Өзгелердің үйіне соқыр хәлде кіріп, мылқау хәлде шық! Ешқашан сынаушы болма!

Үй иесі берген тамақты жеу керек. Ұнамаса, оныңды білдірмей, стақанға (кесеге) ерніңді тигізіп, тым болмаса нан жеп, көңіліңіз ырза екенін көрсету керек.

Дастарқанда жоқ затты сұрамау керек. Үй иесі қоюды ұмытып кеткен болса да. "Неге қант жоқ, қант бар ма? Қантсыз шай іше алмайтын едім" деу т.б. - әбестік.

Көшеде жүргенде біреудің үйін тесіктен аңдып қарауға болмайды. Егер есігін әдейі ашып қойса, көрген көзде жазық жоқ, бірақ сонда да қарамауға тырысқан азбал.

Біреудің үйіне кірерде үш рет арасына кідіріс жасап тоқылдатып, рұқсат сұрау керек. Үшеуінде де дыбыс шықпаса, рұқсат берілмесе, олардың үйде екенін білсең де кірмеуің керек. Олар адам күтіп алатындай жағдайда болмауы мүмкін.

Дастарқан басындағы және қонаққа баруға қатысты қарапайым әдептерді "Дастарқан әдебі" кітабынан оқи аласыз.

Тапсырыс беру үшін сілтеме: https://clck.ru/3MdbNy

Сапарға дайындық

Алла елшісі (Алланың сәлемі мен игілігі болсын) Әбу Зәррдан: «Сапарға шығарда дайындық жасайсың ба?» - деп сұрайды. Әбу Зәрр: «Әлбетте», - деп жауап береді. Пайғамбарымыз: «Қиямет күнінің сапары қандай болады? Маған құлақ салшы, сол күні саған пайдасы тиетін нәрсені айтайын ба?» - дейді. Әбу Зәрр: «Уа, Расулалла, ата-анам сенен садақа кетсін, айтшы», - деді.

Алла елшісі: «Қайтадан тірілу күні үшін аптапты күндерде ораза ұста. Қабірдегі жалғыздық үшін түн қараңғылығында екі рәкат намаз оқы. Қияметтің үлкен белгілері үшін бір мәрте қажылық жаса және мұқтаж кісіге садақа бер. Сөйлесең орынды сөйле немесе жаман сөзден тіліңді тый», - деп айтты.

«Жүрек сырлары» кітабынан
Тапсырыс беру үшін сілтеме: https://clck.ru/3MdbNy

Бақыт туралы кім не айтқан?

«Талап, еңбек, терең ой, қанағат, рақым — ойлап қой, бес асыл іс көнсеңіз» - Абай үшін бақыт — надандықтан, жалқаулықтан арылып, ғылым-білім, ақыл-ой арқылы кемелдену.

«Кел, балалар, оқылық, оқығанды көңілге ықыласпен тоқылық» - Ыбырай үшін бақыт — еңбек пен білімде. Халықтың бақытты болуы — сауатты, тәрбиелі ұрпақ өсіруде.

«Біз бақыт үшін жаралсақ та, тағдыр біздің еркімізге көп нәрсені бермейді екен» - Шұғаның белгісіндегі» Шұғаның ойынша бақытқа жету жолында кедергілер — ескілік, теңсіздік.

"Құлагер, атаң тұлпар, анаң сұңқар,
Соғып ем семізінде сегіз арқар.
Сен едің жан атым да, қанатым да,
Табылмас енді маған сендей тұлпар!" - Ақан сері үшін бақыт — еркіндік, өнер, табиғатпен үндестік. Құлагердің өлімі — нағыз бақытсыздық.

«Бақыт — туған еліңнің азат күнін көру» - «Тар жол, тайғақ кешу» еңбегінде Сәкеннің ойынша халықтың бостандығы, теңдігі — ең үлкен бақыт.

«Бақыт деген тек еркек атағына қарап келмейді» - Ғабит Мүсіреповтың Ұлпаны әйел бақыты, отбасы бақыты үшін күреседі. Бірақ қоғамдық теңсіздік оның арманына кедергі.

«Бақыттың мәні – парасаттылықта, әркімнің өз алдына игілікті мақсат қоя білуінде. Адамның өз мінез-құлқын, іс-әрекетін ерікті түрде өзгертіп, игілікке бағыттап отыруында» - Әл-Фараби осылай дейді.

Ал Ғазали бақыт формуласына тұтас бір кітап арнаған. Ол кітапты дәл қазір тапсырыс беріп, оқи аласыз. Тапсырыс беру үшін сілтеме: https://clck.ru/3MdbNy

Махаббат дәмін татпаған, жар сүйіп, қызығын көрмеген, үйін ойлап дүние таппаған, ойсыз-қамсыз шайтандыққа бой алдырғаннан иман қашады.

(с) Ахмет Яссауи

Қай кітаптан алынған үзінді?

Шаншып-ақ тастаймыз ғой деп төніп келгенде:
– Менің атым әйел, мына қыздың анасымын! Бәрің де анадан тудындар! Анамен алыспайды да, атыспайды да. Нең бар еді менің жалғызымда? Кел, ботам, өзіме! – дегенде қолымдағы қыздың қалай ыршып кеткенін білмеймін, секіріп барып шешесінің мойнына асылды, – дейді. – Терімізге сыймай, қабағымыздан қан жауып тұрған бізде жұмысы да жоқ, шешесі қызын, қызы шешесін жұбатып өзді-өзі болды да қалды. Сол кезде манағы Кейкі шыдамай кетіп:
– Батыр, лұқсат етсең, екеуін екі тайға теңдеп алып жүрейін. Қызы қатынға, шешесі отынға жарар, – дейді.
Жалпақ Кейкіге қарап, алақандай көзін бір төңкереді де:
– Жаным, сен неткен жансың? Сені қазақтың қатыны шығар да, өзімді батыры шығар деп ойлаймын… Жөніңді айтшы! – дейді әйелге.
– Батыр, атыңнан түс! Артыңнан қуып келетін ешкім де жоқ. Сен бұл елді шабуға келсең, бұл ел де басқа бір елді шабуға кеткен. Асықпай-ақ айдап бар, жауабын да асықпай берерсің! – дейді әйел Жалпақ балуанға.

Бір қорапқа сыйған үміт

Ауылға жіберілген қорап саны 520-дан асты. Ауылдық жердегі 520 мектепте 520 000 оқушының тамаша мүмкіндігі ашылды. Бұл кітаптар бармаған жердегі оқушыларға қарағанда қолы жетіп тұрған оқушылар әлдеқайда бақытты. Біріншіден, заманның ең озық кітаптары, яғни біліміне қолдары жетеді. Екіншіден, бұл жеткіншектерді ойлаған, солар үшін ішіне шер қатқан аға-әпкелері бар. Солар зыр жүгіріп, тиыннан теңге құрап, бір қораптағы 50 кітаптың құнын (175 000 тг) жинады. Ниеттенген іс соңына жетті. Оқушыларға үміт сыйлады.

Әр мектепте орташа 1000 оқушы бар десек, солардың бәрі кітап оқып кетпес. Әр сыныптағы 30 баланың 10-ы оқып, болашағын айқындар шамшырақ тапса, біз үшін сол бақыт ретінде жетіп жатыр. Сол 10-ның ішінен өз ауылын көтеріп, өркендетіп тастар бір мықты адам шықса, нұр үстіне нұр емес пе?

«Ауылға кітап ал» қорына үлес қосқыңыз келсе, уатсапқа өтіңіз. Ары қарай қорапқа жібереді.
https://clck.ru/3MdbNy

Кей адамдар 25 жасында өліп қалады, бірақ 75 жасында жер қойнына түседі.

(с) Бенжамин Франклин

Өмірді өзгертуге шын оқталсаң, жолын табасың. Өзгерткің келмесе, сылтау табасың.

(с) Джен Синсеро

Өмір өз-өзінен жақсара салмайды, оған өзгеріс керек.

(с) Джим Рон

Біз шынайы өмірден гөрі қиялымыздан көбірек азап шегеміз.

(с) Сенека

Әрқайсымыз ерекшеміз

Бұл бір мотивация үшін айтылған сөз емес. Керісінше өмірден алынған, жүрекпен қабылданған, көзімізбен көрген шындық. Түріміз, ұлтымыз, нәсіліміз, дініміз, мәдениетіміз — бұл бізді бөліп тұрған белгілер емес, байытып тұрған әртүрлілік. Өзгеден артықшылығыңды көрсететін белгілер емес, өзгені дәл өзіңдей сыйлауға итермелейтін сипаттар.

Бөлуге мәжбүрлейтін белгілер – шындығында өте әлсіз шекаралар. Сен өзіңді тектімін деп мақтансаң, ешкім өзін тексіздің ұрпағымын демейді. Сен қазақ ұлтын бүкіл ұлттан мықты боп жаратылған деп санасаң, ешкім өз ұлтын кем санамайды. Ең дұрыс ұстаным – мен жақсымын, ол да жақсы. Өзіңе тілеген жақсылықты өзгеге де тілемейінше, адамдық биігіне жетпейсің.

83000 адамның миын суретке түсірген дәрігердің сөзі

Дәрігер Дэниел Амин: Адамның миына физикалық соққы немесе эмоционалды күш әсер етсе, оның мінез-құлқы өзгеріп кетуі мүмкін. Көркем мінезді адам дөрекіге айналуы, жайбарақат адам қылмыскер боп кетуі ғажап емес. Біз оның жағымсыз әрекетіне, құлқына қарап, бүйту керек деп баға береміз. Алайда әрекет – проблеманың сыртқа шығатын көрінісі ғана. Мінезін, әрекетін емес, проблеманың өзін емдеу керек.

Қуанышқа орай, адамның миын арнайы емдеу бағдарламасы, жаттығулармен өзгертуге болады. Ми өзгереді, себебі ол балшық құсаған икемді. Ол өзгерген соң, адамның мінез-құлқы, демек өмірі өзгереді.

Миға қатысты жаттығулары бар кітаптар:
1) Супержады. Есте сақтау қабілетін дамыту тәсілдері
2) Ғажайып ми
3) Интеллект. Упражнения и задания по японской системе развития мозга
4) Память. Упражнения и задания по японской системе развития мозга
5) Развиваем мозг. Японские секреты тенировки
6) Тренируй свой мозг. Японская система развития интеллекта и память
7) Тренируй свою память. Японская система сохранения здоровья мозга
8) Японская система тренировки мозга
9) Биохакинг без границ. Обновите мозг, создайте тело мечты, остановите старение и станьте счастливым
10) Креативность: 31 способ заставить мозг работать
11) Один день из жизни мозга

Тапсырыс беру: https://clck.ru/3MdbNy

Дәрігер Дэниел Аминнің видеосы:
https://www.youtube.com/watch?v=esPRsT-lmw8&rco=1

Адам екі азаптың бірін таңдайды: 1) тәртіпке бағыну азабы; 2) өкініш азабы.

(с) Джим Рон

Сіз қайсысын таңдайсыз? Қазір өміріңді тәртіпке салып, сол реттелгенше төзімді боласыз ба? Әлде қазір ештеңеге бас қатырмай, кейін өкініш азабына берілесіз бе?

Бізге ұнаған кітап не үшін ұнайды?

Адамның ең қорқатыны – өзгеріс. Себебі оның артында белгісіздік тұр. Белгісіздік – үлкен қорқыныш. Ол адамды ойланбай істелетін қауіпті нәрселерге апарады. Ал өзгерісті сабырмен өткергендердің жолы ашылады. Адам әлсіз еді, өзгеру арқылы қуатты тұлғаға айналды. Бұрын надан еді, білім алу жолындағы қиындыққа шыдап, көзі ашық адам болды. Қолынан түк келмейтін шаруа еді, шеберден үйреніп, өзі де білікті маманға айналды. Әу баста тақыр кедей еді, табандылықтың арқасында бақуатты атанды. Бізге осындай өзгерісті бастан кешкен адамның өмір жолы ұнайды.

Моцарт, Бетховен, Фарадей, Линкольн, Пастер, Ахмет Байтұрсынұлы, Жұмабек Тәшенов, Эйнштейн, Дисней, Ермұхан Бекмаханов, Мұхаммед Әли, Стив Джобс, Джордан, Джек Ма, Жоан Роулиң.

Бұлардың бәріне ортақ нәрсе – кедейліктен кемелдікке жету оқиғасы. Оны мына кітаптан оқи аласыздар. Әр тұлғаның өмір жолы берілген.

Тапсырыс беру: https://clck.ru/3MdbNy

Жұма күні бүкіл Құранға 15% жеңілдік!

Әзірет Дәуіт туралы келген хабарлар бойынша, Алла Тағала оған былай деген: «Уа, Дәуіт! Мені сүйгенді Мен де сүйетінімді жер бетіндегі адамдарға білдір. Менімен отырғанға Мен де жолдас боламын. Мені зікір қылуды әдетке айналдырған пендеге жақынмын. Мені дос қылғанның досымын. Мені таңдағанды Мен де таңдаймын. Маған мойынсұнған кісінің тілегін орындатамын. Жүрегінде маған деген сүйіспеншілігі бар пендемді өзіме қабыл алып, оны ешбір жан сүйе алмағандай дәрежеде сүйемін. Шындап іздеген пенде Мені табады. Менен басқаның артынан жүрген кісі Мені таба алмайды.

Уа, жер жүзіндегі адамдар! Еш нәрсеге алданбай Менің жолымда болуға ұмтылыңдар. Мен де сендерге жақын болайын және сендерге махаббатымды жалғастырайын.

Өйткені Мен сүйіктілерімді Халилім Ибраһимді, Нәжиім Мұса және Сафиім Мұхаммедпен қоса жараттым. Мені сағынғандардың жүрегін нұрымнан жаратып, ұлылығыммен бақтым» (Әбу Дарда Пайғамбарымыздың (Алланың сәлемі мен игілігі болсын) осылай дегенін өз құлағыммен естідім деп айтады).

"Жүрек сырлары" кітабынан үзінді.

Тапсырыс беру: https://clck.ru/3MdbNy

Сенің жарығың бәріне жетпеуі мүмкін. Бірақ соны іздегендерге жетеді. Сондықтан жарқырауыңды тоқтатпа.