📍 Sirdaryo viloyati, Guliston shahrida jonli uchrashuv
🗓 5-oktyabr
⏱️ Soat 14:00

🎙 Jonli uchrashuv

Mavzu:
💡 “Tarixiy xotira va zamonaviy siyosat”

Ekspertlar:

Siyosatshunos Hamid Sodiq

Siyosatshunos Jahongir Akramov

Tarixchi G‘aybulla Boboyorov

🔹 Tadbir davomida:

Tomoshabinlar savollar berish va fikr bildirish imkoniyatiga ega bo‘ladilar.

Kitoblar taqdimoti bo‘lib o‘tadi, mualliflardan dastxat olish imkoniyati mavjud.

📩 Murojaat uchun: @nurbekgofurov

Афғонистонда Интернет ўчирилди(ми?)

Душанба куни “Толибон” ҳаракати “ахлоқсиз ҳодисаларга қарши курашиш” учун Афғонистонни интернетдан бутунлай узгани ҳақида хабарлар тарқалди. Бу ҳақда BBC халқаро интернет-мониторинг хизмати NetBlocks’га таяниб ёзди.

Хабарларда Кобул аҳолисига таяниб, оптик толали алоқа маҳаллий вақт билан тахминан соат 17:00 да ўчирилгани айтилган. 1TV телеканалининг собиқ бош муҳаррири Ҳамид Ҳайдарий эса бу ҳолатни

“Афғонистон интернетни ўчириш бўйича Шимолий Корея билан беллашувда расман биринчи ўринни эгаллади”, дея изоҳлаган.

Бироқ, интернетнинг тўлиқ узилгани ҳақидаги маълумотлар баъзи далилларга зид келмоқда. Жумладан, айни пайтда Афғонистонда бўлиб турган ўзбекистонлик сиёсатшунос Исломхон Гафаров 29 сентябрь куни Тошкент вақти билан соат 21:51 да (Кобул вақти билан 21:21) ўзининг Telegram-каналида пост эълон қилган.

Бу ҳолат интернетнинг бутун мамлакат бўйлаб тўлиқ ўчирилмагани ҳамда вазият қўшимча аниқлик талаб қилишини кўрсатмоқда.

@gayratkhodjasaydaliev

Нетаняҳу Қатардан узр сўради

Исроил Бош вазири Бинямин Нетаняҳу Қатар Бош вазири ва ташқи ишлар вазири Муҳаммад бин Абдулраҳмон Ол Сонийдан Доҳада амалга оширилган ҳаво ҳужуми учун расман узр сўради. Бу ҳақда Қатар Ташқи ишлар вазирлиги маълум қилди.

Нетаняҳу 9 сентябрь куни ҲАМАС раҳбарияти қароргоҳига берилган зарба чоғида Қатар суверенитети бузилгани ва ҳужум оқибатида мамлакат хавфсизлик хизмати ходими ҳалок бўлганидан чуқур афсусда эканини билдирган. Шунингдек, у келажакда Қатар ҳудудига бундай зарбалар такрорланмаслигига ваъда берган.

Қайд этилишича, Исроил раҳбарининг қўнғироғи Оқ уйдан, АҚШ президенти Дональд Трамп иштирокида амалга оширилган. Нетаняҳунинг узр сўраши Қатарнинг Исроил ва ҲАМАС ўртасидаги музокараларда воситачилик ролини қайта тиклаши учун асосий шарт бўлган. Трамп маъмурияти Қатарнинг иштирокисиз Ғазо секторидаги гаровга олинганларни озод қилиш ва ўт очишни тўхтатиш бўйича келишувга эришиш деярли мумкин эмаслигини таъкидламоқда.

Исроилнинг Kan телеканалига кўра, томонлар ҳалок бўлган хавфсизлик ходими оиласига товон пули тўлаш масаласини ҳам муҳокама қилган ва Исроил бунга розилик берган. Шу билан бирга, Нетаняҳу ўз вазирларини Қатар Бош вазири билан суҳбати тафсилотларидан хабардор қилмаган. Бош вазир девони эса бу борадаги хабарларга изоҳ беришдан бош тортди.

@gayratkhodjasaydaliev

“Fikrat” jamoasining aʼzosi, siyosatshunos, dotsent Muxtor Nazirovning padari buzrukvorlari Mahmudjon hoji Nazirovning vafotlari munosabati bilan u kishining oila aʼzolari va yaqinlariga chuqur taʼziya izhor etamiz.

Alloh taolo O‘z mag‘firatiga olib, joylarini Firdavs jannatlaridan qilsin!

Innaa lillaahi va innaa ilayhi rojiʼuun.

Бугун камида 850 000 нафар инсоннинг байрами! Ҳа, сўнгги статистик маълумотларга кўра, юртимизда фаолият олиб бораётган педагоглар сони миллионга яқинлашяпти:

🔹Мактабгача таълим ташкилотларида – 188 808 нафар

🔹 Умумтаълим муассасаларида – 591 299 нафар

🔹Академик лицейларда – 3 212 нафар (2023 й.)

🔹Касб-ҳунар мактабларида – 9,9 минг нафар (2022 й.)

🔹Коллежларда – 2 158 нафар

🔹Техникумларда – 4,9 минг нафар (2022 й.)

🔹Олий таълим ташкилотларида – 49 633 нафар.

Байрамингиз муборак бўлсин, азиз устозлар! Биз ишонамиз, ўқитувчи ва мураббийлик касби жамиятимиздаги энг муҳим ва обрўли касбга айланади!

@gayratkhodjasaydaliev

АҚШ босими Ироқнинг энергетик режасини барбод қилди: Бағдод Туркманистон газидан умидини узди

Ироқ ўзидаги сурункали электр танқислигини Туркманистон газини Эрон орқали импорт қилиш ҳисобига бартараф этишни кўзлаган эди. Бироқ бу йирик лойиҳа АҚШнинг кескин қаршилиги сабабли амалга ошмай қолди. Эндиликда расмий Бағдод аҳолини узлуксиз электр энергияси билан таъминлаш учун муқобил ва қимматроқ ечимлар излашга мажбур бўлмоқда.

2023 йилда таклиф қилинган келишувга кўра, Туркманистон ўз газини Эронга, Эрон эса уни Ироққа етказиб бериши керак эди. Ушбу келишув Теҳронга нисбатан жорий этилган халқаро санкцияларни четлаб ўтиш имконини бергани боис уни амалга ошириш учун Вашингтоннинг расмий рухсати зарур эди. Бироқ, Reuters агентлигининг ёзишича, Трамп маъмурияти Эронга нисбатан “максимал босим” сиёсатини кучайтириб, бундай битимга йўл қўймади.

Бағдод бир неча ой давомида Эрон орқали йилига 5 миллиард куб метрга яқин газ олиш учун музокаралар олиб борган. Лойиҳада Эронга пул тўланмасдан, унинг ўрнига Туркманистон газининг 23 фоизигача бўлган қисмини ўз эҳтиёжлари учун олиш имконияти кўзда тутилганди. Ироқ, шунингдек, шаффофликни таъминлаш мақсадида жараённи халқаро кузатувчи назорат қилишига ҳам рози бўлган.

“Агар бу келишув амалга ошса, Ироқ банклари ва молиявий тузилмаларига нисбатан санкциялар қўлланиши мумкин эди. Шу сабабли шартнома ҳозирда тўхтатилган”, — дея вазиятни изоҳлади Ироқ Бош вазирининг маслаҳатчиси Адел Карим.

Бу лойиҳанинг барбод бўлиши Ироқ учун оғриқли зарба бўлди, чунки мамлакат сўнгги ўн йилда Эрон гази ва электр энергиясига деярли тўлиқ қарам бўлиб қолган. Эрон гази Ироқда ишлаб чиқариладиган электр энергиясининг қарийб учдан бир қисмини таъминлайди. 2018 йилдан бери амал қилган санкция имтиёзлари 2024 йил март ойида бекор қилингач, газ импорти кескин қисқарди. Оқибатда 3 минг мегаваттга яқин қувват йўқотилди ва тахминан 2,5 миллион хонадон электрсиз қолди.

Эндиликда Ироқ ҳукумати янги ечимларни изламоқда. Жумладан, Қатардан суюлтирилган табиий газ (СТГ) импорти учун инфратузилма қуриш ва Уммон билан ҳамкорлик қилиш каби вариантлар кўриб чиқилмоқда. South Gas Company давлат компанияси раҳбари Ҳамза Абдул Боқийнинг сўзларига кўра, Қатар ва Уммон газини қабул қилиш учун мамлакат сузувчи СТГ терминалини ижарага олмоқда. Бу чоралар Эрон гази тўлиқ тўхтаб қолиши эҳтимолига қарши тайёргарлик сифатида кўрилмоқда.

@gayratkhodjasaydaliev

"Украинадаги уруш — бизники эмас"

Словакия Бош вазири Роберт Фицо Европа Иттифоқининг Украинага нисбатан сиёсатини кескин танқид қилиб, "Украинадаги уруш — бизнинг урушимиз эмас", дея баёнот берди.

N-tv телеканалига берган интервьюсида у Европа етакчилари тинчлик ҳақидаги мулоҳазаларни четга суриб, фақат ҳарбий ҳаракатлар ҳақида сўз юритаётганидан ташвишда эканини билдирди.

"Мен бугун одамлар тинчлик ўрнига уруш ҳақида бепарво гапираётганидан ҳайратдаман. Европа Иттифоқи саммитларида фақат Россияни қандай мағлуб этиш муҳокама қилинмоқда. Бу одамлар урушнинг асл моҳиятини тушунадими ёки йўқми, билмайман", — дея таъкидлади Фицо.

@gayratkhodjasaydaliev