#xabar #hamkorlik
🇺🇿🤝🇪🇬ЎЗБЕКИСТОН ВА МИСР: ИДОРАЛАРАРО ИШЧИ ГУРУҲНИНГ 1-ҚЎШМА ЙИҒИЛИШИ БЎЛИБ ЎТДИ

⏺Ўзбекистон Республикаси Президенти Администрацияси Диний-маърифий масалалар бўйича департаментининг бошлиғи, Ўзбекистон халқаро исломшунослик академияси ректори Музаффар Камилов, Дин ишлари бўйича қўмита раисининг биринчи ўринбосари, профессор Даврон Махсудов, Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, шунингдек, Имом Мотуридий халқаро илмий-тадқиқот маркази ва Ўзбекистон халқаро исломшунослик академияси масъул ходимларидан иборат Ўзбекистон делегацияси Миср Араб Республикасида хизмат сафарида бўлиб турибди.

💬 Дастлаб Музаффар Камилов бошчилигидаги Ўзбекистон делегацияси “Ал-Азҳар” мажмуаси раҳбари ўринбосари, бош имом ўринбосари ва Ислом тадқиқотлари академияси бош котиби Доктор Муҳаммад Абдурраҳмон ад-Дувайний билан учрашув ўтказди. Унда “Ал-Азҳар” мажмуаси раиси ва “Ал-Азҳар” битирувчилари бутунжаҳон ташкилоти кенгаши раиси ўринбосари доктор Салама Довуд, Ислом тадқиқотлари академияси бош котиби Доктор Муҳаммад ал-Жундий ва бир қатор давлат арбоблари ҳамда Ўзбекистоннинг Мисрдаги элчихонаси вакиллари иштирок этди.

📚 Учрашувда икки давлат ўртасидаги илмий тадқиқот соҳасидаги ҳамкорликни кучайтириш масалалари муҳокама қилинди.

📁 Музаффар Камилов ад-Дувайний билан ўзбекистонлик талабаларни Ал-Азҳарга қабул қилишни осонлаштириш мақсадида таълим, тарғибот ва ўқитиш, талабалар ва профессор-ўқитувчилар алмашинуви, қўшма илмий дастурларни ташкил этиш ва Ўзбекистондаги таълим сертификатига тенглаштирилиши соҳаларида ҳамкорликни кучайтириш йўлларини муҳокама қилди.

⏺Шунингдек, Имом Мотуридий илмий меросини биргаликда тадқиқ этиш, экстремизмга қарши курашда ўзаро тажриба алмашиш ва биргаликда илмий анжуманлар ташкил этиш масалалари кўриб чиқилди.

✅ Музокаралар якунида белгиланган вазифаларни амалга ошириш бўйича махсус ишчи гуруҳнинг хулосалари соҳа мутасаддиларига тақдим этиши белгиланди.

✅ Ўзбекистон мусулмонлари идораси
Матбуот хизмати

Дўстларингизга ҳам улашинг:

https://t.me/diyonatli

#xabar #hamkorlik
🗣ЎЗБЕКИСТОН ВА МИСР ДИНИЙ-МАЪРИФИЙ СОҲАДАГИ ҲАМКОРЛИГИ ЯНГИ БОСҚИЧГА КЎТАРИЛМОҚДА

📍Миср сафари доирасида Ўзбекистон Республикаси Президенти Администрацияси Диний-маърифий масалалар бўйича департаментининг бошлиғи, Ўзбекистон халқаро исломшунослик академияси ректори Музаффар Камилов, Дин ишлари бўйича қўмита раисининг биринчи ўринбосари, профессор Даврон Махсудов, Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ва бошқа соҳа масъул ходимларидан иборат Ўзбекистон делегацияси Миср Бош имоми, “Ал-Азҳар” мажмуаси раҳбари Шайх Аҳмад Тоййиб билан учрашув ўтказди. Унда “Ал-Азҳар” катта олимлар кенгаши аъзоси Ҳасан Маҳмуд Шофеъий ва Ўзбекистоннинг Мисрдаги элчиси Мансур Қиличев ҳам иштирок этди.

💬 Мулоқотда Шайх Аҳмад Тоййиб Ўзбекистон Президенти Шавкат Мирзиёевнинг икки давлат ўртасидаги илмий ва тарғибот алоқаларини мустаҳкамлашдаги саъй-ҳаракатларини юқори баҳолаб, Ўзбекистондаги илмий марказлар билан ҳамкорликда “Ал-Азҳар” таркибида Имом Бухорий марказини ташкил этиш ва буюк аждодларимиз меросини биргаликда тадқиқ этишга тайёрлигини маълум қилди.

✅Ўз навбатида Ўзбекистон делегацияси самимий қабул учун ташаккур билдириб, мазкур учрашув янги имкониятлар эшигини очишини ҳамда қўшма лойиҳаларни амалга ошириш бўйича тузилган “Йўл харитаси” тузилгани айни муддао эканини таъкидлади.

🤝

Мазкур сафар давомида

Ўзбекистон делегацияси Миср Вақф вазири, профессор

Усома Саййид Азҳарий

билан ҳам учрашиб, икки мамлакат ўртасидаги асрий тарихий ва маънавий ришталарни мустаҳкамлаш масалаларини муҳокама қилди.

❔Учрашувда вақф мулкларини бошқариш, ижтимоий ҳимоя тизимларини ривожлантириш ва экстремизмга қарши маърифий курашиш борасида ўзаро тажриба алмашилди.

⏺Мулоқотлар якунида томонлар белгиланган йўналишлар бўйича қўшма ишчи гуруҳ тузиш ва кенг қамровли ҳамкорлик меморандумини ишлаб чиқишга келишиб олдилар.

😎 Мулоқотлар дўстона ва самимий руҳда ўтди.

✅ Ўзбекистон мусулмонлари идораси
Матбуот хизмати

Дўстларингизга ҳам улашинг:

https://t.me/diyonatli