⭐️ VerseXchange: літаратурны мост у Скандынавію

Беларускі, Шведскі і Дацкі ПЭН-цэнтры запрашаюць беларускіх паэтаў і перакладчыкаў узяць удзел у міжнародным праекце "verseXchange".👍👍👍

Удзельнікі змогуць даведацца больш пра культуру Даніі і Швецыі, сустрэцца з мясцовымі паэтамі і перакладчыкамі, а таксама падзяліцца беларускай культурай. Літаратура стане мостам паміж людзьмі і краінамі, магчымасцю ўзаемна ўзбагаціцца праз дыялог і творчасць.🔥🔥🔥

Паводле ўмоваў праекту 5 чалавек у красавіку 2026 г. возьмуць удзел у перакладчыцкіх майстаркласах, што пройдуць у Даніі і Швецыі. Кожны візіт завершыцца літаратурнай падзеяй — чытаннямі і прэзентацыяй вынікаў перакладаў. 👍👍👍

❗️Умова - валоданне англійскай мовай.

👉 Для ўдзелу неабходна да 9 снежня 2025 г. запоўніць заяўку, пазначыўшы ў ёй кантакты.

#анонс

⭐️ Анлайн-прэзентацыя новай кнігі Ганны Янкуты

1 снежня ў жывым эфіры Ганна Янкута прадставіць свой новы зборнік вершаў "Надзейны сродак ад прывідаў", які нядаўна выйшаў у выдавецтве "hochroth Minsk". 👍👍👍

Аўтарка абяцае "чытаць шмат вершаў, сваіх і чужых", расказаць пра свае стасункі з паэзіяй, пра пераклады і пра тое, чаму напісала той ці іншы тэкст. 🔥🔥🔥

❗️Падчас эфіру можна будзе задаць пытанні.

👉 Спасылка на мерапрыемства тут

#анонс

🎧 "Дзікае паляванне караля Стаха" - цяпер у аўдыёверсіі

Праект "Беларуская літаратура", што займаецца агучкай айчыннай класікі, зрабіў слухчам прэзент да 95-гадовага юбілею Уладзіміра Караткевіча і агучыў адзін з самых вядомых яго твораў.👍👍👍

"Без перабольшанняў - перад вамі галоўны беларускі раман. Вось ужо некалькі дзясяткаў год ён перамагае ва ўсіх апытанках, узначальвае любыя рэйтынгі, выдаецца найбольшым накладамі і прадаецца лепш за ўсіх. Чаму так? Мабыць, таму, што ён не пра вайну і не пра вёску, не пра бедных сялян і злых паноў - а таму што ён пра каханне, пра справядлівасць, пра чароўную краіну, пра верных сяброў, пра нашу агульную беларускую мару, да якой хочацца ісці поруч з сапраўднымі героямі" - гаворыцца ў анатацыі да аўдыё.

👉 Згодныя? То скарыстайце выходныя для праслухоўвання!

#аўдыё

🎧 "Літаратурныя зацемкі"

У новым аўтарскім літаглядзе рэдактар і літаратар Сяргей Дубавец дзеліцца ўражаннямі ад свежага выпуска літаратурнага-мастацкага альманаха "Апостраф", што надоечы пабачыў свет.👍👍👍

Развагі пра аўтарскі дэбют Васіля Быкава, "чыстую" паэзію Аксаны Данільчык, пераклад Гальчыньскага, адчужанасць ва ўспрыняцці Шклярэўскага і многае іншае са старонак выдання.🔥🔥🔥

👉 Слухаць тут

#аўдыё

⭐️ Сустрэча з Марыяй Бадзей і Таццянай Скарынкінай

3 снежня ў Берліне пройдзе творчая сустрэча з літаратаркамі Марыяй Бадзей і Таццянай Скарынкінай, што арганізуе жаночае выдавецтва "Пфляўмбаўм".👍

👉 Дэталі тут

#анонс

"Вясёлка" пазбаўленая грошай

Стала вядома, што на наступны год дзяржаўнага фінансавання пазбаўлены дзіцячы часопіс «Вясёлка». Ён выдаецца з 1957 г. і на сёння застаецца па сутнасці адзіным беларускамоўным дзіцячым выданнем у краіне.

Тым часам згодна пастанове Савета Міністраў № 685 ад 28 лістапада 2025 г., ажно 21 афіцыйнае перыядычнае выданне атрымае падтрымку з дзяржаўнага бюджэту. На гэтыя мэты будзе выдаткавана 7,4 мільёна рублёў.

#навіны

⭐️ Дыскусія аб беларускім кнігавыданні

5 снежня ў Стакгольме адбудзецца дыскусія з удзелам кіраўніка і заснавальніка берлінскага выдавецтва "hochroth Minsk" Дзмітрыя Строцава і дырэктаркі жаночага выдавецтва "Пфляўмбаўм" Нерынгі Левансявічутэ пра спецыфіку, накірункі і перспектывы беларускага кнігавыдання за мяжой.👍👍👍

Дэталі тут

#анонс

⭐️ Адрыўныя беларускія календары

Традыцыйна гэтай парой распавядаем вам, якія беларускамоўныя календары на новы год з'явіліся сёлета ў продажы.👍👍👍

Сёння звяртаем увагу на два адрыўных:
гэта каляндар-слоўнічак "Лёгкая мова" з беларускімі словамі на кожны дзень і "Мой дзівосны каляндар", у якім
на старонках календара вас чакаюць фразы дня — мілыя, натхняльныя, часам жартоўныя, а таксама пацешныя персанажы, створаныя мастачкай Аляксандрай Атлас. 🔥

Календары стануць добрым калядным падарункам!👍👍

👉 Зірнуць і замовіць можна тут

#палічка

Прыказка на кожны дзень

Як шмат сабак, дык і двор не аббраханы. 😊
(Цікавы варыянт вядомай прыказкі: Дзе нянек многа, там дзіця бязнога).

#прыказка

📙 Лаўкрафт па-беларуску

У выдавецтве "Gutenberg" выйшла кніга апавяданняў класіка сусветнага хорару Говарда Філіпса Лаўкрафта “Іншыя Багі”. 👍👍👍

Перакладчыкамі на беларускую мову сталі сем маладых аўтараў.🔥🔥🔥

👉 Усе дэталі і магчымасць замовіць кнігу тут

#палічка

📙 «Сінагога гігантаў» выйдзе па-беларуску

Пры падтрымцы Амбасады Ізраіля ў Мінску на беларускую мову перакладуць кнігу ізраільскага даследчыка юдаізму Міхаіла Туваля «Сінагога гігантаў». 👍👍👍

Пераклад і рэдакцыя Ганны Дзягель. Пераклад урыўкаў крыніц на старагрэцкай — Лявон Баршчэўскі. 🔥🔥🔥

❗️Выхад кнігі запланаваны на 2026 г.

«Сінагога гігантаў» твор пра старажытных габрэяў і юдаізм, насычаны цікавымі фактамі і яркімі ідэямі, знойдзенымі ў працэсе шматгадовага вывучэння аўтарам антычнага юдаізму ў акадэмічным кантэксце.👍👍👍

#анонс

📙 "Матулін дзень"

У выдавецтве “Папуры” выйшла кніга для маленькіх чытачоў - ад вядомай аўтаркі Надзеі Ясмінскай - “Матулін дзень”. Кніжка з ілюстрацыямі Таццяны Багданавай, гэта забаўная гісторыя пра трайнятаў - двух братоў і сястрычку, якія рыхтуюць падарунак сваёй матулі.👍👍👍

👉 Шукайце ў кнігарнях інтэрнэт-крамах Беларусі.

#палічка

📙 "Шляхціц завальня" выйшаў па-ангельску

Неяк амаль незаўважна прайшла навіна пра тое, што на англійскую мову быў перакладзены і ў кастрычніку выдадзены ў "Grunwald Publishing" легендарны твор Яна Баршчэўскага "Шляхціц Завальня, альбо Беларусь у фантастычных апавяданнях”. Калі прапусцілі такую цікавостку, то майце на ўвазе, што ў гэтую суботу а 16:00 па Варшаве пройдзе анлайн-прэзенацыя выдання з удзелам перакладчыцы Вольгі Яноўскай. 👍👍👍

👉Тут можна замовіць навінку

👉👉 А тут можна паглядзець трансляцыю на YouTube, што пройдзе ў межах Анлайн-Pradmova 6 снежня.

❗️Далучайцеся. Будзе цікава!

#анонс

⭐️ "Мяжа" - слова году

Беларускае слова 2025 году — "Мяжа". Яго выбралі карыстальнікі сацыяльных сетак. 👍👍👍

Сярод папулярных словаў пры галасаванні адзначаныя:
вызваленне, талака, балён, угода.🔥🔥🔥

Такім чынам і беларусы падтрымалі перадновагоднюю традыцыю выбару словаў году, што ў апошнія дзесяцігоддзі стала папулярнай ў многіх краінах свету. 👍

Вядома, такі выбар носіць абсалютна суб'ектыўны характар, бо адлюстроўвае не толькі сталыя моўныя тэндэнцыі, але і часовыя ды хуткаплынныя настроі. Для ўсіх краін словы году свае - напрыклад, аўтарытэтны ў англамоўным свеце Кембрыджскі слоўнік такім словам сёлета абраў "парасацыяльны".

А суседзі Беларусі сваіх словаў пакуль не абралі, цікава, якім будзе іх выбар.❓

#навіны

⭐️ "Менскае гета" - прэзентацыя

10 снежня адбудзецца прэзентацыя кнігі Гірша Смоляра "Менскае гета", твора прысвечанага самым трагічным старонкам жыцця, змагання і смерці габрэяў падчас ІІ Сусветнай вайны.

Кніга выйшла надоечы ў сталічным выдавецтве "Тэхналогія".👍👍👍

❗️Месца правядзення - кнігарня "Акадэмкніга".
Пачатак а 18-ай.

👉 Больш тут

#анонс

⭐️ "Pradmova" - цяпер анлайн

Фестываль інтэлектуальнай кнігі, што сёлета праходзіў у Вільні, Варшаве, Празе, Вільні і Познані, працягваецца ў анлайн-версіі 6,10 і 15 снежня.

Праграма на суботу 6 снежня :

✔️ 12.00 Прэзентацыя кнігі Вольгі Касцюк “Дубовые яблочкі”.
✔️ 13.00 Прэзентацыя кнігі Аксаны Гурыновіч “Raising the Curtain. Operatic Modernism and the Soviet Nations”
✔️ 14.00 Прэзентацыя кнігі Макса Шчура “Спроба экспэрымэнтальнага канструяваньня сябе”
✔️ 16.00 Прэзентацыя ілюстраванага выдання “Nobleman Zavalnya, or Belarus in Fantastical Tales”.

👉 Прагляд на канале

#анонс