ENGLISH

🎉 Kasbiy ta’limda dizayn ko‘nikmalari, ijodkorlik va innovatsiyalarni rivojlantirishga qaratilgan Mentorlik dasturi muvaffaqiyatli yakunlandi

🧵 To‘rt oy davomida talabalar va o‘qituvchilar tajribali dizaynerlar, amaliyotchi mutaxassislar hamda texnik ekspertlar bilan hamkorlikda an’anaviy hunarmandchilik, mahalliy materiallar va madaniy meros asosida tijorat salohiyatiga ega zamonaviy mahsulotlar yaratish ustida ishladilar.

Individual mentorlik va mahsulotlarni amaliy ishlab chiqish jarayonida ishtirokchilar O‘zbekistonning boy hunarmandchilik an’analari innovatsion dizayn uchun ilhom manbai bo‘lishi, shuningdek, yoshlar va ijodiy soha vakillari uchun yangi imkoniyatlar yaratishi mumkinligini o‘rgandilar.

📍 Dastur 2026-yil 17-sentabr kuni Marg‘ilon shahrida VII Xalqaro an’anaviy to‘qimachilik biennalesi - «Atlas bayrami» doirasida tashkil etilgan moda namoyishi bilan yakunlandi. Unda ishtirokchilarning yakuniy ishlari namoyish etilib, ularning yutuqlari e’tirof etildi. Shuningdek, an’anaviy materiallar, texnikalar va madaniy meros unsurlarini zamonaviy dizayn orqali yangicha talqin etish imkoniyatlari namoyon etildi.

🤝 O‘zbekiston Respublikasi Oliy ta’lim, fan va innovatsiyalar vazirligi huzuridagi Kasbiy ta’lim agentligi, Samarqand turizm va madaniy meros texnikumi hamda Marg‘ilon hunarmandchilikni rivojlantirish markazi bilan hamkorlikda amalga oshirilgan ushbu tashabbus kasbiy ta’lim va kreativ industriyalar o‘rtasidagi aloqalarni mustahkamlashga xizmat qiladi.

🎥 Ijodiy jarayon bilan tanishing, ishtirokchilarning to‘rt oylik faoliyatini kuzating va dastur davomida yaratilgan yakuniy mahsulotlarni videoda tomosha qiling!

Dastur Yevropa Ittifoqi tomonidan moliyalashtiriladigan “O‘zbekiston qishloq hududlarida bandlik uchun ko‘nikmalarni rivojlantirish” UNESCO loyihasi doirasida amalga oshirildi.

#EuropeanUnion #UNESCO #InnovativeDesign #SkillsDevelopment #VocationalEducation #TraditionalCraftsmanship #CreativeIndustries #Uzbekistan