Һиггс бозоны ничек ачылды

Һиггс бозоны ачылуы хакында 2012 елның 4 нче июлендә ЦЕРН оешмасының матбугат очрашуында игълан иткәннәр иде. Чарада физика галиме Питер Һиггс та катнашты. Ул, чиктән тыш дулкынланып, теориясенең тәҗрибәдә раслануын исән чакта көтмәгәнен, шуңа бик сөенгәнен белдерде. Бер елдан соң Һиггс белән бельгияле Франсуа Энглер 1964 елда ук кисәкчекне фаразлаганнары өчен физика өлкәсендә Нобель бүләген алдылар.

http://giylem.tatar/archives/2497

Нәкъ шулай!

🌗төштән соң, 4-тә
💥 "Гыйлем илендә" - "САФ" татарча беренче балалар интернет-радиосы һәм "Гыйлем" үзәгенең уртак проекты
🪐тема - "Венера" планетасы
✨алып баручысы һәм мөхәррире - Айдар Шәйхин
✨монтажлаучы - Айгөл Саттарова

⭐️ saf-radio.ru ⭐️

#сафрадио
#сафбалаларрадиосы
#сафгыйлемилендә

Тел галиме, татар теленең этимологик сүзлеген төзүче Рифкат Әхмәтьяновның тууына 90 ел. Ул 1933 елның 10 июлендә Башкортстанның Иглин районы Турбаслы авылында туган. 2018 елда вафат.

Галимнең татар этимологиясе турында фикерләрен бүлешәбез:

https://youtu.be/5j1ngQg4BvE

«Гыйлем»гә, сүз уңаеннан, 9 ел тулды.

2014 елның августында Актанышта, «Бүләк» аланындагы төннәрнең берсендә Ленар абый Хөсәенов белән уйлап табып, башлап та җибәргән идек.

«Гыйлем»гә биниһая күп кешенең көче, тырышлыгы, каләме, малы керде. Азат һәм Ренат Миргаязовларга, Рәдиф абый Җамалетдиновка, Даниль Әхмәтшинга, Гүзәл Шәвәлиевага, Алинә Галиәхмәт-Петровскаяга, Эльвина Зиннәтуллина, Сәрбиназ Шәйхелова, Ләйлә Миңнуллина, Илназ Баһаветдинов, Татфорумга һәм башка бик күпләргә, бихисап изге җаннарга рәхмәтлемен. Кемнәр генә язмады, кемнәр генә тәрҗемә кылмады, катнашлык итмәде бу эшкә!

Аллаһның насыйбы белән, «Гыйлем»нең эше барыбер дәвам итәр, туктамас: Гыйлем чиксез һәм чикләрсез.

Мөгаен, пессимистлар оптимистларга караганда хаклырактыр. Кешеләр «стакан яртылаш буш» дигәндә, гадәттә, стаканда тигез өлештә су һәм һава барлыгын күз алдында тоталар.

http://giylem.tatar/archives/2571

Һади Максудиның тууына 155 ел (1868-1941).

⚡️⚡️⚡️ 4 ноябрь, 18:00 сәгатьтә Татар китабы йортында «Һарри Поттер һәм Фәлсәфәче ташы» китабыннан Унбишенче бүлекне укыйбыз. Тылсымлы укуга килегез!

Алар караңгы бакча аша уздылар. Невилл һаман шыңшып барды. Һарри нинди җәза булыр икән дип уйлады. Бу ниндидер коточкыч әйбер булыр ахры, Филч аның хәтле сөенмәс иде.

Ай якты булса да, аны болытлар каплап алып, бөтен җирне караңгылыкка күмә барды. Алда Һагридның алачыгы тәрәзәсеннән утлар күренде. Аннары еракта кычкырган тавыш ишетелде.

— Синме ул, Филч? Әйдәгез тизрәк, башларга кирәк.

Һарриның күңеле күтәрелде; аларга Һагрид белән эшләргә туры килсә, бик начар булмаячак. Һарриның җиңел сулап куюы йөзенә чыккандыр, күрәсең, чөнки Филч болай диде:

— Син ул ахмак белән монда уйнап ятырбыз дип уйлыйсыңмы әллә? Ялгышасың, малай, сез хәзер урманга керәчәксез, һәм аннан барыгызның да исән-сау чыгуы икеле.

Һәр елның 10 ноябрендә халыкара оешмалар тынычлык һәм үсеш өчен булган Фән көнен билгеләп үтәләр. Бәйрәмнең максаты - фән-гыйлемнең җәмгыять тормышында мөһим ролен ассызыклау.

«Әмма башка кыйммәтләр дә бар. Без галимнәр генә түгел, без шулай ук кешеләр дә әле. Без үзебез кебек кешеләргә бәйле булуыбызны оныта алмыйбыз… Бу бәйләнеш — дөньядагы иң көчле бәйләнеш, ул хәтта безне бер-беребез белән бәйләп торучы элемтәләрдән дә көчлерәк. Иң тирән элемтәләр — безне үзебез кебек кешеләр белән бәйләп торучы элемтәләр».

Роберт Оппенһаймер

Котлы булсын!

IPHONE 15 уйнатабыз! 💥

Tatsoft тәрҗемә сервисы, сөйләмне аңлап, тәрҗемә итсен өчен мөмкин кадәр күбрәк сөйләм үрнәкләре тупларга ярдәм ит һәм IPHONE 15 от! 🔥

Конкурста катнашу өчен нибары:

✅ Telegram-ботка сыйфатлы 1000 сөйләм үрнәге җибәрергә
✅ 500 язманы бәяләргә
✅ башка кулланучылар бәяләве буенча югары рейтингка ия булырга
✅ Гамәли семиотика институтының Telegram-каналына язылырга гына кирәк

Бу шартларны 1 тапкыр үтәү = уенда катнашу өчен 1 билет

Билетлар саны никадәр күбрәк, Сез җиңүгә шулкадәр якынрак 😍

Татар телен үстерүгә үз өлешеңне керт һәм өр-яңа IPHONE от! ❤️‍🔥

Нәтиҗәләр 15 гыйнвар көнне ясалачак ☺️

Яшүсмер булу –тирә-юньдәге әйберләрне «законлы рәвештә» җимерү генә түгел, ә берникадәр дәрәҗәдә авыр дип саналган биологик үзгәрешләрне дә тою. Әгәр элегрәк үз-үзеңне тиешенчә тоту проблемасы «тәрбия җитмәү», «җәмгыятьтә урын тапмау» яки «психологик яра» белән аңлатылса, соңгы нейробиологик мәгълүматлар буенча, бөтен эш баш миенең үсешендә икән. Яшьләрнең юкка борчылулары һәм билгесезлектә калулары турында The New York Times мәкаләсендә сөйлиләр.


Укырга: http://giylem.tatar/?p=586

❗️Дуслар, игътибар ❗️

Татар теле Duolingo платформасында! Duolingo кушымтасында көндәлек рәвештә 25 млн артык кеше төрле телләр өйрәнә, гомум укучылар саны 500 миллион! Инглиз телен 100 миллион, Гавайи телен 800 мең, Суахили телен 600 мең, Навахо телен 300 мең кеше өйрәнә.

Татар телен дә бу рәткә өстәп, аны дөньяга җиткерик! Онлайн тавыш бирүдә катнашып, бу мәгълүматны таратыйк! Рәхмәт!

https://www.change.org/p/tatar-language-in-duolingo

Аскультура (cубкультура, асмәдәният) төшенчәсе өстенлек итүче мәдәният белән элемтәне өзмәгән, ләкин кайбер мөһим нокталарда аңардан аерылып үсеш алган мәдәният төрен белдерә. Аскультураның чыганагы әгъзаларының яшенә, килеп чыгышына, расасына, икътисади яктан биләгән сыйныфына, җенесенә нигезләнә ала, ә аскультураны билгеләгән элементлар гадәттә шул кешеләрнең эстетик, дини, һөнәри, сәяси һәм җенси карашларын чагылдыра.

http://giylem.tatar/archives/1474