7ኛው ሀገራዊ የሳይበር ደኅንነት ግንዛቤ ማስጨበጫ ወር በይፋ ተጀመረ!

ኩባንያችን ኢትዮ ቴሌኮም በዋና ስፖንሰርነት (Title Sponsor) የተሳተፈበት 7ኛው ሀገራዊ የሳይበር ደኅንነት ግንዛቤ ማስጨበጫ ወር “ንቁ ዜጋ ደኅንነቷ ለተጠበቀ ሀገር” በሚል መሪ ቃል በይፋ ተጀምሯል።

የዲጂታል ኢትዮጵያ 2030 ራዕይን ለማሳካት ተቋማችን የብዙ-ደረጃ መከላከያ (Defense-in-Depth) እና የዜሮ-ትረስት (Zero Trust Architecture) ደኅንነት ስትራቴጂዎችን ተግባራዊ እያደረገ ይገኛል። ከዚህም ባሻገር ከኢንፎርሜሽን መረብ ደኀንነት አስተዳደር (INSA) ጋር በመተባበር የህፃናትን ኦንላይን ደኅንነት ለማስጠበቅ የሚያስችሉ እንደ Child-Safe SIMs፣ የመኖሪያ ቤት የብሮድባንድ DNS Filtering እና Deep Packet Inspection (DPI) ያሉ የላቁ የቴክኖሎጂ መፍትሔዎችን በመተግበር ላይ እንገኛለን።

የሳይበር ደኅንነት የመንግሥት አካላት፣ የቴሌኮም ኦፕሬተሮች፣ የትምህርት ተቋማትና የእያንዳንዱ ዜጋ የተቀናጀ የጋራ ኃላፊነት እንደመሆኑ ያልተረጋገጡ ሊንኮችን ባለመክፈት፣ ጠንካራ የይለፍ ቃላትን በመጠቀምና የህፃናትን ኦንላይን ደኅንነት በጥንቃቄ በመጠበቅ የሳይበር ጥንቃቄን የዘወትር ልማዳችን እንድናደርግ ጥሪያችንን እናስተላልፋለን።

#CyberSecurityMonth #Ethiotelecom #INSA
#SecureByHabit #ChildOnlineSafety #CyberSecurity #DigitalEthiopia #RealizingDigitalEthiopia

ሁለተኛው ዲጂታል ቅዳሜ የፓናል ውይይት ተካሄደ!

ኩባንያችን ከ Urban Center ጋር በመተባበር ባዘጋጀው ሁለተኛው የዲጂታል ቅዳሜ መርኅ-ግብር በመረጃ ጥበቃ፣ በስነ-ምግባር ንድፍ እና በሳይበር ደኅንነት ላይ ያተኮረ የፓናል ውይይት ዛሬ ተካሄዷል።

በመድረኩ ላይ የኢትዮጵያ ኮሙኒኬሽን ባለሥልጣን፣ የኢትዮጵያ ስታርታፕ ማኅበር እንዲሁም የሳይበር ደኅንነትና የቴክኖሎጂ ባለሙያዎች፣ አልሚዎች እና ተማሪዎች የተገኙ ሲሆን በመረጃ ጥበቃ (Data Protection)፣ በሥነ-ምግባር ንድፍ (Ethical Design) እንዲሁም በዲጂታል ክፍያዎች የሳይበር ደኅንነት ላይ ሰፊ ውይይት ተደርጓል።

ኩባንያችን ኢትዮ ቴሌኮም አስተማማኝና ደኅንነቱ የተጠበቀ የዲጂታል ሥነ-ምኅዳር ለመገንባት በሚደረገው ጥረት ውስጥ የበኩሉን ድርሻ መወጣቱን አጠናክሮ ይቀጥላል!

መድረኩ ላይ በመገኘት ልምድና እውቀታቸውን ላካፈሉ ባለሙያዎችና ተሳታፊዎች ምስጋናችንን እናቀርባለን።

#Ethiotelecom  #UrbanCenter
#SecureByHabit  #CyberSecurity
#CyberSecurityMonth #telebirr #DigitalEthiopia #RealizingDigitalEthiopia

ኩባንያችን ዓለም አቀፍ የሳይበር ደኅንነት ወርን ምክንያት በማድረግ “ደኅንነትን ልማድ እናድርግ” (Secure by Habit) በሚል መሪ ቃል ከባለድርሻ አካላት ጋር የፓናል ውይይት አካሄደ።

በውይይት መድረኩ ላይ የመክፈቻ ንግግር ያደረጉት የኩባንያችን ቺፍ ኢንፎርሜሽን ኦፊሰር አቶ እንዳለ አስራት በየዕለቱ በምናደርጋቸው የዲጂታል አጠቃቀም ተግባራት ውስጥ የሳይበር ደኅንነትን እንደ ቋሚ ልማድ ማካተት እንደሚገባ አስገንዝበዋል።

በተጨማሪም የዲጂታል ስነ-ምኅዳሩ ተዋንያን፣ የፖሊሲ አውጪዎች እና ሁሉም ባለድርሻ አካላት በትብብር መሥራት፣ የአገልግሎት አቅራቢዎች የደኅንነት ጥበቃ ስርዓቶቻቸውን ማጠናከር እንዲሁም የደንበኞችን የሳይበር ደኅንነት ለማረጋገጥ በፖሊሲ የተደገፉ ውጤታማ መፍትሔዎችን መተግበር ወሳኝ መሆኑን በአጽንኦት ገልጸዋል።

በመቀጠልም የሳይበር ደኅንነትን እንደ ቋሚ ልማድ የማዳበር አስፈላጊነት ላይ ያተኮረ የፓናል ውይይት በዘርፉ ተጋባዥ ባለሙያዎች ተካሂዷል። በውይይቱም በየዕለቱ በምናደርጋቸው የዲጂታል አጠቃቀም ተግባራት ውስጥ የደኅንነት ጥንቃቄን መውሰድ እና የጋራ ኃላፊነት ባህልን ማጠናከር ወሳኝ መሆኑ ተጠቁሟል።

የኩባንያችን የኮርፖሬት ጉዳዮች እና ኮሙኒኬሽን ቺፍ ኦፊሰር አቶ መሳይ ውብሸት በበኩላቸው በውይይቱ ማጠቃለያ ላይ ኩባንያችን እያደገ የመጣውን የሀገሪቱን የዲጂታል አገልግሎት ፍላጎት ከማሟላት ጎን ለጎን፣ ለደንበኞቹ ደኅንነቱ የተጠበቀና አስተማማኝ የመሠረተ ልማት አገልግሎቶችን በማቅረብ ኃላፊነቱን እየተወጣ እንደሚገኝ አስረድተዋል።

#Ethiotelecom #CyberSecurityMonth #SecureByHabit #NextHorizon #DigitalEthiopia #RealizingDigitalEthiopia

ኩባንያችን የ2019 ዓ.ም የሳይበር ደኅንነት ግንዛቤ ማስጨበጫ ወርን ምክንያት በማድረግ ያዘጋጀው ልዩ አውደ ጥናት እና የሃኪንግ ውድድር በታላቅ ድምቀት ተካሄደ!

በሸራተን አዲስ በተካሄደው በዚህ ወርክሾፕ ላይ የሶፍትዌር ባለሙያዎች እና የቴክኖሎጂ ስታርት አፕ ፈጣሪዎች የተገኙ ሲሆን፤ በዘርፉ ወቅታዊ ጉዳዮች ዙሪያ ሰፊ ሙያዊ ማብራሪያዎችና ጥልቅ ውይይቶች ተደርገዋል፡፡

በዕለቱ ከፍተኛ ፍክክር የታየበትና የነገ አገር ተረካቢዎችን ተስፋ ያመላከተ የሃኪንግ ውድድር የተካሄደ ሲሆን፤ በውድድሩ በንቃት ተሳትፈው ድንቅ አፈፃፀም ላሳዩ ተወዳዳሪዎች የማበረታቻ የገንዘብ ሽልማቶች፣ ስጦታዎች እንዲሁም የእውቅና የምስክር ወረቀት ተበርክተውላቸዋል!

ኩባንያችን አስተማማኝና ደኅንነቱ የተጠበቀ የዲጂታል ሥነ-ምኅዳር ለመገንባት በሚደረገው ጥረት ውስጥ የበኩሉን ስትራቴጂካዊ ድርሻ መወጣቱን አጠናክሮ ይቀጥላል!

#ቆምይበሉ_ይመርምሩ_ይወስኑ!

#Ethiotelecom #SecureByHabit #CyberSecurityMonth #NextHorizon #DigitalEthiopia #RealizingDigitalEthiopia