Kaspi табысты қайдан алады?

Бұл жерде кіріс үштіктен тұрады:
1️⃣Marketplace
2️⃣Fintech
3️⃣Payments

Осы үштіктің кірісі компания есебінедегі (GMV) үлесі бойынша есептелген. Сондықтан ауытқу болуы мүмкін. Айналым≠кіріске тең емес. Дегенмен табыс қай саладан келетінін анықтауға жақсы құрал.

🙃ҚМГ бір айдың ішінде нарықтық құны +5 млрд долларға өсті.

Бүгін мәжілісте ҰЭ министрі 👤Жұманғарин

Мемлекеттік кепілдікті енді мемлекеттік емес ұйымдарға беру мақсатымыз бар

деп айтып қалды.

Үкімет институционалды инвесторлардың қаржысын жеке секторға тарту үшін мемлекет кепіл бермек. Ұзын ақша.

Жылдың басында мемлекеттің борышы 72,5 млрд доллардан асты

🇮🇷Ирандағы қақтығыс. Үш сценарий

🙃комментарий

Демалыс күндері және бүгін қақтығыс бойынша шығып жатқан ақпараттарды бақыладым. Ірі инвестициялық үйлердің көбі демалыста болғанда, ақпараттар ашығын айтқанда әлсіз болды - тақырыптар сараптамадан басым түсіп жатты. Бүгін жағдай жақсарды. Естіген, көрген және оқыған дүниелерім бойынша талдауымды жариялаймын. Мәтін көлемді болғандықтан, екі бөлімге бөлдім. Қысқартпауды жөн көрдім. Бүгін - ретроспективті талдау, ертең -нарықтар туралы.



Неге дәл қазір?

Стратегиялық тұрғыдан: Иран бұл кезеңге тәртіпсіздіктер мен оларды қатаң басып-жаншудан кейінгі тарихи әлсіз күйінде келді. Сыртқы ойыншылар осыны пайдалануды шешті. Сонымен қатар, саяси жүйелілік мотиві бар: Трамп өзіне міндеттемелер (жауапкершілік) алды, егер әрекеттен бас тартса, сенім мәселесі туындар еді.

Тактикалық тұрғыдан: Нүктелі соққы жасау мүмкіндігі туды. Барлау мәліметтері ел басшылығының нақты бір уақытта жиналатынын көрсетті, одақтастар бұл мүмкіндікті пайдаланып, соққы берді.

Иран не істеп жатыр және бұл қарқынды қанша уақыт ұстап тұра алады?

Иран бұл қақтығысқа маусым айындағыдан қарағанда жақсырақ дайындалған. Билік әскери мүмкіндіктерді шоғырландырып, шешім қабылдау жүйесін төзімділік үшін әр жаққа таратты. Әскери сарапшылар: "Иран қорғаныс шебіне өтті және солай қалады, олар соққыларға төзе береді және АҚШ-тың оқ-дәрісі таусылғанша күтеді" дейді. Бұл модель FT мақаласында егжей-тегжейлі сипатталған.

Сонымен бірге, Иран аймаққа соққылар беруде. Бұл соққылардың қисындылығы (рационалдылығы) күмәнді. Мүмкін, бұл Парсы шығанағы елдерін АҚШ-пен ынтымақтастықты шектеуге мәжбүрлеу үшін қорқыту әрекеті шығар. Бірақ бұл соққылардың ауқымы мен дәлдігі мұндай нәтижеге жету үшін жеткіліксіз, тіпті бұл олардың өздеріне қарсы жұмыс істеп, кері реакция тудыру қаупі бар.

Әзірге Иран тәртіппен әрекет етуде, қарқындылықты бірнеше апта бойы ұстап тұра алады. Жекелеген соққылар кейін де болуы мүмкін, бірақ қазіргі деңгейде емес.

Режимді өзгерту: Неге бұл мәселе тек әуеден шешілмейді?
Режимді өзгерту үшін дерлік әрдайым әуе операциясы қажет. 1990-жылдардағы Югославиядағы әуе науқанын қоспағанда, әскери сарапшылар: "Біз тек әуе соққылары арқылы режим ауысқанын көрген емеспіз" дейді. Пентагон АҚШ-тың құрлық әскерін кіргізу жоспары жоқ екенін мәлімдеді, кейінірек Трамп мұндай мүмкіндікті жоққа шығармады. Бірақ әзірге бұл нақты сценарийден гөрі саяси сигналға көбірек ұқсайды.

Нарықтар бұл шектеуді жиі ескермейді. Егер жерүсті компоненті болмаса, онда түпкі мақсаттар не шектеулі болуы керек, не Иранның ішкі динамикасына арқа сүйеуі тиіс. Қазірше үш сценарий бар, мен оларды тәуекелдер картасының негізі ретінде ұстар едім:

Бірінші сценарий: Иранның "төзімділік стратегиясы" іске асады, ол "соққыны қабылдап, шыдайды". Ал АҚШ мақсаттарға қол жеткізілгенін (негізгі тұлғаның көзі жойылды, ядролық нысандар мен баллистикалық мүмкіндіктер әлсіреді) тіркейді де, бірнеше аптадан кейін жеңісті жариялап, кетуге мүмкіндік алады.

Екінші сценарий: Иран элитасының ішкі трансформациясымен және келіссөзге қабілетті прагматикалық тұлғаның пайда болуымен байланысты. Соңғы 30 жылда қазіргі көшбасшы АҚШ-пен кез келген конструктивті байланысқа кедергі ретінде қабылданды. Оның шеттетілуі бұл кедергіні алып тастайды, бірақ қазіргі құрбандар деңгейі мен екіжақты қатыгездік жағдайды тез өзгертуге мүмкіндік бермейді. Мұнда Сарапшылар ассамблеясына (мұрагерді тағайындайтын орган) назар аудару керек. Үміткерлердің қысқа тізімі туралы ақпарат шығып жатыр. Қатаң бағытты ұстанатын Моджтаба Хаменеидің (жоғарғы көшбасшының ұлы) сайлануы курстың өзгеруін жоққа шығарады. Балама ретінде прагматик саналатын қалыпты тұлғалардың есімдері аталуда.

Үшінші сценарий: "Ішкі жарылысқа" ставка жасау, яғни ирандықтардың өздері көтеріліске шығуы. Қазір бұл екіталай болып көрінгенімен, мынадай сөз бар: "Революциялар болғанға дейін мүмкін емес болып көрінеді, ал болғаннан кейін -болмай қоймайтындай көрінеді". Әзірге ұйымдасқан қарсылық белгілері байқалмайды, бірақ кім білсін.

Шығанақ елдері, милитаризация және Ормуз
Шығанаққа жасалған соққылар аймақтың милитаризациясына және қорғаныс шығындарының өсуіне әкеледі. Бұл аймақ пен капитал ағыны үшін орта мерзімді тәуекел, өйткені қауіпсіздік сезімі өзгереді.

Иран бастапқыда мұнай инфрақұрылымына соққы бермеді, өйткені бұл экономикалық тұрғыдан қауіпті деп санады. Оның экономикасын қазір Қытайға мұнай экспорты ұстап тұр. Бұл Қытай мен Ресей кемелерінің (соның ішінде "көлеңкелі флоттың") өтуі туралы хабарларды түсіндіреді. Сондықтан Иран Ормуз бұғазын толық жаппайды, өйткені оның өзіне бұл жол қажет. Басты тәуекел — бұғаздың заңды түрде жабылуы емес, сақтандыру бағасының қаншалықты өсетіні және азаматтық тасымалдаушылардың тәуекелге баруға дайындығында. Қазірше сақтандыру жоқ, тасымалдау құны өте жоғары.

🇺🇸Вашингтон, уақыт және саясат
Трамп демалыс күндері әртүрлі пікір айтты, бірақ жиынтықтай келгенде бұл бір аптадан бір айға дейінгі уақыт аралығын көрсетеді. Нарықтар үшін бұл болжам емес, Трамптың қазіргі ойлау шеңбері ретінде жеткілікті.

АҚШ ішінде әскери науқанды қолдау деңгейі жоғары емес (сауалнамалар бойынша 25%-дан 50%-ға дейін). Науқан неғұрлым ұзаққа созылса, қолдаудың төмендеу қаупі соғұрлым жоғары болады.

Бақылайтын негізгі триггерлер:

1️⃣Егер риторика "режимді өзгертуге" аусса — науқан ұзақ болады.

2️⃣Егер фокус ядролық бағдарлама, ракеталар мен дрондар сияқты нақты мақсаттарда қалса — мерзім қысқарақ.

3️⃣Энергия ресурстарының бағасы: Әкімшілік жанармай инфляциясына өте сезімтал болады, өйткені бұл — саяси тұрғыдан "улы" фактор.

🇰🇿Ұлттық банк тағы да "кілтті" бұрамады: 18% деңгейінде қалдық!

Бас банк бүгін кезекті шешімін шығарды. Базалық мөлшерлеме -18%. Бұл біз үшін нені білдіреді және Ұлттық банк неге мұндай қадамға барды? Ең бастысын қысқа-нұсқа түсіндіріп өтейік:

✳Неге төмендетпеді?
Негізі, дүкендегі бағаның өсуі (инфляция) баяулап жатыр -қазір 11,7%. Бірақ ақпан айының өзінде ғана бағалар күрт 1,1%-ға секіріп кеткен. Сондықтан Ұлттық банк:

"Әлі ерте, бағаны толық ауыздықтамайынша, ақшаны арзандатпаймыз"

деп отыр.

🔴Жақсы жаңалықтар бар ма?

Азық-түлік пен қызмет көрсету бағасы бұрынғыдай "ұшып" жатқан жоқ, қарқыны сәл бәсеңдеген.

Теңге бағамы нығайып, халықтың "несиеге өмір сүруі" де аздап азайған.

Мемлекет коммуналдық төлемдер мен жанармай бағасын уақытша ұстап тұр, бұл да инфляцияға дем бермейді.

🌍Сыртқы әлемде не болып жатыр?

Мұнай: Таяу Шығыстағы соғыс мұнай бағасын жоғары ұстап тұр. Бірақ банк болашақта баға 1 баррель үшін 60 долларға дейін түсуі мүмкін деп сақ отыр.

Әлем: Ресейде инфляция әлі де жоғары, ал АҚШ пен Еуропада жағдай тұрақтанып келеді.

📅 Болжам қандай?

Биыл: Жыл соңына қарай инфляция 9,5-11,5% арасында болады.

Мөлшерлеме қашан түседі?
Егер ешқандай "тосын сыйлар" (шоктар) болмаса, 2026 жылдың екінші жартыжылдығында Ұлттық банк мөлшерлемені төмендетуді бастауы мүмкін. Бас банк нарыққа екінші мәрте сигнал берді

Ұлттық банк теңгенің бір доллар үшін 400 теңгеге дейін нығаюына сенбейді

«Реалистік сценарийлерде біз 400 деңгейін қарастырмаймыз. Экономика мен өнеркәсіп экспортты соншалықты ұлғайтып, импортты айтарлықтай қысқартып, нәтижесінде теңгенің бір доллар үшін 400 деңгейінде қалыптасуына жеткізуі екіталай»,

– деді 👤 ҚР ҰБ төрағасы.

Оның айтуынша, Ұлттық банк теңге бағамының 500 теңге маңында 5–7% шамасында ғана құбылуын ықтимал деп санайды.