የከፍተኛ ትምህርት ድህረ ምረቃ ትምህርት መግቢያ ፈተና (NGAT) በሁሉም ዩኒቨርስቲዎች እየተሰጠ ይገኛል፡፡
----------------------- // ----------------------
(ጥቅምት 03/2018 ዓ.ም) የከፍተኛ ትምህርት ድህረ ምረቃ ትምህርት መግቢያ ፈተና (NGAT) በሁሉም ዩኒቨርስቲዎች በመሰጠት ላይ ነው።

የከፍተኛ ትምህርት ጥራትና ብቃት ማሻሻያ ዴስክ ኃላፊ ኢዶሳ ተርፋሳ (ዶ/ር) የመግቢያ ፈተናው እየተሰጠ የሚገኘው የቴክኒክና ሙያ፣ የመከላከያና የፖሊሲ ዩኒቨርስቲዎችን ጨምሮ በ53 የፈተና ማዕከላት መሆኑን ገልጸዋል።
በአገር አቀፍ ደረጃ እየተሰጠ ለሚገኘው የድህረ ምረቃ መግቢያ ፈተና የሁለተኛ እና የሦስተኛ ዲግሪ ትምህርት ለመቀጠል የተዘጋጁ 29ሺ 248 ተማሪዎች ፈተና ለመውሰድ መመዝገባቸውን ዶክተር ኢዶሳ ተናግረዋል፡፡ ሃላፊው አክለውም የድህረ ምረቃ መግቢያ ፈተና በዓመት ሁለት ጊዜ እንደሚሰጥ ጠቁመው በቀጣይም በጥር ወር ይሰጣል ብለዋል።

በአዲስ አበባ ዩኒቨርስቲ፣ በፐብሊክ ሰርቪስ ዩኒቨርስቲና በኮተቤ የትምህርት ዩኒቨርስቲ የድህረ ምረቃ ፈተና አስተባባሪዎች በበኩላቸው በዩኒቨርስቲዎቹ እየተሰጠ የሚገኘው የድህረ ምረቃ ፈተና ያለምንም ችግር በመሰጠት ላይ መሆኑን ተናግረዋል፡፡ ሙሉ መረጃውን ለማግኘት ይህንን ሊንክ ይጫኑ፤ https://www.facebook.com/share/p/1CJH9ceL1W/

በከፍተኛ ትምህርት ተቋማት ሲሰጥ የነበረው የ2018 የድህረ ምረቃ ትምህርት መግቢያ ፈተና ተጠናቋል፤
ፈተናው ለመውሰድ ከተመዘገቡ 29 ሺ491 አመልካቾች መካከል 96 በመቶ ፈተናውን ወስደዋል፡፡

---------------------------- // ---------------------------

(ጥቅምት 04/2018 ዓ.ም) የአካዳሚክ ጉዳዮች መሪ ስራ አስፈጻሚ ኤባ ሚጀና (ዶ/ር) እንደገለጹት የ2018 የድህረ ምረቃ ትምህርት መግቢያ ፈተና በተያዘለት ጊዜና አግባብ ተጠናቋል፡፡

በ2017 ዓ.ም. መጨረሻ ላይ ይሰጥ የነበረው የድህረ ምረቃ መግቢያ ፈተና በተለያዩ ምክንያቶች ተራዝሞ ጥቅምት 3 ቀን 2018 ዓ.ም. በ53 የፈተና ማዕከላት መሰጠቱንም ዶክተር ኤባ ገልጸዋል፡፡

ፈተናውን በመንግስትና በግል ከፍተኛ ትምህርት ተቋማት ተመዝግበው ለመማር ፍላጎት ያላቸው 29ሺህ 491 አመልካቾች ተመዝግበው 96 በመቶ ያህሉ ፈተናውን መውሰዳቸውን መሪ ስራ አስፈጻሚው ጠቅሰዋል፡፡ ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/1H4nonCZxk/

በጎልማሶችና መደበኛ ያልሆነ ትምህርትና ሥልጠና ረቂቅ ደንብ ላይ የምክክር መድረክ ተካሄደ።

-------------------------- // ------------------------

(ጥቅምት 05/2018 ዓ.ም) በምክክር መድረኩ ላይ የተገኙት የአጠቃላይ ትምህርት ልማት ዘርፍ ሚኒስቴር ዴኤታ ክብርት ወ/ሮ አየለች እሸቴ የጎልማሶችና መደበኛ ያልሆነ ትምህርት ፕሮግራም በተለያየ ጊዜ የተለያየ ስያሜ ተሰጥቶት ሲተገበር መቆየቱን አንስተዋል።

ይህ ፕሮግራም ለዜጎች አማራጭ የትምህረትና ሥልጠና እድል በማቅረብ ረገድ አስተዋፅኦው የጎላ ነው ያሉ ሲሆን ፕሮግራሙን በውጤታማነት ለመተግበር እንዲቻል የአጠቃላይ ትምህርት አዋጁን መነሻ በማድረግ የጎልማሶችና መደበኛ ያልሆነ ትምህርትና ስልጠና ረቂቅ ደንብ መዘጋጀቱን ጠቅሰዋል።

ከዚህ አንጻር በተዘጋጀው ረቂቅ ደንብ የሚመለከታችው ሴክተር መስሪያ ቤቶች ጋር ምክክር በማስፈለጉ እና ግብአት የሚሰበሰብበት ስለሆነ ይህ መድረክ መዘጋጀቱን ጠቅሰዋል ።

የጎልማሶችና መደበኛ ያልሆነ ትምህርት መሪ ሥራ አስፈፃሚ ዮሴፍ አበራ(ዶ/ር) በበኩላቸው ከዚህ በፊት ጉዳዩ ከሚመለከታቸው ሴክተሮች ጋር የመግባቢያ ስምምነት በመፈራረም ፕሮግራሙ በቅንጅት ሲተገበር መቆየቱን አንስተዋል።


ተጨማሪ መረጃዎችን በሚከተሉት ማስፈንጠሪያዎች ያግኙ፡-
በፌስቡክ -https://www.facebook.com/fdremoe/
በቴሌግራም -https://t.me/ethio_moe
በትዊተር - http://twitter.com/fdremoe
ዩቱዩብ- https://www.youtube.com/@ministry-of-education-ethiopia
በሊንክዲን - https://www.linkedin.com/.../ministry-of-education-ethiopia
በዌብሳይት - www.moe.gov.et ይከታተሉ

የትምህርት ሚኒስትሩ ፕሮፌሰር ብርሃኑ ነጋ በኢትዮጵያ አዲስ ከተሾሙት የሀንጋሪ አምባሳደር ጋር ተወያዩ።
---------------------------//--------------------------
(ጥቅምት 06/2018 ዓ.ም) የትምህርት ሚኒስትሩ በኢትዮጵያ አዲስ የተሾሙትን የሀንጋሪ አምባሳደር አቲላ ቶዝን በጽ/ቤታቸው ተቀብለው አነጋግረዋል ።

በዚሁ ጊዜ የትምህርት ሚኒስትሩ ኢትዮጵያ እና ሀንጋሪ በትምህርቱ ዘርፍ በትብብር ሲሰሩ መቆየታቸውን አንስተዋል።

በተለይም በ2023 በትምህርት ሚኒስቴርና በሀንጋሪ ኢምባሲ በኩል የተፈረመውን የነጻ የትምህርት እድል ስምምነት በተመለከተ እስካሁን የተከናወኑ ተግባራት አንስተው ተወያይተዋል።

በዚሁ ጊዜ ክቡር ሚኒስትሩ ይህንን የጋራ መግባቢያ ስምምነት ሰነድ አስተካክሎ ለሀገራችን ልማትና ኢኮኖሚያዊ እድገት ጠቃሚ በሆኑ የትኩረት መስኮች በተለይም በፔትሮ ኬሚካል፣ በኒውክለር ሳይንስ፣ በማዕድን ልማት ፣ በቱሪዝምና ባህል እንዲሁም በሀገራችን በማይሰጡ የትምህርት ፕሮግራሞች ላይ ከመጀመሪያ ዲግሪ እስከ ሦስተኛ ዲግሪ የነጻ የትምህርት እድል መስጠት በሚያስችል መልኩ ማሻሻልና መፈራረም እንደሚገባ ለአዲሱ አምባሳደር አብራርተውላቸዋል። ሙሉ መረጃውንይህንን ሊንክ በመጫን ማግኘት ይችላሉ፤
https://www.facebook.com/share/p/1QnZHqn2kq/

የትምህርት ጥራትን ለማረጋገጥ በተከናወኑ ተግባራት የተማሪዎች ውጤት እየተሻሻለ መምጣቱን የትምህርት ሚኒስትሩ ፕሮፌሰር ብርሃኑ ነጋ ገለጹ።

--------------------------- // -----------------------------

(ጥቅምት 06/2018 ዓ.ም) የትምህርት ሚኒስትሩ ፕሮፌሰር ብርሃኑ ነጋ በጋምቤላ ክልል "የትምህርት ፍትሃዊነትና ጥራት ለትውልድ ግንባታ" በሚል መሪ ቃል እየተካሄደ ባለው ክልል አቀፍ የትምህርት ጉባዔ ላይ ተሳትፈዋል።

በዚሁ ጊዜ ባደረጉት ንግግር የትምህርት ጥራትን ለማረጋገጥ ባለፉት የለውጥ ዓመታት በትምህርት ዘርፉ በተተገበሩ የሪፎርም ተግባራት በተማሪዎች ውጤት ላይ መሻሻሎች እየታዩ መምጣታቸው አብራርተዋል።

አክለውም እንደ ሀገር ዘላቂ ልማትና እድገት እንዲረጋገጥ ጥራት ያለው ትምህርትን ተደራሽ በማድረግ በራሱ የሚተማመን ዜጋ መገንባት ያስፈልጋል፤ ለዚህም በትምህርት ዘርፉ ትኩረት ተሰጥቶ እየተሰራ ይገኛል ብለዋል። ሙሉ መረጃውን ለማግኘት ይህንን ሊንክ ይጫኑ፤
https://www.facebook.com/share/p/16vUj3Jeh8/