#duo #hadis #sunnat

РАСУЛУЛЛОҲ ﷺНИНГ ДУОЛАРИДАН

اللَّهُمَّ إِنِّي أَسْأَلُكَ مِنَ الْخَيْرِ كُلِّهِ عَاجِلِهِ وَآجِلِهِ مَا عَلِمْتُ مِنْهُ وَمَا لَمْ أَعْلَمْ وَأَعُوذُ بِكَ مِنَ الشَّرِّ كُلِّهِ عَاجِلِهِ وَآجِلِهِ مَا عَلِمْتُ مِنْهُ وَمَا لَمْ أَعْلَمْ

Ўқилиши: Аллоҳумма инний асалука минал хойри куллиҳии ъаажилиҳи ва аажилиҳи, маа ъалимту минҳу ва маа лам аълам.

Ва аъуузу бика минаш шарри куллиҳи, ъаажилиҳии ва аажилиҳии, маа ъалимту минҳу ва маа лам аълам.

Маъноси: Аллоҳим Сендан барча яхшиликларни сўрайман — мен билган ва билмаган, яқин орада келадиган (дунёдаги) ва кейинроқ келадиган (охиратдаги) барча яхшиликларни.

Сендан барча ёмонликлардан паноҳ тилайман — мен билган ва билмаган, яқин орада келадиган ва кейинроқ келадиган барча ёмонликлардан.

Дўстларингизга ҳам улашинг:

https://t.me/diyonatli

#Bosh_imom_minbari 

ЖОН ТОПШИРАЁТГАН ОДАМНИНГ ОРЗУСИ

Дониёр домла Икромов
Тошкент вилояти бош имом-хатиби

https://t.me/diyonatli

#Ҳадис

Пайғамбаримиз Муҳаммад соллаллоҳу алайҳи ва саллам инсониятни қуйидаги ҳадиси шарифлари орқали зинодан тийилишга чақирганлар: “Кўзлар ҳам зино қилади, қулоқлар ҳам зино қилади, тил ҳам зино қилади… қалб орзу қилади ва истайди, кейин буни фарж тасдиқлайди ёки инкор қилади” (Имом Бухорий ва Имом Муслим ривояти).

Дўстларингизга ҳам улашинг:

https://t.me/diyonatli

#САВОЛ_ЖАВОБЛАР

БАЛИҚ ОВЛАШ МУМКИН БЎЛМАГАН КУН БОРМИ?

САВОЛ: Бир дўстим ҳафтанинг шанба кунида балиқ тутиб бўлмайди, деди. Ҳақиқатдан ҳам шундайми? Шу масаланинг ҳукмини баён қилиб берсангиз.

ЖАВОБ: Бисмиллаҳир Роҳманир Роҳим. Балиқ овлаш бутун ҳафта давомида мумкин бўлиб, ҳеч қайси кунда ов қилиш тақиқланмаган. Қуръони Каримда шанба куни балиқ овлашни тақиқлаш ҳақидаги ҳукм фақат Бани Исроил учун эди ва бу уларнинг ўзлари ибодат учун танлаган кунни ҳурмат қилишлари ёки қилмасликларини синаш учун эди, лекин бу қавм итоатсизликлари сабаб бу имтиҳондан ўта олмадилар. Бу тақиқ биз – Муҳаммад соллаллоҳу алайҳи васаллам умматлари учун эмас.

Аллоҳ таоло Қуръони каримда уларнинг қиссасини шундай келтирган:
“Улардан денгиз соҳилида бўлган қишлоқ ҳақида, шанба кунида ҳаддан ошганлари, шанбалик кунларида балиқлари очиқ келиб, шанбалик қилмаган кунлари келмагани ҳақида сўра. Қилган фосиқликлари туфайли уларни шундай синаймиз”. Аъроф сураси, 163-оят.

Бани Исроилнинг талабларига биноан ҳафтанинг шанба куни улар учун байрам, дам олиш куни қилиб белгиланди. Шу куни уларга ишлаш ва тирикчиликка машғул бўлиш ҳаром қилинди. Соҳил бўйидаги мазкур қишлоқда яҳудийлар учун катта синов бўлди. Чунки балиқлар айнан шанба куни соҳил яқинига келиб, инсонларнинг кўзларини ўйнатиб юрар эди. Бошқа кунлари эса бирорта ҳам балиқ кўринмасди. Шунда Бани Исроилдан баъзилари чидаб тура олмай ман қилинган амрни бузган эди. Шу тариқа улар синовдан ўта олмаганлар. Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:

https://t.me/diyonatli