✏️
የሚበር አህያ ቀንድ ያለው ዝንጀሮ
ሳር የሚግጥ ድመት የሚራገጥ ዶሮ፤

እንቁላል ጣይ በሬ የሚራገጥ ጉንዳን
መልዕክት አድራሽ ቁራ የሚታዘል ዝሆን፤

የጃርት ጎረቤት የሚጥሚጣ ንፍሮ
ቀለም አልባ ምስል ይህ ነው የኔ ኑሮ!!




https://t.me/hamdquante/11158

✏️
  የማይታይ ብርኃን  የማይሰማ ጩኸት
የማይገለፅ ስሜት  የማይኖር ነፃነት፤

የማይፈታ ቅኔ  ትርጉም አልባ ተረት
የዱንያ እንቆቅልሽ  ይህ ነው የኛ ሕይወት!!



https://t.me/hamdquante

✏️
 
  አይታወቅምና የሰው አዋዋሉ
ሰው ከዐይናችሁ ሲርቅ ምን አገኘ ሳይሆን ምን አገኘው በሉ!!



https://t.me/hamdquante

📍
   መጥፊያህ የመሰለህ ጉዳይ ምን አልባትም ለትልቁ ስኬትህ ጅማሪ ሊሆን ይችላል‼️

📖﴿وَاللَّهُ يَعْلَمُ وَأَنْتُمْ لَا تَعْلَمُونَ﴾
{አላህ ያውቃል እናንተ ግን አታውቁም}


  አንዳንድ ክስተቶች መጥፊያህ መስለው ይታዩሃል: ለካስ አላህ መዳኛህን እያዘጋጀባቸው ነበር።


➡️ያዕቁብ ከልጁ በመለየቱ አለቀሰ: መለየቱ ግን ለዩሱፍ መንገድ እየጠረገ ነበር‼️

➡️ዩሱፍ ታስሯል: እስሩ ግን ለዩሱፍ ወደ ስልጣን መዳረሻ መሰላል ነበር‼️

➡️ሙሳ ወደ ወንዝ ተጥሏል: ወንዝ ውስጥ መጣሉ ግን ለደህንነቱ ጥበቃ ጅማሪ ነበር‼️


▶️እናም አስተውል፦
   መጥፊያህ የመሰለህ ጉዳይ ምን አልባትም ለትልቁ ስኬትህ ጅማሪ ሊሆን ይችላል‼️

   ጥፋት አደጋ መስሎ የታየህ ነገር ለአንተ ባይታይህም በውስጡ በርካታ ጥበብ የታቀፈ ሊሆን ይችላል።


   የክስተቶች ሁሉ ሚስጥር ማወቅ የአንተ ግዴታ አይደለም። ግዴታህ;
   አንተ የማታውቀውን በሚያውቀው ጌታ ማመን ነው‼️


  ዛሬ ያስጨነቀህ ጉዳይ ምን አልባትም ነገ አላህ የምታመሰግንበት ነገር ሊሆን ይችላል።

   ዛሬ ልብህ ያጣበበው ነገር: ምን አልባትም ለአንተ ያልታየህ ረቂቅ ዕዝነት ይዞልህ የመጣ ሊሆን ይችላል።


🔝የጉዳዩ አስተናባሪ አላህ ከመሆኑ እስካልተወገደ ድረስ: የትኛውም መንገድም ይሁን ሚስጥሩን ያላወከው ጉዳይ አያስፈራህ።


ምክንያቱም፦
    💯መጥፊያህ የመሰለህ ጉዳይ ምን አልባትም ለትልቁ ስኬትህ ጅማሪ ሊሆን ይችላል‼️



⬇️⬇️⬇️

https://t.me/hamdquante/11162

🚀  iQRA TOUR & TRAVEL 🚀

✈️   ኢቅራእ የኡምራ ትራቭል  ✈️


አስደሳችና ልዩ የዑምራ ጉዞ ፓኬጅከተወዳጁ

         ✈️   ኢቅራእ ትራቭል ✈️

🕋  7 ቀናት በመካ 🕋

🕌 3 ቀናት በመዲና 🕌

ከጥቅምት 19 እስከ 29

   oct ⓶⓽ __Nov ⓼


በፓኬጃችን የሚያገኙት⬇️

🛫የአንድ ዓመት የዑምራ ቪዛ
🛫ከጉዞ በፊት በቂ የዑምራ ስልጠና
🛫የደርሶ መልስ የአየር ትኬት
🛫ለሁለቱም ሐረሞች ቅርብና ምቹ ሆቴል
🛫በመካና መዲና የባስ ትራንስፖርት
🛫ልዩና አስተማሪ የዚያራ ፕሮግራሞች

መደበኛ እና VIP ምዝገባ እየተካሄደ ነው !!

ይፍጠኑ • ይደውሉ • ይመዝገቡ
📞 0911243212  📞  0911683917

📍 አድራሻ: ቤተል አደባባይ፣ ከተቅዋ መስጂድ አጠገብ፣ ሒጅራ ባንክ ያለበት ሕንፃ፣ 3ኛ ፎቅ፣ ቢሮ ቁ. 01

======-----======-----=====
https://t.me/iQRA_TOUR_AND_TRAVEL

🕯
ሰላት ውስጥ ከሂንዘብ በበለጠ ማን ሊወሰውስህ እንደሚችል ታውቃለህ??…………

  ቀን አልፎብህ ስልክ አላነሳ ያልከው አከራይህ ከጎንህ እንደቆመ ስታውቅ!!





https://t.me/hamdquante/11165

✏️
    ስስታሞች ዱዐ ላይ ሁላ ይሰስታሉ ይባላል።

ሲመርቁህ;
"🤲በወጣው ይተካ🤲"ጨምሮ እንዲሰጥህ ራሱ አይፈልጉም።






https://t.me/hamdquante/11166

🔝
በቀድሞው ዘመን…………
    አንዲት ሙስሊም ሴት መንገድ ላይ አንድ ፋሲቅ አዛ ሲያደርጋት ቢታይ ሙስሊሞች የፈጠነ እርምጃ ይወስዱበት ነበር። ምን አልባትም ፀቡ ተካሮ ጦር እስከማዝመት ሊደርስ ሁላ ይችላል።

🔽ዛሬ ላይ ግን…………
   መንገድ ላይ ለአንዲት ሙስሊም ሴት አንዱ ሲለክፋት ዐይተህ እሱ ላይ ጓ_ገጭ ብትልበት ቀድማ አንተን የምታንቋሽህ እሷ ራሷ ናት።

ምክንያቱም፦
   ከቤቷ እንዲህ ተገላልጣና ተቀባብታ የወጣችው ይህንኑ ለከፋ ፈልጋ ነው!!


🔄በነገራችሁ ላይ……………
   ዛሬ ላይ መንገድ ላይ የምናያቸው ሙስሊም ሴቶች አለባበሳቸው ዐይተን "ሙስሊም ናት" የምንለው: እንደዚህ ዓይነት የምትለብስ ሌላ የታወቀ ሐይማኖት ተከታይ ስለሌለ ነው እንጂ;
   የለበሰችው አለባበስ የሙስሊም ሴት አለባበስ ሆኖ አይደለም!!





https://t.me/hamdquante/11168

💥
ትልቅ የውይይት ነጥብ ይዤላችሁ ልመጣ ነው ጠብቁኝ።


ዛሬ ስለ ቁም ነገር ነውና ምንጨዋወተው እንደ ትልቅ ሰው ሀሳብ ለመስጠት ተዘጋጁ!!


👇 👇 👇 👇 👇 👇 👇

▶️
የዛሬው የመወያያ ርዕስ▶️


❓በዚህ ዘመን ያለነው ሙስሊሞች፧ ቁርኣን የምንቀራው ለስራ (ልንሰራበት) ነይተን ነው???
  ወይስ
በረካውና ምንዳውን ብቻ ነይተን ???


ሳትሸፋፍኑ ሳታሰማምሩ ነጭ ነጯን ብቻ ተናገሩ;
📖ቁርኣን እየቀራን ያለነው ልንሰራበት ነይተን ነው??? ወይስ በረካውና አጅሩን ነይተን ነው???


✏️ሀሳባችሁ አጋሩን👇


.

👆
ይጠብቁን!!

🔜 ⬇️ 🔜 ⬇️ 🔜 ⬇️ 🔜 ⬇️ 🔜



.

📖
ቁርኣን የምንቀራው ለምንዳው ብቻ ነው ወይስ ለስራ???
    በእኛና በሰለፎች መሃል ያለው ሰፊ ልዩነት………

ሰሓቦች ቁርኣን ይቀሩ የነበሩት ለስራ እንጂ ለበረካ ብቻ አልነበረም፤
  እኛ ግን ቁርኣን የምንቀራው ለበረካ እንጂ ልንሰራበት አይደለም!!


ይህ በጣም አሳዛኝና ማስተዋል የሚሻ ጉዳይ ነው;
   የረሱልﷺ ባልደረቦች ስራቸው አላህ ይውደድላቸውና ለእነርሱ ቁርኣን ማለት የሕይወታቸው ኮምፓስ ነበር። ቁርኣን ወደ ቀኝ ካሳያቸው በግራ የሚሄድ የለም፤ ቁርኣን ወደ ፊት ካሳያቸው ከመሃላቸው ወደ ኋላ የሚል አንድም አታገኝም።

ምክንያቱም፦
   ቁርኣን የሚቀሩትም ይሁን የሚያደምጡት ሊሰሩበት!! ልብ በል ሊሰሩበት እንጂ በረካውን ብቻ ፈልገው አልነበረም።


   ቁርኣን በመቅራት ከሚያገኙት አጅር የበለጠ እነርሱ ያሳስባቸው የነበረው;
   የቀሩት ቁርኣን ላይ ባለው ትዕዛዝ መስራት አለመስራታቸው ነበር።


ምክንያቱም፦
   የቀሩበት ምንዳ የሚፅፍላቸው የሚከፍላቸው አላህ ነው። እነርሱ የሚጨነቁት በቁርኣኑ ትዕዛዝ መስራት ላይ ነበር።

ለዚህም እኮ ነው………
   "አንደኛችን ዐስር አንቀፅ ከቀራ በእነርሱ እስከሚሰራ ድረስ ሌላ ለመቅራት አይሄድም ነበር" ያሉት።


ገብቶሃል???……………
   እነሱ የሚያሳስባቸው ትልቁ ነገር ቁርኣኑ መሐፈዙ መሸምደዱ ሳይሆን;
       በቁርኣኑ መስራት ነበር!!


እኛስ??? እኛስ??? እኔና አንተስ???
  ቁርኣን የምንቀራው ለስራ ነው?? ወይስ ለበረካ ብቻ??


   አላህ ካገራልህ በየቀኑ: ካልሆንም አለፍ አለፍ እያልክ በተመቸህ ሰዓት ብዙ ጊዜ ቁርኣን ከፍተህ ብዙ ገፅ ትቀራለህ። እንዲሁም በመኪናህ፣ በስልክህ ወይም በሌላ ነገር ቁርኣን ከፍተህ ብዙ ጊዜ ታዳምጣለህ። ማሻ አላህ ይህ የተወደደና መበረታታት ያለበት ተግባር ነው። ግን…… ግን…… ይህንን ያህል ጊዜ ስትቀራ ወይም ስታዳምጥ ንያህ ምንድን ነው???
  በቀራኸው ባደምጥከው ቁርኣን ለመስራት ነው???
ወይስ
  በምትቀራውና በምትሰማው ልክ አጅርና በረካ እንድታገኝ??? ችግሩ ያለው እዚህ ጋ ነው።


   ቁርኣን የወረደበት ትልቁና ዋነኛው አላማ በቁርኣን ትዕዛዝ እንድንሰራ እንጂ የቀራነው ሓርፍ በዐስር እየተባዛ ምንዳ እንዲሰጠን አይደለም። አዎን! ቁርኣን የወረደበት ትልቁና ዋነኛው ግብ በቁርኣን ለመስራት በቁርኣን ለመተዳደር ነው!! አንድ ሰው ቁርኣን በማንበቡም ይሁን በመሸምደዱ የሚያገኛቸው አጅሮች እና ሌሎች ከቁርኣን ጋ የተያያዙ ዒባዳዎች የሚቀመጡት ከዝያ በኋላ ነው። ዋነኛው ግብ በቁርኣን ለመስራት ነውና።

   ይህንን የሚያረጋግጡ የቁርኣን እና የሐዲስ መረጃዎች በጣም በርካታ ናቸው። ጉዳዩ ሙስሊሞች ዘንድ የተረሳ ቢሆንም በቃዒዳ ደረጃ ግን የተረጋገጠ በመሆኑና፧ እኛም በዳሰሳው የፈለግነው መጠቆም ማስታቀስ ብቻ ስለሆነ ላለማስፋት በሚል አልዘረዘርንም።


ተመልከት…………
   ሰሓባዎች "ዐስር አንቀጾች ከቀራን በኋላ በእነርሱ ሳንሰራ ሌላ ወደ መቅራት አንሄድም ነበር" ሲሉ ምን ማለት ነው???…………

  እነርሱ ቁርኣን ሲቀሩ ትልቁ ፍላጎታቸው በቀሩት ሐርፍ ልክ ለሚያገኙት አጅር ቢሆን…… ዐስር አንቀጽ ቀርተው ለምን የሚቆሙ ይመስልሃል???

   የእነርሱ ትልቁ ፍላጎት ቁርኣን ቀርተው አጅር ማግኘት ወይም በረካው ማግኘት ላይ ሳይሆን፧ ቁርኣኑን ቀርተው በዝያ ትዕዛዝ ላይ መስራት ነበር ነው!!


እኛ ግን……………
   የሆነ ሰዓት መስጂድ ውስጥ ቁጭ ብለን ብዙ ገፅ ቀርተን እንነሳለን። ከመስጂዱ በራፍ ጋ አንዱ አስቁሞን "አሁን በቀራኸው ውስጥ ምን ምን ይዘሃል??" ቢለን መቅራታችን እንጂ፧ በቀራነው ውስጥ ምን ትዕዛዝ ምን ክልከላ እንደነበረበት ማስታወስ አንችልም። ወይም በመኪናችን አልያም በስልካችን ረጅም ሰዓት ቁርኣን ከፍተን አድምጠን ይሆናል፧ ከዘጋነው በኋላ ቆም ብለን ብናስብ ይህ ሁሉ ስንሰማ ምን የሚል ትዕዛዝ ምን የሚል ክልከላ እንዳለፈብን ማስታወስ አንችልም።


ምክንያቱም…………
  እኛ ቁርኣን የምንቀራው ወይም የምንሰማው፧ የመቅራት አጅር ፈልገን እንጂ……… ቁርኣኑ ውስጥ ባለው ትዕዛዝ ለመስራት ነይተን አይደለም።

  ቁርኣን የወረደበት ትልቁ አላማ ግን ቀርተን አጅር ለማግኘት ሳይሆን፧ ቀርተን በቀራነው ለመስራት ነበር።


  እኛ የምንቀራው ልንሰራበት ሳይሆን ለምንዳው ብቻ እንደሆነ ማወቅ ከፈለክ ሌላ ምሳሌ ልስጥህ;
  ቁርኣን ከፍተን ስንቀራ {ለምእመናኖች ዐይኖቻቸው እንዲሰብሩ………} የሚለው አንቀጽ እናነባለን። ወድያው ከመስጂድ እንደወጣን ግን ያለ ምንም ሐፍረት ዐይናችን ይቅለበለባል።

ምክንያቱም፦
   ቅድም የቀራነው ቀርተን አጅር ለማግኘት እንጂ ቀርተን ለመስራት ስላልነበረ ምንም ተፅእኖ አልፈጠረብንም። በርካታ ምሳሌ መጥቀስ ይቻላል።


ዛሬ ላይ……………
   በየክፍለሀገሩ፣ በየክፍለከተማው፣ በየመድረሳው የቁርኣን ሒፍዝ ማዕከል በብዛትና በስፋት ተከፍቷል። በየጊዜው "የቁርኣን ሐፊዞች" ተብለው የሚመረቁ ደረሳዎች ቁጥር ስፍር የላቸውም። ማሻ አላህ!! ይህ እጅግ በጣም የሚያስደስትና ሊበረታታ የሚገባው ተግባር ነው።

ግን…… ግን፧………
    እነዚህ ሑፋዞች እውነትም የቁርኣን ሰዎች ናቸው ወይ????? ትልቁ ጥያቄ እዚህ ጋ ነው!!

  "ሐፊዝ ነው"  ትባላለህ። ስትቀርበው ስትሰማውም ቁርኣኑ ሸምድዶ ያነበንበዋል። ግን……… ስነምግባሩ፣ አዋዋሉ፣ አለባበሱ፣ አነጋገሩ፣ ጓደኞቹ፣ ስራው፣ ከሁሉም በፊት ዐቂዳው ብትመለከተው ከቁርኣን ጋ ጭራሽኑ የማይተዋወቅ ነው የሚመስለው።

ለምን???
   ቁርኣኑ ቀርቶታል ሐፍዞታል እንጂ አልሰራበትም። ዋናውን ረስቶ ዋና ባልሆነው ላይ ተጠምዷል።

   አንድ ሙስሊም ቁርኣን ሲሐፍዝ ከምንም በላይ ያስደስታል። ተጅዊዱ አስተካክሎ ሲቀራ ከምንም በላይ ይማርካል። ግን ደግሞ ባትችልና ቁርኣንን ሙሉው ባትሐፍዘው አላህ "ለምን አልሓፈዝክም?" ብሎ አይጠይቅህም፤ ተጅዊዱ ኢትቃን ባታደርግ እንድትችል ትማራለህ ትጥራለህ እንጂ "ተጅዊዱን ሙሉ ለሙሉ እስካላስተካከልክ ድረስ ምንዳ የለህም" አትባልም። ግን ሀቢቢ ሐፈዝከውም አልሐፈዝከውም፤ በተጅዊድ ቀራኸውም ተንተባትበህ ቀራኸው በቁርኣኑ ከሰራህበት አንተ ነህ የቁርኣን ሰው!! ሐፍዘኸው በተጅዊድ ቀርተኸው ስራው ላይ የማትገኝ ከሆነ ግን ሁሌም ወንጀለኛና ተጠያቂ ነህ።


በነገራችሁ ላይ…………
  «ለአላህ ቤተሰቦች አሉት፤ የአላህ ቤተሰቦች የቁርኣን ሰዎች ናቸው» የተባሉት: ቁርኣንን ሸምድደው የሐፈዙ ወይም ቁርኣንን በተጅዊድ ለቀሩ ሰዎች ሳይሆን;
  በቁርኣን ትዕዛዝ ለቆሙ ሰዎች ነው!!


ሌላው በጣም የሚያሳዝነው…………
   ቁርኣን በተመለከተ ብዙ ሙሓደራዎች፣ ብዙ ኹጥባዎች፣ ብዙ ነሲሀዎች ይደረጋሉ። ሁሉንም ብትመለከቱ አብዛኛው ትኩረትና ግፊት የሚያደርጉት ቁርኣንን በመቅራትና በመሐፈዝ ዙርያ እንጂ በቁርኣን በመስራት ዙርያ የሚገባውን ያህል ትኩረት ሲሰጡት አይታይም። ይህንን ተጨባጭ አስተውሎ የተመለከተ ይህንን ኡማ ያለበት አሳዛኝና አስፈሪ የሆነ የቁርኣን ቸልተኝነት ይገነዘባል። ምን አልባትም አሁን ላለንበት መበታተን፣ መዳከም እና መዋረድ ትልቁ ሰበብ ይህንኑ ሊሆን ይችላል።




🖊ሐምዱ ቋንጤ
https://t.me/hamdquante/11173

✏️
     ይህንን እንኳ በተረዳን........

➡️የዱንያ ቆይታ ከሕይወት ሁሉ አጭሩ ዘመን ነው፤

➡️የቀብር ቆይታ ከዱንያው የረዘመ ጊዜ ነው፤

➡️የቂያማ ቀን ቆይታ ከዱንያውም ከቀብሩም የረዘመ ነው፤

➡️የአኼራ ቆይታ ዘላለማዊ እና ከሁሉም የረዘመ ነው!!


🛫የእኛ ሀሳብና ጭንቀት ግን ከሁሉም ላጠረው ለዱንያ ሕይወት ሆነ!!
     



https://t.me/hamdquante/11174

💥
ንጉሶቹ የሚወረወሩበት ጫካ💥
    ልብ ላለው ልብ የሚነካ ታሪክ‼️


  አንዲት ተኣምረኛ ሀገር አለች። በዚች ሀገር ውስጥ ከሚደረጉ አስገራሚ ነገሮች አንዱ፦
  በሀገሪቷ ላይ የሚነግሰው የትኛውም ንጉስ መንገስና መምራት የሚችለው እስከ ተገደበለት ጊዜ ድረስ ብቻ ነው። ልክ ያንን ጊዜው ሲጨርስ በሀገሪቷ መተዳደሪያ ደንብ መሰረት ወደ ለንጉሶች መጣያ የተዘጋጀ ጫካ ይወሰድና ይጣላል።


   ጫካው የሚገኘው ከሀገሪቷ ራቅ ያለ ቦታ በመሆኑ የሀገሪቷ ህዝቦች ስለ ጫካው ብዙም ጠንቅቀው አያውቁም። ብቻ ግን የንጉሱ ጊዜ ሲያበቃ ለዚህ ተግባር የተመደቡ ሰዎች ወስደው ጥለዉት ይመለሳሉ።


   ንጉሱ ከዝያ በኋላ ተመልሶ አይመጣም። በምን ሁኔታ እንደ ሚኖር፤ በምን ሁኔታ እንደ ሚሞት የሚታወቅ ነገር የለም።

  ንጉሱም ምንም እንኳ በንግስናው ዘመን የፈለገውን ማድረግ የመቻል መብት ቢኖረውም ጫካውን የሚያየው ግን ተወስዶ በሚጣልበት ቀን ነው።


  ነገሩ በዚህ መልኩ እየሄደ ሳለ በሀገሪቷ ላይ ተራው ይደርሰውና አንድ ንጉስ ይነግሳል።
  ይህ ንጉስ በጣም ብልህና በሳል ስለ ነበር በስልጣን ዘመኑ እንደ ፈለገ ተመቻችቶ በመጨረሻም በማያውቀው ጫካ መጣል አልፈለገም።
     "ታድያ ምን አደረገ❓"

   ከዕለታት አንድ ቀን አገልጋዮቹን በማስከተል ንጉሶች የሚጣሉበት ጫካ ምን ዓይነት እንደ ሆነ እንየው ብሏቸው ይሄዳሉ። [በንግስና ዘመኑ የፈለገውን ማድረግ ስለ ሚፈቀድለት]

ወደ ጫካው ሄደው ሲያዩ; ጫካው፦
  በአስፈሪ አራዊቶች የተሞላ፤ እሾሃማ እና የሚያቆስሉ ዛፎች የበዙበት፤ አየሩ በመጥፎ ጠረን የተበከለ እና
  በአጠቃላይ በጣም የሚያስፈራ ጫካ ሆኖ አገኙት።


   በዚህ ጊዜ ይህ አስተዋዩ ንጉስ ነገ ወደዚህ ጫካ ከመጣሉ በፊት የቤት ስራውን መስራት ጀመረ።
በስልጣኑ ከሚያገኘው ገቢ አብዛኛውን ወደዚህ ጫካ ወጪ በማድረግ
ጫካው እንዲመነጠር፤
   አስፈሪ አውሬዎቹ እንዲታደኑ፤
     እሾሃማ ዛፎች እንዲወገዱ፤
       ማራኪና ጥሩ ማዕዛ ያላቸው ተክሎች እንዲተከሉ በማድረግ ያ አስፈሪ የነበረው ጫካ ከፒያሳው ኮሪደር በበለጠ ወደ ሚያምር ውብ መናፈሻነት ቀየረው።


  የማይደርስ የለምና የንግስና ማብቂያ ቀኑ ደርሶ ወደ ጫካው ሲጣልም እንደ ቀደምት ነገስታቶች ስቃይና እንግልት ሳይሆን ውብና ማራኪ የሆነ ሕይወት መኖር ጀመረ።



እዚህ ጋ ቆም በልና ታሪኩን በምናብህ ቃኘው!!

እስከ አሁን ታሪኳን የነገርኩህ ሀገር፦ የምስራቅ አውሮፓዋ *  ሀገር አይደለችም።
እስከ አሁን ታሪኩን የነገርኩህ ንጉስ፦ ከላይ የተጠቀሰቿ ሀገር ንጉስም አይደለም።


🌐ሀገሪቷ………
    ያለንባት ዱንያ ናት።

🔄ንጉሶቹ……
     እኔና አንተ ነን።

ንግስናው……
   የዱንያ ሕይወት ነው።

💎ንግስናችን (ሕይወታችን) ሲያልቅ የምንጣልበት ጫካ………
    ቀብራችን ነው።


▶️ንጉሶቹ ወስደው የሚጥሉት………
     ቀባሪዎች ናቸው።

🔥ጫካው ውስጥ ያሉ አስፈሪዎች………
  የቀብር ውስጥ ቅጣቶች ናቸው።


⏸ንጉሱ ጫካውን ያስዋበበት በጀት ………
  መልካም ስራው ነው።


❓ጥያቄው በዱንያ ሕይወታችን (ንግስናችን) ዘመን፦
➡️አስፈሪው ቀብራችን እየገነባንና እያስዋብን ነን??
ወይንስ…………
➡️በአስፈሪው ቀብር ተወስደን እስከ ምንጣል ቸላ ብለነዋል??




    🤲ረሕማከ ረበና🤲
https://t.me/hamdquante/11175

🇾🇪
   አላህ የድል ምሽት ያድርግላቸው🤲


   የየመን ጦር ምሽቱን ወደ ዋና ከተማዋ ሰንዐ ጠቅልሎ እየገባ እንደሆነ ተነግሯል።

  🤲የሱና ሪጃሎች አላህ የበላይነት ያጎናፅፋቸው



⬇️⬇️⬇️

https://t.me/hamdquante/11177