысшыларды көтеру жоспары да болуы мүмкін. Моноқалалар мен ірі кәсіпорындарда кемінде екі миллион адамнан асатын топ бар. Бұл үлкен күш.

Мәскеудегі Путин мен Назарбаев кездесуінің 16 желтоқсанға үш күн қалғанда өтуі де тегін емес.

DALA INSIDE бұл бағытты үнемі назарда ұстап отырады. Бізге жазылып алыңыздар 👇

https://t.me/dalainside

⚽ Қош бол, Черчесов. Жаңа президент қазақ футболына революция жасамақ

Бүгін Қазақстан футбол федерациясының жаңа президенті болып Марат Омаров сайланды. Ол туралы инсайдты біз өткен айда берген болатынбыз.

"Марат Омаров келесі аптада футболдан ұлттық құрама бас бапкері Станислав Черчесовты орнынан алады. Оның контрактындағы өтемақыны (шамамен 1 миллион доллар) меценат Тимур Турлов өз қалтасынан төлеуі мүмкін", - дейді, DALA INSIDE дереккөзі.

Жаңа президент құрама бапкері ретінде Нұрбол Жұмасқалиевті көріп отырған сияқты. Жұмасқалиев қазір "Тобыл" футбол клубын жаттықтырады және бапкер ретінде мықты тәжірибе жинады. Талғат Байсуфиновқа қарағанда Жұмасқалиевтің психологиялық аурасы мықты. Ол ойыншыларға тиімді мотивация бере алады.

Футбол федерациясын басқаратын Марат Омаров бір жағынан Бәсекелестікті қорғау агенттігінің басшысы. Ол енді агенттіктен кете ме, жоқ па, ол жағы белгісіз. Марат Омаров кезінде кәдімгідей кәсіби деңгейде футбол ойнаған.

Қазақ футболының толық тазалауға ұшырайтынын осының алдында жазған едік. Клубтарда тиын жасап жүрген агенттер мен функционерлер жаппай тексеріле бастады. Антикор мен Қаржы мониторингі агенттігі футбол спецификасын түсінетін консультанттар тауып, мәселені аяғына дейін жеткізбек. ФИФА рейтингінде Қазақстан Тәжікстан мен Суданнан қалып қалғандықтан, құраманы жаңа деңгейге жеткізу бойынша үлкен жоспар қабылданып отыр.

Қойылған міндет - тез арада 2026 жылғы Әлем чемпионатының іріктеу ойындарына дайындықты бастау. Марат Омаровқа барлық қажетті жағдай жасалатын болады. Бастысы, ол нәтиже көрсетуі керек.

Футбол жаңалықтарынан қалыс қалмаңыз👇

https://t.me/dalainside

🛬 Қара жәшікке талас: Астанаға Баку мен Мәскеу қоңыраулары жиіледі

Ақтау маңындағы әуе апатынан кейін "қара жәшік" маңайындағы ойындар басталды. Сарапшыларда ұшаққа Грозный маңындағы Наур ауданында тұрған әуе қорғаныс жүйесінің зымыраны әсер етті деген күдік бар. Олай болып жатса Кавказдағы ең үлкен ел Әзірбайжан Ресеймен контактыларын барынша азайтуы мүмкін. Және Ресейге халықаралық әуе рейстері қысқаратыны анық.

"Қара жәшік осы сұрақтарға жауап бере алады. Әзірбайжан тарапы расшифровканың барлық кезеңдеріне қатысып, тергеудің барынша шынайы өтуіне мүдделі. Олар ұшаққа соққының қайдан келгенін анықтағысы келеді", - дейді, DALA INSIDE дереккөзі.

Қазақстан бұл іске халықаралық сарапшыларды тартып, зерттеудің ашық болуын қалап отыр. Себебі, әлем қауымдастығы осы жағдайға көз тігуде. Бүгін Ақтауға Embraer өндірушісі мен Бразиялияның CENIPA орталығының мамандары ұшып келді. Және бұл іске негізгі халықаралық орган - ИКАО тартылуы тиіс.

"Қазақстанға барынша халықаралық сарапшыларды тартып, өзі нейтралды позицияда қалу тиімді. Кремльдің саяси ойындарына араласып кетпеу керек. Астана оны жақсы түсінеді", - дейді, дереккөз.

Енді ұшақ апатына қатысты түрлі спекуляциялар басталатын болады. DALA INSIDE мәселені жіті бақылап отырмақ👇

https://t.me/dalainside

🔥 Үкіметтің кеңейтілген отырысында батыл шешімдер айтылмақ

Президент Үкіметтің кеңейтілген отырысында экономикалық даму қарқынын сынап, Үкіметті батыл қадамдарға шақыратын болады.

"Экономика 4,5 пайызға өсіп, инфляция 8,6% деңгейіне төмендесе де, бұл жеткіліксіз деп қабылданып отыр. Отырыстан кейін не оған дейін кадрлық ауыс-түйістер болуы ықтимал", - дейді, DALA INSIDE дереккөзі.

Тығырыққа тіреп тұрғаны - экономика өсім көрсетуі үшін біздегі кәсіпорындар мен бизнеске түрлі жеңілдіктер жасап, қаржылай қолдау беру керек. Оны бюджет дефициті жағдайында іске асыру қиындап барады.

"Кеңейтілген отырыста жаңа вектор анықталады. Батыл реформа айтылуы да ғажап емес", - дейді дереккөз.

DALA INSIDE отырыс барысын бақылап отырмақ. Бізге жазылып алыңыздар 👇

https://t.me/dalainside

💸 Плюс 3,2 триллион теңге – минус 2,7 миллиард доллар. Ұлттық Қор парадоксы

Қаржы министрлігі 2024 жыл бойынша Ұлттық қордың кассалық есебін жариялады. 2024 жылдың басында Ұлттық Қорда 29,85 триллон теңгеге шақ активтер болған. Ол кездегі 454,56 бағамымен есептегенде, валютада сома 65,67 миллиард доллар болды. Бір жыл көлемінде Ұлттық Қорға 8,8 триллион теңге түсіп, бюджет қажеттілігі үшін 5,6 триллион теңге алынған. Сонда Ұлттық Қор теңгелей 3,2 триллион теңгеге толығып, 2025 жылдың басында кассада 33,06 триллион теңге жатты.

Алайда, биылғы жылдың басында доллардың ресми бағамы 525,11 болғанын ескерсек, доллармен Ұлттық Қор активтері 62,96 миллиардқа шығып тұр. Сонда біз теңгемен өскенімен, доллармен санағанда кері кетіп барамыз.

Және Қаржы министрлігі Ұлттық Қор шығыны есебіне бюджетті қаржыландыру үшін сатып алынған 467,4 миллиард теңгені қоспағандығын ескеру керек. Сонда жалпы алғанда Ұлттық Қордан бюджетке 6 триллион теңгедей қаржы алынғанын байқауға болады. Бұрын-соңды, тіпті пандемия кезінде мұндай қаржы жаратылмаған болатын.

Үкіметке Ұлттық Қор активтерін алдағы жылдары 100 миллиард долларға дейін жеткізу міндеті қойылған. Оны орындау үшін трансферттерді азайтып, керісінше табысты көбейту керек.

https://t.me/dalainside

🇲🇫🇰🇿 Француздар Қазақстанға мұқтаж болып отыр

Францияның түрлі компаниялары қазақ-француз дипломатиялық серпілісін пайдалануға ниетті. Қазір екі ел басшылары – Қасым-Жомарт Тоқаев пен Эммануэль Макрон арасында өзара сенім мен түсіністік аурасы орнап, ол инвестиция және бизнеске өз жемісін беруде.

"Қазақстанның еліміздегі барлық салаларға инвестиция құюға шақырғанын, оның ішінде перспективасы мол геологиялық барлау, метал өңдеу салалары бар екенін француздың іскер қауымдастығы қызу талқылап жатыр", - дейді, DALA INSIDE дереккөзі.

Араларында көп ретте бос тұрған Қазақстанның инвестициялық нарығына тез жетейік деген компаниялар да пайда болды. Мысалы, француздың Imerys компаниясы сирек минералдарға қатысты стратегиялық жоспарларын жүзеге асыру үшін Астанадан қолдау іздеуде. Олардың басшылығы былтыр Қазақстан Президендінің Парижге мемлекеттік сапары аясындағы іскерлік кездесулерге қатысқан екен.

Ал 5 қарашада Imerys компаниясының бас директоры Алессандро Дацца француз-казақ инвестициялары жөніндегі дөңгелек үстелде Alstom, Vicat, Airbus Group, Orano, Air Liquide, TotalEnergies және EDF компанияларымен бір қатарда отырған. Ол кезде Қазақстан делегациясын Сауда және өнеркәсіп министрі Қанат Шарлапаев пен Энергетика министрі Алмасадам Сәтқалиев бастап алып келген.

Бір сөзбен айтқанда Imerys Қазақстанға инвестор ретінде келіп, біздегі сирек металдарды өндіру, қайта өңдеу және барлау жұмыстарын жүргізгісі келеді. Оның қадамын басқа француз ойыншылары да бақылап отыр.

Бірақ еліміздің сирек металдар бойынша нарығы АҚШ алпауыттарының да назарында екенін ұмытпауымыз керек. Егер барлау бойынша қандай да бір позитивті жаңалықтар пайда болса, қазақ жеріне америка инвестициялары ағылуға дайын.

Қазақстан 2025 жылы тікелей инвестицияларға аса зәру болып отыр. Себебі, бұл мәселеде біз 2024 жылы ақсаңдап қалдық. Геология, барлау, сирек металдар сынды бағыттар арқылы елімізге мол инвестиция тарту мүмкіндігі бар. Биыл дипломатияны пайдаланып, инвестиция ағынын молайтатын боламыз.

https://t.me/dalainside

💵 «Ақ» пен «Көк» доллар проблемасы. Қазақстан оны шеше ала ма?

Оңтүстік-Шығыс Азия мен Африка елдері, әсіресе Тайланд, Вьетнам мен Египетке саяхаттап баратын туристер ондағы валюта айырбастау бекеттерінде долларға қатысты түрлі бағамдарға тап болуда. Бұл елдерде 2013 жылдан бері басылған, жаңа дизайндағы, көк түсті доллардың бағамы қымбат әрі тиімді болады да, ескі ақ банкноттағы доллардың құны төмендеу келеді.

Осыған қатысты, қазір елімізде валюта айырбастау бекеттері мен банктерде доллар сатып алатын отандастарымыз жаңа көк банкнотаны талап етуде. Ақ долларды ешкім алғысы келмейді. Тиісінше ақ доллар жинақталып, көк доллар дефициті сезіле бастады. Бұл проблеманы шешу үшін біздегі біршама жекеменшік қаржы ұйымдары ақ доллар қабылдауға шамамен 2% комиссия орнатқан.

Теңгемен мұндай проблема болса, оны Ұлттық Банк эмиссия орталығы ретінде тез шешіп тастар еді. Бірақ долларды АҚШ-тағы Федералды резерв жүйесі басады. Біздің монетарлы органдар доллардың банкнотасына қатысты жағдайға бақылау орната алмайды.

Жалпы бізде доллар банкнотасының ескілігіне қатысты проблема жоқ еді. АҚШ өз кезегінде тіпті 110 жыл бұрын басылған доллар банкнотасын заңды ақша құралы деп табады және қабылдай береді. «АҚШ ескі банкноттарды мойындаудан бас тартады» деген жел сөз жыл сайын пайда болса да, ФРС тарапынан ешқашан бұған қатысты ресми мәлімдеме жасалған емес.

Тайланд, Вьетнам, Мысыр сынды елдердің қаржы ұйымдарында доллардың барлық дизайндағы валютасының жалған/растығын тексеру жүйесі әлсіз. Олар соңғы жабдықтарын жаңалағанда, тек көк долларды анықтай алатын құрылғыларға иек артқан болатын. Тиісінше, әлемнен миллиондаған турист ағылып, түрлі дизайн мен номиналдағы доллар сағат сайын келіп жатқандықтан, жалған ақша айналымынан қорғану үшін «көк доллар сенімді, ал ақ доллар сенімсіз» деген ұғым қалыптасқан. Доллар бағамының банкнота дизайнына байланысты бекітіліп жатқаны да сол себептен.

Демек, ақ пен көк доллар проблемасын біздің шетелге саяхаттайтын туристер әкеліп отыр. Оның масштабы ұлғая беретін болса, Ұлттық Банк бір реттік шара аясында банктер мен қаржы ұйымдарына ақ долларды АҚШ-қа жіберіп, оны көк долларға ауыстрып алуға рұқсат беруі мүмкін. Сол кезде елдегі барлық ақ доллардан құтылып алу керек.

https://t.me/dalainside

⚖️ Инфляция VS алтын-валюта қоры. Ертең Қазақстан "Айна" операциясын бастамақ

Осы аптада Ұлттық Банк экономиканың қызып бара жатқанын мойындады. Мұндай жағдайда инфляция өршіп кетуі тиіс. Себебі айналымдағы теңге массасы мен біз нақты шығаратын тауар мен қызмет көлемі сәйкес келмейді. Экономикада басы артық теңге көп. Осы проблеманы шешу үшін Ұлттық Банк алтын операцияларында "айна" режиміне көшетін болды.

Бұл нені білдіреді? Енді не болады? Оған дейін жағдай қандай еді?

Қазақстандағы алтын компаниялары жылына орта есеппен 130 тонна Доре құймасын өндіреді. Доре деген - құрамында 70% алтын бар қорытпа. Оны слитокке айналдыру үшін, ол аффинаж, яғни тазарту, қалыпқа құю процесінен өтеді. Астана қаласында осындай аффинаж зауыты бар. Ол Цюрих мен Лондон халықаралық бағалы металдар биржаларының сертификатын алған. Осы зауытта жасалған слиткалар әлемдік нарықта еркін сатыла алады.

Заң бойынша қазақ жерінен алтын өндіретін компаниялар, осы Доре құймаларының барлығын Ұлттық Банкке ғана сатуы тиіс. Өздері шетелге сата алмайды. Ұлттық Банк өзі бекіткен баға бойынша теңгемен Дорені сатып алады. Ары қарай аффинаж жасап, слиткаларды әлемдік биржаларда валютаға сатады. Біраз бөлігін өзінің алтын-валюта қорына тығып қояды. Ал кәсіпорындардан Дорені сатып алатын теңгені Ұлттық Банк станокты қосып, қағазға басып шығарып келген. Осы арқылы қарапайым айтсақ, ауадан ақша жасап, алтын-валюта қорын 45,8 миллиард долларға дейін жеткізіп алды. Оның 23,8 миллиард доллары алтын слиткалары түрінде сақталып жатыр.

Бұл мемлекеттің қаржылық қауіпсіздігі үшін жаман емес еді. Бірақ алтын үшін жаңағы басып шығарған триллиондаған теңгелер экономикадағы артық ақша массасын көбейтіп, қыздырып жатыр. Енді салқындату үшін алтын сатудан түскен долларлар жинақталмай, Қазақстан қор биржасында теңгеге айырбасталатын болады. Ол теңге кәсіпорындарға Доре құймасы үшін төленіп отырмақ. Яғни алтын сатып алу үшін теңге бұдан былай станокта басып шығарылмайтын болады. Сол арқылы артық ақша массасы азаюы тиіс.

Осы конверттеу инфляцияны ауыздықтаумен бірге теңге бағамына үлкен көмек болмақ. Тағы да 2-3 миллиард доллар биржа арқылы өтсе, доллар курсы сабасына түседі. "Айна" операциясымен қатар арнайы валюта режимінің іске қосылатынын есепке алсақ, онда ақпан айынан бастап теңгенің қайта күшейіп, инфляцияның азаюын көруіміз тиіс.

USGS жариялайтын алтын өндіретін елдер рейтингінде Қазақстан 6-шы орында. 2023 жылы біз 130 тонна алтын өндірдік. Қазір біздің жерімізде шамамен 20 мың тонна алтын қоры бар. Ол 25-30 жылға жетеді деп шамаланған.

https://t.me/dalainside

🛢️ SOCAR тілін табу. Мұнай жоспарына Ақтауда құлаған ұшақ көмектесе ме?

Қазақстан биыл Баку-Тбилиси-Жейхан құбыры арқылы 20 миллион тонна мұнай жөнелтуді жоспарлап отыр. Бұл өткен жылғы 1,4 миллион тоннадан 13 есе көп. Осы арқылы еліміздің Ресей аумағы арқылы жүретін КТК құбырына тәуелділігі біршама төмендемек.

Былтыр еліміз 68 миллион тонна мұнайды экспортқа шығарды. Оның 56 миллион тоннасы КТК құбыры арқылы жөнелтілді. Алайда Ресейге санкциялардың күшеюі мен украин дрондарының Новороссийскідегі терминалды зақымдау тәуекелі артып барады. Осындай кезде тек КТК-ға тәуелді болып қалмау үшін Қазақстан тасымал қуаты бойынша шамалас Баку-Тбилиси-Жейхан құбырына иек артқан болатын.

Осы мақсатта еліміз 2023 жылы Каспий аумағында мұнай таситын танкерлер сатып алды. Олар біздің Каспийдегі кен орындарынан шыққан мұнайды тиеп, теңізбен Әзірбайжанға жеткізіп, ондағы БТЖ жүйесіне құюы тиіс.

Осы ретте, БТЖ құбырына операторлық ететін Әзірбайжанның SOCAR мемлекеттік мұнай-газ компаниясы қазақ мұнайын көп көлемде қабылдауға қарсылық білдіргендей еді. Себебі KEBCO сортты мұнайдың күкірті көбірек және БТЖ құбырларына салмақ түсіреді.

Алайда Қазақстан Ақтауда құлаған AZAL ұшағына қатысты кәсіби қимылдағандықтан, Бакуден мұнай компаниясына қазақ бауырларды ренжітпеу туралы пәрмен түскен. Осының арқасында БТЖ-ға қанша мұнай тиегіміз келсе де бізге жол ашылды.

https://t.me/dalainside

🇰🇿🤝🇨🇳 Чуньлин дәуірі: Қазақ - Қытай дипломатиясы жаңа векторды таңдай ма?

Мемлекет басшысы Қасым-Жомарт Тоқаев Қытай Халық Республикасының Қазақстандағы жаңадан тағайындалған елшісі Хань Чуньлинді қабылдады. Президент "Қазақстан Қытай Халық Республикасымен жан-жақты стратегиялық ынтымақтастықты одан әрі тереңдетуге айрықша мән береді" деді. Бейжіннің Хань Чуньлин сынды бәсі биік тұлғаны Қазақстанға жібергені тегін емес. Қытай Қазақстанның экономика мен инфрақұрылымдық алып жобаларда сенімді серік болатынына нақты сенген тәрізді.

Хань Чуньлин - инвестициялық типті елшілерге жатады. Ол бизнес процестерге жақын, қаржы, сауда, экономика, құрылыс салаларында еркін жүзеді. Және Қазақстанға оның Қытаймен байланысы қарқынды дамып жатқан уақытта келді.

Соңғы 6 жылда Қазақстан мен Қытай басшылары жеті рет өзара сапар алмасқан. Қазақстан "Біртұтас Қытай" саясатын қатаң ұстанатынын, Тайванды мойындамайтынын Бейжіңге нақты мәлімдеп, компартияны қатты қуантқан еді. Қытайдың Астанаға саяси сенімі жоғары. Олар сенсе ғана инвестиция салатын халық.

Өткен жылы екі ел арасындағы тауар айналымы рекорд орнатып, 40 миллиард АҚШ долларынан асты. Қытай Қазақстанның ең ірі сауда серіктесі болып отыр. Былтыр Сиань қаласындағы көлік-логистикалық терминал ресми түрде жұмыс істей бастады. Қазақстан арқылы өтетін Қытай-Еуропа жүк пойыздарының саны 10 мыңнан асып, бұл көрсеткіш 2023 жылмен салыстырғанда 20 күн бұрын орындалды.

Екі мемлекет сауда-экономикалық ынтымақтастық бағдарламасын жүзеге асырудың Жол картасын орындап, экономика мен сауда, инвестиция, өндіріс және энергетика сияқты дәстүрлі салалардағы ынтымақтастықты тереңдетіп келеді. Транскаспий халықаралық көлік дәлізі мен үшінші қытай-қазақ шекаралық темір жолының құрылысын жеделдетуге күш салуда.

Хань Чуньлин осыған жаңа леп бергісі келеді. Одан бөлек атом саласында да қазақ-қытай әріптестігі орнауы ғажап емес. Себебі уран өндіру мен оны байытуда екі ел мықты байланыс жасап отыр. Қазақстан қазір Қытайдағы бүкіл АЭС-терге уран таблеткасын әзірлеп, экспортқа жіберіп отыр.

Қытайлық компаниялардың Қазақстанда алапат күн электр станциясын салатын жоспары туралы ақпарат бар. Чуньлин дәуірінде осындай мегажобаларды көретін сияқтымыз.

https://t.me/dalainside

Shares.com – ыңғайлы және түсінікті сауда платформасы!

👉 Shares.com платформасы трейдерлерге қажет шешімдер негізінде әзірленген. Біз акциялармен сенімді сауда жасауға керек барлық құралдарды ұсынамыз. Платформамыз көптеген марапаттарға ие болды және Trustpilot сайтының "өте жақсы" деген бағасын алды.

ЫҢҒАЙЛЫ ПЛАТФОРМА ЖӘНЕ МОБИЛЬДІ ҚОСЫМША
Платформа мен мобильді қосымша жаңа функциялармен үнемі толықтырылып, сізге сенімді сауда жасауға мүмкіндік береді.

КЕҢ НАРЫҚ
Сауда нарығында 3000 + құрал бар. Оның ішінде иелік етпей-ақ индекстер, акциялар және криптовалюталар бойынша деривативтерді саудалаңыз.

ТӘУЕКЕЛ ЖОҚ
Капиталыңызға қауіп төндірмей, тәжірибені жетілдіру үшін тегін демо-шот ашыңыз.

ШЫНАЙЫ ЖӘНЕ БӘСЕКЕГЕ ҚАБІЛЕТТІ БАҒА
Жасырын комиссиясыз айқын баға белгілеу – барлық шығындарды түсініп сауда жасауыңызға мүмкіндік береді.

ТРЕЙДЕРЛЕР ТРЕЙДЕРЛЕР ҮШІН ЖАСАҒАН
Біз қазіргі зерттеулерді, терең деректер талдауын және ерекше инсайттарды пайдалана отырып, клиенттерімізді үнемі дамуға ынталандыратын өнімдерді әзірлейміз.

НАРЫҚТЫ МЕҢГЕРУ
Инновациялық технологиялар, қызықты оқу материалдары және ерекше сауда инсайттарының дұрыс үйлесімі сізге сауда саласында шынайы тәжірибе алуға көмектеседі. Сіз тәжірибелі трейдер болсаңыз да, енді бастаған болсаңыз да, біз сіздің дағдыларыңызды жетілдіруге және сенімді сауда жасауға қажетті құралдарды ұсынамыз.

Оңай және маңызды қадамдар:

1. Shares.com мобильді қосымшасын жүктеп, жаңа аккаунт тіркеңіз (қосымша iOS және Android платформаларында қолжетімді).
2. Верификациядан өтіңіз.
3. Алғашқы сауда жасаңыз.
4. Shares.com платформасы туралы достарыңызға айтыңыз.
5. Біздің Telegram және Discord қауымдастықтарына қосылыңыз.
6. Сауда жасауды жалғастырыңыз! 🚀

Инвестор болуға дайынсыз ба?

Онда шақыру сілтемесін басып, трейдинг әлеміне келіңіз!

Маңызды! Деривативтер – бұл левереджді қолдануға байланысты қаражатты тез жоғалту қаупі жоғары күрделі құралдар. Жеке инвесторлардың 82,12%-ы сауда кезінде қаражат жоғалтады. Деривативтердің қалай жұмыс істейтінін және ақшаны жоғалту қаупін көтере алатыныңызды түсіну деңгейіңізді бағалауыңыз қажет.
Бұл материал тек ақпараттық мақсатта ұсынылған және ешқандай өнімдерді немесе бағалы қағаздарды сатып алуға немесе сатуға ұсыныс болып табылмайды. Берілген ақпараттың дәлдігі мен толықтығы кепілдендірілмейді.
«Инвестициялық зерттеу» ретінде түсінуге болатын ақпарат тәуелсіз зерттеулердің талаптарына сәйкес дайындалмаған және маркетингтік коммуникация ретінде қарастырылады.

#sharescom #trading #investing

👉 @sharescomofficial

⛽ Төрт компрессор: Теңізден 34,7 миллион тонна мұнай алу Қазақстанға не береді?

Қазақстандағы ең ірі мұнай компаниясы болып табылатын Теңізшевройл Болашақ кеңейту жобасының алғашқы нәтижелерін көре бастады. Осы жоба өзінің толық қуатына жеткен уақыттан бастап, Қазақстан күніне 1 миллион баррель мұнай өндіретін болады. Былтыр Теңіз кенішінен 27,8 млн тонна мұнай алынса, биыл кеңейтудің арқасында 34,7 млн тонна мұнай шықпақ. Бұл - 253,3 миллион баррель KEBCO сортты мұнай. Нарықтағы қазіргі бағасы 19 миллиард доллардан асар еді.

Былтыр Қазақстан барлық кен орындарын есепке алғанда 87,7 миллион тонна мұнай немесе 640 миллион баррель мұнай өндірді. Ол оның алдында межеленген жоспардан аз болып шықты. Биылға 96,2 млн тонна мұнай (505 мың баррель) деген жоспар қойылып отыр. Өсімнің негізгі бөлігін Теңіз кеніші қамтамасыз етуі тиіс.

Chevron компаниясы Теңіздің ПБР-ПУУД жобасы іске қосылғаннан кейін, 2025 жылы «Теңізшевройлдың» таза ақшалай ағыны 8 миллиард АҚШ долларын, ал 2026 жылдан бастап 10 миллиард долларды құрайды деп болжайды.

Қазақстан биыл көбірек мұнай өндіретіні анық. Бірақ әлемдің нарықтарда мұнай бағасының түсіп кету қаупі осы өндірістің артуын, кеңейту жобасына салынған инвестицияның қайтуын қиындатуы мүмкін. АҚШ президенті Дональд Трамп пен ОПЕК қандай қимылға барары да белгісіз. Трамп мұнай бағасын тек ОПЕК арқылы түсіре алады. Бірақ ОПЕК+ келісімі кезінде мұнай бағасын арзандатпай ұстап тұру үшін мұнай өндіру көлемін шектеуге бағытталған еді. ОПЕК АҚШ айтты деп өз бағытын 180 градусқа өзгерте ме? Ол жағын ешкім тап басып біле алмады.

Қазақстан барынша көп мұнай өндіріп, одан көбірек пайда табуға ниетті. Себебі, жылда қайталанатын бюджеттік дефицит Ұлттық Қор қазынасын айтарлықтай жүдетіп тастаған болатын. Мұнай өндіру көлемінің артуын пайдаланып, Ұлттық Қорды кемінде 10 миллиард долларға толтырып қою қажет.

ТШО – Қазақстанның негізгі үміті болып отыр. Кеңейту жобасының аясында 4 компрессор қойылып, 5 газотурбинді генератор орнатылған. Үкімет олар істен шықпай, тұрақты түрде қысым болса деп армандайды.

Бір нәрсе анық – Қазақстан ТШО кеңеюі жобасынан пайда көру үшін әлемдік нарықта мұнай бағасы барреліне 70 доллардан түспеу қажет. Себебі, биыл фьючерстер құлайтын болса, ел бюджеті ауыр жағдайда қалады.

https://t.me/dalainside

🇰🇿 Қазақстан 2025: экономикалық картина толық өзгермек

Мемлекет басшысының қатысуымен өткен Үкіметтің кеңейтілген отырысында "Қазақстан өзінің қаржылық проблемаларын қалай шешеді?" деген басты сұрақ қаралып, оның шешімдері айтылды.

Бюджеттің негізгі кіріс бөлігі салық екенін ескерсек, осы бағытта үлкен проблемалар байқалған еді. Мысалы, былтыр республикалық бюджетке 12,3 триллион теңге салық жиналды. Ол жоспардан аз болып шықты. Тіпті жоспар орындалғанда да, бюджет шығындары кірістен тез өсуде. Ол дефициттің бақылпусыз ұлғаюына алып келіп, Ұлттық Қорға қауіп төндіре бастады.

Үкімет осы мәселені шешу үшін қосымша құн салығы институтын толық жаңғыртып, ҚҚС ставкасын 20 пайызға арттырып, оған ілінудің шегін 15 миллион теңгеге дейін түсірмек. Дәл осыдан кейін, Қазақстандағы кәсіпкерлердің тек 4%-ы төлеп келген қосымша құн салығының ауқымы кемінде 60% үлесті алатын болады. Бұл бюджетке кемінде 7 триллион теңге алып келмек. Ұлттық қордан алынып жүрген қаржыны жаба алады.

Қазақстан фискалды қатаң саясат режиміне ауысуда. Себебі, мемлекеттік қаржы мен қарызда проблемалар күшейген, стангнациялық белгілер бар. Етек-жеңді жинау арқылы ғана ел даму жолына түсе алады.

Экономикалық сарапшылар бүгінгі отырыстағы шешімдерге оптимизммен қарап отыр. Патернализм, масылдық философия азаюы тиіс. Және жиналған ресурстардың әділ үлестірілуіне қатысты халық тарапынан талап күшейетін болады. Мұны жаңа қоғамдық келісім-шарт деп атауға да келеді.

Тек Үкімет осы шараларды тезірек жүзеге асыруы керек. Ол үшін Парламент популизмін қысқартып, конвейер режиміне ауыстыру көзделіп отыр.

https://t.me/dalainside

🫰🤙 НДС бойынша саудаласу келесі аптада басталмақ

Үкімет қосымша құн салығына қатысты ұсынысын кәсіпкерлер палатасы мен түрлі одақтар арасында талқылап алады. Белсенді диалог келесі аптадан басталмақ. Онымен бірге, халыққа осы мәселені түсіндіру бойынша барлық ресурстар жұмылуда. Бір сөзбен айтқанда, келесі апта қызу өтпек.

"Үкімет сауданың қиын өтетінін болатынын түсінеді. Екі жақ та берісуге дайын емес. Қосымша құн салығының ставкасы кәсіпкерлермен сауда барысында 20 пайыздан біршама түсетіні анық. Мүмкін 17-18 пайыз шамасында тұрақтар", - дейді, DALA INSIDE дереккөзі.

Ал шағын және орта бизнес өкілдерімен қосымша құн салығының шегі туралы нағыз шайқас күтіп тұр. Үкімет оны 15 миллионға дейін түсіру туралы ұсыныс берген болатын. Кәсіпкерлер 40 миллион теңге шегін қорғап көрмек.

"Атамекен" палатасы кәсіпкерлерге керек пе деген сұрақтың жауабын биыл алатын боламыз. Себебі Үкімет НДС бойынша палатаны сындырып тастаса, онда көптеген кәсіпкерлер Атамекеннен теріс айналмақ.

"Ой, жестко болайын деп тұр" деп, түйіндеді дереккөз.

Түсінікті себептермен Үкіметке салық арқылы қосымша 6-7 трилллион теңге жинау керек. Қосымша құн салығын өсіруден басқа резерв қалмаған. Басқа амал табылмаса, Ұлттық Қордағы валюта 10 жылдың ішінде таусылатын болады. Кәсіпкерлер өз кезегінде қазіргі комфортты жағдайдан айрылғысы жоқ.

Шахматтағы пат жағдайы туындады. Екі жақ та сәл компромиске келмесе кеш болады.

https://t.me/dalainside

🇺🇲✂️ Минус Сорос, минус USAID. Қазақстанда АҚШ грантын жеп жүргендер нансыз отыр

Бір апта бұрын АҚШ президенті Дональд Трамп әкімшілігі федералды гранттар беруді тоқтатып, басқа елдерде жұмыс істейтін қаптаған гуманитарлық, ақпараттық бағдарламаларына аудит жүргізе бастады. Бюджет және басқару басқармасының (OMB) мәліметінше ең алдымен Ақ үй бұл бағдарламалардың Трамп идеологиясымен қаншалықты сәйкес келетінін анықтамақ. Одан кейін сыртқы қаржыландырудағы жемқорлық тексерілуі тиіс. Үшінші елдерге бөлінген миллиардтаған доллар гранттарды үлестіру барысында түрлі жемқорлық орын алды ма деген тергеу жүргізілетін болады.

Кеше қаржыландырусыз қалған USAID өз сайтын жауып тастады. Ондағы бөлім басшылары "әкімшілік отпускке" жіберіле бастаған. Трамп USAID тәуелсіз агенттік емес, Мемлекеттік департаменттің еншілес құрылымы болуы керек деген райда. Оған демократтар қарсы болып отыр. Бірақ Конгрестегі көпшілік республикандықтардың қолында болғандықтан, демократтар Трампқа қарсы дым істей алмайды.

Жыл сайын USAID Джордж бен Алекс Соростың қорларына 50 миллиард доллар бөліп жүрді. Сорос ол ақшаға түрлі өңірлердегі демократия, адам құқығы, билікпен күрес бағыттарына грант бөліп, белсенділерді оқытып келген болатын. Биылға аударылуы тиіс қаржы паузаға қойылғандықтан, гранттардың тағдыры белгісіз болып тұр.

"Қазір Қазақстанда Соростың журналистерді ағылшынша оқыту, жоспардан тыс жүктіліктің алдын алу, жергілікті тендерлерге мониторинг жүргізу бағдарламалары тоқтады. "Оян, Қазақстан" оппозициялық жастар қозғалысы ақшасыз отыр. Олар да көпке бармайды", - дейді, DALA INSIDE дереккөзі.

Бізде медиа, тәуелсіз контент әзірлеу, әлеуметтік медиа жобалар бағытында USAID гранттарының көбін Internews ұйымы игеріп келген болатын. Қазір коммерциалық емес ұйым былтырғы бюджеттен қалған қаржымен отыр. USAID кететін болса, Internews бағдарламалары 60 пайызға дейін қысқаруы мүмкін.

"Азаттық радиолары желісіне транш аудару мәселесі шешілмеді. Олар USAID емес, USAGM (АҚШ Жаһандық медиа агенттігі) арқылы, Конгрес шешімімен қаржыландырылады. Биылғы транш көлемі қысқарады деген қауіп бар. Егер Азаттық радиосының жер-жерлердегі басшылығы "біз миссиямызды орындадық" деген сарында сөйлей бастаса, демек сол елдегі өкілдігі көп ұзамай жабылады деп түсінуіміз керек", - дейді, дереккөз.

Оның айтуынша, Азаттықтың Орталық Азия бойынша блогында биылғы жартыжылдықта өзгерістер бола қоймайды. 2025 жылдың екінші жартысында оптимизация бойынша шешімдер қарастырылуы мүмкін.

Дональд Трамп дәуіріндегі Америка "жаһандық демократия мен еркіндік идеясының бесігі" символынан арылғысы келетінін байқаймыз. Оның орнына Трамп "қуатты, білегі мығым ұлы держава" деген ұстаным беруде. АҚШ енді баяғыдай еркіндік аумағы, бәріне тең мүмкіндік беретін әділетті ел емес, өзіне қарсы тұрғанды жайпайтын, әскери және материалды күші тасып тұрған алып империя.

Трамп өзіне керек емес дүниеге ақша жаратпайтын капиталист тұлға. Оған демократия керек емес болғандықтан, енді Ақ үй демократия деген абстрактылы идеяға доллар шығындамайтыны анық. Бролигарх Илон Маск тізгінін ұстаған Тиімділікті арттыру департаменті (DOGЕ) осы аптада Қаржы министрлігінің транзакцияларын тексеру және тоқтату функциясына қол жеткізді. Қандай шетелдік ұйым қалай қаржыландырылғаны жасанды интеллект көмегімен зерттелетін болады. Илон Маск транзакцияларды күніне 4 миллиард долларға қысқартуға ниетті.

Гүлге су құйса ғана өсетіні сияқты, демократия да доллар құйса ғана өсетін қасиетін байқатқан болатын. Енді доллар жоқ.

https://t.me/dalainside

Bereke Bank Women in Tech Global-дың ресми серіктесі атанды


Bereke Bank Women in Tech Global ұйымымен серіктестік туралы келісімге қол қойды және Осака қаласында (Жапония) өтетін «Women in Tech Global» саммитіне қатысатын қазақстандық делегацияның ресми демеушісі атанды. 60 астам мемлекеттің мамандары бас қосатын саммитке қатысу қазақстандықтардың технология саласындағы жетістіктерін көрсетудің бірегей мүмкіндігі болмақ.

https://dalanews.kz/kz/article/bereke-bank-women-in-tech-global-din-resmy-seriktesi-atandi-1.html

* серіктестік материал

💰🏳️‍🌈 Ояну қымбаттаған, ЛГБТ болу да арзан емес

Қазақстандағы USAID шабадандарын жинап, есігін жапқаны белгілі. Қазір осы ұйым бізде не істеді, қандай жобаларды атқарды деген сұрақтарға жауап ізделіп жатыр. Біздегі USAID көбіне өзінің білім қолжетімділігін арттыру мен денсаулық сақтау саласындағы игі жобаларын көбірек көрсетіп, осыны істеп жатырмыз деп жарнамалап келді. Бірақ бұл ұйымның жария қылмай, үнсіз жасаған басқа бағыттағы біршама көлеңкелі жұмыстары да бар.

Телеграм арналарда жарияланып жатқан Қазақстандағы USAID қызметінің нәтижелеріне арналған роликте біздегі митингке шығу, ояну, феминизм пен ЛГБТ құқығын қорғаудың доллармен шаққандағы нақты ақшалай құны көрсетіледі. USAID бұл ролик біздікі деп ресми верификация жасаған жоқ. Онда «Oyan, Qazaqstan» сынды жастардың оппозициялық жобасына 5 миллион доллар, феминистерге 3 миллион доллар, адам құқығын қорғаушыларға 9 миллион доллар қаржы бөлінгені көрсетілген. Жынысын қызға ауыстырған трансгендер жігіттердің қымбат операциялары да қаржыландырылған.

«Қаржы көлеміне байланысты ештеңе айта алмаймын. Ол транзакцияларды тексеру оңай емес. Алайда жалпы еліміздегі көптеген билікке қарсы қозғалыстар, жастардың феминистік және ЛГБТ топтары USAID агенттігімен етене жұмыс істегені жасырын емес. Келесі аптада осы жобаларға қатысты біраз материалдар жарияланатын болады», - дейді, DALA INSIDE дереккөзі.

Енді АҚШ сырт айналғандықтан Қазақстандағы ЛГБТ қауымдастық Еуропалық Одаққа үміт артып отыр. Дереккөздің айтуынша, кешеден бастап қазақтың белсенді гейлері мен лесбианкалары кәрі құрлықтағы түрлі қорлар мен адам құқығын қорғау жөніндегі ұйымдарға хат жолдай бастады. Онда Феминита мен ЛГБТ хартиясының жұмысы тұралап қалмауы үшін материалды көмек көрсету бойынша өтініш айтылады.

«Біздегі ЛГБТ-ның негізгі тірегі АҚШ еді. Еуропа ондай жұмысқа қатты араласқан жоқ. Және ондағы қорлардың Орталық Азияға қатысты нақты стратегиясы жоқ. Тек Ұлыбритания ғана көмек қолын созуы мүмкін. Бірақ баяғыдай Американың кезіндегідей миллиондаған доллар деген әңгіме болмайды. Еуропа бұл жағына келгенде өте сараң», - дейді, дереккөз.

Қазақстандағы демократия, адам құқықтары, феминизм мен ЛГБТ қозғалыстары тек доллардың күшімен өмір сүріп келгені білініп қалды. Сондықтан бұл нағыз энтузиазм ба, әлде есебі мығым бизнес жоба ма, оны анықтау қиын. Бірнеше дереккөз «келесі аптаны күтіңіздер» деген сигнал берді.

https://t.me/dalainside