အတွေးလွန်တတ်သူများအတွက် ဂျပန်တို့၏ ဘဝအမြင်

၁။ Shōganai — ကိုယ်မပြောင်းလဲနိုင်တာကို လက်ခံပါ

Shōganai ဆိုတာ ကိုယ်မထိန်းချုပ်နိုင်တဲ့အရာတွေကို လက်ခံတတ်ဖို့ သတိပေးတဲ့ ဂျပန်အသုံးအနှုန်းတစ်ခုပါ။ အတွေးလွန်တတ်သူတွေဟာ ဖြစ်ပြီးသားကိစ္စတွေကို ပြန်တွေးနေမိတာ၊ တခြားသူတွေရဲ့ ဆုံးဖြတ်ချက်တွေအပေါ် ပူပန်နေမိတာမျိုး မကြာခဏ ဖြစ်တတ်ပါတယ်။ ဒီလိုနဲ့ ကိုယ်ပြောင်းလဲလို့မရတဲ့အရာတွေအတွက် စိတ်ခွန်အားတွေ ကုန်ဆုံးသွားတတ်ပါတယ်။

လက်ခံတယ်ဆိုတာ ဖြစ်နေတဲ့အခြေအနေကို သဘောတူတယ်လို့ မဆိုလိုပါဘူး။ ပြောင်းလဲလို့မရတဲ့အရာကို အသိအမှတ်ပြုပြီး ကိုယ်လုပ်နိုင်တဲ့အရာတွေအပေါ် အာရုံစိုက်ဖို့သာ ဆိုလိုတာပါ။ ဒါကြောင့် စိတ်ပူပန်လာတဲ့အခါ ကိုယ့်ကိုယ်ကို “ဒီအခြေအနေမှာ ငါတကယ်ပြောင်းလဲနိုင်တာ ဘာရှိသလဲ” လို့ မေးကြည့်ပါ။ ကိုယ်မထိန်းချုပ်နိုင်တဲ့အရာတွေကို လွှတ်ချတတ်လာတဲ့အခါ စိတ်လည်း ပိုပေါ့ပါးလာနိုင်ပါတယ်။

၂။ Kaizen — ခြေလှမ်းသေးသေးလေးကနေ စတင်ပါ

Kaizen ဆိုတာ တစ်ဆင့်ချင်း တိုးတက်အောင် လုပ်ဆောင်ခြင်းကို အလေးထားတဲ့ ဂျပန်အယူအဆတစ်ခုပါ။ အတွေးလွန်တတ်သူတွေဟာ ပြဿနာတစ်ခုကို ဖြေရှင်းဖို့ ကြိုးစားရင်း အရာအားလုံးကို တစ်ပြိုင်နက်တည်း ပြီးပြည့်စုံအောင် လုပ်ချင်တတ်ကြပါတယ်။ အဲဒီလို ကြိုးစားလေလေ ဘယ်ကနေစရမလဲ မသိတော့ဘဲ ပိုပြီး စိတ်ရှုပ်ထွေးလာတတ်ပါတယ်။

Kaizen က အရာအားလုံးကို တစ်ခါတည်း ပြောင်းလဲဖို့ မလိုကြောင်း သတိပေးပါတယ်။ အကြီးမားဆုံးရလဒ်ကို ချက်ချင်းရဖို့ ကြိုးစားမယ့်အစား လုပ်နိုင်တဲ့အရာလေးတစ်ခုကနေ စတင်ပါ။ ဥပမာ၊ ပြဿနာတစ်ခုလုံးကို ဖြေရှင်းဖို့ တွေးနေမယ့်အစား ဒီနေ့ လုပ်ဆောင်နိုင်မယ့် အဆင့်သေးသေးလေးတစ်ခုကို ရွေးချယ်ပါ။ တစ်လှမ်းချင်း ရှေ့ဆက်သွားခြင်းက အတွေးတွေထဲမှာပဲ ပိတ်မိနေခြင်းထက် ပိုအကျိုးရှိပါတယ်။

၃။ Wabi-Sabi — မပြည့်စုံမှုကို လက်ခံပါ

Wabi-sabi ဆိုတာ မပြည့်စုံခြင်း၊ မတည်မြဲခြင်းနဲ့ ရိုးရှင်းခြင်းတို့မှာလည်း တန်ဖိုးရှိကြောင်း ဖော်ပြတဲ့ ဂျပန်အနုပညာနဲ့ ဘဝအမြင်တစ်ခုပါ။ အတွေးလွန်တတ်သူတွေဟာ အမှားမလုပ်မိဖို့၊ ဆုံးဖြတ်ချက်တိုင်း မှန်ကန်ဖို့နဲ့ အရာရာ ကိုယ်မျှော်လင့်ထားသလို ဖြစ်လာဖို့ ကြိုးစားတတ်ကြပါတယ်။ ဒါပေမဲ့ ပြီးပြည့်စုံမှုကို အမြဲလိုက်ရှာနေရင် စိတ်ပင်ပန်းမှုနဲ့ ကိုယ့်ကိုယ်ကို အပြစ်တင်မှုတွေ ပိုများလာနိုင်ပါတယ်။

Wabi-sabi က အရာရာတိုင်းဟာ ပြီးပြည့်စုံနေဖို့ မလိုကြောင်း သတိပေးပါတယ်။ အမှားတစ်ခုလုပ်မိတာ၊ ဆုံးဖြတ်ချက်တစ်ခု မျှော်လင့်ထားသလို မဖြစ်တာတွေဟာ ဘဝရဲ့ သဘာဝအစိတ်အပိုင်းတွေပါပဲ။ ဒါကြောင့် အရာရာကို အကောင်းဆုံးဖြစ်အောင် အတင်းကြိုးစားနေမယ့်အစား တစ်ခါတလေ မပြည့်စုံမှုကိုလည်း လက်ခံပေးပါ။ အရာရာကို ပြီးပြည့်စုံအောင် လုပ်ဖို့ မလိုတော့တဲ့အခါ စိတ်လည်း ပိုအေးချမ်းလာနိုင်ပါတယ်။

၄။ Shoshin — ပွင့်လင်းတဲ့စိတ်နဲ့ ချဉ်းကပ်ပါ

Shoshin ဆိုတာ အတွေ့အကြုံရှိပြီးသားဖြစ်စေ၊ မိမိကိုယ်ကို သိနားလည်သူလို့ ယူဆထားသည်ဖြစ်စေ အရာရာကို စတင်လေ့လာသူတစ်ယောက်လို ပွင့်လင်းစွာ ချဉ်းကပ်ခြင်းကို ဆိုလိုပါတယ်။ အတွေးလွန်တတ်သူတွေဟာ မဖြစ်သေးတဲ့အရာတွေအတွက် ရလဒ်ကို ကြိုတင်ခန့်မှန်းပြီး မကောင်းတဲ့အခြေအနေတွေ ဖြစ်လာတော့မယ်လို့ ယူဆတတ်ကြပါတယ်။ အဲဒီလို ကြိုတင်ဆုံးဖြတ်ထားခြင်းက စိုးရိမ်ပူပန်မှုကို ပိုတိုးလာစေနိုင်ပါတယ်။

Shoshin က ကိုယ်ထင်ထားတဲ့အရာတိုင်း မှန်ကန်မယ်လို့ မယူဆဘဲ အခြေအနေတစ်ခုကို ပွင့်လင်းတဲ့စိတ်နဲ့ လေ့လာကြည့်ဖို့ သတိပေးပါတယ်။ တစ်စုံတစ်ယောက်ရဲ့ တုံ့ပြန်မှုကို ကြိုတင်ဆုံးဖြတ်မယ့်အစား သူတို့တကယ် ဘယ်လိုတုံ့ပြန်မလဲဆိုတာ စောင့်ကြည့်ပါ။ မကောင်းတဲ့ရလဒ်ကိုပဲ ကြိုတင်မျှော်လင့်နေမယ့်အစား ဖြစ်လာနိုင်တဲ့ အခြေအနေအားလုံးအတွက် စိတ်ကို ဖွင့်ထားပါ။ ကိုယ့်အတွေးနဲ့ လက်တွေ့အခြေအနေဟာ အမြဲတမ်း တူညီနေမှာ မဟုတ်ပါဘူး။

၅။ Shinrin-Yoku — သဘာဝတရားနဲ့အတူ စိတ်ကို အနားပေးပါ

Shinrin-yoku ကို အများအားဖြင့် “သစ်တောရေချိုးခြင်း” လို့ ခေါ်ကြပါတယ်။ ရေချိုးခြင်းကို ဆိုလိုတာမဟုတ်ဘဲ သစ်တောနဲ့ သဘာဝပတ်ဝန်းကျင်ထဲမှာ အလျင်မလိုဘဲ အာရုံစိုက်ခံစားရင်း အချိန်ဖြုန်းခြင်းကို ဆိုလိုပါတယ်။ အတွေးလွန်တတ်သူတွေဟာ အတိတ်က ဖြစ်ရပ်တွေကို ပြန်တွေးတာ၊ အနာဂတ်အတွက် ပူပန်တာတွေနဲ့ စိတ်ထဲမှာ အမြဲအလုပ်များနေတတ်ကြပါတယ်။

သဘာဝပတ်ဝန်းကျင်ထဲမှာ အချိန်ဖြုန်းခြင်းက အတွေးတွေထဲကနေ အာရုံကို ခဏပြောင်းပေးနိုင်ပါတယ်။ သစ်ပင်တွေ၊ ငှက်သံတွေ၊ လေပြေတိုက်ခတ်မှုနဲ့ နေရောင်ခြည်တို့ကို သတိထားခံစားကြည့်ပါ။ လမ်းလျှောက်ရင်း ပြဿနာအားလုံးကို ဖြေရှင်းဖို့ မလိုပါဘူး။ ပတ်ဝန်းကျင်ကို အာရုံစိုက်ပြီး ခဏတာ စိတ်အနားပေးလိုက်ပါ။ တစ်ခါတလေ အဖြေတစ်ခုကို အတင်းရှာဖွေနေခြင်းထက် စိတ်ကို အနားပေးခြင်းက ပိုအသုံးဝင်နိုင်ပါတယ်။

၆။ Ichigo Ichie — လက်ရှိအခိုက်အတန့်ကို တန်ဖိုးထားပါ

Ichigo ichie ဆိုတာ အခိုက်အတန့်တိုင်းဟာ ထူးခြားပြီး အတိအကျတူညီတဲ့ပုံစံနဲ့ ပြန်ဖြစ်လာမှာ မဟုတ်ကြောင်း သတိပေးတဲ့ ဂျပန်အယူအဆတစ်ခုပါ။ အတွေးလွန်တတ်သူတွေဟာ အတိတ်က ဖြစ်ခဲ့တာတွေကို ပြန်တွေးနေမိတာ၊ အနာဂတ်မှာ ဖြစ်လာနိုင်တာတွေကို စိတ်ပူနေမိတာကြောင့် လက်ရှိအချိန်မှာ ဖြစ်ပျက်နေတဲ့အရာတွေကို သတိမထားမိတတ်ကြပါဘူး။

Ichigo ichie က လက်ရှိအခိုက်အတန့်ကို အလေးထားဖို့ သတိပေးပါတယ်။ အတိတ်ကို ပြောင်းလဲလို့မရသလို အနာဂတ်ကိုလည်း အပြည့်အဝ ကြိုတင်မသိနိုင်ပါဘူး။ ဒါကြောင့် အတိတ်အတွက် နောင်တရနေခြင်း၊ အနာဂတ်အတွက် ပူပန်နေခြင်းတွေကြောင့် ဒီနေ့ရဲ့အချိန်တွေကို လက်လွတ်မခံပါနဲ့။ ကိုယ့်ရှေ့မှာ အခုဖြစ်ပျက်နေတဲ့အရာတွေကို သတိထားခံစားပြီး လက်ရှိအခိုက်အတန့်ကို တန်ဖိုးထားပါ။

၇။ Zazen — အတွေးတွေကို သတိထားပါ၊ ဒါပေမဲ့ အတွေးနောက်ကို မလိုက်ပါနဲ့

Zazen ဆိုတာ ဇင်ဗုဒ္ဓဘာသာရဲ့ ထိုင်လျက်တရားထိုင်နည်းတစ်ခုပါ။ ဒီလေ့ကျင့်မှုမှာ စိတ်ထဲပေါ်လာတဲ့ အတွေးတွေကို ချက်ချင်း အကဲဖြတ်တာ၊ လိုက်လံစဉ်းစားတာမျိုး မလုပ်ဘဲ သတိထားကြည့်ရှုတတ်ဖို့ အလေးထားပါတယ်။ အတွေးလွန်တတ်သူတွေဟာ စိတ်ထဲပေါ်လာတဲ့ စိုးရိမ်စရာတစ်ခုကို အမှန်တရားတစ်ခုလို ယူဆပြီး အဲဒီအကြောင်းကို ထပ်ခါထပ်ခါ စဉ်းစားနေမိတတ်ကြပါတယ်။

Zazen ရဲ့ အခြေခံသဘောတရားကို နေ့စဉ်ဘဝမှာလည်း အသုံးချနိုင်ပါတယ်။ စိုးရိမ်စရာအတွေးတစ်ခု ပေါ်လာတဲ့အခါ အဲဒီအတွေးကို ချက်ချင်းယုံကြည်တာ၊ အဖြေရှာဖို့ အတင်းကြိုးစားတာမျိုး မလုပ်ဘဲ “ငါ့စိတ်ထဲမှာ ဒီအတွေးတစ်ခု ပေါ်လာနေတယ်” လို့သာ သတိပြုကြည့်ပါ။ အတွေးတွေ ပေါ်လာခြင်းကို အမြဲတမ်း တားဆီးလို့မရပေမဲ့ အဲဒီအတွေးတွေအပေါ် ဘယ်လိုတုံ့ပြန်မလဲဆိုတာကိုတော့ လေ့ကျင့်ယူနိုင်ပါတယ်။ အတွေးတစ်ခု ပေါ်လာတိုင်း အဲဒီအတွေးနောက်ကို လိုက်သွားဖို့ မလိုပါဘူး။

Japanese Wisdom for Overthinkers

Sometimes the mind becomes tired from trying to control what cannot be controlled. These Japanese-inspired ideas are a reminder to slow down, accept imperfection, take one small step, and return to the present moment. A quieter mind often begins when we stop believing every thought needs an answer.

1. Shōganai – Accept What You Cannot Control

Overthinking often happens when you keep trying to mentally solve something that is outside your control. You replay conversations, imagine different outcomes, or worry about what someone else may do. Shōganai is about recognizing when something cannot be changed and choosing not to let it consume your energy. Acceptance does not mean you like the situation. It means you stop fighting reality and focus on what you can actually influence.

2. Kaizen – Take One Small Step

When your mind feels overwhelmed, even a simple problem can start looking enormous. Kaizen teaches the value of small, steady improvement instead of trying to fix everything at once. Rather than asking, “How do I solve my whole life?” ask, “What is one small thing I can do today?” Taking action, even a tiny one, can interrupt endless thinking and give your mind a sense of direction.

3. Wabi-Sabi – Accept Imperfection

A lot of overthinking comes from wanting everything to be perfect. You may worry about saying the perfect thing, making the perfect decision, or avoiding every possible mistake. Wabi-sabi reminds us that imperfection is a natural part of life. Not every choice will be flawless, and not every situation will go exactly as planned. Sometimes peace comes from allowing things to be good enough.

4. Shoshin – Keep a Beginner’s Mind

Overthinking often makes us believe we already know what will happen. We predict rejection, failure, embarrassment, or disappointment before anything has actually happened. Shoshin encourages you to approach situations with openness and curiosity. Instead of deciding the outcome in your head, allow yourself to discover what happens. You may realize that many of the things you feared never occur.

5. Shinrin-Yoku – Let Nature Quiet Your Mind

When your mind is constantly busy, changing your environment can help break the cycle. Shinrin-yoku, often called forest bathing, involves spending slow, mindful time in nature. Notice the wind, trees, birds, sunlight, and sounds around you. The goal is not to solve your problems while walking. It is to give your attention somewhere peaceful so your mind can settle.

6. Ichigo Ichie - Come Back to the Present
Overthinking usually pulls you away from the present. Your mind may be stuck replaying something that happened yesterday or worrying about something that might happen tomorrow. Ichigo ichie reminds us that each moment is unique and will never happen in exactly the same way again. Instead of missing today while thinking about another time, bring your attention back to what is happening in front of you.

7. Zazen - Observe Thoughts Without Following Them
Not every thought deserves your attention. During zazen and similar mindfulness practices, thoughts are noticed without immediately judging, analyzing, or following them. When a worrying thought appears, you can simply recognize, "I am having this thought," rather than treating it like a fact. The thought may still be there, but you do not have to let it control the rest of your day.

English text and picture crd. - Life Lessons by Boo
#မေတ္တာဖြင့်
#ဒေါက်တာစိုးသန်း


ကဗျာစာစဉ်အမည် - အချစ်ရဲ့ပထမဆုံးစာမျက်နှာ

ကဗျာစာစဉ် - ၈

"အချစ်နဲ့ထိတွေ့တဲ့အခါ လူတွေတိုင်းက ဆယ်ကျော်သက်" ဆိုတဲ့အတိုင်း အချစ်နဲ့တွေ့မှ ရင်ခုန်သံတွေဟာ ပိုပြီးအသက်ဝင်လာသလို ခံစားဖူးကြတယ်မလား။ အချစ်အတွက် တဖန်‌မွေးဖွားလာတဲ့ ဖူးသစ်စရင်ခုန်သံ‌လေးတွေက ချစ်ခြင်းမေတ္တာဘာသာရပ်အတွက် အစပျိုးတဲ့ နိဒါန်း‌လေးပဲ မဟုတ်လား။ မတူကွဲပြားတဲ့ ခေါင်းစဉ်အသစ်လေးနဲ့ နှလုံးသားအရင်းခံစာစဉ်လေးမလို့ ကလောင်ကြီး/ငယ်မရွေး ပါဝင်ရေးသားကြဖို့ ဖိတ်ခေါ်လက်ကမ်းလိုက်ရပါတယ်ခင်ဗျာ...💗။

ကဗျာစာမူပိတ်သိမ်းချိန် - ၁၇ရက်နေ့ ည ၉နာရီ
ကဗျာစာစဉ်အတွက် ကဗျာစာမူများကို
@theartofdyingalive ဒီအကောင့်ဆီ
ပေးပို့နိုင်ပါပြီခင်ဗျ။

-ကဗျာဗဟိုပြု စာပေကလပ်စည်း

#poetry_series
#A_poetryhub
#literary_club

ကိုယ်ပိုင်ဆန္ဒအရ တစ်ခုခုကို
ထပ်ခါထပ်ခါ ရွေးချယ်ရကြေးဆိုရင်
အစ်ကို့နှလုံးသားရော ဦးနှောက်ကပါ ကလေးမလေးကိုပဲ
ရွေးချယ်မိမှာအသေချာပဲ...

အစ်ကို့နှလုံးသားရဲ့ရူးသွပ်မှုကို
ဥိီးနှောက်ကလက်ခံတယ်ဗျ။

အဲဒါကြောင့်ပဲ ကလေးမလေး
ဆိုတာနဲ့အစ်ကို့မှာအလိုလိုနေရင်း
အရှုံးပေးချင်လာတာ။

-သက္က

ခက်ခဲတဲ့အခါ ပိုပြီးလက်တွဲရတယ် ။

လက်လည်း ဆေးတယ်
ဘယ်တော့မှလည်း လက်တွဲ မဖြုတ်တယ် ။

ဘယ်ကမ္ဘာမဆို နှလုံးသားအလိုအရပဲ
အရင်လို ကမ္ဘာကြီးကို ပြန်မလိုပါဘူး
အခုလို ကမ္ဘာထဲမှာကိုပဲ
တစ်ယောက်ကိုတစ်ယောက် လိုတယ် ။

-စိုင်းဝင်းမြင့်

📢 စာဖတ်ပရိသတ်တို့ စောင့်မျှော်နေကြတဲ့ သတင်းကောင်းလေး လာပါပြီ! ✨

     ပရိသတ်တို့ ရင်ခုန်စွာနဲ့ စောင့်မျှော်နေကြတဲ့ စာရေးဆရာ "ခွန်း" ရဲ့ ဝတ္ထုတိုလက်ရာအသစ်များကို မကြာခင်မှာ ဖတ်ရှုခံစားနိုင်တော့မှာ ဖြစ်ပါတယ်။ 📖✨

     အပိုင်းသစ်တွေကို လက်မလွတ်တမ်း စောင့်မျှော်ဖတ်ရှုနိုင်ဖို့ အောက်ပါ Telegram Channel လေးတွေကို အခုပဲ Join ထားလိုက်ပါနော်။ 👇

📌 အပိုင်းသစ်များ တင်ဆက်ပေးမည့် အချိန်ဇယား -

⏰ နေ့စဉ် နေ့လယ် ၃:၀၀ နာရီ
👉 Angél Alphá (AP4U): https://t.me/mirror148

⏰ နေ့စဉ် ညနေ ၆:၀၀ နာရီ
👉 မောင်သုတချန်နယ်: https://t.me/MgThuTha

     ဇာတ်လမ်းကောင်းများစွာနဲ့အတူ မကြာခင် ပြန်လည်ဆုံတွေ့ကြမယ်နော်... အားလုံးပဲ Stay Tuned ပါ! ❤️

#AP4U
#Angél_Alphá@mirror148
#Khun

‎"ဆောင်းရာသီထဲက ဂျစ်ပစီပျားတစ်ကောင်"
‎
‎၁။
‎မင်းသိလား အချစ်
‎တချို့လူတွေဟာလည်း
‎ဘဝထဲကို ခဏတာ ဝင်လာကြပြီး
‎နွေဦးတစ်ခုလို နွေးထွေးစေကာ
‎ဆောင်းတစ်ခုလို အေးစက်စွာ
‎ပြန်ထွက်သွားတတ်ကြတယ်။
‎
‎၂။
‎သူတို့အတွက်တော့
‎ကိုယ်ဟာ ဖြတ်သန်းခဲ့ဖူးတဲ့
ရာသီတစ်ခုသာ ‎ဖြစ်နိုင်ပေမဲ့
‎ကိုယ့်အတွက်တော့
‎သူတို့ရဲ့အမှတ်တရတွေဟာ
‎ဆောင်းနှင်းတွေကြားက
‎မကြွေသေးတဲ့ ပန်းတစ်ပွင့်လိုပဲ။
‎
‎၃။
‎မင်းကို ပြန်လာစေချင်လို့
‎ဒီကဗျာကို ရေးနေတာ
မဟုတ်ဘူးအချစ်ရေ။
‎မင်းမရှိတော့တဲ့ ကမ္ဘာမှာ
မင်းကို မမေ့နိုင်သေးတဲ့
‎ကိုယ့်နှလုံးသားရဲ့ အခြေအနေကို
‎ဆောင်းလေတွေထဲ လွှတ်ပေးလိုက်တာပါ။
‎
‎၄။
‎မင်းကတော့
‎ကိုယ့်ဆီကနေ
‎အဝေးဆုံးကို ပျံသန်းသွားခဲ့ပေါ့။
‎ကိုယ်ကတော့
‎မင်းကို မပိုင်ဆိုင်နိုင်တော့မှန်း သိရင်းနဲ့
‎တစ်ချိန်က မင်းပွင့်ခဲ့ဖူးတဲ့
‎ဥယျာဉ်ဟောင်းလေးထဲမှာ
‎ဒီနေ့အထိ
‎ပျားတစ်ကောင်လို ရှိနေတုန်းပဲ။
‎
‎၅။
‎ဆောင်းက ဘယ်လောက်ကြာကြာ
‎ပန်းတစ်ပွင့်ကို မေ့ဖို့ဆိုတာ
‎ပန်းမရှိတော့တဲ့အကြောင်းကို လက်ခံရုံနဲ့
‎မလုံလောက်ခဲ့ဘူးလေ။
‎
‎-သက္က

ချစ်ခဲ့တာလည်း အတည်
မဖြစ်တော့ဘူးဆိုတာလည်း အတည်
ဘယ်အရာမှ ရယ်စရာမဖြစ်ပါဘူး။

-စိုင်းဝင်းမြင့်

မချစ်တဲ့သူကို နေ့စဉ်မျက်စိအောက်မှာ
မြင်နေရတာထက်

ချစ်သောသူကို ဘယ်လောက်အဝေးမှာရှိရှိ
အသဲနှလုံးမှာ ပိုင်သိမ်းထားနိုင်တဲ့ဘဝက
ပိုပျော်ဖို့ ကောင်းပါတယ် ။

- တက္ကသိုလ်ဘုန်းနိုင်

ကပ်စထရိုရဲ့
ကိုယ်ကျင့်အဘိဓမ္မာကို
နှစ်စက္ကန့်စာ
သုံးစက္ကန့်စာ
ငါစားသုံးခဲ့တယ်
ပိုးချည် ပုဆိုးနဲ့
တောင်းစားတာဟာ
ခေတ်အဆက်ဆက်
လက်ဆင့်ကမ်းလာတဲ့
ဥပဒေပဲ
မွဲပြာနေတဲ့
လက်တစ်စုံပေါ်ကို
စိန်နားကပ်တစ်စုံ
ဘယ်ကောင်ထည့်ပေးခဲ့တာလဲ
အနော်ရထာဟာ
လှံကိုတင်းကြပ်စွာ
ဆုပ်ကိုင်ထားတယ်
သမိုင်းတွေဟာ
ဝမ်းနည်းဖွယ်
အရောင်စွန်းခဲ့ ။



-အမောင်သျှင်
ငါခြယ်လှယ်ခဲ့တယ် - ၂

‎"တနင်္လာနွယ်"
‎
‎မမြင်ရတဲ့ ကြိုးတွေနဲ့
‎နှလုံးသားကို တိတ်တဆိတ်
‎ရစ်ပတ်ထားတဲ့ နွယ်တစ်ပင်။
‎
‎အဲဒီနွယ်က တနင်္လာနေ့ဖွားဗျ
‎ရစ်ပတ်တတ်ပုံတွေများ
ပြုံးပြတယ်၊ရီပြတယ် ‎နောက်ပြီး
စိတ်လေးပါကောက်ပြသေးတာ...
‎အဲဒီနွယ်ကို ဖြတ်တောက်ဖို့ဆိုတာ
‎ကျွန်တော် စိတ်တောင်မကူးဖူးတဲ့အရာပေါ့။
‎
‎ဟန်ဆောင်ပဲပြပြ ဒဏ်ရာပဲရရ
‎အဲဒီနွယ်လေးရဲ့အရစ်ပတ်ကိုခံရဖို့ဆိုတာ
‎ကျွန်တော့်ဘ၀ရဲ့တစ်ခုတည်းသော
‎လိုအင်ဆန္ဒပါ။
‎
‎အမှတ်တရတွေက
ပိုမိုတွယ်ကပ်လာလေလေ
‎နောက်ဆုံးကိုယ်ပဲ
ခံစားရလေလေ ဆိုလည်း
‎ကျွန်တော်ခံစားလိုက်ပါမယ်။
‎
‎အဲဒီတနင်္လာနွယ်လေးနဲ့ပတ်သတ်လာရင်လွတ်မြောက်ဖို့ထက် ရစ်ပတ်ခံထားခြင်းကိုပဲ အချစ်လို့ ကျွန်တော်ကမှတ်ယူထားတာ။
‎
‎-သက္က

အမေရိက ဆိုတာ ဘယ်လိုအပြုသဘောကိုဆောင်သနည်း။

အမေရိကတိုက်ဟာ မည်သူတို့၏ ပိုင်နက်နယ်‌မြေအဖြစ်ညွန့်ဆိုပါသနည်း။ အမေရိကန်လူမျိုးတို့သည် မည်သည့် ထိုတိုက်၏လူမျိုးများဖြစ်သလော။ အကြောင်မဲ့သက်သက်နဲ့ အမေရိကာတိုက်ဟာ လူမျိုးစုတွေရဲ့ အိမ်အဖြစ် တည်ရှိလာခဲ့ခြင်းမဟုတ်ပါ။ ဤအရပ်ဟာ အမေရိကန်တို့၏ မူလနယ်မြေမဟုတ်ပါ။ ဥရောပတိုက်မှ ခွဲထွက်ရေးသမားများဟာ နယ်မြေသစ်များ ရှာဖွေရာမှ ကမ္ဘာသစ်ဟု၍ ပြဿနာက ထိုအရပ်မှ စတင်ခဲ့၏။ ယနေ့ ကမ္ဘာပေါ်က လူမျိုးရေးနဲ့ နယ်မြေအငြင်းပွားမှုများဟာ ဥရောပတိုက်သားတို့၏ ကိုလိုနီကျွန်ပြုခြင်း၊ နယ်မြေသစ်စူးစမ်းခြင်းမှ စတင်ခဲ့သည်မှာ လုံးဝငြင်းမရပေ။ အကြောင်းအားလျော်စွာ ဥရောပတိုက်သားတို့ဟာ မိမိတို့၏ နယ်မြေသစ်များအတွက် တစ်ပါးလူမျိုးများ၏ လွတ်မြောက်မှုကို အသိမှတ်ပြုရန် လွတ်လပ်ရေးမှ လွတ်လပ်ခွင့် စသောအခြေအမြစ်မရှိသည့် သမိုင်း၏ သင်္ကေတနာမည်ဟူ၍ အမေရိကာတိုက်ဟု နှစ်သိမ့်လေ၏။

အမှန်တကယ်အားဖြင့် ကြီးမားကျယ်ပြန့်နေသော ထိုအရပ်ဟာ ဥရောပတိုက်သားများနဲ့ ရွေ့ပြောင်းအခြေချသူများဟာ ဥရောပအတွင်းမှ ဘာသာရေး၊ ပဒေသရာဇ်တို့၏ ချုပ်နှောင်းမှုမှ လွတ်မြောက်ရန် မိမိတို့၏ လွတ်မြောက်မှုအတွက် ရောက်တက်ရာရာ ခြေဦးတည်ရာ ကမ္ဘာသစ်ဟုခေါ်ဝေါ်သော ထိုအရပ်သို့ ဗလာနတ္တိ အထီးကျန်ဆန်သော သမုဒ္ဒရာများကို ဖြတ်ကျော်ကာ ရောက်ခဲ့ခြင်းဖြစ်၏။ သူတို့အတွက် ဝိညာဉ်ရေးအရ လိုအပ်ချက်များအတွက် ဘာသာရေးနယ်‌ချဲ့သည့် ‌မျိုးစေ့များဟာ ဥရောပ၏ ပဒေသရာဇ်အုပ်စိုးရှင်များအတွက် ပို၍စွဲဆောင်စရာ ပြဿနာသို့ဦးတည်စေရန် မပြောပလောက်ပေ။ Existentialismအမြင်နဲ့ဆိုရလျှင်လည်း ဥရောပသွေးနှောများဟာ ဌာနေ လူမျိုးစုများနဲ့ တစ်စက်မျှမတူညိကြပေ။ဥပမာ မက္ကစီကို၊ဘရာဇီ စသဖြင့်နိုင်ငံများဟာ ဌာနေ လူမျိုးစုများမှဆင့်ကဲဖြစ်ပေါ်ခဲ့ကြောင်းအလွန်နီးစပ်၏။ အကြောင်းမှာ ကိုလိုနီတို့၏ နယ်မြေပထဝီအလုံးစုံမစိုးမိုးနိုင်သော အားသာချက်များကြောင့် ထင်ဟပ်နိုင်၏။

ထိုဒေသဟာ ကိုလိုနီတို့၏ မဟာသရဖူဖြစ်သော ဘုရင့်များ၊ မိဖုရားများ၊မင်းမျိုးမင်းနွယ်များ၏ အလံများကို နယ်မြေစိုးမိုးမှု သင်္ကေတဖြင့် စိုက်ထူးရန် ကြိုးစားအားထုတ်မှုဟာ လူသမိုင်းအတွင်း အတန်းစားများနဲ့ အသားအရည်ခွဲခြားသည့် ပဠိပက္ခ၏ မူလအစကိုဦးတည်စေ၏။ သူတို့ဟာ ဒေသခံ လယ်သမားများ၏ လည်ပင်သို့ ဓါးဖြင့်ထောက်ကာ တခြားအရပ်သို့ အာဖရိကန်များဟူ၍ သယ်ဆောင်ကာ အမေရိကတိုက်သို့ ကျွန်စနစ်အား သန္ဓေတည် မွေးထုတ်ခြင်းပင်ဖြစ်၏။ ဒါကြောင့်နယ်မြေသစ်အခြေချသူများဟာ ကျွန်တို့၏ ဂုဏ်ကျက်သရေဖြင့် အတိုင်းဆမရှိ ကြွယ်ဝချမ်းသာလာခဲ့ကြ၏။ သူတို့ဟာ တိုက်နေ လူမျိုးစု၏ အိမ်များကို ဖျက်စီးကာ မြို့များ၊ ဆိမ်းကမ်းများ၊ သဘော်ဆိမ်းများတည်ဆောက်ပြီး သူတို့ မသိသော မရင်းနှီးသော နယ်စပ်များကို ဥရောပ၏ ပဒေသရာဇ်ပိုင်နယ်အဖြစ် ခြံခတ်၏။ ဒါကို ကိုလိုနီအမေရ်ိကဟု၍ ဂုဏ်ယူစွာ ကြေငြာ၏။ ဒီလုပ်ရပ်တွေဟာ သူတို့အတွက်အသစ်အဆန်းတစ်ခုအနေနဲ့ ဖြစ်ကောင်းဖြစ်နိုင်သော်လည်း ပြင်သစ်၊အဂ်လိပ်၊ ဒတ်ခ်ျ၊ စပိန်၊ စကင်ဒီနေးဗီးယားထက် ပိုကောင်းသော အကြောင်းပြချက်မရှိပေ။ ဆိုလိုတာက ဥရောပ၏ မူရင်းလူမျိုးအရည်ပြားကိုခွာ၍ အမေရိကန်လူမျိုးအဖြစ် ခံယူခြင်းကိုဆိုလိုသည်။ ဒီအကြောင်းပြချက်တွေက အမေရိကန်လူမျိုးတစ်ဦးအတွက် မဖြစ်မနေလိုအပ်သော အကြောင်းပြချက်လည်း ဖြစ်၏။

ဒီလိုရင်းနှီးသော သုံးသပ်ချက်များက အမေရိကန်တိုက်၏ သမိုင်းနယ်ပယ်များကို ပို၍ ရင့်ကျက်စေပြီး ဤအမေရိကတိုက်ဆိုတာဟာ ဥရောပသားတွေရဲ့ ရွတ်လွင့်ရာမှ အခြေချနေထိုင်ကြရင် တိုက်ကြီးအသစ်ကို ဖော်ပြရန် တီထွင်ခဲ့သော အသုံးအနှုန်းဖြစ်ကြောင်း ပို၍သဘောပေါက်စေသည်။ ဒါကြောင့် အမေရိကန်ဆိုတာဟာ ဥရောပသားတွေအတွက် လွတ်လပ်မှုကို ကိုယ်စားပြုတယ်။ နောက်ဆုံးမှာ အခြေချသူတွေက ဥရောပ ပဒေသရာဇ်တွေရဲ့ နယ်မြေအဖြစ်စကားကိုမသုံးတော့ဘဲ။ ၎င်းကို အမေရိကန်လူမျိုးများရဲ့ နယ်မြေအဖြစ် အသိမှတ်ပြုလာကြခြင်းပင်ဖြစ်သည်။

-RAIDEN KT
Historian
#RAIDEN_KT #KyawThet #History

အလွယ် မလိုက်ဘူး
အလို မလိုက်ဘူး
ကိုယ့်ထက်ပိုပြီး ဘယ်သူ့မှ မကြိုက်ဘူး...

ပေါ့ပေါ့ပါးပါး နေဖို့ကို
လေးလေးနက်နက် တွေးခေါ်ခဲ့ရပါတယ် ...။

-ခက်သီ

G 12 math guideလေးတစ်ယောက်လောက် လိုချင်ပါတယ်ရှင့်

အရင်နှစ်ကအောင်ထားတာပြီးတော့ သင်ချာ‌ဂုဏ်ထူးထွက်ထားတဲ့ အစ်ကို၊ အစ်မကိုခေါ်ချင်ပါတယ်ရှင့်

အဓိကတော့ ch3,4သဘောတရားနားမလည်တာကြောင့်မေးခွန်းလှည့်ရင်မဖြေတတ်တော့ပါဘူး

ညမတို့ကျောင်းက ch1,2,3,4,5,6,7.1.,7,2,8.1,10အထိသင်ပြီးပါပြီးရှင့်

Math သဘောသဘာ၀ကိုနားလည်အောင်ရှင်းပြပေးနိုင်မဲ့သူ၊မေးခွန်းဟောင်းတွေလေ့ကျင့်ပေးနိုင်တဲ့သူလိုမျိုးလိုချင်ပါတယ်ရှင့်

ညမက mdy ကပါ ။
အိမ်ခေါ်သင်ချင်ပါတယ်ရှင့်။

To contact - @RATILAR