🧕 Muslimalar kundaligi
1.61K subscribers
3.68K photos
3.56K videos
4 files
6.88K links
Download Telegram
Дўстми ё душман?

#MUALLIF_NAFISA_MALIKOVA


-келин овқат қилаётиб рўмол ўраб олинг!
Қайнонасини гапидан келин тўмрайиб уф тортдида рўмолни бостириб ўраб олди...

🌺🌺🌺🌺🌺🌺🌺

-келин шоколад кўп берманг бўғилиб қолмасин!
"Жонга тегди шу кампир..қизғанчиқ..неварасидан ҳам қизғонади,мазза қилиб алоҳида яшасангда.."
Хаёлидан шуларни кечириб тўмрайдида ўғлини қўлидан шоколадни юлиб олди..

🌺🌺🌺🌺🌺🌺

Қайнонаси бир ҳафтага қишлоққа кетганда келинга Худо берди..
"Қандай мазза"

-нима бу соч?
Эри косасидан узун соч чиқариб косани отиб юборди.
-ҳалиги...
Келин нима деярини билмай ним ёйилган сочини ушлаб лаб тишлади..

🌺🌺🌺🌺🌺🌺

-жуда кўп шоколад бергансиз..сал қолса нафас ололмай бўғилиб ўлиб қоларди болангиз! Аллергияси борлигини била туриб шунча шоколад берасизми?
Ўқрайган шифокорни нигоҳидан келин ерга кириб кетгудек бўлди..

🌺🌺🌺🌺🌺

Келганига икки кун ўтиб қайнонани телефонига хабар келди...
"Ойижон тезроқ қайтинг..ўрнингиз роса билиняпти"

Tamom.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍10👏2
ОҚИБАТСИЗ ЖИГАРДАН КЎРА...
(Ҳаётий ҳикоя)

Унинг бошига иш тушди. Хотини оғир дардга чалиниб, катта қарзга ботди. Лекин дард шу билан чекинмади. Олдинда яна кимё муолажалари турарди. Олаётган маоши рўзғорни тебратишга зўрға етади, бу ёқда дори-дармон дегандай...
Ҳаётда шундай вазиятлар бўлар эканки, нима қилишингни, қай деворга бошингни уришингни билмас экансан. Гўёки бутун дунё сендан юз ўгиргандай...
У хотинининг эртага бўладиган муолажасига қаердан пул топишни ўйлайвериб, боши оғриб кетди... Нима қилсин, кимдан яна қарз сўрасин? Аввалги қарздорлар эшигига қарзни сўраб кела бошлашди. Бу ерда эса... У иложсизликдан “дод” деб бақиргиси келарди-ю, янаям ўзини тутиб турарди. Ўйлаб-ўйлаб охири бадавлат қариндоши – амакисининг ўғлидан ёрдам сўрашга аҳд қилди.
Амакиваччаси ҳаммага ёрдам беради, лекин унинг бир ёмон одати бор эди. Пул беришдан аввал қарз олувчини обдон ерга уради, дунёдаги энг ҳақоратли сўзлар билан камситади, мазах қилиб кулади, хуллас устидан мағзавани ағдариб, лойларга ботириб, ҳаммага овоза қилиб, кейин пул беради. Лекин у ҳозирда ноилож эди...
У йўлда кетаётиб ёнидан ўтиб кетган машинанинг тўхтаб, орқага юраётганини кўрди. “Жудаям ҳайбатли машина-да Ланд крузер”. Шу пайт машина олдида тўхтади ва унинг рулида акаси ўтирган экан. Акаси уни уйига олиб кетди, йўл-йўлакай ўзининг ютуқлари ҳақида гапириб кетди. Уч қаватли уйлар билан ўралган катта ҳовлисида қурилишни тугатганини, “фалон” пулга “Ланд крузер” олганини, келаси ҳафта оиласи билан дам олгани 10 кунга чет эл саёҳатига кетаётганини, эртага новвос сўйиб, худойи қилаётганини мақтаниб гапириб берди. Шундан кейингина укасидан ҳол-аҳвол сўради.
Укаси оилавий шароити, рўзғорни зўрға тебратаётгани, хотини оғир касаллиги, эртага эрталабка кимёвий муолажа учун пул кераклиги, шунинг учун амакисининг ўғлидан пул сўрагани кетаётганлиги ҳақида гапириб берди.
- Э, ука, нима қиласан улардан пул сўраб? Эзворадиларку устингдан кулавериб... Бир гап бўлар, юр ундан кўра қурган уйларимни томоша қил, кейин овқатланамиз...
Шу куни акаси уни кечгача уйида олиб ўтирди. Укаси ҳам ноиложликдан пул илинжида чидаб ўтирди. Лекин хайрлашар чоғи акаси пул ҳақида оғиз очмагач, секин ўзи сўради.
- Ука, ҳали айтдимку, келаси ҳафта 10 кунга оилавий чет элга дам олгани кетаётибмиз. Ўзи 10000 доллар нима бўлади, ҳеч нарсага етмайдику, деб кимдандир қарз олмоқчи бўлиб турибман. Бунинг устига жиянингга “ўқишга кирсанг “Малибу” олиб бераман”, - деб лавз қилганман, у ҳам ўқишга кирди, энди ваъдани бажаришим керак. Ўзи биласанку, сани жудаям яхши кўраман, жиянларим ҳам зўр, келинга гап йўқ. Сандака меҳрибон ука ҳеч кимда йўқ. Лекин ўзимга ҳам етмаяпти, агар пулим бўлганида жоним билан берган бўлардим...
У акасининг олдидан бўшашиб чиқди. Шунча олиб ўтириб, кунни тун қилиб, энг асосийси йўлдан қолдириб, пул бермай жўнатаяпти... Ахир эртага эрталабга хотинининг кимё муолажалари учун пул жудаям зарурку. У шу ўй-ҳаёллар билан кеч бўлса ҳам амакиваччасининг уйи томон йўл олди...
“Майли пул беришдан аввал обдон ерга урсалар ҳам, дунёдаги энг ҳақоратли сўзлар билан камситсалар ҳам, мазах қилиб кулсалар ҳам, хуллас устимдан мағзавани ағдариб, лойларга ботириб, ҳаммага овоза қилсалар ҳам, барибир шундан кейин пул берадиларку. Оилам тузалиб кетса бўлди. Ҳаммасига чидайман. Акамга ўхшаб бойлиги билан мақтаниб, пул бермагандан кўра, ерга уриб бўлса ҳам пул берса бўлгани...
У амакиваччасининг уйига етиб келди ва дарвоза қўнғироғининг тугмасини босди... Дарвозани амакиваччасининг ўзи очди. У йиғлаб юборишдан зўрға ўзини тийиб, бор гапни айтди-қўйди. Энг қизиғи, амакиваччасини бир оғиз сўз ҳам демади. Индамай ичкарига кириб, керагидан ортиқча пул олиб чиқди ва “Қачон ва қанча пул керак бўлса уялмасдан келавер, жиян” дея пулни қўлига тутқазди...

БЕҲЗОД ҲОЖИМАТОВ.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍21😢4
This media is not supported in your browser
VIEW IN TELEGRAM
Хаёл қилинг сиз Жаннатдасиз ва Паийғамбаримиз Муҳаммад (с.а.в.) олдиларига учрашувга шошаяпсиз 😢🤲

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
😢5🥰3👍2
#кундошлар

93-қисм

Муаллиф: Наргиза Усанбоева


- Ана шу унинг кўнглига теккан. Шу даражада инжиқ-да у. Мен сизга “энг инжиқ қизимни келин қиляпсиз”, дедим-ку. Менга ҳам “Уйга кетаман”, деётганди. Ҳозир телефон қилай-чи?
- Телефони ўчиқ!
- Эй Худо... Ҳозир озроқ ўзимга келиб, ўйлаб олай хола, - алоқани узди Матлуба ва ўйга толди.

🍃

Аббос бозорда одам сийраклашгач, дўконини ёпди-да, Севаранинг ёнига йўл олди. У борганида Севара ҳамон савдо қилаётганди.
- Хорма, - деди Аббос унинг ёнига бориб.
- Ассалому алайкум. Саломат бўлинг. Келинг, - деди Севара жилмайиб.
- Волайкум. Савдонг яхши бўляптими?
- Тўхтади. Мактаб формани йиғиштириб, аёллар кийимига ўтишим керак. Ичим куйди, бугун аёллар кийимини ҳам қўшиб сотмаганимга пушаймон бўлдим. Бор топганим ҳам икки кун ичида соврилди. Ўлди бозор. Уйга кетаверсам бўларкан.
- Нега? Мана бўляпти-ку, савдонг.
- Энди битта-иккита сотдим. Кетаман, деб турганимда савдо бўляпти. У ёқда болалар нима бўлди? – деди Севара асабийлашиб.
- Рита холаникига боринглар демадингми?
- Рита хола қувиб юборди-ку! Телефон қилсам, кўтармаяпти. Ўлайми ялиниб? – тўнғиллайди Севара.
Аббос қалбига ғашлик оралади. Миясига қон тепгандек бўлди. Ахир кеча тунда Севара Рита холаникидаман, деди-ку. Энди бунақа деяпти..
Унинг қалбини шубҳа заҳарли илон каби ўраб ола бошлади. Ғазаб йўғрилган нигоҳини Севарага тикди.


🍃

Умид режалари, ғояларига ғарқ бўлиб, уйга паришон кириб келди. Унга Матлуба пешвоз чиқаркан, бесабрларча гапирди.

Давоми бор

❤️ бу – қувонч! Босиб ўтинг!
👍21❤8👏1
#кундошлар

94-қисм

Муаллиф: Наргиза Усанбоева

- Умид, телефон қилсам кўтармайсан! Гулюз йўқ эмиш.
Умид аввалига онасининг гапини англамади, сўнг анграйиб қолди.
- Йўқ эмиш? Қаёққа кетади?
- Уйга келаётгандир, дегандим. Лекин йўқолганига икки соат бўляпти. Шу пайтгача уйга келмади-ку, - хавотир билан деди Матлуба.
- Телефони ишлаяптими? – Умиднинг ҳам овози титраб чиқди.
- Ўчиқ.
Матлуба ошхонага қараб юрди. Ортидан Умид эргашиб кирди.
- Гулранг, дугонаси нима деди? – сабрсизлик билан Гулрангдан сўради Матлуба.
- Дугоналари билан гаплашмаган? – деди Гулранг.
- Дадамга айтдиларингизми? – онасига қаради Умид.
- Ҳали айтмадим. Опангни келиб қолар деб кутиб турдик-да.
- Балки бирор жойга чиққан бўлса, ўша келинлик уйига қайтиб боргандир?
- Йўқ. Саломат хола билан ҳозир гаплашдим. Бормади у ёққа ҳам. Бу қиз қаерда юрибди, а? Уф-ф-ф! – Матлуба бошини ушлаб стулга ўтирди. – Яна бошимга оғриқ кирди. Оғримасин, шу бошим. Нега бу қиз доим муаммоларга ўралашиб юради а?
Умид ва Гулранг онасига хавотир билан қараб қўйди.
- Дадамга телефон қиламан... – деди Умид ва шартта Аббоснинг рақамини терди. – Ало, ассалому алайкум, дада. Бозордамисиз?
- Волайкум, ҳа бозордаман.
- Дада, Гулюз опам йўқолиб қолибди. Поччам бугун Америкага кетди-ку. Шундан буён йўқмиш...
- Ие, Америкага кетдими? – оиласини унутаётган Аббос ҳайрон бўлди. – Қаёққа кетибди, Гулюз?
- Билмаймиз, шунга тезроқ келасизми?
- Хўп, боряпман.
Аббос алоқани узди. Умиднинг эса жаҳлдан юзи қизариб кетди.

Давоми бор


👍 бу – кайфият! Босиб ўтинг!
👍26🔥1👏1
#кундошлар

95-қисм

БОНУУУС!

Муаллиф: Наргиза Усанбоева


- Биз дадамнинг ҳаётида йўқмиз. Ҳеч нарса қизиқмас. Поччам кетганини ҳам билмайди. Анув куни ойимни даволатишга пул сўрасам, “Бозор ўлган, ҳали Гулрангнинг шартнома пулини тўлашим керак”, дейди. Сизнинг грандга кирганингизни ҳам билмайди!
- Билади, - Аббоснинг ёнини олди Матлуба. – Эсидан чиққан-да!
- Ойи, қандай эсидан чиқиши мумкин? Одам боласининг грандга ўқишга кирганини ҳам унутадими? Шунчаки, дадамга биз қизиқ эмасмиз! – ғазабини боса олмай қолди Умид.
Матлуба Гулрангнинг укасининг гапларидан анқайиб қараб турганини кўриб, Умиднинг жаҳлидан туширишга ҳаракат қилди:
- Даданг чарчайди-да, ўғлим.
Умид яна нимадир демоқчи бўлди-ю, ўзини босди.

🍃

Севара тилидан илинганини ўзи сезмади. Аббоснинг авзойи бузилганга ҳам аҳамият бермади. Апил-тапил молини йиғиштира бошлади.
- Опа, мана бу кофтангиз қанча? – деди бир харидор қиз келиб.
- Буми? Бир юз йигирма минг. Берайми? Битта қолган олинг, юз мингга бериб юбораман, - деди Севара қизнинг чиройли юзига маҳлиё бўлиб қараркан.
- Беринг, - деди қизам бирдан рози бўлиб.
Севара дарҳол кофтани ўраб, қизга узатди. Қиз эса унга кофтанинг пулини бераркан сўради:
- Опа, шу яқин орада қизларни квартирага қўядиганлар йўқми?
- Квартира керакми, сизга? – кўзлари порлаб кетди Севаранинг.
- Ҳа. Квартира керак, қишлоқдан келдим, - деди қиз.


Давоми бор

❤️ бу – бонус! Босиб ўтинг!
👍18❤6👏1
#кундошлар

96-қисм

Муаллиф: Наргиза Усанбоева


- Вой, қишлоқликка ўхшамайсиз-ку! Менга қаранг, меникига юра қолинг. Иккита ўғлим бор, кичкина. Мактабдан қайтганида қараб ўтирсангиз бўлди, пулингиз ҳам керакмас.
- Ростдан пул олмайсизми? – сўради қиз.
- Олмайман. Борасизми? – тоқатсизлана бошлади Севара.
- Ҳа, бораман.
- Исмингиз нима? Менга нарсаларимни йиғиштиришиб юборинг, кетамиз.
- Исмим Гулюз, - деди қиз.
Севара унга ҳавас билан қаради:
- Гулюзмисан, Гулюз экансиз. Гулдексиз...
- Раҳмат, - деди Гулюз хурсанд бўлиб.


🍃

Қон босими кўтарилиб кетган Саломат хола инқиллаб ётар, ёнида турмуш ўртоғи Аббос билан гаплашарди:
- Телефони ҳалиям ўчиқ. Бир соат кутайлик. Агар бизникига ҳам, сизникига ҳам бормаса, ички ишларга ариза беришга мажбур бўламиз.
- Мен тезроқ хабар берсамми деяпман, - деди Аббос сабри тугаб.
- Алоқада бўлиб турамиз, яна бироз кутайлик-чи?
- Хўп.
Шу билан қудалар хайрлашишди.
Саломат хола эса зўрға бошини кўтариб ўтираркан деди:
- Ички ишлар демай туринг. Топилар. Овозаю дарвоза бўлиб кетмасин.
- Менам шуни айтдим-да.
- Мансурга ҳам билдирманг, дадаси. Йўлдаги одам...
- Тўғри, Мансурга индамаймиз, - деди Саломат холанинг эри.
- Қаёққа кетди экан, бу келин-а? Одам такси-паксидан сўрашга ҳам уяласан. У-ф-ф, ўзи анув кунлари уйимизга кетаман, деб юрганида ташлаб келмаган эканман.
- Айтганмиди, кетаман деб?

Давоми бор

🔥 бу – қувонч! Босиб ўтинг!
👍19🔥4👏1
This media is not supported in your browser
VIEW IN TELEGRAM
Бир умр кимдирлар ва нимадирлар учун яшайсиз. Имкон топсангиз ўзингиз учун, қалбингиз учун ҳам яшанг. Қалбингизни ҳам сиздан умидлари бор..!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3🔥2🥰1👏1
Media is too big
VIEW IN TELEGRAM
🌱 Aссалому алайкум.
Бугун 4-Январь
Шанба тонги муборак бўлсин.

🤲 Соғ–саломат уйғотган Роббимизга ҳамдлар бўлсин!

🌷 Аллоҳим тонгингизни нурафшон,
🌹 Кўнглингизни хотиржам,
🌺 Чеҳрангизни нурли қилсин.

🌸 Танангизни саломатлик,
🌼 Юзингизни эсa табассум безаб турсин!!

☘Бошланган кунингиз файзли ўтсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4😇1
This media is not supported in your browser
VIEW IN TELEGRAM
🌹Хонадонингиздан файзу-барокат,
Қалбингиздан мехр-мухаббат хеч-качон аримасин илохим,🤲
Доимо Аллохим,🕋
паноҳида бўлинг.

🩷🌹"ШАНБА"🌹🩷

КУНИНГИЗ ХАЙРЛИ ХАМДА БАРОКАТЛИ БЎЛСИН АЗИЗЛАРИМ,❤️‍🩹

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2😇1
#Ҳаётий ҳикоя
БИР ЖУФТ КАЛИШ...

Бугун шаҳарчамиздаги масжид олдидан ўтаётсам 13 ёшлар чамасидаги йигитчага кўзим тушди...

Қоқ пешин... Қуёш нуридан бир кўзини қисиб, тер кўйилаётган ориққина жуссасига футболчиларнинг кийимини кийиб олган бола сояга ўтмайди...
Менку зарурат туфайли дорихонага келдим... Учи?!

Масжид томонга бесаранжом қараб қўяётган болакайнинг қўлида халтаси ҳам бор... Дорихонадан чиқиб ҳам уни кузатиб турганимни кўрган йигитча чопиб олдимга келди...

--- Холажон,~мурожаат қилди у уялибгина ерга тикилиб,~сиздан бир нарсани илтимос қилсам бўладими?!
Танимаса ҳам кўзларимга қараб жавдираб турган болага "майли" дейишим билан қўлидаги халтага ишора килди:

--- Илтимос, мана шу халтадаги калишларни масжидга бериб чиқайлик...
--- Нега?! Кимники улар?!
Болакай ерга қаради:
--- Ҳеч кимники... Улар яп~янги. Ўзим мошина ювиб, ишлаб топган пулимга сотиб олдим...
Намозхонларга керак бўлиб қолар...

Бир пас жим бўлиб, сўнг давом этди.
---Бобомлар оғир касал... Юраётганларида шу масжидда ҳар куни келиб намоз ўқирдилар... Тунов куни менга болаликларида рўй берган бир воқеани айтиб бердилар...

--- Айтишларича, оилалари ночор бўлган... Урушдан кейинги йиллар бўлгани сабабли қорниларини амаллаб тўйдиришаркану, қишда ҳам ҳаминқадар, жуда юпун кийинишар экан...

Ўша йили Рамазон қиш ойларидан бирига тўғри келибди... Болалар "одамлар туршак, қоқилар билан дўппимизни тўлдириб
беришадику",-деб мактабдан чиқибоқ оч қоринга Рамазон қўшиғини бошлаб қолишар экан. Бир куни нима бўлибдию бобомнинг оёғидаги бир пой брезент батинкаси ҳов анави сойда оқиб кетибди...
Бобом роса йиғлабди... Ахир, оёғида бўлмаса мактабга қўйишмас эканда... Икки кун мактабга бора олмабди... Яхши ўқиб, синфда ҳамма фанлардан пешқадам бўлгани учун ҳам уйда зерикибди... У вақтлар китоблар уйга берилмас экан... Учинчи кун онасидан қочиб бир пой батинка билан мактабга жўнабди...

Шу масжид олдидан ўтиб кетаётса пойгакда ўн бешт жуфт калишлар турганмиш... Бечора бобом ёшлик қилиб у ёқ , бу ёққа мўлтириб бир жуфт калишни олиб қочиб қолибди... Уни дарҳол оёғига илиб, синфхонага кирибди...У вақтлар ўқувчилар қирқ бешинчи размер этикда келса ҳам биров эътибор бермас экан...

Қизлар ҳам, ўғил болалар ҳам опа~ака, хола~тоға баъзан эса ота~онанинг эски~тускисида келавераркан. Шу сабаб бобомнинг оёғида калоплаб турган қуйма калишга биров қараб ҳам қўймабди... Бобом ота~онасига:
---"Калишни шаҳарга кетиб қолган Содиқ малим берди"деб қутулибди~ю, виждон азобидан қутула олмабди. У ҳар куни мактабга қатнар, қайтишда эса масжид эшиги олдида калишини ўғирлатган одамнинг дараги чиқиб қолармикин деб пойлар экан...

Ярми кутубхонага айлантирилган масжидга замондан қўрқа ~писа беркиниб келадиган номозхонларнинг бирортасидан сас~садо чиқмасмиш... Шу ерни супуриб сидириб турадиган Қодир тоғагина кичкина даричадан бошини чиқариб ҳар куни болани олма чой билан сийларкан... Бир куни бобом ёрилибди...
Ўғирлик ҳақида эшитган Қодир ота бўлса:
--- "Билмайман, калишини ўғирлатган кимса бўлса энг биринчи мен хабардор бўлардим... Мактабингга боравер... Дараги чиқса хабар бераман"-деб қилмишидан қулоғигача қизариб кетган ўғрини жўнатиб юборибди...
Бобом шундан сўнг масжидга қатнамай , Қодир ота хабарини берар дея ўқишини давом эттирибди...
Қиш чилласи ўтиб, ҳамал амаллаб қолганида эса эрталаб аллакимнинг жанозасига кетган дадаси янги гап топиб келибди...

Масжид қоровули Қодир ота қазо қилганмиш:
--- "Тавба,~хўрсинибди отаси:
--- Қодир ота туппа~тузук одам эди... Охирги пайтлар айниб қолган экан... Касал бўлишига ўзи сабабчи... Айтишларича, изғирин қиш кунлари ялангоёқ оёғига , увада латта~путталарни ўраб масжид атрофларида қор курар экан...

Биров кўрмасин деб азонда иш бошларкан... Узоқдан кузатган одамлар қуёндек сакраб йўлакларни очаётган қоровулга раҳмлари келаркан... Бировку ўзидан орттириб беролмайди... Ялангоёқлик сабабини сўрашса
👍18
-- "Ана калишим ҳам, этигим ҳам бор...Қизиб кетаётганимдан ечиб ташладим"-деб ғалати иржайиб ишини қилавераркан...
Бечоранинг оёқларини совуқ олиб, қорасон танасига ёйилиб ўлибди... Оёғи кўмирдек қорайиб кетибди
раҳматликнинг...

Отасининг гапларидан бобом ҳушидан айрилай дебди...
Наҳотки, наҳотки ўғирланган мана шу калишлар эгаси совуқ кунлари уни олма чой билан сийлаб турган ўша Қодир ота бўлса?!
Нега у бирон марта уни урушмади...
Ўғрисан деб ёқасидан олиш ўрнига, тинчлантириб уйига жўнатди?!

Бечора, шунинг учун кундузлари масжиддаги кичик ҳужрасидан чиқмай ўтирар эканда...

--- Бобом ҳар қанча пушаймон бўлмасин энди жуда кечлигини англабди... Мактабни тугатиб, катта шаҳарда ўқибди... Ҳар йили Рамазонда қаерда бўлмасин шу масжид остонасига 15~20 жуфт калиш ташлаб кетарканлар...

Аммо ҳеч кимга ҳеч нарса айта олмабди... Бу воқеани эшитгач кеча қўшни акаларга қўшилиб мошина ювдим... Бир кунлик иш ҳаққимга эса манави калишларни сотиб олдим...
Холажон илтимос, мен билан бирга юринг...Масжидга кириб бобомнинг бошидан ўтганларни бирортасига айтиб берайлик. Зора бобом тузалиб, яна оёққа туриб кетсалар...
Боланинг илтимосини бажардим... Қодир ота каби масжид покизалигига жавобгар одамни топиб йигитчанинг ҳикоясидан яна бир карра мутаъсир бўлдим...

Қодир ота ҳаққига дуо қилдик... Бир марта ўғрилик қилиб, бир умр азобланган инсонга эса шафоатлар тилаб Яратганга муножат айладик...
Дуода бўлинг азизлар

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
😢8👍7❤3
🧕 Muslimalar kundaligi
#кундошлар 96-қисм Муаллиф: Наргиза Усанбоева - Вой, қишлоқликка ўхшамайсиз-ку! Менга қаранг, меникига юра қолинг. Иккита ўғлим бор, кичкина. Мактабдан қайтганида қараб ўтирсангиз бўлди, пулингиз ҳам керакмас. - Ростдан пул олмайсизми? – сўради қиз.…
#кундошлар

97-қисм

Муаллиф: Наргиза Усанбоева


- Ҳа, фақат Мансурнинг ўзи кетиши аниқ бўлганида йиғлаганди-да.
- Ҳали ёшда. Орқа-олдини ўйламай иш қилади, - уҳ тортди Саломат холанинг эри ҳам.
Улар ўйга толиб қолишди.

🍃

Матлубанинг кўзига ҳеч нарса кўринмас, хавотирдан дунёга сиғмай кетаётганди. “Она кўнгли - душман” деб бежизга айтилмаган экан. Матлубанинг хаёлига негадир фақат ёмон нарсалар келяпти. Юрагини ваҳм босиб, халоватини йўқотган. Ўзини қўярга жой топа олмайди. Хаёлида Гулюзни ҳали ёмон одамларга ўғирлатса, ҳали йўлда автоҳалокатга учратади, ҳали сувга чўктирса, ҳали куёви билан қочтириб юборади. Ишқилиб, миясига сира яхши ўй келаётгани йўқ. Йиғлайверганидан бошига оғриқ кирди.
- Ўзи мазангиз йўқ, йиғламанг ойи, - Умид атрофида парвона.
- Дори ичиб олинг, - Гулранг ҳам меҳрибонлик қилади.
Аммо дилига таскин берадиган сира бирор хабар йўқ.
- Ички ишларга хабар бераман. Шу пайтгача уйга келган бўлиши керак эди. Ёш бола эмас-ку, уйни топа олмайдиган, - тоқати тугади Аббоснинг ҳам.
- Берсангиз беринг, - деди Матлуба.
Шу билан Аббос Ички ишлар бўлимига хабар бергани кетди.

🍃

Севара уйига Гулюз билан кириб келганида қош қорайиб қолганди. Икки ўғли югуриб чиқиб, уларни кутиб олди.
- Бу Гулюз опаларинг. Энди сизларга қараб ўтиради, - ўғилларига таништирди Севара Гулюзни.
Сўнг иккиси уйга киришди.

Давоми бор

❤️ бу – қувонч! Босиб ўтинг!
❤21👍9👏1
#кундошлар

98-қисм

❤️ҚАДРДОН ДУГГИЙЛАР УЧУН!❤️

Муаллиф: Наргиза Усанбоева


Севара бирдан овқат тадоригини кўришга киришиб кетди. Гулюз ҳам унга ёрдам бериш учун ошхонага ўтди.
- Опа, эрингиз қаерда ишлайди? Кеч келадими?
- Ўғилларимнинг отаси билан ажрашиб кетганман, - ҳеч нарсани яшириб ўтирмади Севара. - Кейин бир киши билан бир-биримизга кўнгил қўйиб, турмуш қурдик. Фақат у киши ҳали биринчи оиласи билан ажрашиб улгурмади. Хотини инжиқроқ. “Қизларимни узатиб олай”, деб орқага суряпти, ажрашишни. Иккита қизни узатди. Учинчисини ҳам узатса, буткул ажрашади. Ўзи ҳозир ҳам хотини билан яшамайди. Одамларнинг кўзига эр-хотин-да!
- Келса, мени ҳайдаб юбормадими?
- Йўқ, ўғилларимга қарайди, дейман-да. Хавотир олманг, ҳар куни келмайди. Ажрашиб олса, кейин бемалол яшаймиз-да.
- Бахтли бўлинг, - деди Гулюз.
- Ўзингиз-чи? Ўқишга кирдингизми?
- Йўқ, мени турмуш ўртоғим Америкага кетди. Мени олиб кетолмади. Олиб кетгунча шаҳарда яшаб турай дедим.
- Яхши. Майли, меникида тураверинг. Ишламоқчимисиз?
- Йўқ. Уйдагилар қадримга етишмайди, менинг. Сал қадримни билишсин. Кейин кетаман.
- Кегунингизча меникида тура туринг-чи?
Севара ва Гулюз бир-бири билан сирлашганча овқат тайёрлашди.

🍃

Бу тун Матлуба учун жуда узун бўлди. Узун, қайғуга ва бадбин хаёлларга лиммо-лим. Ухлашга минг ҳаракат қилмасин, киприклари илинмади. Ёмон хаёллар миясини тарк этмади. Худди у сингари Саломат хола ҳам бедор. Икки қуда туни билан бир-биридан “келдими-келмадими?” дея сўраб чиқишди.


Давоми бор

👍 бу – КЕЧКИ БОНУС! Босиб ўтинг!
👍30😢1
#кундошлар

99-қисм

Муаллиф: Наргиза Усанбоева

- Матлубажон, ҳеч нарсани ўйлама, озгина мизғиб ол, - дейди Саломат хола.
- Холажон, сизам ухланг. Эрталаб топилади, Худо хоҳласа, - далда берган бўлади Матлуба ҳам.
- Агар эсон-омон уйга келса, “Майли, ойингникига туриб кела қол”, демоқчиман. Мансур йўқ, барибир зерикада-да.
- Майли, сиз айтгандек озроқ туриб кета қолсин. Менга ҳам “Уйга бораман”, деганида қўймагандим.
- Менга айтмабсанда, Матлу. Сизларни соғинган бўлган-да...
- Хола, биласиз мазам йўқ эди-ку. Эътибор қила олмадим. Шунгаям у хафа бўлган, - баттар сиқилиб йиғлай бошлади Матлуба.
- Ўзингни айблама. Келсин, гаплашамиз.
- Илоҳим келсин, юрагимни зулмат қоплаб олган, - кўз ёшларини артди Матлуба. – Тонг ёришганидан Ички ишларга сўрагани бораман деб ўтирибман. Дадамиз ариза ташлаб келганди.
- Менам бораман.
Икки қуда келишиб олди.

🍃

- Тахминий борадиган жойларини билмайсанми? – сўради Муҳаммадали.
- Бугун бирорта подкаст қила олмаймизми? – сўради Суннатила.
- Хафа бўлманглар. Сизлар билан маслаҳатлашгани келдим. Ҳозир кўнглимга ҳеч нарса сиғмайди.
- Ўзи кузатувчиларимиз зерикиб қолишди, - хавотир билан гапирди Муҳаммадали. - Жуда кам нарса беряпмиз. Майли, энг биринчи опанг топилсин.
- Умид, ўзимиз билган ҳамма канал эгаларидан илтимос қилайлик, опангни расмини берайлик. Эълон беришсин, - Суннатилла хаёлига келган фикрни айтди.
- Менам шуни ўйлаб тургандим. Бирор фойдаси бўлармикан? – Умид ўртоқларига қаради.
- Бўлади, - деди Суннатилла. - Кўрганлар хабар беради-да.

Давоми бор

🔥 бу – илҳом! Босиб ўтинг!
🔥18👍9👏1
#кундошлар

100-қисм

Муаллиф: Наргиза Усанбоева

- Бўлди, бўлмаса битта эълон тайёрлайлик, кейин ҳамма каналларга тарқатамиз.
Йигитлар дарҳол ишга киришишди.

🍃

Севара тонг қоронғисида бозорга чиқиб кетди. Гулюз ўрин-жойларни йиғди, болаларга чой тайёрлади, мактабга юборди. Кейин ўзи уй йиғиштирди. Ҳамма жойни тозалаб, тартибга солгач, телефонини олиб ёқди.
- Ўҳ-ў-ў, роса телефон бўлибди-ку. Мени роса излашяпти шекилли, - хурсанд бўлди Гулюз.
Кейин аста телеграмга кирди. Янгиликлар бериб борувчи каналга кириб, ўзи ҳақидаги эълонни кўриб қолди.
- Вой ўлмасам, интернетга ҳам чиқиб кетибман-ку... – аввалига қўрқиб кетди Гулюз. Кейин бирдан тўнини тескари кийди: - Яхши бўлибди. Ана, Гулюз бўлмаса нима бўлишини бир кўришсин. Бир қидиришсин, қадримни билишсин!
Гулюз ўзини қидиришаётгани ҳақидаги хабарга яна бир карра кўз югуртирди. Чуқур хўсинаркан, деди:
- Ойим роса сиқилаётгандир? Ойимга қўнғироқ қилсаммикан? У-ф-ф, ичим бошқача бўлиб қолди.
У Матлубанинг рақамига тикилиб, иккиланиб қолди.

🍃

Аббос икки кун Гулюзни қидириш билан овора бўлди. Ички ишлар ходимлари уни қаерда аёл киши билан боғлиқ воқеалар бўлса чақираверишди.
- Шаҳар шифохонасига келинг, автоҳалокат туфайли вафот этган қизни олиб келишдик. Кўринг, сизнинг қизингиз эмасмикан? – деган гапни биринчи марта эшитганида Аббоснинг жони оёғидан чиқиб кетгандек бўлди.
Дир-дир титраб борди шифохонага. Хайрият, автоҳалокатда ўлган қиз Гулюз бўлиб чиқмади.
Икки соатлар ўтиб яна қўнғироқ қилишди.
- Анҳордан топилган жасадни ҳам кўриб кета оласизми?

Давоми бор

❤️ бу – Бонус! Босиб ўтинг!
❤36👍13😢1
Ҳаётга Умид Билан Қараш: Сизнинг Ички Кучингиз


Ҳаёт – бу мураккаб, аммо гўзал бир саёҳат. Ҳар биримизнинг йўлимиз турли хил, лекин ҳаммамизни бирлаштирадиган бир ҳақиқат бор: ҳаётнинг ҳар бир куни бизга янги имконият ва янги сабоқ беради.

Ҳар Бир Тонг – Янги Бошланиш


Ҳар тонгда қуёш чиқади ва янги кун бошланади. Бу оддий табиат ҳодисаси, лекин унда чуқур маъно бор. Ҳар бир янги тонг сизга кечаги кунни ортда қолдириб, янгидан бошлаш имкониятини беради. Ўтмишингизни қанчалик оғир бўлмасин, бугун сиз учун янги имкониятлар эшигини очиши мумкин.

Қандай қилиб янги кунни қувонч билан бошлаш мумкин? Оддий: ўзингизга кичик, аммо эришилиши мумкин бўлган мақсадлар қўйинг. Ҳар бир муваффақият сизнинг ишончингизни мустаҳкамлайди ва руҳингизни кўтаради.

Орзуларингизга Қанот Қўшинг


Орзулар – бу ҳаётнинг моҳияти. Улар бизни ҳаракатга ундайди, мақсад сари етаклайди. Лекин орзуларингизга қанот қўшиш учун фақат уларни тасаввур қилиш эмас, балки ҳаракат қилиш ҳам керак.

Ўз орзуларингизни амалга ошириш йўлида кичик қадам ташлашдан қўрқманг. Ҳатто энг катта муваффақиятлар ҳам биринчи кичик қадамлардан бошланади. Муҳими, ҳаракатни тўхтатмаслик ва ўз орзуларингизга ишонган ҳолда олдинга интилишдир.

Сизнинг Ҳаётингиз – Сизнинг Масъулиятингиз


Ҳаётда баъзан қийин кунлар бўлади. Аммо эсингизда бўлсин: ҳеч ким сизнинг бахтингиз ва муваффақиятингиз учун жавобгар эмас. Бу фақат сизнинг қўлингизда.

Ҳар қандай қийинчиликни синов деб қабул қилинг. Ўзингиздан: "Бу вазиятдан қандай сабоқ олсам бўлади?" деб сўранг. Сабабларга қараб эмас, ечимларга интилиб яшанг.

Муҳаббат ва Меҳр – Ҳаётнинг Асоси


Ҳаётда энг катта бойлик бу севги ва меҳрдир. Яқинларингизни қадрланг, улар билан вақт ўтказинг ва ўз муҳаббатингизни улашишда сахий бўлинг. Меҳр ва севги фақат бошқаларга эмас, балки ўз қалбингизга ҳам тинчлик олиб келади.

Бахтни Ўзингиз Яратинг


Бахт – бу ташқи дунёда эмас, ўз ичингизда яширинган. Уни топиш учун нафақат катта ютуқлар, балки оддий нарсалардан ҳам завқ олишни ўрганинг. Қуёшнинг нури, болаларнинг кулгиси, табиатнинг гўзаллиги – буларнинг барчаси бахтнинг кичик, аммо чуқур манбаларидир.

Хулоса


Ҳаёт – бу совға. Уни шикоятлар билан эмас, имкониятлар билан тўлдиринг. Ўзингизга ишонинг, орзуларингизга интилинг ва ҳар бир кунингизни ўзингиз яратган бахт билан тўлдиринг. Чунки сизнинг ичингизда ҳаётни енгиш учун керак бўлган куч бор.

Унутманг, ҳаётнинг гўзаллиги унинг ҳар бир сониясида яширин. Уни севинг ва қадрланг!


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6🔥3👏1
🌙 Аллоҳнинг раҳматига ишонч қўй!

"Албатта, қийинчилик билан бирга енгиллик бордир." (Шарҳ сураси 6-оят)

Ҳаёт синовларига сабр қилинг, Аллоҳ ҳар бир қийинчиликдан сўнг енгиллик беради. Кечада қалбингизни Аллоҳга очинг, дуо қилинг, шукр қилинг. Зулмат ичида нурни изланг, чунки Аллоҳ сизни ҳеч қачон ёлғиз қолдирмайди.

✨ Тун дуоси: "Эй Аллоҳ, менга сабр, куч ва ҳидоят ато эт."

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7❤5😢1
This media is not supported in your browser
VIEW IN TELEGRAM
Ассалому алайкум Азизларим..
Мехри дарё, забони ширин, юзлари нурли, иймони бақувват қадрли дилга яқинларим!

🍃🌸🍃Бугунги кун муборак! Сизга ва яқинларингизга АЛЛОХимнинг гўзал кунларини, хайру барокотини, раҳмини, яқинларингизга бўлган мехру оқибатни йўқолмаслигини, фарзандларингизни камолини кўриб юришликни, энг аввало АЛЛОХим соғлик саломатлик ато этишини қалбингиз хотиржамлигини ва дунёдаги барча яхшиликларни сизга тилаб қоламан

Яқинларга улашинг ❤️⤵️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5
АЧЧИҚ ҲАҚИҚАТЛАР

1.
Негадир доим кўнглимизни оғритгандан эмас - кўнглимизга қарайдиган инсонлардан аламимизни оламиз...

2. Бизни севганларга озор берамизу - севмаган инсонларга поёндоз бўламиз...

3. Тўғри йўл кўрсатганни ёмон кўрамизу - эгри йўлга бошлаганни ортидан доим қолмаймиз...

4. Яхши кўрган яқинларимизга, касал биродарларимизга вақтимиз йўғу, етти ёт бегонаникига ошга боришга ҳар доим вақт топамиз...

5. Оиласи ночорроқ синглимизга ҳар хил бахоналар билан ёрдам бермаймизу лекин - халқни кўзига қозон-қозон ош қилиб зиёфат берамиз...

6. Ота-онамизни ҳафтада бир бора кўриб келишга фурсат йўқ - аммо улфатлар билан ўтиришга ҳар доим ҳам тайёрмиз...

7. Аёлимизга бир неча калима ширин сўзимизни аяймизу — лекин кўчадаги аёлларга гўзал калималар орасидан гўзалларини аямаймиз...

8. Озгина пулимизни йўқотиб қўйсак қанча асабимиз бузилиб хафа бўламизу — аммо ҳеч қандай бойликка сотиб олиб бўлмайдиган вақтимизни арзимаган кишилар, бекорчи бўш нарсаларга сарфлаётганимизга ачинмаймиз...

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍8❤4😢2