መባዕ ማይክሮ ፋይናንስ የበጀት ዓመቱን ዕቅድ አፈፃፀም ግምገማ፤
 
መባዕ ማይክሮ ፋይናንስ ተቋም አ.ማ የ2025/26 የበጀት ዓመት አጠቃላይ የሥራ ዕቅድ አፈጻጸም ግምገማ እና የቀጣይ በጀት ዓመት ስልታዊ የትኩረት አቅጣጫዎች ላይ ያተኮረ የምክክር መድረክ አካሂዷል።
 
በዚህ የምክክር እና የግምገማ መድረክ ላይ የተቋሙ የዳይሬክተሮች ቦርድ አባላት፣ የተቋሙ ማኔጅመንት አባላት እንዲሁም የሁሉም ቅርንጫፎች ሥራ አስኪያጆች ተገኝተዋል። በውይይቱ ወቅት የዓመቱ አጠቃላይ የፋይናንስ እና የኦፕሬሽን አፈጻጸም በዝርዝር የቀረበ ሲሆን የተገኙ ስኬቶችን በማጠናከር እና ያጋጠሙ ተግዳሮቶችን በመተንተን ለቀጣዩ በጀት ዓመት ስልታዊ የትኩረት አቅጣጫዎችና ግቦች ላይ ሰፊ ውይይት ተደርጓል።
 
በተጨማሪም በበጀት ዓመቱ በተመዘገቡ የሥራ ውጤቶች፣ በብድር ስርጭትና አሰባሰብ፣ በቁጠባ አሰባሰብ እና በደንበኞች አገልግሎት አሰጣጥ ጥሩ እና አርአያነት ያለው አፈጻጸም ላስመዘገቡ ቅርንጫፎች እና ሠራተኞች የዕውቅና እና የምስጋና ሥነ ሥርዓት ተካሂዷል። መባዕ ማይክሮ ፋይናንስ ተቋም አ.ማ ለፋይናንስ ተደራሽነት፣ ለላቀ የደንበኞች አገልግሎትና ለዘላቂ እድገት ባለው ቁርጠኝነት መሠረት፣ በምክክር መድረኩ የተቀመጡትን አቅጣጫዎች በመተግበር በቀጣዩ በጀት ዓመትም የተሻሉ ስኬቶችን ለማስመዝገብ በጋራ እንደሚሠራ ገልጿል።
መባዕ ማይክሮ ፋይናንስ ቀዳሚ የፋይናንስ አጋርዎ!

Follow Us

Website |Twitter(X) | TikTok | Facebook | Telegram Group | Telegram channel