​​Укол қилиб, бошини тикиш учун шифохонага олиб кетишди. Нимага уриб бошини ёриб олгани ҳамон мен учун жумбоқ. Яқинида ўткир нарсанинг ўзи йўқ эди. Ҳаммаси кўз ўнгимда содир бўлгани боис бошини ҳеч нарсага урмаганини кўргандим.
Бошидаги жароҳат туфайлими турмуш ўртоғим ўзини ғалати тута бошлади. Назаримда, транс ҳолатига тушиб қолганди. Қандайдир овозларни эшитар, ишдами-уйдами ажратолмай қоларди. Урилган ерларидаги кўкарган жойларини кетказишга ҳаракат қиларди…
Яна “Тез ёрдам” чақиришга мажбур бўлдим. Шифокор узоқ вақт спиртли ичимлик ичганининг оқибати, деб ташхис қўйди. Эримни даволаниши учун шифохонага ётқизишимга тўғри келди. Касалхонага кетишга тайёрланаётиб ўша тангани ўзи билан олиб олди. Касалхонага борганимизда танга чўнтагидан тушиб кетди. Уни олмоқчи бўлиб эгилганим-да турмуш ўртоғим қўлимни ушлаб олиб, кўзларимга қаради. Бу нафрат ва ғазабга тўла даҳшатли нигоҳлар эди.
Кейинроқ шифокор тангани менга берди. Сабаби, касалхонада бундай нарсаларни олиб юриш мумкин эмасди.
Бўлиб ўтган воқеалардан карахт ҳолда дугонамга мурожаат қилдим. Унинг укаси баъзи-баъзида экстрасенслик қиларди. Улар уйимга келиб, ёрдам беришга рози бўлишди.
Танганинг қандайдир салбий таъсири борлиги ҳақидаги шубҳамни дугонамнинг укаси тасдиқлади. Унинг айтишича, тангага лаънат ўқилиб, кейин ерга кўмиб қўйилган экан. Лекин кимдир уни топиб олган ва у қўлма-қўл бўлиб кетган. Танга кимнинг қўлига тушса, уларнинг барига кўнгилсизликлар келтираверган. У менга тангадан халос бўлишни маслаҳат берди. Мен дарров унинг айтганини қилдим.
Дугонамнинг укаси лаънат менга ҳам таъсир қилганини айтиб, уни олиб ташлаш учун нималардир қилди. Биласизми, бу ёрдам берди. Тунлари тинч ва хотиржам ухлайдиган бўлдим. Мушугим ҳам яна хонамга кирадиган бўлди. Шунга қадар улар эшик тагида турадиган одат чиқаришганди. Аммо ҳозир мени кўпроқ турмуш ўртоғим ташвишга соляпти. Унга энди нима бўлади? Касалхонага борганимда олдига киргани қўйишмаяпти. Ундан ҳали лаънат олиб ташланмаган.
Бунга ишонмаслигингиз мумкин, лекин танга кимнинг қўлига теккан бўлса, уларнинг барчасида муаммолар юзага келди.
Масалан, танганинг тарихи ҳақида маълумот топиб беришга ёрдам берган ҳамкасбим автоҳалокатга учради. Авваллари машинани жуда яхши ҳайдарди. Унинг рафиқаси эса касалхонага ётиб қолди.
Буларнинг бари, балки, тасодифдир. Лекин мен бунга ишонолмаяпман. Сабаби, барча муаммолар шу танга пайдо бўлганидан кейин бошланганди!

Тамом...

​#БЕДОР_ТУЙҒУЛАР

чиққан инсонлар учун ажойиб бир гўша ҳозирлаган эди. Нафсиламбрини айтганда бу ерлик аҳолининг асосий даромади айнан шу ҳисобдан, яъни дам олувчиларнинг мароқли ҳордиқ олишлари учун шароит яратиб бериш ҳизматидан бўлиб , Раҳбар аяларнинг чорбоғи эса келгувчиларнинг тилларига тушиб бўлган эди. Бунга сабаб айнан ушбу гўшанинг жуда ҳам файзли ҳамда ҳамёнбоп нархда эканлигида эди. Боғдаги ерга тангадек офтоб тушишига йўл қўймайдиган қулоч етмас чинорлар , боғнинг четидаги деворлар оша гир айлана экилган чирмовуқлар , тош йўлаклар бўйлаб салом бериб турувчи туваклардаги ёронгуллар - бари- бари кишининг баҳри дилини очиб турар, кайфиятига кайфият улашиб турар эди .
Боғнинг киравериш чап қисмида улкан бассейн қурилган бўлиб, унинг суви кунда алмаштирилиб турилар эди. Бассейн ҳовли сатҳидан бир ярим метр баландликда барпо этилган бўлиб унга алоҳида чиройли қилиб қурилган зина ёрдамида чиқилар эди. Бироқ келгувчилар кўпда бассейн тарафга бўйлайверишмас эди. Бунга боғ этагидаги тоғдан тошга урилиб , қорлар эришидан ҳосил бўлган яхдек сувни оқизиб ўтувчи дарё сабаб эди. Таъкидланганидек , дарё суви ҳатто ёзнинг жазирама чилласида ҳам яхдек совуқ бўлса-да , меҳмонлар ва ерли аҳоли унинг бор фойдаси ана шунда деб ҳисоблашар эди.
Боғнинг ўнг тарафида ёзлик очиқ ошхона барпо этилган бўлиб , у ерда меҳмонлар ўзлари учун истаган таомларини ҳозирлай олишлари учун барча шарт - шароит муҳайё қилиб қўйилган эди.

Баҳром келган меҳмонлар билан келишув ишларини олиб борар , боғ ижарасидан тушган даромаддан ўзи сарфлаган ҳаражатлар ва ҳизматига ярашасини олиб , қолганини Раҳбар аяга қўшқўллаб топширар эди . Аянинг турмуш ўртоғлари Юсуф аканинг таъкидлаганимиздек бу ишларга ҳафсаласи йўқ эди. Ая эса келувчиларга баъзан таом тайёрлашга ёрдамлашган бўлар , гоҳи кўнгли тушганлар билан гурунглашар ёки кайфиятига қараб уззу- кун хонасида турли мавзулардаги китоблар ўқиш билан кун ўтказар эди.

* * *

Мадина Шўхлисойдаги мактаб аянинг уйидан унча узоқ эмаслигидан хабардор эди . У саккиз хонадон нари жойлашган мактабга қишлоққа келишларида бир кўзи тушган бўлса , яна иккинчи маротаба аянинг қизи Азизани кузатиб қўйиш баҳонасида назар ташлаган эди. Ҳозир иккиланмай мактаб томонга далил қадам солишининг ҳам шундан эди.

Мактаб оддий бўлса-да , саришта экан . Мадинанинг нигоҳи дастлаб мактаб ҳовлисини супуриб юрган паст бўйли , тўлачадан келган ёшгина аёлга тушди .

- Ассалому алайкум , - деди Мадина унга яқинлашар экан чўчитиб юбормаслик учун оҳиста овозда .

Мадинанинг ўйлагани тўғри чиқди . Аёл ўз хаёлларига берилганлиги унинг чеҳрасига дабдурустдан ёйилган саросимадан яққол сезилди. Унинг Мадинага боққан юзларига зумда қизил югурди. Афтидан у Мадинани бирор тегишли ташкилотдан келган тафтишчи деб ўйлаганди. Мадина ҳам аёлнинг гумонларини тасдиқлагандек ундан :

- Менга мактабингизни директори керак эдилар ,- дея сўради ва қўшимча қилди ,- у киши бугун ишдамилар ?

- Ҳа , ҳа ишдалар ,- аёл қўлидаги супургини бир четга ташлади ва Мадинага йўл бошлади ,- марҳамат , юраверинг ...

Мактаб икки қаватли эди. У мактабдан кўра кўпроқ сиҳатгохни эслатарди. Бунга сабаб бино киравериш ҳовлисига тартиб билан экилган игна баргли дарахтлар эди.
Ўзини Рихсихон деб таништирган бояги аёл технология фанидан дарс берадиган ўқитувчи экан . Мадина ўзидан тўрт - беш ёшлар чамаси катта бу аёлнинг табиатининг очиқлигига қараб туриб завқи келиб кетди. Унинг "Қарасам , ҳовли супириладиган бўлиб қолибди , шунга ғашим келиб тозалаб қўяй дегандим , фаррошмиз Нафиса опа кўринмадилар , менимча яна буйраклари безовта қилган чиқар" деган сўзларини эшитиб Мадина "Рихсихонда одамгарчилик жуда кучли экан- да" деган хулосага келди.

- Учқун ака , сизни бир қиз сўраб келди , - Рихсихон директор хонасини охиста чертгач ичкарига кирмай овоз бераркан.

- Кираверсин , - деган овозни эшитгач Рихсихон Мадинага ишора қилди :
" Марҳамат"

Мадина ичкарига киргач , ҳайратдан...

#давоми_бор /3

Муаллиф : Хазонрезги

📚 Ibratli Hikoyalar 📚

👆👆👆👆аввалги қисмлар

#БЕДОР_ТУЙҒУЛАР

кўзлари катта - катта очилди. Унинг тасаввури бўйича мактаб директори катта , жуда бўлмаганда ўрта ёшли инсон бўлиши керак эди. Мадина ҳали ўттиз ёшларни ҳам қораламаган очиқ юзли , қошлари атай бўяб қўйилгандек қоп- қора , чақноқ кўзли йигитни кўриб бироз эсанкиради, аммо тез орада ўзини қўлга олиб салом берди :

- Ассалому алайкум .

Учқун кийинишидан тортиб соч турмагигача "шаҳарлик" эканлигини "сотиб" турган бу қиз ҳақида худди Рихсихонга ўхшаб гумонга борди шекилли , ўрнидан туриб меҳмонга қўли билан ўтиришга ишора берди :

- Ваалейкум ассалом,- деди у Мадинага ортиқча тикилишдан ўзини тийиб , сўнг қўшимча қилди - келинг , меҳмон . Қаерлардан сўраймиз энди?

-Келдим,- жилмайганча жавоб берди Мадина, - Тошкентдан сўрайсиз энди. Исмим Мадина . Фамилиям Азизова .
Мадина Азизова бўламан

- Ўўўххўў, Тошкентданман денг , танишганимдан ҳурсандман . Мен Учқун Шавкатович бўламан.- Учқун Мадинага жавобан кулимсиради , - билсак бўладими бизни йўқлашингиз сабабини ?!

- Албатта , -деди Мадина "Билмасдан ҳам иложингиз йўқ" деган оҳангда,- мен ҳузурингизга бир масалада келгандим . Сизни вақтингизни олмай гапнинг дангалига кўчиб қўяқоламан .

- Хўўўшшш...

- Хуллас , мен кеча тасодифан мактабингиздаги кимё фани ўқитувчиси турмушга чиққанлиги сабаб ишдан бўшаганлигини эшитиб қолдим. Шунга агар ўрниларига ўқитувчи топмаган ва ишга олмаган бўлсангиз , "Мени шу лавозимга қабул қила оласизми?!" деган таклифда келган эдим. Кўнглингиз ҳотиржам бўлиши учун шуни айтишим мумкин- ки , мен Миллий университетнинг кимё факултетини имтиёзли якунлаганман . Бакалавр ва магистратура йўналишини ...

Учқуннинг қошларига тугун тушди. У ажабланиб қолганлигини яширмай савол беришдан ўзини тия олмади:

- Мени кечирасиз- у , аммо сизни бу ерда ишлашга ундаётган сабабни тушунишни истар эдим . Ундан кейин ... Менга қолса мактабга шу ерда муқим қолиб ишлайдиган устозни ишга олсам дегандим ...

- Менимча бу борада сизда танлаш имкони йўқ , - Мадина унга жиддий тикилди ,- айниқса ҳозир . Аммо шуни айта оламан- ки , мен ушбу ўқув йилининг бошидан охиригача ишдан бўшамасликка ваъда бераман . Шу давр мобайнида сизда ҳам бошқа кимё фани ўқитувчисини дараклашни имкони бўлади.
Менга келсак , ишлаш учун бу ерни танлашимга сабаб ,- Мадина бу ёғини яхшилик талабида ёлғонлади ,- соғлиғимда бироз муаммолар бор, шунга шифокорлар тоғ ҳавоси ва егуликларини тавсия қилишган эди. Мен бу ерга уч ойга келгандим , энди эса бир йил қолишни мўъжаллаб қўйдим . Бу азбаройи инсонларингиз ва табиатингиз ёққанлигининг шарофатидан ...

- Яхши ,- деди Учқун чиройли очилиб , -аммо масаланинг яна бир тарафи борда .

- Кечирасиз , Учқун ака. Тўғри мени танимаганингиз учун турли мулоҳазаларга боришингиз табиий ҳол албатта , аммо улар жудаям кўп экан- да ...- деди Мадина нимтабассум билан ўз фикрини намоён қилар экан.

- Энди буниси сизнинг фойдангиз учун эди . Гапнинг қисқаси мактабимиз гувоҳи бўлганингиздек салобатли кўринса- да , аммо ўқувчи сонимиз бирмунча кам. Бизда биринчи синфдан ўн биринчи синфга қадар синфлар сони биттадан . Ўқувчилар сони эса бир юз тўққиз нафар . Айтмоқчи бўлганим дарс соатлари кам . Хусусан кимё фанидан ҳам . Сиз сўраб келган фандан дарс соати англаб турганингиздек атиги ўн икки соат , яъни етти, саккиз , тўққизинчи синфларда икки соатдан, ўн , ўн биринчи синфларда эса уч соатдан . Дарс кам бўлгандан кейин маошингиз ҳам ...

- Бу ёғидан ташвиш чекманг,- Мадина директорни ҳотиржам қилишга уринди, - ҳамма гап пулда эмас . Қолаверса дунёнинг устуни ҳам пулдан ташкил топмаган .

- Менимча бир - биримизни тўғри тушундик ,- Учқун Шавкатович "келишдик" деган маънода қўлларини кенг ёйган бўлди , - хооооп. Демак бугун числоимиз августнинг йигирма еттиси. Сизни ишга расман қабул қилиш буйруғи иккинчи сентябрдан чиқади. Унга қадар қизиқсангиз мактабимиз билан танишишингиз мумкин .
Учқун Шавкатович даҳлизга овоз берди :

- Зиёдааа !

Ташқаридан "Лаббай" деган овоз эшитилди ва кўп ўтмай остонада ўн етти , ўн саккиз ёшлардаги қиз кўринди.

@Xazon_Rezgi / 4

🔥🔥
Муаллиф: #Назли

   #ЎГАЙ_ОНА

Жамшид ўгай  қизининг  хонасига ярим тунда қадам босди.
Ўзини ухлаганга солиб ётган Маҳлиё юзига тегинган қўл сабаб, кўзларини катта-катта очди — Дада, тегманг илтимос тегманг... юролмаслиги сабаб қўли билан юзини беркитди... тинмай овози борича гапириб йиғларди..

#У‌ткинчи_дунё


#No_169


#муаллиф_Қосимова_Нодира


—Ассалому алайкум.
Сардор бошини эгди.
—Саломингни пишириб е..
Нега бу ерда ўралашиб юрибсан?
Лазиз Сардорни ёққасидан олди
—Хотинимни кўришга келдим.
—Хотиним дема, энди сени хотининг эмас.
—Нега экан. Мен хали уни жавобини берганим йўқ.
—Сени жавобингни ўша куни, ўша исқиртни қўйнингга солганингда билган. Энди қизимни тинч қўй, қорангни кўрмай. Мен ишларимни хал қилиб олай, сен билан алохида хисоб китобимиз бор.
—Хамма қилган ишларимга жавоб бераман. Лекин Хуморани хеч қачон, тинч қўймайман. Мен бир марта хато қилдим, лекин Хумора сиз яшай олмайман.
—Яшай олмаганингда, бировни этагига осилмасдинг.
—Тушунинг, Хуморани учратмасимдан олдин, Розияни учратганман. Агар Хуморани учратишимни билганимда, Розияга қиё хам боқмасдим.
—Гапни кўпайтирма, бу ерда ортиқ сени кўрмай.
Сен билан, алоҳида гаплашамиз. Осонгина қутулиб қолдим деб ўйлама.
Лазиз, Сардорни туртиб ўтиб кетди.


💫💫💫💫


—Қаранг сизни кўргани ким келди?
Муниса, ичкарига кириб Розияга гапирди.
Розия секин Мунирага қаради, Мунира Розияни юзига қараб қотиб қолди.
—Нега кирдингиз?
Розия секин ортига қараб олди
—Ойим қаерда?
Мунира гапни кўпайтиришни хохламади.
—Мен билмайман, ўша уйда қолган.
—У уй сотилиб кетибди.
—Нима???
Розия сабчиб ўрнидан турди
—Ха, уйга боргандим бегона оила яшаётган экан
—Қанақасига? Ахир хали пулини бермаган бўлса..
Қачон қайтиши хам анниқ эмасдику?
Розия секин жойига ўтириб, ўзига ўзи гапирди.
—Сиз сотгандингизми?
Муниса шошиб гапирди
—Ха, лекин пулини беришмаган эди. У пулларни олиб, юзимни операция қилдиришни режалаб тургандимку..
Розия йиғлаб юборди
—Ўзи сизларга нима бўлди?
Тоғам, Нигиш Зари қаерда?
—Нигинааа, Нигина оламдан ўтди.
Розия хиққиллаб гапирди
—Нима?
Икки қиз хам, музлаб кетди.
—Нималар деяпсиз?
Мунирани кўзлари ёшланиб, секин столга ўтириб олди.
—Афсуски, қизим оламдан ўтди, бунга сабаб эса сизни онангиз.
—Нима демоқчисиз?
Мунира, Розияга қаради.
—Қизимни бесўроқ, ўйингоҳга юбориб ўлдирди, менга тухмат қилиб эрим билан ажратиб юборди.

📚 Ibratli Hikoyalar 📚

#У‌ткинчи_дунё


#No_170


#муаллиф_Қосимова_Нодира


—Ойим сизни тинч хаётингизни хам буздими?
Мунира қалқиб кетди.
—Қўйсангизчи, адвокатбе бошқача гапларни айтдику?
Муниса, ишонгиси келмасди.
—Айтяпманку, менга тухмат қилди деб. Ўша квартирага хам ойингиз, укам сени ташлаб кетиб, ўша ерда яшаяпти деб, мени алдаб жўнатди. Борганимда безори эркаклар ўша ерда экан мени зўрлашди.
Розия йиғлаб гапирди.
—Ростданми? Болачи, бола тоғамникими?
Муниса, хам ғалати ахволга тушиб қолди.
—Албатта, Мунира шу болани бирорта бефарзандларга бериб юборинг. Мен ногирон бола билан, қандай кун кўраман.
—Хеч қачон, ахир ўғлингиз йўқ. Пахлавондек ўғил кўрдиндиз, хали ногирон деб ном қўйиб олманг. Шунчаки нуқсонли дедим. Ўзи у болани кўрдингизми?
—Йўқ, ногирон деганингиз учун, кўришни хам хохламадим.
—Хамширага айтаман, олиб киради. Анча яхшисиз ўзингиз олдингизда олиб ётинг.
Мунирани жахли чиқди.
—Тоғам қаерда?
Муниса гапга қўшилди
—Зарини олиб қаёққадир кетган экан, қизимни кўришга борганимда хам, опам сочимдан судраб кўчага улоқтирган. Қизимни олиб кетганини айтган.
—Ойим шу даражада вахшийлашиб кетганми?
Мунира ўйланиб қолди
—Шунинг учун хам, умуман қидирманг. Хаётингиздан чиқиб кетгани яхши, ундай онани боридан йўғи яхши
Муниса жахл билан гапирди.


💫💫💫💫


—Сен бизга, ачиқ қилма. Хаммасига ўзинг айбдорсан, мен сенга юз марта айтдим.
Ўша билан гаплашма, уйинга олиб боришни ўйлама деб.
Рахима, тумтайиб ётган қизига дакки берди.
—Ойи, бурнимни тагида, менга хиёнат қилиб юрган экан. Нахотки мен буни сезмаган бўлсам.
Ўша куни уйга борганда, мени кўриб қотиб қолганди.
Мен лақма, мени кўришга келди деб ўйлабман. У бошқа мақсадда келган экан, шуни хам сезмабман. Ўз уйимда ўз эрим ва опам.
Хумора йиғлаб юборди
—Айбни биздан қидирма, мен эринг ва қайнонг қанча қаршилик қилдик. Сен хатто мендан кечиб хам юбординг. Неча ойлаб хабар олмадинг, бирор марта келиб кўрмадинг. Нега? Ўшани деб.
Ўша эрингни деб оиласидан воз кечган, қизини ўлимига хам ўзи сабаб бўлган.

📚 Ibratli Hikoyalar 📚

#У‌ткинчи_дунё


#No_171


#муаллиф_Қосимова_Нодира


—Оббо, тоза жонга тегдингу сен. Бунча мижғовсан?
Муслимни минғиллаши жонига теккан доктор аёл, жеркиб гапирди.
—Мени ойимни олдига олиб боринглар, ойим яхши қарар эди, сизлар менга қарамаяпсизлар.
Муслим ёш боладек минғиллади.
—Онангни қаерда эканини билганимда, қўш қўллаб ташлаб келардик. Энди ўлгунингча шу ерда яшайсан ёки токи онанг олиб кетмагунча, кўп асабимга тегма жахлим чиқса, битта укол билан асфала софилинга жўнатиб юбораман.
Аёл, Муслимни қулоғига яқин келиб гапирди.
—Мени поччам қанақанги бой эканини биласизми?
Бир деганда сиздақаларни ўнтасини йўқ қилиб юборади.
Муслим хам бўш келмади
—Кулгимни қистатма, ўша бой поччангни уйига сиғмадингми? Ёки бой поччангни хам уйи йўқми?
Аёл мазахлаб кулди.
—Хали тузалиб кетай, сен билан хисоб китоб қиламан.
—Аввал тузал, кейин гаплашамиз.
Аёл ташқарига чиқиб, хамшираларга бақирди.
—Бу хонага хеч биринг киришма, овқат хам берилмайди. Оч қолса ақли киради, бурро тиллари калта бўлиб қолса зора.
Эшикни тарақлатиб ёпиб чиқиб кетди.
Муслим ортидан сўкинганча қолди.


💫💫💫💫


—Нега ўйланиб қолдинг.
Ботир хонага кириб, Мунирани юзидан ўпди.
—Ўзим шунчаки.
Болалар ухлашибдими?
Назо опам олиб чиқиб кетганди.
Мунира, билинтирмасликка харакат қилиб гапирди.
—Ухлашди, болаларни олдидан чиқяпман. Назо икки болани икки ёнига олиб ухлаяпти.
Болалар хам, катта бўлгани сари, Назони яхши кўриб қолишяпти.
Ботир севиниб гапирди
—Яхши кўришсинда, у хам оналари.
—Рахмат сенга, мени айбимни сен беркитиб турибсан.
—Хамма хам адашади. Мухими хатони тушуна билиш.
—Хозирги ақлим бўлганда, хамма хотинимдан фарзанд кўрган бўлардим. Болаларим хам катта бўлиб қолишарди.
—Албатта беш қўлни баробар деб ўйлаб, янглишгансиз.
—Мен хаммани ойимдек деб билибман. Хақиқий мухаббат, хақиқий аёл тафтини, хақиқий эрлик масъулиятини сендан кейин билдим. Сен мени саодатимсан. Агар сени учратмаганимда, халиям разолат ботқоғидан чиқа олмас эдим
Ботир Мунирани пешонасига лаб босди.
—Менга яна ширин фарзандлар туғиб берасанми?
Ботир, кўзини қисиб қўйди.

📚 Ibratli Hikoyalar 📚

БЕДОР ТУЙҒУЛАР 2 қисм кундузи

ЎТКИНЧИ ДУНЁ 3 қисм кечда берилади

Мароқли мутоола тилайман .

📚 Ibratli Hikoyalar 📚

#БЕДОР_ТУЙҒУЛАР

- Зиёда бизда котиба ва лаборант вазифасида ишлайди ,- қизни таништирди Учқун Шавкатович , сўнг ўз навбатида қизга Мадинани таништирди ,- бу синглимиз эса бугундан бошлаб мактабимизда кимё фанидан дарс берадилар . Исмлари Мадина , фамилиялари ...

Мадина ҳозиржавоблик билан жавоб қайтарди :

- Азизова менинг фамилиям.

Зиёда очиққина қиз экан , Мадинага очиқ чеҳра билан салом берди :

-Ассалому алайкум , устоз. Хуш келибсиз, жамоамизга

Мадина унинг саломига алик олар экан Учқун Шавкатович Зиёдага топшириқ тариқасида сўз қотди :

- Зиёда , Мадина опангни мактабимиз , асосийси кимё кабинети билан таништир . Ўқитувчилар билан эса йигирма тўққизинчи августдаги педагогик кенгашда таништирамиз ...

Мадина директорнинг вақтини ортиқча олишни истамади , зеро у билан боғлиқ барча масалалар ўз ечимини топиб бўлган эди .

Зиёда Мадина билан ярим соатдан ортиқ мактабни айланиб , ҳамма хоналарни бирма- бир таништирди .

Мадина навбат кимё хонасига келганда у ернинг саранжом эканлигини кўриб кўнгли таскин топди.

" Ўқувчилар бежизга Ойчеҳра устозларини мақташмаган экан ,- дея ўйлади Мадина , - ўша қиз барча ишга виждонан ёндошгани хонанини тутишидан ҳам кўриниб турибди".

Мадина шу билан икки кундан мактабга педагогик кенгашга етиб келди . Учқун Шавкатович уни жамоага таништирар экан, ўрнидан туриб йиғилганларга хиёл таъзим қилган бўлди .
Математика устози Фахриддин ака бутун жамоага эшиттиб паст овозда кўнглидаги айтиб қолди:

-Мактабимизга дуо кетганми, билмадим . Қачон қараса бири- биридан чиройли кимё устозлари келади-я. Ойчеҳрани-ю шу чиройи деб ҳоли жонига қўйишмаганди , энди Мадинани қизғаниб юрагимизни чангаллаб ўтирарканмиз-да . Ойчеҳрамиз гўё осмондаги ой эди. Мадина эса ҳуддики қуёш ... Ё тавбангдан кетай Қодир Эгам , ўзингдан ўтадиган зўр мусаввир йўқда ...

Фахриддин аканинг таърифи сабаб ўн етти кишидан иборат бўлган педагогик жамоа баробарига Мадинага тикилишди. Мадина уларнинг эътиборидан ўнғайсизланиб ерга қаради . Сутга чайилгандек оппоқ юзларига қизиллик югурди.

Мадина ҳақиқатдан ҳам гўзал эди.

Белигача бўйлаган жингалакка мойил қалин, қоп- қора сочлари, унинг рангидан ҳам тўқроқ пайваста қошлар , узун , қуюқ серкиприк шаҳло кўзлар , ангишвонадек бежирим бурунча-ю , унга мос ақиқ лаблар - буларнинг бари бир бўлиб қизга гўзал эмас, балки бениҳоя гўзал деган таърифни бериб турар эди.

- Ойчеҳрамиз жуда заковатли эди , ўйлаймиз-ки Мадинабону синглимиз ҳам улардан қолишмайдилар.

Мадина бу сўзларни айтган тил ўқитувчисига "ишончингизни оқлайман" деган маънода табассум ила бош ирғади.

Мадинанинг дарси иккинчи сентябрь куни иккинчи соатдан бошланди . Дарс 11 - синфда эди.
Мадина дарсга кирар экан кўнглида бундан бир хафтача олдин шом вақти суҳбатига беихтиёр гувоҳ бўлган қиз билан танишгиси келди.

Нодир исмли йигитнинг бу синфда ўқиши қанчалик номаълум бўлса , Розия исмли қизнинг шу синфда ўқиши шунчалик аниқ эди.
Мадина синфга киргач ўқувчилар томонидан берилган саломга алик олди- ю , дарсни ўзини таништиришдан бошлади.

- Менинг исм фамилиям Мадина Азизова. Сизлар Мадина опа деб чақирсангиз ҳам бўлади. Аслида ҳам сизлар билан орамиздаги ёш фарқи худди опа ва ука ёки сингилчалик. Университетни кимё факултетини тамомлаганман. Насиб қилса сизларни кимё фани билан мактабни тугатганингизга қадар ўқитиш ниятим бор.

Энди эса сизлар билан танишиб олсак. Хўўўш ... Синфда ўн тўрт нафар ўқувчи бор экан .

Рўйхатни фамилиядошим бошлаб берар экан - ку.

Азизов Маткарим

- Мен

Баланд бўйли йигит ўрнидан турди.

- Маткарим , келажакда , яъни мактабни битириб ким бўлмоқчисан? - Мадина йигитчага қизиқиш билан боқди

Маткарим муштига йўталди :

- Шу десез ,устоз , келажакда каааатта бизнесмен бўлмоқчиман.

- Ўххў , зўрку ! Аммо бизнес ҳам турли йўналишларда бўлади . Сен қайси йўналишда бизнес қилмоқчисан?

- Мен мана шу қишлоғимизда туристлар учун зўр дам олиш ансабли яратмоқчиман . Уч юлдузми , беш юлдузми , хуллас ўша нечадирам юлдузли меҳмонхона.

@Xazon_Rezgi /5

Қизимга.

Арзимас нарсалар учун ўзингни сиқма. Пайт келиб, ачинасан.

Ҳеч эсимдан чиқмайди. Битирувчи синф эдим. Ҳарбий чақириққа тайёрлов деган дарс бўларди. Рус тилида ўтилар, устозимиз жудаям қаттиққўл эди. Бир куни уйга  "Калашников автомати"  мавзуси берилди. Ёдлаш эсимдан чиқибди. Мазмуни тахминан қуйидагича:
"Автомат Калашников тирик жонзотларни отишга мўлжалланган қурол..."
Шуни рус тилида айтиб бериш керак.
Устоз ўткир кўзлари билан синфни бир кўздан кечирди-да менга келганда узоқроқ тикилиб қолди. Дарс қилмаганимни сездириб қўйдим чоғи
— Собитова, доскага чиқ! Мавзуни гапириб бер, — деди.
Табиийки, жавоб беролмадим. Ўзбекчасини биламан, русча айтиб беролмайман."2" баҳо олдим. Умримда биринчи марта. Яна битирувчи синфлигимда! Шунчалик сиқилдимки, овқат еёлмай қолдим. Уйдагиларга айтишга уяламан. Ўйласам,  уйқум қочиб кетади, хушнуд давраларда ўтирсам, эсимга тушиб қолса, юрагим сиқилиб, рангим оқаради. Бу дарс бир ҳафтада бир марта ўтилар, ўша куни бизлар  мактабга ҳарбий либосда борардик. Шу бир  ҳафта давомида мавзуни бутунлай ёдлаб олдим.
Кейинги дарсда яна синф тахтасига чақирилдим. Бу сафар шариллатиб ёдлаб бердим. Устозимиз "5"  баҳо қўйди, аммо ўша " икки" таъсирида чоракда
"4"  баҳо олдим.  Унисига яна юрагим қон бўлди.
Ҳозир ўша сиқилганларимни ўйлаб кулгим келади. Шу дарс менга ҳаётим давомида , умуман, керак бўлмади. Умрим бино бўлиб, автоматни қўлимга ушлаб ҳам кўрмадим, эсимни таниб, нафақат, Калашников автомати, балки дунёдаги  барча қуроллар тирик жонзотларни ўлдириш учун ишлаб чиқарилганини  тушуниб етдим.

Энди биламанки, инсон боласи гоҳида  хато қилади, кейин уни тўғирлайди, баъзан "икки" олса, баъзан "беш"  олади. Ҳамма соҳада зўр бўлишга интилиш аҳмоқликдан бошқа нарса эмас экан..

📚 Ibratli Hikoyalar 📚

📝САРОБГА АЙЛАНГАН ОРЗУ...(ёхуд ношукур аёл киссаси)

ХАЁТИЙ ВОКЕА...

Ўғли Абрордан келган мактубни ўқиган Фотима аянинг қон босими ошиб, ётиб қолди……
Не-не орзулар билан бир ёстиққа бош қўйган Камол ва Дилрабонинг орасига совуқлик тушди. Дилрабо эрталабдан рўзғорда қуруқ чой тугаганини баҳона қилиб, дийдиёсини бошлади. Аслида унга ҳам осонмас. Эри ҳеч қаерда ишламайди. Тўрт жонни едириб-ичириш, кийинтириш дегандай…
Ўттиз ёшида ҳам бир ҳунар бошини тутмаган Камолнинг бировларнинг хизматини қилиб қозон қайнатиши мушкул. Тайинли бирор иш топмаган кунлари уйига қуруқ қайтар, эр-хотин ўртасида яна жанжал бошланарди. Хотини, топганингни онангга берасан, дея жаврайвергач, онасиникига бормай ҳам қўйди. Дилрабо эса кунора йўл олислигига қарамай, болаларини олиб онасиникига қатнагани-қатнаган.
Фотима ая қизига: “Уйим-жойим деб эрингнинг топганига қаноат қилиб ўтир!” дея насиҳат қилиш ўрнига куёвидан нолир, болаларини олиб кетгани келганида тинмай жаврарди.
Шундай жанжалларнинг биридан сўнг Дилрабо “ажрашаман”га тушиб қолди. Камол ялиниб-ёлворди. Фойдаси бўлмади. Дилрабо эрини ношудликда айблаб, ҳақоратлади. Хотинининг ҳақоратли гапларига чидолмаган Камол уни қандай туртиб юборганини билмай қолди. Дилрабо худди шуни кутиб тургандай тезда кийиниб, фарзандларини етаклаганича онасиникига йўл олди. Ҳаёт ташвишларидан силласи қуриган Камол нима қилишини билмай, бошини чангаллаганича узоқ ўтирди……
Тушга яқин Фотима аяникига қўшниси Норжон опа кириб келди:
– Ҳой, Фотимахон! Сизга зўр бир янгилик топиб келдим. Шаҳарда бир аёл қизларни чет элга ишлагани олиб кетаётганмиш. Улар фабрикаларда ишлаб, яхшигина маош олишаркан. Бирам ҳавасим келдики, қани энди шу қизлардек ёшгина бўлиб қолсам-у, ўша ёқларга борсам… Мана, ўша аёл яшайдиган уйнинг манзилини ҳам ёзиб келдим. Сизга мазза! Бир эмас, икки эмас, беш қизингиз бор. Ҳадемай миллионер бўлиб кетасиз…
– Йўғ-е, нималар деяпсиз, қўшни? Қиз болани узоққа юбориб бўлармиди?!
– Нега хавотир оласиз? Қизларини ишга юбориш илинжида юрганларнинг сон-саноғи йўқ-ку!..
Шу пайт болаларини етаклаганча Дилрабо кириб келди.
– Ҳа қизим, нима гап? – йиғлаётган неварасини бағрига босди Фотима ая.
– Онажон, энди уйга қайтмайман! Куёвингиз билан ажрашаман! Яна жанжаллашиб қолдик. Кун йўқ бизга! – деганча ҳўнграб йиғлаб юборди Дилрабо.
– Вой, нега унақа дейсан?
– Ҳа, ана, – деди Норжон опа жонланиб, – мана, ойдек қизингизнинг юриши. Бир бурда нонниям миннат билан ейди. Ойда тугул, йилдаям усти янги либос кўрмаса. Ўзини хор қилаяпти. Дилрабони ўша ёқларга ишлашга юборсангиз бўлмайдими?
Гап нима ҳақидалигини тушунмаган Дилрабо онасига қаради. Қўшни аёл эса оғиз кўпиртириб кўп пул топса бўладиган иш ҳақида гапира кетди.
– Эмизикли болам билан қаёққа ҳам борардим? – дея хўрсинди Дилрабо умидсизликка тушиб.
– Олти фарзандни тарбиялаган онага икки невара кўплик қилмас…
– Билмасам, – иккиланди Фотима ая.
– Отаси билан маслаҳатлашиб кўрайлик-чи.
Кечқурун Фотима ая билан қизи Болтабой акани кўндиришди. Камолдан эса лоақал рухсат сўрашни ҳам лозим топишмади. Эртаси куниёқ қўшни аёл билан шаҳарга жўнашди ва суриштириб, керакли манзилни топишди. Уларни тўладан келган ширинсўз аёл кутиб олди. Ўзини Санобар деб таништирган бу аёл Дилрабонинг ёш боласи борлигини эшитиб, бироз иккиланди. Аммо Фотима ая билан Норжон опа унга ялиниб-ёлборишди. Уларнинг соддалигидан фойдаланган Санобар Дилрабо кўнглидагидек “ўлжа” эканлигидан қувониб, рози бўлди.
Фотима ая сигирини сотиб, қизига йўлкира, иссиқ кийим-бош қилди. Икки-уч кун ичида Дилрабо эмизикли боласини ташлаб, узоқ ўлкаларга ишга жўнади.…
Орадан бир ҳафта ўтгач, Камол болаларини кўриш, хотинидан кечирим сўраш мақсадида қайнотасиникига келди. Тўнғич қизи отасининг қучоғига отилди. Хона тўрида ўтирган қайнонаси куёвини кўриб, тескари қараб олди. Саломига алик ҳам олмади.
– Онажон, мени кечиринг, бироз…


📚 Ibratli Hikoyalar 📚

– Камолнинг гапи оғзида қолди.
– Нима? Қилғиликни қилиб, энди кечирим сўраб келдингми? Қўлингдан хотинингни калтак­лашдан бошқа иш ҳам келадими ўзи?! Гапир
!– Дилрабонинг ўзи қани? – сўради Камол қилган ишидан афсусланиб.
– Энди қизим керак бўлиб қолдими? Сенга, бошқалардек
пул топгин, деб кўп ялинди. Сен бўлсанг, қизимнинг қорнини ҳам тўйғазолмадинг! Атрофингга бир қара, сен тенги йигитлар ишлаб, жарақ-жарақ пул топишяпти. Данғиллама уйлар қуриб, яп-янги машиналар минишяпти. Мана кўрасан, сен қилолмаган ишни хотининг уддалайди. У чет элга ишлашга, пул топишга кетди.– Ишлашга!
Қаерга кетди? Ахир эмизикли боласи бор-ку? – ишонқирамай сўради Камол.
– Бу ёғи билан ишинг бўлмасин! Сен билан қизим пулдор бўлиб келганидан кейин гаплашаман.
Камолнинг ичида нимадир “чирт” этиб узилгандай бўлди. Дилрабонинг қилган ишидан ғазаби қайнаса-да, қайнонасига бирор сўз айтолмади.…Орадан икки ой ўтди ҳамки, Дилрабодан хат-хабар бўлмади. Камол хотинининг тақдири ҳақида бирор маълумот ололмай қайнонасиникига бориб-келиб юраверди. Фотима ая ҳам қизидан дарак бўлавермагач, хавотирга туша бошлади…Шундай кунларнинг бирида нотаниш йигит Дилрабодан хат олиб келди. Фотима ая шошилганча уни ўқишга тутинди. Мактубда шундай сўзлар ёзилганди:
“Салом, онажон! Мен яхши ишлаб юрибман. Соғлигим жойида. Ҳозирча 100 доллар юбораяпман. Иложи бўлса, укаларимдан бирини мактуб олиб борган кишига қўшиб юборсангиз. Иккаламиз яна ҳам кўпроқ пул топардик. Сизларни жуда соғиндим. Тез кунда учрашгунча хайр!Қизингиз Дилрабо.”
– Раҳмат, ўғлим, – деди мактубни ўқиб бўлгач Фотима ая йигитнинг елкасига қоқиб.
– Умрингдан барака топ, бизни жуда хурсанд қилдинг. Қизимнинг ўзи яхши юрибдими? Иши қийин эмасми?
– Ҳаммаси жойида, – деди йигит жилмайиб.
– Ахир хатида ҳаммасини ёзган-ку.
– Ҳа, ёзибди, – деди Фотима ая қувончини ичига сиғдиролмай.
– Аммо кўзинг билан кўрган бошқа-да. Қизимни жуда соғиндим. Борганингда унга айт, пул топаман деб уззукун тиним билмай ишлайвермасин
.– Хўп бўлади, албатта, айтаман.
– Дарвоқе, Дилрабо укаларидан бирини сенга қўшиб юборишимни сўрабди. Отаси билан маслаҳатлашиб кўрай-чи, рози бўлса, уни ҳам жўнатамиз.
– Майли, мен эртага хабар оламан, – деди йигит ва шошилганча чиқиб кетди.
Эртасига нотаниш йигит яна хонадон эшигини қоқди. Салом-аликдан сўнг Фотима ая қизининг ёнига ўғли Аброрни ҳам юбориш ниятида эканлигини айтди. Лекин йўлкира масаласини ўйлаб, иккиланди.
– Сиз хавотир олманг, – деди йигит.
– Ўғлингизнинг йўл ҳақи қизингизнинг ҳисобидан бўлади. Фақат тезроқ ҳозирлик кўринглар. Эртага тонгда жўнашимиз керак…
Фотима ая ўғли Аброрни опасининг ёнига жўнатди.Орадан етти ой ўтгач, Абрордан хат келди.
“Салом отажон, онажон! Мени нега бу ерга юбордингиз? Опамни кўрмадим, у билан учрашмадим ҳам. Мени бу ерга олиб келган амаки, агар яхши ишласанг, опангни кўрсатаман, деганди. Аммо етти ой бўлдики, ҳалигача кўрсатишмади. Бу ерга келган куним, сенга кераги йўқ, деб паспортимни олиб қўйишди. Уларнинг гапларини эшитиб қолдим, боплаб лақиллатдик, дейишди. Бу ерлар жуда совуқ экан. Қўлимга нималарнидир бериб юборишади, жин кўчаларда дайдиб юраман. Иложини қилиб, мени бу ердан олиб кетинглар. Сизларни соғиниб қолувчи ўғлингиз Аброр.”
Мактубни ўқиган Болтабой аканинг боши қотди, Фотима аянинг қон босими кўтарилиб, ётиб қолди. Шифокорларнинг муолажасидан сўнг бироз ўзига келган Фотима ая қўшниси Норжон опа билан қизини олиб кетган аёлнинг уйига йўл олди.
– Бу уйда ҳеч ким яшамайди, – дейишди қўшнилар.
– Бундан бир неча ой аввал нотаниш аёл ижарада турганди.
Аёллар ўша уйнинг эгасини ҳам излаб топишди. У Санобарни уч-тўрт кунгагина ижарага қўйганини, унинг манзилини билмаслигини айтди.Орадан бирор ҳафта ўтар-ўтмас Болтабой акага ўғли Аброрнинг чет элда гиёҳвандлик моддалари савдоси билан шуғуллангани учун жиноят устида қўлга олингани ҳақида хабар келди.Бу гапларни эшитган Фотима ая ҳўнграб йиғлаб юборди.

​​– Болаларимни ўзим ўтга ташладим! Уларни ўзим хароб қилдим…Орзулари саробга айланган Фотима ая тўшакка михланиб қолди. Кўп ўтмай ҳаётдан кўз юмди. Онасининг маъракаларида ҳам қатнаша ол­маган Дилрабо бир илож қилиб қишлоғига, сўнгра эрининг уйига қайтди. Лекин турмуш ўртоғи билан узоқ яшай олмади. Хорижда зўравонлик остида кечирган азобли кунларининг хотиралари уни ҳамиша таъқиб этар, эрининг юзига тик қарай олмасди…
Аброр ҳам қачондир, қаердадир оғуфурушлар қармоғига илиниб, саломатлигини йўқотган, умри завол бўлган йигитларни кўрса, ўша ўзи билмаган ҳолда тарқатган гиёҳванд моддалари эсига тушиб, азобланарди… Ўзини айбдор сезарди…Ҳа, бойлик, яхши яшаш орзуси – яхши! Лекин моддий бойлик осонликча келади, деганлар, имконидан ортиқча имкон излаганларнинг тақдири шу тарзда якун топиши тайин.