ИШХОНАДА ОРТИБ ҚОЛГАН ОЗИҚ-ОВҚАТЛАР
#ҳалол_ҳаром

❓1852-САВОЛ: Мен ишлаб чиқаришда ишлайман ва ўша ерда ташкил қилинган тушлигимиздан ортиб қолган нонларни шеригим уйига олиб кетади. Унинг шу иши тўғрими?

💬 ЖАВОБ: Бу ердаги ортиб қолган таом ва нонлар ишлаб чиқариш эгаларининг мулки ҳисобланади. Чунки тушликни улар ташкил этади. Агар улар ортиб қолган нон ва таомларни олиб кетишга тўғридан-тўғри ёки ишора билан розилик билдирган бўлсалар, олиб кетиш жоиз бўлади. Акс ҳолда эса мумкин бўлмайди. Пайғамбаримиз соллаллоҳу алайҳи васаллам:
“Мусулмон кишининг моли бошқага ҳалол эмас, фақатгина ўзи рози бўлиб, кўнглидан чиқариб берсагина, (ҳалол бўлади)”, деб марҳамат қилганлар. (Имом Аҳмад ривояти). Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 15 Сентябрь душанба

🔗 Яқинларингизга ҳам эслатинг: @diniysavollar

МАСЖИДДА ҚАЗО НАМОЗ ЎҚИШ МУМКИНМИ?
#намоз

❓1853-САВОЛ: Масжидга вақтлироқ борган киши намоз ўқилгунга қадар қазо намозларини ўқиб туриши мумкинми?

💬 ЖАВОБ: Бисмиллаҳир Роҳманир Роҳим. Қазо намозларини нафл намоз ўқиш мумкин бўлмаган вақтларда, яъни бомдод вақтида ва асрдан кейин масжидда, одамлар олдида ўқимаслик тавсия қилинади. Агар ўқимоқчи бўлса, одамлар кўрмайдиган жойда ўқигани яхши. Чунки бу вақтларда нафл намозини адо этиш ман этилган. Бундан эса унинг қазо намозини адо этаётгани маълум бўлиб қолади. Натижада бу инсон ўз хатоларини ошкор қилиб қўйган ҳисобланади. Чунки намознинг қазо бўлиши гуноҳ бўлиб, Аллоҳ таоло эса уни беркитган эди.
Аммо нафл намозлар ўқиш мумкин бўлган вақтларда, яъни шомдан кейин, хуфтондан кейин ва пешиндан аввал ва кейин масжидда қазо намоз ўқиш мумкин. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​МУДДАТИ НОМАЪЛУМ САФАРДАГИ НАМОЗ
#намоз

❓1854-САВОЛ: Биз чет давлатга ишлашга келганмиз. Ҳозирда шу жойда ишлаш бўйича рухсатнома учун ҳужжат топшириб қўйганмиз. Рухсатнома келгандан кейин бошқа шаҳарга ишлаш учун кетамиз. Рухсатнома неча кунда чиқиши маълум эмас. Унгача намозларимизни қандай ўқиймиз?

💬 ЖАВОБ: Бисмиллаҳир Роҳманир Роҳим. Рухсатнома чиқиши номаълум бўлса, мусофир ҳисобланасиз ва ушбу муддат қанча чўзилишидан қатъий назар намозларингизни қаср қилиб ўқийсизлар. Лекин рухсатнома берувчи томон “Рухсатнома ўн беш ёки ундан кўп муддатда чиқади”, деб чиқишининг энг кам муддатини аниқ қилиб айтса ва сизлар ана шу муддатнинг ҳаммасини мана шу шаҳардан бошқасига кетмай кутсангизлар, муқим бўлиб, намозни тўлиқ ўқишни бошлайсизлар. Чунки бир жойда ўн беш кун муддат туришни ният қилган бўласизлар. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 16 Сентябрь сешанба

🔗 Яқинларингизга ҳам эслатинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 17 Сентябрь чоршанба

🔗 Яқинларингизга ҳам эслатинг: @diniysavollar

ҲАЙВОННИ ҚОЧИРИШГА ҲАҚ ОЛИШ
#ҳалол_ҳаром

❓1855-САВОЛ: Сигирларни пул эвазига қочиртириш мумкинми?

💬 ЖАВОБ: Бисмиллаҳир Роҳманир Роҳим. Урғочи ҳайвонларни маълум ҳақ эвазига новвосга қўйиш фиқҳий жиҳатдан ижара ҳисобланади. Уламолар бу ишни ножоиз деганлар ва ўз фатволарига қуйидаги ҳадисни далил қилганлар:
Ибн Умар розияллоҳу анҳумодан ривоят қилинади: “Набий соллаллоҳу алайҳи васаллам ҳайвонни қочириш (учун ҳақ олиш)дан қайтардилар”. (Имом Бухорий, Насоий, Аҳмад, Термизий ва бошқалар ривоят қилган). Чунки бу иш номаълум нарса эвазига ҳақ олиш ҳисобланади.
Агар мазкур иш ҳеч қандай тўловсиз амалга оширилса, эркак ҳайвон эгасига ажр бўлади. Чунки бу ишда инсонларнинг ризқу-рўзи бўлган чорва ҳайвонлар наслининг давомийлиги бор. Ёки урғочи ҳайвоннинг эгаси аввалдан келишув қилмасдан кўнглидан чиқариб, бирор нарсани берса, жоиз ҳисобланади. Имом Термизий Анас ибн Моликдан ривоят қилган ҳадисда бундай дейилади: Набий алайҳиссалом ҳайвонни қочириш (учун ҳақ олиш)дан қайтарганларида бир киши эй Аллоҳнинг Расули биз эркак ҳайвонларни қочиришга бериб турамиз ва улар бизга кўнгилларидан чиққанини беришади, деди. Шунда Набий алайҳиссалом ушбу ҳадяни олишга рухсат бердилар. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 18 Сентябрь пайшанба

🔗 Яқинларингизга ҳам эслатинг: @diniysavollar

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1447 | 19 Сентябрь жума

🔗 Яқинларингизга ҳам эслатинг: @diniysavollar