⭐️ «Янка Купала і Якуб Колас у профіль і анфас: з гісторыі сяброўскага шаржу» - прэзентацыя

2 кастрычніка Дзяржаўны літаратурна-мемарыяльны музей Якуба Коласа запрашае на прэзентацыю кнігі даследчыка Сяргея Шапрана «Янка Купала і Якуб Колас у профіль і анфас: з гісторыі сяброўскага шаржу».👍👍👍

Сяброўскі шарж быў паўнапраўным жанрам выяўленчага мастацтва, але доўгі час заставаўся па-за ўвагай мастацтвазнаўцаў і даследчыкаў літаратуры. Між тым мастакі Б. Антаноўскі, Л. Бойка, В. і А. Волкавы, Е. Ганкін, Г. Дакальская і інш. не толькі прадстаўлялі песняроў жартаўлівымі, смешнымі і па-сяброўску іранічнымі, але выдатна адлюстравалі іх звычкі, захапленні, паказалі глыбокія веды творчай спадчыны пісьменнікаў.
Кніга прадстаўляе першае грунтоўнае даследаванне арыгінальнага жанру сяброўскіх замалёвак, раскрываючы перад чытачамі шаржы на Янку Купалу і Якуба Коласа, якія доўгі час у пераважнай большасці заставаліся невядомымі, захоўваючыся ў падшыўках старых газет і часопісах. 🔥🔥🔥

❗️Пачатак а 17-ай

#анонс

⭐️ Восень у Завоссі

Ужо сёння - 27 верасня свята ў Музеі-сядзібе Міцкевіча.👍

❗️Яшчэ ёсць час ускочыць у самаход і зладзіць суботнюю вандроўку.

#анонс

Сяргея Пясецкага перапахаваюць у Варшаве

29 верасня на вайсковых могілках Варшавы перапахаваюць вядомага пісьменніка Сяргея Пясецкага.
📌 Ён нарадзіўся ў Беларусі і апісаў у сваіх творах польска-бальшавіцкую і Другую сусветную войны, а таксама жыццё кантрабандыстаў на польска-савецкім памежжы.
📌 Памёр у 1964 г. ва Уэльсе і быў пахаваны на могілках у Гасцінгсе. Па просьбе яго нашчадкаў парэшткі былі эксгумаваныя і будуць перапахаваныя ў Варшаве.

❗️Цырымонія пачнецца а 12:00 у Кафедральным касцёле Польскага Войска (Варшава, ul. Długa, 13/15). А 14:00 ад брамы Вайсковых могілак пойдзе пахавальная працэсія. Пісьменніка пахаваюць у квадраце A18, шэраг 1, месца 29.

#навіны

📙 Віктар Жыбуль - па-нямецку

У выдавецтве "hochroth Minsk" выйшла новая кніга паэзіі Віктара Жыбуля ў перакладзе на нямецкую мову. Зборнік называецца “Muränenröhrling”, што па-беларуску можна перадаць як “Мурэна-грыб”.👍👍👍

Пераклады зрабіў Томас Вайлер.🔥

#палічка

🎧 "Літаратурныя зацемкі" пра альбом экспедыцыі Ластоўскага

Новы выпуск аўтарскага падкасту “Літаратурныя зацемкі” Сяргея Дубаўца прысвечаны выданню альбома “Экспэдыцыя Вацлава Ластоўскага 1928 году”, які выйшаў у лонданскім беларускім выдавецтве "Skaryna Press" у 2024 г. 🔥🔥🔥

👉 Слухаць - https://rss.com/podcasts/litaraturnyja-zaciemki/2229139/

#аўдыё

⭐️ "Дарога зямная" - прэзентацыя Алеся Камоцкага

10 кастрычніка ў Мінску пройдзе прэзентацыя новага зборніка вершаў "Неўпрыкмет" паэта і барда Алеся Камоцкага.👍👍👍

❗️Пачатак у 19:00
👉 Адрас: в.Серафімовіча, 19.

❗️❗️Уваход вольны.

#анонс

📙 "Гутаркі з паэтамі"

Кніга даследчыка Андрэя Масквіна "Гутаркі з паэтамі напачатку XXI стагоддзя" неўзабаве выйдзе з друку.👍

Выданне прымеркаванае да 70-годдзя кафедры беларусістыкі Варшаўскага ўніверсітэта.🔥🔥🔥

❗️Прэзентацыя выдання адбудзецца на фестывалі "Pradmova". Пра гэта паведаміў аўтар на сваёй старонцы ў сацсетках.👍

#палічка

🗞 “Літаратурная Беларусь” - новы нумар

Змест:
📌 ФОРУМ: развагі Стася ПРУДСКАГА “На бязлюдным чытацкім востраве?”
📌 АБРАЗКІ: мініяцюры Міколы СЯНКЕВІЧА “Жыццё пражыць і поле перайсці”
📌 ЭСЭ: нататкі Магдалены ЛАЕЎСКАЙ “Цэтлікі з цыраты” з будучай кнігі “Жменька мукі”
📌 ПАЭЗІЯ: нізка вершаў Валеры ДУБОЎСКАГА “У чыстым верасні”
📌 ЧЫТАЛЬНЯ: апавяданні Стасі НАРКЕВІЧ
📌 ХРЭСТАМАТЫЯ: “Лёс твой — свабода” — вершы Ніла ГІЛЕВІЧА з публікацый у “Літаратурнай Беларусі” розных гадоў
📌 НАРЫС: працяг публікацыі Леаніда ЛАЎРЭША “Страчаная цывілізацыя: Путкамеры”
📌 КРЫТЫКА: агляды Валерыя ГАПЕЕВА кніг Уладзіміра СЦЯПАНА “Ваўка” і Югасі КАЛЯДЫ “Перамена месцаў”
📌 ГІСТОРЫІ: артыкул Арсенія ЗАМАСЦЬЯНАВА “Валерый БРУСАЎ: яго час прыйдзе заўтра?”

👉 Далучайцеся да тг-канала выдання

#палічка

⭐️ “Экслібрыс” - апошні дзень

На літаратурны конкурс “Экслібрыс”, які сёлета прымеркаваны да 90-годдзя пісьменніка Анатоля Клышкі, прымаюцца творы для дзяцей усіх узростаў.👍👍👍

Пераможцы конкурсу рукапісаў “Экслібрыс” атрымаюць магчымасць выдаць кнігу.🔥🔥🔥

❗️Маеце рукапіс? Спяшайцеся - сёння апошні дзень падачы!

👉 Падаць заяўку сюды - bellit.info@gmail.com

#анонс

⭐️ Прыём заявак на Школу маладога пісьменніка

Пачынаецца чарговы набор у нефармальны адукацыйны праект "Школа маладога пісьменніка" — курсы для маладых літаратараў. 👍👍👍

Заняткі ідуць он-лайн.
На практычных занятках, лекцыях і майстар-класах навучэнцы аналізуюць творы папярэднікаў, пішуць свае тэксты, а таксама абмяркоўваюць творы сваіх аднагрупнікаў.👍👍👍

Выкладчыкі: Ульяна Верына, Марына Казлоўская і Андрэй Хадановіч — літаратары, педагогі, даследчыкі і навукоўцы са шматгадовым вопытам творчай працы.🔥🔥🔥

У заяўцы павінныя быць:
1) уласны мастацкі твор любога жанру (паэзія, проза, эсэ), альбо фрагмент твора, на беларускай альбо рускай мове аб’ёмам 2–5 старонак;
2) матывацыйны ліст з адказам на пытанне, чаму вы хочаце паступіць у Школу;
3) спіс з 5–10 кніг, якія на вас паўплывалі найбольш.

👉 Пісаць на bellit.info@gmail.com
❗️Дэдлайн падачы заявак — 20 кастрычніка.

#навіны

📙 "Круцель-Трава"

Калектыўны зборнік паэзіі з такой назвай выйшаў у выдавецтве "Цымбераў". 👍👍👍

Зборнік «Круцель-трава» змяшчае творы сучасных аўтараў аб'яднаных любою да хараства мовы як сродку мастацкай камунікацыі і мыслення. Адрасуецца аматарам і даследнікам сучаснай беларускай літаратуры.

Сярод аўтараў: Дзяніс Мацеша, Дар’я Мацеша, Ядзвіга Манкевіч, Ігар Бабкоў, Іван Булва, Вячаслаў Дукшт, Галіна Свірына, Дзяніс Шпіронак, Злата Клачок, Кацярына Масэ, Марыля Буйневіч і іншыя.🔥🔥🔥

👉 Купіць па спасылцы з перасылкай па ўсім свеце

#палічка

⭐️ Андрэй Хадановіч дасць лекцыю пра беларускую паэзію

7 кастрычніка ва Уроцлаве адбудзецца шостая лекцыя Андрэя Хадановіча пра беларускую літаратуру з цыклу “Доўгая дарога дадому”. Пісьменнік раскажа пра некалькі пакаленняў найлепшых беларускіх паэтак і паэтаў канца ХХ – пачатку ХХІ ст. 👍👍👍

❗️пачатак а 18.00.
👉 Клуб Proza (Przejście garncarskie, 2).

❗️❗️Уваход вольны.

#анонс

⭐️ Тамары Габрусь - 80

Сёння адзначае юбілей гісторык архітэктуры, мастацтвазнаўца і літаратарка Тамара Га́брусь.
🌸 Нарадзілася 2 кастрычніка 1945 г. у Мінску. Скончыла Палітэх, працавала архітэктарам, рэстаўратарам, навуковым рэдактарам па архітэктуры выдавецтва «Беларуская Энцыклапедыя», супрацоўнікам Інстытута мастацтвазнаўства, этнаграфіі і фальклору.
🌸 Даследвала мастацтвазнаўчыя праблемы беларускага дойлідства эпохі феадалізму, мураваную архітэктуру і манументальнае мастацтва беларускага барока.
🌸 Аўтар 3 манаграфій, 300 артыкулаў, аўтар і суаўтар дзясяткаў навуковых, навукова-папулярных і навучальных кніг. Сярод іх: «Збор помнікаў гісторыі і культуры Беларусі" (1984—1987); «Гісторыя беларускага мастацтва» (1987—1988); «Скарына і яго эпоха» (1990); «Барока ў беларускай культуры і мастацтве» (1998); «Архітэктура Беларусі: Нарысы эвалюцыі ва ўсходнеславянскім і еўрапейскім кантэксце" і інш.

Віншуем! 💐💐💐💐💐

#угэтыдзень

⭐️Літшкола "Тэкст" - новы занятак

7 кастрычніка ў Літаратурным музеі Максіма Багдановіча адбудзецца сустрэча ў межах літаратурнай школы “ТЭКСТ”: літаратурная крытыка”.👍👍👍

Тэмы занятку:
✔️ літаратурная крытыка, як від творчасці;
✔️ крытыка, як балючая кропка беларускага літаратурнага працэсу;
✔️ рэцэнзія;
✔️ водгук;
✔️ агляд;
Форма працы “літаратурнай школы”: лекцыя, практычная частка, абмеркаванне.🔥🔥🔥

❗️Далучыцца можна на любым этапе. 👉Для таго каб атрымліваць рассылку трэба запоўніць гугл-форму
Мадэратар – Міхал Бараноўскі.
❗️❗️Уваходны квіток – 10 рублёў.

❗️❗️❗️Пачатак а 19-ай

#анонс

Прыказка на кожны дзень

Ён пра абразы, а я пра гарбузы. 😊

#гаворка