Xalqaro ilmiy-amaliy anjuman mehmonlari kutib olindi

Bugun, 8-oktabr kuni Iqtisodiyot va pedagogika universitetida “Ilm-fan va texnologiyalarning dolzarb muammolari” mavzusidagi xalqaro ilmiy-amaliy anjuman boshlandi.

Anjuman munosabati bilan mamlakatimizning turli hududlari hamda xorijiy davlatlardan tashrif buyurgan professor-o‘qituvchilar, olimlar, tadqiqotchilar, tayanch doktorantlar, magistrantlar, talabalar va soha mutaxassislari universitet jamoasi tomonidan munosib kutib olindi.

Tadbirning ochilish marosimida Iqtisodiyot va pedagogika universiteti rektori, texnika fanlari nomzodi, professor Otabek Nashvandovich Bozorov so‘zga chiqib, anjumanning mazmun-mohiyati, ilmiy ahamiyati va xalqaro ilmiy hamkorlikni rivojlantirishdagi o‘rni haqida fikr bildirdi hamda barcha ishtirokchilarga muvaffaqiyat tiladi.

Shuningdek, tashrif buyurgan mehmonlarga universitetning ilmiy salohiyati, ta’lim jarayoni, zamonaviy infratuzilmasi hamda ilmiy-tadqiqot yo‘nalishlari haqida ma’lumotlar berildi. Ishtirokchilarning samarali ilmiy muloqot olib borishi va o‘zaro tajriba almashishi uchun zarur sharoitlar yaratildi.

Xalqaro ilmiy-amaliy anjuman doirasida aniq, muhandislik, tabiiy hamda ijtimoiy-gumanitar fanlarning dolzarb masalalari muhokama qilindi. Ilmiy izlanishlar natijalari, zamonaviy yondashuvlar va innovatsion ishlanmalar yuzasidan fikr almashildi.

Uch kun davom etadigan mazkur xalqaro ilmiy anjuman olimlar va tadqiqotchilar o‘rtasida ilmiy hamkorlikni rivojlantirish, ilg‘or tajribalarni ommalashtirish, yangi ilmiy g‘oyalarni ilgari surish hamda xalqaro aloqalarni yanada mustahkamlashga xizmat qiladi.

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa

Iqtisodiyot va pedagogika universitetida “Ilm-fan va texnologiyalarning dolzarb muammolari” mavzusidagi xalqaro ilmiy-amaliy anjuman o‘z faoliyatini boshladi.

Anjuman Iqtisodiyot va pedagogika universiteti rektori, texnika fanlari nomzodi, professor Otabek Nashvandovich Bozorovning kirish nutqi bilan ochildi. Rektor o‘z chiqishida ilmiy anjumanning dolzarbligi, ko‘zlangan maqsadlar, ilmiy tadqiqotlarning jamiyat taraqqiyotidagi o‘rni hamda xalqaro hamkorlikni yanada kengaytirish istiqbollari haqida so‘z yuritib, ishtirokchilarga muvaffaqiyat tiladi.

Tadbirning tabrik qismida O‘zbekiston Respublikasi Oliy ta’lim, fan va innovatsiyalar vazirligi huzuridagi Innovatsion rivojlanish agentligi Qashqadaryo viloyati hududiy bo‘limi boshlig‘i Abduazizov Laziz Abduaziz o’g’li, “O‘zbekneftgaz” AJ “Sho‘rtan gaz-kimyo majmuasi” MChJ direktori Aslanov Shuhrat Choriyevich hamda “O‘zbekneftgaz” AJ Sho‘rtan neft va gaz qazib chiqarish boshqarmasi boshlig‘i Ne’matov Zoxid Begmatovich so‘zga chiqib, ilm-fan, innovatsiya va ishlab chiqarish o‘rtasidagi uzviy hamkorlikning muhim jihatlari xususida fikr bildirdilar.

Anjumanda mamlakatimiz va xorijiy davlatlarning yetakchi oliy ta’lim muassasalari vakillari, taniqli professorlar hamda akademiklar ilmiy ma’ruzalari bilan qatnashdilar.

Jumladan, O‘zbekiston Respublikasida xizmat ko‘rsatgan fan arbobi, O‘zbekiston Respublikasi Fanlar akademiyasi akademigi, iqtisodiyot fanlari doktori, professor Saidahror Saidahmedovich G‘ulomov, Qozog‘iston Respublikasining M. Auezov nomidagi Janubiy Qozog‘iston davlat universiteti professori, Qozog’iston Respublikasi Davlat mukofoti laureati, kimyo fanlari doktori Kazim Sadykovich Nadirov, AQSHning Kolorado davlat universiteti qurilish va atrof-muhit muhandisligi kafedrasi professori Robert Ettema, Pokistonning Sindh qishloq xo‘jaligi universiteti professori Muhammad Ismail Kumbhar o‘z chiqishlari bilan ishtirok etdilar.

Shuningdek, Toshkent Davlat Agrar universiteti professori, iqtisodiyot fanlari doktori (DSc), akademik Saidasror Saidahmedovich G‘ulomov, Indoneziyaning PGRI Semarang universiteti rektori, professor Sapto Budoyo, Rossiyaning Qozon federal universiteti Madaniyatlararo kommunikatsiya instituti, I. A. Boduen de Kurtene nomidagi Chet tillar va tarjima oliy maktabi professori va dekani Elzara Vasilovna Gafiyatova, Toshkent Amaliy Fanlar universiteti professori Baxtiyor Rajabovich Mengliyev hamda Hindistonning EIILM-Kolkata dotsenti Supriya Paul anjumanda o‘z ilmiy qarashlari va tajribalari bilan o‘rtoqlashdilar.

Anjumanda xorijiy mutaxassislarning bevosita va onlayn shaklda ishtirok etishi ilmiy muloqot ko‘lamini yanada kengaytirib, xalqaro tajriba almashish uchun muhim imkoniyat yaratdi.

Tadbir davomida aniq, muhandislik, tabiiy hamda ijtimoiy-gumanitar fanlarning dolzarb masalalari, zamonaviy ilmiy yondashuvlar, innovatsion ishlanmalar va tadqiqot natijalarining amaliy ahamiyati yuzasidan fikr almashildi.

Uch kun davom etadigan xalqaro ilmiy-amaliy anjuman mahalliy va xorijiy tadqiqotchilar o‘rtasidagi hamkorlik aloqalarini mustahkamlash, ilmiy tajribalarni o‘zaro almashish, istiqbolli innovatsion tashabbuslarni ilgari surish hamda ilm-fan va ishlab chiqarish integratsiyasini yangi bosqichga olib chiqishga xizmat qiladi.

Iqtisodiyot va pedagogika universiteti — ilm-fan, innovatsiya va xalqaro hamkorlik sari dadil qadam!

📞Aloqa markazi:
+998752306060 (Qashqadaryo)
😎 Yozish
+998557056060 (Samarqand)
😎 Yozish

💠Litsenziya Nº 194419 25.12.2023

📍Manzil: Qarshi shahri, Gungon MFY, Jayxun ko‘chasi, 11A-uy

📍Manzil: Samarqand viloyati, Samarqand tumani, Jo‘yi soy MFY, Yasmin ko‘chasi, 11-uy

🕊 Telegram|📱 Instagram|🌍 Web-sahifa