⭐️ Прэзентацыя кнігі "Беларускі народны спеўнік"

26 лістапада ў к/т "Піянер", вул. Энгельса, 20 пройдзе вечарына-прэзентацыя кнігі "Беларускі народны спеўнік".

У праграме:
✔️ Сустрэча з аўтарам кнігі, фалькларыстам Янінай Грыневіч;
✔️ Жывое выкананне народных песень;
✔️ Майстар-клас па народных спевах;
✔️ Аўтограф-сесія і магчымасць набыць кнігу са зніжкай;
✔️ Паказ дакументальнага фільма "Кола часу";

❗️Пачатак а 19:00

#анонс

⭐️ "Парасацыяльны" - слова года

Кембрыджскі слоўнік традыцыйна выбраў слова года, і сёлета гэта слова - «парасацыяльны».👍

Тэрмін азначае эмацыянальную сувязь, якую людзі адчуваюць з тымі, каго не ведаюць асабіста. Часцей за ўсё блізкія адносіны фарміруюцца з зоркамі, знакамітасцямі, персанажамі кніг і кіно ці нават штучным інтэлектам.

Паняцце было ўведзена сацыёлагамі яшчэ ў далёкім 1956 г. для апісання адносін, якія фарміруюць тэлегледачы з акцёрамі і дзеячамі тэлебачання. Да нядаўняга часу тэрмін выкарыстоўваўся толькі ў навуцы.🧐

#навіны

⭐️ Начны квэст-экскурсія па музеі Коласа

Музей Якуба Коласа ў Мінску па шматлікіх просьбах ізноў запрашае наведнікаў на начны квэст.👍👍👍

Раней гэты фармат быў апрабіраваны падчас традыцыйнай "ночы музеяў", але займеў такую папулярнасць, што запыт на незвычайны паход у музей ёсць і па-за святочнымі днямі.🔥🔥🔥

Таму 2 снежня гасцей зноў чакае ўнікальная магчымасць не толькі наведаць начны музей, але і прыняць удзел у абноўленай квэст-экскурсіі.👍👍👍

❗️Пачатак ў 19:00 па адрасе вул. Акадэмічная 5, музей Якуба Коласа.

👉 Папярэдні запіс абавязковы па спасылцы

#анонс

⭐️ Някляеў у Варшаве

Заўтра 21 лістапада ў польскай сталіцы пройдзе літаратурная сустрэча з паэтам Уладзімірам Някляевым.

Добрая нагода правесці лістападаўскі вечар у кампаніі беларускага слова і высокай паэзіі. Завітвайце!🔥🔥🔥

👉 Адрас: беларуская крама "Vyraj" al. Armii Ludowej 12.
❗️Пачатак а 16-ай гадзіне

#анонс

* * *
Асеннімі дажджамі заліло
Апошнія чаканні і спатканні,
Пажоўклых клёнаў ціхае святло,
Скупога сонца роснае дыханне.

І пачала зямля крыху цвярдзець,
То сцюжа — пераможца ў паядынку
Раскідвае зары світальнай медзь
У лужынах барвовыя ільдзінкі.

А потым навалілася на дол
Вялікая і белая бясконцасць.
І заблудзіўся кожны мінскі дом
У пошуках растрачанага сонца.

А твар зямлі заснежанай не мёртвы:
Ён зменлівы, як пошум баравы.
Там, у барах, аж да вясны ў сумётах
Схавалі свае трубы журавы.

Яны іх знойдуць і яшчэ зайграюць,
Склікаючы дзяцей, ліству, блакіт.
І па ўсім краі аж да небакраю
Маланкамі набухнуць аблакі.

1971

Пімен Панчанка

#раптамверш

⭐️ "Pradmova" у Варшаве

З 21 па 24 лістапада ў польскай сталіцы пройдзе фінальная частка фестывалю інтэлектуальнай кнігі "PRADMOVA".👍

Фестываль стартуе сёння ў пятніцу дыскусіяй, прымеркаванай да 95-годдзя Уладзіміра Караткевіча.👍

Заўтра пройдуць прэзентацыі кніг Вольгі Барышнікавай, Вольгі Лабачэўскай, Сержука Доўгушава, Аляксандра Смаленчука і іншых.
Далей у праграме гасцей чакаюць лекцыі, вечарыны, размовы, перакладчыцкія прэзентацыі, паэтычная кантата і нават перфоманс ды спектакль.🔥🔥🔥

Акрамя таго 22 лістапада ў суботу ў межах фестывалю пройдзе цырымонія ўручэння Прэміі імя Карласа Шэрмана за 2023 і 2024 гады.👍👍👍

👉 Поўная праграма з пазнакай часу і лакацый тут

❗️Завітвайце на пляцоўкі фестывалю!

#анонс

📙 "Шчасцік" Марты Дэмбоўскай выйшаў па-беларуску

У сталічным выдавецтве “Папуры” выйшла кніга вядомай польскай дзіцячай пісьменніцы Марты Дэмбоўскай “Шчасцік”.👍👍👍

Гэта цёплая, кранальная і вясёлая святочная гісторыя пра сяброўства і адвагу.🔥🔥🔥

Пераклад на беларускую Наталлі Давыдоўскай.👍

👉 Замовіць тут

#палічка

⭐️ Пераможцы Прэміі імя Карласа Шэрмана за 2023 год

Пераклад прозы
Алена Пятровіч. Станіслаў Ігнацы Віткевіч “Ненасытнасць”.

Пераклад паэзіі
Андрэй Хадановіч. Сяргій Жадан “Іншае імя любові” і "Месапатамія"

Пераклад дзіцячай кнігі
Сярж Мядзведзеў. Фрэнк Баўм “Чараўнік Краіны Оз”.

Віншуем! 💐💐💐

#навіны

⭐️ Пераможцы Прэміі імя Карласа Шэрмана 2024

Пераклад прозы
Сяргей Шупа. Юргіс Кунчынас “Туўла”.

Пераклад паэзіі
Лявон Баршчэўскі. Гамер “Іліяда”.

Пераклад дзіцячай кнігі
Васіліна Кац. Эля Рыхтэр “Анат у Ханаане” зашыфраваны ўдзел.

Віншуем! 💐💐💐

#навіны

⭐️ "Хобіт" па-беларуску - чытацкія ўражанні

Прапануем вам водгукі на пераклад легендарнага "Хобіта" Дж. Р. Р. Толкіна, што здзейсніў Франц Корзун.👍

"Вельмі ж няпроста напісаць водгук на даўно і ўсімі прызнаную кнігу. Але мы маем пераклад, і тут ужо ёсць пра што гаварыць...
...Увогуле, з перакладамі адносіны ў мяне не простыя. Я… раўнаваў. Ну праўда, вось чытаеш нешта замежнае, цікавае, адарвацца немагчыма – як той жа “Таямнічы востраў” Ж. Верна… А нашы дзе такія? Дзе “Закінуты свет” К. Дойля з ягоным магутным прафесарам Чэленджарам?.." В.Г.

"Наогул ёсць вялікія кавалкі фактычна бездакорнага тэксту, што для такіх вялікіх і складаных перакладаў – ужо прыкмета вялікай працы і поспеху. Каб не быць галаслоўным, адзначу частку дзе Більба ў пячоры знаёміцца з Горлумам – падаецца, прычапіцца няма да чаго – добрыя дыялогі, апісанні, цудоўна перадаеццца напруга, дынаміка – то бок поўны эфект прысутнасці чытача ў цёмных сутарэннях пад гарамі."
У.С.

👉 Цалкам тут

#лонгрыд

⭐️ Пэзентацыя кнігі Марэка Гласкі "Першы крок у аблоках"

25 лістапада пройдзе анлайн-прэзентацыя кнігі Марэка Гласкі з удзелам перакладчыцы Марыі Пушкінай.👍
Мадэратар Андрэй Хадановіч.🔥

Гледачы дазнаюцца:
✔️ Што зрабіла "Першы крок у аблоках" культавым творам?
✔️ Што такое "Фірмовы" кантраст Гласкі?
✔️ Якімі былі апошія гады літаратара?
✔️ Чым абавязанае пісьменніку польскае кіно?

Марэк Гласка — бунтар і пісьменнік забаронены на доўгі час. Творы Гласкі сталі голасам пакалення 1950-х — моладзі, расчараванай пасляваенным светам і душнай рэчаіснасцю ПНР. 🔥🔥🔥

👉 Спасылка на мерапрыемства

#анонс

⭐️ Вечарына да дня нараджэння Караткевіча

26 лістапада Літаратурны музей Максіма Багдановіча ў Траецкім запрашае на літаратурна-музычную вечарыну прысвечаную 95 гадавіне з дня нараджэння Уладзіміра Караткевіча.👍👍👍

Удзел возьмуць:
паэт і бард Алесь Камоцкі, музыка і кампазітар Аляксандр Віслаўскі, музыка і спявачка Алеся Сівохіна, паэт Міхась Бараноўскі.🔥🔥🔥

❗️Пачатак а 19-ай

#анонс

⭐️ "Вясна ўвосень"
літаратурна-мастацкая экспазіцыя

Заўтра 25 лістапада ў Музеі гісторыі беларускай літаратуры да 95-годдзя з дня нараджэння Уладзіміра Караткевіча распачынае працу выстава “Вясна ўвосень”, створаная сумесна з Аршанскім музеем У. Караткевіча. 👍

Экспазіцыя раскрывае творчы свет пісьменніка і яго жыццёвы шлях праз зварот да казачнай прозы, а таксама прадстаўляе багатую выяўленчую спадчыну класіка.🔥🔥

Наведнікі пабачаць фотаздымкі, кнігі аўтара, сувеніры, афішы спектакляў паводле яго твораў, ліставанне, уласныя малюнкі Караткевіча, а таксама ілюстрацыі да яго твораў беларускіх мастакоў – Пятра Драчова, Юрыя Зайцава, Валерыя Славука, Лізаветы Пастушэнка і іншых.
Дапаўняюць шэраг экспанатаў скульптурныя выявы Уладзіміра Караткевіча аўтарства Льва і Сяргея Гумілеўскіх.👍👍

❗️Адкрыццё а 17-й гадзіне!
Уваход на мерапрыемства вольны.

#анонс

📙 "Кніга лёсаў"

Днямі ў польскім выдавецтве "KEW" выйшла новая кніга паэзіі Уладзімера Някляева - "Кніга лёсаў". 👍👍👍

Вось урывак ў новай паэмы "Адзінота":

1
Не таму, што над восенню лісцем кружляе самота,
Не таму, што кружляе самота над лёсам маім,
Не таму, што сядае
каханка мая
Адзінота
На калені мае і маўчыць невядома аб чым,
Не таму, што ў яе невыносна тужлівыя вочы,
У якіх, бы ў асенніх нябёсах, лятуць жураўлі,
І што ціха яна,
каб не чуў,
сёння плакала ўночы,
І што болем пакусаны ў кроў яе вусны былі,
Не таму, што яна
моўчкі рэчы на ранку збірае,
Аглядае пакой, ці забылася нешта, ці не,
Не таму, што сама
адзіноты ўжо больш не трывае,
І што кідае нават яна ў адзіноце мяне, –
Не таму!..

#раптамверш

⭐️ Кірмаш гістарычнай кнігі ў Варшаве - беларускі ўдзел

27-30 лістапада ў Варшаве пройдзе традыцыйны штогадовы "Кірмаш гістарычнай кнігі", што збірае набольшую колькасць тэматычных выдавецкіх ініцыятыў і з'яўляецца адным з найважнейшых літаратурных мерапрыемстваў Польшчы. 👍👍👍

Сёлета на ім будзе і беларуская прысутнасць:
📘 27 лістапада 15:00–15:50
"Сталінскія рэпрэсіі: не пражытая старонка гісторыі". Сустрэча з Ігарам Станкевічам, дырэктарам Беларускага інстытута публічнай гісторыі.
📕 28 лістапада 15:00–15:50
"Пачаткі незалежнай Беларусі". Размова з праф. Даротай Міхалюк пра кнігу "Беларуская Народная Рэспубліка 1918–1920".
📗 28 лістапада 16:00–16:50
"За нашу і вашую волю. Беларусы ў польска-бальшавіцкай вайне". Дыскусія з удзелам праф. Юрыя Грыбоўскага і праф. Гжэгажа Новіка.
📙 Таксама 30 лістапада на стэндзе #75 у 12:00–13:00 і у 14:00–15:00 — будзе аўтографсесія Уладзіміра Арлова.

❗️Завітвайце!

#анонс

⭐️ Асацыяцыя беларускіх выдаўцоў

У Варшаве падчас фестывалю "Pradmova" беларускія выдаўцы абвесцілі аб стварэнні прафесійнай асацыяцыі.

У яе ўвайшло 11 сузаснавальнікаў, якія прадстаўляюць асобныя выдавецтвы або выдавецкія ініцыятывы. Бліжэйшыя задача новаўтворанай арганізацыі: зарэгістраваць новую ініцыятыву згодна з заканадаўствам і стварыць некалькі праектаў дзеля падтрымкі выдавецкай супольнасці.🔥🔥🔥

Узначаліла Асацыяцыю беларускіх выдаўцоў Валянціна Андрэева, рэдактарка выдавецтва "Gutenberg".

#навіны

***
Мір гэтаму дому,
Дзе шчасце мы бачылі ўсе...
Вецер шматкі саломы
Па мокраму снегу нясе,
Дожджык імжыцца ціхі
(Вясковы вячэрні час),
Карова з добрымі ўздыхамі
Глядзіць з-за сена на нас;
Курка з цёплага поклада
Кудахча, бы знесла сусвет...
Прытульны, добры і цёплы
Наш беларускі свет.
Садок да рачулкі збягае,
Хатка глядзіцца ў плёс.
. . . . . . . . . . . . . . . . .
Арлы на свет вылятаюць
З такіх менавіта гнёзд.

1957 г.

Уладзімір Караткевіч

❗️Сёння нацыянальнаму класіку - 95!
Віншуем усіх прыхільнікаў таленту пісьменніка!

#раптамверш