⚡️Ұлттық компаниядағы кофе мен интрига: Тоқаевтың сабырын сарқыған «Самұрық-Қазына»

Президент Тоқаев ұлттық компаниялардағы кейбір қызметкерлердің жұмысын қатаң сынға алды деп хабарлайды Ertenmedia.kz.

Үкіметтің кеңейтілген отырысында Мемлекет басшысы экономикаға сапалы инвестиция тарту және жоғары технологиялы өндіріс құру мәселесіне ерекше тоқталды. Осы тұста Тоқаев «Бәйтерек» холдингінің инвест компанияға айналуы белгілі бір себеппен жүзеге асқанын атап өтті. Дегенмен холдингтің нарықтағы ықпалы артса да, жеке бастамаларды тежеп, кәсіпкерлердің жолын бөгеуге жол берілмеуі керек.

Дәл осы ескерту «Самұрық-Қазына» қорының жұмысына да қатысты айтылды.

Тоқаев не дейді?

«Мен ұлттық компаниялар мен «Самұрық-Қазына» қорының басшыларымен ашық әңгіме өткіздім. Бұлардың құрылымын қайта қарап, басқарушылық лауазымда отырған артық қызметкерлерден арылу қажет.

Әсіресе, сол жағалаудағы кеңселерде жұмыс істейтін, бірақ нақты міндеті жоқ адамдар көп. Түскі уақытта қонақүй мен мейрамханаларды кезіп, шай мен кофе ішіп, терлеп-тепшіп, пікір таластырып отыратын осы бір топты бәріңіз де көріп жүрсіздер.

Қолы бос болғандықтан, интернетте бос әңгімеге араласып, күмәнді пікірталасқа да қатысады. Олар дауыс беруге қалай араласады, қандай шешім қабылдайды ол бөлек мәселе. Бірақ маған бәрі белгілі, түсінікті. Ашық айтайын, мұның соңы жақсылыққа әкелмейді», – деді Тоқаев.

Бұдан бөлек…

Сонымен қатар президент инфляция деңгейі тұрақталып, төмендей бастаған сәттен бастап, нарықтық механизмді күшейтуге басымдық берілуі тиіс екеніне тоқталды. Даму институттары бизнес және қаржы секторымен бәсекеге түспей, өзара тиімді әріптестік орнатуға міндетті.

Айта кетелік, Үкіметтің кеңейтілген отырысында Тоқаевқа есеп берген Бектенов қыруар қаржыны үнемдеп қалғанын мәлімдеген еді.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Жапаровтың жұмбақ мәлімдемесі: Бішкектегі «мығым тандем» неге бұзылды...

Қырғызстан президенті елдің Ұлттық қауіпсіздік мемлекеттік комитетінің (ҰҚМК) төрағасы Қамшыбек Тәшиевті қызметінен босатты деп хабарлайды Ertenmedia.kz.

Қырғыз мемлекеті басшысының ресми сайтында жарияланған ақпаратқа сәйкес, Жапаровтың бұйрығы Конституцияның маңызды бабына негізделген. Комитет төрағасының міндетін уақытша атқарушы болып Жұмғалбек Шабданбеков тағайындалды. Енді оның кандидатурасын Жогорку Кенеш мақұлдауы тиіс.

Кейін президенттің баспасөз қызметі Жапаровтың шешіміне мотив болған түсініктемесін жариялады.

"Шешімнің негізгі мақсаты мемлекет тұрақтылығын қамтамасыз ету, қоғамның және мемлекеттік құрылымдардың арасында алауыздықтың алдын алу. Бізге дәл қазір бірлікті нығайту қажет", – деп мәлімдеген екен Жапаров.

Қамшыбек Тәшиев Ұлттық қауіпсіздік комитетінің төрағасы болып 2020 жылдың қазан айында тағайындалған. Оны әлгі орынға отырғызған да Жапаровтың өзі-тұғын.

Жапаров-Тәшиев тандемі қалай қалыптасты?

Екі саясаткердің байланысы сонау 2010-шы жылдан бастау алады. Саяси алаңда бір позицияны ұстанған Жапаров пен Тәшиев 2012 жылғы қылмыстық іс бойынша да қатар айыпталған.

«Қырғызстандағы ең мығым әрі беделді одақтың бірі саналды. 2020 жылдың қазан оқиғасынан кейін екеуінің тандемі тіпті күшейіп, билік құрылымына айналды. Жапаров ел тізгінін ұстаса, Тәшиев күштік құрылымның ең ықпалды тұлғасына айналып шыға келді. Тандемді елдегі ең берік саяси дует ретінде бағалап келген едік. Соңғы кадрлық өзгеріс билік балансының бұзылғанын білдіретін белгі", — дейді осы тұста қырғыз медиасы.

Соңғы кезде саяси ортада комитет басшысының алдағы президенттік сайлауға дайындалып жатқаны туралы сыбыс тараған. Тәшиевтің өзі науқанға қатыспайтынын, Жапаровтың жолын бөгемейтінін мәлімдеген-тін.

ҰҚМК төрағасы міндетін уақытша атқарушы болып тағайындалған Жұмғалбек Шабданбеков әлгі Тәшиевтің орынбасары және осы мекеменің 9-қызметінің басшысы қызметін атқарған.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️30 мың жалған анықтама: Тоқаев мал шаруашылығы саласында тәртіп орнатуды тапсырды...

Президент Тоқаев ауыл шаруашылығын қолдаудың қазіргі жүйесін сынға алып, саланы жаңаша ұйымдастыруды тапсырды деп хабарлайды Ertenmedia.kz.

Үкіметтің кеңейтілген отырысында Мемлекет басшысы шаруаларды жаңа үлгідегі кооперативтерге біріктіруді қолға алу қажеттігін айтты. Ол үшін батыл әрі жүйелі шешімдер керек.

Осы бағытта 1 қыркүйекке дейін ауыл шаруашылығы кооперациясы туралы жаңа заң жобасы әзірленуі тиіс. Президенттің пікірінше, мемлекеттік қолдаудың ашықтығы артып, көлеңкелі тұстары жойылғанда ғана субсидия тиімді игеріледі.

Сондықтан субсидиялау жүйесін толық цифрландырып, шаруалардың жауапкершілігін нақты бақылауға алу маңызды.

Мал шаруашылығын тұрақты дамытудың басты шарты ветеринария қызметінің сапасын арттыру. Тоқаев саланың тым артта қалғанын жасырмады. Елдегі 170 зертхананың тек 30-ы ғана халықаралық стандартқа сай жұмыс істеп отыр. Ет сапасы?

Ең сорақысы, соңғы үш жылда малға екпе салынды деген жалған құжат саны 30 мыңнан асқан.

Президент салада тәртіп орнатуды қатаң тапсырып, Бектеновке ветеринарияны дамытудың кешенді бағдарламасын 3 ай ішінде әзірлеуді міндеттеді.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Ресейден қуылды, Қазақстанда сотталуы мүмкін: Сабыровқа қатысты тың мәлімет тарады...

Атышулы әзілкеш Нұрлан Сабыров тағы да дау ортасында. Күні кеше Мәскеуге кіре алмай, елге қайтып келген комик ресейлік баскесерлерге қолдау білдіргені үшін ұзақ жылға сотталуы мүмкін деп хабарлайды Ertenmedia.kz.

Танымал заңгер Бауыржан Оңғаровтың мәлім еткеніндей, Сабыровқа қатысты Қылмыстық кодекстің «жалдамалы жендеттік» туралы 170-бап 1-тармағы бойынша қылмыстық іс қозғалуы мүмкін. Бұл бап бойынша айыпталушыға 7 жылдан 12 жылға дейінгі аралықта жаза тағайындалады.

Заңгердің айтуынша, ресейлік «Уағнер» жеке әскери жасағына қаржылай және материалды қолдау көрсеткен Сабыровтың әрекеті әлгі баптың талабына толық сәйкес келеді әрі қылмысы толық дәлелденген.

Жақында әлемжеліде Сабыровтың Украин жерінде небір зұлымдық жасаған «Уағнер Истра» жасақтарына 10 мотоцикл сыйлаған сәті тарап кеткен еді. Бұдан бөлек комик соғысқа арналған қорға 2 млн рүбл аударған. Тіпті әлгілерге «жеңіспен оралуды» тілеген сәті де анық көрінеді.

Алғаш рет видео ресейлік телеграм арналарда тараған. Сабыровтың айналасындағы шу күшейгесін ролик дереу өшірілген екен. Таспаны тексеріп шыққан Factcheck порталы оның шынайы екенін растап отыр.

Комиктің Қазақстанға қайтып келгеніне жергілікті қауым да аса бір қуанып отырған жоқ. Қазақтілді аудитория оның қазақ тілі туралы айтқан орынсыз әзілдерін бетіне басуда.

Айта кетейік, Сабыровқа Ресейге кіруге 50 жылға тыйым салынған. Ресейде оның тапқан табысы 50 миллион рүблден асып кеткен.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Генерал жағына өтіңдер: Жапаровқа қарсы операцияның мән-жайы белгілі болды...

Қырғыз билігінің ең жоғары эшелонында «төңкеріске ұқсас» ауыс-түйіс болды. Президент Жапаров Ұлттық қауіпсіздік комитетінің басшысы Қамшыбек Тәшиевті орнынан қозғады деп жазады Ertenmedia.kz.

Қамшеке қызметтен алынғанын немістің Мүнхен қаласында жүріп естіген екен. Сол жерде жүрегіне жасалған отаға байланысты медтексерістен өтіп жатыпты.

«Бішкектегі дереккөздің мәліметінше, Жапаровтың шалт жүрісіне Тәшиевпен арадағы ұрыс-керіс себеп болған. Телефон арқылы тілдескен тандем бір-біріне ауыр сөз айтса керек», - дейді осы тұста саясаттанушы Аркадий Дубнов.

Президенттің маңайы әуелде әлгі шешімді «елді, мем.құрылымдарды екіге жармау» мақсатымен түсіндірген. Арада екі сағат өткесін Жапаров командасы басқа аргументті ортаға салды.

Айтуынша, Тәшиевке бағынышты топ оның атынан депутаттарға, басқа да ықпалды тұлғаларға қоңырау соғып, «генерал жағына өтіңдер» деген мазмұнда үгіт жүргізген.

Жапаровтың өзі осы туралы: «Олар біраз адамды қолқалап, «генерал жағына шығыңдар, мынаған қол қойыңдар» деп түрлі әрекетке итермелеген. Бұл ел ішінде, саяси қызметкерлер арасында алауыздық туындауына түрткі болды», – деп мәлімдеді.

Тәшиевтің уәжі қандай?

Генерал жағына өтіңдер? Әдетте әлгі риторика билікке қарсы бүліктің басы ретінде бағаланады. Алайда Тәшиевтің төңірегі әңгіме «жаңа президент сайлауын тағайындауды талап ету» туралы өтінішке қол қою жөнінде болғанын айтады.

«Құжатқа бұрынғы премьерлер, депутаттар, қоғам қайраткерлері мен ғалымдардан құралған 75 адам қол қойды. Олар 2021 жылы қабылданған жаңа конституциядағы президенттік мерзімнің екіұшты ережесіне алаң білдірген», – дейді осы тұста Тәшиевтің сенімді серігі Бекболат Талғарбеков.

Сөзінше, жаңа Ата заңда президенттік мерзім екі рет 5 жылдан аспайтыны көрсетілген. Жапаров 2021 жылы әлі ескі конституция бойынша 6 жылға сайланған.

"Осы мәселе қоғамда бүлік тудыруы мүмкін деген уайым бар. Жаңа құжатқа сәйкес, Жапаров келесі сайлауда тағы екі мерзімге (10 жыл), қазіргі мерзімін қосқанда жалпы 16 жыл билікте отыру мүмкін. Бұл ма, бұл Путиннің тәсілі", - дейді Дубнов.

Пікірінше, дәл осы мәселе тандемнің арасындағы конфликтіге триггер болған.

«Тәшиев ерте ме, кеш пе президенттікке ұмтылар еді. Жапаров 2020 жылы президенттікке соның арқасында келген. Осы күнге дейін берік саналған саяси одақ өзінің ғұмырын аяқтады, тұрақтылық кепілі болудан қалды», — дейді сарапшы.

Ендігі жағдай қалай өрбиді?

Елдегі күштік құрылымның экс-жетекшісі Жапаровқа қалай жауап қатады? Шетелден орала ма? 2027 жылғы президент сайлауына қатыса ма? Белгілі қырғыз саясаткері Феликс Құлов бұған былай жауап қатыпты: Қамшекеңнің ендігі тағдыры өзіне байланысты. Билікпен ашық текетіреске бармаса, қудалауға түспейді».

Айта кетелік, бұған дейін Испанияда тұрып жатқан елдің экс-президенті Алмазбек Атамбаев Жапаров билігінің жасырын схемасын әшкерелеген еді.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Путиннен паспорт сұраған зейнеткер: Лүдмила апа Қазақстаннан кетіп қалды...

2025 жылдың соңында Кремль көсемімен тікелей эфирде тілдесіп, Ресей азаматтығын алуға көмек сұраған қазақстандық зейнеткер Лүдмила Кондратиеваға ресейлік төлқұжат тапсырылды деп хабарлайды Ertenmedia.kz.

Ресей Ішкі істерінің мәліметінше, зейнеткердің қуанышында шек болмаған. Қазақстан азаматы Лүдмила Кондратиева былтыр қыркүйек айында қызының шақыруымен Мұрмынскі облысындағы Кола қаласына келген. Әлгі жер ұнап қалып, зейнеткер Ресейде тұрақты тұруға шешім қабылдаған. Артынша қараша айында құжатын рәсімдеуге өтініш бергенімен, біраз қиындыққа тап болған.

Содан кейін Лүдмила апа «Итоги года с Владимиром Путиным» бағдарламасының тікелей желісінде Ресей президентінен құжат рәсімдеуде көмек сұраған болатын.

"Полиция қызметкерлері зейнеткердің өтінішін жедел қабылдап, қажетті құжатты жинауға және рәсімдеуге барынша көмектесті. Өтініш қысқа мерзімде қаралып, оң шешім шықты. Лүдмила Кондратиева Ресей Федерациясының азаматы ретінде ант қабылдап, оған ресейлік паспорт табысталды", – деді Ішкі істер өкілдері.

Өз кезегінде зейнеткер полиция қызметкерлеріне жеделдік пен жанашырлық танытқанына алғыс білдіріпті.

Қазақстаннан Ресей капиталы да кетіп жатыр. Соңғы уақытта Мәскеудің елімізге салған инвестициясы күрт азайған. Былтырғы жарты жылда Ресейден келген 300-ге жуық компания Қазақстан нарығынан кетіп тыныпты.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️ «Иә» немесе «жоқ»: 15 наурызда Қазақстан қандай Конституцияны таңдайды

Президент Тоқаев жаңа Конституция бойынша жалпыхалықтық референдумды 2026 жылдың 15 наурызына белгіледі деп хабарлайды Ertenmedia.kz.

Ақорданың ресми сайтында жарияланған жарлықта: «2026 жылғы 15 наурызда республикалық референдум өткізілсін. Жалпыхалықтық дауыс беруге Қазақстан Республикасының жаңа Конституциясының жобасы шығарылсын.

Референдумға қойылатын сұрақ: «2026 жылдың 12 ақпанында бұқаралық ақпарат құралдарында жарияланған Қазақстан Республикасының жаңа Конституциясын қабылдайсыз ба?»

делінген.

Жаңа Конституцияның жобасы осы жылдың 12 ақпанында БАҚ-та ресми түрде жарияланған болатын. Ата заңның тың нұсқасы қоғамда кеңінен талқыланып, қазақтілді қауым құжаттың кейбір тұсына көңіл толмастық білдірген еді.

✈️ https://t.me/ertenmedia

⚡️Киевтен жеткен тыныш сигнал: Майконың аузымен айтылған маңызды месседж...

Киев Астананы елдегі мұнай өңдеу зауыттарын қайта қалпына келтіруге шақырып отыр. Мұнда қазақ шикізаті өңделіп, дайын өнім Батыс елдеріне экспортталмақ. Бұл туралы Украинаның еліміздегі елшісі Виктор Майко мәлімдеді деп хабарлайды Ertenmedia.kz.

Украин дипломаты Киев Қазақстанмен энергі саладағы әріптестікті тереңдетуге өте-мөте мүдделі екенін айтып отыр. Әсіресе, өз аумағы арқылы қазақ мұнайын ресейсіз бағытпен тасымалдауды қолдайды.

«Қазақстан 2024 жылы Еуропаға жеткен мұнайдың 11,5 пайызын қамтамасыз етті. Сұраныс әлі өсіп жатыр. Қазір Ақтау және Құрық портында танкерлік флотты кеңейту жұмысы жүруде. Ақтау – Баку – Тбилиси – Жейхан, Баку – Супса және Транс-Адриатика құбырының бағыты перспективалы», – деді елші.

Оның айтуынша, Украина Қазақстанға мұнай-газ саласында терең бұрғылау (6 шақырымнан терең) және кеме жасау бойынша да әріптестік ұсынады. Мысалы, Қазтеңізфлоттың Николаев қаласындағы украиналық кеме зауытымен бірлесіп жұмыс істеуі флотты жөндеу мен жаңалауға үлкен мүмкіндік береді.

Қазақстанға дұшпан емеспіз…

Қара теңізде қазақ мұнайы тиелген танкерлерге жасалған шабуылға қатысты Майко былай деді:

«Украина ешқашан қазақ экономикасына немесе инфрақұрылымына бағытталған әрекетке бармаған, бармайды да. Астана украин күштерінің нысанасы болған емес. Зеленский? Бұл елдің саяси және әскери басшылығының ұстанымы».

Украина елшісі Ресеймен соғыс осы жылы аяқталарына сенімді. Оның пікірінше, «тіпті Кремль де тоқтайтын жерін біледі».

Киев Қазақстанмен пайдалы қазбалар саласында да әріптестікті күшейтуге ниетті. Елшінің айтуынша, бұрын ескі технологиямен тиімсіз деп жабылған кен орындарынан украин мамандары жүздеген мың тонна мұнай шығарған. Осы сәтті тәжірибені Қазақстанда қолдануға болады деп санайды дипломат.

Алыс-беріс ше?

Алыс-беріс туралы сөз қозғаған елші, егер соғыс болмағанда екі елдің арасындағы сауда айналымы 10 миллиард долларға жетуі мүмкін еді деген пікірде.

«Тоқаев? Астана аймақтағы экономикалық көшбасшы. Оның жалпы ішкі өнімі 300 млрд доллардан асады және алдағы 5–10 жылда G20 қатарына кіруге мүмкіндігі зор. Байланысты нығайту үлкен мүмкіндік қана емес, қазіргі жағдай талап етіп отырған қажеттілік», – деп түйіндеді дипломат.

Оның айтуынша, биыл Астанаға ірі украиналық бизнес-делегация келеді және Киев екі ел арасындағы үкіметаралық комиссия отырысын өткізіп, көлденең кедергіні шешуді жоспарлап отыр.

Бұған дейін президент Тоқаев Қазақстанның соғыстан кейінгі Украинаны қалпына келтіруге дайын екенін жеткізген.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Назарбаевты дірілдеткен дәлел: Болат Әбілов жауапсыз сұрақтың бетін ашты...

Қазақстанда қасіретті оқиғалардың көпшілігі қара күз бен қыста, әсіресе қараша мен желтоқсанда жиі орын алады деп хабарлайды Ertenmedia.kz.

Белгілі саясаткер Болат Әбілов осылай деп атап өтті. Айтуынша, 2005 жылдың қарашасында танымал мемлекет қайраткері Заманбек Нұрқаділов өз үйінде қастандықпен өлтірілген. Алайда қылмыстың орындаушысы да, тапсырыс беруші де әлі анықталмаған. Желтоқсан айы да халық есінде қанды оқиғамен қалған. 1986 жылғы Желтоқсан көтерілісі, 2011 жылғы 16-17 желтоқсандағы Жаңаөзен трагедиясы осының айғағы.

Қаңтар мен ақпан да ел тарихындағы ауыр кезең: 2022 жылғы «Қаңтар» оқиғасы жұрт жадынан өшкен жоқ. Ал 2006 жылдың ақпанында танымал саясаткер Алтынбек Сәрсенбаев кісі қолынан қаза тапты.

Болат Әбілов Сәрсенбаевтың өмірден өткеніне 20 жыл толса да, қайғының табы әлі де басылмағанын айтады. «Сол оқиға кеше ғана болғандай, әлі күнге дейін есімізден кетпейді. Әлі күнге дейін «не үшін» деген жалғыз ғана сұрақ мазалайды да тұрады» – дейді саясаткер.

Оның айтуынша, Алтынбек Сәрсенбаев «Қазақстанның демократиялық таңдауы» (ҚДТ) қозғалысын құрушы тұлғалардың бірі болған. 90-жылдардың ортасы мен соңында министр қызметін атқарған ол, елдің авторитарлы бағытқа түскенін ерте байқап, мұның жақсылыққа апармайтынын түсінген.

«Билік тұтас бір әулеттің қолына өтті. БАҚ атаулы түгел сол отбасының бақылауында қалды. Президенттің күйеу баласы күштік құрылым мен ақпарат құралдарын уысына жинап, өз билігін күшейте түсті», - деп еске алады Болат Әбілов.

Назарбаевтың кабинетіндегі оқиға...

Сол кезде Алтынбек Сәрсенбаев Рахат Әлиевтің қайын атасы, экс-президент Назарбаевқа қарсы астыртын әрекет етіп жүргені туралы ақпарат жинаған.

«Алтынбек әлгі дәлелді алып, Марат Тәжинмен бірге президент Назарбаевқа барып, жағдайды баяндаған кезде Нұрекеңнің үрейден денесі дірілдеп, орнынан құлап қала жаздаған. Алтынбек пен Тәжин оны орындығына қайта отырғызып, ендігі әрекеттерді талқылаған. Алтынбек Рахатты дереу қамауға алып, оның айналасындағы адамдарды биліктен аластатуды ұсынған», – дейді Әбілов.

Пікірінше, Алтынбектің өліміне дәл осы оқиға себеп болуы әбден мүмкін. Себебі саясаткер президенттің бойындағы қорқыныш пен әлсіздікті өз көзімен көрген. Бірақ басқа себептің де болуы мүмкін екенін айтады.

«Ол ешқашан радикал болмаған, зорлық-зомбылыққа немесе революциялық жолға шақырған емес. Сондықтан «оны не үшін өлтірді?» деген сұрақ әлі күнге жауапсыз қалып отыр. Арада 20 жыл өтті, бірақ тапсырыс беруші әлі анықталған жоқ», – дейді Әбілов.

Саясаткердің айтуынша, бұл ел тарихындағы ең ауыр саяси қылмыс. «Кімге тиімді болғаны, кімнің саяси қарсыласынан құтылғаны бәрімізге белгілі. Бірақ осы туралы ашық айтылмай келеді. Алтынбектің өлімі ұлт үшін орны толмас қасірет, ауыр қайғы. Қазақстан Алтынбек сияқты тұлғаға қатты зәру», – деп түйіндеді Болат Әбілов.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️ «Дайын емессіз бе?». Жаңбыршин қытай инвесторына емтихан өткізді...

Депутат Жаңбыршин «Мәтен Петролеум» мұнай компаниясының бас директоры Лү Цзиншенді әбден састырды деп хабарлайды Ertenmedia.kz.

Мәжіліс отырысында қытайларға қарасты «СНПС-Ақтөбемұнайгаз», «Мәтен Петролеум» және «Бозашы Оперейтинг ЛТД» компаниясының сатып алуындағы қазақстандық үлесті арттыру мәселесі қаралды.

Депутат Жаңбыршин «Мәтен Петролеум» басшысы Лү Цзиншеннен отандық өндірушілермен ұзақ мерзімді келісімі бар ма, жоқ па сұраған еді. Компания басшысының орнына жауап бермек болған орынбасарын депутат бірден тыйып тастады.

«Жоқ, тоқта. Өзі жауап қатсын. Білдей бас директор болып отыр, жалақы алады. Күреп табыс табады. Лү мырза, отандық тауар өндірушілерімен ұзақ мерзімді келісімдеріңіз бар ма, жоқ па?» – деп нақты сұрақ қойды мәжілісмен.

Компания директоры «бар» деп қысқа қайырғанмен, Жаңбыршин бұған иланған жоқ. Депутат нақты қанша компаниямен келісім бар екенін сұрағанда, Лү Цзиншеннің қапталындағы көмекшісі оның құлағына сыбырлай бастады.

Әлгіден кейін Жаңбыршин де оталып сала берді…

«Сіз дайын емессіз бе? Дәл осы сұрақты күні бұрын жолдаған едік қой», – деді депутат. Лү мырза тіпті састы.

«Есте сақтау қабілетім нашар еді», – деп ақталған болды қытай инвесторы. Компания басшысы көмекшісінің сөздерін қайталай бастаған кезде, Жаңбыршин тіпті үдей түсті.

«Кешіріңіз, бірақ сіз мектептегі үлгерімі төмен оқушыдан аумайсыз. Бас директор ретінде қандай компаниямен келісім жасалғанын, қандай тауарға, қанша сомаға және қандай мерзімге екенін нақты білуіңіз керек қой. Бар болғаны 6 компания екен сіздерде. Ал сіз екімен оқитын мектеп оқушысы сияқты міңгірлеп отырсыз», – деп ашуланды депутат.

Жу да сөз естіді

Сыннан «Бозашы Оперейтинг ЛТД» филиалының бас директоры Жу Айцзүн де тыс қалмады.

«Қазақстандық компаниялардың атын жамылып, тауар мен жабдықты сырттан тасып, осында жасалғандай етіп көрсететін жағдай жиі кездеседі. Негізінде бұлар Қытай немесе Ресей өндірісі. Сіздер жеткізушілерге барып, олардың шынымен өндіріс жасап жатқанын немесе тек сырттан әкеліп, құрастырып, маркасын ауыстырып сататынын бақылауыңыз керек. Бірақ сіздер бұған назар аудармайсыздар», – деп ескерту жасады депутат.

Жиын соңында мәжілісмен компания басшыларынан жазбаша жауап беруді талап етті.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Қағаз кеміріп отырмыз: Аймағамбетов мектеп психологының үндеуіне жауап қатты...

Мектеп психологы Гүлсезім Жасқайратова әлемжеліде сала мамандарының қазіргі жағдайын ашып айтып, жанайқайын жазды. Пікірінше, бүгінде психологтардың жұмысы баламен тікелей қарым-қатынас жасаудан алыстап, тек тест жүргізіп, қағаз толтырумен шектеліп қалған деп хабарлайды Ertenmedia.kz.

«Мен мектеп психологымын. Бірақ соңғы кезде өзімді психологтан гөрі тест жүргізетін оператор сезінемін. Біз мамандықты балалардың жан дүниесін түсініп, қасында болу үшін таңдадық. Үнсіз ғана жылап отырған балаға демеу болу үшін келдік. Бірақ қазір біздің күніміз қалай өтеді? Таңертең тоғызда жұмысқа келіп, кешке дейін компьютер алдында отырамыз. Тест, тексеру, есеп, талдау, тағы бір есеп, тағы бір кесте, тағы бір мерзім», – дейді психолог өз жазбасында.

Автор балалардың тесттен әбден шаршағанын атап өткен. Маманның мәлім еткеніндей ұстаздар жоспардан бас көтере алмай жүреді. Сол жоспардың өзі аздай, одан тыс тағы да талаптар жүктеледі.

«Осы күнге дейін өткізу керек», «пәлен сынып толық тапсыруы керек», «нәтижесін жіберіңіз» деген талаптар таусылмайды.

Ал сол аралықта бір бала іштей қиналып жүруі мүмкін. Бірақ біз соны көріп үлгермейміз. Себебі «отчет» бітпеген. Оқушылар тесттен шаршаған, сұрақтарды оқымай-ақ белгілей салады.

Психологты көрсе, «тағы тест пе?» деп қашады. Біз балаларға қолдау көрсетіп, сенім орнатуға келген адамдар едік, ал бізден қазір балалар қашатын болды», – дейді Гүлсезім Жасқайратова.

Аймағамбетов не дейді?

Маман көтерген мәселеге экс Оқу-ағарту министрі, қазіргі Мәжіліс депутаты Асхат Аймағамбетов жауап қатқан екен. Ол мектеп психологтарының жағдайын түсініп, осы мәселені шешу үшін арнайы заң жобасы әзірленгенін мәлімдеді.

«Дәл осындай мәселелер үшін біз арнайы заң жобасын дайындадық. Ұстаздар мен мектеп психологтары тест өткізуші, есеп беруші емес, бала жанын түсінетін, оған қолдау көрсететін маман болуы керек. Бұл бастама нақты жеңілдік әкеледі деп сенемін», – дейді мәжілісмен.

Депутаттың бастамасы желі қолданушылары арасында қызу қолдау тауып жатыр. Құлсарыда балта көтерген бала туралы осы арадан оқыңыз.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Бөгде әлемде жүр: желідегі жұрт Нұрәлі Әлиевтен қорқа бастады...

Қазақстандағы активтерін сатып Дубай асқан Назарбаевтың немересі соңғы кезде тылсым әлеммен тілдесіп жүр деп жазады Ertenmedia.kz.

Күнделікті қарбаласпен жүрген қарапайым адамға оғаш көрінетін әңгімелер Әлиевтің аузынан ағыл-тегіл ақтарылуда.

Шифт, матрица, адамзатты басқаратын программа секілді түсініксіз терминдермен сөйлейтін Әлиевке желідегі қауым әртүрлі баға беруде.

"Бұлай кете берсе, дүние-дәулетінен бас тартып, елге таратып беруі де ғажап емес", - дейді желідегі бір топ.

Енді біреулер "шотымда миллиондар жатса, мен де өмірден мән іздеп кетер едім" деген сыңайдағы пікір қалдырыпты. Әлиевті жындар әлемімен тілдесіп жүр дегендер де табылған.

Соңғы кездері Нұрәлі Әлиев, Дариға Назарбаева және басқа да әулет өкілдері Еуропадағы кештерде, Канн фестиваліндегі гала-концерттерде жиі төбе көрсетіп жүр.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️«Ұнтақпен» ұсталудың астары: Мәскеуден бөлінуді қалаған иеромонахтың соңғы уағызы...

Алматыда Кремль агрессиясына ашық қарсылық білдіріп, Қазақстанда орыс шіркеуінен бөлінуді жақтаған дін қызметкері ұсталды деп хабарлайды Ertenmedia.kz.

Қалалық полиция департаменті күдіктіге қатысты есірткі притонын ұйымдастырды деген айып тағып, қылмыстық іс қозғады.

Тергеу мәліметінше, 1986 жылы туған азаматтың баспанасынан «ұнтақ тәріздес заттар» табылған. Сараптама күдіктінің есірткі қолданғанын растапты. Оқиғаның мән-жайын анықтау үшін тергеу жүріп жатыр.

Әзірде ғана әлемжеліде бұрынғы священник Иаков Воронцовтың ұсталғаны туралы ақпарат тараған-ды. Иаков Қазақстанның Мәскеу православ шіркеуінен бөлініп шығуын талап еткен мәлімдемесімен танымал.

Иаков туралы не белгілі?

Кремль басқыншылығын айыптаған Иаков Қазақстандағы православ шіркеуін Мәскеумен байланысты үзіп, автокефалияға ұмтылуға үндеуген. Оның бастамасымен ұйымдастырылған «соғысты тоқтату» петициясына орыс православ шіркеуінің 300-ге жуық қызметкері қол қойған еді.

«Соғысты қолдайтын бас шіркеуді денацифицикация және демилитаризациялау қажет. Еуразиялық одақ? Бұл ұйымнан да үзілді-кесілді бас тартатын уақыт келді», — деген еді ол.

Бұдан бөлек иеромонахтың құдайға табыну мінәжатын мемтілде өткізгені қазақтілді қауымға ұнап қалған болатын.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Шығыстағы шым-шытырық: Шнайдер көпірі және Жақсылық Омардың "ұсталуы"

Шығыс Қазақстан облысы әкімінің бірінші орынбасары Жақсылық Омар ұсталды деген ақпарат тарап жатыр деп хабарлайды Ertenmedia.kz.

Ақпарат алғаш рет «Письма президенту» Telegram-арнасында жарияланды. Әкім орынбасарынан басқа да тұлғалардың ұсталғаны туралы мәлімет бар.

Осыған орай, Ertenmedia сауалына жауап берген ШҚО әкімдігінің баспасөз қызметі аталған лауазымды тұлға туралы қандай да бір мәлімет жоқ екенін, интернет желісінде тараған ақпарат ресми дереккөздермен расталмағанын мәлімдеді. Бірақ, бір нюанс бар...

Әкімдіктің редакцияға берген ресми түсініктемесіне сәйкес, Жақсылық Омар қазіргі уақытта денсаулығына байланысты уақытша еңбек демалысына шыққан.

Бұған дейін Сақтағанов тарапынан Шнайдер көпіріне қатысты сын айтылып, облыс әкімі жемқорлықтың алдын алу жөнінде құқық қорғау органдарымен бірнеше мәрте кеңес өткізген еді.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Қазақ тіліне қатысты ащы мысал: Депутат Нұртаза даулы пікіріне түсініктеме берді...

Депутат Самат Нұртаза қазақ тіліне қатысты "кедейлердің, сіңірлердің, официанттар мен тәшкі итерушілердің тілі" деген сөзі үшін жұрттан кешірім сұрады деп хабарлайды Ertenmedia.kz.

Әлемжеліде қызу талқыға түскен мәлімдемесін депутат «эмоциямен айтылған ащы пікір еді» деп ақталуда. Айтуынша, әлгі 2019-2020 жылдары тілге қатысты пікірталас кезінде жазылған.

Сол тұста депутат емес, жай ғана белсенді блогер болғанын алға тартқан Нұртаза, мұндай мысалды тұқырту емес, керісінше тілдің мәртебесін көтеру мақсатында жазғанын жеткізді.

«Шүйліккеннен, эмоцияға берілгеннен, ашынған ойым еді. Зиянды, теріс ниетім болған жоқ. Өз басымнан өткен нақты жағдай негізінде жазылған пікір болатын. Осы сөзіммен біреудің ар-намысына тиіп кетсем, ресми түрде кешірім сұраймын. Мақсат ортақ, ол ма, ол мемлекеттік тілдің мәртебесін көтеру», – деді депутат.

Айта кетелік, осының алдында Ата заңның тың нұсқасындағы тіл туралы бап қазақтілді қауымның тарапынан қызу талқыға түскен еді.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️ Назарбаевтың "алтын жұмыртқасы": әулеттің Ресейдегі банк империясы тоқтаусыз өсіп жатыр...

Ресейдегі экс-елбасы Назарбаевтың иелігіндегі «Азия-Тынық мұхит банкі» (АТБ) былтыр күреп табыс тауып, аста-төк пайдаға кенелген деп хабарлайды Ertenmedia.kz.

Соңғы 5 жылда банктің таза табысы ғарыштық жылдамдықпен өсіпті. «Теңізге бастар жол» телеграм арнасының мәліметінше, 2021 жылы небәрі 1,5 млрд рубль пайда тапқан банк, былтыр 16 млрд рубль (102 млрд теңге) кіріс көрген. Әлгіндей көрсеткішпен АТБ еліміздегі ірі банктердің ондығына салып ұрып кірер еді.

Ресей Орталық банкінің есебінше былтыр ресейлік банк секторының табысы шамамен 8%-ға төмендесе, Назарбаев бақылайтын АТБ-ның таза кірісі бірден 50%-ға шарықтаған.

Соңғы 5 жылда банктің активтері де 134,5 млрд рубльден 338 млрд рубльге дейін өскен.

Қазір ме, қазір АТБ көршіміздегі 30 іргелі банктің сапында тұр.

3,4 млрд доллар қолма-қол ақша…

«Назарбаев қоры бақылайтын Pioneer Capital Invest активтерінің жалпы сомасы 7,8 млрд доллардан асып жығылады. Қорға Jusan қаржы тобы, жылжымайтын мүлік, жеке ұшақ, бірнеше қазақстандық медиа, АҚШ-тың қазына векселдері, Қырғызстан мен Қазақстанның мемоблигациялары, сондай-ақ 3,4 млрд доллар көлемінде қолма-қол ақша кірген», — деп жазады осы тұста телеграм арна.

Осыдан төрт жыл бұрын Jusan тобының активтерін елге қайтару бойынша ұзаққа созылған күрес жүрген. Әулет бір жыл бойы арпалысып, ақыр соңы Жаңа Қазақстанмен мәмілеге келген-ді. Нәтижесі? Нәтижесінде Назарбаевтар бірнеше миллиард долларға бағаланған активтері үшін бар-жоғы 127 миллион доллар «өтемақы» алған.

Айтпақшы бір уақытта АТБ Батыс санкциясына ілігуге шақ қалған. Тізімге кіруі тиіс 15 ресейлік банктің ішінде осы қаржы ұйымы да болған еді. Алайда ақыр соңы Батыс идеологтары Назарбаевтың АТБ-сы мен Құлыбаевтың «Халық банкіне» қарасты «Москоммерцбанкті» тізімнен сызып тастаған.

Нұрекеңнің Путинмен жиі жүздесуі банктің Ресейдегі тұрақты жағдайын қамтамасыз етудің стратегиясы деген болжам бар.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Балидағы түн: ресейлік блогермен жанжалдасқан қазақ моделі мәлімдеме жасады...

Қазақ моделі Гүлсезім Алтайбекова Бали аралынан елге оралды. Ол бұл туралы өзінің желідегі парақшасында мәлімдеді деп хабарлайды Ertenmedia.kz.

«Мен ешқандай жаза өтеген жоқпын. Тараптар келісімге келіп, мәселе бейбіт шешілді. Маған қатысты жалған мәлімет таратуды тоқтатуды өтінемін» – деді модел желідегі жазбасында.

Алтайбекова жанашырлық танытып, қолдау білдірген азаматтарға алғыс айтқан.

Бұған дейін Индонезия соты қазақ моделін ресейлік блогер Карина Фадееваның соққыға жыққаны үшін төрт аптаға қамауға алып, өтемақы төлеуге міндеттеді деген ақпарат тараған-ды. Артынша іске ресей пропагандасы араласып, Фадееваның бас сүйегі мен ернінің жырылғанын, қатты қан кеткенін және есту қабілетінің нашарлағанын жазған.

Балидегі клубтардың бірінде болған жанжал кезінде тараптар бір-біріне қарама-қайшы мәлімдеме жасаған. Клуб басшылығы өз кезегінде төбелесті ресейлік блогердің құрбылары бастады деп мәлімдеген еді.

Кейіннен бірқатар БАҚ оқиғаның саяси астары бар деген мәлімет таратқан.

Қазақ қызы украинаның әнін тыңдағаны үшін ресейлік блогерден ескерту естіген. Алтайбекова оған «Слава Украине!» деп жауап беріп, соңы төбелеске ұласыпты.

Жерлесінің Бали аралында екі айға қамауға алынғанын естіген қазақтілді қауым оған жәрдем беруге ұмтылған еді. Қазір модель Қазақстанға оралып, жағдайдың толық шешілгенін жария етті. Гүлсезім көпшілікке арнаған жазбасын қазақша және украин тілінде жолдаған екен.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️ «Алтын Орда» ақиқаты: Нұрбол Назарбаевтың ісіндегі жасырын папкі ашылды...

«Алтын Орда» базарының бұрынғы иесі Айдарбек Құсайынов Нұрбол Назарбаевты сотқа беріп, одан 15 миллиард теңге талап етті деп хабарлайды Ertenmedia.kz.

Tengrinews мәліметінше Құсайынов атышулы Болат Назарбаевтың ұлын «негізсіз байыды» деп айыптап, одан қомақты өтемақы өндіруді көздеп отыр.

Сот процесі аяқталғанша Нұрболға тиесілі жалпы сомасы 15 миллиард 171 миллион теңге көлеміндегі барлық жылжитын- жылжымайтын мүлік пен банктегі есеп-шотына құлып салынған.

«Құсайынов Болат Назарбаевтың баласынан дәл осынша өтемақы талап етуде. Сот талапкердің арызын ескеріп, жауапкердің мүлкі мен ақшасына дереу бұғат қою қажет деп шешті. Кешіксек сот шешімін орындаудан жалтаруы мүмкін», – делінген сот ұйғарымында.

Айдарбек Құсайыновтың есімі Назарбаев әулетіне қатысты атышулы істе жиі аталады. Осыдан 10 жыл бұрын Алматының ең ірі сауда орны «Алтын Орда» базарына иелік ететін «Kurylys LTD» компаниясының 39 пайыз акциясы Құсайыновқа тиесілі еді. Алайда…

2013 жылы жағдай күрт өзгеріп, Серік Апсапаров есімді азамат базарды күшпен тартып алып, акцияларды Болат Назарбаевтың атына жаздыруға мәжбүрлеген. Әулетке қарсы келуден қорыққан Құсайынов өз үлесін құнынан әлдеқайда арзанға 1,3 миллион долларға сатып жіберген.

Кәсіпкердің қорғаушылары: «Оның үлесі 30 есе қымбат болатын. Осылайша, 2013 жылдың жазында «Алтын Орда» базары Болаттың иелігіне өтті» деп мәлімдеген.

Апсапаров не дейді?

2023 жылы Апсапаров сотта өз кінәсін мойындап, үш жылға шартты жаза алғанымен, Құсайынов тартқан залал өтелмеген күйі қалған. Осыған дейін ол Болат Назарбаевқа қарсы бірнеше рет сотқа арызданған. Өзіне тиесілі үлестен айырылып, соңғы 10 жылда жалпы сомасы 50 млрд теңгеге жуық табыстан қағылғанын дәлелдеуге тырысқан.

Кәсіпкердің ендігі нысанасы Нұрбол Назарбаев. Болат Назарбаев өсиетхатын алғаш рет 2014 жылы жазып, онда барлық мүлкін үлкені Нұрболдың атына табыстаған. Құсайынов енді Назарбаевтың ұлынан өтемақы өндіруді көздеп отыр.

Бөкеңнің артында 9 заңды баласы, одан бөлек онға жуық заңсыз бала қалды. Оның ішінде бәйбішенің ұлдары Нұрбол мен Ерболдың қолы ұзын.

Бұған дейін депутат Зайытов дәл осы мәселені көтерген. «Алтын Орда? Тәркіленген активтің ішінде осы базарға қатысты еш ақпарат жоқ. Сондықтан қоғамның тарапынан сұрақ туындауы заңды. Бас прокурордан Нұрбол Назарбаевтың барлық мүлкін түгендеп, толық тексеру жүргізуді сұраймын», – деген еді Зайытов.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Әмірикада жаңа өмір бастаған Санжар: Боқаев Қазақстаннан тайм-аут алды...

Саясаткер, қоғам белдендісі Санжар Боқаев өзін жоғалтып алған қауымға жауап қатты деп жазады Ertenmedia.kz.

Ел ішіндегі өзекті мәселелерді үнемі ашық көтеріп, үлкен аудитория жинаған саясаткер соңғы кезде жұрт алдына шығуды сиретіп кеткен еді. Боқаевтың әрбір рейдін жіті бақылап отыратын желідегі қауым оның ізім-ғайым жоғалып кеткенінен қорқып, іздеу салуға көшкен. Саясаткер осы тұста оқырманның уайым-қайымын сейілтіп, маңызды мәлімдеме жасапты.

«Менде бәрі бірқалыпты. 🇺🇸 Әмерикадамын. Өткен жылы осы жақтан кішігірім кәсіп ашқанмын. Қазір соңы дөңгелетіп жатқан жайым бар. Аяқ алысы жаман емес», — дейді ол.

Неге мұхит асты?

Саясаткердің мұхит асуына бірнеше фактор түрткі болған екен. Айтуынша, желіде елге қатысты маңызды проблемаларды көтермеуіне қоғамның селқостығы себеп болған.

«Ешкімге ештеңе керек емес екен. Түрлі рейд жүргізіп, қаншама былық-шылықты әшкереледік. Айғағы да, аргументі де мықты қаншама мәселені сөз еттік. Алайда нәтиже жоқ. Билік былқ етпесе, қоғам селт етпесе, ендеше несіне қара терге түсеміз?», — дейді Боқаев.

Мұндай жұмыстан әбден қажығанын жеткізген саясаткер осы күнге дейінгі еңбегінің еш кеткенін айтыпты. Өзі секілді белсенділерде тиісті құзірет болмағасын қоғамдық жұмыстан да қайыр жоқ деп пайымдап отыр. Алайда «асанқайғылануға» болмайды дейді.

«Былтыр біз көтерген мәселе бойынша 8 қылмыстық іс қозғалды. Соның ішінде Алматыдағы атышулы «брүсшәткі» дауы бар. Тұтастай алғандай біз көтерген проблемалардың бәрі ақыр соңы расталып жатыр», — дейді ол.

Ата заң туралы не ойлайды?

Саясаткер Ата заңның тың нұсқасына қатысты өз ойын ортаға салыпты. Пайымдауынша, жаңа құжатты дәл қазіргі сұлбасында қабылдауға болмайды.

«Жаңа Конституция бойынша мен, өзімді қоғам өкілі ретінде Мәжіліске ұсына алмаймын. Бізден осы құқықты тартып алып, саяси партияларға бермек. Олардың не істейтіні белгілі. Өздерінің адамын ғана тықпалайды. Тізімді алдын ала күзеп, түзеп қояды. «Нұр Отанның» билеп-төстеп тұрған дәуіріне қайта оралғалы жатырмыз», — деп қынжылыпты Боқаев.

Саясаткер елден біржолата кетпегенін, қайтып келетінін айтып отыр. Әзірге бизнесін дамытып, жеке өміріне көбірек көңіл бөлмек. Желідегі жұрт өз кезегінде «Боқаев Әмірикада ұзақ уақыт аялдап қалады» деген болжам айтуда.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Алматы шетіндегі әлеуметтік коллапс: Alma city тұрғындары әкімнен көмек сұрады...

Алматыдағы Наурызбай ауданы "Аlma city 5" тұрғын үй кешенінің тұрғындары қала әкімі Дархан Сатыбалдыға үндеу жолдады деп жазады Ertenmedia.kz.

Аталған тұрғын үй мембағдарлама аясында салынған. Барлығы 128 үй, 4 мыңға жуық пәтер қолданысқа берілген болатын.

"Бұл жерде көпбалалы, үйінде мүгедек баласы бар отбасылар және бюджет қызметкерлері тұрады. Осыншама адам тұратын ауданымызда инфрақұрылым деген атымен жоқ. Іргеміздегі "Аlma city 5-2" тұрғын үй кешенін қоса алғанда 6 мыңнан аса пәтері бар іргелі ауданда 1200 оқушыға арналған бір ғана мектеп бар. Балабақша мүлдем жоқ", - дейді ашынған тұрғындар.

Айтуынша, осы мәселемен қалалық әкімдікке сан рет барып, басқарма басшыларымен жолыққан. Солай бола тұра нәтиже жоқ. Кешеннің маңындағы бос учаскілерді құрылыс компаниялары қоршап алыпты. Алдағы уақытта ол жерлерге де жаңа тұрғын үй түсе бастамақ.

"Әкімдіктен бұлардың орнына әлеуметтік нысан салуды талап етеміз. Бізге балабақша, мектеп, мүгедектігі балаларға арналған білім орталығы, саябақ, емхана ауадай қажет", - дейді кешен тұрғындары.

Айта кетелік, Аlma city Алматының шетінде орналасқан қазақы аудан. Қала тұрғындары өз кезегінде Дархан Сатыбалдыны ауданға арнайы шақырып, жағдайды өз көзімен көруге өтініп отыр.

"Барлық әлеуметтік игіліктен тысқары қалдық. Тіпті қоғамдық көлік те қатынамайды. Аялдамаға жету азап. Мүгедек баласы бар отбасылар сыртқа шыға алмайды. Жасы келген адамдар кешке серуендейтін жер таппайды. Дархан Амангелдіұлы, біздің кешенге келіп, халықпен кездесуді сұраймыз", - дейді тұрғындар.

Бұған әлі де тоқталамыз. Бізге жазылып алыңыз👇

✈️ https://t.me/ertenmedia

⚡️Телефон арқылы айтылған месседж: Жапаров Тоқаевтың қолдауына ие болды...

Тәшиевтің төңірегімен алысып жатқан Жапаровқа көрші елден қолдау келді. Тоқаевтың телефоны дәл уақытында шырылдады. Қырғыз басшысына Қазақстан президентінің бір ауыз демеуі ауадай қажет еді.

Тоқаев Садыр мырзаға мықты мотивация беріпті...

Ең шұрайлы тұсы осында.

✈️ https://t.me/ertenmedia