⭐️ Сустрэча для дзетак у Варшаве

16 лістапада Андрэй Скурко і мастачка Вольга Кузьміч запрашаюць маленькіх чытачоў на творчую сустрэчу каб разам пачытаць кнігу "Як завесці дыназаўра".👍👍👍

❗️Пачатак а 15-ай
👉 Адрас: музей Polin (Anielewicza, 6)
❗️❗️Колькасць месцаў абмежаваная, таму патрабуецца папярэдняя рэгістрацыя: atrutneva@polin.pl

#анонс

📅 105 гадоў Андрэю Макаёнку

Андрэй Макаёнак – драматург, рэдактар, сцэнарыст, народны пісьменнік БССР, нарадзіўся 12 лістапада 1920 г. у в. Борхаў Рагачоўскага р-на.
📌 Дэбютаваў у 1946 г. У 1952 г. на сцэне Тэатра імя Янкі Купалы была пастаўленая яго драма “На досвітку”, але сапраўдная слава прыйшла з камедыяй “Выбачайце, калі ласка” (1954).
📌 Так А. Макаёнак стаў адмыслоўцам менавіта ў жанры сатырычных камедый. Найлепшыя з іх: “Каб людзі не журыліся”, “Лявоніха на арбіце”, “Таблетку пад язык”, трагікамедый “Трыбунал”, “Зацюканы апостал”, “Пагарэльцы”, “Дыхайце эканомна”.
📌 Працаваў як драматург-перакладчык: пераклаў п’есы “Дабракі” Л. Зорына, “Я, бабуся, Іліко і Іларыён” Н. Думбадзэ і Р. Лордкіпанідзэ, “Чацвёрты” К. Сіманава і інш.
📌 Загадваў аддзелам прозы ў часопісе “Вожык”, 12 гадоў (1966–1978) быў галоўным рэдактарам часопіса “Нёман”.

#угэтыдзень

⭐️ Кароткі спіс прэміі Шэрмана 2023

Журы агучыла прэтэндэнтаў на званне лепшага перакладчыка. 👍👍👍
У намінацыі "проза":
✔️ Сяргей Матырка. Фрэнсіс Скот Фіцджэралд “Вялікі Гэтсбі”. Пераклад з ангельскай.
✔️ Алена Пятровіч. Станіслаў Ігнацы Віткевіч “Ненасытнасць”. Пераклад з польскай.
✔️ Сяргей Шупа. Антанас Шкема “Белы саван”. Пераклад з літоўскай.

У намінацыі паэзія:
✔️ Ігар Крэбс. Генрых Гайнэ “Габрэйскія мелодыі”. Пераклад з нямецкай.
✔️ Вальжына Морт, Юля Цімафеева. Ілля Камінскі “Рэспубліка глухіх”. Пераклад з ангельскай.
✔️ Андрэй Хадановіч. Сяргій Жадан “Іншае імя любові” Пераклад з украінскай.

Пераклад дзіцячай кнігі:
✔️ Ігар Крэбс. Марк-Увэ Клінг “Велікодны дзед”. Пераклад з нямецкай.
✔️ Сярж Мядзведзеў. Фрэнк Баўм “Чараўнік Краіны Оз”. Пераклад з ангельскай.
✔️ Алена Пятровіч. Ян Бжэхва “Акадэмія доктара Клякса”. Пераклад з польскай.

#навіны

⭐️ Кароткі спіс прэміі Шэрмана 2024

Журы агучыла прэтэндэнтаў на званне лепшага перакладчыка. 👍👍👍
У намінацыі "проза":
✔️ Марына Шода. Вольга Такарчук “Кнігі Якуба”. Пераклад з польскай.
✔️ Сяргей Шупа. Юргіс Кунчынас “Туўла”. Пераклад з літоўскай.
✔️ Сяргей Шупа. Мойшэ Кульбак “Зэлмэняне”. Пераклад з ідыш.

У намінацыі "паэзія":
✔️ Лявон Баршчэўскі. Гамер “Іліяда”. Пераклад са старажытнагрэцкай.
✔️ Ігар Крэбс. Маша Калека “Ніхто не чакае”. Пераклад з нямецкай.
✔️ Адам Рынтовіч. “Сказ пра Іштвана і Эржэбет”. Пераклад з венгерскай (зашыфраваны ўдзел).

Дзіцячая кніга:
✔️ Васіліна Кац. Эля Рыхтэр “Анат у Ханаане”. Пераклад з іўрыту (зашыфраваны ўдзел).
✔️ Ігар Крэбс. Бода Шэфер “Сабака Мані. Лёгка і проста — да поспеху і дабрабыту”. Пераклад з нямецкай.
✔️ Андрэй Скурко. Ян Бжэхва “Хрушч”. Пераклад з польскай.

#навіны

⭐️ Калядныя цацкі з выявамі беларускіх пісьменнікаў

Вядомая сталічная крама, што займаецца вырабам і продажам новагодніх упрыгожванняў «Калядная крама», выпусціла ў продаж ёлачныя шары з выявамі вядомых айчынных творцаў.👍👍👍

У асартыменце шары з выявамі:
Якуба Коласа, Васіля Быкава, Цёткі, Уладзіміра Караткевіча, Янкі Купалы, Ларысы Геніюш, Максіма Багдановіча, Францыска Скарыны
Дуніна Марцінкевіча.🔥🔥🔥

❗️Замовы могуць дасылацца па Беларусіі за яе межы.

👉 Шукайце густоўныя калядныя падарункі на сайце крамы

#навіны

⭐️ Прэмія Гедройця - заўтра фінал!

Заўтра 15 лістапада ў Гданьску ў Еўрапейскім цэнтры салідарнасці (Europejskie Centrum Solidarności, pl. Solidarności 1) адбудзецца цырымонія ўзнагароджання лаўрэатаў прэміі імя Ежы Гедройця.👍👍👍

Пачатак ўрачыстай імпрэзы а 19-ай, але сам дзень фіналу мае насычаную праграму:
✔️ Кірмаш беларускай і польскай кнігі.
✔️ Дыскусія "Пераклады, якія яднаюць". Беларуская літаратура ў польскіх выдавецтвах.
✔️ аўтарскія сустрэчы з Сяргеем Дубаўцом, Змітром Дзядзенкам, Аляксандрам Лукашуком і іншымі аўтарамі.
А таксама іншыя мерапрыемствы.
❗️Пачатак працы прасторы - 11:30

👉 Уся праграма дня тут

#анонс

📅 105 гадоў з дня нараджэння
Нічыпара Чарнушэвіча

Паэт і драматург Нічыпар Чарнушэвіч нарадзіўся 14 лістапада 1900 г., Капыль, Слуцкі пав., Мінская губ. — памёр 18 лютага 1967, Мінск).
📌 Вучыўся ў БДУ. Працаваў у газеце «Савецкая Беларусь». Сябра «Маладняка». У 1930 г. арыштаваны, высланы ў Вятку. Вярнуўся ў 1947 г. у Мінск.
📌 Дэбютаваў у 1923 г. (часопіс «Полымя»). Аўтар кніг паэзіі «Дзіва» (1927), «Нясу надзею» (1962), «Гаворка дум» (1966), «Выбраныя вершы» (1975), п’ес «Шукальнікі вышыні», «Сям’я доктара Чыверса», кінааповесці «Арсенал пачуццяў».
📌 Перакладаў на беларускую мову творы рускіх, украінскіх, яўрэйскіх паэтаў.

#угэтыдзень

⭐️ Аксане Данільчык - 55

Аксана Данільчык нарадзілася ў Мінску.
🌸 Скончыла філфак БДУ (1993) і аспірантуру пры Інстытуце літаратуры НАН Беларусі (1996). Вучылася ў Італіі, кандыдат філалагічных навук.
🌸 Дэбютавала ў 1990-ых.
🌸 Аўтарка паэтычных зборнікаў: “Абрыс Скарпіёна” (1996), “Павуцінка на агрэсце” (2005), “Il Mezzogiorno. Поўдзень” (2006), “Сон, які немагчыма забараніць” (2011), “Час знешняй адсутнасці” (2024) і інш.
🌸 Даследуе італьянскую літаратуру і яе ўзаемаадносіны з беларускай, працуе як перакладчыца.
🌸 Жыве ў Мінску.

Віншуем і зычым плёну! 💐💐💐

#угэтыдзень

⭐️ Прэмія Гедройця - вынікі!

Пераможцам прэміі за лепшую празаічную кнігу мінулага году журы назвала Сяргея Дубаўца з кнігай «Занзібар: сталеньне маладой душы" з фармулёўкай "за філасофскую рэфлексію над пошукамі нацыянальнай ідэнтычнасці свайго пакалення".👍👍👍

ІІ месца - Югася Каляда "Перамена месцаў".
ІІІ месца - Зміцер Дзядзенка "Гульні Цырцэі"

У шортлісце прэміі былі:
📘 «Гульні Цырцэі. Раман» — Зміцер Дзядзенка;
📕 «Занзібар. Сталеньне маладой душы» — Сяргей Дубавец;
📙 «Перамена месцаў» — Югася Каляда;
📗 «Там, дзе няма цемнаты: Радыё Свабода» — Аляксандр Лукашук;
📘 «Раз на дваццаць пяць тысяч гадоў» — Анка Упала;
📕 «Забойства на вуліцы Макаёнка» — Клёк Штучны.

#навіны