#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

Хонзода дарҳол сергак тортди:

— Шабнам.

— Опажон... — қизнинг кўзларидан дувиллаб ёш тўкилди

Синглисидек бўлиб қолган қизнинг бу ҳолати Хонзоданинг юрагини ўртаб юборди. У ўрнидан туриб Шабнамни маҳкам бағрига босди.

— Илтимос, йиғлама. Ўзингни қўлга ол ва менга нималар бўлаётганини айт.

— Дадам уйга қайтишимни истаяпдилар, —деди Шабнам ҳамон ҳиқиллаб, —улар мени турмушга бермоқчилар. Аммо мен қандай қилиб... Ахир ўтмишимни биласиз-ку? Ўтмишимнинг зилдек оғир юки билан қандай қилиб турмушга чиқаман?

—Бўлиб ўтган ишларда сенинг айбинг бўлмаган. Кимга турмушга чиқсанг ҳам тўғрисини айт. Истаса сени бор ўтмишинг билан қабул қилсин.

Шабнам кўзлари олайиб ўзини орқага ташлади:

— Йўқ! Мени бунга журъатим етмайди. Биласиз айниқса қишлоқ жойда барча айб қиз болада қўйилади. Кейин дадам бу шармандачиликка чидай олмайдилар.

— Менга қара, Шабнам. Ўзи куёвликка номзод тайёрми? — унга синчков боқди Хонзода.

— Аниқ бир йигит эмас-ку, бироқ дадамларга бир неча номзодлар ёқинқираб турганмиш. "Шабнам уйга қайтса шу йигитлардан бирини куёв қиламан" деганмишлар.

— Ўзинг-чи? Улардан бирортасига кўнглинг борми?

— Қизиқсиз-а, опа? Мен қачондан буён бу ерда бўлсам, қандай қилиб қишлоқдаги йигитларлардан бирига кўнгил қўяман? Кўнгил қўйган бўлганимда шу ерда йиғлаб ўтирар эдимми? Умуман олганда мен бу ердаги ўзим меҳр қўйган ишимни ташлаб кетгим йўқ. Ундан кейин сизларга ҳам жуда ўрганиб қолганман.

-135-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

  — Шабнам, —деди Хонзода ўзича алланималарни ўйлаганча, — бу нарсалар ҳақида ўйлаб ўзингни кўп ҳам сиқавермагин.  Насиб қилса кўплашиб ўйлаб мушкулингга бирор чора топармиз. Энди кўз ёшларингни арт-да,  ишингга бор. Ўйлайверма,  ҳали ҳаммаси яхши бўлади.
Шу куни кечгача Хонзоданинг хаёли Шабнамда бўлди. У бир неча ойлардан буён унинг ҳусусида ўйлаб юрган режаларини энди кечиктира олмаслигини тушуниб етганди.
Кун ботар вақтда ишдан қўли бўшаган Хонзода акасининг иш кабинетига йўл олди.

— Кел, синглим, — Ҳумоюн синглисини ҳушнуд кайфиятда кутиб олди.

— Ҳа ака, кайфиятингиз чоғ кўринади? — акасининг кайфияти Хонзодага ҳам юқиб жилмайди, —нима гаплигини билсак бўладими?

— Албатта билсанг бўлади. Кеча тўйхонада бир йигитнинг пластик картаси ва ҳужжатлари тушиб қолган экан. Ана ўша карта эгаси бугун эрталаб уларни излаб келибди. Хуллас камераларни бирма бир кузатиб ўша ҳужжатларни бус-бутун топдик. Қаердан дейсанми? Айтсам ишонмайсан, келин-куёвга ҳозирланган саҳна безакларининг тагидан. Биласанми у картага йигит анча йиллардан буён ота-онасини ҳажга юбораман деб пул йиққан экан.

—Шунча пулни ёнида олиб юргани қизиқ, —деди Хонзода ажабланиб, — юрак ҳам бор эканда
— Бунинг ўзига яраша сабаблари бордирда. Хуллас ўша ҳужжатлар ва пластик карта солинган ҳамён Шабнам ясаган анави катта-катта оқ атиргуллар бор-ку, ўшанинг гул япроқларининг орасига кириб қолган экан. Ўша йигит менга ҳам, Шабнамга ҳам чин дилдан суюнчи деб анча-мунча пул қистирганди олмадик. У пуллар ота-онани ҳаж ибодатига жўнатишдек энг савобли ишлар учун йиғилган экан. Шу ишларда бизнинг ҳам хиссамиз бўлсин дедик.

— Ака, мен ҳам сизнинг ёнингизга бир иш билан келгандим, —ҳомуш тортди Хонзода

—Тинчликми, синглим, қандай иш?

— Ака, бир савол сўрайман, фақат ростини айтасиз?

— Биласанку, синглим, ёлғон гапни ёмон кўраман, —жиддий тортди Ҳумоюн,—сўрайвер.

-136-

#ЗУЛМАТ_АСИРАСИ_2
ТУНДАН ТОНГГАЧА ...

Муаллиф:  Гулбаҳор Рахматуллаева (Хазонрезги) 

— Ака, шу Шабнам ҳақида нима дея оласиз? У қандай қиз?

— Шабнамми? —ўйланиб қолди Ҳумоюн, — у жуда яхши қиз. Самимий, одобли. Тушунмадим, нега мендан бу ҳақда сўраяпсан? Ё орангиздан бирон бир гап қочдими?

— Йўғ-ей, нимага гап қочаркан, ака? Ўзим шунчаки сўрадим—да?

— Ҳеч бир нарса шунчаки бўлмайди—да, Хонзода? — синглисига савол тўла нигоҳларини тикди Ҳумоюн,— менинг ҳам кўнглим бу ерда бир гап бор деяпти.

— Хўп яхши, айтинг-чи ака, агар сизга уйлан дейишса шу қизга уйланган бўлармидингиз, яъни Шабнамга?
Зумда Ҳумоюннинг юзига ғам ўз кўланкасини солди:

— Қизиқмисан, синглим? Шабнам қаерда—ю, мен қаердаман? —ўксиниб чўлтоқ қўлига ишора қилди Ҳумоюн, —аввалги соғ ҳолдаги аҳволим бўлганда ҳам бошқа гап эди.

— Ака, аҳволингизга нима қилибди? Бахтсиз ҳодисага учраганингиз сизнинг айбингиз эмас. Энг муҳими шу ҳолингизда ҳам ризқингизни ҳалол йўл билан топиб еяпсиз—ку? Шабнам ҳақида бежизга сўрамадим. Унинг отаси қизини уйига қайтишини истаётган экан. Шабнамни турмушга бериш экан нияти.Шабнамнинг ўзини эса бу ерларни, севимли ишини ташлаб кетиш нияти йўқ. Шунинг учун хўп десангиз Шабнамга сиз учун оғиз солиб кўрсам. Мабодо у сизга турмушга чиқишга озгина бўлса ҳам рағбат билдирса водийга совчиликка бориб келардик. Нима дедингиз, ака? Ҳар ҳолда уни анчадан буён яхши таниймиз. Биз учун синашта қиз.

Ҳумоюн ўйланиб қолди.

-137-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#Хайрли_тонг

​​Ассалому алайкум ва роҳматуллоҳи ва барокатуҳ!

Барчамизга яна бир тонгдан бахраманд бўлиш насиб этибди, Алҳамдулиллаҳ!

Ҳаёт такрорланмас.. умр қисқа.. ҳар бир онимиз эса ғанимат.. 
Зеро шундай экан, доимо бир-биримизга меҳрли, эътиборли бўлайлик..

Ҳар бир отаётган тонгларимизни, ўтказаётган кунларимизни шукроналик хисси - табассум билан қарши олайлик..

Аллоҳ муродимизни хосил, мушкулларимизни осон қилсин, дуоларимизда қилган яхши ниятларимизни ижобат айлаб, ҳайру - барокатларини зиёдаси билан тухфа этсин..

Ота-онамиз, фарзандларимиз,  оиламиз ва яқинларимизни Аллоҳ ўз паноҳида асрасин..!!

Бугунги шанба кунингиз
файзу барокатли бўлсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Абортдан сўнг

— Мен ер юзидаги энг ёмон касалликларга даво топмоқчи эдим, – деди улардан бири.
— Мен эса фанда катта кашфиётлар қилмоқчи эдим.
— Мен камбағал ота-онамни бой қилмоқчи эдим.
— Мен эса ота-онамнинг олти қиздан кейинги эркатой ўғли бўлмоқчи эдим.
— Менинг туғилишимни бувим хоҳламади, онамни ёмон кўргани сабабли.
— Менинг дунёга келишимни онам истамади, дадам ичкиликка берилгани учун.
— Менинг туғилишимни ота-онам хоҳламади, камбағалмиз, боқолмаймиз деб.
— Менинг туғилишимни дадам хоҳламади, аппаратда қиз дегани учун...

Саида Ибодинова

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Она фарзандига деди:
- Таомингни еб тугатсанг, сени айлантириб келаман
Еб тугатгач онасига деди:
- Ойи, еб бўлдим. Энди борамизми айлангани?
Она:
- Кеч бўлиб қолди. Кўчада қўрқинчли одамлар болаларни еб қўяётган экан. Ҳозир чиқа олмаймиз.
Кўчадаги болаларнинг овозини эшитиб, маҳзун бўлганича термулиб қолди. Болалар эса ўйнашяпти ва уларни ҳеч ким еб қўймаяпти.
Ҳикоя давом этади..
Каттароқ бўлгач, мактабга борди.
Устоз:
- "Ким ўзини яхши тутса, ҳафта сўнгида уни ўзим билан экскурсияга олиб бораман" деб айтди.
Экскурсияга бориш учун биринчилардан бўлишга интилган болакай, ҳафта сўнгида устозидан сўрайди:
- Устоз, қачон экскурсияга борамиз?
Устоз жавоб берди:
- Қандай экскурсия ҳақида гапиряпсан?
Ҳикоя давом этади..
Уйда ота дарс қилиб ўтирган фарзандига деди:
- Агар имтиҳонларни яхши баҳоларга топширсанг, сенга ўзим зўр велосипед олиб бераман.
Ўқув йили ҳам тугади. Имтиҳонларни аъло баҳоларга топширган болакай отасидан:
- "Дада, қани менинг велосипедим?" деб беғубор кўзлари билан қараб сўрайди.
Ота деди:
- Қўй шу велосипедни, ҳалокатга учрагин келаяптими?
Ҳикоя давом этди..
Болакай ёлғончи бўлиб вояга етди.
Яқинлари унинг ҳатти- ҳаракатларига қараб ҳайрон эмишлар:
- Бундай ҳунук ахлоқни кимдан ўрганди экан?

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Ассалому алайкум.

🌅 Бугун 28-🏖️🏖️, якшанба тонги муборак бўлсин!

🤲 Соғ-саломат уйғотган Роббимизга ҳамдлар бўлсин.

Аллоҳ таоло бу тонгингизни нурафшон, қалбингизни хотиржам, чеҳрангизни эса нурли қилсин.

Танангизга саломатлик, юзингизга табассум ато этсин.

🌷 Бахт, омад, муваффақият ва меҳр-муҳаббат доимо ҳамроҳингиз бўлиб юрсин.

Яхши ниятлар, хайрли ишлар ва шукрга тўла бир кун насиб этсин.
💞💞💞💞💞💞💞💞💞

Яқинларингизга юборинг.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Шукр қилинг...

Ҳаётда ҳамма нарса ҳам сиз истагандек бўлмаслиги мумкин.

Орзулар кечикиши мумкин, қийинчиликлар йўлингизга чиқиши мумкин.

Аммо…
Соғ тан билан уйғонганингиз — неъмат.
Оила аъзоларингиз саломатлиги — неъмат.
Бир луқма ризқ, бир қадаҳ сув ҳам неъмат.

Хотиржам янги кунни қаршилаябсиз.... Бу ҳам неъмат...

Шукр қилган инсоннинг қалбида сокинлик, юрагида қаъноат, ҳаётида барака бўлади.

Борини қадрлайлик, йўғига исён қилмайлик, фақат дуо ила Аллоҳнинг хукмига қўяйлик...

💐 Кун хайрли бўлсин,
             Азизлар!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi