⭐️ Прэмія Адамовіча - збор заявак

Застаецца 5 дзён на падачу заявак на прэмію імя Алеся Адамовіча за творы, апублікаваныя ў 2025 годзе.👍👍👍

На прэмію можна намінаваць творы, якія дакументуюць рэчаіснасць, збіраюць праўдзівыя сведчанні пра сацыяльна-палітычнае жыццё і асвятляюць актуальныя для чалавечай супольнасці праблемы.🔥🔥🔥

Нагадваем, што цяпер акрамя кніг можна намінаваць таксама артыкулы, падкасты, кіна- і відэапраекты.👍👍👍

❗️Дэдлайн падачы - 20 красавіка.

👉 Запоўніць гугл-форму

#навіны

🎧 "Маналог" Аркадзя Куляшова

"Непаслухмяныя дзеці кастрычніка" агучылі "Маналог" Аркадзя Куляшова - пранізлівы твор, прысвечаны памяці паэтаў Змітра Астапенкі і Юлія Таўбіна.👍👍👍

Даведка:
«Маналог» (1965) Аркадзя Куляшова — адзін з першых твораў беларускай савецкай паэзіі на тэму сталінскіх рэпрэсій. Твор прысвечаны памяці паэтаў Змітрака Астапенкі і Юлія Таўбіна, з якімі аўтар пазнаёміўся ў час вучобы ў Мсціслаўскім педагагічным тэхнікуме і знайшоў у іх асобах лепшых сяброў-аднадумцаў. Фармальна гэта цыкл з чатырнаццаці філасофскіх вершаў-шаснаццацірадковікаў, аднак цесная ідэйна-тэматычная знітаванасць, адзінства пафасу, выяўленасць асобы лірычнага героя дазваляюць лічыць гэту нізку паэмай.

👉 Слухаць

#аўдыё

⭐️ "Кірылічныя выданні ВКЛ"

Заўтра 17 красавіка ў Беластоку пройдзе прэзентацыя беларускага перакладу даследавання "Кірылічныя выданні выдавецтваў з Вялікага Княства Літоўскага ў XVI-XVIII ст." з удзелам яго аўтаркі польскай даследчыцы Зоі Пераслаўцаў-Ярашэвіч.👍👍👍

На прэзентацыі можна будзе пачуць адказ на пытанні:
❓колькі ў ВКЛ дзейнічала друкарняў, а таксама ў якіх гарадах і мястэчках яны был;
❓ якія кнігі выходзілі на старабеларускай мове;
❓якія былі тыражы гэтых выданняў; 
❓якія друкарні былі ў лідэрах выдавецкай справы;
❓якім быў змест кніг і жанравая прыналежнасць;
❓чым адметны быў графічны бок, фарматы і дызайн кірылічных кніг у Вялікім княстве.

❗️Час: 18:00-20:00
👉 Адрас: Беларускі хаб "Новая Зямля" (ul. św. Rocha 5/32)

#анонс

📙 "Святая крыніца" Уладзіміра Някляева

Цэнтр беларускай культуры ў выдаў зборнік апавяданняў Уладзіміра Някляева «Святая крыніца».👍👍👍

Кніга выйшла ў двух варыянтах – па-беларуску і па-польску.🔥🔥🔥

Перакладчык на польскую - Марцін Рэмбач. 👍👍👍

Выданне прымеркаванае да 80-годдзя пісьменніка. 🔥🔥

👉 Шукайце кнігу ў незалежных распаўсюднікаў.

#палічка

⭐️ Кніжны кірмаш у Беластоку

17-19 красавіка ў Беластоку будзе праходзіць Кніжны кірмаш, падчас якога запланаваны таксама мерапрыемствы з удзелам беларускіх літаратараў. 👍👍

На месцы №79 размесціцца беларускі салон. Будуць прадстаўленыя кнігі выдвецтваў: Kniżny vyraj, Połackija labirynty, SayBeat, Studio Magenta, Skaryna Press, Rozum Media, Białoruskie Towarzystwo Historyczne, Праграмная рада тыднёвіка «Ніва» і іншых.🔥🔥🔥

На стэндзе будзе прадстаўленая навінка - зборнік апавяданняў Уладзіміра Някляева "Святая крыніца", што выйшла надоечы на беларускай і на польскай мовах, а таксама новае дапоўненае выданне "Імёнаў свабоды" Уладзіміра Арлова. 👍👍👍

❗️Завітвайце!

#анонс

⭐️ "Лабірынты Власта"

У нядзелю, 19 красавіка, у Варшаве беларуская тэатральная студыя «Купалінка» запрашае на чытку п’есы Сяргея Кавалёва «Лабірынты Власта» ў выкананні дарослай групы студыі. 👍👍👍

У п’есе выкарыстаныя фрагменты аповесці Вацлава Ластоўскага «Лабірынты». Міфы, легенды і таямніцы полацкіх лабірынтаў contra рэальная Беларусь 1920-ыхх-1930-ых гг. Крывіцкая Атлантыда — і рэальнасць. 🔥🔥🔥

❗️Уваход вольны.
❗️Пачатак а 18:00
👉 Адрас: Rodzinna Europa (pl. Konstytucji, 6)

#анонс

⭐️ Беларускія паэткі па-ангельску

У брытанскім анлайн-часопісе, які спецыялізуецца на паэзіі, палітычных дыскусіях, прозе і візуальных медыя пад назвай "Matter" выйшла падборка вершаў беларускіх паэтак у перакладзе на ангельскую.👍👍👍

Аўтаркі, якіх абралі для перакладу:
Валянціна Аксак, Вера Бурлак, Марыя Вайцяшонак, Вольга Гронская, Ірыны Дубянецкая, Вольга Злотнікава, Надзея Кахновіч, Ганна Комар, Наста Шакунова.
Перакладчык - Нэйтан Джэфэрс (Nathan Jeffers).🔥🔥🔥

👉 Прачытаць, што атрымалася можна тут

#навіны

***
Плывуць над полем журавы
У далеч сінюю без краю...
І водбліск дня яшчэ жывы
Зарой вячэрняй дагарае.

Плывуць... І след іх чарады
Знікае ў змроку чарнахмарным...
Вось так юнацкія гады
Сплылі, патрачаныя марна...

Мне сон ружовы ваш знаём
І абуджэння буйны галас...
Юнацтва светлае маё,
Цябе даўно чакае сталасць!..

Хоць і шкадую — дагарай,
Юнацтва ранак светлавокі!
Мой родны край, зялёны край
Чакае дзей і спраў высокіх!

Хай жураўлінай чарадой
Гады плывуць між хмарак срэбных,
Праз пыл дарог, гушчар гадоў
Мы шлях у Заўтра працярэбім...

1926
Алесь Звонак

#вершдня

⭐️ Мерапрыемствы да юбілею Змітрака Бядулі

23 красавіка спаўняецца 140 гадоў з дня нараджэння паэта, празаіка і мовазнаўцы Змітрака Бядулі. З гэтай нагоды пройдзе шэраг афіцыйных мерапрыемстваў, у якіх змогуць узяць удзел усе ахвочыя.👍👍👍

23 красавіка
12:00 — ускладанне кветак да помніка Змітрака Бядулі на Усходніх могілках Мінска (метро “Барысаўскі тракт”).
15:00 — У Беларускім дзяржаўным архіве-музеі літаратуры і мастацтва пройдзе адкрыццё літаратурна-дакументальнай выставы “Яго багаты плён…”
24 красавіка
12:00 — Адкрыццё мастацкай экспазіцыі “Да 140-годдзя Змітрака Бядулі” са збору Дзяржаўнага музея гісторыі беларускай літаратуры (вул.Рабкораўская, 19)
12:30 — Дыялогавая пляцоўка «Змітрок Бядуля: “пісьменнік з душой чулай і паэтычнай…”» да 140-годдзя пісьменніка.

#анонс

⭐️ Прэмія Багушэвіча - лонгліст

У яго ўвайшлі 12 прэтэндэнтаў:
📙 «І даўней так пелi: Музычны фальклор старавераў паўночна-заходняй Беларусі» — Вольга Барышнікава.
📕 «Патаемная спадчына. Казкі пра беларускіх жанчын».
📘 «Проста з любові. Рэпарцёрскія партрэты памяці» — Ганна Кандрацюк.
📗 «Апошнія сведкі Гродна» — Руслан Кулевіч.
📙 «На «Старт» і ў «Тэмпе»: Ножны шпурляк на Аршаншчыне» — Арцём Сізінцаў.
📕 «Кола дня» — Аляксандра Турава.
📘 «Кровазварот» — Юлія Цімафеева.
📗 «Цені падмуркаў» — Milestone.

📌 Тэлепраект «Сармацкі вус» Цімафей Акудовіч.
📌 Артыкул «Беларусь як «культурное падабенства каланіяльнай Афрыкі», ці Антыкаланіяльнае паўстанне камуніста Аляксея Каўкі» — Таццяна Астроўская.
📌 Падкаст «Літаратурныя зацемкі» — Сяргей Дубавец
📌 Відэаблог «Pr0Food» — Сяргей Мазан.

#навіны

⭐️ Літшкола тэкст

23 красавіка ў Літаратурным музеі Максіма Багдановіча адбудзецца чарговая сустрэча ў межах літаратурнай школы “ТЭКСТ”. Тэма : фантасмагорыі, казкі для дарослых.

Цягам мерапрыемства разгледзім наступныя тэмы:
✔️ фантасмагарычная рэальнасць;
✔️ цень і што ў ім хаваецца;
✔️ недзіцячыя гісторыі;
✔️ казкатэрапія.

Форма працы: лекцыя, практычная частка, абмеркаванне, чытанні.🔥🔥🔥
❗️Далучыцца можна на любым этапе.

Мадэратар – Міхал Бараноўскі.👍👍👍

❗️Уваходны квіток – 10 рублёў.
❗️Пачатак а 19-ай
👉 Адрас: вул. М.Багдановіча, 7а

#анонс

⭐️ Прэмія Арсенневай - лонгліст

Абвешчаны сёлетні спіс прэтэндэнтаў на званне лепшай паэтычнай кнігі 2025 г.👍👍👍

Сёлета гэта 10 кніг паэзіі:
📙 «2/3» – Фелікс Аксёнцаў.
📕 «Анатомія» – Артур Камароўскі.
📘 «Нетутэйшая далечыня» – Ігар Кулікоў.
📗 «Хроніка адмаўлення пустаты» – Ілля Кульбіцкі.
📙 «Той, хто смяецца» – Ілона Мядунка.
📕 «Праспект Нежалезнасці» – Мікіта Найдзёнаў.
📘 «Кровазварот» – Юлія Цімафеева.
📗 «Чайны збор. Выбраная постпаэзія 2007–2025» – Макс Шчур.
📙 «Надзейны сродак ад прывідаў» – Ганна Янкута.
📕«Śviata žyćcia» – Frydrych Samotny.

❗️Фінал прэміі - 27 траўня

#навіны

📙 "Ішоў Бай па сцяне"

Кніга беларускіх казак "Ішоў Бай па сцяне" выйшла ў выдавецтве "Беларуская навука" Цэнтра даследаванняў беларускай культуры, мовы і літаратуры АН РБ.👍👍👍

Зборнік складаецца з казак пра жывёл, птушак і чароўных істот, падрыхтаваны на аснове фальклорных матэрыялаў.

Літаратурная апрацоўка тэксту - Юры Пацюпа.👍👍👍

👉 Шукайце ў кнігарнях сталіцы.

#палічка

📙 "Мікола Прашковіч. Сказ пра беларускага дысідэнта."

Гісторык Генадзь Сагановіч выдаў кнігу прысвечаную асобе Міколы Прашковіча. Кніга выйшла ў серыі "Bibliotheca Europae Orientalis".👍👍👍

Пра навіну аўтар паведаміў на сваёй старонцы ў сацсетках.

Даведка:
Мікола Прашковіч (1932-1983) літаратуразнаўца, крытык, перакладчык, дысідэнт, удзельнік «Акадэмічнага асяродку».
📌 Разам з Валянцінам Рабкевічам, Алесем Каўрусам, Сцяпанам Місько і іншымі ўваходзіў у кола навукоўцаў, што выступалі супраць гвалтоўнай русіфікацыі і стаялі на выразна нацыянальных пазіцыях.
📌 Па загадзе М. Хрушчова, КДБ БССР правяло следства ў адносінах "гнязда нацыяналістаў" і разграміла суполку, пакараўшы датычных. Многія з "ваўчынымі білетамі" былі звольненыя з працы, у дачыненні некаторых праводзіліся прафілактычныя гутаркі і г.д.

Старонкі беларускага дэсідэнцкага руху 1960-80-ых гг. і па сёння малавядомыя шырокай публіцы, кніга стане добрым унёскам у вывучэнне тэмы.🔥🔥🔥

#палічка