Qarimasdan chidab ber, ona...

© Erkinzoda

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Эътибор берма, -деди Адолат опа чуқур ҳўрсинганча, -ундан кўра тез-тез чойингни ич, бозорга борамиз.

- Бозорга!?

- Ҳа бозорга! Сенга кеча нима дедим? Эртадан ишга тушасан дедимми?

- Ҳа... Шундай дегандингиз...- ўйланганча жавоб қайтарди Хонзода.

- Шунинг учун сенга ишхонада кийишинг учун қулай кийим- бош олишимиз керак. Ишга киришиб кетсанг бунга анчагача вақт тополмайсан. Пулидан ҳавотир олма. Сенга ўзим қарз бериб тураман, бўлиб, бўлиб тўлайсан. Қолаверса у кийимларнинг нарҳи от билан туя бўлмайди.

- Бўлмаса мен дастурхонни йиғақолай.

- Яхши, -юзига фотиҳа тортди Адолат опа, - тайёр бўлсанг " Ҳой" дерсан, хонамда бўламан.

- Хўп.

Пешиндан сўнг йўлга чиққан Адолат опа билан Хонзода кечга яқин қўни қўнжилари тўлиб уйга қайтдилар.

- Раҳмат, Адолат опа,- деди Хонзода уйга қайтгач чин кўнгилдан миннатдорчилик билдириб, - бу яхшиликларингизни албатта қайтараман.
- Э қўйсанг-чи, - қўл силтади Адолат опа ва бирдан тетиклашди,- яхшиликларимни қайтаришни истасанг кечга бир товуқ шўрва солсанг-чи? Танимиз яйраб ичардик.

- Хўп бўлади,- Хонзода Адолат опа уни ўзига яқин олганидан қувониб кетиб,- сиз озгина дам олиб туринг, унгача шўрваям тайёр бўлиб қолади.
Ўша машъум кундан буён Хонзодаданинг кўнглига илк бор илиқлик югурганди.
- Бу уйда ёлғиз яшайсизми?- сўради Хонзода кечки таом вақти қизиқувчанлик билан
Адолат опа жилмайди:
- Бир ўғлим бор. Уйланган. Кединим ҳам жуда яхши жувон, оқила, фаросатли. Улар ҳозир ўғлимнинг иши юзасидан Германияда яшашади. Бири биридан ширин бир қиз, бир ўғил набираларим бор. Улар ҳам ота-оналари билан бирга. Насиб қилса ёзги таътилга келиб қолишади.

- Ҳаа...

- Хўжайиним анча йиллар аввал вафот этганлар. Қурилишда прораб бўлиб ишлардилар. Бир куни ишдан мазалари бўлмай келди-ю, эрталаб уйғонмадилар. Уйқуларида юраклари "отказ" қилиб қолган дейишди. Аммо бу бир таҳмин эдими, чин сабаб эдими аниғини ҳеч ким билмайди.

Адолат опа шундай деб қаддини ростлади:

- Хонзода, овқатинг роса ширин чиқибди. Барака топ. Энди дастурхонни йиғиштириб, дамингни ол. Роппа роса тонгги тўртда бизларни олиб кетгани такси келади. Ишимиз шунақа барвақт бошланади. Нонуштани эса ишхонада қиламиз. Қолган нарсаларни эса вақти соати билан ўрганиб бораверасан.

- Хўп бўлади,- деди Хонзода Адолат опани ўзининг ўтмиши билан қизиқмаганидан қувониб, -сиз нима десангиз шу.

-33-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

🍂

Зулхуморнинг туни билан мазаси бўлмай чиқди. Ҳарчанд оғриқ босадиган дори ичса ҳам бироз оғриқ босилади-ю, яна кўп ўтмай ич-ичидан забтига олиб келаверади.

Кеча кечда онасига қўнғироқ қилиб дардини бир учини чиқарган эди, она она эканда қизига жони ачигандан хар гапини кесиб-кесиб маслаҳат берди:

- Бунақа лаллайиб ўтираверма. Давомли оғриқ ёмон бўлади., бу билан бошингга бир балони орттириб олишинг мумкин.Ахир неча кундан буён тобинг бўмаётгани рост-ку? Ҳа деса оғриқ қолдирадиган дори ичаверсанг эмизикли болангга ҳам зарар.

- Хўп, ойи, нима қил дейсиз? - қорнини чангаллаб афти бужмайди Зулхуморнинг

- Шифокорга бор! Қишлоғингдаги амбулаторияга эмас, туман марказига туш. Ҳар ҳолда у ернинг тиббий анжомлари замонавийроқ.Таҳлил натижалариям анча аниқ чиқади. Болангни қайнонангга ташла. Тушгача қараб турар. Ҳавотир олма, отасини боққан, боласигаям қарай олади . Сенам она мушукка ўҳшаб ҳа деса болангни тишлаб юраверма. Аввало ўша болангга соғ кераксан. Мен пластигингга пул ўтқазиб қўяман.

- Пулим бор, ойи. Жалолиддин акам уч ойлик ишлаган пулларини ҳисобимга ташлаб юбордилар. Ундан олдингилари ҳам анча йиғилиб қолган.
- У пулларни ўз жойи бор-ку? Қайинсинглингни тўйига унча кўпам вақт қолмади. Кўп нарса қилмас эканмиз деганинг билан келинга қилинадиган сарпо-суруқ, чинниси, қудалар орасидаги олди-берди машмашалари манаман деган одамниям чақиб қўяди.
Майли бу гапларни қўя тур. Айтганимни қилиб карта рақамингни ташлаб қўй. Мен ҳам озгина тинч бўлай. Яқингина жой бўлса экан-ки, лип этиб бориб дардингга дармон бўлолсам...

Онасининг овозидан ўксиниш, зорланиш оҳанглари сезила бошлагач Зулхумор гапни калта қилишга интилди:

- Хўп, ойи. Карта рақамимни ташлаб юбораман. Ойи, Беҳзод йиғлаяпти. Бориб қарай...

- Эртага қўнғироқ қилиб ўзинг ҳақингда хабар бер, бу ерда алағда бўлиб юрмай.

- Хўп, ойи, хўп...- Зулхумор тармоқдан узилар экан кўзидан шовуллаб ёш қуйилиб келди...

-34-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Зулхумор билан Жалолиддин курсдош эдилар. Жалолиддин ўқишга бир йил кеч кирганлиги сабаб Зулхумордан ёшига катта эди.
Зулхумор баланд бўйли, оппоқ юзли, қадди расо, энг муҳими одобли қиз бўлганлиги учун мактабни битирар битирмас уйларини совчи босиб кетганди. Унинг онаси Покиза ота-онасининг танлови билан турмушга чиқиб сўзи- сўзига тўғри тушмаган эри сабабли ҳаётда обдон қийналгани учун ёлғиз қизини турмушга беришга шошилмади... Эр тараф қариндошларнинг барига бас келиб қизини институтда аввал суппер контракт, сўнгра контракт асосида ўқитди. Бунинг учун Покиза қанчадан қанча оғир юмушларни бажармаганди дерсиз?
Ит тинса тинди, қуш тинса тинди- Покиза тингани йўқ эди ўшанда.
Эрта сахардан Қўйлиқ бозорига бориб фляга-фляга сутларни эрининг эски дамасига ортиб келарди. Сутни қаймоғини ажратиб, қаймоқни алоҳида, қатиқ, творогни алоҳида қилиб сотарди. Эрта баҳорда кўкатлар билан бирга қатиқ "сезони" келганда кечалари икки юзталаб банкага қатиқ ивитиб, ўша қатиқларни ёнига битта ёстиқ ташлаб тунаган кунлари кўп бўлганди.
Онаизорнинг меҳнатлари роҳат бўлиб Зулхумор институтни битирай деганда уйларига узоқ Қашқадарёдан совчилар келиб Покизани ҳайрон қолдиришди.
"Қизингиз ўғлимиз билан аҳд-у паймон қилишган, шуларнинг йўлларига ғов бўлмайлик, илтимос..."

Покиза "Аҳд-у паймон" деган сўзни эшитгач минг ёққа улоқиб кетган хаёлларини аранг йиғиштириб "Зулхумор ёлғиз қизим, уни узоққа узиш ниятим йўқ" дея олди холос.

Бўлажак қудалар совчиликка кимни жўнатишни билишган экан, улар ҳам тутган ерларини узмагунча тинчишмади.

" Иии, қайси замонда яшаяпсиз, опа? Қашқадарё қочиб кетибдими? "Ҳооов" деса эшитиладиган жойда- ю? Биз Зулхуморхонди Ҳиротга беринг деб сўраб келганимиз йўқ. Одамлар қизини бахтини кўзлаб бошқа қитъага узатиб юборяпган бир вақтда қизингизни наҳотки ўзимиздаги бир вилоятга турмушга беролмасангиз? Э қойил қолмадим сизга? Она деган қизининг кўнглига қулоқ солмайдими бундоқ? Ёлғиз қизим деяпсиз, ўша ёлғиз қизингизни бахти сиз учун муҳим эмасми? Хўп бизга ишонманг, қизингиздан бу ҳақдаги фикрини бир сўраб кўринг- чи? Биз унгача кутиб турамиз. Ҳа!"

-35-

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

🌤 Ассалому алайкум!
МУРОДБАХШ
ЧОРШАНБА  
тонги муборак бўлсин АЗИЗЛАРИМ!🎀

Бахтли инсонлар орасида биз хам яна бир тонгни қарши олдик!✨

🌹 Бугунги кунингиз кечаги кунингиздан хайрли,  файзли,  манфаатли ва баракалироқ бўлсин, Яқинларим!✨

😍Кун давомида яхшилик ва яхшилар ҳамроҳингиз бўлсин!

Яқинларга улашинг ❤️⤵️

📱@Insta_retseptlar — Mazali yeguliklar har kuni taomnomangizda!

Eshitganmisiz?

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Sizda ham shundaymi?

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Зулхумор эса онасига гапни чўзиб ўтирмади:

-Сиз у йигитни ўзингиз бир кўринг!

Покиза узоқ ўйлаб ўтирмай куёвликка номзод Жалолиддин билан бир бор учрашиб кўришга рози бўлди.
Ўшанда бекор қилган экан. У Жалолиддинни бир кўрди-ю, йигитнинг хулқига, одобига, тарбиясига маҳлиё бўлди-қолди. Покиза хаёлан қизи билан йигитни ёнма-ён тасаввур қилиб, энтикиб кетди. Ҳар иккиси узукка кўз қўйгандек бир бирига муносиб, ҳар томонлама кўркам эдилар.
Ана шу учрашув кўп нарсани ҳал қилди. Покиза энди йигит ва қизи тараф бўлиб яна эр уруғларига бас келди. Қуда томон уч ой ичида Зулхуморни Қашқадарёга келин қилиб тушириб кетдилар.
Ташқаридан қараганда бари зўр, бари ажойиб, гўёки ҳаммаси рисоладагидек кўринар эди. Бироқ Зулхумор келин бўлиб тушганининг иккинчи ойлариданоқ "Ҳаёт бошқа, хаёл бошқа" эканлигини англаб ета бошлаганди. Тўғри, Жалолиддиннинг оиласидагилар ҳам у каби мард, танти, ўрни келганда содда, самимий инсонлар эди. Зулхумор оила аъзоларининг бари билан тез орада чиқишиб эл бўлиб кетди, бироқ шу билан бирга келин бўлиб тушган хонадонидаги шароитга кўника олмай қаттиқ эзилиб қолди.

-36-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Жалолиддин вилоятнинг унча катта бўлмаган узоқ тоғли қишлоқларидан бирида истиқомат қиларди. У ер ёзда оромижон об-ҳаволи жойлар бўлгани билан кунлар совиди дегунча табиий газ,  ичимлик суви, электр энергиясида муаммо кўрина бошларди.  Зулхуморга йигирма биринчи асрда ўтин ёриб уй иситиш қизиқ кўринарди, орзулаб олинган  автомат кир ювиш машинаси,  чангюткич,  электр печь каби замонавий аппаратлар электр токининг қуввати пастлигидан токка улансада без бўлиб қилт этмай тураверарди. Табиатан нозик бўлган Зулхумор қишлоқ шароитида бир йилга бормай уриниб кетди.  Аксига олиб ўқиган мутахасислиги бўйича туззук-қуруқ иш тополмаган Жалолиддин ўзидан кейинги синглисининг тўйига сармоя тўплаш мақсадида қишлоғидаги уч тўртта йигитга қўшилиб Россияга-дарахт кесувчи бўлиб ишлагани кетишга мажбур бўлди. Табиийки Зулхумор ҳам кексайиб қолган қайнота-қайнонасининг хизматидан ортиб ўзига иш излашга кўнгли чопмасди. Келин бўлиб тушганининг учинчи ойларида ҳомиладорлигини пайқаган Зулхуморнинг қувончи узоққа бормади. Жалолиддин суйиб олган ёрини кўзи қиймаса-да, қорни билинар билинмас ташлаб кетишга мажбур бўлганди.
    Бераридан қисилмаган Зулхумор ҳомиладорлигининг етти ойини ёлғиз ёстиқ қучоқлаб, эрига ҳомиладорлик эркалигини қила олмай,  кўнгли тусагани ҳақида бировга тиш ёра олмай ўтказди. 
   Тўғри Жалолиддин Зулхуморнинг қўлидаги карта рақамига вақти бемаҳал унча мунча пул ўтказиб қўярди, бироқ ҳомиладор аёл егиси келган тансиқ егуликлар чекка туман марказида топилиши анча қийин масала бўлган бир вақтда йигирмага яқин оила истиқомат қиладиган бир бурчакдаги тоғлик қишлоқда қаердан топилсин?
Шу алфозда Зулхуморнинг кўзи ёрийдиган муддат яқинлашиб қолди. Унинг юввошгина қайнонаси Баҳринисо она ўша кунлари тадбирли аёл эканлигини кўрсатди: келинини бир бўҳча кийим-кечаги билан туман марказидаги синглисининг хонадонига олиб келиб ўзи ҳам у билан бирга ўша хонадонга жойлашди.
Орадан беш кун ўтиб Зулхуморнинг кўзи ёрийдиган маҳал бўлганда уни зипиллатиб туғруқхонага олиб чиқдилар.
Биринчи туғруқ, нозик ва камқон Зулхумор кўзи ёрий олмай анча вақт қийналди. Бўлмаса қайнонаси тўлғоқ хабарини эшитиши билан ундан-бундан эшитган ирим-у амалларини барини бекаму кўст бажаришга тушганди. У дастлаб анча ой аввал Жалолиддиннинг пешона тери артилган ва ҳиди ўрнашган, ўшандан буён ювилмай, аланда азиз қилиб авайлаб келинган дастрўмолчасини Зулхуморга тутди:
- Манг келин! Куч бўлади! Эрингизни эсласангиз кучингизга куч қўшилади. Чуқур-чуқур, тўйиб-тўйиб ҳидланг! Ҳа!

Зулхумор Жалолиддиннинг дастрўмолини ҳидлаганда кучига куч қўшилганини сезмади-ю, бироқ айни дамда қаттиқ соғинган эри шундоқ пайтда ёнида йўқлигидан юраги ўртаниб кетди.

-37-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

Бу вақтда Зулхуморнинг қайнонаси Баҳринисо она навбатдаги удумни кифтини келтиришга киришган эди.
У ичида икки ҳовуч уни бўлган супрани ошхонанинг бир четига ёйиб, " Илойим йўлинг оқ бўлсин, қизим" дея дуо қилганча, кичкина қозончага бир сиқим мош солиб қайнатишга қўйди. Эмишки, мош чарс-чарс қилиб очилса оғироёқ жувоннинг туғиши шунча осон бўлармиш.
Хуллас кўнгилга тугилган барча ниятлар амалга оширилгач Зулхумор туғруқхонага етказилди.

У ер шўрлик жувоннинг кўзи ёрий олмай анча қийналгач шу куни навбатчиликни топширган малакали шифокор Дилдора опани уйидан қайта чақиртириб келдилар.

- Аёлни туғруққа тайёрладингларми? - сўради бош бош корпус эшигидан кириб келган Дилдора опа, - нима чоралар кўрдинглар?

Шифокорлар қаватида Дилдора опани кутиб турган Баҳринисо она ҳозиржавоблик билан унинг йўлини тўсди:

- Келиним туғруққа таппа тайёр, қизим. Ҳамма чораларни аллазамон кўриб бўлдик.

Дилдора опа йўлида таққа тўхтади:
- Қандай чора кўрдингиз, она!?

Баҳринисо она дона-дона қилиб ахборот берди:

- Эрининг ювилмаган дастрўмоли кўксида. Уйда супрага ун элаб, ёйиб келганман. Бу йўли очилишида. Қозончада мош очилтирдим. Буниси этагидан тушгандек эсон-омон қутилиб олишига. Бир қисм мошга бир қисм гуручни аралаштириб бошидан айлантириб томга сепиб юбордик. Қушлар еса дуо қилади. Оғирлигини олиб, енгиллигини қўйиб кетишади. Ундан кейин...

- Келинингизга барра гўштни яхшилаб қовуриб, тузини ростлаб едириб келмадингизми? - таққа тўхтаб онани сўроққа тутди Дилдора опа.

-38-

✅ Chat guruhimizga marhamat👇
@Uzladyuz

Yaqinlaringizga ham ulashing❤️👇
┄┅┅•🌸•═•⊰💐⊱•═•🌸•┅┅┄
https://t.me/+dsA0--9QA0VlZDhi
┄┅┅•🌸•═•⊰💐⊱•═•🌸•┅┅┄

"Биз бир марта яшаймиз!"
Мана шу далилнинг ўзи яхши инсон бўлишимизга, фақат яхшилик қилиб яшашимиз зарурлигига етарли асос бўла олади.

🌙 Тунингиз осуда ўтсин Қадрдон!

📱@Insta_retseptlar — Mazali yeguliklar har kuni taomnomangizda!

–СИЗ  ТАБАССУМ  БУЮРТМА 
        ҚИЛГАНМИДИНГИЗ?!

– Сизларга энг беғубор табассумни тақдим қилдик! Қабул қилинг! Қаранг, у сизнинг ҳам чеҳрангизга юқди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

Odamla qiyin diydi lekn...
Allohga oson☝🏻

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

- Йўў...- ўйланиб қолди Баҳринисо она,- шунақа қилиш ҳам керак эдими?

- Ҳа, керак эди! - шарт жавоб қайтарди Дилдора опа,- онажон, нечта фарзандингиз бор?

- Қўлимда қолгани уч нафар, саноқ бўйича олтита,- соддадиллик билан жавоб қайтарди аёл

- Онажон, тўлғоқ вақтида аёлнинг қовурилган гўшт ейиши ҳеч қандай удум эмас. Шунчаки аёлга эсон-омон қутилиши учун қувват бўлсин деган мақсадда қилинади бу иш. Яна иссиқ новвот чой ичирилади. Руслар эса кўпинча плитка шокалад едиришар экан. Албатта қон босимида муаммо бўлмаса.
Сиз эса, онажон, томдаги қушларга дон сепибсиз-у, аммо тўлғоқ дардини тортаётган келинингизга бир қошиқ иссиқ тутмагансиз.

- Вой ўлмасам,- бетини шилди Баҳринисо она, - қариб эсим оғиб қолибди менинг. Мен ҳозир изимга қайтиб...

- Шошманг, онажон, - уни тўхтатди Дилдора опа,- энди бир йўла хушхабарни эшитиб кетасиз. Келинингиздан ҳавотир олманг, ходимларимиз аллақачон унга чиройли парвариш қилишни бошлаб юборишган...

Шу куни асрга бориб Зулхумор ойдек юзли ўғил кўрди...

Ўша воқеаларга ҳам икки ярим ой бўлибди.
Аввалига барчаси жойида эди. Беҳзоднинг кичик чилласи чиқишига яқин Жалолиддин Россиядан етиб келди. Ўн кунча оила даврасида бўлгач "Энди кетмасам бўлмайди, ўрнимга одам олиб қўйишса яхши ишдан қуруқ қоламан" деб йўлга отланди.
Эрининг дийдорига етарли тўймаган Зулхумор яна дардини ичига ютиб қолаверди, фақат бу сафар бешик қучоқлаб...

- Она...

Баҳринисо онанинг қулоғи бироз оғирроқ эди.

- Она дейман,- Зулхумор унга яқинлашиб қаттиқроқ овоз берди.

Қуёш нурида ўтган йилги данакларни эрмак қилиб чақиб ўтирган Баҳринисо она илкис бош кўтарди:

- Ҳаҳ... Нима дейсиз!?

- Беҳзодга қараб туринг! Мен докторга бориб келай. Қорнимнинг оғриғи ҳеч босилмаяпти.

Баҳринисо она Зулхуморга ачиниб қаради: келини рост гапиряпти. Бир неча кундан буён тоби бўлмаётгани остки қовоқлари осилиб сарғимтил тусга кирган юз-кўзидан ҳам аён.

- Марказга тушасизми?

- Ҳа, она. Беҳзодни қорнини тўйдириб бешикка белаб ухлатиб қўйдим. Ёнида ўтириб туринг.

- Хўп, - этакларини қоқиб ўрнидан турди Баҳринисо она, - яхши бориб келинг...

-39-

#ЗУЛМАТ_АСИРАСИ
ЁҲУД "ТУНГИ КАПАЛАК"  🦋

Муаллиф: Гулбаҳор Рахматуллаева (Хазонрезги)

🍂

Эртаси тонг бўзармай соат тунги уч яримда Адолат опа Хонзодани туртиб уйғотди:

- Тур қизи, ярим соатда домнинг тагидаги майдончада бўлишимиз керак. Машина кутиб қолиши мумкинмас

Хонзоданинг дарҳол кўзларидан уйқу қочди. У дик этиб ўрнидан турди ва тезда юз-қўлини чайиб кеча Адолат опа бозордан танлаб олиб берган иш кийимини кийди. Пахталик матодан тикилган қора рангдаги халат ва шим хизмат қилиш учун жуда қулай эди. Хонзода узун сочини тезда бир ўрим қилиб ўрди-ю, тўғноғич ёрдамида йиғиб халат-шим комплекти билан бирга олинган дуррача тагига яширди. У эҳтиёт шарт шимининг чўнтагига озроқ пул солди ва Адолат опанинг ҳузурига йўл олди.

Адолат опа даҳлизда оёқ кийимини кияётган экан:

- Чаққон қимирла, машинага ўтириб олишимиз учун тўрт дақиқа вақтимиз қолди.

Яхшики саккизинчи қаватдан тушиш учун лифт бор.

Адолат опа Хонзодани йўлакларини тўғрисида ярақлаб турган қоп-қора нексияга бошлаб бориб ўтказганда машинада қандайдир куй янгради.

- Улгурдик,- деди Адолат опа Хонзодага ўнг қошини қоқиб қўяркан ҳайдовчининг саломига алик олди,- ваалайкум ассалом, Самандар яхшимисан?
- Яхши раҳмат, - деди ҳайдовчм ва машина салонидаги ойна орқали салом берган Хонзоданинг саломига ҳам бош ирғаб алик олган бўлди-ю, нигоҳларини Адолат опага бурди,- опа, Швецария соатлари ҳам сизчалик аниқ ишлармикан?
- Билмасам,- деди Адолат опа, -мени фикри хаёлим эрталабки нонуштада. Бугун аллақайси обрўли ташкилот ўзи билан ҳамкорлик қилаётган ўн икки нафар мисрлик меҳмонни нонуштага олиб келиши керак.

- Мисрликлар ҳам ўзимизга ўхшаган мусулмон инсонлар-ку? Нонуштага ош берворақолмабсиз-да, - деди Самандар машинани бир маромда бошқариб кетар экан, - шу баҳонада урф-одатларимизнинг бир қисми билан танишиб кетишарди.

- Гапниям оласан-да, Самандар. Афтидан улар жуда таъби нозик мижозлар шекилли нонушта менюсини шахсан Маҳмуд Аҳмадовичнинг ўзлари туздилар.

- Шундай денг? - йўлдан кўзини узмай сўз қотди Самандар,- ундай бўлса мен жим. Тинчгина ҳайдовчилигимни қила қоламан.

- Яша, укам,- деди Адолат опа унинг елкасига енгил шапатилаб,- ўз ўрнини билган бой бўлади. Шу кетишда боқса одам бўласан.

- Бу сўзларингизни ҳушомад ўрнида қабул қиламан, - Самандар шундай деб анча жойгача жим кетди ва ўн дақиқалар ўтиб машинасини чапдастлик билан бурди ва деди,- мана ҳазрати олиялари, ижод қилишингиз учун саройингиз тайёр. Аёнлар ҳам кўрсатмангизга муштоқдирлар.

Адолат опа машинадан тушар экан Самандарга хазил аралаш:
- Бале, мавлоно,- деди хазиломуз, - кўрганда кўришгунча.

Хонзода машинадан тушиб ҳайдовчига бир оғиз "раҳмат" деб пештоқига зарҳал товланадиган чироқлар билан катта харфларда "Аfsona" деб ёзилган кўркам ресторанга назар ташлаганча Адолат опага эргашди.

-40-