လူအများဟာ အမှန်တရားကိုချစ်မြတ်နိုးသည်ဟုဆိုကြ၏။ သို့သော် သူတို့၏ အကြိုက်နှစ်သက်ဆုံးပုဂ္ဂိုလ်တစ်ဦးကို ဝေဖန်လိုက်သည်နှင့် တပြိုင်နက် ၎င်းတို့ဟာ အမှန်တရားမဟုတ်တော့ဘဲ ခုခံကာကွယ်မှုတစ်ခုသာဖြစ်၏။

-RAIDEN KT
Historian

#Kyawthet #History #RAIDEN_KT

ဘယ်ဘူတာမှာ
ဘယ်ရထားနဲ့လွဲလွဲ
မင်းနဲ့မလွဲရင်
ငါကျေနပ်ပြီ။

-အံ့လွန်းပျို

ဖြည့်တွေးပေးရတာတွေ
များလာတဲ့အခါ
ကိုယ်ကသူ့အတွက်
အရေးမပါမှန်း
လက်ခံလိုက်ပါတယ်။

-အံ့လွန်းပျို

မင်း မရှိဘဲလည်း
ငါအသက်ဆက်ရှူလို့ရနေတာပါပဲ၊

ဒါပေမဲ့ မင်း မပါတဲ့
အသက်ရှူခြင်းတိုင်းဟာ...

ရှင်သန်တာ မဟုတ်ဘဲ
သေဆုံးဖို့ စောင့်ဆိုင်းနေရတာမျိုး။

-သက္က

လူ

စိတ်ဓာတ်အထွေ
ပေညစ်လျက် ပျို့ရွံရှာ
ချို့တဲ့စိတ်ပါ။

နှုတ်စကားမှာ
စာနာမဲ့ အလျှင်း။

အသားနာ ဟစ်အော်လို့
အပြစ်တစ်ရာ ဖုံးကွယ်ပါတဲ့
တယ်မိုက်လေခြင်း။

ရာစု-၂၁ရာစု
ရေးသူ-အံ့လွန်းပျို
အမျိုးအစား-တြိချိုး

"တစ်ခါတလေမှာ ပေးဆပ်ခြင်းကလည်း ချစ်ခြင်းပါပဲ"
__
"Sometimes, sacrifice is also a form of love."

#Khun
#Angél_Alphá_x_Mirror
S-un W-ukong edit, H-eat w-aves song, sad story, sad letter.
#creatorsearchinsights
#စာတို

အချစ်ဟာ ချိုသလား
ခါးသလား ကျွန်တော်မသိပါ။
မေတ္တာဟာ‌ အေးသလား
ပူသလား ကျွန်တော်မသိပါ။
ကျွန်တော်‌သာပေးပြီး ပြန်မရခဲ့တဲ့
အရာတွေအကြောင်း ကျွန်တော်မသိပါ။

-အံ့လွန်းပျို

တကယ်တော့လေး ကျွန်မ‌တို့ လူသား‌တွေမှာ မှော်ပညာဆိုတာရှိတယ်။ ဒါကိုဘယ်သူက ငြင်းနိုင်မှာလဲ...ချစ်ဖူးသူတိုင်းဟာ မှော်ပညာနဲ့ ထိတွေ့ဖူးကြတာချည်းပါပဲ။

-Nora Roberts
#History #RAIDEN_KT #Kyawthet

ကျွန်တော်က ဆယ်ကျော်သက်
တစ်ယောက်ပါ။ လှေကားထစ်တွေကို
တစ်ဆင့်ကျော်တက်သလို
အရာရာမှာလဲ အဆင့်
ကျော်ချင်ခဲ့တဲ့လူဟာ မင်းနဲ့တွေ့မှ
အမှတ်သည်းခြေရှိခဲ့တယ် ခင်...။

-အံ့လွန်းပျို

မင်းဆီ အရောက်လာဖို့ဆိုရင်
ဆုံခဲ့ဖူးတဲ့ လူပေါင်းများစွာကို
စွန့်ပစ်ခဲ့ရပါစေဦး၊

အဲဒီ စွန့်လွှတ်ခြင်းတွေရဲ့ အဆုံးမှာ
မင်းရဲ့ မေတ္တာတစ်စက် ရရင်ပဲ
ငါ့ ကြိုးစားခဲ့ရမှုတွေ တန်သွားခဲ့ပါပြီ။

-သက္က

"I really want to be your protector, but seeing how much stronger you are than me, I just can't help but adore you even more. You're my favorite."
__
"ကိုယ်ကတော့ ကိုယ့်ကောင်မလေးကိုပဲ ကာကွယ်ပေးချင်နေတာ၊ ဒါပေမဲ့ ကိုယ့်ထက်ကို ပိုသန်မာနေတဲ့ ကိုယ့်အချစ်ဆုံးကို ကြည့်ပြီး ကိုယ်ပဲ အသည်းယားရတယ်။"

ခွန်း
#yor_edit #you're_perfect_song #Angél_Alphá #cutie_pie
#spyxfamilyedit

စိတ်ပျက်အောင် မလုပ်ပါနဲ့။
မကြိုက်ဘူးဆိုတာကို မလုပ်ပါနဲ့။
သည်းခံနိုင်စွမ်းမရှိအောင် မလုပ်ပါနဲ့။
လက်လွှတ်ခဲ့သူတစ်ယောက်က
ဥပေက္ခာတရားအကြောင်းကို
ရှင်းပြပါလိမ့်မယ်။

-အံ့လွန်းပျို

သမိုင်းဆိုတာ အောင်နိုင်သူတွေသာ ရေးထိုးခွင့်ရတဲ့စာမျက်နှာသစ်တစ်ခုပါပဲ။ လူတွေဟာ သမိုင်းစာအုပ်တွေ၊ သင်ခန်းစာတွေထဲမှာ မကြားဖူးဘူးဆိုတိုင်း လက်တွေ့သမိုင်းဖြစ်ရပ်မှန်တစ်ရပ်ကို သတိထားမိမယ့်မထင်ပါဘူး။ လက်ရှိပြဿနာကအနာဂတ်ရဲ့သမိုင်းဖြစ်သွားတတ်တာကြောင့် တချို့လူတွေကမိမိတို့အတွက်ရုပ်ဆိုးအကျဉ်တန်တဲ့ သမိုင်းတွေကိုဖျောက်ခဲ့ကြသည်မှာလည်း များခဲ့လှ၏။ သို့သော်သူတို့ဟာဘယ်လိုဘဲ ဖျောက်ဖျက်နိုင်ကြပါစေ သမိုင်းဆိုတာနောက်ဆုံးပြန်လည်ဖော်ထုတ်ခံရမည်မလွဲပါ။ ဒီလိုအဖျောက်ဖျက်ခံရတဲ့သမိုင်းတွေထဲမှာ အံ့ဩစရာကောင်းအောင် ကမ္ဘာပေါ်ကဒီမိုကရေစီနိုင်ငံကြီးတစ်ခုဖြစ်တဲ့အမေရိကန်ရဲ့ သမိုင်းပါပဲ။ ဒီသမိုင်းတစ်ခုဟာလည်း ယနေ့ထိဖျောက်ဖျက်ခံရထားရသလို အမေရိကန်အစိုးရကိုယ်တိုင်းကဖုံးဖိထားမယ်ဆိုလျှင် မယုံနိုင်လောက်ပေ။ အဲဒီသမိုင်းဟာ၁၉၂၁ခုနှစ် ဖြစ်ပေါ်ခဲ့တဲ့ တူလ်ဆာလူမျိုးရေးအစုလိုက်အပြုံလိုက် သတ်ဖြတ်မှုပါပဲ။

ဒီသမိုင်းရဲ့ဖြစ်ရပ်အစဟာ ၁၉၂၁ခုနှစ် အမေရိကန်နိုင်ငံ အိုကလာဟိုးမားပြည်နယ် တူလ်ဆာမြို့က Greenwoodဆိုတဲ့ ရပ်ကွက်လေးတစ်ခုကနေအစပြုခဲ့ပါတယ်။ ဒီရပ်ကွက်လေးမှာ လူမည်းတွေအများဆုံးနေတာကြောင့် တချို့က "Black Wall Street"လို့တောင်တင်းစားခေါ်ကြပါတယ်။ အဲဒီရပ်ကွက်နေ လူမည်းတွေဟာ စည်းလုံးကြပြီး မိမိတို့ဘဝအတွက် စီးပွားရေးတွေ၊ ကျန်းမာရေးတွေ၊ ပညာရေးတွေကအစ အချင်းချင်း ကူညိတာကြောင့် ရပ်ကွက်တစ်ခုလုံးဟာ တူလ်ဆာမြို့မှာ အချမ်းသာဆုံး ရပ်ကွက်လေးဖြစ်လာခဲ့တယ်။ နောက်ပြီး Greenwoodရပ်ကွက်နေ လူမည်းတွေဟာ ဘယ်လောက်ထိစည်းလုံးကြသလဲဆိုရရင် သူတို့ကဟာ ငွေကြေးအရ သုံးစွဲသည့် ၁ဒေါ်လာတောင်မှ ရပ်ကွက်ထဲမှာဘဲ လှည့်ပတ်သုံးနေရင်း ပြင်ပတခြားသူတွေဆီမရောက်ဘဲ အချင်းချင်းကြားမှာ လည်ပတ်နေနိုင်လောက်အောင် စီးပွားရေးက အရမ်းအားကောင်းနေခဲ့တယ်။ ဒါပေမယ့် သူတို့တွေရဲ့ ဒီအောင်မြင်မှုတွေက တခြားလူဖြူတွေရဲ့အမြင်ကို မနာလိုမှုတွေအဖြစ် ဖိတ်ခေါ်နေသလိုဖြစ်လာခဲ့တယ်။ Greenwoodရပ်ကွက်နေလူမည်းတွေအတွက် စိတ်မကောင်းစရာတစ်ခုကတော့ ၁၉၂၁ဆိုတဲ့ ကာလဟာ အမေရိကန်မှာ လူမျိုးရေးခွဲခြားမှုတွေက အထွတ်အထိပ်ကာလရောက်နေတာကြောင့် သူတို့အတွက် လုံခြုံရေးအာမခံဆိုတာ လုံးဝမရှိခဲ့ပါ။ တူလ်ဆာမြို့ကလူဖြူတွေဟာ ဒီလူမည်းတွေက ဘာလို့ငါတို့ထက်ချမ်းသာနေရတာလဲ? အောင်မြင်နေရတာလဲ? စတဲ့မနာလိုမှုတွေနဲ့ လူမည်းတွေပေါ်အငြိုးထားကာ အချိန်မရွေးပြဿနာဖြစ်ဖို့ စောင့်ကြည့်နေခဲ့ကြတယ်။

ဒီလိုနဲ့ တင်းမားနေတဲ့ကြားက ၁၉၂၁ခုနှစ် မေလ၃၁ရက်နေ့မှာ လူဖြူမိန်းကလေးတစ်ဦးနဲ့ လူမည်းလူငယ်တစ်ဦးတို့ ဖြစ်တဲ့ပြဿာနာသေးသေးလေးကို အကြောင်းပြကာ လူဖြူတွေဟာအကြမ်းဖက်သည့် လုပ်ရပ်တွေဘက်သို့ရောက်သွားပါတော့တယ်။ လူဖြူကြီးစိုးရေးသမားတွေဟာ မေလ၃၁ရက်ည‌ဘက်မှာ လက်နက်ကိုယ်စီကိုင်ဆောင်ပြီး Greenwoodရပ်ကွက်တစ်ခုလုံးကို မွှေနှောက်ကာ လူမည်းအိမ်ခြေ၁,၂၀၀ကျော်ကို မီးရှိုးဖျက်ဆီးပစ်လိုက်ကြတယ်။ ပိုဆိုးတာက လူမည်းတွေကိုမြေပြင်ကနေ အကြမါးဖက်ခဲ့ရုံတင်မကဘဲ လေယာဉ်တွေနဲ့ ဗုံးတွေကျဲချပြီး အစုလိုက်အပြုံလိုက် အကြမ်းဖက်လိုက်ကြတယ်။ အဲဒီညမှာ အသက်ရှင်ဖို့ ကြိုးစားနေရင်း လူဖြူတွေလက်ချက်ဖြင့် သေဆုံးခဲ့ရသည့် လူမည်းဦးရေဟာ ၃၀၀နီးပါးရှိလာတယ်။ လူမည်းတွေဟာ မိမိရဲ့အသက်ကိုလုပြီး ထွက်ပြေးရတာကြောင့် အိုးမဲ့အိမ်မဲ့ဖြစ်သွားရကာ ထောင်ပေါင်းများစွာသော လူမည်းဒုက္ခသည်တွေအဖြစ် ဆောင်းရာသီမှာအေးခဲသည့်ဒဏ်များနှင့် နေစရာမရှိလောက်အောင် သူတို့ဟာလုံးဝဘဝပျက်သွားခဲ့ကြတယ်။

ဒီလောက်ရက်စက်တဲ့ အစုလိုက်အပြုံလိုက်ယုတ်မာတဲ့ ပြဿနာကြီးဟာ မကြာခင်မှာဘဲ အမေရိကန်သမ္မတအိမ်တော်သို့ ရောက်သွားခဲ့တယ်။ အမေရိကန်အစိုးရဟာ ဒီပြဿနာကိုကိုင်တွယ်ဖို့နေနေသာသာ လုံးဝနှုတ်ဆိတ်နေခဲ့တယ်။ အစိုးရပိုင် သတင်းစာတွေမှာလည် ဒီသတင်းကိုမပျံနှံစေဖို့ ဖုံးကွယ်ခဲ့ကြတယ်။ အဆိုးဆုံးက အမေရိကန်ကျောင်းသုံးသမိုင်းစာအုပ်တွေမှာ ဒီအကြောင်းကို မျိုးဆက်သစ်တွေနဲ့ ကမ္ဘာကြီးကမသိစေဖို့ အစအနတောင်မပါစေရန် စနစ်တကျဖျက်ဆီးပစ်လိုက်ကြတယ်။ အစိုးရနဲ့ တာဝန်ရှိသူတွေက တူလ်ဆာမြို့ရဲ့ အ့ဒီနေရာကို ခေတ်သစ်မျိုးဆက်တွေသတိမထားမိစေဖို့ မြေလှန်ပြီး ဘယ်သူမှ ဒီနေရာမှာ ဘာမျှမဖြစ်ခဲ့သလို အဆောက်အအုံအသစ်တွေနဲ့ အစားထိုးဖုံးကွယ်လိုက်ကြတယ်။ ဒါပေမယ့် သမိုင်းရဲ့အမှန်တရားဆိုတာ ဘယ်သူဘယ်ဝါကမှဖုံးကွယ်လို့မရနိုင်ပါ။ ဒီပြဿနာအကြောင်းကို ၂၀၀၀ပြည့်နှစ်မှာ အမေရိကန် ဖက်ဒရယ်စုံစမ်းစစ်ရေးနှင့် လူအခွင့်အရေးတက်ကြွသူများက ပြန်လည်ဖော်ထုတ်နိုင်ခဲ့ပါတယ်။

နိဂုံးချုပ်သုံးသပ်ချက်အရ ကျွန်တော်တို့လူသားတွေရဲ့ သမိုင်းဟာ လူမျိုးရေးခွဲခြားမှု၊ မနာလိုမှုနဲ့ အာဏာရဲ့မာန်မာနတွေနဲ့ပြည်နှက်နေပြီး ယင်းလူသားအချင်းချင်းတို့ဟာ ပဠိပက္ခသံသရာထဲ၌ အင်အားကြီးသူကဗဟိုပြု၍ အားနည်းသော တစ်ဖက်သားအပေါ် ယဉ်ကျေးမှုများ၊ အသက်အိုးအိမ်နှင့် သူတို့ရဲ့ ချွေးနှဲစာတွေကိုပါဘယ်လောက်အထိ ရစရာမရှိအောင် ဖျက်ဆီးပစ်နိုင်တယ်ဆိုတာကို ဒီသမိုင်းက သက်သေပြနေပါတယ်။ သမိုင်းဆိုတာ အနိုင်ရသူတွေရဲ့ အကြောင်းထိုင်ဖတ် ရေးထိုးထားတဲ့ စာရွက်သက်သက်ချည်းဘဲမဟုတ်ပဲ အတိတ်ကဖြစ်ပျက်ခဲ့တဲ့ အမှန်တရားတွေ၊ အမှောင်ဖုံးခံခဲ့ရတဲ့ လူတွေရဲ့ ဘဝကို ဖော်ထုတ်ဖို့ လေ့လာရတဲ့နယ်ပယ်တစ်ခုဖြစ်ကြောင်းဆွေးနွေးသုံးသပ်အပ်၏။

-RAIDEN KT
Historian
#Kyawthet #History #RAIDEN_KT

“ငါ”တစ်လုံးဆောင်

ငါသည်ယောက်ျား၊မည်သူကားမျှ
မကြားသိချေ။
ငါသည်မိန်းမ၊မည်သူမျှလည်း
မသိကျွမ်းချေ။
ငါဟူသောသူ၊ကမ္ဘာဂူ၌
လူဖြစ်ရခြင်း၊ဘဝဆင်းတွင်
ငြင်းပယ်တားက၊‌အသက်ရုပ်လွှာ
ခွာချလျက်ပေ၊အဆွေပေါင်းတို့။

ငါရှူသောလေ၊မပေညစ်လျက်
ငါရပ်သောမြေ၊မကြေမွဘဲ
ငါစွဲသောစာ၊ငါ့ကမ္ဘာတွင်
အရာထင်မည်။

ငါတောင်းသောဆု၊မတုပလျက်
ငါတက်သောထိပ်၊မဆိတ်သုဉ်းဘဲ
ငါတွဲသောလက်၊ခေတ်အဆက်တွင်
အသက်ဆုံးမည်။

ပေါက်ဖွားမြင်စ၊ကလေးဘဝ
ကြီးမှအရွယ်၊ဆယ်ကျော်သက်ချိန်
ဇိမ်ယစ်မူးခြင်း၊ဖယ်ရှားထွင်းကာ
ရင်းမြစ်ဇာတိ၊မရောက်ရှိခင်
သိကျွမ်းသူများ၊ငါ့ကိုကားလည်း
ဝါးတားယောင်ခြာ၊ညှိုးငယ်စွာဖြင့်
ကြမ္မာလည်လျက် ခက်လှချေ။

ရာစု-၂၁ရာစု
ရေးသူ-အံ့လွန်းပျို
အမျိုးအစား-လင်္ကာ

"ကမ္ဘာငယ်"

"ကိုယ့် ပုခုံးတစ်ခြမ်းက
ကမ္ဘာကြီးကို ထမ်းနိုင်တယ်" ပြောတော့
လူတွေက ရယ်ကြတယ် အသက်ရေ…

ဟုတ်တာပေါ့လေ…
ကိုယ့်မှာ နာမည်လေးလုံးနဲ့
ကမ္ဘာငယ်လေး ရှိတာ
သူတို့မှ မသိဘဲ။

သူတို့ သိတဲ့ ကမ္ဘာကြီးလို မဟုတ်ဘူး၊
ကိုယ့် ကမ္ဘာလေးမှာ
ဆံပင်ရှည်ရှည်လေးတွေ ရှိတယ်၊
ငြင်းဆန်လို့ မရတဲ့ မျက်ဝန်းတစ်စုံ ရှိတယ်၊
မဲ့ပြုံးပဲ ပြုံးပြုံး၊ သဲ့ပြုံးပဲ ပြုံးပြုံး…
ပြုံးလိုက်ရင် အရာရာကို နွေးထွေးသွားစေတဲ့ အပြုံးလေး ရှိတယ်။

ဟုတ်တယ်...
အဲတာ ကိုယ့်အပိုင် ကဗျာ၊
ကိုယ့်အပိုင် ကမ္ဘာ၊
ကိုယ် ဘယ်တော့မှ မဆုံးရှုံးချင်တဲ့အရာ...
သူ့နာမည်က သက်လျာ။

-သက္က

သူပြန်ချစ်ခြင်း
မချစ်ခြင်းဆိုတာဟာ
ကျွန်တော့် စားနေတဲ့
ထမင်းကြမ်းပေါ်မှာ
မူတည်ပါတယ်။

-အံ့လွန်းပျို

ဤသို့ ဤပုံ ဤဖြစ်ပျက်တည်း

လောကအလယ်၊ ဗဟိုဝယ်၌
ဖက်တွယ်ထားမှု၊ နှိုင်းတုပြုလျက်
သက်ရှင်ကာလ၊ ဘဝတစ်ပါး
‌ပြောင်းသွားထိတိုင်၊ တွေ့ကြုံငိုင်ရ
အနိုင်အရှုံး၊ အမုန်းအချစ်
အဖြစ်အပျက်၊ အတက်အဆင်း
ထိုအချင်း၌၊ အလင်းမဲ့ကား
နောင်တများကို၊ ကြောင်းကြားပြကာ
ဤသို့သာလျှင် ပို၍တည်း။

မိမိကိုယ်ကိုယ်၊ ‌တော်တတ်ဆို၍
မြင်းမိုရ်တောင်နှယ်၊ ယုံကြည်သွယ်မှု
မြင့်ပယ်ထားကာ၊ အမှားအမှန်
ချန်ထားရစ်လို့၊ ဖြူစင်ညှို့နှင့်
ထိုသို့ခံယူ၊ လူများကြားတွင်
ရွံရှာသွင်ကား၊ ဖယ်ကြဉ်လျစ်လျူ
ငြင်းယူသော်ငြား၊ ကျွဲပါးစောင်းတီး
နည်းတူသကဲ့၊ အကြောင်းမဲ့ရာ
ဤပုံသာလျှင် ဆို၍တည်း။

ဥစ္စာစည်းစိမ်၊ ဂုဏ်ဒြပ်ရှိန်ကို
အိုးအိမ်ပြောင်ဝင်း၊ ‌ဗိုက်ဖြိုးတင်းလို့
အဆင်းလှပ၊ ခံစားရချိန်
နိမ့်ကျသူနှင့်၊ ချို့တဲ့ဖြင့်ကား
ချင့်ချိန်ဉာဏ်သွား၊ ဦးနှောက်ပါးကာ
စားဝတ်နေရေး၊ ဒုက္ခဘေးတို့
‌မနှေးမြန်စွာ၊ ဆိုက်ကပ်လာမှ
စာနာစိတ်က၊ ကြောင်းပြသည်သာ
ဤဖြစ်ပျက်လျှင် လို၍တည်း။

ရာစု-၂၁ရာစု
ရေးသူ-အံ့လွန်းပျို
အမျိုးအစား-လင်္ကာ

ကျူးလွန်တဲ့သူက
အပြစ်မရှိသလိုနေတဲ့အခါ
နစ်နာသူမှာ ပိုမွန်းကျပ်ခဲ့။

မပြတ်သားနိုင်တဲ့သူကို
အနိုင်ကျင့်ရတာပျော်တဲ့သူတွေရဲ့
လက်သုံးစကားက
"ဒီတိုင်းပြောလိုက်တာပါ" တဲ့...

ဟုတ်ပါတယ် မီးပွားလောက်စကားလေး ဆိုပေမယ့်ကောက်ရိုးလို နှလုံးသားဆို
ပြာကျသွားနိုင်တယ်။

-သက္က