🧕 Muslimalar kundaligi
1.6K subscribers
3.68K photos
3.57K videos
4 files
6.89K links
Download Telegram
#НОТАНИШ
-33-

- Магрупов Шаҳбоз. Бу бола ўша куни оламдан ўтган. Фақат кундуз куни эмас. Тунги соат 23 лар атрофида. Болани ўз ... яқинлари ўлдирган. Сабаб Шаҳбоз ўша куни беихтиёр икки разил кимсанинг ифлос қилмишига гувоҳ бўлиб қолган. Шаҳзод ўз уйидан қўшни хонадонга чиққан ва у ерда икки нопокнинг жирканч аҳволда кўриб қолган. Қўшни ҳонадон бобо ва бувисининг уйлари бўлиши керак . Уй ичидаги деворда кичиккина чиқиш эшиги бор. Мен жонсарак аҳволда безрайиб турган эркак ва аёлни кўряпман. Аммо улар никоҳли маҳрам эмаслар. Булар бошқа - бошқа инсонларнинг жуфтлари . Улар, Шаҳбоз ўзларининг энг ифлос гуноҳлардан бири, зиноларига гувоҳ бўлиб қолганларини кўргач , шармандагарчиликларини беркитиш учун болани уриб сулайтиришади. Уни қўл - оёқларини ва оғзини скотч билан маҳкамлаб, уйдаги сандиққа қулфлаб яшириб қўйишади. Устидан эса кўрпа- ёстиқлар тахланади. Болани у ердан излаш ҳеч кимнинг хаёлига келмайди . Кўпчилик болани кўчанинг нариги бетида пишқириб оқаётган катта анҳорга тушиб кетган бўлса керак деган гумонга боришади. Шу сабабли бор эътибор ўша томонга қаратилган. Шаҳзодни уйда ўлимга маҳкум қилган амаки эса энг жонбозлик билан "ўз жигари"ни излайди.

Ҳабарнинг шу ерида озгина узилиш бўлган ва Жулия ўз фикрини ёзмасликдан бошқа илож тополмай қолган экан:

- Дўст , ер ҳам бу каби ифлосларни кўтариб юришдан... ( сўз топа олмаяпман ) оғринса ( бу жуда юмшоқ айтилди ) керак- а? Нима дейсиз ?!

Азиз ҳам воқеа моҳиятидан , ҳозирги ўқиганларининг таъсиридан чиқмаган ҳолда унга хаёлан жавоб берди :

- Нима ҳам дердим , мен ҳам ҳудди шу фикрдаман... Қани энди шундайларни...

Азиз чуқур уф тортди ва матнни давомини ўқишга тутинди :

- Кун бўйи Шаҳбозни излаганлар кечаси унинг ота - онасини юпатиш учун уларникига тўпланганларида , воқеа иштирокчиси хонадоннинг келини (Шаҳбознинг онасининг овсини) эшик тагида пойлоқчиликда туради , унинг жазман хуштори эса, болани аввалдан тайёрлаб қуйилган қандайдир янги қурилаётган бинонинг ичига олиб кириб ерга кўмади ва устидан тош тўкиб цемент билан шиббалаб ташлайди. Бу бизнинг тилда "стяжка" дейилади . Ушбу иш ҳар куни давомли бажарилаётганлиги учун у - шиббаланган ер ҳеч кимда шубҳа уйғотмайди.
Энг ёмони нима , айтайми?
Бола кўмилаётганда ҳали тирик бўлган ... (Юрагим ёниб кетаяпти, дўст)

- Дўст , бола кўмилган бинонинг тўғрисида икки айрили дарахт бор. Тўғрисида ... Болани жасадини дераза ўрнатилган жойдан бир ярим метр ичкаридаги узоқликдан қидиринг.
У ерда ўхшаш бино , хоналар кўп қурилган. Вақт кетказмаслигингиз учун ёрдам тариқасида ёздим. Жиноятни қай тариқа фош қилиш стратегиясини ўйлаш эса сизга қолди.

Омад , дўст !

Ўша икки ифлосни топганингизда эса ... мени номимдан ҳам башарасига яхшилаб туфланг . Узр , ўзимни бошқаришим жуда қийин бўляпти . Мен умрим давомида бунчалик эзилмаган эдим...
Дўст , сиз мендан яна ...
#давоми_бор

Муаллиф: Хазонрезги
👍15❤1
#МУТОАЛАА_ЗАВҚИ

#НОТАНИШ
(давоми)

-34-

- Дўст , сиз мендан яна ниманидир сўрашни кўнглингизга туккан эдингиз- а ?
Бугун ўз тамойилларимдан бир оз чекланиш қилмоқчиман. Мен бу дунё нақадар омонат эканлиги ҳақида ўйлаяпман ҳамда қўлдан яхшилик қилиш имкони туғилса дарҳол бундан фойдаланиб қолиш керак деган хулосага келиб турибман. Марҳамат , иккинчи саволингизни беришингиз мумкин.

Ишнинг бундай тус олиши Азизнинг етти ухлаб , бир тушига кирмаган эди . У шошиб қолди , лекин барибир имкониятдан фойдаланиб қолишга интилди :

- Жулия , Скарлетт... Бу исм сизга танишми ?! У ҳақида билишни жуда ҳоҳлардим. У билан танишиш, учрашишни ҳам. Скарлетт ҳақида менга маълумот бера оласизми ?!..

Жулиянинг сукути узоқ чўзилди.

Азиз саволи унга малол келганлигини фаҳмлади. Анчадан кейин Жулиядан келган хабар Азизнинг гумонини тасдиқлади:

- Дўст, нима ҳаётингизда мендан ҳам бошқа инсонга жой ажратмоқчимисиз ?! Биласизми , мен жуда қизғанчиқман. Саволингиз ... Тан олиб айтаман, саволингиз юрагимни тилкалади. Ўша Скарлеттнинг мендан ортиқ бўлишига , "дўст"нинг ҳаётига киришига асло ҳаққи йўқ. Нима учунлигини биласизми ?!
Билмайсиз ?! Аммо мен барини биламан. Скарлеттнинг мен каби ўзгача қобилиятли шахс эканлигини. Ана шунақа гаплар. Сиз мендан Скарлеттни топиб беришимни кутманг.
Бўпти мен кетдим. Соғ бўлинг !

Хабарни ўқиган Азиз бир вақтнинг ўзида икки хил ҳолатга тушиб қолди. У Скарлетт ҳақидаги маълумотни биладиган ( Азиз бунга умуман шубҳа қилмасди) инсондан ўзи излаган маълумотни ололмаганига бир куйинса , Жулия уни қизғанганлигига , дўстининг ҳаётида жуда катта ўрин эгаллашига беҳад қувонар эди. Азиз бу икки ҳиснинг айнан иккинчиси , ўзининг дўст- Жулия учун қадрли эканлиги тарозининг оғир палласини босаётганлигини англади ва кўнглида қониқиш ҳисси уйғонди. Азиз шу ҳислар оғушида кўзи илинганини сезмай қолди.

* * *

Шефга ўзи интизор кутган Скарлетт ҳақидаги олиб келинган турли маълумотлар мушоҳада чиғириғидан ўтмай бир- бир ярим йўлда тушиб қола бошлади. Шотирлар охирги ўттиз йиллик маълумотлар базасини кўтаришган , аммо улар орасида биронта пичоққа илинадигани топилмаган эди .
Сал бошқачароқ туйилган икки маълумот ҳам шефнинг асабини эговлашдан бошқага ярамади.
Уларнинг бирида ҳудди шундай Скарлетт исмидаги ноёб қобилиятли аёл Россиянинг Кострома шаҳрида яшаб ўтганлиги, ғоятда кучли иқтидор соҳибаси бўлганлиги ҳақида сўз борарди, аммо у аёл ўтган аср охирларида оламдан ўтганлиги ҳақида тўлиқ тасдиқланган маълумот бор эди.
Иккинчи аёлнинг исми, ё айтиш жоиз бўлса тахаллуси Скарлетт эмас , балки Охара бўлганлиги , у аёл Грузияда бундан ўттиз йиллар аввал бедарак кетганлиги қайд қилинганди .

- Шеф , унинг тахаллуси Охара бўлса , асл исми Гюльнар экан .

Шеф маълумот келтирган йигитга заҳарханда кулимсиради :

- Гулнор де.

- Йўқ , шеф айнан Гюльнар ...

- Хўш , ўша айтган Гюльнаринг нима каромат кўрсатган экан .
👍16
#НОТАНИШ
- 35-

- У ҳам жуда кўп ишларга қодир экан. Воқеа-ҳодисаларни аввалдан айтиб берар, йўқолганларни топар , ҳар хил пул тикиб ўйналадиган ставкали ўйинларда ютуқни киши билмас тинчитиб кетаркан ...

- Ўттиз йил аввал бедарак кетган бўлса ... Хўп ҳозир тирик ҳам дейлик... Ҳозир айнан шу ердан мени йўлимдан ҳам чиққан ҳам у бўлсин . Битта гап- да . Вақт деган бир .... Уффф... Нимайди?! Хуллас , вақт деган бир олий ҳакам бор . Ўша айтаётган ҳурилиқоинг йўқолган вақтда қирқ беш ёшларда бўлган экан. Энди манави қовоқ калланг билан бир ўйлаб кўрсанг . Шу кунларда саксонларга яқинлашиб қолган аёл Шоилёснинг дастурини бузиб , шунча пулни ухлатиб кетишга қодирми ? У қодир бўлса , жинни қўйни калласини еган сендек тўнка ҳам, мени қўл остимда ишлашга қодир бўлсанг керак- ов .
Шефнинг ростмана жаҳли чиққан эди . У аламига чидай олмай стол устида турган кулдонни қўл қовуштириб турган барзанги йигитига отди. Кулдон учиб бориб ўз жойни топди . Манзилда адашмади. Барзангининг пешонасида кичикроқ олмадек ғурра пайдо бўлди, аммо чурқ этмади , чурқ этишга ҳаққи ҳам йўқ эди ...

Шеф режанинг иккинчи - Б қисмига ўтишни буюрди. Аммо бу режа ҳам иш бермай , уни баттар қутиртирди . Каттагина сумма тикилган навбатдаги онлайн ўйинда шефнинг хос одами ғолиб бўлди. Интизор бўлиб кутилган меҳмон ташриф буюрмади.
Ҳаммаёқ сув қуйгандек жим- жит бўлиб қолгандек эди, гўё... Аммо табиат ҳодисаларидан яхши ҳабардор инсонлар учун , бу бўлажак даҳшатли довул олдидаги огоҳлантириш эканлиги кафтдек аён эди.

* * *

Шефнинг асл исми Шерали бўлса- да ўзини "шеф" деб чақиришларини хуш кўрарди .
Қўлида қатор ишлаб чиқарувчи ва қурилиш объектлари бўлган ҳолда , ҳаётнинг зулмат кўчаларида ҳам "ризқ" териши ва буни моҳирона уддалаши, унинг ўзида ҳам "иқтидор" отлиқ салоҳиятнинг етарлича эканлигидан дарак бериб турарди. Шефга унча- мунча одам ёқмасди . Қўл остидаги ишонганларини ҳам минг чиғириқдан ўтказиб кейин ишга олар , ишончини қозонганларни эса беҳад сийлар эди . Сийланиш ҳам турли даражада бўлар , баъзилар шунчаки иши учун , баъзилар иши ва тиришқоқлиги учун , учинчи олий тоифадагилар эса бошқалардан ажралиб турадиган алоҳида ҳусусияти туфайли олий мақомга эришар эдилар . Бундайлар эса жуда камчиликни ташкил этган бўлиб , айтиш мумкин бўлса, бармоқ билангина санарли эди. Уларнинг бундай сийланишларига сабаб бўлган ҳусусиятларининг номи "садоқат" эди .
Шефнинг ана шундай "эркатойлари" дан бири Диёрбек бўлиб , бошқалар йиллаб эришган олий мақомга Диёрбек бир соатда эга бўлганди ...

* * *

- Ишласанг , тўғри ишла . Чўнтагингдан тийин санаяпганинг йўқ. Омонатга хиёнат қилган эркакни мен эркак демайман...

- Вой- бўўў , Диёр намунча ваҳима қиласан. Цемент сифатли , ҳар қорилганда бир белкурак кам тушса дунё остун - устун бўлиб кетмайди ...

- Цементдан бир белкурак ол , тошни тўртта кам ташла , сувдан уч косадан иқтисод қил ...

- Йўғей , Диёр . Сув лимитда йўқ . Шунинг учун "добро" ...

Шеф янги қурилаётган кўп қаватли иншоотнинг панасида турганча , бу икки йигитнинг суҳбатини эшитар экан , терс гапирганча шеригини инсофга чақираётган Диёр исмли йигитни кўргиси келди. У олдинга бир қадам босди- ю , нималарнидир ўйлаб яна ортига қайтди .

Кеч кирганда ёлланиб ишлаётган йигитлар дам олаётган даврага нотаниш бир киши яқинлашди.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍16🔥1🥰1
This media is not supported in your browser
VIEW IN TELEGRAM
🌙🕋 ЭРТАГА ЖУМА...🕋🌙

Эртанги кунингиз бугунгидан фойдали ўтиши учун режалар тузганлар.
Сиз азизларга ҳам бу кечани эртанги кунингизнинг мазмунли муқаддимаси бўлишини тилаб қоламиз...

ХАЙРЛИ ТУН!🌙
Аллохга омонатсиз!

Жума тонгида туриб Муҳаммад соллаллоҳу алайҳи васаллам га саловат айтишни унутманг!

Яқинларга Улашинг.. 🌸

📱@Insta_retseptlar — Mazali yeguliklar har kuni taomnomangizda!
👍2❤1🔥1
This media is not supported in your browser
VIEW IN TELEGRAM
🌙💐🌟РАМАЗОННИНГ 1-ЖУМАСИ МУБОРАК БЎЛСИН!!!✨💐🌟

💐 Ҳафта ичра турли кун,
💐 Турли саҳар, турли тун.
💐 Энг муқаддас, нурли кун
💐 Жума айём муборак!

💐 Дард кимда, қайғу кимда,
💐 Бахт кимда, туйғу кимда,
💐 Шодлик қалби муслимда
💐 Жума айём муборак!

💐 Динимиз доим омон,
💐 Дилларда ишқу имон.
💐 Эй муҳтарам мусулмон,
💐 Жума айём муборак!

🤲 Аллоҳдан Ўзингиз ва
Ота - Онангиз ва сизга азиз бўлган барча яқинларингизни мағфират қилишини сўрайман!

🌟🌙 РАМАЗОННИНГ 1-ЖУМАСИ МУБОРАК БЎЛСИН!!!

✨Рамазоннинг таровати кун давомида сиз билан бўлсин!

Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2🥰1👏1
This media is not supported in your browser
VIEW IN TELEGRAM
🌙 💐Рамазон ойининг илк Жумаси муборак бўлсин! 🕋 💐

🌷🕊🍃 Яхши амал жаннатга йўлак,
🕊🍃 Савобларнинг совғаси бўлак.
🍃 Чин юракдан билдирай тилак,
ЖУМА АЙЁМИНГИЗ БЎЛСИН МУБОРАК!

ЖУМА ТОНГИДА ЎҚИЛАДИГАН ДУО 🤲
أسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ
«Астағфируллоҳаллазий ла илаҳа илла ҳувал ҳаййул қоййум ва атубу илайҳ», деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар.
Ибн Сунний ривояти.

Маъноси: Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан.

🌹🍃ЖУМА МУБОРАК!🍃🌹

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4🔥1🥰1
Сиз сахарлик қилиш учун ўз ҳоҳишим билан турдим деб гумон қилмоқдамисиз?!
Вахоланки, Аллоҳ сизни ғофиллар ва ухлаётганлар орасидан танлаб олиб уйғотди...
Тутаётган Рўзаларингизни Аллоҳ ўз даргохида қабул қилсин!

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍6❤4
Рўза фақат оч қолиш эмас!


Кўзларнинг рўзаси: «Ҳаромга қарамадим»

Тилнинг рўзаси: «Ёлғон гапирмадим, ғийбат қилмадим, ҳеч кимнинг қалбига озор бермадим.»

Қулоқларнинг рўзаси: «Ғийбат бўлган жойда турмадим, ҳаром овозларни эшитмадим.»

Оёқ ва қўлларнинг рўзаси: «Ҳаромга бормадим, ҳаромни ушламадим.»

Замоннинг рўзаси: «Вақтимни бекор ўтказмадим, Рамазондан унумли фойдаланиш учун Аллоҳ қодир қилганча ҳаракат қилдим.»

Унутманг:

Рамазон ёмон одатларни вақтинчалик тўхтатиш учун эмас, улардан тамоман воз кечиш учундир.

📨 Бошқаларга ҳам юборинг!


✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍7❤2😇1
"Дунё ишлари чала қолади!" - деб, Роббингни тарк этма! Зеро мозорлар, ишлари чала қолганлар билан тўладир...

✍️Мавлоно Жалолиддин Румий
©Jaloliddinrumiyy🕊️

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍5😢4🔥2
😢 "Онажон, кечиринг..."

Жасур болалигида онаси билан ҳар Рамазонда бирга ифтор қиларди. Онаси уни меҳрибонлик ва ибодатга ўргатган, лекин у катта бўлгач, бу одатлардан узоқлашди.

— Она, мен бандман, рўзага вақт йўқ, — дерди у ҳар сафар.

Онаси эса меҳрибонлик билан жилмайиб:

— Болам, бир кун келиб, бу дунёдаги ҳамма нарса аҳамиятсиз бўлиб қолади, — дерди.

Бир куни кечаси у телефонда хабар олди: онаси оғир аҳволда шифохонада эди. У шошилиб борди, лекин кеч эди… Онаси унинг қўлларини сўнгги марта сиқиб, юмшоқ овозда шундай деди:

— Болам, мен сенинг бир кун рўза тутишингни орзу қилардим…

Бу сўзлар Жасурни ларзага солди. "Нега мен бу вақтгача шунчалик ғофил бўлдим? Онамдан бошқа ҳеч ким менинг ҳақиқий бахтимни ўйламагандир…"

Шу кеча у уйига бориб, биринчи марта ихлос билан таҳорат олди ва Аллоҳдан кечирим сўради.

Эртаси кундан бошлаб, у рўза тутишни бошлади. Энди бу унинг онасига қилган энг катта ҳадяси эди…

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
❤6👍1🥰1
#муножаат

АЛЛОҲ, МЕНИ ҲАЖГА ЧАҚИР

Мен бир ожиз бандаман,
Битта мискин, битта фақир.
Ва ле орзум- осмондаман ,
Аллоҳ, мени Ҳажга чақир...

Меҳнатдадир кунда бошим,
Гоҳи малол ютар ошим,
Ёлвораман, кўзда ёшим,
Аллоҳ, мени Ҳажга чақир ...

Орзуимни гулга ўрай,
Байтуллоҳинг бир бор кўрай,
Сендан бошқа кимдан сўрай,
Аллоҳ, мени Ҳажга чақир...

Бажармоқ-чун фарзларимни ,
Узмоқ учун қарзларимни ,
Айтмоқ учун арзларимни,
Аллоҳ, мени Ҳажга чақир ...

Ҳаж-ибодат ! Қани қилсам,
Ўзимни чин муслим билсам,
Минг розиман анда ўлсам,
Аллоҳ, мени Ҳажга чақир...

Аллоҳ! Мени мукофотла!
Ҳожилар исмида ёдла ,
Қанча кутай қаноат-ла ,
Аллоҳ, мени Ҳажга чақир...

Бахтнинг таъмини тотгани,
Зам-замни кафтда тутгани,
Ва шайтонга тош отгани,
Аллоҳ, мени Ҳажга чақир...

Айтай десам сўзим бисъёр,
Орзуим ҳам якка такрор,
Ҳолим бўлмасидан абгор,
Аллоҳ, мени Хажга чақир ...

Мен бир ожиз бандаман,
Битта мискин, битта фақир.
Ва ле орзум - осмондаман,
Аллоҳ, мени Ҳажга чақир ...

Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍4❤3🔥1
#қисқа_савол_жавоблар

❓CАВОЛ: Рўзадор таҳоратда оғиз-бурнини чайиши мумкинми?

💬 ЖАВОБ: Бисмиллаҳир Роҳманир Роҳим.
Рўзадор ҳам таҳорат қилганда оғиз ва бурнини чайиши жоиз, лекин муболаға қилиб, ғарғара қилмайди, бурнига қаттиқ сув тортмайди. Таҳорат пайтида рўзадорнинг оғзидан ва димоғидан ичига сув ўтиб кетса, рўзаси бузилади. Рамазондан кейин бир кун қазо рўзасини тутиб беради. Валлоҳу аълам.

Ўзбекистон мусулмонлари идораси
Фатво маркази.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍3❤2👏1
#Ифторлик_вақти
☪️ Рамазоннинг 7-куни

🗓 7-март, жума

🕐Ифторлик вақти: 18:24

Оғиз очиш дуоси:
«Аллоҳумма лака сумту ва бика аманту ва ъалайка таваккалту ва ъалаа ризқика афторту. Фағфирли Я Ғоффару ма қоддамту ва ма аххорту».

Маъноси: Ё Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Ё гуноҳларни афв қилувчи Зот, менинг аввалги ва кейинги гуноҳларимни мағфират қилгин.

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
❤2👍1🥰1
13 soat sabr berib, 5 daqiqada toʻydirgan Allohga hamd boʻlsin! ❤️
👍11❤4😇4🤗1
#НОТАНИШ
-36-

У аввалдан пишитилган режа бўйича, ҳеч нарсани билмаган одам каби , тўғри Диёрбекка юзланди :

- Йигит , сизни мумкинми ?

Диёрбек қўлидаги еб турган тарвузини дастурхонни бир четига қўйганча , даврага қўшилишни рад этиб узр сўраган кишига эргашганча ташқарига чиқди .

Диёрбек сал аввал салом бериб сўрашган бу кишининг қувлик йилтираб турган кўзларига қараганча мажбуран мулозамат қилди:

- Келинг, ака. Биздан нима ҳизмат ?!

-Шу десанг , ука,-меҳмон ўйланган бўлиб бошини қашиди .

Диёрбек унинг мақсадига тушунмай яна сўради:

- Беҳижолат , ака. Бирор юмушингиз бор бўлса айтаверинг. Қўлимиздан келса бош устига .

Меҳмоннинг чеҳраси ёришди . Тилла тишларини ялтиратганча ёйилиб кулимсиради :

- Вей , ука, бормисан. Албатта қўлингдан келади. Бу ишга кўзим етгани учун шу ердаман-да . Хуллас , ўзингдан қолар гап йўқ. Мен бир кичиккина қурилиш бошлагандим. Атиги йигирма икки хона. Шунга қўл остингдаги ... қурилиш материалларидан бехитгина қилиб озроқ ёрдам берсанг. Сендан аввал ишлаган йигит билан ҳам озроқ олди- бердимиз бор эди. Биримиз иккинчимиздан норизо бўлиб ажрашганим йўқ. Шу десанг , буни икки тарафлама фойдали ҳамкорлик деса ҳам бўлади. Иккаламизнинг ҳам ҳурсанд бўлишимизга не етсин.

Меҳмон Диёрбекнинг юзига синчковлик билан тикилди . Диёрбекнинг юзидаги бирон туки қилт этмаган ҳолда сўради :

- Учинчимиз- чи , учинчи гувоҳни унутдингиз , ака.

- Хўжайинни айтяпсанми , ман тилимга маҳкамман ука , ҳотиржам бўлавер .

- Йўқ , у сиз айтган ҳўжайин эмас . У бошқа хўжайин. Мен Қодир Аллоҳни назарда тутаяпман. Менимча бу гапларни сизга гапириб барака топмасам керак. Хуллас ака, гапни бориям , йўғиям шу. Бу ердан яхшиликча кетганингиз маъқул. Биласизми , мени озгина ёмон одатим бор. Асабим бузилса ўзимга жавоб беролмай қоламан. Шууу. Саломат бўлсинлар ...

- Ука, тўхта , шошма ...
Меҳмон шарт бурилиб орқасига ўгирилиб кетаётган Диёрбекнинг йўлини тўсди .

Диёрбек икки қўлини белига қўйганча, меҳмонга юқоридан қаради :

- Биласизми , мен учгача яхши санайман . Учгача . Бу кўп нарсани англатади. Асосийси , учдан кейин ўзимга жавоб беролмаслигимни . Бир ... Икки...

* * *
Эртаси куни тонг сахардан Диёрбекни чангга беланган кийимлари билан...
#давоми_бор

Муаллиф: Хазонрезги
👍9
#МУТОАЛАА_ЗАВҚИ

#НОТАНИШ
(давоми)
-37-

Эртаси куни тонг сахарда Диёрбекни чангга беланган кийимлари билан зулукдек ялтираган тим қора жипга бемулозамат ўтқазишди-ю , дарров шефни ҳузурига равона бўлишди.
Диёрбек зум ўтмай ўзини киборлар даврасига мансуб, ҳашамат билан безатилган офисда кўрди. У қурилиш бошлиғини кўрмаган , фақатгина уни довруғини эшитган эди. Диёрбекдан эшигига зарҳал харфлар билан раҳбар Низомов Шерали деб ёзув илинган хонага киришини сўрашганда , дастлаб иккиланди. У кийимларига илашган чанг - чунгдан тортинган бўлди. Аммо шу ергача келдими , демак , тортиниш каби қадриятларнинг ўрни эмаслигини англади ва бошини тик кўтариб хонага кирди.
Диёрбек ўзига ишонган йигит эди. Ким ўзига ишонади , биласизми ?! Йўқотадиган нарсаси йўқ одам ўзига ишонади. Бор- йўғини йўқотиб бўлган одам ўзига ишонади. "Ёлғизнинг ёри Аллоҳ". Диёрбек кабилар ёлғиз Аллоҳнинггина паноҳида эканликларини , бундан бошқаси бекорлигини , фақат Аллоҳгина ўзи кабиларнинг ғамини ейишини , ёлғиз Аллоҳгина "кимларгадир" бас келишини билганликлари , бошидан ўтказганликлари учунгина барини Танҳо Зотнинг ўзига ўзларини ҳавола қилиб қўяқоладилар.
Диёрбекнинг ҳозирги ҳолати ҳам ана шу ўйлаганлари таъсирида эди.
У хонага киргач , кеча оқшомда ўзи билан учрашиб, қинғир келишувни таклиф этган ва савдолари пишмай ҳайр- маъзурни насия қилган нусҳага дуч келди. Саноқли сонияларда бош ирғаб салом берган Диёрбекнинг хаёлига икки хил- бири иккинчисига қарама- қарши бўлган хаёл келди.
"Бу одам шу ерни каттаси экан- да. Кечаги қилган қилиғини қаранг. Бамисли Хорун Ар - Рашиддек оддий кийимда фуқаро билан учрашишга чиққан эканлар- да. Ўзларича очко ишлабдилар" Бу дафъатан Диёрбекнинг хаёлига келган биринчи фикр эди .
" Йўғ-ей раҳбар одамнинг бошқа қиладиган иши йўқмикан?! Менимча, бу киши иши битмагани учун устимдан чақувга келган, бошлиқ бўлганда тўрда ўтирарди, бундай кирверишдаги ўриндиқда ўтирмасдан". Биринчисини инкор этувчи иккинчи фикр ҳам тезда пучга чиқди. Сабаби ушбу хонанинг ўнг тарафида яна бир хона бор экан . Ўриндиқда ўтирувчи кимса Диёрбекка қарз муомаласи салом-алигини қилгунча , ичкари хона эшиги очилиб , у ердан ўттиз беш ёшлар атрофидаги басавлат йигит чиқиб келди. Энди барча шубҳа- ю гумонларга нуқта қўйилган эди , сабаби бу йигитнинг раҳбар Низомов эканлиги ўзини тутишидан манаман деб дарак бериб турарди.
Диёрбек тик турган ҳолда раҳбарга салом берди, аммо қўлини узатмади. Ўзининг чанг уст- боши-ю , Низомовнинг кажбахс шотирлари чайиб олишга ҳам йўл бермаган оҳак юқи бўлиб ётган қўлидан уялди.
Аммо Низомов буларни кўрса-да кўрмасликка олди . У Диёрбекнинг истиқболига ўктамлик билан пешвоз чиқди- ю, унга қадрдонлардек қўл узатди .
Тез орада Диёрбек хонадаги "кечаги меҳмон" раҳбарнинг ўнг қўли Ориф ака эканлигини ҳам билиб олди. Эллик ёшларни қоралаб қўйган Ориф ака "хизматчилик, ука , "кечаги" учун бир қошиқ қонимдан кечасиз-да энди " дея ўнг қўлини кўксига қўйганча жилмайди.
👍11❤2
#НОТАНИШ
-38-

Диёрбек раҳбарнинг ҳузурида кўп қолиб кетмади. Ўн беш дақиқаларда у ердан чиқиб , ишлаб турган жойига қайтди . Энди у ўзи ёлланиб ишлаётган кенг қамровли улкан иншоотнинг қурилишини назорат қилиб турувчи ижрочи директори эди...

Раҳбар Шерали Низомовнинг эрталабдан ҳайрати ошган эди. Тонгда Диёрбек ҳақида маълумот олишга кетган йигитлари томонидан қилинган қўнғироқни кўтаргач ва шотирлари тақдим этган ахборотни эшитгач , Низомов ҳайратдан ёқасини тишлай деди- ю , аммо уддасидан чиқа олмади.
Гарчи янгалари Диёрбекни шаҳарлик бойвучча "таннозхон"га уйланганлиги ҳақидаги чўпчакка ҳаммани лаққа тушурдик деб ўйлашган бўлсалар- да , аммо ойни этак билан ёпа олмаган эдилар .
Одамлар аҳмоқ эмас. Улар "бойваччанинг қизи"га уйланган Диёрбекнинг қўллари қабариб , елкалари яғир бўлиб қурилишда ишлаб , ўша ернинг ўзида ётиб юргани хабарини бирлари бирларига етказганларида , эшитганлар косанинг тагидаги нимкосани фаҳмлагандек бўлишди. Икки киши ўртасидаги сир - сир эмас дейишади. Янгалар А ва Б режаларини тузганларида, ўзларига шерик қилиб укаларининг хотинини яхшигина ҳақ эвазига қўшиб олганларида , қилмишлари ана шу "ишонган тоғда ётмайдиган кийик" , йўғ-ей келинлари оғзидан гулланишини ҳисобини қилмаган эканлар. Гапнинг қисқаси , раҳбар - шефнинг учар йигитлари учун қишлоққа келиб, Диёрбекнинг резьюмеси, яъни таржимаи ҳолини ёзиб ташлашлари учун атиги бир соатгина вақт кетди , халос .
Улар , машҳур қизиқчи айтганидек "уни - буни қўй , хотинлар нима деяпти , хотинлар ?! " деган йиллар синовидан ўтган тажрибадан фойдаландилар ва кутилган натижага зум ўтмай эришдилар .
Шерали "Бир аёлнинг макри қирқ туяга юк бўлади" деган нақлни эшитган эди-ю , аммо бу икки янганинг қилмишини қанча туя кўтара олмай жувонмарг бўлиб кетишини билолмай , ўзи ҳам ҳайрат ботқоғига ботиб қолди. Шеф бу маълумотларни тинглар экан, Диёрбекнинг қишлоғига боргиси , у жойга боргач эса, шўрлик йигитнинг бошига итнинг кунини солган иккита ёсуман билан кўтара савдо қилгиси келиб кетди. Аммо бир оз муддат вақт ўтгач , бу масалани кейинроқ , бошқача усулда кун тартибига қўйишга қарор қилди. У янгалар билан уларнинг усулларида ўйнашга қарор қилиб қўйган эди.
Кўп ўтмай Шерали бу хаёлларини барини унутди, бунга Шоилёс келтирган маълумот унинг бор фикри- ёдини банд қилиб қўйганди .
Шоилёс уч кун аввал кимлигини сир тутган ноъмалум шахс нуфузли ҳайрия жамғармасига саккиз юз эллик миллион сўм миқдоридаги пулни савобли ишлар учун ҳадя қилганлиги тўғрисидаги маълумотни тақдим этганди . Бунча миқдордаги пулни бирор ташкилот ёки корхона эмас , балки биргина номаълум шахс тамонидан хайрия қилиниши кишини ажаблантирмай иложи йўқ эди. Аммо Шоилёс ва Шефни ажаблантирган нарса бу - охирги мағлубиятга учраган ўйинларида бой берган суммалари ҳам айнан саккиз юз эллик миллион сўмлиги эди. Икковларининг бошларида биргина учқун аланга олганди : "Скарлетт !"
👍10❤1
#НОТАНИШ
-39-

Магрупов Шаҳбознинг жиноят иши очилгач , бўлимдагилар Азизга бошқача назар билан қарашга тушишди. Бу йигит кейинги вақтларда нафақат ўзига топширилган жиноят ишларини , балки аллақачон ёпилиб , архивга топшириб юборилганларини ҳам очаётганлиги ўзидан юқоридагиларни таажжубга солиб қўйганди. Қаторасига очилган бир неча жиноий ишлар лейтенант Азиз Алиевнинг иш тажрибасини ўрганиш, уни бошқа шу каби ишларда ҳам татбиқ қилиш истагини туғдирган эди. Алиевнинг иш тажрибасини хафталаб кузатган масъул ходимлар , бу йигитчанинг ишидаги ғайрриоддийликни сезмай янада ҳайратга тушган , унинг касбий ютуқлари сири калитини топа олмасдан жумбоқлар гирдобида қолишган эди ...

* * *

- Сожида , янги кўчиб келадиган қўшниларнинг усталарига бир коса овқат чиқариб йўқласак девдим, савоб бўлади дейман- да .

Вазира опанинг сўзларини эшитган Сожиданинг кулгиси қистаб кетди :

- Бўлмайди , ая . Жанжалга сабабчи бўлиб қолманг.

- Ие , қизиқмисан , болам . Овқат берсам жанжалга сабаб бўламанми ? Мен тўғри кўнгилда чиқармоқчиман- ку овқатни ?! Халқимизда "қўшни ҳаққи" деган гаплар бор, бежизгамасдир ахир?!

- Ая , мен бир гап гапирсам билиб гапираман. Жанжал бўлишига иккита сабаб бор. Биринчидан сиз овқатни жуда ширин пиширасиз. Иккинчидан қўшни хонадонда ўнтача уста ишлаётган бўлса , сиз бир коса овқат чиқараман дейсиз. Чиқарган овқатингиз уларга урвоқ ҳам бўлмай , бир- бирини сочини юлишмасин дейман- да ...

- Вой қизим- ей, нима экан дебман. Бир коса деганим билан шунча чиқарармидим . Бир тоғора чиқарамиз . У ерда аёл киши кўринмаяпти . Демак , усталар учун ҳамир овқат тансиқ . Кел , тушликка хоним қилайлик . Усталар ҳам бошқа вилоятлардан келган . Демак , мусофир . Мусофирларнинг эса дуоси ижобат ...

Сожида аясининг гапларига эътироз билдирмади. "Қайтага яхши бўлди ,- ўйлади у ,- овқат қилиб бироз чалғийман. Мана бир неча кундан бери юрагим ўйнайверади. Ҳаво етмаётгандек, ҳудди биров бўғаётгандек. Авваллари ҳеч бу аҳволга тушмагандим. Кўзимни юмсам , қуёш чиқиб келаётган манзара кўринаверади. Қуёш билан бирга эса - У ... У беш йилдан буён кўзимга кўринади, тушларимга киради. Уни ҳар кўрганимда жуда ҳам хафа ва маъюс аҳволда кўраман. Унга қараганимда юрагим бурда - бурда бўлиб кетаверади. Аммо негадир кейинги кунларда деярли ҳар куни ёнимда юрганга ўхшайди. Гўё нафасини ҳис қилгандек бўламан. Нима учундир уни Бек деб чақираман. Бек... Ким у Бек ?! Ким ?! Ичимдаги овоз ҳар доим Бек ҳақида гапиради . Баъзан "унга жуда ёмон" дейди. Очиғи бирор марта ҳам Бекга яхши бўлганлиги ҳақида ҳис қилмаганман. Оқшомлари гуриллаб ёниб турган гулхан атрофида тиззаларини қучоқлаб , ҳазин аҳволда ўтирганини кўраман. Бек ... Сизни бир кун учратишимни , ўшанда менга янада қийин бўлишини биламан. Ўша кунларга ҳам оз қолди ... Буни ҳам қалбимдан ўқиб турибман...
Сожида шу хаёллар оғушида овқатни қандай пиширганиниям , уни сузиб усталарга қандай чиқарганиниям билмади.Уйнинг янги эгаси ҳали уйга келмаган экан. Усталар узундан- узун дуо қилиб тоғорадаги хонимни олиб қолишди.
Сожиданинг томоғидан овқат ўтмади. Уйга кириб ярим соат чўзилган эди-ки , бировнинг ширали овозда :

- Онажон ...,- деб чақирганини эшитди.
Сожиданинг юраги нима учундир дукурлаб уриб кетди. Ўрнидан аранг туриб , уй эшигини очди . Сожида дарвоза ёнида овқатдан бўшаган тоғорани ушлаб турган инсонга кўзи тушди-ю , кўз ўнги қоп- қоронғи бўлиб кетди .
Дарвоза ёнида ...

#давоми_бор

Муаллиф: Хазонрезги

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍16
🌸 8 март – Халқаро хотин-қизлар куни!

💐 Барча мўътабар онажонларимизни, меҳрибон опа-сингилларимизни, гўзалликда тенгсиз қизларимизни байрамлари билан табриклаймиз!

💐 Бахтимизга ҳар доим соғ-омон бўлишларингизни тилайман.

Яқинларга Улашинг.. 🌸

𑀝ɦᥲᴛ gᥙrᥙɦiⲙiᤁgᥲ ⲙᥲrɦᥲⲙᥲᴛ👇
@superkelinlar

┄┅┅••═•⊰👩‍🍳👩‍🍳👩‍🍳⊱•═••┅┅┄
https://telegram.me/joinchat/AAAAAER3A7dY_6JStJ_DLg
┄┅┅••═•⊰👩‍🍳👩‍🍳👩‍🍳⊱•═••┅┅┄
👍3❤1
✨🍀АССАЛОМУ АЛАЙКУМ!🍀✨
РАМАЗОННИНГ 8-КУНИ МУБОРАК БЎЛСИН!!!

🤲 Рамазон ойида ҳар бир эзгу ишларингизда Аллоҳ Ёр ва Ёрдамчингиз бўлсин!

🌟🌙 Дилда иймон, тилда бўлсин зикр саловат.
🌟🌙 Ибодатлар гуноҳларга бўлсин каффорат.
🌟🌙 Ҳажга бориб Байтуллоҳни айланг зиёрат.
🌟🌙 Борар манзилингиз бўлсин Фирдавси Жаннат.
🌟🌙 Жаннатнинг хушбўйлардан бўлинг баҳраманд.
🌟🌙 Дуодадир сиз учун қалбим ҳар соат.
🌟🌙 Дуоларим Парвардигор этсин ижобат.
🌟🌙 Хонадонни тарк этмасин файзу-барокат!

🌙 🌹Рамазоннинг таровати кун давомида сиз билан бўлсин!


Яқинларга Улашинг.. 🌸

✿•┈┈┈┈┈••ৡ🌸🌸🌸ৡ•┈┈┈┈┈•✿
🧕 Muslimalar kundaligi 👇
https://t.me/+47zmpAgeAI81NWVi
👍2❤1