Европа Иттифоқи Исроилга босимни кучайтирмоқда

Европа Комиссияси раиси Урсула фон дер Ляен Европарламентда қилган нутқида Исроилга нисбатан кескин танқид билан чиқди. У Ғазода юзага келган “сунъий яратилган очлик”ни ва Исроилнинг “икки давлат ечимини барбод қилишга қаратилган очиқ уринишлари”ни қоралаб, Европанинг бу ҳаракатларга аниқ жавоб топа олмаётганини “оғриқли” ҳолат сифатида баҳолади.

Фон дер Ляеннинг сўзларига кўра, Европа Иттифоқи фуқаролик жамияти ташаббусларидан ташқари, Исроилга йўналтирилган барча молиявий тўловларни тўхтатади. Шунингдек, у 1995 йилда имзоланган Европа Иттифоқи–Исроил ассоциация битимининг савдо қисми қисман тўхтатилишини таклиф қилди. Бу қадам Европа–Исроил муносабатларида кескин бурилиш сифатида кўрилмоқда.

Фон дер Ляен Европанинг энди бу жараёнда томошабин бўлиб қолмаслиги кераклигини таъкидлаб, Исроилнинг “экстремист вазирлари” ва “тажовузкор мустамлакачилари”га қарши санкциялар жорий этишга ваъда берди. Шу билан бирга, Европа Иттифоқи бош дипломати Кая Каллас Исроилга нисбатан ўнта санкция вариантини таклиф этган, Еврокомиссия эса Исроилни Horizon Europe тадқиқот ва инновациялар дастуридан қисман чиқариш масаласини кўтарган.

Бироқ Европа давлатлари орасида бу масалада ягона позиция мавжуд эмас. Германия ва Италия каби йирик мамлакатлар Исроил билан савдо муносабатларини чеклашга тайёр эмаслигини кўрсатмоқда. Ассоциация битимининг савдо қисмини тўхтатиш учун эса малакали кўпчилик овози зарур. Шу сабабли, Европа Иттифоқининг кейинги қадамлари ҳозирча ноаниқ бўлиб қолмоқда.

Швеция ва Нидерландия аллақачон Исроилнинг икки вазири — Итамар Бен-Гвир ва Бецалел Смотричга қарши санкция жорий этди. Европа Кенгаши ҳам Ғарбий қирғоқда инсон ҳуқуқларини мунтазам бузган шахс ва ташкилотларга қарши чоралар кўрилганини эслатди. Аммо кўплаб нодавлат ташкилотлар ва сиёсий доиралар Европадан янада қатъийроқ қадамлар кутмоқда, айниқса Исроил Ғарбий қирғоқда янги аҳоли пунктлари қурилишини тасдиқлаганидан кейин.

Фон дер Ляеннинг кескин баёноти Европа Иттифоқининг Исроил сиёсатига муносабатда янги давр бошланаётганидан дарак бермоқда.

@gayratkhodjasaydaliev

⚠️ Bugun 21:30 da Siyosatshunos Hamid Sodiq bilan yopiq telegram kanalimizda suhbatimiz bor.

🎙 Mavzu: Savol-javob

Suhbat yopiq formatda bo‘lib o‘tadi. Faqat to'lov qilganlar qatnasha oladi.

Murojaat uchun: @nurbekgofurov

Rasmiy sahifalarimizga obuna bo'ling
telegram |instagram | facebook | youtube | fikratonline

Владивостокда ўзбекистонликларга ҳужум қилган шахслар қўлга олинди. Бу ҳақда ТАСС агентлигига Приморье ўлкаси ҳукумати маълум қилди.

Расмий маълумотга кўра, ўлка прокуратураси аввалроқ бир гуруҳ ўсмирлар йўловчиларга ҳужум қилгани ҳақидаги маълумотни текширишни бошлаган эди.

Ўзбекистоннинг Владивостокдаги бош консули эса ўзининг Telegram канали орқали баёнот бериб, мазкур масала юзасидан барча зарур чоралар кўрилиши шартлигини таъкидлади.

@gayratkhodjasaydaliev

Исроил армияси Ғазо шаҳрига бостириб кирди – ОАВ

Бир неча ҳафталик бомбардимон ва авиазарбалардан сўнг Исроил армияси сешанбага ўтар кечаси Ғазо шаҳрига қуруқликдан ҳужум бошлади. Бу ҳақда Исроил, араб ва халқаро матбуот, жумладан, АҚШнинг Axios нашри ҳам хабар тарқатмоқда.

Jerusalem Post, "Ал-Жазира" ва бошқа қатор нашрлар Фаластин манбаларига таяниб, Исроил танклари шаҳар марказига кириб борганини маълум қилди. Jerusalem Post газетаси, манбаларига аниқлик киритмаган ҳолда, ҳужум бошланганини тасдиқлаган бўлса, "Ал-Жазира" ва Times of Israel сўнгги соатларда Исроил томонидан ҳужумлар шиддати кескин ортганини қайд этди.

Аввалроқ, август ойи бошида, Исроил ҳукумати Ғазо шаҳрини эгаллаш тўғрисидаги қарорни маъқуллаган эди. Бош вазир Бинямин Нетаняху ҲАМАС гуруҳининг асосий таянч пунктлари айнан шу ерда жойлашганини айтиб, уларни йўқ қилишга ваъда берган.

Ҳарбий операция олдидан Исроил Ғазо шаҳри аҳолисини секторнинг марказий ва жанубий ҳудудларига кўчишга чақирган. Бироқ кўплаб нашрларнинг тахминий ҳисоб-китобларига кўра, шаҳардаги бир миллионга яқин фаластинликдан атиги 300 мингга яқини эвакуация қилинган.

@gayratkhodjasaydaliev