#Одоб

Қариндошлик алоқасини узганнинг гуноҳи

عَنْ جُبَيْرِ بْنِ مُطْعِمٍ؛ أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّم يَقُولُ: «لَا يَدْخُلُ الْجَنَّةَ قَاطِعُ رَحِمٍ».

Жубайр ибн Мутъимдан ривоят қилинади:

«Расулуллоҳ соллаллоҳу алайҳи васалламнинг «Қариндошлик алоқасини узган одам жаннатга кирмайди», деганларини эшитганман».

Шарҳ: Силаи раҳмни узиш ана шундай катта гуноҳдир, инсоннинг жаннатга кирмай қолишига сабаб бўладиган гуноҳ ишлардандир. Аллоҳ таоло бундан Ўз паноҳида асрасин.

عَنْ أَبِي هُرَيْرَةَ يُحَدِّثُ عَنْ رَسُولِ اللهِ صَلَّى اللهُ عَلَيْهِ وَسَلَّم قَالَ: «إِنَّ الرَّحِمَ شُجْنَةٌ مِنَ الرَّحْمَنِ، تَقُولُ: يَا رَبِّ! إِنِّي ظُلِمْتُ، يَا رَبِّ! إِنِّي قُطِعْتُ، يَا رَبِّ! إِنِّي... إِنِّي... فَيُجِيبُهَا: أَلاَ تَرْضَيْنَ أَنْ أَقْطَعَ مَنْ قَطَعَكِ وَأَصِلَ مَنْ وَصَلَكِ؟»

Абу Ҳурайрадан ривоят қилинади:

«Расулуллоҳ соллаллоҳу алайҳи васаллам шундай дедилар:

«Раҳм Роҳмандан олинган. У: «Эй Роббим! Менга зулм қилинди. Эй Роббим! Мени узишди. Эй Роббим! Мени…, мени…» дейди. «Сени узганни узишимдан, сени боғлаганни боғлашимдан рози бўласанми?» дейди У Зот».

Шарҳ: Демак, бу дунёда қариндошлик алоқасини узганлардан қиёмат куни Аллоҳ таоло алоқани узар экан, силаи раҳм қилганларга эса раҳм қилар экан. Бу ҳам силаи раҳмни узиш оғир мусибат эканини, бундай қилганлар қиёматда жуда оғир ҳолатда бўлишини, Аллоҳ таолонинг раҳматидан маҳрум бўлишини билдиради.

🔗 Тўлиқ ўқиш

Дин ишлари бўйича қўмитанинг 4380-сонли хулосаси

🕋 @islomuz

#Силаи_раҳм

Молни қарзга бериш ҳақида

«Қарз» луғатда «қирқиш» деган маънони билдиради. Чунки қарз берувчи ўз молидан маълум бўлакни қирқиб, қарзга беради.

Шариатда эса бошқа кишига бир нарсани унинг бадалини қайтариб бериш шарти билан мулк қилиб беришдир.

Демак, қарзга олинган нарса қарзга олувчининг мулкига айланади. Уни хоҳлаганича ишлатади. Қарз берувчига эса бадалини берса бас.

🔗 Тўлиқ ўқиш

Дин ишлари бўйича қўмитанинг 2022 йил 5 октябрдаги 03-07/7613-сонли хулосаси

🕋 @islomuz

Zikrlarning eng afzali..

Ustoz Ismoil Muhammad Sodiq

🕋 @islomuz

Туркиялик муҳандиснинг маҳорати

1997 йилда туркиялик аудио муҳандис Аҳмад Текин Топуздаг умра ибодати учун Мадинага борди. У Масжидун Набавий ичидаги овознинг етарлича аниқ эшитилмаётганини, акс-садо ва «қайтариқ» (feedback) жуда кўплигини пайқайди.

Овоз узатгичдаги муаммоларни бартараф этиш мақсадида масжид маъмурияти билан гаплашиб, маҳоратини синаб кўриш учун ишга киришди. Унга бир бўлим ажратиб берилди. Натижа шу қадар сезиларли даражада бўлдики, маъмурият муҳандисдан бошқа масжиддаги овоз тизимини ҳам тўғрилаб беришини сўради.

⛓️ Тўлиқ ўқиш

🕋 @islomuz

#Уламолар

Зайнуддин Омидий — кўзи ожизлар учун илк ёзув муаллифи

Тўлиқ исми ва таваллуди

Зайнуддин Абул Ҳасан Алий ибн Аҳмад ибн Юсуф ибн Хизр Омидий Шом ўлкасида, ҳозирги Туркиядаги Диёрбакр шаҳрининг Омид минтақасида туғилган. Таваллуд санаси, илмий фаолияти ҳақида батафсил маълумотлар йўқ.

Синов

Зайнуддин Омидийнинг ҳам кўзи болалик чоғида ожиз бўлиб қолган.

Илм йўли

Зайнуддин Омидий Бағдодда туғилиб-ўсган, ёшлигидан Қуръони Каримни ёдлаб, қироат устози Маждуддин Абдуссомад ибн Абул Жайшдан, яна бошқа кўплаб йирик уламолардан таълим олган. У фиқҳни, араб тилини чуқур ўзлаштириб, ҳанбалий мазҳабининг йирик фақиҳларидан бўлиб етишган, Бағдоддаги Мустансирия мадрасасида сабоқ берган.

Омидий зеҳни ўткир, хотираси кучли бўлгани учун турк, форс, рум ва мўғул тилларини тезда ўзлаштирган. Шунингдек, туш таъбирларини ҳам яхши билган, бу ҳақда китоб ҳам ёзган.

🔗 Тўлиқ ўқиш

Дин ишлари бўйича қўмитанинг 2025 йил 11 июндаги 03-07/3368-сонли хулосаси

🕋 @islomuz

#Жаннат_райҳонлари

Тиканли дарахт

Якшанба куни эди, сартарошхонадан келаётсам, маҳалламиз болалари тўпланиб олиб, ким биландир даволашиб туришибди. Баъзиларининг қўлида тош, баъзиларида узун сўйил. Ҳа, астойдил. Болалар жанг ҳолатида. Мени ажаблантиргани, улар орасида сен ҳам бор эдинг. Ҳаммаларингиз уч бирдек кап-катта одамларни ўраб турардинглар. Нарироқда кранли машина ҳам кўринди. Катта ёшдагилар ҳам қуролланган, бирининг қўлида болта, иккинчисининг қўлида парракли арра.

Маълум бўлишича, катта ёшли одамлар кран билан кўча четидаги қадимги бир тиканли дарахтни кесгани келишган экан. Жуда яхши бўлибди-да дедим ичимда. Чунки бу дарахт менга ҳам ёқмасди. Ёзда барг чиқариб, турқини сал яширган бўларди‑ю, аммо кеч куз, қиш бўйи узун бир тўнкага ўхшаб, жуда хунук кўринарди. Ҳосили тўкилмас, сал шамолга шақир‑шуқур овоз чиқариб, түндө ўтганнинг ўтакасини ёрарди. Мен бу дарахтнинг қадимдан яшаб келишига унинг тиканлари сабаб деб билардим. Ҳар тиканки нақ бир қарич‑бир қарич келади, бутун танасини қоплаган. Бу дарахт нимага ҳам ярарди, ким ҳам кесарди? Дарахт устидан маҳалламиздаги бир отахон ҳокимиятга ёзибди. Дарахт гуллаганда аллергияси қўзир экан.

🔗 Тўлиқ ўқиш

Дин ишлари бўйича қўмитанинг 2026 йил 30 июндаги 03/07/5311-сонли хулосаси

🕋 @islomuz

Ўзбекистон Республикаси президентининг ўқитувчи ва мураббийларига табриги

Муҳтарам устоз ва мураббийлар!

Аввало, ўз ҳаётини дунёдаги энг улуғ ва шарафли ишга – ёш авлод тарбиясига бағишлаб келаётган сиздек мўътабар зотларни, юртимиздаги барча педагог ходимларни 1 октябрь – Ўқитувчи ва мураббийлар куни билан чин юракдан муборакбод этаман.

Ушбу қутлуғ айёмда Янги Ўзбекистонимизнинг куч-қудрати ва салоҳияти, қўлга киритаётган улкан ютуқ ва марраларимиз, қалбимиздаги олижаноб фазилатларнинг безавол манбаларидан бири бу билим-маърифат, тарбия ва маданият эканини янада чуқур ҳис этамиз. Азиз фарзандларимизни айни шу руҳда тарбиялаб, Ватанимиз равнақига муносиб ҳисса қўшиб келаётган барча заҳматкаш муаллимларимизга, устоз-домлаларимизга самимий миннатдорлик билдириб, чексиз ҳурмат ва эҳтиром билан таъзим қиламиз.

🔗 Тўлиқ ўқиш

🕋 @islomuz

🎉 Bayramingiz muborak, aziz ustozlar!
 
Alloh taolo Qur’oni Karimning ilk nozil bo‘lgan oyatida shunday marhamat qiladi:

«O‘qing (Ey, Muhammad! Butun borliqni) yaratgan zot bo‘lmish Rabbingiz ismi bilan!» (Alaq surasi, 1-oyat).
Rasuli Akram sollallohu alayhi vasallam ummatlariga beshikdan qabrgacha ilm izlashni buyurganlar. Chunki ilm ruhning ozuqasidir. Insoniyat ilm bilangina Allohni taniydi, haqiqiy saodatni qo‘lga kiritadi, uning sharofati bilan yuksaladi.
 
Ilm olishdagi eng mas’uliyatli va og‘ir mehnat ustozning sa’y-harakati, g‘ayrati va matonati bilan amalga oshadi.
 
Ustoz insonga nafaqat ilm beradi, balki o‘sha ilm olish uchun ajratilgan bebaho neʼmat — vaqtning qadriga yetishni ham o‘rgatadi.
 
Ustozlar tarqatgan ilm ularning vafotidan keyin ham savob keltiraveradi.

Har bir insonning komil shaxs bo‘lib voyaga yetishida, yetuk kasb egasi bo‘lib jamiyatda o‘z o‘rnini topishida ustoz-murabbiylarning o‘rni juda ham muhimdir.

Shuningdek, jamiyatning ma’naviy-ma’rifiy darajasi ham ustoz va murabbiylarga bo‘lgan munosabatga qarab baholanadi.
 
Ustozni qadrlagan, ularning mehnatini eʼzozlagan xalq, shubhasiz taraqqiyotga, maʼrifatga erishadi.
 
Islom.uz portali jamoasi barcha ustoz va murabbiylarni umumxalq bayrami 1-oktyabr Ustozlar va murabbiylar kuni bilan samimiy muborakbod etadi. Barchangizga sihat-salomatlik, baxt-omad, xonadoningizga tinchlik-xotirjamlik, fayzu baraka tilaydi. Aziz ustozlar, siz sababli minglab insonlar o‘z yo‘lini topadilar, ilm zinapoyalaridan ko‘tariladilar, ertangi kunga umid bilan qaraydilar. Sizlarning ilm-ma’rifat ziyosini taratishdek vazifangiz shu qadar savobi ulug‘ amalki, hatto borliqdagi hamma narsa haqqingizga duo qilib turadi. Bu haqda Rasululloh sollallohu alayhi vasallam: «Albatta, Alloh taolo, Uning farishtalari, osmonlaru yer ahli, inidagi chumoli, hattoki, dengizdagi baliq ham odamlarga yaxshilikni ta’lim beruvchiga salavot aytadilar», deganlar.
 
🕋 @islomuz

#Ҳаж

Муҳассаб

Ушбу жой Макканинг юқори қисмидаги Мино билан Мунҳаний оралиғидадир. Бу ер селхона бўлиб, ўзида тошларни жамлагани учун «Муҳассаб» деб номланган. Бу ўрин яна Бану Кинона тоғ ёнбағри ва Абтаҳ деб ҳам номланади. Қурайш билан Бану Ҳошим ўртасида мана шу жойда битим тузилган.

Расулуллоҳ соллаллоҳу алайҳи васаллам ва баъзи саҳобалар Макка фатҳ этилган куни ва видолашув ҳажида шу жойга келишди. Келишдан мақсад, кофирлар ўз шиорини изҳор қилиб, Аллоҳ ва Расулига адоватини билдирган ўринда Ислом шиорини изҳор қилишдир. Шунингдек, бўлиб ўтган нарсаларни эслаш, Аллоҳ буюк фатҳни берганига ва Маккадан чиқариб юборишга уринишлар бўлишига қарамасдан, Маккага бемалол кирилгани учун Аллоҳга шукр қилиб, мусулмон бўлган кишиларга унинг муқобилида яхшиликлар етганининг рамзий бир кўринишидир.

🔗 Тўлиқ ўқиш

Дин ишлари бўйича қўмитанинг 2022 йил 7 сентябрдаги 03-07/ 6905-сонли хулосаси

🕋 @islomuz