ENGLISH

🔊YUNESKO O‘zbekistonda innovatsion dizayn bo‘yicha mentorlik dasturini boshladi

2026-yil 9-iyun kuni YUNESKO Toshkentda innovatsion dizayn bo‘yicha mentorlik dasturini boshladi. Dastur O‘zbekiston Respublikasi Oliy ta’lim, fan va innovatsiyalar vazirligi huzuridagi Kasbiy ta’lim agentligi bilan hamkorlikda amalga oshirilmoqda.

Dastur dizayn, innovatsiyalar va mahsulot ishlab chiqish bo‘yicha amaliy ko‘nikmalarni mustahkamlash, shuningdek, ijodkorlik va an’anaviy hunarmandchilikni bozorga yo‘naltirilgan mahsulotlar hamda barqaror daromad manbalariga aylantirishga ko‘maklashish maqsadida texnikumlar talabalari va o‘qituvchilarini birlashtiradi.
Ochilish marosimida YUNESKO, Yevropa Ittifoqi, Kasbiy ta’lim agentligi va Marg‘ilon hunarmandchilikni rivojlantirish markazi vakillari ishtirok etdilar.

Ochilishdan so‘ng ishtirokchilar ranglar nazariyasi, ijodiy dizayn yondashuvlari, moda siluetlari va Markaziy Osiyo xalqlarining an’anaviy kiyimlari boy merosiga bag‘ishlangan intensiv mentorlik sessiyalarini boshladilar. Keyingi uch kun davomida ular amaliy seminarlar va tashriflar orqali innovatsiyalar, tadbirkorlik, bozorga yo‘naltirilgan ishlab chiqarish va mahsulot yaratish jarayonlarini o‘rganishni davom ettiradilar.

Ushbu dastur to‘rt oylik mentorlik tashabbusi bo‘lib, uning davomida ishtirokchilar o‘z jamoalarida tijorat salohiyatiga ega innovatsion mahsulotlarni ishlab chiqish uchun tajribali dizaynerlar va mutaxassislar bilan yaqindan hamkorlik qiladilar.

📌Dastur Yevropa Ittifoqi tomonidan moliyalashtiriladigan YUNESKOning "O‘zbekiston qishloq joylarida bandlikni ta’minlash uchun ko‘nikmalarni rivojlantirish" loyihasi doirasida amalga oshirilmoqda.


#UNESCO #EuropeanUnion #Uzbekistan #VocationalEducation #SkillsDevelopment #InnovativeDesign #Creativity #Entrepreneurship #TVET

📱 Instagram | 📱 Facebook |📱 Website