መባዕ ማይክሮ ፋይናንስ እና አሐዱ ባንክ በትብብር ለመሥራት የሚያስችላቸውን የሁለትዮሽ ስምምነት ተፈራረሙ!

ስምምነቱ በአሐዱ ባንክ ዋና መሥሪያ ቤት የተከናወነ ሲሆን የአሐዱ ባንክ ዋና ሥራ አስፈጻሚ አቶ ሰፊዓለም ሊበን፣ የባንኩ ሲኒየር የማኔጅመንት አባላት እንዲሁም የመባዕ ማይክሮ ፋይናንስ የቦርድ ሰብሳቢ አቶ ጌትነት ኃይሌ፣ የመባዕ ቦርድ እና የማናጅመንት አባላት በተገኙበት ተከናውኗል።

"አሐዱ ባንክ ከብዙዎች ለብዙዎች” በሚል መርሕ ብዙዎችን የፋይናንስ ተጠቃሚ ለማድረግ የተቋቋመ ባንክ እንደመሆኑ መጠን ዓላማውን ለማሳካት ከሚያስችሉት አሠራሮች አንዱና ዋነኛው ለብዙዎች ቅርብ ከሆኑ ተቋማት ጋር በትብበብር መሥራት መሆኑን ዋና ሥራ አስፈጻሚ ገልጸዋል፡፡ ባንኩ ይዞት የመጣውን "ከብዙዎች ለብዙዎች” ዓላማ ለማሳካት ጊዜ የሚወስድ ቢሆንም ከመባዕ ማይክሮ ፋይናንስ እና መሰል የፋይናንስ ተቋማት ጋር በጋራ በመሥራት እንዲሁም ዘመኑ ባፈራው ቴክኖሎጂ በመጠቀም በአጭር ጊዜ ውስጥ ለማሳካት እየተሠራ መሆኑን የባንኩ የባንኩ ዋና ሥራ አስፈጻሚ አቶ ሰፊዓለም ሊበን አስረድተዋል፡፡

የመባዕ ማይክሮ ፋይናንስ ዋና ሥራ አስፈጻሚ ወ/ሮ አዜብ ማሞ በበኩላቸው መባዕ ማይክሮ ፋይናንስ ተቋም ሲመሠረት ዓላማ አድርጎ የተነሳው የሥራ ፈጣሪዎችን፣ መካከለኛና አነስተኛ ገቢ ያላቸው ወጣቶችና ሴቶችን የፋይናንስ ተጠቃሚ በማድረግ በሀጋሪቱ የተንሰራፋውን ድህነት መቅረፍ ላይ የራሱን በጎ አስተዋጽዖ ለማበርከት መሆኑን ገልጸዋል።