#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Ака, — ҳомуш тортиб ерга қаради Хонзода, —агар шу қизга жиндек бўлса ҳам кўнглингиз "жиз" этса ийманиб ўтирмай юрагингизни очаверинг. Унга муносиб эмасман деб ўзингизни ўртаб ўтирманг. Қиз билан гаплашиб кўринг, қалбига қулоқ солинг, сўнг эса юрагингиз нима деб қарор қилса шунга қараб иш тутинг.

Илтимос, шу ишни бугундан қолдирманг, йўқса кеч бўлиши мумкин. Шабнам икки кундан кейин юртига кетади. Агар сўзингиз сўзингизга мос тушса, биз ҳам ортидан йўлга тушардик. Яна унга сен билан гаплашмоқчи бўлганимни Хонзода билади денг.
Майли ака, —ўрнидан қўзғалди Хонзода,— мен кетдим. Суҳбат натижасини эса кутаман.

Хонзода хонани тарк этар экан "Илойим ҳар икковларини гаплари гапларига тўғри келсинда" дея ўйлади умид билан.

🍂


Мадумар ака билан бўлган суҳбатдан сўнг Жалолиддиннинг юрагига олов тушди.

"Наҳотки инсон дегани шунчалар мунофиқ бўлиши мумкин, — ҳеч хаёлига сиғдиролмас эди у, — бировларнинг не ҳасратда тийинлаб йиғиб қилаётган тўйини беш бегона бўлиб ўпқон нафсингга ургунча, далага чиқиб тезак терсанг-чи, мараз? Агар Мадумар аканинг гаплари исботини топса борми? Унда мен Хонзоданинг кўзига қандай қарайман. Лавозимни ҳам хўп одамига топширган эканман демайдими? Деса ҳам минг бора ҳақ бўлиб чиқади у. Шундоқ бурнимни тагида бунақа ишлар бўлиб турса-ю, мен барчасини қотиряпман деб ўзимга ўзим маҳлиё бўлиб юраверсам.
Эҳ одамлар, нима етмас экан-а буларга? Томоғингдан ўтган луқмангни таъми ошқозонга тушгандан сўнг аҳамиятини йўқотади. Фақат чайнаш ва ютиш учун одам шунчалар паст кетиши шартмикан?
 

-138-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Раҳматлик бувим "Бир бурда нонга ҳам қорним тўяди" деган гапни кўп такрорлар эдилар. Энди билсам бу сўзларнинг замирида кўп маъно бор экан.
У пайтнинг одамларида қаноат деган тушунчалар бўлганда. Ҳозир кўпчиликда йўқ бу тушунчалар. Тараққиёт ривожланган сари инсонлар ғофиллашиб кетаётгандек гўё. Кўпчилик учун нафснинг кўйига юриш оддий ҳол бўлиб қолгандек. Яқинда Саидумар афсусланиб бир ҳикояни айтиб берганди. Синфдошларининг орасида бир йигит ўзгаларнинг ҳақидан қўрқмас экан. Бир куни улфатлар чойхонада отамлаша туриб, "Ҳой фалончи, бировни ҳаққи бировники, сен жуда унақа бировларни ҳақини бебилиска ўзлаштираверма, кутилмаган кун бир жойингдан тешиб чиқади" деб танбеҳ беришса, ўша йигит бўзрайиб "Бир еримда тешигим бор, ўша ердан чиқиб кетаверади" дермиш. Тавбадан бошқа гап йўқ"

Жалолиддин шундай хаёллар исканжасида ўз хонасига бориб у ерга ёши квттароқ ходимларидан бири Наби акани чақирди.

— Ассалому алайкум, Наби ака, — Жалолиддин у кишини ўрнидан туриб кутиб олди, — келинг ака.

— Ваалайкум ассалом, Жалолиддин, — деди Наби ака Жалолиддин кўрсатган жойга чўкар экан, — чақиртирган экансиз.

— Ҳаа ака, чақиртиргандим. Сиздан бир, икки нарсалар ҳусусида сўрамоқчи эдим.

— Қулоғим сизда, — Наби ака Жалолиддиннинг оғзига илҳақ термулди

— Ака, оҳирги кунлари тўй маросимларига қилинган бозорликлар, чиқарилган юк варақалари ҳужжатлари билан танишсам дегандим, — Жалолиддин Наби акада шубҳа уйғотмаслик учун ўзини ҳотиржам тутишга уринар эди, — буларни сўрашдан мақсад кейинги вақтларда тадбиркорлар томонидан бозорларимизга бир неча турдаги сифатли егулик маҳсулотлари кириб келганлиги сабабли ўзимиз амалда фойдаланаётганларидан айримларини ана шуларга алмаштиришга талаб ва таклиф тушмоқда.

-139-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Хўп бўлади, мен ҳозир сизга барча ҳужжат намуналарини олиб келаман, — деди Наби ака ортиқча эътирозларсиз.

Наби ака тез орада қўлида бир неча папкаларга тартиб билан солинган "счет-фактура" ва "накладной" намуналарини олиб келиб Жалолиддиннинг столи устига қўйди.

— Мана, кейинги бир ой ичида сотиб олинган барча турдаги маҳсулотларнинг ҳужжатлари. Бари навбати билан тегишли тартибда расмийлаштирилган. Бемалол танишиб чиқишингиз мумкин.

— Раҳмат, Наби ака.

— Унда менга руҳсат, — ўрнидан қўзғалди Наби ака, — яна бирор юмушингиз бўлса айтарсиз.

— Наби ака, — ўрнидан қўзғалган ходимга савол ташлади Жалолиддин, — маҳсулотлар харидига қайси йигитларимиз боришмоқда?

— Ўнг қўлингиз Ўлмасжон—да, —ажабланиб жавоб қайтарди Наби ака, — ахир ўзингиз бу ишни сендан бошқа ҳеч кимга ишонмайман деган экансиз-ку? Ёнидаги шериклари эса кунда кунора алишиб туради.

— Ҳа шундай дегандим, —деди Жалолиддин ичидан зил кетиб, — Ўлмас ишончни оқлаган йигитлардан. Майли ака, сиз бораверинг.

— Хўп ука.

Наби ака чиқиб кетгач, Жалолиддин қўлидаги ҳужжатларни бир—бир варақлай бошлади.
"Ўлмас, Ўлмас, — ўйлади у, —қачон мен унга " Сендан бошқа ҳеч кимга ишонмайман" дедим?"

Жалолиддин ярим соатча барча ҳужжатларни синчиклаб текширди. Бир қарашда ҳужжатларнинг бари жойида, маҳсулотларнинг барчаси аъло сифатли. Синчиклаб текширилганда ҳам ҳеч қандай хато ва камчилик назарга тушмайди. Қизиқ...

Жалолиддин ўрнидан туриб хонанинг у бошидан бу бошига бориб кела бошлади. Сўнг бир қарорга келганча иш столига яқинлашди-ю, ҳужжатларни бирма
   нусҳалаб ола бошлади. Ишни битиргач принтрдан чиққан ҳужжат нусҳаларини барини саранжомлаб столининг остки қулфланадиган тортмасига солди.
Асл ҳужжатларни эса Ўлмаснинг хонасига олиб чиқиб эски ўрнига қўйиб чиққан Жалолиддин ўзи рестораннинг газаклар тайёрлов хонасига йўл олди.

-140-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

💐СЕШАНБА ТОНГИ МУБОРАК!!

🌺Ассалому алайкум ва роҳматуллоҳи ва барокатуҳ!

🌺 Бошлаётган кунингиз, хайрли-барокатли ўтсин!

🌺Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин!

Аллоҳни паноҳида бўлинг🤲

💐Сешанба кунингиз хайрли ўтсин, азизлар!!

📱@Insta_retseptlar — Mazali yeguliklar har kuni taomnomangizda!

Ассалому алайкум ва роҳматуллоҳи ва баракотуҳ!

🌤 Гўзал тонгни соғ-саломатликда кутиб олиш бахтини берган Аллоҳ таолога ҳамдлар бўлсин! Бугунги кунингиз хонадонингизга тинчлик-омонлик, касб-корингизга эса барака олиб келсин. Қалбингиз ҳамиша иймон нури билан мунаввар бўлсин!

📿Кунлик тонгги зикр:
Набий соллаллоҳу алайҳи васаллам тонг отганда ушбу дуони ўқир эдилар:
«اللَّهُمَّ إِنِّи أَسْأَلُكَ عِلْمًا نَافِعًا، وَرِزْقًا طَيِّبًا، وَعَمَلًا مُتَقَبَّلًا»
«Аллоҳумма инний асъалука ъилман наафиъан, ва ризқон тоййибан, ва ъамалан мутақоббалан».

Маъноси: «Аллоҳим! Мен Сендан фойдали илм, пок ризқ ва қабул бўладиган амал сўрайман». (Имом Ибн Можа ривояти)

✨ Кунингиз хайрли ва файзли ўтсин!

✅ Яқинларингизга ҳам улашинг!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

ҲАЛОЛ

Жўрақул қаршисидаги харидорга бир қур назар ташлади-да, табақалари катта қилиб очиб қўйилган деразанинг юқори қисмидаги бир қарашда михни эслатувчи темир илгакка осилган қўй гўштидан кеса бошлади. Ёғликкина еридан ажратиб, бир четда турган суякни болта билан чопди-ю, ўйланиб қолди. Қишлоқда ҳа деганда савдо ҳам бўлавермаётганлиги учун бу кетишда тузукроқ фойда қўролмаслигига кўзи етди. Яхшиси тарозидан “уради”. Олувчи соддагина кишига ўхшайди, сезиб ўтирибдими.
— Беш кило дедингиз а? — деди у тузуккина гўштни “бир ёқли” қилар экан.
— Ҳа, шунча, — кутиб қолган ҳаридор сесканди. Чўнтагидан рўмолчасини чиқариб, пешонасидаги терни артди-ю, тағин гап бошлади. — Шу денг, уч-тўртта одам чақириб, уйда эҳсон қилмоқчи эдим...
— Яхши қиласиз, ўзи ҳар-ҳар замонда қилиб туриш керак шунақа нарсалар ҳам.
— Қурбон ҳайити яқин, аслида жонлиқ сўйишни ният қилгандим-у, ҳалиги томондан жиндек қийналиб қолдим-да.
— Шуям ҳарна-да ака, Худони берганидан қўймасин. Муҳими кўнгилдагиси.
— Тўғри айтасиз, — у елим халтага ўралган гўштни олар екан, йўлнинг нариги бетидаги дўконга имлади, — Яна ул-бул олай, ҳар ҳолда дастурхон қуруқ бўлмасин.
— Ҳа майли, бемалол, келиб туринг ака.
— Раҳмат, бор бўлинг.
Қушхонага яна сукунат чўкди. Визиллаб, тиним билмаётган арилар учиб келиб ўзини гўштга уради. Жўрақул бояги киши кириб кетган дўконга бир муддат кўз тикиб турди-да, “Ҳиҳ, топгани уч сўм пул-у, яна еҳсон қилармиш”, деди энсаси қотиб.
Кўп ўтмай гўшт кўтарган киши дўкондан чиқдиб, шу томонга шаҳд билан юриб кела бошлади. У ердан ҳеч нима сотиб олмаган шекилли, қўлида бояги елим халтадан бошқа нарса кўринмади.
Жўрақулнинг юрагига ғулғула кирди. “Бу, қурғур, дўкончининг тарозисида ўлчаб кўрди шекилли, йўқса тағин нима иши бор менда”, деб уйлади йўлдан шошиб ўтиб келаётган кишига қараганча. Ўзича миясида ҳар-хил баҳоналарни пишитиб қўйди.
— Бир нарсани унутган эканман, — деди у ҳали яқинига келиб улгурмаган кишига қарата баланд оҳангда.
Талмовсираганча пастдан боя “уриб қўйганини” олиб, шошиб ўрай кетди. “Жа-а ҳақини бериб қўймайди булар. Бир тийинни устида умбалоқ ошади ҳа десанг”, деди ҳаёлида.
— Ҳалол луқма яхши-да.., — киши шошиб келгани учун оғзини катта-катта очиб нафас ростлади.
Жўрақулнинг асаби қўзиди.
— Кечирасиз, мендан ўтибди, ёдимдан кўтарилган экан.
— Қўйинг-э, нега ундай дейсиз, аслида мен узр сўрагани келдим. Пул беришни унутган эканман, мана, олинг!..

©Шаҳзод ЭРГАШАЛИЕВ

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Июль ойида туғилганлар ажойиб инсонлар экан😊

Бугунда ёзнинг иккинчи ойи, июль ойининг биринчи санаси.

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌸Тақдирингизга ёзилган энг гўзал туҳфа — бу сизни тушунадиган борингизча қабул қиладиган ва ҳар қандай вазиятда қалбингизга йул топа оладиган инсондир......

🩷Агар шундай инсонингиз 🩷бўлса уни
🩷сиз хам қадрлаб севинг...
🩷Сиз хам уни борича қабул 🩷қилинг...
🩷🩷🩷🩷🩷🩷🩷
🩷Бир-бирингизни
асранг ва севиб-севилиб бахтга кўмилиб яшанг..

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Шоислом қаерда? — сўради Жалолиддин у ерда куймаланишиб юрган йигитлардан

— Билмадик, — елка қисди Тоҳир исмли йигит, — биз уларни сизнинг ёнингизда деб ўйлаётгандик.

— Ҳа, ҳаммамиз шундай деб ўйлаётгандик, — бирин-кетин суҳбатга аралашди йигитлар

— Бир ярим соатча аввал унга қўнғироқ бўлганди, — деди йигитлардан бири бирдан ҳовлиққанча, — Шоислом акам телефонда гаплашиб "Тезда қайтаман" деб чиқиб кетгандилар. Ишқилиб тинчликмикан? Биз иш билан чалғиб қолибмиз. Ундан кейин сизнинг ёнингиздадирлар деб ҳам ўйлаган эдик.

— Шоисломнинг телефони ҳам жавоб бермаяпти, —ҳайрон бўлди Жалолиддин, — ҳали унинг ким билан гаплашганидан хабарингиз борми?

— "Ойим билан дадам кўчада кутиб турган эмишлар" деган гап-сўзлари қулоғимга чалингандек бўлганди.

— Орангизда кимнидир Шоисломга яқинлиги борми? Яқинларига қўнғироқ қилиб кўрсак?

Шу пайт Жалолиддиннинг қўл телефони жиринглаб қолди

— Алло, эшитаман? — деди Жалолиддин, сўнг бехосдан бақириб юборди, — нимааа? Қанақасига?

Хонадаги йигитларнинг барчаси Жалолиддиннинг оғзига тикилиб қолишди:

— Тинчликми?

Жалолиддин юзлари бўғриққанча аранг жавоб қайтарди:

— Шоисломни беҳуш ҳолда анҳор бўйидан топишибди. Анча жароҳат олганмиш. Бир оёғи, уч қовурғаси синганмиш. Ички аъзолари қанчалик зарарлангани ҳақида эса ҳали маълумот йўқ экан.

-142-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

—Аҳвол мен ўйлагандан ҳам жиддий кўринади,—деди Жалолиддин Асрор акага Шоислом олиб кетилган тез тиббий ёрдам марказига боришар экан, — нафас ростламай уруш очишганларини кўринг буларни.

— Бу бир кишининг иши эмас, —ўсмоқчилаб сўзланди Асрор ака, — демак ҳалиги тайёрлов хонасидаги йигитларнинг орасида ҳам "қулоқ"лар бўлган. Ундан кейинчи, менинг бор гумоним анави Ўлмасдан. Менга шу йигитнинг қачон қараса олма-кесак бежо кўзлари ёқмайди. Турқиям аллақандай совуқ. Хуллас бир сўз билан айтганда юзида файзи йўқ бола.
Менга қара, Жалолиддин. Энди бу ёғига шошилмай, етти ўлчаб бир кесиб иш қилгин тушунардими?

— Хўп, бу ёғидан ташвиш чекма. Бир иш қилсам ёнимда сен борсан-ку?

Икки дўст касалхонага боришганда Шоисломни оғриқ қолдирувчи дорилар ёрдамида ухлатиб қўйишганини, аҳволи эса анча барқарорлигидан хабар тортиб кўнгиллари жойига тушди. Икки дўст ҳозирча бўлиб ўтган ҳодисаларни Хонзодага айтмай туришга келишиб ортга қайтишди.

🍂

— Шунчаликка олиб бориш шартмиди, ака!? —деди Тоҳир Ўлмасни четга тортиб, — йигит бечорани копток қилиб ташлашибди-ку буюртма берган йигитларингиз?

— Яхши-да,- ҳузур қилиб сигарет тортганидан Ўлмаснинг кўзлари сузилди, — иккинчи бировларнинг ишига тумшуғини суқмайди.

— Э ака, у ота—онасини ўн икки йилда тилаб олган якка-ю ягона ўғли. Шунчалик ҳам дўппослатасизми, ўлиб-нетиб қолса нима бўларди!?.

— Ўлиб-нетиб қолса ҳурматини жойига қўйиб кўмиб келинарди, тамом. Шунга ғам —шўрвага дамми?
Агар болапақирга шунчалик ачинаётган бўлсанг эртага палатасидан жой қилиб бердиртиришим мумкин. Тили узунлар учун ҳам махсус жой топилади.
   Тоҳир Ўлмаснинг бежо кўзларига қараб унинг хазиллашмаётганлигини ҳис қилди ва тилини ичига ютди.

-143-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

🍂

Йигиталининг сўнгги кунларда ошиғи олчи бўлиб қолгандек эди. Мана аста секин ишга ҳам киришиб олди. Энди кибор давраларда ўзини тутишни, қаерда, кимларнинг олдида қайси гапларни айтишни тез ўрганди. Уни бир неча ой илгари кўрган инсонга "Мана шу ҳув ўшандаги Йигитали" дейилса ишониши қийин бўлган даражада ўзгарган эди у. Энди Йигитали "Тилла қироли" Карим Муродовнинг ҳаётдан завқ туйиб, баҳра олиб, ҳаловат тотиб яшаш эвини билиб қолган ёш ва келажаги порлоқ муносиб вориси эди. Ортиқ уни на Паризод, на унинг хасталиги қизиқтирмас, безовта ҳам қилмас эди. Керак бўлса Йигитали Хонзода ҳақидаги хаёлларига ҳам дам бериб улгурган эди. Унинг ҳаётини энди биргина аёл —Лаълихон ҳар куйга солиб бошқараётган эди.
Йигитали энди шу жувон билан вақтини чоғ ўтказар, унинг учун Лаълихоннинг дегани деган, айтгани айтган эди. Йигиталининг Паризод билан боғлиқ барча сирларидан аллақачон воқиф бўлган Лаълихон уни "Жоним, сиз сира ташвиш чекманг. Бу дунёдан фарзандсиз ўтиб кетмайсиз. Қачон менинг номимга квартира ва машина олиб бериб, бўлажак фарзандимизнинг келажагини мустаҳкам таъминлаб қўйсангиз, ўшанда ўзим сизга отасига муносиб паҳлавондек ўғил туғиб бераман" дея унинг ҳиссиётларини кундан кунга жунбушга келтирар эди.

-144-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

АССАЛОМУ АЛАЙКУМ ВА РОҲМАТУЛЛОҲУ ВА БАРОКАТУҲ🎀❄️❄️

ПАЙШАНБА ТОНГИ МУБОРАК БЎЛСИН АЗИЗЛАРИМ 🧸

🪷🍀 Бошлаётган кунингиз,
хайрли-барокатли ўтсин!

🌿🌸 Қанчадан бери амалга
ошмаётган орзуларингиз рўёбга
чиқсин!

🪴🌱 Ризқингиз кенг, ҳар бир
босган қадамингиз тавфиқ,
тавбаларингиз қабул,
дуоларингиз ижобат бўлсин!

Аллоҳ паноҳида бўлинг! 🤲

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

—Йигитали ако-о-о-в, — креслода ўтириб ёзув-чизув қилаётган йигитнинг орт томонидан келиб бўйнидан маҳкам қучди Лаълихон, — сизга мана шу қоғозларингиз мендан ҳам муҳимда а?

— Шу ишларни битирмасам бўлмайди, — жиддий жавоб қайтарди Йигитали, — ҳар бирининг ўз вақти бор.

—Ҳмм кўряпмиз ўз вақти борлигини. Ўзингизга керак бўлсам "Лаъли—жониии бу ёққа қаравормасанг бўлмайди". Бунақа пайтларда эса...

— Хўп нима истайсан мендан? — Йигитали қўлидаги ручкани тақ этиб столга ташлади-ю, Лаълихонга синчков назар билан қаради.

— Нима истайман? —кўзларини сузди Лаълихон, — менга пул керак, акажон. Кўўўўп пул керак.

— Пулни нима қиласан? — ҳайрон бўлди Йигитали, — ахир ўтган куни картангга фалон миллион ташладим-ку?

— Вой у пулларга кийим-кечак олдим-ку? — норозилигини яширмай қошларини чимирди Лаълихон

— Шунча пулга-я? — ҳайратдан кўзлари катта-катта очилди Йигиталининг, — вей у пулга бутун махаллани кийинтирса бўларди-ю? Нечта кийим олдинг сен ўзи?

Лаълихон истеҳзоли жилмайди:

— Сиз эркаклар шунақа ўйлайсизлар. Аёлларнинг кийим-кечак, пардоз воситалари фалон пул туриши билан ишинглар йўқ сизларнинг. Сизга чиройли, нозанин аёл керак-у, аммо ҳаражатдан гап очилса лабингизга учуқ тошади. Шунақа акажон, муҳаббатни, ошиқликни чидаганга чиқарган.

— Ҳа хўп, — тоқати тоқ бўлди Йигиталининг, — у кунги пулга кийим олибсан, бугун тағин нимага пул керак экан?

-145-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Бу пулларни шифокорга бориш учун сўраяпман. Кейинги вақтларда негадир мазам бўлмаяпти, — афтини бужмайтириб жавоб қайтарди Лаълихон, — шунақанги лоҳас сезаяпман ўзимни. Бир қарасам иштаҳам йўқ, бир қарасам салгина қорним очса ҳам чидай олмай қоламан. Шунга докторга бир кўринай-чи?

— Шошма-чи, ранги қув ўчди Йигиталининг, —ҳомиладор бўлиб қолган бўлмагин яна?

Йигиталининг сўзларидан Лаълихон ўйланиб қолди.

— Менга қара!? — Йигиталининг овози бу сафар таҳдидли янгради, — ҳозир фарзандли бўла олмаймиз. Сенга бунинг сабабларини етарлича тушунтирганман! Агар...

— Нима агар!? — Лаълихон ҳам ўзини боса олмай йигитнинг кўзларига чақчайиб тикилди.

— Агар ҳомиладор бўлиб қолган бўлсанг уни олдиришдан бошқа иложинг йўқ! Биз ҳозирча ота-она бўлишга тайёр эмасмиз.

— Ундан кўра қайнотамдан қўрқаман денг!?

Йигиталининг Лаълихоннинг пир-пир учаётган ёноқларига қараб озроқ ошириб юборганини пайқади:

— Гап унда эмас! Ахир нимага келишгандик? Аввал уй-жой, машина кабиларга пул тўплаб олайлик.

— Роса муаммо-да, бу нарса сизда!? Менга чўпчак тўқиманг.

— Лаъли!

— Ҳа майли,— деди Лаълихон бир поғона паст тушиб, — шартингизга кўнаман. Фақат менда ҳам битта шарт бор. Менга квартира эмас, яхши ҳовлили уй олиб берасиз. Барча қулайликлари билан

— Сенингча мен ниманинг ҳаракатидаман!? — Лаълихонга маъноли қош учирди Йигитали,— ҳовлили уй ҳам, квартира ҳам —насиб қилса барчаси бўлади. Бунинг учун ҳозир ишлагани қўйсанг бас.
— Хўп, озроқ пул беринг, —эркаланди Лаълихон, —шунда сизни кечгача тинч қўяман.

— Уфф, танглайини пул билан кўтарган бунинг. Хўп, ҳозир картангга ташлаб қўяман. Бўлдими энди?

Лаълихон чеҳраси ёришиб Йигиталининг юзидан "чўлп" этиб ўпар экан илжайди:

— Бўлди! Фақат хасислик қилмай кўпроқ ташланг!

-146-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассалому алайкум ва раҳматуллоҳи ва барокатуҳ!
🕊 Жума муборак! 🕊

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi