⭐️ Беларускае фэнтэзі ў музеі Багдановіча

Імпрэза для аматараў фэнтэзі з удзелам літаратараў Яўгена Папакуля і Маргарыты Латышкевіч пройдзе 22 студзеня ў Літаратурным музеі Максіма Багдановіча.👍👍👍

Пісьменнікі правядуць прэзентацыю твораў, адкажуць на пытанні і правядуць інтэрактыў для гасцей вечарыны.🔥

❗️Пачатак у 18:30
👉Адрас: вул. М. Багдановіча, 7А
Кантакты: +375(17) 355-22-95
❗️Кошт квітка - 15 рублёў.

#анонс

⭐️ На Беласточчыне ўшануюць памяць Марылькі Базылюк-Саснюк

У Бельску Падляскім да 30-ых ўгодкаў з дня спачыну паэткі, настаўніцы, актывісткі беларускага руху на Беласточчыне Марылькі Базылюк-Саснюк пройдуць мерапрыемствы па ўшанаванні яе памяці.👍👍👍

У суботу, 24 студзеня, а 8-й гадзіне ў Міхайлаўскай царкве пройдуць літургія і паніхіда. А 10-й гадзіне на праваслаўных могілках па вуліцы Войска Польскага пройдзе паніхіда ля магілы.🔥🔥🔥

Марылька Базылюк-Саснюк (1959-1996) - актывістка беларускага студэнцкага руху 80-х гадоў, адна з заснавальнікаў “БАС".
📌 Працавала настаўніцай у школе ў Клейніках ды ў Бельску Падляшскім.
📌 Жыццё паэткі заўчасна абарвала цяжкая анкалагічная хвароба.
📌 Яна пакінула пасля сябе вершы, частка якіх увайшла ў кнігу ўспамінаў “Марылька” выдадзеную аб’яднаннем “АБ-БА” ў 2012 годзе.

#анонс

📙 Кніга для дзяцей ад Віктара Марціновіча

“Хлопчык, у якого не было хваста” - кніга для дзяцей аўтарства Віктара Марціновіча пабачыла выдавецтве “Открытая книга". 👍👍👍

Аўтар акрэсліў яе як “экалагічную казку для хвастатых і бясхвостых”. Гэтым творам Віктар Марціновіч, вядомы як празаік і мастацтвазнаўца, дэбютуе як пісьменнік для дзяцей.🔥🔥🔥

👉 Кнігу можна знайсці у кнігарнях, а таксама замовіць праз Wildberries.by.

#палічка

⭐️ "Вершы на асфальце" 2026

Міжнародны паэтычны фестываль
Вершы на асфальце” памяці Міхася Стральцова, што праводзіцца з 2012 году ў Мінску і Вільні, сёлета будзе праходзіць 13-15 лютага ў Варшаве.👍👍👍

У праграме фэсту — цырымонія абвяшчэння новага лаўрэата Літаратурнай прэміі Міхася Стральцова, дыскусіі, прэзентацыі, сустрэчы з літаратарамі з Германіі, Нарвегіі, Польшчы і Украіны, вечарына выпускнікоў Школы маладога пісьменніка, традыцыйная “Ноч паэзіі” і шмат іншага.🔥🔥🔥

Пад час фестывалю традыцыйна будзе адбывацца кірмаш беларускай кнігі.👍👍👍

👉 Падрабязнасці з раскладам мерапрыемстваў і пляцоўкамі будуць на пачатку лютага - сачыце за навінамі.

#анонс

Памерла Ірына Быкава

Як стала вядома ў Мінску памерла Ірына Быкава (у дзявоцтве Суворава) другая жонка пісьменніка Васіля Быкава, з якой яны былі разам з 1978-га.

У канцы снежня 2025 г. яна трапіла ў шпіталь з пераломам сцягна і інфарктам.

13 студзеня 2026 года ёй споўнілася 99 гадоў, яна перажыла мужа амаль на чвэрць стагоддзя - пісьменніка не стала ў чэрвені 2003 году.

#навіны

⭐️ "Кантрабанда надзеі" у Гданьску

23 студзеня ў Гданьску адбудзецца творчы вечар паэта і перакладчыка Андрэя Хадановіча “Кантрабанда надзеі“.

У праграме:
✔️ старыя і новыя вершы
✔️ пераклады польскай паэзіі як жывы культурны дыялог
✔️ размова з аўтарам і пытанні ад публікі
✔️ прэзентацыя кніг “На беразе Волі“ і “Дзікае паляваньне караля Стаха: вершы да опэры“.

❗️Пачатак: 17:30
👉 Адрас: Filia Gdańska, ul. Mariacka 43

#анонс

⭐️ Ціхану Чарнякевічу - 40!

Сёння адзначае дзень нараджэння літаратуразнаўца, крытык, паэт Ціхан Чарнякевіч.
Нарадзіўся 22 студзеня 1986 г. у Пінску.
🌺 Скончыў філфак педуніверсітэта ў Мінску. Вучыўся ў "Беларускім калегіюме".
🌺 Працаваў у тыднёвіку "ЛіМ", часопісе "Маладосць", у сакратарыяце ГА "СБП".
🌺 Выступаў як калумніст і эсэіст на шэрагу інтэрнэт-пляцовак.
🌺 Укладальнік і каментатар кніг: «Максім Багдановіч: вядомы і невядомы» (2011), «Лявон Савёнак „Творы“» (2012), «Горад на гары. Анталёгія літоўскай паэзіі» (2025), анталогіі "Вершы на волю. Паэзія турмы і выгнаньня" (2025). Аўтар крытыка-біяграфічнага нарыса «Вандроўнік: кніга пра паэта Уладзіміра Някляева» (2016).

Віншуем і зычым поспеху на ніве айчыннай літаратуры! 💐💐💐

#угэтыдзень

⭐️ Выстава да юбілею беластоцкай "Нівы"

Выстава, прымеркаваная да 70-годдзя выхаду першага нумара Беларускага тыднёвіка «Ніва», адкрыецца ў Беластоку 30 студзеня ў Падляшскім музеі. На экспазіцыі прадставяць выбраныя фотаздымкі з архіва рэдакцыі за 1956–2000 гг. 👍👍👍

Выстава, якая арганізаваная пад ганаровым патранатам Польскага агенцтва друку (PAP), — вынік сумеснай працы Цэнтра беларускай культуры ў Беластоку, Падляшскага музея і Праграмнай рады «Нівы». Куратар Павел Грэсь запрашае гледачоў у «фатаграфічнае падарожжа праз дзесяцігоддзі»: ад суровых краявідаў Падляшша да дынамічных рэпартажаў з фабрык і партрэтаў людзей, якія фармавалі ідэнтычнасць рэгіёна. 🔥🔥🔥

❗️Адкрыццё пройдзе 30 студзеня, 18:00 у Падляшскім музеі па адрасе: Ратуша, Рынак Касцюшкі, 10).
❗️❗️Выстава будзе працаваць да 26 красавіка 2026 года.

#анонс

⭐️ Лабараторыя паэтычнай метафізікі - новая сустрэча

Тэма першага сёлетняга занятку, што адбудзецца 28 студзеня: “Францішак Багушэвіч. Метафізіка першапачатку”.🔥🔥🔥

Багушэвiч – беларускi Кафка. Ён традыцыйна чытаўся i чытаецца як этнаграфія, бачыцца вачыма сэнтыментальна-народнiцкiмi. Яго Космас змрочны, трагiчны, разарваны. За спіной – шляхецкая цывілізацыя і выпадзенне з гісторыі. Наперадзе – незразумелы і няўтульны горад. Перад вачыма – занядбаны, хаця й родны кут, “хатка”, у якой мусіць паўставаць новая суб'ектнасць, культура, навука, заводы й універсітэты. Як гэта ўвогуле мажліва? Адкуль з’явілася сіла, энергія? З чаго ўсё разгарнулся? Як мы бачым Багушэвіча сёння?👍👍👍

Мадэратар: Ігар Бабкоў🔥🔥🔥
👉 Месца традыцыйнае - Музей Максіма Багдановіча ў Траецкім.
❗️Пачатак а 19:00
❗️❗️Кошт 5р.

#анонс

📙 "Лёнькі, Ваські, Валодзькі"

Новая кніга аднаго са старэйшых беларускіх празаікаў Віктара Казько “Лёнькі, Ваські, Валодзькі” выйшла ў выдавецтве "Цымбераў". 👍👍👍

У яе ўвайшлі апавяданні, што ствараліся цягам многіх гадоў. Яны – пра лёс падлеткаў-дзетдомаўцаў, “сірот-бязбацькавічаў”, сталенне якіх прыпала на няпросты пасляваенны час.

Як адзначае аўтар у прадмове, “гэтая кніга пісалася ўсё маё жыццё: як жылося, так пісалася, і наадварот. Стыхійна... Гэтыя апавяданні і прапаноўваю чытачу – упершыню пад адной вокладкай на матчынай мове, цалкам сам з вулічных і вясковых, як і асірочанае ліхалеццем вайны і міру… маё вулічнае пакаленне”.👍👍👍

👉 Набыць выданне можна будзе ў кнігарнях kniger.by і knihi.by.

#палічка

🎧 "Літоўскі хутарок" - у аўдыё

Апавяданне Максіма Гарэцкага "Літоўскі хутарок" з'явілася ў аўдыяверсіі дзякуючы ініцыятыве "Беларуская літаратура", якая агучывае класіку айчыннай літаратуры.

Вайна, невялікі хутар, сям'я: бацька, маці, дзве дачкі. Былі і сыны, але забралі ў войска. Усе суседзі збеглі ў тыл, а жыхары хутара вырашылі застацца, бо як кінуць хату, гаспадарку, сабаку? А зусім хутка, праз пару дзён, тут пройдзе фронт.

👉 Слухаць

#аўдыё

⭐️ "Зарапад" Алега Мінкіна - водгук

Прапануем вам водгук на новую кнігу дзіцячых вершаў паэта Алега Мінкіна, што выйшла ў серыі "Ветрачок" выдавецтва "Цымбераў".👍👍👍

...“Зарапад” Алега Мінкіна – самыя што ні на ёсць сапраўдныя лекі ад бяспамяцтва. Бо тут кожны верш – цэлая вобразная гісторыя, тут мілагучнасць і эпітэты, якіх сёння ў новых “модных” кніжках ніяк не адшукаеш, тут прыгажосць беларускага слова. Гэта кніга для чытання дзецьмі менавіта разам з дарослымі – каб дарослым згадваць самім (калі трэба – дык вышукваць) і тлумачыць юным чытачам пра кажух з лісця, пра глыбокую строму, пра выццё ў коміне ды і пра валёнкі...
У пэўным сэнсе кніга быццам ляжыць на паверхні этнаграфічнага і сацыяльнага пласту нашай спадчыны, і кожны верш – уваход у глыбіню гэтага пласту і разам – брама ў сад беларускай вобразнасці, трапнасці і паэтычнасці.
Гэта – сапраўднае. Тое, без чаго мы – не мы.🔥🔥🔥

👉 Чытаць цалкам

👉 Набыць з дасылкай можна тут

#водгук

⭐️ Сайт-архіў Васіля Сёмухі

З’явілася інтэрнэт-старонка, прысвечаная творчай спадчыне знакамітага перакладчыка Васіля Сёмухі (1936–2019).👍👍👍

Васіль Сёмуха адзін са знакавых перакладчыкаў, які пераклаў на беларускую мову Біблію, творы Гётэ, Ніцшэ, Германа Гесэ, Томаса Мана, Патрыка Зюскінда ды іншых класікаў сусветнай літаратуры. Ягоныя пераклады вылучаюцца высокім майстэрствам і глыбокім разуменнем як арыгінальных тэкстаў, так і багаццем беларускай мовы. 🔥🔥🔥

Электронны архіў перакладаў даступны для бясплатнага некамерцыйнага спампоўвання.👍👍👍

👉 Выходныя - добры час для чытання - завітвайце - Vasilsiomucha.com

#навіны

🎧 "Літаратурныя зацемкі" новы выпуск

У сваім аўтарскім блогу Сяргей Дубавец разважае над трэцяй, пашыранай версіяй рамана Ігара Бабкова “Адам Клакоцкі і ягоныя цені”:
"Гаворка нязьменна ідзе пра тую чароўнасьць, якая мае прыроднае ці боскае паходжаньне і робіць нас натуральнымі беларусамі. Гэта і ёсьць той акт прыходу да нацыянальнае тоеснасьці або рытуал ініцыяцыі, у цэнтры якога месьціцца зачараваньне. Зусім спрашчаючы, кожны нацыянальны чалавек зачараваны гэтай сваёй прыналежнасьцю да ўласнае нацыі".👍👍👍

👉 Слухаць

#аўдыё

⭐️ Сяргею Украінку - 65

Паэт Сяргей Украінка нарадзіўся 25 студзеня 1961 г. у в. Ніканавічы Быхаўскага р-на Магілёўскай вобласці.
🌺 Скончыў філфак БДУ, аспірантуру ў МДУ імя А.А. Куляшова.
🌺 Працаваў настаўнікам, выкладчыкам на кафедры беларускай літаратуры і журналістыкі ў МДУ імя А.А. Куляшова, будаўніком, ахоўнікам.
🌺 Дэбютаваў у 1977 г. Друкаваў вершы і апавяданні ў абласной і рэспубліканскай перыёдыцы, калектыўных зборніках “Вусны”, “Квадра”, “Дняпроўскія хвалі”, "Ратуша", аўтар кніг паэзіі “Маё Купела” (2001 г.), "9 гранаў" (2016).

***
Дзе адшукаць замову
Ад абыякавасці да мовы?
Не да нямецкай,
Не да французскай –
Да сваёй,
Беларускай.
Стагоддзямі гнутай,
Чужынцамі моранай,
Пакутнай,
Магутнай,
Няскоранай…

Віншуем і зычым натхнення!💐💐💐

#угэтыдзень

🗞 Выйшаў студзеньскі нумар “Літаратурнай Беларусі”

У выпуску:
📌 ФОРУМ: нататкі Сяргея ЗАКОННІКАВА «Незалежнасці сіла»
📌 ГУТАРКА: інтэрв’ю з Рытай Бурсавай «Успамі́наў добрая няволя…» пра жыццё і асобу паэта Івана БУРСАВА (1927—2019)
📌 ЗАПІСЫ: «Шматкроп’і» — нататкі Сяргея ВАГАНАВА пра час і сябе
📌 ПАЭЗІЯ: новая нізка вершаў Васіля ЗУЁНКА «Акорд за акордам»
📌 ЧЫТАЛЬНЯ: аповеды Альжбеты КЕДА
📌 ПАЭЗІЯ: нізка вершаў Андрэя СЦЕПАНЮКА «Сляды невідочныя»
📌 ПРОЗА: апавяданне Паўлюка СОКАЛА «Адно толькі слова»
📌 ПАМЯЦЬ: да 115-годдзя з дня нараджэння Апанаса ЦЫХУНА (1910—2005) — згадкі сына Пятра ЦЫХУНА «Зачараваны словам»
📌 КРЫТЫКА: агляд кніг Святланы ВОЦІНАВАЙ «Астроўскі. Сонечны круг» (Мінск, 2025) і Галіны КАРЖАНЕЎСКАЙ «Казкі для дарослых» (Мінск, 2025)
📌 СВЕТ: навіны і цікавосткі літаратурнага замежжа

👉 Спампаваць можна тут

👉👉 А таксама падпісвайцеся на канал інтэрнэт-праекта

#анонс

⭐️ Шаржы на Петруся Броўку - лекцыя

29 студзеня Літаратурны музей Петруся Броўкі запрашае на лекцыю, прысвечаную мастацтву беларускага сяброўскага шаржа ХХ стагоддзя.👍👍👍

На лекцыі вы даведаецеся, як вобраз Петруся Броўкі знаходзіў сваё адлюстраванне ў гуманістычных і сатырычных малюнках яго сучаснікаў-мастакоў – Цфаніі Кіпніса, Заіра Азгура, Анатоля Волкава, Мікалая Гурло, Евеля Ганкіна, Аскольда Чуркіна, Міхаіла Лісоўскага. Часам шаржы суправаджаліся вершамі-пародыямі ці эпіграмамі – Міколы Хведаровіча, Рыгора Барадуліна, Янкі Брыля, Максіма Танка, Пімена Панчанкі.
Лекцыя мае быць цікавай для шырокай аўдыторыі.🔥🔥

❗️Пачатак а 18:00
Уваход вольны!

#анонс

📙 "Беларусы ў Латвіі"

У Беластоку выйдзе манаграфія даследчыка Юрыя Грыбоўскага “Беларусы ў Латвіі (1918—1945 гг.)”. 👍👍👍

У кнізе разглядаецца гісторыя беларусаў у Латвіі з моманту абвяшчэння незалежнай латвійскай дзяржавы па заканчэнне ІІ сусветнай вайны. 🔥🔥🔥

Манаграфія - плён шматгадовых даследаванняў Юрыя Грыбоўскага ў архівах і бібліятэках Беларусі, ЗША, Латвіі, Літвы, Германіі, Польшчы, Расіі, Чэхіі, Эстоніі.👍👍👍

#анонс

⭐️ Анлайн-сустрэча “Польская дзіцячая паэзія па-беларуску”

У межах цыклу “Санаторый пад клепсідрай”, 29 студзеня пройдзе сустрэча з журналістам, паэтам і перакладчыкам дзіцячай паэзіі Андрэем Скурко. 👍👍👍

Матэрыялам для абмеркавання паслужаць тры польскія кнігі, перакладзеныя ім па-беларуску. Дзве з іх – вершы Марыі Канапніцкай і Яна Бжэхвы.🔥🔥🔥

❗️Трансляцыя сустрэчы
18:00BY/16:00PL

👉 Спасылка на мерапрыемства

#анонс