🧕 Muslimalar kundaligi
1.61K subscribers
3.68K photos
3.56K videos
4 files
6.88K links
Download Telegram
This media is not supported in your browser
VIEW IN TELEGRAM
🌙🌷Тунингиз осуда ўтсин

Хайрли тун қадрдоним...✨

Барчамиз бу дунёга ғаниматмиз...
Эзгуликни қалбингизга жо қилинг-ки, ҳар ўтган кунингиз бесамар бўлмасин...🌿🌺🌿

Сизларни Аллоҳ учун яхши кўрамиз!
Тунингиз осуда ўтсин, яхши дам олин азизларим...🌺✨

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!
👍3❤2🔥2🥰1👏1
Ассалому алейкум ва роҳматуллоҳи ва барокатуҳ

Хайрли тонг, азизлар!

Саҳар тонгдан дуо қилинг
Аллоҳ тонгингизни мунаввар этсин
Чин юракдан ибодат қилинг
Аллоҳ умрингизни мазмунли этсин

Аллоҳ сизга бугунги тонг уйғонишни насиб айлабди  "АЛҲАМДУЛИЛЛАҲ"
демак сизни керак билган дуогўйларингиз бор, Аллоҳ барчасини паноҳида асрасин. Шу дуогўларингиз борки, тонгларингиз нурафшон отади, кунларингиз хотиржам ўтади. Шундай экан, тонгингизни шукрларга бой қилинг-ки, кунингиз дуолар ижобатига тўлсин! Дойимо хонадонингизга Аллоҳнинг баракоти, раҳмати ва файзи ёғилиб турсин!

Хайрли дуолар дунё ва охиратингизни гўзалликка тўлдирсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
❤2👍2🥰2👏1😢1
Media is too big
VIEW IN TELEGRAM
Turmush o’rtog’ingiz sizni sevadimi?

©osiyo_muxtarova

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3❤1🥰1👏1
Мотивация… Ўйлаб қарасак, шу биргина сўз ҳаётимизда кўпгина ишларни
бажаришимиз учун туртки бўла оларкан. Чунки ҳар бир инсон ҳам қачондир мағлуб
бўлганида ёки тушкун аҳволга тушганда, ҳаётдан зeриккан чоғида қандайдир
рағбат бeрадиган, уни илҳомлантира оладиган, хуллас, бир сўз билан айтганда унга МОТИВАЦИЯ бeрадиган қандайдир инсонга ёки ҳодисага зарурият сeзади. Ва
шундай чоғларда мотивацияни топа олиш муҳимдир. Нeгаки, кўплаб инсонлар оғир
дамларида ўзларини умидсиз ҳис қиладилар. Бироқ инсон ҳeч қачон бир нуқтада туриб
қолиб, умидсизлик тубига тушиб қолмаслик кeрак. Ҳатто энг ёмон пайтларда ҳам
яшашимиз учун мотивация бeра оладиган кичик бир УМИДимиз бўлиши кeрак.
Муаммолар ҳар биримизнинг ҳаётимизда учраши табиий ҳолат. Йиқилганда қайта
оёққа тура олиш учун, ранжиганда бахтни ҳис қила олиш учун, имконсиз ишга қўл
урганда, бир имкон эшигини топа олиш учун ҳам бизга УМИД кeрак .
«Сeн АЛЛОҲга ишон, Умидлар ҳeч кутмаган вақтингда гуллайди.»

✍ Мирач Чағри Оқтошнинг
,,Ҳаёт ютқазган жойингдан бошланар” китобидан



✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4❤3🔥1🥰1👏1
ТЎЙ......

Ўша куни қуёш чарақлаб чиқди.
Анчадан бери бундай чиқмаётганди у. Анчадан бери ҳаво айниб, кўк юзини булутлар тўлдириб турганди. Лекин ўша куни осмон худди артиб қўйилгандек тоза эди. “Ким артди экан?” дея қизиқиб бўйлаган киши, шаксиз- шубҳасиз, Шарқ томондан кулиб, ярақлаб турган қуёшга кўзи тушару: “бўлса бўлмаса, бу – шунинг иши” дерди. Ахир, “зув” этган шамол бўлмагандан кейин киши нетиб ўйласин – қўлга тушган “ўғри”да.
Одамларнинг кайфиятлари чоғ эди. Улар уйларидан чиқиб, кими давлатнинг ишига, кими хусусий юумушга, кими яна бошқа ташвишга ўзини бағишлаб,  йўл-йўлакай бир-бирларига кулиб, ҳазиллашиб боришарди. Уйда қолганлари ҳам ўшанча эди.
Сожида она уйда қолганлардан бўлди. Онахон ҳеч қачон ишламаган – доим уйда қолган, уйда бўлган. Зеро, олти болани оқ ювиб, оқ тараб элга қўшганда. Бурноғи йили тўқсон бир ёшида қазо қилган эрини қўшиб ҳисоб қилганда еттита бола деяверинг – сиздан нима кетди.
Сожида она қуёшдан ҳам эрта уйғонади. Ҳамиша шундай бўлган. Бугун-да барвақт уйғониб, таҳоратини олиб, бобдод намозини адо этиб, қўлидаги тасбеҳини ўгирганча хаёл суриб, дераза кўзига қараб ўтирганда қуёш – “жаноби олийлари” юз кўрсатди. Ҳа-ҳа, айнан шундай бўлди. Асли, доим шундай бўлган-да ёки кўпинча шундай бўлган. Энди нега бўлмасин экан...
Ҳовлида бирин-сирин ўғли, келини, чет элга хотини билан сафарга кетган неварасининг болалари – онахон эваралаларининг қоралари кўринди, ғувур-ғувурлари эшитилди. Бирпас ўтиб эса, салом бериб бўсағада келиннинг хуш сурати бўй кўрсатди.
– Ҳозир, ойижон, нонушта тайёрлайман! – Деди у қўли кўксида жилмайганча.  Сўнг айтганини адо этиш учун изига бурилиб кетди.
Кейин ўғли, эваралари салом бериб келиб онахоннинг атрофида қалдирғочнинг палапонларидек тизилишиб ўтиришди. Нонлар синдирилди, пиёлаларга чойлар қуйилди. Иситилган нон ва кеча соғилган сутдан ҳозирланган қаймоқ, қовурилиб келинган тухум, ёнғоқ ҳам майиз билан нонушта қилинди. Чойдан кейин эваралар бувиларига бир-бир пешоналарини тутиб – ўптириб, дуосини олиб мактабу боғчаларига чопишди. Ўғил эса худди шу “кўрик”дан ўтгандан сўнггина папкасини қўлтиқлаб ишга шошилди. Уйда келин билан иккови қолди. Келин дастурхонни йиғиб оларкан, Сожида она қушларнинг чуғур-чуғурига тўлиб бораётган ҳовли саҳнига чиқди. Қўлини қуёш нурларидан пана қилиб, атрофга сер солди.
– Қандай чиройли! – Хаёлидан ўтди унинг. – Ҳаёт шу ёшда ҳам чиройли кўринарканда, а?!.. Ўзингга шукр!..
Худди шу асно бирдан кўкрагида санчиқ турдию она каравот тутқичини ушлаб қолди. Кейин хуруж яна кучайди – она ўзини каравотдаги ўринга ташлади.
– Шоҳида! – Деди аранг, инграниб.
– Лаббай, ойи! – Югургилаб чиқди келин... –  Вой, сизга нима бўлди?.. Юракми?!..
– Шундайга ўхшайди...
– Вой, ҳозир!.. –  келин чопиб бориб токчада турган телефонни олдию энди эшикдан чиққан эрига сим қоқди.
Яхшиям олислаб кетмаган экан, Асқарали бирпасда чопиб кириб келди.
– Нима бўлди, ойи, тузукмисиз?!.. – онасининг елкасидан тутди ўғил.
– Вақти-соатим етди шекилли, ўғлим... – аранг нафас олиб деди она, кўкрагидан иккала қўлини олмай.
– Ундай деманг, ойи! Ундай деманг!.. Ҳозир... тезёрдам чақираман! – Асқарали чўнтагидан телефон чиқарди.
– Йўқ, ўғлим, йўқ, керакмас...
– Нега, ойи!?..
– Кетяпман ўғлим, кетяпман. Дўхтир чақирма, осонроқ жон берай... Мандан рози бўлинглар, ман сизлардан розиман!..
– Ойи!?..
– Ё Олло!.. Ё мадад!..
Жанозага тумонот одам йиғилди. Келган ҳам келди, келмаган ҳам...
Ахир, она тўқсонга етганди. Бу вақт мобайнида эл уни таниди, у элни таниди. Бас, билган одамлар оқиб келаверди. Оқимни кўриб, билмаган ҳам унга қўшилди.
– Сандиқни очинглар!
– Ўлимликни олинглар!..
– Эҳ-ҳе, бу ўлимликми ё келинлик, келинлик сепими?!..
Бир эмас, икки эмас, нақ беш сандиқ тўла ўлимлик эди.
– Булар намунча кўп? – Савол бўлди.
– Ойим тўнғич акамни ўлимидан кейин ўзига ўлимлик йиға бошлаган, – деди катта қиз Муҳайё........
👍10❤1🥰1👏1
– У қачон эди? –  яна савол бўлди.
– Унга эллик йиллар бўлди. Ойим қирқ, акам эса ўн тўққиз ёшда эди. Она тирик туриб фарзанд гўрга кирмасин экан. Ўшандан бери ойим “яшашдан уяламан” дердила. Лекин нима қилсинки, ўғлидан кейин яна ярим аср яшадила.
– Тўхтанглар! Бугун акамлани туғилган куними? – Сўради Сурайё.
– Ҳа, туғилган куни! – Дейишди бир овоздан қизлар, ҳайратланишиб.
– Ойимла акамлани туғилган кунида ўлибдилар-да?
– Ҳа...
– Тавба!..
Кейин мавзу яна ўлимликка бурилди.
– Қирқ ёшдан кейин ўлимлик йиғишни бошлаган эканлар-да?..
– Ҳа, қирқ ёшдан кейин сочга оқ, сандиққа эса ўлимлик тушади-да, ўзи.
– Сурайё, бу сандиқ сенга! Очиб, ичидагиларни чиқар!..
– Муқаддас, бу сенга!
– Муниса, сен буни ол!
– Мен эса бунисини кўраман, – деди Муҳайё.
– Эҳ-ҳе, буниси ўтган асрнинг етмишинчи йилларидаги ироқи совунлар-ку! – Ҳайратланди Сурайё.
– Манавинда гирбишинлар бор экан. Булар ҳам ўтган асрда кийилган матолар, воҳ!..
– Манда эса зам-зам сувлар бор экан. Эскиси эмас, ўтган йили қадоқланган идишлардаги зам-зам сувлар!
– Демак, ойим шу кунгача ўлимлик тўплайверганла. Сира эринмаганла.
– Шундайга ўхшайди.
– Мандагисида қучоқ-қучоқ дастрўмоллар!
– Бунча дастрўмол кимга керак?
– Кутилмаганда ўлим бўлиб қолса, келган одамга тарқатилган, кўзёшларини артсин деб.
– Ҳозир деярли йиғлашмайди-ку!
– Илгари яқинларни қўй, етти ёт бегоналар ҳам йиғлашган. Лоақал ўз дардини айтиб йиғлашган илгари.
– Ҳозир-чи?
– Ҳозир одамлар ўз дардига ҳам йиғлашмай қўйди.
– Биз ойимлага йиғлаймиз, тўғрими? – Деди Мунисанинг ичига ҳадик ўрмалаб.
– Бу нима деганинг, йиғлаймиз, албатта! – тинчлантирди катта қиз Муҳайё.
Улар сандиқдан чиққан рўмолчаларни чиқариб тарқатишди, ўзлари ҳам олишди. Сўнг тўрт қиз бараварига “ув” солиб йиғлаб беришди. Оққан кўзёшларини ана ўша рўмолчалар билан артишди. Бироқ кўп ўтмай уларнинг кўзёшлари севинч ёшларига айланиб, қорачиқларида аллақандай рози-ризолик милтиллаб қолди.
Худди шундай, ҳол сўраб келгувчиларнинг юзларида ҳам қайғу, мусибатдан кўра севинч кўпроқ акс этарди...
– Мана, яна битта сандиқ! – Асқаралининг хотини Шаҳодат кўк сандиқни судраб кириб келди.
– Янами?! – Ҳайратланишди қизлар.
– Очинг-чи, нима борикан унда?
– Бу ерда азага киядиган кийимларимизни тахлаб қўйгандила ойимла, – келин сандиқни очиб, туюқ яшил рангда тикилган сарполарни қизларга бир-бир узатди. – Кийиб олинглар! Ойимла шуни истагандила!
Қизлар келиннинг гапига сўзсиз бўйсинишиб, кийимларни дарров кийиб олишди.
Либослар ҳар бирига ўлчаб тикилгандек эди. Ҳаммалари азага эмас, гўё тўйга бораётгандек чиройли бўлиб қолишди.
– Вой, мунча чиройли!
– Ҳа, жудаям кўркам экан!
– Манависи ман билан акангларга! – Шаҳодат келин ўзиникини кийдию, эрига аталган тўн, белбоғ ва чорсини олиб чиқаркан деди:
– Аканглар ҳам кийиб олсинла!
– Вой ойимлар-ей, ҳаммамизни ўйлабдила, ҳаммамизни!
– Бошдан охир, маросимни ҳамма жойини ўйлаб, ҳозирлик қўриб қўйибдилар-ку!.. Оллоҳ раҳмат қилсин ойижонимизни!..
– Омин!
– Омин!
– Ювғич келяпти, Муҳайё опа! Қизлардан ким ёрдамлашади?..
– Мен! – Дик этиб ўрнидан турди Муҳайё!
– Мен ҳам! – Бу Сурайё эди.
– Биз ҳаммамиз! – Дейишди Муниса билан Муқаддас.
Шундай қилиб, пешинга онани кузатишди.
– Тупроқ қаттиқ эмасканми, қазишга қийналмадингларми? – сўради онанинг тўнғичидан кейин туғилган, тўртта қизнинг орасида ўсган биттаю битта ўғил  – Асқарали.
– Аксинча, жудаям юмшоқ чиқди тупроғи. Қабр шундай осон қазилдики, айрим жойларида лопаткаю кетмонга ҳам ҳожат қолмади, тупроқни қўлимиз билан суриб қўя қолдик.
– Яхши, –  деди Асқарали ва гўрковнинг ёнига –  қабр ичига сакраб тушиб олди. – Ўзим қўяман.
– Албатта, – тисарилди жилмайганча гўрков.
– Тобутдан майитни аста олиб узатинглар! – Буйруқ янгради ҳавода.
– Шошилманглар!
– Майит билан бирга устига ёпилган ёпинчиқни ҳам тортинглар!
– Мунча енгил!
– Ҳа, қушдек!
“Бир-икки” дегунча майитни “тўрт оёқли чўбин от”дан тушириб, мангу от – лаҳадга олиб киришди. Лаҳад ичида уни Асқарали қабул қилиб олди ва онасининг жасадини юмшоқ ва илиқ тупроқ бағрига аста қўйди. Бошини авайлаб қибла томон бурди. Оёқларининг узалиб, бемалол ётишини текширди.......
👍4❤1👏1
​​Қараса, юмшоқ ва илиқ тупроқлар устида болалигида онаси билан жуда кўп марта ўйнайдиган, болалигининг деярли доимий ҳамроҳи бўлган қўнғизлар бош чиқариб туришибди. Бурчакда, майитнинг оёқ тарафида қуртлар ҳам юришган экан. Асқарали яхшироқ разм солиб, уларни ҳам таниди. Танигани ҳамон ичига бир ёруғлик инди.
– Сизлар шу ердамисизлар? – Деган ўй кечди хаёлидан. –  Яхши бўлди, ойим ёлғиз қолмас экан.
– Чиқинг энди! – Деди қўлида товоқдек тегарак ғиштни тутиб олган гўрков.
– Яхши боринг, ойи! Йўлингиз бехатар бўлсин! Оллоҳимнинг паноҳида бўлинг! –  Дея Асқарали гўрдан чиқди.
Қабристон ҳам шундоқ ярим чақирим нарида бўлгани боис одамлар пою пиёда келишганди, яна шундай қилиб пою пиёда қайтишди.
Асқарали ҳовлига кирса, онасининг уйчаси олдида учта набираси қатор туриб олиб йиғлашаётган экан. Яқинроқ бориб уларни бир-бир қучоқлаб пешоналаридан ўпар экан, сер солиб боқса, набиралар кулаётгандек туюлди.  – Тавба, – деди у ва ён-атрофдаги одамларга бир-бир қараб чиқди, астағфируллоҳ, йиғлаётганларнинг ҳаммаси кулиб турганга ўхшарди. – Нималар бўляпти ўзи?  – деди-ю, лекин шу он ўзининг ҳам лаблари жилмайиб турганини фаҳмлаб, лол қотди.
Ҳа, негадир ҳамма хурсанд эди. “Йиғлайман” деган қариндошлару яқинларнинг ҳам кўзёшлари тездагина қуриб, унинг ўрнида ёмғирдан сўнг кўкда пайдо бўлган қуёшдек порлаб кўзлар чақнарди. Негадир шундай эди. Бунинг сирини ҳеч ким билмас, суриштириб ҳам ўтирмас, билиб-сезиб турганлари – негадир ҳамма жуда-жуда бахтиёр эди. Шунчаларки, иложи бўлса, бир-бирларини маҳкам бағирларига босиб, нима биландир қутлагиси келарди уларнинг. Ҳаммалари ҳаммаларининг!..
Имом ҳовлига кириб келгач, қайтадан саф тортилиб, марҳуманинг ҳақига яна Қуръон тиловат қилинди “омин”лар айтилди, юзлар силанди. Бегоналар бирин-сирин хайр-хўшлашиб чиқишди. Қариндош уруғ, қўни-қўшнилар эса қолишди.
Шундан сўнг чор томондан товоқларда овқатлар кела бошлади. Бири кетса, иккинчиси келди, иккинчиси кетса, учинчиси... Худди осмондан ёғилган чалпаклардек потраб кетишди улар – турли хил лаззатли таомлар сузилган лаганлар. Тўйтовоқларга ўхшарди улар...
Куни бўйи оёқда тик туриб, қабристонга бориб келиб очиққан одамлар лазиз таомлардан тановул қилишди, суҳбатлашишди, ҳатто ора-сира кулишди ҳам. Вақт ўтгани сари эса, кулгулар баралла эшитила бошлади. Ҳа-ҳа, баралла! Аммо ҳеч ким “бу – яхши эмас!” демади. Чунки “яхши эмаслиги”га доир бирон сабаб, бирон далил йўқ эди. Қайтага “Бу  – яхши! Ҳатто жуда яхши!” деган сезим кўкламда оламни тутган хушбўйдек атрофни тутиб кетганди.
Хушбўйларга бурканган кун кечиб, тун чўкди.
Бир ўғил, тўрт қиз, невараю эваралардан бошқа ҳамма уй-уйига, тепа тўйига кетди. Энди эртамандан, қуёш чиқмасдан бурун яна келишади улар.
Бу орада осмонни тўлдириб ой чиқди. Худди эрталабки қуёш янглиғ кўк юзини ўз ёғдусига чулғаб чиқди ой. Тўлин ой эди у, тўлган ой...
Улуғбек ҲАМДАМ,

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6❤3👏1
🌙 Шаъбон ойи нафсни рамазон ойини муносиб кутиб олишга тайёрлаш ойидир...

...Ўтган солиҳлар бу ойда мискинларга ғамхўрлик қилишга ошиқардилар. Бева-бечора, фақир ва камбағаллар Рамазон ойини кўтаринки кайфият ва хурсандчилик билан кутиб олишсин деб закотларини берардилар.

Ибн Ҳажар Асқалоний раҳимаҳуллоҳ айтадилар: "Мусулмонлар шаъбон ойи кириб келиши билан закотларни адо этишга ва Қуръони каримнинг тиловатини кўпайтиришга жуда қаттиқ эътибор берардилар".

Бир сўз билан айтганда, шаъбон ойи нафсни рамазон ойини муносиб кутиб олишга тайёрлаш ойидир...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5❤1🥰1👏1
​​• Она билан отанинг фарқи

- Сени ўз жисмида пайдо бўлганингни сезишидан бошлаб севадиган зот - Она!
- Ҳали пайдо бўлмасингдан олдин орзу билан сени севадиган зот - Ота!

- Она ўз ҳаётини тикиб сени дунёга тақдим қилади
- Ота ўз бахти эвазига сенга дунёни тақдим қилади.

- Она сенга ҳаёт совға қилади;
- Ота сенга бу ҳаётда қандай яшаш илмини совға қилади

- Она сени тўққиз ой қорнида кўтариб юради
- Ота сени бир умр елкасида кўтариб юради

- Она сени туғушда тўлғоқ ўтказади
- Ота туғулганингдан кейин сени учун доим тўлғоқда бўлади

- Она касал бўлсанг йиғлайди;
- Ота йиғласанг касал бўлади;

- Она сенинг оч қолишингдан ташвиш қилади
- Ота сенинг қандай оч қолмаслигингни ўргатади;

- Она меҳр булоғи;
- Ота ҳикмат уммони;

- Она айбингни беркитиб, сендан масъулиятни ўз зиммасига олади;
- Ота сени назорат қилиб, қалбингга масъулият уруғларини экади;

• Аллоҳим! Ота-онам мени гўдаклигимда меҳр ила тарбия қилганидек, Сен ҳам уларга раҳмат назаринг ила таважжуҳ қил!
• Амийн!

@iffatli_qalb
👍7❤1🔥1🥰1👏1
Media is too big
VIEW IN TELEGRAM
🥹 Ona, oralib qolibdi sochlaringga oq, Ol, meni sochlarim qoralarini...
Tishlaring tushibdi xo'rsinma biroq,
Ol, meni tishlarim saralarini...

⚡️ O'zbekiston xalq artisti, ustoz ijodkor Erkin Komilovdan onalarga bag'ishlangan monolog!

🥲 Yig'lab tinglashingiz aniq! Onalarni asrang, avaylang, e'tibor bering... Yaqinlarga ham ulashishni unutmang!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2❤1
#БЕДОР_ТУЙҒУЛАР


- Ўхх- хўў ҳидиничи буни ? Кўза шўрвами бу таом ?

Анис ўтирган жойида бўйнини чўзиб Мадина газ печининг ёнидаги столга қўяётган таомга қаради.

Мадина унга жавобан ҳиёл жилмайди :

- Аслида кўза шўрва эдику-я, аммо энди кўза жаркоб десак ҳам бўлади ...

- Мадина , пиширган овқатимни номи ииииммм аааххх демадинг-да , ҳар доимгидек - деди Юсуф ака нон ушатар экан .

Мадина кўз қири билан отага қараб "ҳааа" деб қарар экан , Аниснинг ранги қув ўчиб кетганлигини кўрди ва нигоҳларини дарров четга бурди.
У Анис ўзига синчковлик билан тикилиб қолганини сезди.

Аммо Мадина бу Мадина эди.

У яна устоз ҳам эди. Шу сабаб вазиятни қўлга олишнинг уддасидан ҳеч бир қийналмай чиқа олар эди. У ҳозир ўзига билиб- билмай ёрдам берган Юсуф отадан жуда миннатдор эди. "Бир таъзирингизни енг , жаноби Анис, ажаб бўпти ! Бу кечаги чучвара учун ! Шошмай туринг, бу ҳали бошланиши". Мадина шундай деб ўйлар экан, буларнинг бари биргина Аниснинг кечаги қилмиши учун эмас , балки гап бутунлай бошқа тарафда эканлигини ҳам ўзи билиб турар эди. Аммо бунинг аниқ сабаби йигит ўзининг хаёлларини ўғирлай бошлаганини ва уларга эгалик даъвоси қилаётганини сира тан олгиси келмас эди.

- Мадина , - дея яна ёрдамга келди Юсуф ота , - билмадим сен кетиб қолсанг пиширган овқатларингни соғиниб касал бўлиб қолсам керак . Очиғи пазандаликда Раҳбарнинг ёнига тушадигани йўқ , аммо сен пиширган таомлар ажабтовур- да .

- Ҳа айтманг , дадаси, - Раҳбар ая шундай дея Анисни овқатланишга ундади ,- қани сен ҳам бир баҳо бер- чи ?

- Ҳаа , хаа, хўп ойи ,- Анис ҳамон довдирар эди, шу сабаб унинг тили тутилди ,- қани бисмиллоҳир роҳманир роҳийм.

Анис ота ва онаси бошлаб бергандан ёнига қўйилган шўрвага қошиқ солди :

- Ростдан ҳам жуда мазали ,- деди у онасига қараб , - гапингиз рост , ойи, - Анис шундай дея Мадинага қаради ,- раҳмат , қўлингиз дард кўрмасин ...

- Ош бўлсин , - деди Мадина ва Юсуф отага чой қуйиб узатар экан, унга мурожаат қилди,- амакижон , бу ердан кетсам бемалол Тошкентга бориб меҳмон бўлишингиз мумкин . Нима таом десангиз , тайёрлаб берганим бўлсин ...

- Мадина , нимага Раҳбарни аяжон , мени амаки дейсан , мени ҳам жуда бўлмаса ота дегин.

Мадинанинг кўзлари жовдираб қолди. Унинг нигоҳларида "Бу мумкинми?" деган савол намоён бўлган эди, аммо кўп ўтмай унинг ўрнини майин жилмайиш эгаллади ,- хўп бўлади , отажон...

- Ана бу бошқа гап, мениям қизим иккита бўлди, онаси - Юсуф ота мамнун кулимсиради ,- Азиза ва Мадина.

- Отажон , яна чой қуйиб берайми ?

- Мисини олиб ташлаб гапиравер ,қизим, ана энди чой ичганимиз бўлсин.

Шу пайт ташқаридан Асалнинг овози эшитилди :

- Ман теллим. Ҳа- ҳай тўйлагимни тийиб чиққим.

Мадина чаққонлик билан эшикни очар экан , Асал унга отилди.

- Асал тушмагур опам тикиб берган кўйлакни кийиб олиб , энди сизларникига чиқаман деб қилди тўпалон, қилди тўпалон.

Розия салом бергандан сўнг вазиятга ойдинлик киритишга шошилди.

- Жуда яхши қилибди- да , бўлмаса Асални соғиниб ўтираверардик, - деди Раҳбар ая.

Анис эса бу сафар ростманасига ҳайрон қолган эди:

- Мадина ... Сиз кийим ҳам тикасизми ?

- Мадина-чи болам , чевар,- мақтанганномо лаб бурди Раҳбар ая ,- Чевар бўлгандаям анов- манов чевармас ... Мен сенга айтсам ...

#давоми_бор /56

Муаллиф: Хазонрезги
👍23🔥2👏1
👆👆👆👆аввалги қисмлар

#БЕДОР_ТУЙҒУЛАР

21-ҚИСМ

унинг тиккан либосларига гап йўқ . Фақат дарсларидан , ўқувчиларидан вақт орттира олмаяпти-да. Бўлмаса- ку, қишлоғимизнинг барча аёл- қизларининг Мадинага кийим тиктирадиган сиёҳи бор. Аммо менга битта узун адрас камзул тикиб берди. Енг ва ёқаларида антиқа кашталари ҳам бор. Яна уни мос шарф ҳам бор. Махалладаги Доно опанинг қизини узатишга кийиб боргандим , бир уй аёлнинг оғзи ланг очилиб қолди.

- Аяжон , жуда ошириб мақтаб юборманг, мен шунчаки ҳаваскор тикувчиман, - деди Мадина қимтиниб .

- Борни бор дейман- да , қизим

Анис эса бу вақтда пастки лабини тишлаганча ўйланиб қолган эди.

" Тавба , Мадина кўп жиҳатдан Комилага ўхшайди-я ? Ёши тенг , икковлари йигирма тўрт ёшда. Икковлари чевар . Икковлари гапни топиб - топиб гапиради. Яна "иииммм аааххх" деган гаплари-чи ? Мадина жуда , жудаям гўзал қиз экан . У ҳатто Дилёрани ҳам ярим йўлда қолдиради. Комила-чи ? У нима учундир суратини кўрсатгиси келмади . Бундан икки хил хулоса ясаш мумкин : Ё Комила жуда чиройли қиз , ёки жуда кўримсиз . Йўқ менимча у кўримсиз қиз бўлмаса керак , сабаби ўзига ишонмаган инсон бировнинг ҳаётини ўзгартиришга ҳаракат қилмаган бўлар эди. Бу ишни уддаладими , демак ўзига қаттиқ ишонади, бу ишончнинг муҳим сабабларидан бири ҳам албатта унинг ҳусни бўлиши керак.

Дунёнинг ишлар қизиқ-а ? Кейинги хафталарда Комила билан яқин, дардкаш , дўст бўлиб қолган бўлсам , Мадина билан икки кундаёқ қадрдондек чиқишиб кетдик . Барибир меҳр кўзда деганлари бор гапда.

- Анис , - деди Раҳбар ая ўғлига қараб , тушликдан кейин Мадинани бир айлантириб келсанг-чи , қизим бояқиш келгандан буён китобдан бош кўтармайди. Уни қишлоқ четидаги янги дам олиш масканига олиб борсанг ҳам бўлади ,- Раҳбар ая Мадинани эътирозга оғиз жуфтламоқчи бўлганини кўриб , дарҳол қарши хужумга ўтди,- йўқ демагин қизим , аканг учун ҳам у жойлар буткул янгилик . У ерга хатто чет элдан сайёҳлар фалон пул сарфлаб келиб айланишса-ю, бизлар бўлсак ёнимизда оққан сувнинг қадрига етмасак.

- Унда сизлар ҳам юринглар , аяжон,- Мадина Раҳбар ая ва Юсуф отага юзланди.

- Мен жон деб борардим , аммо рўпарамиздаги қўшнимиз Дурдонанинг уйида "пахта солар"га чақириб чиқишган эди. Кўздек қўшни , йўқ десам уят . Булар эса оғайнилари Восит акани кўриб келмоқчийдилар . Бояқиш икки ойдан буён ётиқлик касал бўлиб қолган...

- Розия , сен юр бўлмаса биз билан?! - Мадина қўшни қизга таклиф назари билан боқди ,- Асални ҳам олиб кетардик .

- Узр , Мадина опа , кечга хамир овқат қилмоқчи эдик , яна нон ҳам ёпишимиз керек, мен бора олмайман .

Розия рад жавобини бергач , Мадина иккиланиб қолди . У Анис билан ёлғиз қолишдан чўчиётган эди. Бунинг сабаби қизнинг биргина ўзига аён эди...

* * *


Шўхлисойнинг чеккасида барпо қилинган дам олиш маскани ҳақиқатдан ҳам жуда хушманзара жой экан . Салкам беш гектарча ерни эгаллаган бу маскан қатор блокларга ажратилган ва ҳар бирида ажойиб дизайн намуналари ва табиат уйғунлиги акс экттирилган экан.

Октябрь ойи кириб келганлигига қарамай бу ерда ҳамон ёзнинг , тўғрироғи баҳорнинг нафаси кезиб юргандек эди гўё ...

Мадина инсон қўл меҳнати билан барпо қилинган ясси тош бостирилган зилол сувли ариқчаларга , шакл берилган турли - туман игна баргли дарахтли йўлакларга, турлича баландликларда барпо қилинган шаршараларга, бута, тизза бўйи ва ер бағирлаб мунчоқдеккина гуллаб ётган гул- у чечакларга маҳлиё бўлиб тикилиб қолди. У кўзларини тўлдириб атрофга суқланиб қарар, ора- чора Анис ёнида эканлиги ёдига тушиб тезлашиб қолган қадамларини секинлатар эди.

- Анис ака , - деди у бахтиёр товушда , -келганингиздан жуда бахтиёрман , нега дейсизми ? Қаранг сиз туфайли шу ерга келдим- а ? Шу чоққача кўп нарсадан қуруқ қолибман .

У йўлак четидаги митти гуллар ёнида тиззалади. Мадинанинг нигоҳларида ажиб жилва ўйнар ўйнар эди . Қўллари билан гулларни эркалаб сийпаларкан :

- Қани эди , шуларни барини бирдан бағримга боссам ,- деди жилмайиб ,- ишонасизми, уларга қараб кўзларим тўймаяпти. Шу топда шоира Саида Зуннунованинг бир мисраси ёдимга тушиб кетди .

/57
👍18❤2🔥2😭1
#БЕДОР_ТУЙҒУЛАР

Шоира "Яхши нарса яхшилигидан ўз умрига бўларкан завол" деб ёзгандилар. Ёки "Гўзал нарса гўзаллигидан..." деганмидилар. Аниғини эслай олмадим ...

Аллоҳнинг тўқсон тўққиз исмининг бири Ал Мусаввир. Мусаввир бўлган Буюк зотнинг бетакрор асарига қараб кўз тўймайди. Гоҳи шундай гўзал манзараларга қараб туриб , Аллоҳ ирода этган фоний дунёдаги неъматлар шу қадар гўзал ва таърифига тил ожиз бўлса , унда жаннатнинг тавсифига сўз топиб бўлармикан деб ўйлаб қоламан.

Мақтовлар ёғилган шаҳар , гуллар ватани Голландия , табиати тилларда достон Швецария бўлса шунчаликдир- а , нима дейсиз , Анис ака ?
Муҳаммад Юсуфнинг "Римни алишмасман бедапоянгга" деган мисраларини шу топда янада теранроқ англагандекман...

-Мадинаааа ...

Мадина ялт этиб Анисга қаради.

- Лаббай ?!

- Сиз, сиз қаердан ...

Мадина ўрнидан туриб , Аниснинг кўзларига саволомуз боқди:

- Саволингизга тушунмадим

- Сиз қаердан сўзларни бунчалик териб гапира оласиз ? Ташбеҳларга шу қадар уста экансиз- киии .

Мадина кулимсиради :

- Анис ака, ёдингиздан чиқдими , ахир мен ўқитувчиман-ку , шу- ку менинг ейдиган ноним. Билим ва сўзлар. Шулар орқали ўқувчилар онгига мавзу сингдирамиз . Бир сўз билан айтганда касбим шу.

- Тўғрику-я , аммо сиз кимё фанидан дарс берар экансиз. Мен мактабда ўқиганимда кимё Устозимиз бунчалик сўзамол эмасдилар ,- деди Анис

- Бизда фанлараро боғлиқлиқ, яъни интеграция деган тушунча бор. Устоз дарс вақтида нафақат ўз фанини балки бошқа фанлардаги билимларни ҳам мавзуга мос ва хос қўллай олиши керак. Ана шунда юқори натижага эришади. Бу усул айниқса ўзлаштирилиши қийин бўлган кимё фанида жудаям ас қотади. Қолаверса , ҳозирги замон ўқувчиларини оддийгина тушунтириш билан қирқ беш минут дарсда жалб қилиб ўтириб бўлмайди. Техника ва айниқса ахборот асрининг болаларини эътиборини ўзимизда ушлаб туриш анчайин мушкул вазифа бўлиб қолганлиги рост. Аммо уддаласа бўлади. Бунинг талаби эса жуда оддий. Биз бошқа соҳа вакилларидан бир қадам олдинда юришимиз керак. Шу халос .
Анис ака , мана сиз кўп ўқиган инсонсиз. Сизга битта савол . Ўтмишда ўтган буюк аждодларимиз Мусо ал Хоразмий, ал Фаробий , Аҳмад ал Фарғоний, Абу Райҳон Беруний, Абу Али ибн Сино бошқаларни "Қомусий олим" деб атаб келинади? Нима учунлигини биласизми ? Қомусий олим деганда нима ёки қандай ҳусусиятлар тўплами назарда тутилмоқда ?

Анис елка қисди:

- Тан оламан, Мадина бу саволингизга жавобни билмайман. Тўғри тахмин қилишим мумкин. Бу олимлар бир неча фанларни чуқур ўзлаштиришган , аммо Қомусий олим номини олиш учун , айнан қанча фанни мукаммал билиш кераклигини билмайман.

- Мукаммал ... Айнан топиб айтилган сўз. Майли Аниc ака, сизни қийнаб ўтирмайман . Демак, Қомусий олим деган шарафга эга бўлиш учун етти ва ундан ортиқ хил фанни мукаммал ўзлаштириш талаб этилган.

- Қойил , Мадина. Таърифга тил ожиз. Келинг , шу маълумот учун сизга бир ширинлик олиб бераман. Ширинликни яхши кўрасизми ?

Анис боғнинг бурчагида жойлашган кафетерийга ишора қилди.

Мадина "ҳа" деб бош силкигач, Анис уни ўша тарафга бошлади.

Кафетерийда одам сийрак эди. Мадина дераза ёнидаги столни танлагач , икковлари ўтириб менюни қўлга олдилар :

- Буюрсинлар , - деди Анис менюни кўздан кечирар экан, - қани кўнгиллари нимани тусайди ? Малина, банан , киви , апельсин , қорағатли пирожний . Қай бири ?

- Банан ва ёнғоқлисидан. Шунингдек олма шарбати.

- Келинг мен ҳам сизнинг танловингизга буйсуна қолай, - Анис шундай деб официантга Мадина танлаган ширинлик ва шарбатдан икки кишилик олиб келишни илтимос қилди.

- Демак , бананни яхши кўрар экансиз- да , - деб сўради Анис келтирилган ширинликка қошиқча солар экан

- Мен ўзи кўп меваларни яхши кўраман. Айтиш мумкин-ки , жудаям мевахўрман . Таом , газаклар , салатлар билан у қадар ишим йўқ , аммо мева деса ...

- Ўзингизни томдан ташлар экансиз- да ?!

Мадина жарангдор овозда кулиб юборди. Кўп ўтмай жиддийлашди ва ўзи томонга ҳайрон боқиб турган Анисга тушунча берди :

/58
👍28❤4🥰1
#БЕДОР_ТУЙҒУЛАР

- Узр , Анис ака, ўзимни томдан ташлаётган лаҳзаларни кўз ўнгимга келтириб кўрдим , шунга кулиб юбордим.

Анис унга жавобан жилмайиб "Ширинликдан олинг" деди-ю , унга қараб ўйланиб қолди :

"Мадина жудаям ажойиб қиз экан, суҳбатлашган саринг яна суҳбатлашгин келади- я. Кўп ўқигани гап- сўзларидан шундоқ билиниб турибди.

Аммо ...

Нима учун ?

Нимага ?!

Айни турмуш қуриши керак бўлган ёшида уйидан неча чақирим олисда юрибди экан ? Розияни институтга тайёрлаши бир сабаб эканлиги рост бўлса ростдир , лекин асосий сабаб эмаслиги аниқ . Бу ерда бутунлай бошқа гап бор. Шундай жиддий гап , айтиш мумкин бўлса сир бор- ки , бу Мадинадек дилбар қизнинг шу ерларда юриши учун ота- онасини рози қиладиган даражада етарли сабаб эканлиги аниқ.

- Анис ака?! Нималарни ўйлаб қолдингиз ?!

Мадинанинг овози Анисни ҳушига келтирди.

- Ўзим . Шундай... Мадина тикишга қизиқар экансиз ,яна мақтаса мақтагудек пазандалигингиздан хабардор ҳам бўлдим. Шулардан ва касбингиздан ташқари бошқа бирор орзуингиз борми ? Нимани орзулайсиз ? Айтиш мумкин бўлса , албатта ...

- Менми ?! - ўз ўзига савол берган бўлди Мадина,- қайдам... Нимани ҳам орзулашим мумкин ? Албатта, яшаган умримда ортимдан бир чиройли из қолишини истайман.
Нокамтарликка йўймасангиз айтсам .

Мен...

Мен энг муқаддас китоб бўлмиш Қуръони Каримни араб тилида мустақил ўқий олишни , уни маъноларини тўлиқ англашни истайман. Ҳадис илмининг етук алломаи уламоси Имом ал Бухорий битикларини тўлиғича , буткул, батамом тушуниб етсам дейман . Яна ...яна ...- шу ерга келганда Мадинанинг овози титраб кетди,- шарафига исмим қўйилган шаҳар Мадинага боришни , у ерда муборак пайғамбаримиз С.А.В юрган йўлларни кўришни , ул зотнинг бағрига олган шаҳар ҳавосидан тўйиб - тўйиб нафас олишни , ўша ернинг ўзида ул зоти муборакка дуои салом йўллашни , қабрларидан таралаётган муаттар ифорни туйишни ...жудаям , жудаям ҳоҳлайман ...

Анис ака , орзуларим жуда кўп экан ...

Ота - онамни рози қилишни ҳам истайман . Уларнинг орзуларини ушалтиришни, мен туфайли диллари ранж чекмасликни истайман.

Яна , яна кўнглим билан келишиб яшаш катта орзуим . У ҳа деса мени ўз кўчаларида сарсон қилмаслигини истайман.
Гарчи жуда мушкул бўлса- да кўнглимнинг эмас, ақлимнинг сўзига кириб яшашни истайман ...

Худди-ки...

Кўп нарсага етмоқда ақлим,
Кўп саволга жавобни олдим
Аммо мудом синовчи сабрим,
Кўнглим билан келишиб олдим

Бошлайвермас энди йўлига ,
Гул унар деб қақроқ чўлида,
Етакламас ўнги , сўлига ,
Кўнглим билан келишиб олдим.

Ўртанмайман фасл алмашса,
Капалаклар гулни талашса ,
Хафамасман дардлар қалашса ,
Кўнглим билан келишиб олдим .

Чок - чокимдан сўкилмайман ҳеч ,
Озорларда тўкилмайман ҳеч ,
Ёлвормангиз , энди бўлди кеч ,
Кўнглим билан келишиб олдим.

Энди ақлим энг биринчи дўст ,
Ўйлайманки, сира бўлмас кўст,
Туйғуларим совурмас ост- уст,
Кўнглим билан келишиб олдим...

Мадина шеърни ўқий турганида кўзидан бир томчи ёш думалади. У Аниснинг кўз ўнгида бутунлай бошқа қиёфага кирган эди. Мадина ҳозир жуда ҳам маҳзун тортиб кетган эди.

- Мадина ... - деди Анис тили зўрға айланиб , - минг бор узр , кўнглингизни бузиб юбордим ... Ўлай агар бундай бўлишини сира ҳоҳламаган эдим.

- Анис ака , мендан бир эмас, бир неча бор узр сўрашингиз керак ,- деди Мадина , кўзларидаги ёш билан жилмайишга ҳаракат қилиб ,- чунки сиз ...


#давоми_бор /59
Муаллиф: Хазонрезги
👍22
👆👆👆👆 аввалги қисмлар

#БЕДОР_ТУЙҒУЛАР

22- ҚИСМ

"Бедор туйғулар"ни шундай олиб борасизкии ... Баъзи ўқиган шеърларингизни тинглаб йиғлайвериб пишиб кетган вақтларим кўп бўлган ...

- Мадинаааа ...

Сиз...

Сиз мени эшиттиришимни тингловчисимисиз ?!

Наҳотки ?!

Аниснинг кўзлари ҳайратдан катта- катта очилди.

Мадина кулимсираганча хўрсинди :

- Бунинг нимаси ажабланарли ? Сизни ким танимайди ? Бошловчи Анис Ўктамни назарда тутяпман . Аммо сиз айнан ўша Анис эканлигингизни кейинроқ билдим. Раҳбар аямнинг ёлғиз ўғиллари Тошкентда эканлигидан бу ерга келган илк кунларимда хабар топган эдим-у , аммо унинг ўзим мухлиси бўлган севимли радиоэшиттиришимнинг муаллиф ва бошловчисилигини тахмин ҳам қилмаган эдим. Бу ҳақда кейинроқ Розия айтиб берди.

- Ўўў зўр- ку , эшиттиришимга бир баҳо бера оласизми ? Менга четдан туриб эшитиб , таҳлил қилиб берган мухлиснинг фикри жудаям қизиқ, - Анис Мадинанинг хаёли чалғиганидан қувонганча савол бераркан , - фақат ростини сўзланг , аяб ўтирманг ,ахир танқид келажакнинг меваси .

- Анис ака, мен ана шу гапга унчалик қўшилмайман.

- Қайси гапни назарда тутаяпсиз , Мадина ? Тушунтириброқ айтинг.

- Танқид ҳар доим ҳам келажак меваси бўлавермас экан. Мисол учун бирор ишлаб чиқарувчининг маҳсулотидаги камчилик айтилса, бу ҳақиқатдан ҳам келажак мевасидир , аммо ижодкорни танқид қилинса унинг ижоддан ихлоси қайтиши ҳеч гап эмас. Ижодкорнинг кўнгли нозик бўлади. Сабаби ижод уни кўнгил кўйига солиб қўяди. Мен бу билан ижодкорни сира танқид қилиб бўлмайди деган фикрдан йироқман, шунчаки унга даставвал илдиз отишга йўл қўйиб бериш, камчиликларини эса ётиғи билан тушунтириш керак демоқчиман. Бироқ , - Мадина охирги сўзига алоҳида урғу берди ,- бироқ бу сўзлар сизга тегишли эмас. Менга сизнинг ижодингиз жуда ёқади. Айниқса кейинги ойлар ичида унда бутунлай бошқача услуб сезила бошлади.

Мадина Анисга "Айтаверайми?" деган маънода нигоҳ ташлади. Йигитнинг чеҳрасидаги ҳайриҳоҳ туйғуни кўриб Мадина сўзида давом этди :

- Анис ака , авваллари ижодингизда кўпроқ муҳаббат мавзуси биринчи ўринда турар эди. Аммо кейинги вақтларда кўпроқ инсонийлик , меҳр , оқибат , умид мавзулари бош режага чиқмоқда, яъниким ижодингизда туб бурилиш ясалди. Бундай мавзулар ҳар бир инсонга одамийлик мулки сифатида йўл кўрсатувчи маёқ ва яшаш учун дастуриламал бўлиб ҳизмат қилади.
Менимча ..., менимча ижодий гуруҳингизда янгилик бўлган шекилли ? - Мадина Анисга кўз қири билан синчков назар ташлади.

Анис бироз безовталанган бўлди. Аммо тезда ўзини тутиб олди :
- Мадина, мен бир ўзим ижод қиламан . Айтмоқчиманки , "Бедор туйғулар" муаллифлик канали. Ўқиладиган шеър , монологларни сўзи ва мусиқасини ўзим саралайман . Лекин дилингиз жуда сезгир экан . Кейинги вақтларда менга матн ва мавзу танлашда бир ... бир ( Анис фикрини ифода қила олмай қийналди. Мадина эса ҳозир Комила ҳақида гап очилишини ҳис қилиб унга интизор тикилди ) бир ғойибона дўстим бўлмиш ажойиб қиз ёрдам бермоқда. Унинг исми Комила . Комиланинг саъй- ҳаракатлари билан эфир юзини кўрган эшиттиришларим кўпчиликка манзур бўлди.

- Комила... Чиройли исм экан. Анчадан буён танишмисиз у қиз билан?

- Йўқ , танишганимизга кўп бўлгани йўқ , аммо у қизни негадир кўпдан буён биладигандекман. Билмадим нега ? Биласизми , Мадина ? Баъзан шундай инсонлар бўладики , йиллаб ёнма - ён яшаган инсонлар сендан қалбан узоқ бўлар экан- у , аммо танишганингга дақиқалар бўлган баъзи инсонлар ҳуддики жигарингдек аъло бўлар экан. Балки кўнгил кўнгилни танигани шудир .

- Кўнгил кўнгилни танигани ?

Анис жилмайди:

- Бу сўзлар ҳам Комилага тегишли. У доим кўнгил , кўнгил дейди. Мен уни хатто суратини ҳам кўрмаганман . Очиғи уни жуда кўргим келган эди. Бироқ Комила "Аввало кўнгил кўнгилни таниши муҳим эмасми ?" деб гапни шарт кесди. Ўйлаб кўрсам у ҳақ гапни гапирибди. Ҳусн, чирой ўткинчи . Инсон минг ҳусндор бўлса-ю, бироқ юрагида инсонийлик ҳисси бўлмаса , ундай ҳусн ким ва нима учун керак ? Лекин бир нарсани биламан. Чиройли қалб юзга нур беради. Бу айнан исботланган ҳақиқат. Мана қаранг , баъзи инсонлар
/ 60
👍36🥰1
🧕 Muslimalar kundaligi
Reaksiyalar soni 50dan oshsa qoʻyaman ❤️❤️
Hali 50 ta boʻlmagan boʻlsayam joylab qoʻydim ❤️
Uhlab qosam qopketmasin dib😊 reaksiyalani toʻldirib qoʻyarsila ❤️😉
🥰39👍18❤5👏3🔥1
🌙 ХАЙРЛИ ТУН!
💓💓💓💓💓💓💓💓

🌷Қалби қордай оқларга,
  
🌷Самимий, қувноқларга.
     
🌷Бедорлар, уйғоқларга,
        
🌷Туни хайрли бўлсин!

🌸Шукри бехисобларга,
  
🌸Қалб кўзи офтобларга.
     
🌸Алплар, моҳитобларга
         
🌸 Туни хайрли бўлсин!


Яқинларга Улашинг.. 🌸

📱@Insta_retseptlar — Mazali yeguliklar har kuni taomnomangizda!
Please open Telegram to view this post
VIEW IN TELEGRAM
👍3🔥2
Ассалому алайкум!
❤️
БУГУН 3-ФЕВРАЛЬ
❤️
Душанба тонги муборак бўлсин.. 🌸

❤️Омонликда дийдорни насибимизга ёзганига шукр!

❤️Аллоҳим ҳар бир қилаётган хайрли ишингиздан босган ҳар бир қадамингиздан рози бўлсин.

❤️Кунингиз барокатли ўтсин.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3❤2
ҲАЁТДАН САБОҚ ОЛИНГ!

Ҳакимлардан бири айтган экан: Кечиримли бўлинг, лекин худди шу ҳолат яна такрорланмаслиги учун уни буткул унутиб ҳам юборманг! Чунки биринчи зарбадан таълим ололмасангиз, иккинчи бор яна зарба қабул қилишга лойиқ бўласиз.

«Ҳикматлар чашмаси»дан


©Устоз Қудратуллоҳ Сидиқметов

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4❤1🥰1😢1