🧕 Muslimalar kundaligi
1.61K subscribers
3.68K photos
3.56K videos
4 files
6.88K links
Download Telegram
#кундошлар

58-қисм

Муаллиф: Наргиза Усанбоева


- Кўзингизнинг кўриши қанақа?
- Кўрмасдим, аста-секин кўряпман. Ҳозир хира кўраман.
- Жиддий даволанишингиз керак. Миядаги жароҳат олган жойнинг астрфоида атрофия – яъни қуриш жараёни бошланган. Унинг кенгайишига йўл қўймаслик керак. Шу ҳолда ушлаб қолишга ҳаракат қилишимиз керак.
- Қуриш... бу ёмон-ку, тўғрими? – қўрқиб кетди Умид.
- Албатта, яхши эмас. Шу ҳолатни ушлаб қолиш, касалликни кучайтирмаслик ҳам катта натижа. Бунинг учун ҳар доим ўз вақтида даволаниб туришингиз керак.
- Касаллик кучайса нима бўлади? – сўради яна Умид.
- Ҳар нима бўлиши мумкин. У мия! Биласиз, мия ҳамма аъзоларимизни бошқаради. Касаллик кучайгани сари бошқа аъзоларнинг ҳам ишдан чиқиши кузатилади.
Умиднинг ҳам, Матлубанинг ҳам кайфияти тушиб кетгани шундоқ сезилди, иккиси ҳам жимиб қолди.

🍃

Севара ваннадаги сувнинг ҳаммасини сидириб, хўл бўлган нарсаларни ёйиб, ҳамма нарсани саранжомлагунча тушлик вақти ҳам бўлиб қолди.
- Энди бозорга боришдан фойда йўқ! – деди у ўзига ўзи кайфияти тушиб. – Мол ҳам ололмадим. Етти миллион қўшнининг уйи таъмири учун қулоғини ушлаб кетди. Бир кунда шунча йўқотиш! Нақ бир ярим миллионча даромаддан қолдим, бугун. Бир кунлик бозор ўлди. Яхшиси, энди бориб болаларимни кўраман.
У шу хаёлда кийимини алмаштириш учун ётоқхонасига кирди. Шкафдан кийимларини оларкан, каравот устига қўйилган Зоирнинг камарига кўзи тушди.

Давоми бор

👍 бу – бонус! Босиб ўтинг!
👍28
#кундошлар

59-қисм

Муаллиф: Наргиза Усанбоева


- Оббо, боя қўшни тўполон қилганида камарини тақишни унутибди-ку! – кулди Севара ва Зоирга қўнғироқ қилди. – Ало...
- Ҳа, Ёнаркўз, ёмонам тез соғинасиз-а, мени, - қаҳ-қаҳ отди Зоир.
- Мен-ку соғинарман, аммо сиз “Яна келай”, деб ирим қилиб нарса ташлаб кетибсиз-ку!
- Нимам қолибди?
- Камарингиз... Шимингиз тушиб кетмаяптими? – кулди Севара.
- Э-э-э, боя ваннани сувини олаётганимда ҳалал берганди, ечгандим. Шу билан қолибди-да. Бораман-ку, ҳали...
- Ишонч билан бораман, дейишингизни-чи.
- Бораман, дедимми, бораман, тамом!
Иккаласи ҳам қаҳ-қаҳ отиб кулди.

🍃

Алвон гуллар билан безалган ҳовли ўртасида катта сумка билан турган Гулюзга қайнонаси Саломат хола худди ўзга сайёралик жонзодга қарагандек ҳайрат ичида қараб турарди. Гулюзнинг ёнида онасига жавдираб турган Мансурнинг юзида эса хавотир зоҳир. Бир гина ва алам билан турган келинчагига қараса, бир онасига қарайди.
- Нега кетмоқчиман дединг? – қайта сўради Саломат хола.
- Мен қишлоқда яшолмайман барибир... шунга... – қовоқлари осилди Гулюзнинг.
- Нега яшолмайсан? Бинойидек ҳамманинг ҳавасини келтириб яшаб юрибсан-ку. Бутун маҳалла сени мақтаяпти, чиройлигим. Шаҳарлик бўлса ҳам ҳамма ишнинг уддасидан чиқаркан, деяпти, асалим. Бу ерда бошқа гап бор? - Саломат хола Мансурга қаради: - Сен бирор нима демадингми? Ростини айт.
- Мен нима дейман, ойи? Менам ҳайронман, нега кетяпсан, деб...

Давоми бор

🥰 бу – қувонч! Босиб ўтинг!
🥰23👍12
#кундошлар

60-қисм

БОНУУУУС!

Муаллиф: Наргиза Усанбоева


Саломат хола Гулюзга яқин келиб бағрига босди:
- Жоним болам. Сен ўзимнинг жиянимнинг қизи бўлгани учун жуда яқин оламан, яхши кўраман, боламдек кўриб сенлайман ҳам. Сенам мени ўз онангдек кўр. Нимадан хафасан, очиғини айт болам. Уйингни соғиндингми? Ота-онангни кўргинг келяптими? Агар кўргинг келаётган бўлса олиб бориб келамиз.
- Йўқ, - ҳамон қовоғи очилмасди Гулюзнинг. – Ўзим кетмоқчиман. Бутунлайига кетмоқчиман.
- Худо асрасин, қизим. Бутунлай кетишдан Худо асрасин. Менимча, уйларингда жуда эрка бўлгансан, бу уйда ҳам эрка қиз бўлиб, эркаланиб юравер. Эркаликларингни кўтарамиз. Бу эркалигингни ҳам кўтарамиз. Сени яхши кўрамиз, қўйиб юбормаймиз, - Саломат хола Гулюзнинг қўлидан секин сумкасини олиб, Мансурга тутқазди. – Қани, уйга олиб кир. Гулюзнинг ҳам қўлидан ушлаб ол, уяти йўқ, ўзингники у.
- Барибир кетаман! – тўнғиллаб қўйди Гулюз.
Мансур онасига бўйсунди. Гулюзнинг қўлидан етаклаб уй томон одимлади. Саломат хола эса Матлуба билан гаплашиш учун ҳовлининг четроғига йўл олди.

🍃

Кечаги висол, бугунги суҳбат туфайли Зоирнинг кайфияти аъло. Ишда ҳам ҳамма билан ҳазил-ҳузул қилиб, қаҳ-қаҳ отиб юрди. Қўли ишдан бўшаши билан Севара ҳақида ўйлади.
- Мени деса ўзини томдан ташлайди, - деди ичида у. – Ростдан ҳам эрга теккан экан. Аммо қўрқмай сени уйга киритди. Ўзи ҳам соғиниб кетган экан-да. Эри келиб қолганида ростмана қўрқдим. Ёмон бўлди, лекин.

Давоми бор

🔥 бу – қувонч! Босиб ўтинг!
👍29🔥6👏4😭1
This media is not supported in your browser
VIEW IN TELEGRAM
🌥АССАЛОМУ АЛАЙКУМ!
БУГУН 26- ДЕКАБРЬ ПАЙШАНБА ТОНГГИ. 🌼🌼

🍂Эзгу амаллар қилиш учун имкон бериб, тонгда уйғотган Аллоҳга беҳисоб шукурлар бўлсин.

🍁Бошлаб олган янги кунингиз муборак бўлсин! Ҳар бир эзгу ишларингизда Аллоҳ Ёр ва Ёрдамчингиз бўлсин!

💚Бу кунда Аллоҳ дуоларимизни ижобат, фарзандларимизга салоҳият, ибодатларимизга гўзаллик, ризқимизга барака берсин!

🌤ХАЙРЛИ ТОНГ!

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
" ЎЗИМНИ ЖУДА ЯХШИ ҲИС➖ ҚИЛЯПМАН!"

👆Франция шифохоналаридан бирида ёш психолог Эмили Кьи, таваккал қилган ҳолда, бош шифокорга мурожаат қилади ва беморларни бу иборани кунига 3 бора 10 мартадан баланд овозда такрорлашга мажбур қилади.

😍Бир ой ичида унинг беморларининг кўпчилиги соғайиб кетди.

🫶Энг муҳим психологик қонунларда шундай дейилган:  Яқинлари билан яхши муносибатда бўлганлар➖ ҳайратга тўлган инсоннинг ➖ҳаётий энергияси кучли бўлади.

Биз доим ўйлайдиган нарса содир бўлиши мумкин. Шундай экан донишмандларнинг насиҳатига амал қилиб, қанчалик қийин бўлмасин ҳаётдан завқланинг! Яхши нарсаларни ўйланг!

👨‍⚕️Америкалик кардиолог Роберт Элиот ҳаммага такрорлайдиган
2 ➖та олтин қоидага амал қилинг!

1⃣➖Биринчи қоида: арзимас нарсаларга хафа бўлманг!

2⃣➖Икинчи қоида: Ҳамма нарса ўткинчи эканлигини ўзингизга эслатиб туринг !

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6👏1
Чаён ва тошбақа

Чаён тошбақадан уни дарёнинг бошқа томонига ўтказиб қўйишини илтимос қилибди. Тошбақа чаённинг разил табиати ва ифлос нафси нималарга қодир эканини яхши билганидан унга рад жавобини берибди.
- Менга ишонмайсанми? Ахир сенга ёмонлик қилсам, ўзим ҳам ҳалок бўламан-ку! Ёрдам бергин, дарёнинг бу қирғоғида қолиб кетмай, - ёлворибди чаён.
Тошбақа рози бўлибди. Чаённи ортига миндириб, дарёнинг нариги соҳили томон йўл олибди. Сувнинг ўртасига - энг чуқур ва хатарли қисмига етиб келганларида чаён бузуқ нафси буюрганини қилиб тошбақанинг бошига захарли найзасини санчибди. Захардан карахт бўлган тошбақа:
- Нега бундай қилдинг, эй нодон, ахир энди ўзинг ҳам ўлишинг муқаррар-ку?! - деганида, чаён жавоб қилган экан:
- Тўғри, сен чўксанг, мен ҳам қурбон бўламан. Бироқ нима қилай, менинг табиатим шу-да. Ахир мен бундан бошқасини билмасам...

Шундай қилиб иккаласи ҳам чўкиб, ҳалок бўлибди.
Қиссанинг бошқа ривоятларида чаённинг найзаси тошбақанинг тошига теккач, унинг бузуқ ниятини фаҳмлаган тошбақа сувга бир шўнғиб, уни ҳалок қилган ва ўзи омон қолган экан. Бироқ ҳеч бир ривоятда иккаласининг нариги соҳилга омон етиб борганлари айтилмаган. Шунинг учун ҳам динимиз чаённи ҳарамда бўлсангиз ҳам, эҳромда бўлсангиз ҳам, албатта ўлдиришга буюради.
Муҳтарам биродарим, Сиз ҳам "менга ҳужум қилса, ўзи ҳам ҳалок бўлади-ку" деган соғлом ақлга суяниб, тошбақадек алданманг. Чаёнлар соғлом ақл эмас, бузуқ нафс билан қарор қабул қиладилар. Уларни дўст тутган ҳаргиз нажот топмайди. Сиз солиҳ кишилар билан дўст-ҳамроҳ бўлинг. Зеро, солиҳ дўст яхши кунда қувончингиз, ёмон кунда суянчингиздир!

©️ Маҳмуд Усмон

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍11👏3
This media is not supported in your browser
VIEW IN TELEGRAM
"ЖОНИМ БЕГИМ"

Менинг қаддим тик туради сиз бор учун.
Қалам олдим кўнглимда бир сўз бор учун,
Югурасиз, еласиз кўп рўзғор учун.
Ўзингизни асранг дейман жоним бегим.

Қувончдаман саройимда, уйимдаман.
Бахт деганин куйлаб юрган куйимдаман,
Миннатдорман сиз-ла ўтган кунимдан ман.
Сиз ёнимда бахтли юринг, жоним бегим.

Сиз тоғимсиз, улуғлигиз йўқолмасин.
Озорингиз юрагимдан жой олмасин.
Меҳрибоним хеч ким сиздай бўлолмасин.
Сиз суйганим ардоғимсиз, жоним бегим.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4👏1
ДАДАМГА АЙТИБ ҚЎЙМАНГ...

Улар жуда бахтли оила эди. Ота, она ва уч ёшли ширингина қизалоқдан иборат бу оила жуда бахтли ҳаёт кечирар эди. Лекин тақдир ҳукми бу бахтни уларга кўп кўрди – узоқ давом этган касаллик сабабли она уч ёшли қизи ҳамда севимли ёрини ташлаб бу дунёни тарк этди. Турмуш ўртоғининг ўлимидан чуқур қайғуга ботган ота қизалоғига онасининг ўлимини қандай тушунтиришни билмасди. Буни устига гўдак ҳар куни отасидан "ойим қаерга кетдилар, қачон келадилар", деб сўрайверарди.
– Ойинг ишга кетди, қизим. Ишхонасидан узоқ муддатли сафарга чақиришган, Худо хоҳласа тез орада кириб келади, - дея қизини овутиб қўярди. Қизалоқ бу саволни тез-тез берар ва деярли бир хил жавоб эшитарди.
Шундай қилиб қизи олти ёшга чиққан йили ота бир меҳрибон, оқкўнгил аёл билан танишади ва улар турмуш қуришга аҳд қилишади. Бир куни отаси қизини ёнига чақириб, аста гап бошлайди:
– Қизим, ойинг қайтиб келадиган бўлди. Сен унинг қиёфасини унутиб қўйганинг йўқми?
Қизалоқ бироз ўйланиб туриб, "йўқ" маъносида бош қимирлатади. Ҳудди шу лаҳзада эшик очилиб, остонада ҳалиги аёл пайдо бўлади. Қучоғини кенг очиб, қизнинг исмини айтиб чақиради:
– Қизалоғим, мен сени ойингман, танияпсанми?
Қизалоқ отасига ҳайрон бўлиб тикилади.
- Қизим, ойингни танимаяпсанми? Ахир у сенинг онанг! Айтгандим-ку, ишга кетган, бир кун қайтиб келади, деб. Ана қайтиб келди. Энди тез бориб, "ойи" деб қучоқлаб қўйгин-чи, бўлақол тез! - деб ота қизини кўзларига тикилди.
Қизи индамай аёлнинг қучоғига бориб, "ойи" деб қўйди. Кўнгли тўлган ота қизини ёнига бориб, пешонасидан аста ўпди ва "Ҳозир келаман, сен ойинг билан гаплашиб ўтир қизим", дея ташқарига йўл олди. Отаси чиқиб кетгач қиз бирдан йиғлаб юборди ва кўзда ёш билан:
- Сиз менинг ойим эмассиз! - деди тўсатдан. - Менинг ойим ўлган!
Донг қолган аёл ҳайратдан не деярини билмай турарди.
- Буни мен бобом ва бувимларникига борганимда уларнинг суҳбатларидан билиб қолганман. Буни фақат мен, бобом ва бувим биламиз холос. Дадам бундан бехабар. У ҳалигача ойимни ишга кетган деб ўйлайди. Бу гапни дадам билмасин, у билса сўзсиз азобланиб йиғлайди. Сизни доим ойи деб чақираман. Фақат бу гапларни дадамга айтиб қўйманг. Дадам билса, чидолмай йиғлайди. -дея қизалоқ йиғлаб юборишдан ўзини зўрға тутиб турган "янги ойиси"га ёлворарди.
Бу пайт эса эшик ортида турган отанинг кўз ёшлари кўл бўлган эди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi!
👍10😢7
#кундошлар

61-қисм

Муаллиф: Наргиза Усанбоева

Одамнинг иккинчи марта шарманда бўлишга тоқати йўқ! Лекин... Ёнаркўз билан вақт ўтгани билинмайди-да. Эрталаб қўлига менам бир-икки сўм бериб келишим керак эди. Ёнимга ортиқча пул ҳам олиб бормаган эканман. Келаси сафар пул ҳам бериб келаман. Энди мазза қилиб яшаймиз, Худо хоҳласа! Шаҳарда биров билмайди, барибир. Тағин Севара болаларини ҳам жўнатиб юборибди. Атай мен боришимга тайёргарлик кўрибди, шекилли. Ўзи мени чиндан севаркан! Эрини яхши кўрмаслиги кеча билинди. Яхши кўрса, пулини олиб жўнатиб юбормасди! Ҳа, мени севади. Севмаса... бағримга отармиди ўзини! Майли, пул бор, куч бор, ёшман... юриб турайлик-чи... “

🍃

- Бугун шунақа омадсиз кун бўлди, Рита хола, - деди Севара олтиндек товланиб турган анжирлари ювиб столга қўяркан. – Олинг, енг. Роса егингиз келганди-ку.
- Қўшнинг олти миллион олдими, шундай қилиб? – Рита хола хил-хил пишган анжирни олиб ғарчча тишларкан деди. - Инсоф қилмабди-да, сал... Ванналарга нима ҳам кетарди.
- Олди, олди... – ичини уриб хўрсинди Севара. – Шуни деб бугун бозорга ҳам чиқмадим. Бир миллион-икки миллион фойдадан қолдим. Сиқилиб кетяпман.
Рита хола Севара ҳам анжирга қўл чўзган пайт унинг бўйнидаги қизарган “из”га кўзи тушди. Жувоннинг ўзига сездирмай, унга синчков назар соларкан сўради:
- Аббос ҳам келиб турибдими? Хабар оляптими?

Давоми бор

❤️ бу – қувонч! Босиб ўтинг!
❤19👍6😢1
#кундошлар

62-қисм

Муаллиф: Наргиза Усанбоева


- Йўқ, охири шу одам билан ажрашиб кетаманов, - деди лунжини тўлдириб анжирни чайнаркан Севара. – Бир тийинлик фойдаси йўқ. Цехи ишламаяпти, ишлаб чиқариш йўқ. Ўзиям эрталаб “оптом”дан мол оляпти.
Севаранинг гапидан Рита холанинг авзойи бузилди. Жувонга ижирғаниб қарагандек бўлди. Қўлидаги анжирини еб бўлган бўлса-да, қайтиб узалмади, қўлини артди.
- Рита хола, олинг. Жуда зор-интизор эдингиз-ку, - Севара мазза қилиб еркан, тарелкага ишора қилди.
- Раҳмат, бўлдим. Яна нималар бўлди?
- Бўлди, шу.
- Ростданми? – ўсмоқчилади Рита хола.
- Рост. Яна нима бўлсин?
- Яхши. Менга айтадиган бошқа гапинг йўқми? – қайта Севарага кўз тикди Рита хола.
- Йўқ. Нима демоқчисиз? Нимани сўрамоқчисиз, сўрайверинг.
- Ҳеч ўзинг айтганингдек, саҳар туриб, кун бўйи савдо қилиб, кеч ётган аёлга ўхшамайсан-да. Чарчоғинг йўқ, кўзларинг порлаб, “Севаман!” деб турибди!
Севара қаҳ-қаҳ отди. Кампирга ҳайрат тўла нигоҳини тикаркан, деди:
- Қойил сизга, Рита хола! Баъзан сизни авлиё деб ўйлайман. Нима маслаҳат берсангиз, ўша тўғри йўл бўлади, нимани тусмол қилсангиз, тўғри чиқади.
- Гапир! – қошлари чимирилди кампирнинг.
- Хола-а-а... Мен бир иш қилдим, - ҳаяжони яна жумбушга кела бошлади Севаранинг. – Кеча... Зоир келди.

🍃

Ташқи деворлари ҳам оппоқ қилиб бўялган, зеб берувчи чироқлар ўрнатилган ҳашамдор уйнинг ҳовлисига ёғоч ўймакорлигининг гўзал намунаси бўлган супа қўйилган.

Давоми бор

👍 бу – қувонч! Босиб ўтинг!
👍26👏2🥰1
#кундошлар

63-қисм

Муаллиф: Наргиза Усанбоева


Супа устида чеҳрасидан нур ёғилиб Юсуф амаки ўтирибди. У уйдан шошиб чиққан Шаҳзодни тўхтатди.
- Шаҳзод болам, бери кел.
- Хўп бобожон, - Шаҳзод келиб бобосининг ёнидан жой олди. – Бувим қанилар?
- Уйга кириб кетди, дам оляпти шекилли. Келиннинг олдига боряпсанми?
- Ҳа, “халатимни олиб келиб беринг”, деганди. Бериб келай...
- Ўғлим, бозордан энг сара, сархил мевалардан ол. Келинболамдан сўра, нима егиси келибди.
- Хўп.
- Сенга ҳар доим тайинлайман, - Юсуф амаки неварасига насиҳат қила бошлади: - Оила бу - эркакнинг қўрғони! Эркак уни асраши, авайлаши, ҳимоя қилиши керак. Жуфти ҳалолимиз бизга омонат қилиб берилган болам. Омонатга зинҳор ҳиёнат қилинмагай! Яна бу шундай омонатки, буюк Зот – Аллоҳнинг омонати. Эрта биз бундан сўраламиз. Шундай экан, келинга доим яхши гапир. Яхши гап, ширин муомалага нисбатан ҳеч ким ёмон муносабат қилмайди. Айниқса, ҳозир икки ҳисса яхши гапир. У бизнинг наслимиз давомчисини вужудида кўтариб юрибди. Авлодимиз соғлом, хушсурат, хушхулқ бўлиб туғилиши учун ҳозирдан биз эркаклар ҳаракат қилишимиз керак. Айниқса, сен. Чунки келинболам нима егиси келса, кўнгли нима тусаса сенга айта олади. Сўраганининг аълосини олиб келиб бер. Тез-тез ҳол сўраб тур, далда бўл. Ширин гапир.
- Хўп, бобожон.
- Энди бор, болам. Эҳтиёт бўл. Тезликни оширма, сен бизга оилангга, туғилажак болангга кераксан!

Давоми бор

🥰 бу – қувонч! Босиб ўтинг!
🥰21👍11❤2👏1
#кундошлар

64-қисм

Муаллиф: Наргиза Усанбоева


- Хўп бобожон, дуо қилиб қўйсангиз, мени асрайди.
- Аллоҳим, Ўзинг зурриёдларимни турли ёмонликлардан асра, бизларни умри узун, илмга иштиёқманд, ризқи баракали, ҳулқи ҳуснли авлодлар билан сийлагин! Амин!
- Амин, раҳмат бобожон!
Шаҳзод кўтаринки кайфиятда Гулҳаёнинг ёнига йўл олди.

🍃

Умид онасини ишхонасига қолдириб чиқаркан, тушкунлигидан хаёли жуда паришон ва қаерга боришини ҳам билмай қолганди.
- Бугун машғулотим йўқ. Болалар билан ижтимоий тармоқ учун съёмкани ҳам ҳали келишмаганмиз. Демак, уйга бораман.
У йўл четида туриб такси ушламоқчи бўлди. Бирдан қўлини тушириб, автобус бекати томон одимлади. Ахир энди пулини тежаши керак. Яна кўп пул топиши ҳам керак. Онасини жиддий даволатмаса бўлмайди. “Мия қуриши...” Бу яхши нарса эмас. Онаси билан чиқиб кетаётганида шифокор Умидни имо қилиб бекорга олиб қолмади. Бекорга қайта-қайта “Дадангга айт, даволатсин ёки ёнимга бир келиб кетсин, ўзим тушунтираман”, демади. Умид онаси эшитиб қолишидан қўрқиб секингина сўради:
- Чўчиб тушиб, бақириши нимадан дўхтир?
- Миядаги жароҳат ва унинг қуриётгани асорати. Онангда ҳар хил ҳолат бўлиши мумкин. Кўз қайта кўрмай қолиши, қулоқ эшитмаслиги, қўл-оёқ ишламаслиги, жиннилик... Шунинг учун зудлик билан даволаниши керак.

Давоми бор

🔥 бу – қувонч! Босиб ўтинг!
🔥29👍10😢3
This media is not supported in your browser
VIEW IN TELEGRAM
🕋ЭРТАГА ЖУМА 🕋
🌙ХАЙРЛИ ТУН🌙

🌙Умр  синиқ косадаги сувга ўхшайди. Ичсанг ҳам тугайди, ичмасанг ҳам тугайди.

❤️Шундай экан, ҳаётдан завқланиб яшанг. Зотан, сиз қайғуга ботиб яшасангиз ҳам умр тугайди, қувониб яшасангиз ҳам.

🌙Тунингиз тинч ва осойишта ўтсин қадрдонларим ширин тушлар хамроҳингиз бўлсин.

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6👏1
This media is not supported in your browser
VIEW IN TELEGRAM
☃️АССАЛАМУ АЛАЙКУМ ВА РАҲМАТИЛЛОҲИ ВА БАРОКАТУҲ!☃️
❄️☃️ Жума тонги муборак бўлсин. ☃️❄️

❄️Аллоҳ юзимизни Унга тоат қилишимиз билан мунаввар айласин! 🤲

❄️Қалбларимизни Ўзининг муҳаббати ила лиммо - лим қилсин! 🤲

❄️ Солиҳ амаллар ила гўзал хотимани насиб қилишини сўраймиз! 🤲

Кунимиз хайрли, баракали, фойдали ўтсин ҚАДРДОНЛАРИМ! 🤲

    ☀️ ХАЙРЛИ ТОНГ!

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍1👏1
ЯШИРИН САДОҚАТ


Муруввати ва марҳаматлилиги билан танилган бир аёл Аллоҳнинг унга битган тақдир - тақазоси билан қизиққон, асабий, ношуд бир инсонга турмушга чиқибди.

Аксар келишмовчиликлари аёлнинг тайёрлаган таомлари сабабидан келиб чиқар экан. Аёл эрини рози қилиш ва унга ёқадиган таомни дастурхонга тортиш учун қўлидан келганча қилган шунча сай-ҳаракатларига карамай, эрига биронта таоми хуш келмабди. Бу ҳам етмаганидек ҳар гал овқатни татиб кўрганидан сўнг, мазаси ёмон эканлигини , унга туз ва зираворлар етишмаётганини айтиб бақирар, аёл эса, овқат ширинлигини ва ҳаммаси маромида эканлигини айтиб, эрини ишонтиришга уринарди.

Худди шу алфозда эр-хотин кун кечирар эдилар. Аёл эрининг ўзига қарата айтилган маломат -дашномларига ҳар қанча бардош қилмасин, эри ўзи таниган бошқа аёлларнинг пиширган таомлари хотининикидан яхши эканлигини айтиб мақташдан тўхтамасди.

Кунлар ўтиб охири эр хотинининг феъл-атворидан, қилмишларидан зерикди. Ва хотинини, агар ўзини тўғирламаса, бошқасига уйланишини айтиб қўрқитиб қўймоқчи бўлди. Айтди ҳам. Лекин аёл ўзгармади.

Эри бир фикрга келди. Хотинига гўёки тез кунда тўйи бўлаётганини, бошқа аёлга уйланаётганини айтди ва уйга келин кўйлак олиб келиб хонасига қўйиб қўйди.

Аёлига бу ҳийласи таъсир қилишини, натижада ўзини тўғирлашини кутганди.
Эри айтган хаёлий тўй куни келганда, аёл кўйлак турган хонага кириб, унинг ўрамига бир вароқ қоғоз солиб қўйди.
Кеч тушгач эри хонага кирди ва кўйлакни эгасига қайтариб бериш учун олганди ҳамки, вароқга кўзи тушди. Уни очиб ўқиди ва... карахт бўлиб қолди.

Хатда қўйидаги сўзлар бор эди...
«Синглим! Сизларни турмуш қуришингизнинг сабаби... фақатгина - пиширган овқатларимга туз ва зираворлар солмаслигим.
Суюкли умр йўлдошим касал...
Лекин у ваҳимага тушмаслиги, касаллигидан паришон бўлмаслиги учун эримдан беркитдим. Ўзини касалманд ҳис қилиб, тушкун бўлиб юрмаслиги учун бошқага уйланишини ҳам рози бўлиб, чиройли қабул қилдим... Чунки эрим қизиққон одам. Ўзига зарар бериб қўйишидан қўрқаман.
Сиздан ягона илтимосим: овқатга туз ва зираворлар қўшманг. Ҳожамга жуда зарарлидир. Сизга шуларни айтиб қўйишни истадим».

Баъзан сени севадиган инсонлар, сен тушунмайдиган ишларни қилишади... Гоҳида жаҳлингни чиқарадилар... Гоҳида улар сенга нисбатан эътиборсиздек туюлади...
Лекин, аслида улар сенга бошқалардан кўра энг илтифотли, эътиборли ва жонкуярдирлар...
Зеро, сенинг манфаъатинг улар учун ҳамма нарсадан устун!
Ҳеч қачон хулоса чиқаришга шошилма...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍11👏1
"ЯНА АВВАЛГИДЕК ЯХШИ КЎРИБ ҚОЛ!"

Аёл керак бўлса эрининг этагида намоз ўқирди: унинг йўлини пойлайдиган, кутадиган...
Эр қаёқлардандир санғиб қайтса ана ўша хотинини уни кутиб Қуръон ўқиб ўтирган ҳолида топарди.
-Ухламадингми?
-Келгунингизча ҳавотир оламан, телефон қилсам, рулда бўлсалар мени деб бир фалокат бўлмасин дейман. Яхшиям Қуръон бор, шуни ўқиб сизнинг йўлингиз очиқ бўлишини сўраб ўтирибман дадаси...
"Ҳм" деб қўярди эр шунда... Кейин қизиқ бўлмаса ҳам сўраб қўярди: "Бугун неча пора ўқидинг?"
-Етти пора!
-Қачон хатм қиласан?
-Эртага!
-Бу нечинчиси?
-Ўн тўққизинчиси, кўпайишгунимизча Аллоҳга ваъда берган миқдоримни бажариш насиб этсин, илоҳим...
-Ин шаа Аллоҳ...
Эр шундан кейин аёлини ҳурсанд қилгани чўнтагидан эллик минг сўм чиқариб унга тутқазарди.
Аёл эса дарров Қуръонини бошига қўйиб, эрини дуо қилишга тушарди.
-Илоҳим бирингизга мингнинг баракасини берсин, мен учун бошингиз ҳамиша омон бўлсин!
Эртаси кун.
Аёл эрини бомдодга уйғотди. Жуфтининг туриши қийин. Икки ракаат намозни аранг диққатини тўплаб ўқиди. Кейин секин яна деразани чертди. Ичкари жим.
Кейинги намоз ўқилиши билан у яна кафт очиб эрини дуо қилишга тушди: бу сафар тез, чунки жуфти ҳали бомдодга турмади!
"Аллоҳим ҳалолидан бер, осонидан, жонини қийнамай, соғлиғини йўқотмай топадиган-ҳалолини рўпара қил. Машаққатини озайтир. Бизнинг бахтимизга доим соғ қил."
Сўнг ҳалиям шунча уйғотишларга турмаган ёрига бироз аччиғи чиқиб, қўшиб қўйди:
"Илоҳим тақвосини кучайтир!"
Эр аранг намозини ўқигач, яна бироз тин олди.
Сўнг ясаниб, пайпоғигача дазмол урилган кийимларини кийиб кўчага йўл оларкан, остонада аёлига рўпара бўлди:
-Яхши бориб келинг! Илоҳим ризқимизни ҳалолидан етказсин, ишингиз доим юришиб кетсин!
Уни яна дуо билан кузатган аёли машинани қиздираётган пайтида ҳам дераза орқали кузатиб, уни ҳамон дуо қилаётганини эр биларди.
-Алло, асалим яхши ётиб турдизми? Мусулмон одам бомдод ўқимайдими, турақолинг! Сизга кечаги айтган пулингизни қилиб қўйдим: уч юз "кал"миди?
Телефон ортидаги ишвали овоз эркаланиб товуш берарди:
"Неа, бугун беш юзга чиқди, кеча сразу бермадизу! Кетган шунча асабларимни ҳаққи нима бўлади?"
"Хўп, туринг битта чўм-чўм қилиб ширингина бўлиб олинг, боряпман!"
У шундан сўнг елкаси оша уйи деразасига қараб қўярди. Бу пайтда аёл бу назарни хайрлашишга йўйиб "омин"ини якунларди: "Эримнинг бирига мингнинг баракасини бер. Болаларимнинг ризқини бутун қил, Роббим.
У эрини яхши кўрарди. Ибодатига имкон бергани учун. Оғзи чучиган нарсани олиб келиб илингани учун.Бир ҳафтада бир марта кўчаларни айлантириб келгани учун. Фарзандларини яхши кўргани учун...
Эҳҳе, ўшанда унинг- кўз кўрар жуда кўп яхши кўришлари бор эди, ажаб!
Қирқинчи хатмни у бола кўп питирчилайдиган бўлиб қолгани учун тик туриб ўқиди. Мана ваъда бажарилди.
Бироқ фарзандининг туғилиши бошқа бир воқеаларга уланиб кетди.
Остонага уй даво қилиб келган аёлнинг рангидан тупроқ ёғиларди. Бунақа хунук аёлни кўрган эмас. Эрига бир оғиз гап айтди:
"Шунчалик дидингиз йўқ экан, айтмайсизми ўзим сизга энг чиройли қизни совчи бўлиб олиб бермайманми?"
Эр бу гапни ўз аёлидан кутмаганди. Табиийки, танлов ўртага чиққан пайтда аёли томонга ёпишди.
"Сенсиз яшолмайман. Хато қилдим, аммо сендан воз кечмайман!"
"Унда бундан бу ёғига қанақа бўлсам, чидайсиз! Чунки энди ҳеч нарса аввалгидек бўлмайди!"
Шу шарт билан у аёлининг ёнида қолди. Ич-ичидан "мен учун жонини беради" деб юрган аёлининг гапларидан ҳайратда эди.
Ҳа, аёл ва эркак севгисининг ғалати фарқлари бор. Эр-севса ҳам ҳиёнат қилавериши мумкин бўлганидек, аёл ҳам гарчи жонидан ортиқ кўрадигандек туюлса-да, ўша жонни вақти келганда юлиб ота олади!
Бежиз унинг қирқта жони бор деб айтишмаган. Қирқта жон! Биринчиси, иккинчиси майли, аммо қирқинчи жонда гап катта! Ана ўша қирқинчи жонда аёлни яшашга ундовчи яхши хотиралар ва яшашдан совутувчи ёмон хотиралар аралаш яшайди.......
👍16👏1
​​Эр кейин ҳам аёлининг кўп фидокорликларини кўрди.
​​Бошига иш тушганда «эркакман» деган дўстлари терс бурилиб турди, аёли ёнида тенгма-тенг унинг қарзларини узишди.
Ҳамма бошига ёпирилиб келганда, молини она арслондек шиддат билан ҳимоя қилди.
Боладек чўмилтирди, онадек бағрига олди, яшашга куч бериб далда бўладиган гапларини аямади!
Аммо нимадир барибир бошқача эди. Ҳа, бу дуолар ичидаги гаплар тартиби ўзгарганида экан!
«Аллоҳим, эримга ҳалол ва ҳаромни англат! Менга эса ризқ йўлларини оч! Ҳалолингдан мени ва болаларимнинг ризқига ярашасини бер!»
Аёлнинг ўзи пул топа бошлади. Эрнинг бунга ғайирлиги келди. Оддий ғашлик жанжалга тутантириқ бўлишини кутмаганди.
-Бизнинг ризқимизни Аллоҳ сиз орқали шу эшикдан киргазарди. Сиз нима қилдингиз? Уни кимларга тутқаздингиз? Энди ғашингиз келмасин. Йўқса, ўша «танловингизники»га совчиликка бораман. Ёқардику, яшайсиз энди ўша билан! Мен болаларимни оёққа тургазишим керак.«
Аёлига қойил қолди. Уйдан чиқмай даромад топа бошлади, муҳими ўзи айтганидек »бузуқчилик қилмай, бировнинг болалари ризқига чанг солмай!«
Тан оламизми, йўқми аёлнинг тадбирлисигина кўп нарсани ўрнига қўя олади. Яна тан оламизми, йўқми- она ҳамиша болалари учун яшаши ҳам рост!
Энди ўзига нисбатан ишончи ортиб кетган аёлини кўриб, эр нима дейишга ҳам ҳайрон. Йўлини тўсай деса, эшитадиган гаплари тайин!
»Нега унга совчи бўлиб боришимга қаршилик қиласиз? Уйлангач, кетига иштон кийдирасиз, сатрлайсиз, намозга соласиз, ортингиздан дуо қилиб ўтирадиган бириси пайдо бўлади. Ахир бу савобку! Баҳонада униям юзига сал нур кирарди.«
Эр бу гаплар ўзига нисбатан жазо эканлигини ҳам тушунмайди. Биладиган ҳақиқати битта- кетига лозим кийдирса ҳам, сатрга ўраса ҳам-тузалмайдиган қалблар бор!
Яна аёлнинг йўлдан чиққанини йўлга солиш қийин!
»Ҳавотир олманг, юзимни эркак тугул аёлга кўрсатмайман. Ҳар доим сизга тегишлиман! Ризқ борасида мени айбситманг, Аллоҳнинг фарзандларга берадиган ризқи аллақачон тайин, уни сиз ёки мен қўлга киритишда воситачимиз ҳолос!"
Йиллар ортидан кўп ишларнинг чанги босилди. Эр уйғониб намозини ҳозиргина тугатиб, яна машаққатли меҳнатига ўтирган аёлининг ёнига чиқди.
Миқ этмай ишлаяпти, лабларида ҳалиям зикр!
Секин бориб, елкаларидан тутди:
-Ўзингни қийнама, дам ол! Кечаси билан ухламадинг!
Аёли индамади...
Эркак эса тиз чўкиб унинг кўзларига тикилди:
-Нега бу зикрларни жойнамоздан ташқарида ўқияпсан?
Аёл ҳалиям зикрини тўхтатмаган эди.
-Жойнамозингга қайт! Аввалги кунларимизга қайтайлик. Ҳаммасини ўзим зиммамга олай. Мени яна намозларингда дуо қил! Яна аввалгидек яхши кўриб қол...
Аёл барибир индамади: кўзларидан шу топда иккита катта ёш томчиси дув этиб пастга қуйилди.
Умму Зайнаб Умму.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍8😢6
This media is not supported in your browser
VIEW IN TELEGRAM
✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4👏1
ОГОҲ  БЎЛИНГ!

Агар бирор яқин кишингизга бирор номаъқул ишни қилмаслик ҳақида насиҳат қилсангиз у сизга дарҳол: "Кўпчилик шундай қиляпти-ку" деб эътироз билдиради.
Шунда сиз унга айтинг, "Агар Қуръони каримда "кўпчилик одамлар" деган жумлани ўқиб ўрганиб кўрсангиз, уларга "билмайдилар", "шукр қилмайдилар", "имон келтирмайдилар" деган жумла келади. Ёки бўлмаса, "уларнинг кўпчиликлари" деган жумлани ўргансангиз, уларга "фосиқлардир", "жоҳиллардир", "юз ўгирувчилардир", ақлларини ишлатмайдилар", "эшитмайдилар" деган жумла келади".

Бас, шундай экан сиз кўпчилик эмас, балки Аллоҳ мақтаган озчиликлардан бўлишга ҳаракат қилинг.

Қуръони каримда: "бандаларим орасида жуда ҳам озчиликлари шукр қиладилар", "у билан бирга жуда озчилик имон келтирди", "аввалгилардан кўпчилик, кейингилардан эса озчиликдир" деган оятлар бор.

Демак, кўплик доим ҳам ҳақиқат - яхшилик учун меъёр эмас экан.

Аллоҳим бизларни озчиликлар қаторида қилгин...🤲

Дуо килганда хам "кўпларни каторида қил" дея дуо килишдан сақланинглар Азизлар...

Билганларимизни бир биримизга улашайлик... бир биримизни огоҳ этайлик...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3😢1
This media is not supported in your browser
VIEW IN TELEGRAM
😱 Xusnbuzarlarni vaqtida davolamasa mana shunday yomon oqibatlarga olib kelishi mumkin!

Sizda yoki yaqinlaringizda shunday muammo bormi? Unda hoziroq murojaat qiling ⬇️
👍1