Farmonov Jasur Boyqorayevich, ilmiy ishlar va innovatsiyalar bo‘yicha prorektor:

— Bugungi kunda Iqtisodiyot va pedagogika universitetida “Ilm-fan va texnologiyalarning dolzarb muammolari” mavzusidagi xalqaro ilmiy-amaliy anjuman o‘tkazilmoqda. Mazkur anjuman nafaqat respublikamiz, balki jahon miqyosida dolzarb bo‘lgan ilmiy va amaliy masalalarni muhokama qilish, mavjud muammolarga ilmiy asoslangan yechimlarni ishlab chiqish uchun muhim ahamiyatga ega.

Anjumanda nafaqat oliy ta’lim muassasalari vakillari, balki ishlab chiqarish korxonalari va turli soha mutaxassislari ham ishtirok etmoqda. Shuningdek, 30 dan ortiq xorijiy nufuzli oliy ta’lim muassasalaridan professor-o‘qituvchilar, olimlar va tadqiqotchilar tashrif buyurgan. Respublikamizdan esa yuzga yaqin nufuzli olimlar, akademiklar, professorlar va tadqiqotchilar ishtirok etmoqda.

Anjuman davomida bugungi kunda dunyo miqyosida dolzarb hisoblangan iqlim o‘zgarishi, suv tanqisligi, sun’iy intellekt, axborot xavfsizligi hamda boshqa muhim yo‘nalishlar bo‘yicha ilmiy ma’ruzalar va muhokamalar olib borilmoqda. Ushbu masalalarning ilmiy va amaliy jihatlari, mavjud muammolar hamda ularning istiqboldagi yechimlari yuzasidan fikr va tajriba almashilmoqda.

Mazkur anjumanda muhokama qilinayotgan mavzular kelgusida nafaqat universitetimizning ilmiy-tadqiqot faoliyatini rivojlantirish, balki Qashqadaryo viloyatining ijtimoiy-iqtisodiy taraqqiyotiga ham amaliy jihatdan xizmat qiladi, deb hisoblayman.

Shuningdek, anjuman professor-o‘qituvchilar, tadqiqotchilar, magistrantlar va ilmiy izlanuvchilar uchun o‘zaro tajriba almashish, yangi ilmiy g‘oyalarni muhokama qilish va xalqaro ilmiy hamkorlikni rivojlantirish borasida muhim imkoniyat yaratmoqda.

Anjuman hali davom etmoqda. Uning yakunlari bo‘yicha ilmiy va amaliy jihatdan muhim takliflar shakllantirilishiga hamda ular kelgusidagi ilmiy-tadqiqot faoliyatida o‘zining ijobiy natijasini berishiga ishonamiz.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa