🌿🌍 ኩባንያችን በሀገር አቀፍ ደረጃ በአንድ ጀምበር 600 ሚሊዮን ችግኞች ለመትከል የቀረበውን የችግኝ ተከላ ጥሪ በማስከተል በአዲስ አበባ እና በሪጅን የችግኝ ተከላ መርሐ ግብር አከናወነ፡፡

🌳 መርሐ ግብሩ የኩባንያችን ማኔጅመንት አባላት፣ ሠራተኞችና ልጆቻቸው እንዲሁም የአካባቢው ማኅበረሰብ በተሳተፉበት በአዲስ አበባ አቃቂ ቃሊቲ እንዲሁም በመላው አገራችን የሪጅን ጽ/ቤቶች በሚገኙባቸው አካባቢዎች የተከናወነ ነው፡፡

🌱 ኩባንያችን በያዝነው ክረምት 500 ሺህ ችግኞችን ለመትከል በመንቀሳቀስ የዛሬውን ጨምሮ ከ450,000 በላይ የችግኝ ተከላ ከማከናወኑ ባሻገር ባለፉት ዓመታት የተተከሉትን በመንከባከብ የጽድቀት መጠንን በእጅጉ ለማሳደግ ችሏል፡፡

🌿 በማኅበራዊ ኃላፊነት የአፈር መሸርሸርን ለመከላከል፣ የደን ሽፋን ለመጨመር፣ ለዜጎች ኢኮኖሚያዊ ጠቀሜታ እና ለዘላቂ ልማት መረጋገጥ የበኩላችንን ጥረት እናደርጋለን፡፡

#የምትተክል_አገር_የሚያፀና_ትውልድ
#ለአረንጓዴ_ኢትዮጵያ
#GreenFuture #CSR #ITU #GSMA #WorldBank #OECD #G6countries #HOPR #HoF

በደቡብ ኢትዮጵያ ክልል በጎፋ ዞን ገዜ ጎፋ ወረዳ በድንገተኛ የመሬት መንሸራተት አስከፊ አደጋ ጉዳት ለደረሰባቸው ወገኖች ኩባንያችን 10 ሚሊዮን ብር እንደተቋም እንዲሁም ከደንበኞች ያሰባሰበውን 1.35 ሚሊዮን ብር በድምሩ ከ11.35 ሚሊዮን ብር በላይ በስፍራው በመገኘት ለጎፋ ዞን የአደጋ መከላከልና ዝግጁነት ምላሽ ፈንድ በዛሬው ዕለት አስረክቧል፡፡

ኩባንያችን ተጎጂዎችን በዘላቂነት ለማቋቋም እያደረገ የሚገኘውን ሁለገብ ጥረት አጠናክሮ የሚቀጥል ሲሆን መላ ደንበኞቻችን በቴሌብር እና የአጭር ቁጥር 8091 በመጠቀም አቅም የፈቀደውን ድጋፍ ማድረጋችሁን እንድትቀጥሉ ጥሪ ቀርቧል፡፡

#Ethiotelecom #CSR #Gofa #GSMA #ITU #WorldBank #OECD #G6countries #HOPR #HoF

በ2017 በጀት ዓመት ኩባንያችን ከዘላቂ ልማት አንጻር የህብረተሰቡን ሁሉን አቀፍ ማህበራዊ እና ኢኮኖሚያዊ እድገት ሊያሻሽሉ የሚችሉ ዘርፈ ብዙ የማኅበረሰብ ተኮር ተግባራትን አከናውኗል፡፡

በትምህርት፣ ጤና፣ የአካባቢ ጥበቃ፣ አረንጓዴ ልማት፣ ሰብአዊ ተግባራት እና የመንግስት ልማት ፕሮጀክቶች በዓይነት እንዲሁም በገንዘብ በድምሩ 450.23 ሚሊዮን ብር ድጋፍ ተደርጓል፡፡

በተለይም በአካባቢ ጥበቃ ዘርፍ የበኩሉን ሚና በመጫወት፣ በ6ኛው ዙር የአረንጓዴ አሻራ መርሐ ግብር በ105 ጣቢያዎች ከ446 ሺ በላይ ችግኞች በመትከል ማህበራዊ ሃላፊነቱን ተወጥቷል፡፡

የበጎ ፈቃድ ተሳትፎም የኩባንያችን እሴት አንዱ ማሳያ ሲሆን፣ ሰራተኞቻችን በራሳቸው ተነሳሽነት ድጋፍ ለሚያስፈልጋቸው ወገኖች 3.4 ሚሊዮን ብር የሚገመት የገንዘብና የዓይነት ልገሳ አድርገዋል፡፡

ለበለጠ መረጃ፡ https://bit.ly/3VWyKnZ

#SustainableDevelopment #CSR #Ethiotelecom #GSMA #ITU #WorldBank #OECD #G6countries #HOPR #HoF

ኩባንያችን በመላው የሀገራችን ክፍሎች በተመረጡ ት/ቤቶች ለሚማሩ ተማሪዎች የመማሪያ ደብተር ልገሳን መርሃ ግብር በዛሬው ዕለት አስጀመረ!

መርሃግብሩን የኩባንያችን ዋና ስራ አስፈጻሚ ፍሬሕይወት ታምሩ በይፋ ያስጀመሩ ሲሆን፣ በዚህም በመላ አገሪቱ በተመረጡ አንደኛ ደረጃ ት/ቤቶች ውስጥ ለሚማሩ 80,000 ድጋፍ ለሚሹ ተማሪዎች 960 ሺህ የመማሪያ ደብተር ልገሳ የሚከናወን ይሆናል፡፡

ኩባንያችን #ለነገ_ተስፋዎች በሚል መሪ ሀሳብ ያዘጋጀውን ይህ የአዲስ አመት የመማሪያ ደብተር ልገሳ፣ ለትምህርት መርጃ መሳሪያ ድጋፉ ከ98.8 ሚሊዮን ብር በላይ ወጪ የተደረገበት ሲሆን፣ በፋይናንስ አቅም ማነስ ምክንያት ከትምህርት ገበታ ሊቀሩ የሚችሉ ተማሪዎችን ለማገዝ ያለመ ነው።

የደብተር ድጋፉ በቀጣይ ቀናት በሌሎች የኩባንያችን ዞኖች እና በተለያዩ የሀገራችን ክፍሎች በሚገኙ የሪጅን ጽ/ቤቶችም በስፋት የሚከናወን ሲሆን፣ ይህም የትምህርት ዘርፉን እና የነገ አገር ተረካቢ ትውልድ ለማገዝ የምናደርገው ሰፊ ጥረት አካል ነው፡፡

ኩባንያችን የዘንድሮውን ጨምሮ ባለፉት ስድስት ተከታታይ ዓመታት “ለነገ ተስፋዎች” በሚል መርሃ ግብር በመላው የሀገራችን ክፍሎች በአንደኛ ደረጃ ት/ቤቶች ውስጥ ለሚማሩ 373 ሺህ ተማሪዎች ከ320.8 ሚሊዮን ብር በላይ ወጪ በማድረግ የመማሪያ ደብተር ድጋፎችን አድርጓል፡፡

ለተጨማሪ መረጃ: https://bit.ly/467R82m
መልካም አዲስ ዓመት!
#በአዲስ_ጅማሮ_በአዲስ_ተስፋ_በአዲስ_ዕይታ

#ESG #CSR #DigitalEthiopia #DigitalAfrica #GSMA #ITU #WorldBank #OECD #G6countries #HOPR #HoF

#ለነገ_ተስፋዎች

ኩባንያችን ትናንት በዋና ሥራ አስፈጻሚያችን ባስጀመረው ሀገር አቀፍ የመማሪያ ደብተር ልገሳ መርሐ ግብር መሠረት በዛሬው ዕለት በመላ የሀገራችን ክፍሎች በተመረጡ ት/ቤቶች ለሚማሩ ተማሪዎች የመማሪያ ደብተር ልገሳ አከናውነናል፡፡

ለተጨማሪ መረጃ: https://bit.ly/467R82m

መልካም አዲስ ዓመት!


#በአዲስ_ጅማሮ_በአዲስ_ተስፋ_በአዲስ_ዕይታ

#Ethiotelecom #CSR #DigitalEthiopia #DigitalAfrica #GSMA #ITU #WorldBank #OECD #G6countries #HOPR #HoF #ESG

ኩባንያችን ለመጪው አዲስ የትምህርት ዘመን የሀገራችን የተለያዩ ክፍሎች ድጋፍ ለሚሹ ተማሪዎች የመማሪያ ደብተር ልገሳ አከናወነ!

ኩባንያችን #ለነገ_ተስፋዎች በሚል መሪ ሀሳብ ያዘጋጃቸውን የአዲሱን ዓመት የትምህርት መሣሪያ ድጋፍ መርሃ-ግብር ዋና ሥራ አስፈጻሚያችን በይፋ ማስጀመራቸው ይታወሳል፣ ይህንን ተከትሎም በመላ ሃገሪቱ በተመረጡ አንደኛ ደረጃ ት/ቤቶች ውስጥ ለሚማሩ 80,000 ድጋፍ ለሚሹ ተማሪዎች 960 ሺህ የመማሪያ ደብተር ልገሳ ማካሄዱ በኩባንያችን የተለያዩ ዞኖች እና በተለያዩ የሀገራችን ክፍሎች በሚገኙ የሪጅን ጽ/ቤቶችም በስፋት በመከናወን ላይ ይገኛል።

በፋይናንስ አቅም ማነስ ምክንያት ከትምህርት ገበታ ሊቀሩ የሚችሉ ተማሪዎችን ለማገዝ ያለመው የዚህ ዓመት የትምህርት መርጃ መሳሪያ ድጋፍ ከ98.8 ሚሊዮን ብር በላይ ወጪ የተደረገበት ሲሆን፣ ይህም የትምህርት ዘርፉን እና የነገ አገር ተረካቢ ትውልድ ለማገዝ የምናደርገው ሰፊ ጥረት አካል ነው፡፡

ኩባንያችን የዘንድሮውን ጨምሮ ባለፉት ስድስት ተከታታይ ዓመታት በመላ የሀገራችን ክፍሎች በአንደኛ ደረጃ ት/ቤቶች ውስጥ ለሚማሩ 373 ሺህ ተማሪዎች ከ320.8 ሚሊዮን ብር በላይ ወጪ በማድረግ የመማሪያ ደብተር ድጋፎችን አድርጓል፡፡

ለተጨማሪ መረጃ: https://bit.ly/467R82m

መልካም አዲስ ዓመት!

#በአዲስ_ጅማሮ_በአዲስ_ተስፋ_በአዲስ_ዕይታ

#ESG #CSR #DigitalEthiopia #DigitalAfrica #GSMA #ITU #WorldBank #OECD #G6countries #HOPR #HoF

በ2019 በጀት ዓመት ኩባንያችን ሰፊ ማኅበራዊና ኢኮኖሚያዊ ኢንቨስትመንቶችን በማድረግ የሀገራችንን ዕድገት ለማፋጠንና የዜጎችን ሕይወት ለመቀየር በርካታ ቁልፍ ስትራቴጂያዊ ሥራዎችን ለማከናወን አቅዷል፡፡

በዚህም መሠረት በበጀት ዓመቱ ከ644,000 በላይ ለሚሆኑ የምህዳር አጋሮቻችን (ወኪሎች፣ አቅራቢዎችና የVAS አጋሮች) የገቢ ምንጭ የሚፈጥር ሲሆን፤ ከ49,200 በላይ ለሚሆኑ ሠራተኞችም አስተማማኝ የሥራ ዕድል እንዲቀጥል ያደርጋል።

በተጨማሪም ቀደም ሲል የተፈጠሩ 2.4 ሚሊዮን ቀጥተኛና ቀጥተኛ ያልሆኑ የገቢ ምንጮችን በማስቀጠል፣ ተጨማሪ 163,375 አዳዲስ ቀጥተኛ የሥራ እና የገቢ ዕድሎችን ለመፍጠር ግብ ይዟል።

ኩባንያችን አገራዊ የፋይናንስ አቅምን ለማጠናከር 43.1 ቢሊዮን ብር የትርፍ ክፍፍል (Dividend) ያለመ ሲሆን፤ 83.8 ቢሊዮን ብር ቀጥተኛና ቀጥተኛ ያልሆነ የግብር ገቢ ለሀገራችን ለማበርከት አቅዷል።

በማኅበረሰብ ድጋፍና በጎ አድራጎት ረገድም 8.1 ቢሊዮን ብር ለብሔራዊ የአደጋ ስጋት ምላሽ ፈንድ እንዲሁም ሀገራዊ የልማት ፕሮጀክት ድጋፎችን ሳይጨምር 533 ሚሊዮን ብር ለተለያዩ የማኅበራዊ ኃላፊነት (CSR) ፕሮጀክቶች ያውላል።

በዘላቂ አረንጓዴ ኦፕሬሽን ልማት ረገድም በአረንጓዴ ኃይል አጠቃቀም፣ በካርበን ቅነሳ፣ በፋይናንስ አካታችነት እና በሳይበር ደኅንነት ላይ ትኩረት በማድረግ አገራዊ ተልዕኮውን በቁርጠኝነት ለመወጣት ይሠራል።

ለበለጠ መረጃ፡ https://bit.ly/3UvAR5j

#Ethiotelecom #telebirr #NextHorizon #NationalDevelopment #CSR #ESG #GSMA #ITU

ኢትዮ ቴሌኮም በመላ ሀገራችን በሚገኙ ትምህርት ቤቶች ድጋፍ ለሚሹ ተማሪዎች የመማሪያ ደብተር ድጋፍ አደረገ

የኩባንያችን ዋና ሥራ አስፈጻሚ ፍሬሕይወት ታምሩ የመማሪያ ደብተር ልገሳ መርሃ-ግብሩን በይፋ ያስጀመሩ ሲሆን፤ በዚህም በመላ ሀገራችን በሚገኙ የተመረጡ ትምህርት ቤቶች ለሚማሩ 105,496 ድጋፍ ለሚሹ ተማሪዎች 1,265,952 የመማሪያ ደብተሮች ድጋፍ ተደርጓል።

ኩባንያችን #ለነገ_ተስፋዎች በሚል መሪ ሐሳብ ያዘጋጀው ይህ የአዲስ ዓመት የደብተር ልገሳ፤ ከ113.3 ሚሊዮን ብር በላይ ወጪ የተደረገበት ሲሆን፣ ዓላማውም ተማሪዎች በትምህርት መርጃ መሣሪያዎች እጥረት ምክንያት ከትምህርት ገበታቸው እንዳይቀሩ ተስፋ ለመስጠትና ለመደገፍ ነው።

ኩባንያችን በሚከተለው ሰው-ተኮር ስትራቴጂ መሠረት፣ የደብተር ድጋፉ አካታችነትን ባረጋገጠ መልኩ በአዲስ አበባ እና በሁሉም የሀገራችን ክፍሎች አዲሱ የትምህርት ዘመን ከመጀመሩ በፊት የሚከናወን ነው።

ይህ ተግባር በስትራቴጂያችን ተካትቶ በዕቅድ የሚተገበር ሲሆን፤ የነገ ሀገር ተረካቢ ትውልድ ለማፍራትና በማህበረሰቡ ውስጥ የመደጋገፍ ባህልን ለማጎልበት የምናደርገው ተከታታይ ጥረት አካል ነው።

ኢትዮ ቴሌኮም ባለፉት ሰባት ተከታታይ ዓመታት ለ483.8 ሺህ በላይ ተማሪዎች ከ434.1 ሚሊዮን ብር በላይ ወጪ በማድረግ የመማሪያ ደብተር ድጋፍ አድርጓል።

#ለነገ_ተስፋዎች
#ከግንኙነት_ባሻገር_ለወገን_አጋር!
#በአዲስ_ጅማሮ_በአዲስ_ተስፋ_በአዲስ_ዕይታ_2019አዲስ_ዓመት!

#Ethiotelecom #NextHorizon #CSR #ESG #GSMA #OECD #G6countries

ኩባንያችን በመላ ሀገራችን ከሚገኙ ከ50 በላይ የሰብዓዊ ድጋፍ ሰጪ ተቋማት ጋር ከፋና ሚዲያ ኮርፖሬሽን ጋር በመተባበር የ2019 አዲስ ዓመት አቀባበል መርሃ-ግብር አከናውኗል።

ይህ መድረክ “ከግንኙነት ባሻገር ለወገን አጋር” በሚል መሪ ሀሳብ፤ ለሌሎች ተስፋ ለሚሰጡ ተቋማት ዕውቅና ለመስጠትና የሰዎችን ሕይወት በመለወጥ ረገድ በጋራ የተመዘገቡ ስኬቶችን ቃኝተዋል።

የኩባንያችን ዋና ሥራ አስፈጻሚ ፍሬሕይወት ታምሩ እንደገለጹት፤ ማህበራዊ ኃላፊነት ከተረፈን የምንሰጠው ሳይሆን የሰብዓዊነት ዕሴታችንና የሰው-ተኮር ስትራቴጂያችን መገለጫ ነው።

አክለውም፤ በመርሃ-ግብሩ ለተገኙና በመላው ሀገራችን ሕፃናትን፣ አረጋውያንንና ልዩ ልዩ ድጋፍ የሚሹ ወገኖችን ለሚረዱ ተቋማት በሙሉ ልባዊ ምስጋናቸውን አቅርበዋል።

የበጎ አድራጎት ተቋማቱ ለሌሎች ተስፋ እንደሰጡ ሁሉ፤ ኩባንያችን ኢትዮ ቴሌኮምም ከጎናቸው በመሆን ለበጎ አድራጎት ድርጅቶቹ የሁልጊዜም ተስፋ እንደሚሆን አረጋግጠዋል።

የበጎ አድራጎት ተቋማቱ በበኩላቸው ኢትዮ ቴሌኮም ቴክኖሎጂን ለሰብዓዊነት በማዋል በአጭር የጽሑፍ መልዕክት ገቢ ከማሰባሰብ ባለፈ፣ በገንዘብና በሞራል አለኝታ በመሆን የሚያደርግላቸውን ሁለንተናዊ ድጋፍ አርአያነት እንዳለው ገልጸዋል።

ኩባንያችን አዲሱን ዓመት በአዲስ ጅማሮ፣ ተስፋና ዕይታ በመቀበል፤ ሰውን በማክበርና ለሀገር ዕሴት በመፍጠር ረገድ ያለውን አገራዊ አጋርነት አጠናክሮ የሚቀጥል ይሆናል።

ፕሮግራሙን ለመመልከት፡ https://bit.ly/3V1j8CV ይጫኑ

#በበጎነት
#ከግንኙነት_ባሻገር_ለወገን_አጋር
#አዲስ_ዓመት_2019
#Ethiotelecom #CSR