🗞 "Літаратурная Беларусь" - новы нумар

Чытайце ў снежаньскім выпуску штомесячніка:

📌 ФОРУМ: Людміла АНДЗІЛЕЎКА — пра гармонію грамадства, таткавы інстынкт і касмічны код звышідэі
📌 ПРОЗА: апавяданне Яраслава ПАТОЦКАГА «Куцця святога козліка»
📌 ПРОЗА: апавяданне Віктара ВАРАНЦА «Падарожжа»
📌 ПРОЗА: аповед Міхаіла КОНАНА «Клёвая ўдава»
📌 ПАЭЗІЯ: нізка новых вершаў Дануты БІЧЭЛЬ «Не спыняюцца цуды»
📌 ЧЫТАЛЬНЯ: містычнае апавяданне Ігара СІДАРУКА «Пахаванне Бруна»
📌 ПАЭЗІЯ: «На асфальтавым папасе» — вершы Алеся ШЫЛОВІЧА-ЕМЯЛЬЯНАВА
📌 ПОВЯЗЬ: «Без шацунку на шчасьце»: пра легенду Міколы ЦЭЛЕША
📌 ГІСТОРЫІ: Андрэй ЦУНСКІ пра расійскага пісьменніка Сашу ЧОРНАГА
📌 СВЕТ: навіны і цікавосткі літаратурнага замежжа.

👉 Чытаць матэрыялы можна на fb-старонцы выдання
👉👉 А таксама далучыцца да тг-канала

#анонс

⭐️ Літшкола "Тэкст" - новая сустрэча

23 снежня ў Літаратурным музеі Максіма Багдановіча адбудзецца сустрэча ў межах літаратурнай школы “ТЭКСТ”.

Тэма: "Чытанне тэкстаў”
Гаворка пойдзе пра:
✔️ фізіялогія чытання;
✔️ чытанне вачыма “чытача”, “пісьменніка”, “рэдактара”;
✔️ разбор тэкстаў навучэнцаў;

Форма працы: лекцыя, практычная частка, абмеркаванне.
Мадэратар – Міхал Бараноўскі.🔥🔥🔥

❗️Пачатак а 19:00

#анонс

⭐️ "Бязмежжа" - 2025

Традыцыйны штогадовы літаратурны семінар "Бязмежжа" праходзіць у гэтыя перадкалядныя дні на Беласточчыне.

У Нараўчанскай гміне на аграсядзібе «Бора-здруй» 17 снежня распачаўся трохдзённы семінар, у ім бяруць удзел пісьменнікі, журналісты і іншыя творцы. У праграме - чытанні, кніжныя прэзентацыі, дыскусіі і творчыя справаздачы.🔥🔥🔥

Сярод удзельнікаў сёлета: паэт Уладзімір Някляеў, літаратарка і журналістка Ганна Кандрацюк, журналіст і грамадскі дзеяч Яраслаў Іванюк, паэтка Кася Сянкевіч, літаратуразнаўца і крытык Ціхан Чарнякевіч, паэт Андрэй Сцепанюк і іншыя.👍👍👍

#навіны

📙 "Пяцікніжжа Майсея"

Убачыў свет пераклад з іўрыта на беларускую "Пяцікніжжа Майсея".👍👍👍

Кніга выйшла ў выдавецтве "Про Хрысто".🔥🔥🔥

Прэзентацыя выдання адбудзецца 20 снежня ў 11.00 у пастырскім цэнтры парафіі Найсвяцейшай Панны Марыі Успамогі Хрысціянаў у Бараўлянах (Мінска-Магілёўская архідыяцэзія, дэканат Мінск-Усход).

❗️Уваход вольны.
👉 Адрас правядзення прэзентацыі: Мінскі р-н, аг. Лясны, вул. Аляксандрава, 4а.

#анонс

📘 Каляндар "Горад сонца"

Адшукалі для вас яшчэ адзін тэматычны беларускамоўны каляндар - "Горад сонца".👍👍👍

У 2026 г. спаўняецца 20 год “Гораду СОНца” — масштабнаму праекту літаратара і дызайнера Артура Клінава, і з гэтай нагоды “Тэхналогія” выпусціла насценны каляндар з аўтарскімі здымкамі Мінска, што датуюцца 2002-2005 гг.🔥🔥🔥

Каляндар адназначна мае свой непаўторны вайб і настальжы па сталіцы "нулявых" вам гарантаванае.👍👍

👉 Замовіць з дасылкай

#палічка

🎧 "Дзівак з ганчарнай вуліцы"

Аўдыяпраект "Беларуская літаратура" выдаў у аўдыёфармаце апавяданне Івана Чыгрынава "Дзівак з ганчарнай вуліцы".👍👍👍

"Часам трэба чытаць і такія апавяданні: пранізлівыя, няпростыя, вельмі сумныя, пасля якіх пытанняў застаецца больш, чым адказаў. Гэтае — пра вулічнага дзівака, над якім смяюцца дзеці, якога дражняць і не разумеюць. Пра хлопчыка, які хоча дапамагчы — але з дапамогі выходзіць крыўда. Пра жыццё, якое бывае бязлітасным. І пра птушак, якіх трэба набыць на рынку, каб стала крыху лягчэй". 🔥🔥

👉 слухаць - https://youtu.be/yxNb6DaPEUU?si=zGETlNbArG1IeQ42

#аўдыё

⭐️ Калядны нумар "Нашай веры"

Выйшаў снежаньскі нумар часопіса "Наша вера".👍👍👍

Сярод матэрыялаў на духоўную тэматыку, у нумары маюцца і цікавыя мастацтвазнаўчыя ды гістарычныя артыкулы. Сярод іншага - сенсацыйны матэрыял Дзмітрыя Моніча пра нядаўняе адшуканне невядомай працы Язэпа Драздовіча ў Задарожскім касцеле.👍👍👍

Таксама традыцыйна змястоўная літаратурная старонка з творамі Дануты Бічэль, Ірыны Багдановіч, Леаніда Дранько-Майсюка, Усевалада Сцебуракі.🔥🔥🔥

👉 Па спасылцы можна паслухаць радыйную прэзентацыю нумара

#палічка

🎧 "Літаратурныя зацемкі"

У новым выпуску аўтарскага адкасту "Літаратурныя зацемкі" Сяргей Дубавец разбіраецца ў прыродзе смеху па прачытанні беларускага перакладу твора французскага набеліста Анры Бэргсона "Смех. Эсэ пра значэнне камічнага". 👍👍👍

❓Ці можа быць смех спагадлівым і добрым, наколькі ён з'ява індывідуальная, ці дастаткова камічнага ў беларускай літаратуры?

👉 Слухаць тут

#аўдыё

Канферэнцыя памяці а. Аляксандра Надсана

14–15 красавіка 2026 г. адбудзецца акадэмічная канферэнцыя «Разуменне свабоды» – чытанні ў гонар а. Аляксандра Надсана. Мерапрыемства прымеркаванае да 100-годдзя з дня ягонага нараджэння. 👍👍👍

Чытанні арганізаваныя ЕГУ і Беларускай бібліятэкай і музеем імя Ф. Скарыны (Лондан).

Прыблізныя тэматычныя напрамкі:
✔️ Духоўная і асветніцкая дзейнасць айца А. Надсана
✔️ Беларуская дыяспара і яе роля ў ХХ ст.
✔️ Перакладчыцкая і выдавецкая дзейнасць: унёсак у развіццё беларускай мовы і культуры
✔️ Адукацыйная і архіўна-бібліятэчная праца (кніжная, архіўная і музейная калекцыі Скарынаўскай бібліятэкі)
✔️ Беларуская ідэнтычнасць у асяроддзі эміграцыі
✔️ Успаміны і сведчанні сучаснікаў

Умовы ўдзелу:
Заяўка павінна ўключаць назву, кароткую анатацыю (да 300 словаў) і інфармацыю пра аўтара.
Мовы канферэнцыі: беларуская, англійская, літоўская, польская.
❗️Тэрмін падачы заяўкі: да 15 лютага 2026 г.
👉 Усе пытанні - на адрас: library@skaryna.org.uk

#анонс

⭐️ Беларускі пераклад Юрыя Іздрыка ў лонг-лісце "Drahoman Prize"

Зборнік Юрыя Іздрыка "Human Right" (hochroth Minsk, 2025) трапіў у лонг-ліст украінскай прэміі "Drahoman Prize". Пераклалі яго на беларускую мову Наталля Русецкая і Алесь Плотка.👍👍👍

У лонг-ліст Прэміі ўвайшлі 31 перакладчык з 26 краін з перакладамі на 19 моваў.🔥🔥🔥

Прэмія заснаваная ў 2020 г. для перакладчыкаў украінскай літаратуры. Сярод заснавальнікаў: Украінскі ПЭН і Украінські інстытут кнігі і інш.

#навіны

⭐️ "Ладдзя роспачы" - спектакль

Рэспубліканскі тэатр беларускай драматургіі абвесціў пра пастаноўку спектакля паводле знакамітага твору Уладзіміра Караткевіча "Ладдзя роспачы".👍👍👍

Рэжысёр Святлана Навуменка.🔥

❗️Першы паказ запланаваны на 27 снежня.

👉 Больш інфармацыі пра пастаноўку і акторскі склад, таксама замова квіткоў - на сайце тэатра.

#анонс

📙 Борхес па-беларуску

У выдавецтве “Янушкевіч” выйшаў 2-ухтомнік Хорхе Луіса Борхеса. Пераклаў выбраныя творы аргентынскага пісьменніка на беларускую мову Сяргей Шупа.👍👍👍

У новае выданне ўвайшлі чатыры найважнейшыя зборнікі класіка сусветнай літаратуры — “Вымыслы”, “Алеф”, “Паведамленне Броўдзі”, “Кніга з пяску”. 🔥🔥🔥

👉 Замовіць тут

#палічка

Змены ў выдавецкай дзейнасці

З 1 студзеня 2026 г. у Беларусі зменіцца парадак ажыццяўлення выдавецкай дзейнасці і дзейнасці па распаўсюдзе друкаваных выданняў - у прыватнасці гэтай справай нельга будзе займацца індывідуальным прадпрымальнікам.

ІП-шнікі, аднак, пакуль змогуць займацца продажам кніг у раздроб.

Інфармацыя пра гэта з'явілася яшчэ летам 2024 году, але цяпер змены ўступаюць у сілу.

#навіны

Прыказка на кожны дзень

Святое Раство - людзям прыгаство.

#прыказка

❄️ З Раством!

⭐️⭐️⭐️ Віншуем усіх нашых дарагіх чытачоў, што адзначаюць сёння свята Божага нараджэння! ⭐️⭐️⭐️

***
У ноч калядную адбыўся
калісьці найвялікшы цуд.
І зоркі нат ярчэй заззялі
І загучаў спеў там і тут.
Так, спеў аб Божым нараджэнні
аб паяднанні душ людзей.
Так хай жа радасць акрыляе
суквецце нашых мар, надзей!
Хай разгарыцца ў кожным сэрцы
мілосці й злагады агмень
І хай зямлю злучае з небам
любові Божае прамень.

Эдуард Дубянецкі

#вершдня