​Смартфоннинг ҳақиқийлигини (оригиналлигини) текшириш ва сохтасини (подделка) аниқлаш.

Сохтасини қандай аниқлаш мумкин
Сохта қурилмалар асосан турли хил Хитой ва Тайван мини заводларида ишлаб чиқарилади, шунинг учун уларнинг барчаси бир-биридан фарқ қилади.
Сохта қурилмани оригиналидан ташқи кўринишидан ажрата оладиган кафолатланган белгилар мавжуд эмас: баъзида сохта қурилмалар корпус элементларида, бошқалари экранда, бошқалари эса ёзувларида фарқланиши мумкин.
Асосийси, оригинал қурилма қандай ишлашини яхши билишингиз керак: тизим версиялари, процессор, экран, график қобиқ (оболочка) ва бошқалар.

Шунинг учун, сохтани оригиналдан ажратишнинг ягона усули - қурилмани малакали мутахассис ёрдамида текшириш.

Меню элементларининг таржима сифатига ҳам эътибор беринг.
Оригинал қурилмаларда таржима сифатли, хатосиз қилинган, ёзувлар фақат инглиз ва рус тилларида. Ҳозирча, Android тизими ўзбек тилига (лотин ёзуви) тўлиқ ва сифатли таржима қилинмаганлиги сабабли, тизимни рус ёки инглиз тилига ўгириб текшириб кўришни тавсия қиламиз.
Сохта қурилмаларда меню элементларида хитойча белгилар ишлатилиши мумкин, таржиманинг ўзи аниқ бўлмасдан, иборалар мантиқсиз кўриниши мумкин.

Ҳар эҳтимолга қарши смартфон IMEI рақамини https://uzimei.uz/ сайти орқали текшириб кўринг (ушбу тизимнинг мен билган ягона фойдали жиҳати). Лекин натижа қурилмангиз 100% оригиналлигига кафолат бермайди.

Сохта нарсалар қаерда сотилади.
Кўпинча сохта нарсалар қўлда ва бепул эълонлар сайтларида сотилади.

Қўлда сотиш:
Метро, темир йўл вокзаллари, супермаркетлар яқинида биров сизга арзон нархда смартфон ёки планшет сотиб олишни таклиф қилади ва чегирмани эса шошилинч пулга эҳтиёж борлиги сифатида тушунтиради. Одатда, ҳатто чек ва кафолат талони ҳам мавжуд. Сотувчи шошқалоқлик билан, сиз билан доимо гаплашиб, қурилмани тўғри кўриб чиқиш ва текширишга имкон бермайди. У сизга барча пуллари ва ҳужжатлари ўғирланганини, болалари уни кутаётганини, самолётга кечикаётганини айтиши мумкин. Умуман олганда, у муҳтож ёки хижолатлигини ҳис қилишингизни ва пулингизни тезроқ беришингиз учун бор кучини сарфлайди.

Бепул эълонлар сайтларида сотиш:
Сиз сайтда жуда паст нархга эга рекламани топасиз. Қўнғироқ қилганизда, смартфонга аллақачон харидор борлигини ёки сотиб олишга туртки берадиган бошқа афсонани ўйлаб топишлари мумкин. Кўпинча нархни қурилма совғага берилганлиги, лекин сотувчида бошқа смартфон ёки планшет мавжудлиги билан изоҳлашади. Саволларга умумий иборалар ёки олди-қочди гаплар билан жавоб берилади. Улар метро, савдо ёки бизнес марказлари яқинида учрашув белгилашади, деярли ҳеч қачон турар-жой биноларининг манзилларига чақирмайди. Учрашганингизда сизни шошилтиришади ва тунги вақтда яхши ёритилмаган худудда қурилмани кўрсатишади. Сотувдан сўнг эса, телефон рақамини ўчиради ёки сизни қора рўйхатга қўшишади.

Қўшимча маълумот: https://t.me/gsmgurus_FAQ/56

Қуйидаги расмда - одатий сохта смартфоннинг рекламаси.
#маълумот

"Google Translate" таржимонининг 10 та фойдали хусусиятлари

PDF-документларни таржима қилиш, ўз луғати, офлайн режимда ишлаш - бу хизмат имкониятларининг фақат кичик бир қисми.

Рукописный ввод (Қўлда ёзиш)
Google Translate нафақат клавиатура ёрдамида оддий сўзлар тўпламини, балки қўлда ёзишни ҳам қўллаб-қувватлайди. Бу хизматнинг веб-версияси ва мобил иловага ҳам тегишли.

Офлайн (интернетсиз) таржима
"Google Translator" мобил версияси анчадан бери Интернетга уланмасдан ишлашга қодир. Сиз фақат керакли тилларнинг луғатларини олдиндан юклашингиз керак. Ушбу режимга илованинг ён менюсидан "Офлайн режимида ўтказиш" (Перевод офлайн) орқали ўтишингиз мумкин.

Синхрон таржима
"Google Translator" мобил версиясида ёзилган матнни овоз билан ўқиш ва ҳатто овоз билан матн киритиш (голосовой ввод) мавжуд, аммо жуда ҳам фойдали функция "мулоқот"дир (Общение). Бу сизга чет эллик билан суҳбатлашиш учун синхрон таржима қилиш махсус режимига ўтиш имконини беради.
Ушбу режимда илова барча ибораларни тинглайди ва суҳбатдошнинг тилига таржима қилади, уларни овоз билан талаффуз қилади ва матн орқали кўрсатади.


Камера орқали тезкор таржима
Мобил илованинг яна бир фойдали хусусияти - смартфон камераси ёрдамида матнли таржима. Реал вақтда, сиз суратга олаётган матн ўрнига тайёр матн кўрсатилади.
Ушбу функцияга ўтиш учун камера белгисини илова панелидан танланг. Расмга тушириш режимида сиз илгари олинган ҳар қандай фотосуратни очишингиз мумкин.

Шахсий луғат
Ҳар қандай сўз ёки ибораларнинг таржималарини кейинчалик уларга қайтишингиз учун, ўзингизнинг луғатингизда сақлашингиз мумкин. Бунинг учун юлдузчани босиш кифоя.

Ҳар қандай иловадан таржима
Android смартфонларида Google Translator матнни танлашингиз мумкин бўлган ҳар қандай иловадан тезкор таржима қилиш учун қулай функцияни таклиф этади. Керакли сўз ёки иборани белгилаганингиздан сўнг, учта нуқта устига босиб контекст менюсини кенгайтиришингиз керак ва "Таржима" ни танланг.
Ушбу функция илова созламаларида, "Быстрый перевод" номли бўлимидан ёқилади.

СМС таржимаси
Кирувчи СМС-хабарнинг матнини таржима қилиш учун нусха кўчиришни ишлатиш шарт эмас. Сиз хабарларга тўғридан-тўғри мобил "Google Translator" орқали ўтишингиз мумкин. Бунинг учун асосий менюда "Перевод SMS" ни босинг ва хабарни танланг.

Қидирув сатридаги таржима
Агар сиз бир ёки бир нечта сўзларнинг таржимасини билмоқчи бўлсангиз, унда буни қидириш сатрида оддий сўров билан амалга оширишингиз мумкин. Инглиз тилига таржима қилмоқчи бўлсангиз, у қуйидагича кўриниши керак: сизнинг сўзингиз ёки иборангиз + "на английском".

Веб-сайт таржимаси
Масалан, сиз сайт ҳаволасини нусхалашингиз ва Google Translator га қўйишингиз мумкин. Худди шу сайтга ҳавола ўнгдаги ойнада керакли тилда пайдо бўлади.

Ҳужжатларни таржима қилиш
Бу фақат хизматнинг веб-версиясига тегишли бўлган яна бир хусусият. Бу сизнинг компютерингиз хотирасидан матнли ҳужжатни юклаб олиш ва унинг таржимасини кўриш имконини беради. Бу PDF файл ёки, масалан, DOCX бўлиши мумкин.

Иловани юклаб олиш: https://play.google.com/store/apps/details?id=com.google.android.apps.translate&hl=ru

#APK #иловаянгилик

​Смартфонларни қандай қилиб тозалаш (дезинфекция) керак.

Каналимизда аввалроқ маълумот бериб ўтганимиздек, смартфон патоген бактериялар ташувчиси бўлиши эҳтимолдан ҳоли эмас. Қурилма экрани тозалаб туриш орқали ушбу хавфни нисбатан камайтириш мумкин.

Смартфон экранини нима билан тозалаш керак?

Спирт ёки спирт аралашмали суюқлик дисплейнинг олеофобик қопламасига жиддий зарар етказади. Бундай хавфли кимёвий моддаларни озгина совунли сув билан алмаштириш мумкин. Айнан шу тарзда смартфонни тозалашни Google ва Apple маслаҳат беради, аммо бу усул вирусларни йўқ қилиш учун тўлиқ кафолат бермайди.

"Health" журналида микробиолог Чарлз Герба томонидан бироз бошқача усул таклиф қилинган. У қурилмани спирт ва сув эритмаси 40% га 60% нисбатда, намланган салфетка билан артишни тавсия этади.

Лекин, бошқа ишончли ва хавфсиз усул ҳам мавжуд. Бу сизнинг смартфонингиз экранининг юқори қисмига ёпиштирилиши мумкин бўлган ҳимоя ойнаси (стекло) ёки плёнкадан фойдаланишдан иборат. Уларнинг кўпчилиги олеофобик қатламга эга эмас ва агарда мавжуд бўлса ҳам, вақт ўтиши билан унинг йўқолиши катта йўқотиш бўлмайди.
Сиз ҳар доим қурилма экранига зарар етказмасдан ҳимоя ойнасини алмаштиришингиз мумкин. Бунга қўшимча равишда, ушбу ҳимоя экранни қирилишдан ҳимоя қилади.

Сизчи смартфонингизни дезинфексия қиласизми? Буни қандай қиласиз? "Открыть комментарии" кнопкси орқали изоҳларизни ёзиб қолдиринг.

#маслахат

Смартфонда бажариладиган ёмон одатлар 2:

Смартфонингиз ёки унинг ички хотираси умрбоқийлигига ишонишни тўхтатинг!

Ахборот технологиялари ривожланган даврда, муҳим маълумотларни йўқотиш, эҳтимол фойдаланувчи учун энг катта йўқотишлардан бири бўлиши мумкин. Замонавий одамнинг компютерида ёки смартфонида иш ҳужжатларидан тортиб эсдалик расмларига қадар жуда кўп муҳим маълумотлар сақланади. Аммо шунга қарамай, аксарият фойдаланувчилар шахсий маълумотларини захира қилишмайди.

Смартфон ёки компютер ички хотирасининг ўлмаслигига ишониш хавфли ва зарарли одатдир. Бу ҳақида каналимизда бир неча марта эслаб ўтганимиздек, ички хотира манбаси (ресурси) чегараланган бўлиб ва унинг ишлаш муддати ишлаб чиқарувчидан тортиб технологиясига ҳам боғлиқ.
Ушбу ёмон одатдан халос бўлинг ва ҳеч бўлмаганда бир ойда бир энг керакли маълумотларнинг захира нусхаларини яратишга одатланинг. Устига-устак, бугунги кунда ташқи қаттиқ дисклар ёки флешкалар нисбатан арзон.

Смартфонингизни кераксиз илова ва ўйинлар билан тўлдиришни тўхтатинг!

Агар фойдаланувчи янги иловаларни фаол равишда ўрнатадиган бўлса, эртами-кечми унинг смартфонининг иш столи ҳар хил иловалар билан тўлиб кетади. Аввалига бу халақит бермайди. Аммо вақт ўтиши билан иловаларнинг жуда кўплиги чалкашликка олиб келиши мумкин.

Бунинг олдини олиш учун смартфонингизни мунтазам равишда тартиблашни одат қилинг. Иловаларни тоифаларга ажратиб олинг ва белгиларини улар билан ишлаш сизга қулай бўлиши учун тартибланг. Бу бир неча соатни олиши мумкин, аммо охирида сиз сарфлаган вақтингиздан афсусланмайсиз. Иловаларни тартибга солгандан сўнг, смартфон билан ишлаш анча қулай ва ёқимли бўлади. Бу қоида шахсий файлларга (расм, видео, mp3) ҳам тегишли.

Махфийлик созламаларига эътибор бермаслик!

Замонавий фойдаланувчи ижтимоий тармоқлар тубига шўнғишга ва шахсий ҳаётини бутун дунё билан баҳам кўришга тайёр. Лекин у одатда, махфийлик созламаларини ўрганиш учун вақт топа олмайди. Бу ёмон ва хавфли одат. Агар сиз бирон бир ижтимоий тармоқдан фойдалансангиз, у сиз ҳақингизда қандай маълумотларни тўплашини ва бошқаларга кўрсатишини билиб олинг.

Facebook махфийлик созламалари: https://www.facebook.com/settings?tab=privacy
Instagram махфийлик созламалари: https://www.instagram.com/accounts/privacy_and_security/
Google махфийлик созламалари: https://myaccount.google.com/privacy

Шу мавзуда каналда берилган маълумот: https://t.me/gsmgurus_FAQ/544

Telegram учун фойдали ботлар:

- Видео файллар учун бот конвертори. Бир форматдан бошқа форматга ўгириши ва файл ҳажмини кичрайтириши мумкин.
@vidbot

- Тез натижали, қулай бот-таржимон.
@TranslateBot
#inline

- Исталган санъаткорларнинг қўшиқлари матнларини қидириш учун бот.
@songlyrbot
#inline

- Voice to Text Bot сиз юборган овозли хабарни матнга ўгириб берадиган бот. Суҳбатдошингиз сизга овозли хабарларни юборганида, уни тинглашнинг имкони бўлмаганда қулай.
@voice_2_text_bot

- Доимий равишда янгиланиб турадиган филмларнинг катта маълумотлар базасига эга бўлган Telegram даги онлайн кинотеатр.
* Қулай қидирув (номи, жанр, йил, актёрлар бўйича)
* Браузерга ўтишлар йўқ, мессенжердан чиқмасдан томоша қилинг
* Барча филмлар бепул
@afilmbot

- YouTube, VK, FB, Instagram ва бошқа ижтимоий тармоқлардан видео ва аудио юклаб оладиган бот.
Фақат унга видео ҳаволасини жўнатинг - жавобда сиз видео ёки аудио файлни оласиз!
Видеони рекламасиз кўришни хоҳласангиз ёки уни офлайн режимда кўриш учун уни қурилмангизга юклаб олишингиз керак бўлганда қулай.
@gozilla_bot

- VK, ОК, Twitter, YouTube, Instagram каби 700 га яқин хизматлардан видео ёки аудио файлни юклаб олиш учун бот.
YouTube дан юклаб олиш учун (ботда рус тилини танлашингиз керак)
@AnyVideoDownloadBot

- Instagram ижтимоий тармоғидан ҳар қандай медиа файлларни юклаб олиш имконини берувчи бот: хабарлар, ҳикоялар, жонли эфир ва ҳоказолар.
Бундан ташқари, аноним тарзда ҳикояларни кўришни ва сизга керакли аккаунтлардаги янги воқеалар ҳақида сизни хабардор қилиши ҳам мумкин.
@InstaBot

- Бот ҳар қандай ҳажмдаги турли хил медиа таркибини юклаб олишга ёрдам беради, мутлақо бепул ва чекловларсиз. Instagram, FaceBook, VK, YouTube, SoundCloud, TikTok каби хизматлар қўллаб-қувватланади.
@allsaverbot


Бугунги рўйхатимизда YouTube ва бошқа ижтимоий тармоқлардан медиа файллар юклаб олиш ботларининг такрорланишига сабаб гуруҳимизда тез-тез сўраб турилиши ва айримларининг баъзан ишламай қолиши.

#Telegram #Бот #Телеграм

​​Болалар уйда ўтирганида техникадан фойдаланиш қоидалари.

Ўзим компьютер билан катта бўлганман. 90-йилларнинг бошларида адам ҳамкорлари билан юридик хизмат кўрсатувчи хусусий фирма очишган ва янги корхонага компьютер олишган. Адам ҳар дам олиш кунлари ўша компьютерни «Запорожец» машиналарига юклаб, олиб келардилар. Ҳар душанба қайтиб опкетардилар.

Мен эса шу икки кун тинмай компьютер ўйнардим, овқат ҳам емасдан. Ўша пайтнинг энг зўр ўйини Prince of Persia — «Форс шаҳзодаси» деган ўйин эди. Кейин Doom деган ўйин чиқди — хар ҳил маҳлуқларни ўлдириб юриш керак эди.

Компьютерни ўйинлар орқали таниганман. Секин-секин Word ва Excel'ни, ундан кейин Windows ўрнатишни, каттароқ бўлганимдан кейин қисмлардан компьютер «йиғиш»ни ўргандим.

Шунинг учун ҳам болаларимга техникани ҳеч қачон тақиқ қўймаганман ва бошқаларга ҳам маслаҳат бермайман. Болалар ўзи шундай: аввал ўйинга қизиқади, сал кўзи тўйганидан кейин бошқа «фойдали» ишлар қилишни бошлайди.

Тақиқлаш керакмас дегани бу чегарасиз бериб қўйиш керак дегани эмас. Чегара бўлиши керак. Уй ишларини, дарсларни қилиганидан кейингина чегараланган муддат ўйнай олишини тушунини керак бола.

Ҳозир барча замонавий қурилма ва платформаларда болаларни чегаралаш воситалари мавжуд. Катта ўғлимнинг ўз компьютери бор, Windows 10'да ишлайди. Бу тизимнинг ўз воситалари мавжуд бўлиб, улар орқали мен ўғлим қайси сайтларга кираётгани, нималар қидираётгани, қайси дастурларни қанча вақт ишлатаётганини кўра оламан. Кераксиз сайтлар, ижтимоий тармоқлар, программаларни блоклаб қўйганман.

iPhone, iPad, Android қурилмаларда ҳам худди шунақа инструментлар бор. Уларни алоҳида ўрнатиш, пул тўлаш керак эмас.

Компьютерига қўшимча равишда каттамга арзон Android-смартфон олиб берганман. Қурилма орқали ўғлим қаерда эканини бемалол исталган пайтим кўра оламан.

Android телефонлар учун Macrodroid деган дастур бор. Исмоил мактабидан чиқиб кетса, уйга келса менга автоматик равишда СМС келади.

Шу билан бирга фарзандларим учун интернетдаги 99% сайтлар очиқ. Қандай сайтлар яхши, қайсилари ёмон эканини тушунтирганман. Болага нега чегаралаётганингизни тушунтириш керак. Тушунса, ўзи ҳам қоидаларни бузмайди, чунки оқибатини билади.

Бизнинг болалар иш кунлари 1—1,5 соат, дам олиш кунлари 2—3 соат ўйнашади. Бундан ташқари дарс, уй ишлари ҳам қилинади. Қилинмаса, техника ҳам йўқ. Келишув шундай.

Шиоримиз — доверяй, но проверяй.

Кейинги постимда болалар учун ўйин ва дастурларни тавсия қиламан.

Суратда: Android учун мўлжалланган Family Link дастури.

@zambarakning_oqi

​Telegram чеклов ва лимитлари:

- Фойдаланувчи учун фойдаланувчи номининг (username) максимал узунлиги 32 белгидан (символ) иборат.
- Файл узатишнинг максимал ҳажми: 1,5 ГБ.
- Хабарнинг узунлиги максимал 4096 белгидан иборат. Кейин матн бир нечта хабарларга бўлинади.
- Шахсий суҳбатларингизда хабарларни таҳрирлашнинг максимал вақти - 48 соат.

- Юборилаётган расм учун тавсифнинг максимал узунлиги 200 белги.
- Видео хабарнинг максимал давомийлиги- 1 дақиқа.
- Битта хабарда( албомда) расмларнинг максимал сони- 10 дона.
- Илованинг юқори қисмида бириктирилган суҳбатлар/ каналлар / гуруҳларнинг максимал сони 5 та (Архивда чекланмаган).

- Фойдаланувчи учун "таржимаи ҳол" устунини тўлдириш. Максимал - 70 та белги.
- Ўрнатилган стикерлар сонининг чегараси 200 та стикер тўпламини ташкил этади.
- Спам-блоклаш (фойдаланувчиларга шахсий (личка) хабарларни юбориш имкониятини блоклаш) - камида 3 кундан, умрбодгача). Буларнинг барчаси қоидабузарликнинг жиддийлигига боғлиқ.
- Канал / чат учун таклифлар нинг чеклови максимал 200 кишидан иборат. Кейин фақат мустақил обуна.

- Ҳаммаси бўлиб, сиз 10 тагача оммавий канал ёки гуруҳларни ёки 500 тагача шахсий каналларни яратишингиз мумкин.
- Сиз максимал 500 та каналга обуна бўлишингиз мумкин.
- Telegram расмий иловасида аккаунтларнинг максимал сони 3 та (Telegram X да - 65536)
- Фаол бўлмаган тақдирда аккаунтнинг ўз-ўзини йўқ қилиш муддати: 1 ойдан 12 ойгача.

#Telegram #Бот #Телеграм

Beeline Uzbekistan:

Covid-19 тарқалиши ва кўрилаётган профилактика чоралари муносабати билан мактаб ўқувчилари телеканаллар орқали масофадан таълим олишни "Beeline Uzbekistan" қўллаб-қувватлайди.

Компания оилаларда телевизорлар билан боғлиқ чекланишлар бўлиши ва телеканаллар томошабинлари ҳар ҳил аудиторияга мансуб бўлишлари мумкинлигини тушунади.

Биз абонентларимиз учун, айниқса ота-оналар ва болалар учун, энг қулай шароитларни яратишни истаймиз.
Шу муносабат билан "Beeline" 2020 йилнинг 15 апрелигача барча янги фойдаланувчилар учун Beeline TV иловасида 60 дан ортиқ каналларни бепул кўриш имкониятини беради.

Илованинг амалдаги фойдаланувчилари илова ичидаги пулли обунани ўчириб, хизматдан бепул фойдаланишлари мумкин.
Сизларга соғлик ва вақтингизни мароқли ўтказишни тилаймиз!

https://beeline.uz/uz/events/news/tarifikaciya-interneta-beeline-tv.html

Иловани юклаб олиш: https://play.google.com/store/apps/details?id=com.spbtv.beelinetvuz&hl=ru

Ucell:

Таълим ресурсларига нархланмайдиган кириш
Ҳурматли абонентлар!

Ucell мактабдаги таълим рақамлаштирилишини тўлиқ қўллаб- қавватлайди, ҳамда мамнуният билан шу ҳақида хабар берадики, 09.03.2020- й. дан қуйидаги интернет - ресурсларга нархланмайдиган кириш тақдим этилади:

http://uzedu.uz/
https://kundalik.com/
https://uz.khanacademy.org/
http://eduportal.uz/
http://emis.uzedu.uz/
http://stat.uzedu.uz/
http://kitob.uz/
https://itsm.uz/
https://edumarket.uz/
Энди сиз кўрсатилган ресурслардан интернет - трафик харажатисиз фойдаланишингиз мумкин. Ucel билан таълим олинг!

https://ucell.uz/uz/news/2020/03/09/following_resources_has_been_opened

* Изоҳ, расмий сайтдаги имло хатолари сақлаб қолинди.

Таълим ва ахборот сайтлари трафик ҳисобисиз тақдим этилади
Ҳурматли абонентлар,

Энди фарзандларингиз Ucell тақдим этаётган имкониятларидан фойдаланган ҳолда, уйдан туриб таълим олишда давом этишлари мумкин.

Компания таълимий онлайн- ресурсларга чекловсиз нархланмайдиган киришни тақдим этмоқда:

Online-maktab.uz
maktab.uzedu.uz
Talim.uzedu.uz
utube.uz
Itschool.uz

Шунингдек, coronavirus.uz сайтига трафик ҳисобисиз кириш имконияти тақдим этилмоқда

https://ucell.uz/uz/news/2020/03/19/Educational_and_informational_sites_without_traffic_charge

Mobiuz:

Ахборот ва таълим ресурсларидан бепул фойдаланиш!

Ҳурматли абонентлар!
Коронавирус пандемиясига қарши кўрилаётган чора-тадбирлар доирасида ва аҳоли ҳамда ёшларга қўшимча қулайлик яратиш мақсадида Mobiuz абонентлари 2020 йил 18 мартдан 1 майгача қуйидаги веб-ресурслардан мобил Интернет трафигини сарфламаган тарзда фойдаланишлари мумкунлиги ҳақида хабар беришдан мамнунмиз:
Коронавирус дунё бўйлаб тарқалишининг интерфаол харитаси: coronavirus.uz.


ОАВ веб-сайтлари:

daryo.uz
kun.uz
uznews.uz
gazeta.uz
podrobno.uz
uzreport.news
xabar.uz

Таълимга оид веб-ресурслар:

edumarket.uz
online-maktab.uz
talim.uzedu.uz
utube.uz
itschool.uz

Шунингдек, Халқ таълими вазирлиги билан ҳамкорлик доирасида, Mobiuz абонентлари учун 2019 йилнинг август ойидан қуйидаги ахборот-таълим ресурсларидан доимий равишда имтиёзли фойдаланиш имконияти мавжудлиги ҳақида эслатиб ўтамиз :

uzedu.uz и xtv.uz
eduportal.uz
kitob.uz
pm.xtv.uz
xt.uzedu.uz
stat.uzedu.uz
emis.uzedu.uz
kundalik.com

https://mobi.uz/uz/news/2020/20745/

​Роуминг нима?

Роуминг замонавий мобил алоқа операторларининг оммабоп хизмати. Кўп саёҳат қиладиган абонентлар унинг барча хусусиятлари билан таниш бўлиши керак.

Роуминг нима дегани? Роуминг - бу чет элда мобил телефонингиздан, СИМ-картани ва мобил операторингизни ўзгартирмасдан фойдаланиш имконини берувчи хизмат.
Шундай қилиб, абонент бошқа мамлакат ҳудудида бўлиб турган вақтда, олдиндан ўзининг оператори билан роуминг шартномасини тузган маҳаллий операторларнинг хизматларидан фойдаланади.

Халқаро қўнғироқларда пулни қандай тежаш мумкин? Пулни тежашнинг яхши усули бу матнли хабарлар фойдасига халқаро қўнғироқлардан бутунлай воз кечишдир. Ҳақиқатан ҳам, роумингда СМС хабарлар анча арзон, шунинг учун сиз кўп пул сарфлашингиз шарт эмас. Бироқ, СМС хабарлар баъзан қўнғироқ ўрнини боса олмайди. Одатда, операторларда роуминг хизматлари учун махсус таклифлар бўлиши мумкин, бунда сизга маълум ойлик тўлов эвазига чегирма ёки бепул дақиқалар тақдим этилади.

Шундай қилиб, роуминг барча халқаро алоқаларнинг асосидир. Албатта, баъзида шунчаки операторни ўзгартириш фойдалироқ, лекин аксарият ҳолларда роуминг энг фойдали таклифдир.

Маслаҳатимиз саёҳат қилишдан олдин сизнинг операторингизнинг тарифлари билан танишинг ва телефонингиз балансини тўлдиринг.

Ўзбекистон мобил операторлари роуминг хизматлари:
- https://beeline.uz/uz/zoni-rouminga
- https://mobi.uz/uz/roaming/before_trip/
- https://ucell.uz/uz/subscribers/roamers
- https://uztelecom.uz/uz/jismoniy-shaxslarga/mobil-aloqa/gsm-2/rouming/dunyo-boylab

#маълумот

​Android "буфер обмена" нима ва у қаерда жойлашган?

Буфер обмена (вақтинчалик хотира) - бу иловалар ёки бирор илованинг қисмлари ўртасида маълумотларни узатиш ёки нусхалаш учун мўлжалланган оралиқ маълумотлар омбори. Бунинг учун нусха олиш (копировать), кесиш (вырезать) ва қўйиш (вставить) операцияларидан фойдаланилади.

Бошқача қилиб айтганда, буфере обменада сиз бироз олдин кесиб олган ёки нусха олган маълумотлар мавжуд.
Мисол учун, айтайлик сиз бирон-бир сайтга кирдиз ва қуйида расмда кўрсатилган маълумотларнинг бир қисмидан нусха олдиз.

Расмда кўрсатилган маълумотларнинг нусхаси буфер обменада. Нима учун? Шу тарзда сиз, уларни буфер обменадан "олиб" ва бошқа жойга "қўйиш" тугмасини босиш орқали кўчиришингиз мумкин.

Буфер обменасиз буни амалга ошириб бўлмас эди.

Эътибор беринг, буфер обменада фақат сиз кесиб олган ёки нусха олган сўнгги маълумотлар мавжуд, аммо қўшимча иловалар ёрдамида бир вақтнинг ўзида бир нечта парчаларни сақлаш ҳам мумкин (Каналимизда Gboard клавиатурасида "буфер обмена" ҳақида маълумот бор).

Буфер обмена қаерда жойлашган?
Буфер обмена оператив хотирада жойлашган бўлиб, оператив хотира, бизга маълумки, турли маълумотларни, жумладан, дастур коди, оралиқ маълумотлар ва бошқаларни ўз ичига олган тизимнинг бир қисмидир.

Android смартфондаги буфер обменани тозалашнинг энг осон усули - бу бошқа маълумотларни нусхалаш ёки қурилмани ўчириб ёқиш. Буфер обмена томонидан ишлатиладиган хотира ҳажми шунчалик кичикки, уни тозалаб туришга зарурият йўқ.

#маълумот

@Hodiyevedu kanalida asosan ona tili va adabiyot fanidan hech qayerdan topib bo'lmaydigan eng yangi audio va video ma'ruzalar, mavzulashtirilgan va blok testlar berib boriladi. Har bir o'quvchi mustaqil kanalni kuzatib borsa yetarli bilimga ega bo'la oladi.