"Peyğəmbərin gəlişi ilə hüccət qaldırılıb, huccət çatdırmağa ehtiyac yoxdur" şübhəsi

Uca Allah buyurur: “Biz bir qövmə peyğəmbər göndərməmiş onlara əsla əzab etmərik”. (əl-İsra, 15).
Bəziləri iddia edir ki, əvvəllər nə vaxtsa peyğəmbərlər göndərilibsə, deməli bu günümüzdəki insanlara hüccət çatıb və onlara ayələrdə deyildiyi kimi “əbədi əzab veriləcək”. Başqa sözlə, özünə müsəlman deyərək bilmədən şirk əməllər edənlərin kafir olduğunu iddia edirlər.

Şübhəyə cavab: 

Əvvəla belə bir məna sələfin heç bir təfsir kitabında öz əksini tapmır. Təfsir kitablarında İslama nisbət olunan kimsələr üçün belə bir təfsiri heç kim verməyib. Həmçinin, Quran və Sünnədə Peyğəmbərin (sallallahu aleyhi və səlləm) gəlişindən sonra təkfirin şərtlərinin və maneələrinin ləğv olunmasını bildirən heç bir dəlil yoxdur. Əksinə, bu günə kimi maneələr aradan qalxmadıqca təkfir etməyin təhlükəli və haram olması barədə kitablar yazılmış və yazılmaqdadır. Əgər Peyğəmbərlərin göndərişi ilə hüccət bəzi qardaşların başa düşdüyü formada tamamlanmış olsaydı, onda bütün maneələr ardan qalxmış sayılardı. Bütün maneələr aradan qalxmış sayılsaydı, onda alimlər nə üçün maneələri hələ də zikr edib bu haqda kitablar yazırlar? Peyğəmbərin  (sallallahu aleyhi və səlləm) dövründə İslamın əvvəlində, ortasında və axırında bilməməzlikdən küfr və şirk edənlər hər zaman üzürlü sayılmışlar. Üzürün İslamın yalnız əvvəlinə, ortasına və ya axırına aid olmasına aid bir dəlil olmadığı kimi, o dövrdə Peyğəmbərin (sallallahu aleyhi və səlləm) gəlişinin bu günkü insanlara hüccətin çatması kimi başa düşülməsinə də aid dəlil yoxdur.
Elçilərin gəlişində məqsəd insanlara haqqın çatdırılması deyilmi? Əgər müəyyən insanlara haqq çatmayıbsa,  nə vaxtsa Peyğəmbərlərin gəlişi onlara necə hüccət sayıla bilər? Ayələrin zahiri ləfzinə deyil, Allahın peyğəmbərlərin göndərişi ilə nəyi qəsd etdiyini anlamaq lazımdır.
Əvvala bu ayələri kor koranə götürmək  nə əqllə (ağılla), nə də nəqllə (dəlillərlə) düz gəlmir. Çünki, bir bölgəyə peyğəmbərin göndərilməsi digər bölgəyə belə kifayət etməyə bilər. Necə ki, eyni vaxtlarda müxtəlif yerlərdə peyğəmbərlər olub. Bir peyğəmbərin gəlişi hüccət olsaydı, nəyə görə Uca Allah qalanlarını göndərirdi?  “Peyğəmbər göndərməmiş onlara əsla əzab etmərik”- deyildikdə ümumi nəzərdə  tutulan məna “insanlara haqq çatdırılmamış onlara əzab etmərik” sözüdür. Ayələrdəki hökmlər isə mənalara bağlıdır, ayənin zahirinə deyil. Bu ayələrdə “peyğəmbər” sözünün keçməsinin hikmətlərindən bəzilərini sizə zikr edəcəyik. Allah insanlara hüccəti yalnız peyğəmbərlərlər vasitəsilə çatdırmışdır. Bu da insanlara hüccət çatdırılmasının ən kamil vasitəsidir. Fikirləşin bir var kiməsə haqqı başa salmaq üçün, ona kitab və yaxud kaset verəsən, bir də var ki, elmli və səbirli bir insan gedib şəxsən – əziyyətinə rəğmən – hikmətlə onları dəvət etsin. Məs; belə alimlərin və elm əhlinin ona haqqı çatdırmasından sonra hüccət çatmasından arxayın olmaq olar, çünki alimlər peyğəmbərlərin varisləridir. Bu gün bizdə elm və Peyğəmbərin  (sallallahu aleyhi və səlləm) əxlaqi sifətləri yoxdursa, kiməsə hüccət çatdırmağımızdan arxayın ola bilmərik.

https://menhec.net/node/128

http://facebook.com/menhec.net

#təkfir

“Hüccəti başa düşmək vacib deyil” şübhəsi

Bəziləri Qurani-Kərimdən bu ayələri şübhə olaraq dəlil gətirir və deyirlər ki, Uca Allah hüccəti başa düşmədikləri halda onları kafir saymışdır. Yəni, dəlili başa düşmək şərt deyil.

Uca Allah buyurur: “Yoxsa elə hesab edirsən ki, onların əksəriyyəti eşidəcək və ya anlayacaq? Onlar heyvan kimidirlər, hətta, haqq yoldan onlardan daha çox uzaqlaşmışlar” (əl-Furqan, 44).

“Ey iman gətirənlər! Sizdən əvvəl Kitab verilənlərdən dininizi ələ salıb oyun-oyuncaq hesab edənləri və kafirləri özünüzə dost tutmayın. Əgər möminsinizsə, Allahdan qorxun. Siz namaza çağırdığınız zaman onlar onu məsxərəyə qoyub oyun-oyuncaq sayarlar. Bu ona görədir ki, onlar düşüncəsiz bir camaatdır” (əl-Maidə, 57-58).

“Onlara Tövrata əməl etmək tapşırıldıqdan sonra ona əməl etməyənlər belində çoxlu kitab daşıyan, amma onlardan faydalana bilməyən uzunqulağa bənzəyirlər. Allahın ayələrini yalan sayan adamların nümunəsi necə də pisdir. Allah zalım adamları doğru yola yönəltməz” (əl-Cumuə, 5).

Daha ətraflı:
http://menhec.net/node/129

http://telegram.me/menhecnet

#Təkfir

“Əməlsiz iman yoxdur” şübhəsi

İddia olunur ki, əməl etməyənin imanı yoxdur.

Şübhəyə cavab: 

Əli (Allah ondan razı olsun) xavariclərin dəlil gətirdikləri ayələr barəsində belə deyərdi: “Onlar haqq şüarlarla batilə qulluq edirdilər”.

Əgər “Əməlsiz iman yoxdur” qaydası təfsilatsız tətbiq edilsə, artıq xavariclərin yoluna yönəlmiş olarıq, çünki, xavariclərin əsas qaydası “əməl getsə, iman da gedir” sözüdür. Bu qaydaya əsasən də böyük günah sahiblərini təkfir edirdilər.

“Əməlsiz iman yoxdur” qaydasını sələflər ümumən işlədib. Necə ki, Ənəs (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Biriniz özü üçün istədiyini (mü­­səl­man) qardaşı üçün istəmədikcə, iman etmiş olmaz”. (əl-Buxari, 13).

Bu məntiqlə yanaşsaq, o zaman belə çıxır ki, özünə istədiyini qardaşına istəməyən kafirdir. Lakin, burada məqsəd imanın kamil olmamasıdır.

Daha ətraflı
https://menhec.net/node/132

http://instagram.com/menhecnet

#Təkfir

Rəhbəri söyənlər barəsində

İmam Təhavi (Allah ona rəhm etsin) deyir: “Müsəlman rəhbərlər haqsızlıq etsələr belə onlara qarşı çıxmayın və onlara bəd dua etməyin. Onlara itaətsizlik etməyin. Rəhbərlər günahı əmr etmədikləri müddətcə onlara itaət etmək fərzdir. Allaha asi olmağı bizə əmr etmədikləri müddətcə onlara xeyirlə dua edirik”. (“Şərhu Əqidətut-Tahəviyyə” əl-Albaninin təhqiqi ilə, səh. 379).

Şeyxul-İslam İbn Teymiyyə (Allah ona rəhm etsin) demişdir: “Əhli-Sünnənin məşhur nəzər nöqtəsinə əsasən, rəhbər zalım olsa, zülm etsə belə, ona qarşı çıxmaq və döyüşmək düzgün deyildir. Buna dəlil Peyğəmbərdən (salləllahu aleyhi və səlləm) nəql edilən çoxsaylı hədislərdir. Çünki, döyüş və fitnədəki zərər və ziyan, başçının zülmündən daha böyükdür. İki zərərli işin daha kiçiyi qala-qala, zərəri böyük olanı irəli keçirtmək olmaz. Başçıya qarşı çıxmaqla ictimai və siyasi vəziyyəti əvvəlkindən daha yaxşı şəkildə düzəldən, demək olar ki, heç kim olmayıb. Əksinə düzəltmək əvəzinə daha da bərbad ediblər”. (“Minhəcus-Sunnə” 3/ 390). Başqa bir yerdə isə belə demişdir: “Bəzi hallar istisna olmaqla, başçıya qarşı çıxan hər bir şəxsin bu əməli xeyirdən çox şərlə nəticələnmişdir. Bütün bu deyilənlərdən və tarixi hadisələrdən Peyğəmbərin (salləllahu aleyhi və səlləm) rəhbərin zülmünə səbr etməyin vacibliyi açıq aydın başa düşülür. Bu işlərdə bəndə üçün ən xeyirli olanı səbrdir. Hər hansı bir şəxs öz emosiyalarına tabe olaraq qəsdən və ya səhvən bununla razılaşmazsa, onun tutacağı yolda xeyirdən daha çox dağıdıcılıq halları baş verəcəkdir”. (“Minhəcus-Sunnə” 4/ 527-532).

http://telegram.me/menhecnet

http://menhec.net

#rəhbərlərə_itaət

Sələf alimlərinin rəhbərlərə tabe olmaq haqda sözləri

Müsəlman olan hər bir kəs öz rəhbərinə qulaq asıb itaət etməlidir. Həmçinin, onun ünvanına təhqiramiz sözlər deməkdən çəkinməlidir. Çünki, rəhbərlərə olan itaətsizlik həm dini, həm də dünyəvi məsələlərdə pis sonluğa gətirib çıxarır. Bu hallardan biri də müsəlman dövlətinin daxildən zəifləməsidir ki, İslam dövlətlərinin düşmənlərinin öz hiyləgər planlarını həyata keçirmək üçün gözəl fürsət yaradır. Əgər müsəlman rəhbər öz dövlətində sevilən biridirsə və onun əmrləri Allahın buyurduğu qaydalar üzrə öz dövlətində həyata keçirsə, İslam düşmənləri onlardan qorxar və onlara hörmət edərlər. Əgər müsəlmanlar öz dövlətlərinə və bu dövlətin başında duran rəhbərə qarşı hörmətsizlik və soyuq münasibət bəsləyərlərsə, onların düşmənləri də onlara bu cür pis münasibət bəsləyər. Buna görə də hər bir müsəlman ağır yükün altına girməklə dövlət başçısına hörmətlə yanaşmalıdır. Həmçinin də Allah onlara itaətin vacibliyini bildirmiş və onlara itaət etməyi əmr edərək: “Ey iman gətirənlər! Allaha, Peyğəmbərinə və özünüzdən olan rəhbərlərə itaət edin! Əgər bir iş barəsində mübahisə etsəniz Allaha və Qiyamət gününə inanırsınızsa onu Allaha və Peyğəmbərə həvalə edin! Bu daha xeyirli və nəticə etibarilə daha yaxşıdır”. (ən-Nisə, 59).

menhec.net

http://facebook.com/menhec.net

#rəhbərlərə_itaət

Sələf alimlərinin rəhbərlərə tabe olmaq haqda sözləri

“Ey iman gətirənlər! Allaha, Peyğəmbərinə və özünüzdən olan rəhbərlərə itaət edin! Əgər bir iş barəsində mübahisə etsəniz Allaha və Qiyamət gününə inanırsınızsa onu Allaha və Peyğəmbərə həvalə edin! Bu daha xeyirli və nəticə etibarilə daha yaxşıdır”. (ən-Nisə, 59).

İxtiyar sahibləri kimlərdir?

 Bu ayənin təfsiri haqqında bir çox fikirlər mövcuddur.
Əbu Hureyra, İbn Abbas, Zeyd ibn Əsləm, əs-Suddi, Muqatil (Allah onlardan razı olsun) qeyd edirlər ki, bunlar hakimiyyətdə olan rəhbərlərdir.
İbn Abbas, Əbu Talhə, Cabir ibn Abdullah, Həsənul-Bəsri, Mucəhid, Nəhəi, Dəhhəq (Allah onlardan razı olsun) qeyd edirlər ki, bunlar alimlərdir.
İbn Kəsir (Allah ona rəhm etsin) isə belə deyir: “Bu ayədə həm müsəlman rəhbər, həm də müsəlman alimlər nəzərdə tutulur. Daha doğrusunu isə Uca Allah bilir”. (“Təfsir İbn Kəsir” 1/ 519).

İbn Teymiyyə (Allah ona rəhm etsin) belə qeyd edir: “Allaha və Onun Rəsuluna itaət etmək vacib olduğu kimi, rəhbərlərə də itaət Allahın əmrinə görə vacibdir. Rəhbərlərə Allah xatirinə itaət edən Allaha və Onun Rəsuluna itaət etmiş olur. Rəhbərlərə Allah xatirinə itaət edənlərin mükafatı Allah qatındadır. Belələri Allaha və Onun Rəsuluna itaət etmiş olurlar. Rəhbərlərə, yalnız onların verdikləri mal və vəzifəyə görə itaət edib vermədikdə isə onlara asi olanların Axirətdə heç bir payı olmaz”. (Məcmuul-Fətəva,  35/ 16,17).

http://instagram.com/menhecnet

#rəhbərlərə_itaət

İxtilafdan çıxmaq üçün orucluğun başlanması və bitməsini dövlət başçınıza həvalə edin

Daimi elmi araşdırmalar və fətvalar mərkəzinə belə bir sual verilir: 
"Biz radio vasitəsi ilə Səudiyyə Ərəbistanında orucluğun başlanmasını eşidirik amma biz hələ ayı görməmişik. Buna görə də bizim aramızda ixtilaf düşür, bəziləri radio ilə eşitdiklərinə əsasən oruc tutur, digərləri isə ölkəmizdə ayın görsənməsini gözləyirlər. Bu artıq bizim aramızda çox dəhşətli ixtilafa gətirib çıxarıb. Xahiş edirik bizə bu haqda fətva verin?!"

Cavab:

 "Ayın çıxış yerlərinin dəyişməsi şəriət və ağıl ilə dərk olunan məsələdir. Bəzi alimlər bunu etibarlı, digərləri isə etibarsız sayırlar. Bunun səbəbi isə bu məsələnin nəzəri məsələ olmasıdır. Ona görə də İslam alimləri deyilən məsələdə qədimdən bu günə qədər ixtilaf etmişlər. Onların bəzisi bunu etibarlı, digərləri isə etibarsız saymışlar. Onların hər biri Quran, Sünnə və qiyasdan (müqayisədən) dəlillər gətirmişlər. Ola bilsin ki, hər iki tərəf eyni dəlili gətirsin, amma bu dəlili başa düşməkdə ixtilaf etsinlər. Amma bütün bunlara baxmayaraq deyilən məsələ üzərində edilən ixtilaf alimlər arasında problemlər yaratmamışdır və onlar bir-birlərinə qarşı ehtiramla yanaşmışlar. Buna görə də siz ayın başqa ölkədə görülməsini eşitdikdə ayın başlamasını və bitməsini əmr sahibinə, dövlətinizin başçısına həvalə edin. Əgər o, orucluğun daxil olmasını, yaxud olmamasını desə, ona itaət etməyiniz vacibdir. Çünki, hakimin hökmü belə ixtilafları aradan qaldırır. Belə olduqda sizin aranızda olan müşkül məsələlər həll olunar". (Daimi Elmi Araşdırmalar və Fətvalar Mərkəzi, Orucluq fətvaları, sual 6).

https://menhec.net/node/486

http://telegram.me/menhecnet

#rəhbərlərə_itaət #ramazanın_başlaması

Ay müxtəlif ölkələrdə müxtəlif vaxtlarda başlaya bilər - Şeyx İbn əl-Useymin

Şeyx Muhəmməd ibn Salih əl-Useyminə (Allah ona rəhm etsin) belə bir sual verilir: "Ramazan və ya şəvval aylarının daxil olmasını bildirən yeni ayın doğuşu İslam ölkələrində fərqlidir. Həmin dövlətlərdən hansısa ayı gördükdə bütün dünya müsəlmanları oruc tutmalıdırlar?"

Şeyx İbn əl-Useymin (Allah ona rəhm etsin) belə cavab verir: "Yeni ayın görsənməsi haqda alimlər ixtilaf ediblər. Bəziləri deyirlər ki, əgər hansısa ölkədə şəriət qanunlarına uyğun olaraq Ramazanın yeni doğmuş ayı görsənibsə, bütün müsəlmanlar oruc tutmalı, Şəvval ayının yeni doğmuş ayı görsənibsə, onda bütün müsəlmanlar oruclarını açmalıdırlar (iftar etməlidirlər). Bu fikir İmam Əhmədin (Allah ona rəhmət etsin) məşhur rəyidir. Bu rəyə görə, əgər Ramazan ayının daxil olmasını və ya bitməsini bildirən yeni ay doğuşunu Səudiyyə Ərəbistanında görsələr, onda bütün dünya müsəlmanlarına oruc tutmaq və ya iftar etmək vacib olmalıdır. Bu məsələdə onların əsas dəlilləri Uca Allahın ayəsidir: "Sizdən bu aya (Ramazan ayına) çatan şəxslər həmin ayı oruc tutmalıdırlar...". (əl-Bəqərə, 185). Hədislərdən olan dəlilləri isə Peyğəmbərin (ona Allahın salavatı və salamı olsun) sözünün ümumi mənasıdır: "Yeni doğulmuş ayı gördükdə oruc tutun və onu gördükdə də iftar edin". (Muslim, 1081).

https://menhec.net/node/488

http://facebook.com/menhec.net

#ramazanın_başlaması

"Ələm olan məsciddə namaz qılmaq olmaz" şübhəsi

Şübhə olaraq iddia edilir ki, “bəzi firqələrin ibadət etməyə gəldikləri məscidlərdə namaz qılmaq olmaz və qılınan namazlar səhih deyildir. Çünki, bu firqələr o məscidlərdə Allaha şərik qoşurlar, ələmi məscidə daxil edirlər və ya məsciddə yerləşdirirlər. Buna görə də Allahın evlərini tərk etmək lazımdır”.

Şübhəyə cavab: 

Məscidlər Allaha ibadət olunan, xüsusi hörmətə sahib olan yerlərdir və məscidlərin bəzəyi orada camaat namazı qılan mömin qullardır. Lakin son illərdə bəzi müsəlmanlar Allahın evlərindən uzaqlaşmasına səbəb olan müxtəlif şübhələrə düşmüşlər. Belə şübhələrə düşən müsəlman bilməlidir ki, əgər müşriklərin məbədlərində namaz qılmaq icazəlidirsə içində bəzən bəzi kimsələr tərəfindən bidət və küfrün edildiyi məscidlərdə namaz qılmaq isə heç bir sıxıntısız icazəli olmalıdır. Peyğəmbərimiz (salləllahu aleyhi və səlləm) hicrət edənə qədər Məkkədə on üç il qalmış və bu illər ərzində Kəbədə namaz qılmışdı. Halbuki, Məkkə müşriklərinin idarəsi altında olduqda Kəbənin içində, üstündə və ətrafında bütlər dolu idi. Peyğəmbər (salləllahu aleyhi və səlləm) və əshabı da Məkkəni fəth edənə qədər belə bir halda olmasına baxmayaraq Kəbəni həm tavaf ediblər, həm də ətrafında və içində namaz qılıblar. Kəbənin içində və ətrafında bütlərin olması və müşriklərin orada uzun illər Allahdan başqasına ibadət etmələri Kəbənin hökmünü dəyişdirməmiş, onun layiq olduğu təzimi və müsəlmanların ona duyduqlarını sevgini alıb aparmamışdı. Əksinə bu bizə göstərir ki, belə hallarda müşrikin şirki tövhid əhlinin ibadətinə mane olmamalıır. Müsəlmanlar İslamın ilk dövrlərində gizli və ya açıq şəkildə Kəbənin ətrafında tavaf ediblər və orada namaz qılıblar. Təsəvvür edin ki, onların ətrafında tövhidin əsasına zidd olan bütlər olub, müşriklər o bütlərə onların yanında qurbanlar kəsərdilər. Kəbənin ətrafı da müsəlmanlar üçün məscid hökmündədir, lakin bununla belə müsəlmanlara orada namaz qılmaq qadağan edilmədi və səhih hədislərdə varid olduğuna əsasən Allahın Elçisi (salləllahu aleyhi va səlləm) hicrətdən öncə orada aşkarda namaz qılmışdır. Hətta müşriklər ona namaz qılarkən əziyyət ediblər. Hicrətdən sonrakı dövrdə Hudeybiyyə sülhündən sonra səhabələri ilə birlikdə ümrə etmiş, oranı tavaf etmiş və orada namaz qılmışdır. O, Kəbəni bütlərdən yalnız Məkkənin fəthində təmizləmişdir.
Həmçinin, bir çox rəvayətlər var ki, səhabələr sinaqoq və kilsələrdə namaz qılmış və bunu namazın səhihliyinə zərər verməyəcəyini bildirmişlər.

https://menhec.net/node/219

http://instagram.com/menhecnet

#məscidə_getmək

"əş-Şura" surəsi 10-cu ayə ilə gətirilən şübhə

Müxalif olanlar bu ayəni: “İxtilafa düşdüyünüz şey­lər barə­sində hökm vermək an­caq Alla­ha aid­dir...” (əş-Şura, 10) gətirib deyirlər ki, “kim Allahdan və Onun hökmündən başqa şeyə yönələrsə, artıq Allahın bu əmrinə qarşı müxalif olmuş və küfr etmişdir”.

Şübhəyə cavab:

Cavab olaraq deyilir ki, bu ayə Allahın şəriətilə hökm edilməsinə yönəldən və onun vacibliyini vurğulayan bir ayədir. Bunda bizim heç bir ixtilafımız yoxdur. Bizdən heç kim Allahın hökmündən başqa bir hökm ilə hökm verməyin icazəli olmasını demir. Allahın şəriətini bilən hər bir müsəlman bilir ki, Allahın şəriətilə hökm etmək hər bir kəsə vacibdir. Həmçinin hər bir kəsin bildiyi və üzərində ixtilaf olmayan məsələlərdən biri də Allahın hökmündən başqası ilə mühakimə olunanın və ya başqa bir hökmlə hökm edənin günahkar olması və əzəmətli bir günaha düşməsidir. Amma bu ayədə həmin şəxslərin təkfir edilməsinə heç bir dəlil yoxdur. Bu ayə yalnız Allahın hökmü ilə hökm edilməsinə, hökmün yalnız Allaha məxsus olmasına və onunla mühakimə olunmağa yönəltmədən söhbət gedir.

Daha ətraflı
https://menhec.net/node/766

http://facebook.com/menhec.net

#Təkfir

Təkfir fitnəsi nədir?

Təkfir etmək bir insanin kafir olduğunu deməkdir. Bu, İslam şəriətində dindən çıxanları ayırd etmək və onları mühakimə etmək üçün tətbiq edilən bir elmdir. Bəzi yolunu azmış savadsız adamlar bu məsələyə aid Quran ayələrini və hədisləri öz nəfslərinə və ağıllarına uyğun şəkildə şərh edərək, bilməyərəkdən şirk əməllər edən müsəlmanları kafir elan edir, digər müsəlmanları onlara qarşı nifrətə və düşmənçiliyə çağırırlar. Halbuki, Quran və səhih hədislərə əsasən bunu etmək böyük günahdır. Təkfir fitnəsi hal-hazırda müsəlman ölkələrində baş verən müharibə və fitnə-fəsadların əsas səbəblərindən biridir. İslam düşmənləri bu fitnəni müsəlmanlar arasında yayaraq onları parçalamaq, bir-birinə düşmən etmək və müsəlman dövlətlərini bu yolla zəiflətmək üçün əllərindən gələni edirlər.

https://menhec.net/node/155

http://telegram.me/menhecnet

#təkfir_nədir #cahilliyin_üzrlü_olması

Bidət nədir və alimlərin bidət əhli haqda sözləri

Bidət sözünün hərfi mənası "öncə edilməyən bir şeyi ixtira etmək, icad etmək" deməkdir.
Bidət dinə gətirilən yeniliklərə deyilir.
Bidətlər əməllərin qəbul olunmamasının və müsəlmanların parçalanmasının başlıca səbəbidir.
Bidət edən həm özü günah qazanır, həm də onun bidətinə əməl edənin günahını daşıyır.
Bidət edən dini və onun əsaslarını dəyişdirir.
Dində bidətlərə yol vermək böyük günahdır.
Peyğəmbər (ona Allahın salavatı və salamı olsun) bidətləri qadağan edərək demişdir: "...Ən xeyirli kəlam Allahın Kitabı və yolların ən xeyirlisi Muhəmmədin yoludur. İşlərin ən şərlisi (dində) edilən yeniliklərdir (bidətlər) və şübhəsiz ki, hər bir yenilik zəlalətdir. Hər bir zəlalət isə Cəhənnəm odundadır". (Əbu Davud, 2188; ət-Tirmizi, 1105; İbn Məcə, 1892).
Həmçinin demişdir: “Bizim bu işimizə ondan olmayan bir şeyi əlavə edənin əməli rədd olunur” (əl-Buxari, 2697).
"Ha­­mı­dan əvvəl Hovuzun başına gələn kəs mən olacağam. Sonra mənim yanımdan keçən kimsə ho­vuz­­dan su içər, on­dan içən isə əsla susamaz. Onda yanıma mənim tanıdığım və məni tanıyan bir qövm gələcəkdir. Sonra onları məndən ayıracaqlar. Onda Mən: "Onlar mənim ümmətimdəndirlər" - deyəcə­yəm. Mənə belə de­yi­ləcək: “Sən bilmirsən, onlar səndən sonra nə ye­niliklər ediblər" Və mən: "Məndən sonra yeniliklər edənlər məndən uzaq olsun­lar” - deyəcəyəm". ('l-Buxari, 6583; Muslim, 2290).
Uca Allah buyurur: " Bu gün dininizi sizin üçün kamil etdim, sizə olan nemətimi tamamladım və din olaraq sizin üçün İslamı bəyənib seçdim " (əl-Maidə, 3). Bu ayədə də Rəbbimiz dinin tamamlandığını, kamil olduğunu və yeniliyə ehtiyac olmadığını bildirmişdir.

Ardı var...

http://telegram.me/menhecnet


#mənhəc_nədir #bidətçilərlə_münasibət

ardı.

Bidət nədir və alimlərin bidət əhli haqda sözləri

Bidət əhli haqda bəzi alimlərin sözləri

Sabuni (Allah ona rəhm etsin) buyurur: “Sələf imamlarını sevmək Əhli-Sünnənin sifətindəndir. Onlara nifrət etmək isə bidət əhlinin sifətindəndir”. (əs-Sabuni “Əqidətus-Sələf və Əshabul-Hədis” kitabı).
İmam Əbu Hatim (Allah ona rəhm etsin) buyurur: “Sələfin yolunu təqib edənləri pisləmək bidət əhlinin əlamətlərindəndir”. (əl-Lələkai, 1/ 179).
Yəhyə ibn Əbi Kəsir (Allah ona rəhm etsin) buyurur: “Bidət əhli ilə yolda qarşılaşsan, başqa yol tut”. (əl-İbənə, 2/ 475).
İmam Bərbəhəri (Allah ona rəhm etsin) buyurur: “Sən bir kəsin rəhbərə qarşı bəd-dua etdiyini görsən – bil ki, o bidət əhlidir. Əgər bir kəsin rəhbərin islah olunması üçün dua etdiyini görsən bil ki, Allahın izni ilə o Əhli-Sünnədəndir”. (Şərhus-Sunnə, səh.116).
İmam Bərbəhəri (Allah ona rəhm etsin) deyir: “Bidət əhlinin misalı əqrəblərin misalındadır. Əqrəblər başlarını və bədənlərini torpağın altında basdırır, quyruqlarını isə torpaqdan bayırda saxlayırlar. Fürsət düşən kimi sancırlar. Eyni ilə də bidət əhli, onlar da insanların arasında gizlənir, fürsət düşən kimi istədiklərini yayırlar”. (Tabaqatul-Hənəbilə, 2/ 44).
İmam Bərbəhəri (Allah ona rəhm etsin) deyir: “Əgər bir kəsdən bidət olan bir şey görsən, ondan çəkin. Çünki, sənə gizli qalan sənə görsənəndən daha çoxdur”. Şeyx Rabi bu söz barəsində deyir: “Bidət və hava əhli gizlətmək və təqiyyə ilə tanınıblar. Bidət əhli öz əqidə və mənhəclərindən hər şeyi sənə göstərən deyillər. Bidətçi olan özündə olanları sənə bir-bir verir. Necə ki, bidət əhli barəsində deyilib ki: “O sənə zəhəri birinci dəfədən, birinci məclisdə yedizdirməz. Birinci olaraq sənə bal yedizdirər. Beləliklə, onunla ünsiyyətə başladıqda sənə öz zəhərini yeritməyə başlayacaq. Sənə hər şeyi başqa cür göstərərək səni öz bidətinə salacaq. Buna görə də sənə kimdənsə bidət olan hər hansı bir şey görsənərsə, ondan ehtiyatlı ol! Həqiqətən, onlar hiylə və məkr əhlidirlər”. (İmam Bərbəharinin Şərhus-Sunnə” kitabına şeyx Rabinin şərhi, “Aunul-Bəri” səh. 476).
Bir nəfər İmam Səhnunun (Allah ona rəhm etsin) yanına gələrək deyir: “Bidətlər yayılıb və onun tərəfdarları güc (hörmət) sahibidirlər”. O cavab verərək buyurur: “Sən Allahın bidəti məhv etməmişdən qabaq onu yer üzündə məşhurlaşdırdığını bilmirsənmi?” (Tərtib əl-Mədarik, səh. 72).
Şeyxul-İslam İbn Teymiyyə (Allah ona rəhm etsin) buyurur: “Əgər bidət əhli haqda fikirləşsən, görərsən ki, onlar heç bir dəlilsiz-sübutsuz olan iddialardan ibarətdir”. (Məcmuul-Fətava, 7/ 117).
Şeyxul-İslam İbn Teymiyyə (Allah ona rəhm etsin) buyurur: "Bidətçilər - günahkarların ən pisidir, çünki bidətlərini həm Sünnə adlandırırlar, həm də icma olduğunu deyirlər". (Məcmuul-Fətava, 20/ 103).
Şeyx İbn Bəz (Allah ona rəhm etsin) buyurur: “Əmr sahiblərinin eyiblərini yaymaq və minbərlərdə zikr etmək sələfin mənhəcindən deyil”. (Fətava, 8/ 210).
İbn Qeyyim əl-Cəvziyyə (Allah ona rəhm etsin) buyurur: "Qəlb təbibləri bidət əhlindən üz çevirməyi, onlara salam verməməyi, üzlərinə gülməməyi və onları qaş-qabaqla və arxa çevirməklə qarşılamağı tövsiyyə etmişlər". (İbn Qeyyim "İğasətul-Luhfən an Məsayidiş-Şeytan" 1/ 120).
Sən bu sözü imam Şafinin bu sözü ilə əlaqələndir. İmam Şafi (Allah ona rəhm etsin) demişdir: "Fətva tələb edən xəstədir, fətva verən isə təbib. Əgər təbib öz tibbində mahir olmasa xəstəni öldürəcəkdir" (əl-Fəqih vəl-Mutəfəqqih, 2/ 394).
Şeyx Fəuzan (Allah onu qorusun) buyurur: “Sünnə əhlini və hədis alimlərini yalnız və yalnız qəlbi xarab, xəbis olan biri söyər. Çünki, onları onların şəxsiyətlərinə görə söymür. Onları onlarda olan elmə və haqqı müdafiə etdiklərinə görə söyürlər”. (Şərhu əl-Kəfiyə əş-Şəfiyyə, səh. 603).
Şeyx Rabi ibn Hədi əl-Mədxəli (Allah onu qorusun)  buyurur: “Bidət əhli yalançı şayiələr və zalım iftiralardan başqa heç bir zamanda və məkanda Əhli-Sünnə ilə mübarizə apara bilməyiblər”. (əl-Məcmu, 2/ 331).

Şeyx Rabi ibn Hədi əl-Mədxəli (Allah onu qorusun) deyir: "Allaha and olsun ki, İslam ümmətini bidətlər zəlil günə qoyub. Əgər bu ümmət bidətlərdən uzaq olarsa, Uca Allah onlara yəhudi və nəsranilərə qarşı mütləq yardım edər. Onlar bidət və zəlalətdə ikən yəhudi və nəsranilərə qarşı onlara necə yardım gələ bilər?! (“Fətəva” 390).
Şeyx Rabi ibn Hədi əl-Mədxəli (Allah onu qorusun) buyurur: “Sələflərdən çoxu belə deyərdilər: “Bidət əhli İslam üçün xaricdən olan düşmənlərdən daha zərərlidirlər”. Nə üçün belə deyərdilər?! Çünki, bidət əhli İslamı daxildən dağıdır, sonra qapını açır və düşmənlərə deyir ki, “buyurun, girin!” (Məcmu Raiq, səh. 39).

https://menhec.net/node/250

http://facebook.com/menhec.net

#mənhəc_nədir #bidətçilərlə_münasibət

Rəhbəri söyənlər barəsində

İmam Təhavi (Allah ona rəhm etsin) deyir: “Müsəlman rəhbərlər haqsızlıq etsələr belə onlara qarşı çıxmayın və onlara bəd dua etməyin. Onlara itaətsizlik etməyin. Rəhbərlər günahı əmr etmədikləri müddətcə onlara itaət etmək fərzdir. Allaha asi olmağı bizə əmr etmədikləri müddətcə onlara xeyirlə dua edirik”. (“Şərhu Əqidətut-Tahəviyyə” əl-Albaninin təhqiqi ilə, səh. 379).

Şeyxul-İslam İbn Teymiyyə (Allah ona rəhm etsin) demişdir: “Əhli-Sünnənin məşhur nəzər nöqtəsinə əsasən, rəhbər zalım olsa, zülm etsə belə, ona qarşı çıxmaq və döyüşmək düzgün deyildir. Buna dəlil Peyğəmbərdən (salləllahu aleyhi və səlləm) nəql edilən çoxsaylı hədislərdir. Çünki, döyüş və fitnədəki zərər və ziyan, başçının zülmündən daha böyükdür. İki zərərli işin daha kiçiyi qala-qala, zərəri böyük olanı irəli keçirtmək olmaz. Başçıya qarşı çıxmaqla ictimai və siyasi vəziyyəti əvvəlkindən daha yaxşı şəkildə düzəldən, demək olar ki, heç kim olmayıb. Əksinə düzəltmək əvəzinə daha da bərbad ediblər”. (“Minhəcus-Sunnə” 3/ 390). Başqa bir yerdə isə belə demişdir: “Bəzi hallar istisna olmaqla, başçıya qarşı çıxan hər bir şəxsin bu əməli xeyirdən çox şərlə nəticələnmişdir. Bütün bu deyilənlərdən və tarixi hadisələrdən Peyğəmbərin (salləllahu aleyhi və səlləm) rəhbərin zülmünə səbr etməyin vacibliyi açıq aydın başa düşülür. Bu işlərdə bəndə üçün ən xeyirli olanı səbrdir. Hər hansı bir şəxs öz emosiyalarına tabe olaraq qəsdən və ya səhvən bununla razılaşmazsa, onun tutacağı yolda xeyirdən daha çox dağıdıcılıq halları baş verəcəkdir”. (“Minhəcus-Sunnə” 4/ 527-532).

http://telegram.me/menhecnet

http://menhec.net

#rəhbərlərə_itaət

Ruzi qazanmaq haqda Şeyx əl-Albaninin nəsihəti

Nə üçün Uca Allah "sizdən ruzi istəmirəm" (əz-Zəriyat, 57) deyir? Çünki müsəlman ruzi qazanmaq haqqında ibadət etməkdən daha çox narahat olmasın. O, ruzi üçün yox, yaradıldığı şey üçün (ibadət üçün) narahat olmalıdır, çünki Allah qullarının ruzisinə mükəlləfdir, onların ruzisini onlar analarının bətnində olarkən yazmışdır. Səhih hədisdə Peyğəmbərimiz ﷺ demişdir: "Uca Allah dörd aydan sonra bətndəki rüşeymə ruh üfürmək üçün mələk göndərir, sonra həmin mələk onun əcəlini, ruzisini, xoşbəxt və ya bədbəxt olacağını soruşaraq yazır". Beləliklə, Allah bizim ruzimizi illər öncə yazmışdır, ona görə də müsəlmanın öz ruzisi haqqında narahat olması düzgün deyil.
Diqqət edin, mən demirəm ki, müsəlman ruzi axtarmamalıdır, lakin mən deyirəm ki, müsəlman Allaha ibadətləri haqqında narahat olduğu qədər ruzisindən narahat olmamalıdır. Ruziyə zəmanət verilib və biz demirik ki, müsəlman ruzi axtarmasın, biz deyirik ki, ruzi qazanmağı həyatının əsas məqsədi kimi görməsin, çünki həyatın əsas məqsədi Allaha şərik qoşmadan ibadət etməkdir. 


Daha ətraflı
http://menhec.net/node/804

https://chat.whatsapp.com/8XPL6Bfh8bYC65HwNvb2AE

#mənhəc_nədir #ruzi

Mənhəc nədir?

Mənhəc - ərəb dilində nəhəcə, yənhəcu, minhəcən sözündən götürülüb, insanın getdiyi aydın yol deməkdir. Uca Allah buyurur: “Sizdən hər biriniz üçün bir şəriət və bir yol təyin etdik”. (əl-Maidə, 48).Abdullah ibn Abbas (Allah ondan razı olsun) bu ayədəki “minhəcə“ sözünün “sünnə” və “yol” mənasını verdiyini demişdir. (Cəmiul-Bəyan, 10/ 387).
 
Şəriətdə mənhəc - ibadətdə, elmdə, əməldə və insanlarla davranışda Allahın hökmlərini bəyan edən yoldur. Günümüzdə bir çox bidətçi firqələr öz zəlalətlərinə Quran və Sünnədən dəlillər gətirirlər. Səhih mənhəc isə bu dəlilləri öz havasına uyğun şəkildə yox, Peyğəmbərin (sallallahu aleyhi və səlləm), səhabələrin və onlardan sonra gələnlərin başa düşdüyü kimi başa düşüb həyatda tətbiq etməkdir.
Şeyx Ubeyd əl-Cəbiri (Allah onu qorusun) buyurur: “Sələfi mənhəci Allah Elçisindən (salləllahu aleyhi və səlləm) gələn hər bir şeyə tabe olmaq, söz və əməllə ondan möhkəm yapışmaqdır”.

Daha ətraflı
http://menhec.net/node/261

http://telegram.me/menhecnet

#mənhəc_nədir