#MSone Release - 3092

Thirteen Lives (2022)
തേർട്ടീൻ ലൈവ്‌സ് (2022)

ഭാഷ : ഇംഗ്ലീഷ്, തായ്
സംവിധാനം : Ron Howard
പരിഭാഷ : വിഷ്ണു പ്രസാദ്
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ബയോഗ്രഫി

IMDb ⭐️ 7.8/10

അന്താരാഷ്ട്ര തലത്തിൽ ശ്രദ്ധ നേടിയ ഒരു രക്ഷാപ്രവർത്തനമായിരുന്നു തായ്‌ലൻഡിലെ ചിയാങ് റായ് പ്രദേശത്തെ താം ലുവാങ് ഗുഹയിൽ നടന്നത്.

2018 ജൂൺ 23-ന് താം ലുവാങ് ഗുഹ സന്ദർശിക്കാൻ പോയ 12 കുട്ടികളും അവരുടെ കോച്ചും അടങ്ങിയ ഒരു ഫുട്‍ബോൾ ടീം, പതിവിലും നേരത്തെയെത്തിയ കാലവർഷത്തിൽ ഗുഹയിലെ ജലനിരപ്പ് അതിവേഗം ഉയര്‍‌ന്നതോടെ പുറത്തുവരാനാകാതെ വിധം ഗുഹയിൽ കുടുങ്ങിപ്പോകുന്നു. രാത്രിയായിട്ടും കുട്ടികളെ കാണാത്തതിനെത്തുടർന്ന് അവരുടെ മാതാപിതാക്കൾ ഗുഹയുടെ അടുത്ത് ചെന്നപ്പോഴാണ് എല്ലാവർക്കും കാര്യം മനസ്സിലാകുന്നത്.

തായ്‍ലൻഡ് സീൽ സേന കുട്ടികളെ അന്വേഷിച്ച് നോക്കിയെങ്കിലും അവർക്ക് ഒരു പരിധിക്കപ്പുറം ഗുഹയിലേക്ക് കടക്കാൻ കഴിഞ്ഞില്ല. ആഗോളതലത്തിൽ വാർത്ത പരന്നതോടെ പല രാജ്യങ്ങളിൽ നിന്നും വിദഗ്‌ദ്ധരായ ആളുകൾ വോളന്റിയർമാരായി മുന്നോട്ടുവന്നു. അതിതീവ്രമായ പരിശ്രമങ്ങൾക്കൊടുവിൽ പത്താമത്തെ ദിവസമാണ് കുട്ടികളും കോച്ചും ജീവനോടെയുണ്ടെന്ന വീഡിയോ പുറത്തെത്തുന്നത്. എല്ലാവർക്കും ആ വാർത്ത സന്തോഷം നൽകിയെങ്കിലും, ഗുഹയുടെ ദുർഘടമായ ഘടനയും, ഇരുട്ടും, ഓക്സിജന്റെ കുറവും, കനത്ത മഴയും, ശക്തമായ ഒഴുക്കും തരണം ചെയ്തത് ആ കുട്ടിളെ എങ്ങനെ രക്ഷപ്പെടുത്തി എന്നറിയാൻ സിനിമ കാണുക

അഭിപ്രായങ്ങൾ പങ്കുവെക്കാൻ

Categories : #Action #Adventure #Biography #English #Thai

#MSone Release - 3093

Athena (2022)
അഥീന (2022)

ഭാഷ : ഫ്രഞ്ച്
സംവിധാനം : Romain Gavras
പരിഭാഷ : സാമിർ
പോസ്റ്റർ : ഉണ്ണി ജയേഷ്
ജോണർ : ആക്ഷൻ, ഡ്രാമ, ത്രില്ലർ

IMDb ⭐️ 6.8/10

Romain Gavras-ന്റെ സംവിധാനത്തില്‍ 2022-ല്‍ നെറ്റ്ഫ്ലിക്സിലൂടെ പുറത്തിറങ്ങിയ ഒരു ആക്ഷന്‍ ട്രാജെഡി മൂവിയാണ് അഥീന.

കുറച്ച് പോലീസുകാര്‍ ചേര്‍ന്ന് ഇദിര്‍ എന്ന ഒരു 13 വയസ്സുകാരന്‍ ബാലനെ മര്‍ദിക്കുന്ന വീഡിയോ സോഷ്യല്‍ മീഡിയയില്‍ വയറലാകുന്നു. തുടര്‍ന്ന് ഇദിര്‍ മരണപ്പെടുന്നു. ഇതിനെതിരെ ഇദിറിന്റെ സഹോദരന്‍ കരീമിന്റെ നേതൃത്വത്തില്‍ തുടക്കം കുറിക്കുന്ന പ്രതിഷേധം ഒരു വലിയ കലാപത്തിലേക്ക് വഴിയൊരുക്കുന്നു.

12 മിനിറ്റ് നീണ്ടുനില്‍ക്കുന്ന ഓപ്പണിംഗ് ഷോട്ടില്‍ ആരംഭിക്കുന്ന സിനിമയില്‍ നിരവധി ലോങ്ങ് ഷോട്ടുകള്‍ കാണാം. മികച്ച മേക്കിങ്ങും, ക്യാമറയും ബാക്ക്ഗ്രൗണ്ട് സ്കോറും മൊത്തത്തില്‍ സിനിമ സൃഷ്ടിക്കുന്ന ഒരു അന്തരീക്ഷവും കാണുന്ന പ്രേക്ഷകനും ആ കലാപത്തിനിടയില്‍പ്പെട്ട ഒരു ഫീല്‍ നല്‍കുന്നു.

അഭിപ്രായങ്ങൾ പങ്കുവെക്കാൻ

Categories : #Action #Drama #French #Thriller

#MSone Release - 806

Top Gun (1986)
ടോപ്പ് ഗൺ (1986)

ഭാഷ : ഇംഗ്ലീഷ്
സംവിധാനം : Tony Scott
പരിഭാഷ : ഗിരി പി. എസ്.
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, ഡ്രാമ

IMDb ⭐️ 6.9/10

ഒരു കൂട്ടം പൈലറ്റുകളുടെ കഥ പറയുന്ന ചിത്രമായി 1986 യിൽ ടോണി സ്കോട്ടിന്റെ സംവിധാനത്തിൽ ടോം ക്രൂസ് നായകനായി പുറത്തിറങ്ങിയ ചിത്രമാണ് “ടോപ്പ് ഗൺ.”

ടോം ക്രൂസ് അവതരിപ്പിച്ച നായക കഥാപാത്രമായ മാവെറിക് മിച്ചലിലൂടെയാണ് ചിത്രത്തിന്റെ കഥ വികസിക്കുന്നത്. മാവെറിക്കും സുഹൃത്തായാ ഗൂസും ഒരു സാഹചര്യത്തിൽ ലോകത്തിലെ ഏറ്റവും മികച്ച പൈലറ്റുകളെ വാർത്തെടുക്കാൻ രൂപീകരിക്കപ്പെട്ട ടോപ്പ് ഗൺ എന്ന നേവി ട്രെയിനിങ് ക്യാമ്പിൽ എത്തുന്നു. പൈലറ്റ് ആയിരുന്ന തന്റെ അച്ഛൻ രാജ്യത്തിനും കുടുംബത്തിനും നൽകിയ ചീത്തപ്പേര് ഏത് വിധേനയും ഇല്ലായ്മ ചെയ്യണം എന്നതാണ് മാവെറിക്കിന്റെ ജീവിതലക്ഷ്യം തന്നെ. അതിന് അയാൾ മറ്റാരും ചെയ്യാത്ത പല സാഹസികതയും തന്റെ ട്രെയിനിങ് സമയത്തും വ്യോമ-യുദ്ധമുഖത്തും ചെയ്യുകയും തന്മൂലം അതയാളെ കൂടുതൽ വിമർശനങ്ങൾക്ക് വിധേയനാക്കുകയും ചെയ്യുന്നു.

ടോപ്പ് ഗൺ എന്ന ചിത്രത്തിന്റെ ഏറ്റവും വലിയ പ്രത്യേകതയിലൊന്ന് ചിത്രം റിലീസായി 36 വർഷങ്ങൾക്ക് ശേഷവും ആ ചിത്രം തരുന്ന ക്വാളിറ്റിയാണ്. 2022 യിൽ കാണുന്ന ഒരു പ്രേക്ഷകനും ഇത് 36 വർഷങ്ങൾക്ക് മുൻപ് റിലീസ് ചെയ്ത ചിത്രമാണെന്ന് തോന്നാത്തവിധമാണ് അണിയറ പ്രവർത്തകർ ചിത്രം നിർമിച്ചിരിക്കുന്നത്. ചിത്രത്തിലെ ഡോഗ് ഫൈറ്റെല്ലാം ഇന്നും പുതുമ നഷ്ടപ്പെടാതെ നില്കുന്നുവെന്നതും ശ്രദ്ധേയമാണ്. ഇറങ്ങിയ സമയം അമേരിക്കയിൽ വലിയ വിജയമായ ചിത്രം ഒരുപാട് നിരുപക പ്രശംസയും നേടിയിരുന്നു, ചിത്രത്തിന്റെ റിലീസിന് ശേഷം അമേരിക്കയിലെ നേവൽ റിക്രൂട്ട് ഓഫീസുകളിലേക്ക് നേവൽ ഏവിയേറ്ററന്മാരാകാൻ ആഗ്രഹിച്ചെത്തിയ യുവാക്കളുടെ എണ്ണം വൻ തോതിൽ വർധിച്ചെന്നത് അന്നത്തെ വാർത്തകളിൽ ശ്രദ്ധ നേടിയ കാര്യമായിരുന്നു. കൂടാതെ റെയ്‌ബൻ ഗ്ലാസുകൾക്ക് ലോക വ്യാപകമായി ഒരു മാർക്കറ്റ് ഉണ്ടാവാൻ കാരണം ഈ ചിത്രമാണെന്നും പറയപ്പെടുന്നു.

2022-യിൽ “ടോപ്പ് ഗൺ: മാവെറിക്” എന്ന പേരിൽ ചിത്രത്തിന്റെ രണ്ടാം പതിപ്പ് ഇറങ്ങുകയും അതും വൻ പ്രേഷക സ്വീകാര്യത നേടുകയും ചെയ്തിരുന്നു.

അഭിപ്രായങ്ങൾ പങ്കുവെക്കാൻ

Categories : #Action #Drama #English

#MSone Release - 3094

Men (2022)
മെൻ (2022)

ഭാഷ : ഇംഗ്ലീഷ്
സംവിധാനം : Alex Garland
പരിഭാഷ : എബിൻ മർക്കോസ്
പോസ്റ്റർ : പ്രവീൺ അടൂർ
ജോണർ : ഡ്രാമ, ഫാന്റസി, ഹൊറർ

IMDb ⭐️ 6.1/10

ഭർത്താവിന്റെ മരണമുണ്ടാക്കിയ ആഘാതത്തിൽ നിന്ന് കരകയറാൻ ഇംഗ്ലണ്ടിലെ ഗ്രാമപ്രദേശത്തുള്ള ഒരു പഴയ വസതിയിൽ രണ്ടാഴ്ച ചെലവഴിക്കാൻ എത്തിയതായിരുന്നു ഹാർപർ. എന്നാൽ അവർക്കവിടെ അസ്വസ്ഥതപ്പെടുത്തുന്ന ചില സംഭവങ്ങളെ അഭിമുഖീകരിക്കേണ്ടി വരുന്നു. കേന്ദ്രകഥാപാത്രമായ ഹാർപറിന്റെ മാനസിക സംഘർഷങ്ങളിലൂടെയാണ് ചിത്രം വികസിക്കുന്നത്.

എക്സ് മാകിന (2015), അനൈഹിലേഷൻ (2018) എന്നീ ചിത്രങ്ങൾ ഒരുക്കിയ അലക്സ് ഗാർലൻഡിന്റെ സംവിധാനത്തിൽ ഈ വർഷം പുറത്തിറങ്ങിയ ഒരു Folk-Body ഹൊറർ ചിത്രമാണ് മെൻ.

അഭിനേതാക്കളുടെ മികച്ച പ്രകടനത്തിനൊപ്പം ബാക്ക്ഗ്രൗണ്ട് സ്കോറും അതിമനോഹരമായ സിനിമാറ്റഗ്രഫിയും ചിത്രത്തിന്റെ പ്രത്യേകതയാണ്. ചുരുങ്ങിയ സംഭാഷണങ്ങൾ മാത്രമുള്ള, വളരെ പതിഞ്ഞ താളത്തിൽ, വിഷ്വലി മെറ്റഫറിക്കലായി കഥ പറയുന്ന ചിത്രം ക്ലൈമാക്സിനോടടുക്കുമ്പോൾ സങ്കീർണ്ണമാകുന്നുണ്ടെങ്കിലും അതിന്റെ അന്തഃസത്തയെ വ്യത്യസ്ത അർത്ഥതലങ്ങളിൽ വ്യാഖ്യാനിക്കാൻ പ്രേക്ഷകരോട് ആവശ്യപ്പെടുന്നുണ്ട്.

അഭിപ്രായങ്ങൾ പങ്കുവെക്കാൻ

Categories : #Drama #English #Fantasy #Horror

#MSone Release - 3095

#MsoneGoldRelease

The General (1926)
ദി ജനറൽ (1926)

ഭാഷ : നിശബ്ദ ചിത്രം
സംവിധാനം : Clyde Bruckman & Buster Keaton
പരിഭാഷ : ജ്യോതിഷ് കുമാർ എസ്. എസ്.
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, കോമഡി

IMDb ⭐️ 8.2/10

നിങ്ങൾ വളരെയധികം പ്രണയിക്കുന്ന പെൺകുട്ടിയെ ശത്രുക്കൾ തട്ടിക്കൊണ്ടു പോകുന്നു, അതും അങ്ങേയറ്റം സ്വന്തം പോലെ പരിപാലിക്കുന്ന തീവണ്ടി എഞ്ചിനിൽ. ആരും സഹായിക്കാനില്ലാത്ത ഇത്തരം സന്ദർഭങ്ങളിൽ നിങ്ങൾ എന്ത് ചെയ്യും. എന്നാൽ ജോണി ഗ്രേ വളരെ വ്യത്യസ്തനായിരുന്നു. എല്ലാവരും തന്റെ ഒപ്പമുണ്ടെന്ന ധൈര്യത്തിൽ അവൻ അതിന് പുറകെ ഓടുകയാണ്. പിന്നീട് എന്തൊക്കെ അബദ്ധങ്ങളാണ് ജോണി വരുത്തി വയ്ക്കുന്നെന്ന് കണ്ട് തന്നെ അറിയണം…

1926 ൽ പുറത്തിറങ്ങിയ ഒരു അമേരിക്കൻ നിശബ്ദ, കോമഡി ചലച്ചിത്രമാണ് ബസ്റ്റർ കീറ്റോണിന്റെ ‘ദി ജനറൽ‘. അമേരിക്കൻ ആഭ്യന്തര യുദ്ധകാലത്ത് നടന്ന ഒരു യഥാർത്ഥ സംഭവത്തെയും, 1889 ൽ വില്യം പീറ്റംഗർ രചിച്ച ‘ദ ഗ്രേറ്റ് ലോക്കോമോട്ടീവ് ചേസ്’ എന്ന പുസ്തകത്തെയും ആസ്പദമാക്കിയാണ് ബസ്റ്റർ കീറ്റൺ ഈ ചിത്രം എടുത്തിരിക്കുന്നത്. ‘ദി ജനറൽ’ എന്ന ഈ ചലച്ചിത്രം ഒരു അസാധാരണ സൃഷ്ടി തന്നെയാണ്. ഒരു നൂറ്റാണ്ടിന് ശേഷം ഇന്നും ഇതിലെ അവിശ്വാസനീയമായ രംഗങ്ങളും, തമാശകളും ചർച്ച ചെയ്യപ്പെടുന്നു.

‘ദി ജനറൽ’ എന്ന ഈ നിശബ്ദ ചലച്ചിത്രം, യാതൊരു സാങ്കേതിക വിദ്യകളും ഇല്ലാതിരുന്ന ആ ഒരു കാലഘട്ടത്തിൽ ചിത്രീകരിച്ചത് തന്നെ അതിശയമാണ്. ഇതിൽ ചിന്തിപ്പിക്കുന്ന തമാശകളുടെ നീണ്ട നിര തന്നെ ഉണ്ട്‌. ആക്കാലത്തെ ഏറ്റവും ചെലവറിയ ചിത്രങ്ങളിൽ ഒന്ന് തന്നെ ഇതെന്ന് പറയാം. ഇതിലെ BGM എടുത്ത് പറയേണ്ട ഒരു സംഗതിയാണ്. അമേരിക്കൻ യുദ്ധത്തിന്റെ പുനർനിർമ്മാണം, നൂറു കണക്കിന് അഭിനേതാക്കൾ, ഓടുന്ന തീവണ്ടി എഞ്ചിനിൽ വച്ചുള്ള മാസ്മരിക പ്രകടനങ്ങൾ, കത്തുന്ന പാലത്തിൽ നിന്നും വളരെയധികം താഴ്ചയുള്ള നദിയിലേക്ക് വീഴുന്ന യഥാർത്ഥ എഞ്ചിൻ എന്നീ രംഗങ്ങൾ ഈ ചിത്രത്തെ എത്രത്തോളം ത്രില്ലടിപ്പിക്കുമെന്ന് കണ്ട് അറിയുന്നതിന് ഓരോ പ്രേക്ഷകനെയും സ്വാഗതം ചെയ്ത കൊള്ളുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #MsoneGold

#MSone Release - 3075

The Lord of the Rings: The Rings of Power Season 01 (2022)
ദ ലോർഡ് ഓഫ് ദ റിങ്സ്: ദ റിങ്സ് ഓഫ് പവർ സീസൺ 01 (2022)

Episodes 07
എപ്പിസോഡ്സ് 07

ഭാഷ : ഇംഗ്ലീഷ്
നിർമാണം : Amazon Studios
പരിഭാഷ : അജിത് രാജ് & സാമിർ
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ഡ്രാമ, ഫാന്റസി

IMDb ⭐️ 6.9/10

ലോകമെമ്പാടും വലിയ ആരാധക പിന്തുണയുള്ള സിനിമകളായ “ദ ലോർഡ് ഓഫ് ദ റിങ്‌സ്” ഫ്രാഞ്ചൈസിൽ നിന്നും 2022-ൽ ആമസോൺ പ്രൈം നിർമ്മിച്ച് പുറത്തു വന്നിരിക്കുന്ന സീരീസാണ് “ദ ലോർഡ് ഓഫ് ദ റിങ്സ്: ദ റിങ്സ് ഓഫ് പവർ” സിനിമയുടെ പ്രീക്വൽ എന്ന രീതിയിലാണ് സീരീസ് അണിയിച്ചൊരുക്കിയിരിക്കുന്നത്.

ദ ലോർഡ് ഓഫ് ദ റിങ്‌സ്, ദ ഹോബിറ്റ് ചിത്രങ്ങളിലെ കഥകൾക്ക് ആയിരം വർഷം മുൻപ് നടക്കുന്ന കഥയാണ് സീരീസ് കൈകാര്യം ചെയ്യുന്നത്. ഈ ഫ്രാഞ്ചൈസിലൂടെ എഴുത്തുകാരനായ ജെ.ആർ.ആർ. റ്റോൾകീൻ പ്രേക്ഷകർക്ക് മുൻപിലേക്ക് പുസ്തക രൂപത്തിൽ ആദ്യമൊരു ലോകം തുറന്നിടുകയുണ്ടായി, ശേഷമാണ് സിനിമ സംഭവിച്ചത്. ആർഡ എന്നായിരുന്നു ഈ ലോകത്തിന് അദ്ദേഹം നൽകിയ പേര്, ആർഡയുടെ കഥയെ നാല് യുഗങ്ങളായാണ് അദ്ദേഹം തിരിച്ചത്. “ഇയർസ് ഓഫ് ലാമ്പ്” എന്നു പറയപ്പെടുന്ന യുഗത്തിലാണ് ആർഡയിൽ ആദ്യമായി വെളിച്ചം വരുന്നത്. ശേഷം സർവ്വേശ്വരൻ തന്റെ ദാസരെ അവിടേക്ക് അയച്ചു, ശേഷമാണ് ആർഡയിലേക്ക് മോർഗോത്ത് എന്ന ദുഷ്ട ശക്തി വരുന്നത്. സിനിമകളിൽ നമ്മൾ കണ്ട സൗറോൺ എന്ന വില്ലൻ ഈ മോർഗോത്ത് അഥവാ മെൽക്കോറിന്റെ സൈന്യാധിപനാണ്. ഇവരുടെ ഇടപെടലിനെ തുടർന്ന ആർഡയ്ക്ക് വെളിച്ചം നൽകിയ ലാമ്പുകൾ തകരുകയും മിഡിൽ-എർത്തിൽ ഇരുട്ട് പടരുകയും ചെയ്യുന്നു.

ഇതിൽ ദ ലോർഡ് ഓഫ് ദ റിങ്‌സ്, ദ ഹോബിറ്റ് കഥകൾ നടക്കുന്നത് മൂന്നാമത്തെ യുഗത്തിലാണ്. പക്ഷേ ദ റിങ്‌സ് ഓഫ് പവർ സീരിസിൽ വിഷയമായി വരുന്നത് രണ്ടാമത്തെ യുഗമാണ്. യുഗങ്ങളുടെ വ്യത്യാസം ഉണ്ടെങ്കിൽ പോലും സിനിമയിലെ ചില പ്രധാനപ്പെട്ട കഥാപാത്രങ്ങൾ സീരീസിലും പ്രത്യക്ഷപ്പെടുന്നുണ്ട്. രണ്ടാമത്തെ യുഗത്തിലെ കഥ നടക്കുന്നത് ഏകദേശം 3000 വർഷങ്ങൾ എടുത്താണ്, ഈ മൂവായിരം വർഷങ്ങളിലേ സംഭവങ്ങൾ സീരീസാക്കുക എന്നത് അസാധ്യമായ ഒന്നായത് കൊണ്ട് പുസ്തകത്തിൽ നിന്ന് വ്യത്യസ്തമായി ടൈം ജമ്പ് നടത്തുന്ന രീതിയിലാണ് സീരിസിൽ കഥയെ അവതരിപ്പിച്ചിരിക്കുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Fantasy #Web_Series

#MSone Release - 3096

Bullet Train (2022)
ബുള്ളറ്റ് ട്രെയിൻ (2022)

ഭാഷ : ഇംഗ്ലീഷ്
സംവിധാനം : David Leitch
പരിഭാഷ : സാമിർ & വിഷ്ണു പ്രസാദ്
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, കോമഡി, ത്രില്ലർ

IMDb ⭐️ 7.4/10

പേര് വ്യക്തമാക്കുന്നതു പോലെ ബുള്ളറ്റ് ട്രെയിനിൽ നടക്കുന്നതായ ദൃശ്യങ്ങളാണ് ചിത്രത്തിൽ 95 ശതമാനത്തിലധികവും. ടോക്കിയോയിൽ നിന്നും ക്യോട്ടോയിലേക്ക് സഞ്ചരിക്കുന്ന ഒരു ബുള്ളറ്റ് ട്രെയിനിൽ കയറുന്നവരെ ചുറ്റിപ്പറ്റിയാണ് കഥ നീങ്ങുന്നത്. യാത്രക്കാരായി കയറുന്ന അവരുടെ ലക്ഷ്യങ്ങൾ പലതാണെങ്കിലും അവരെ പരസ്പരം ബന്ധിപ്പിക്കുന്ന ചിലതുണ്ട്. ലേഡിബഗ് എന്നു വിളിപ്പേരുള്ള കഥാനായകൻ ഒരു പ്രൊഫഷണൽ കില്ലറാണ്. തന്റെ ബോസായ മരിയയുടെ നിർദ്ദേശപ്രകാരം ട്രെയിനിൽ നിന്നും ഒരു പെട്ടി കൈക്കലാക്കാനാണ് ലേഡിബഗ് എത്തിയത്. വൈറ്റ് ഡെത്ത് എന്നറിയപ്പെടുന്ന ക്രൂരനായൊരു മാഫിയ തലവന്റെ പെട്ടിയായിരുന്നു അത്. ആ പെട്ടിക്കും വൈറ്റ് ഡെത്തിന്റെ മകനും സുരക്ഷയൊരുക്കാനായി നിയോഗിക്കപ്പെട്ടവരാണ് ലെമണും, ടാഞ്ചെറിനും. ഇവരെക്കൂടാതെ ഒരു കൗമാരക്കാരിയ പെൺകുട്ടി, ഒരു ജാപ്പനീസ് കൊലയാളി, വൂൾഫ് എന്നു പേരുള്ള മെക്സിക്കൻ കൊലയാളി എന്നിങ്ങനെ ഒട്ടേറെപ്പേർ വിവിധ ലക്ഷ്യങ്ങളുമായി ആ ട്രെയിനിൽ ഉണ്ടായിരുന്നു. ഇവരൊക്കെ പരസ്പരം ഏറ്റുമുട്ടേണ്ടതായ സാഹചര്യങ്ങൾ ഉണ്ടാകുന്നതും തുടർന്നുള്ള കാഴ്ചകളുമാണ് ബുള്ളറ്റ് ട്രെയിനിലുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Comedy #English #Thriller

#MSone Release - 3097

Lost and Love (2015)
ലോസ്റ്റ് ആൻഡ് ലൗ (2015)

ഭാഷ : മാൻഡറിൻ
സംവിധാനം : Sanyuan Peng
പരിഭാഷ : സജിത്ത് ടി. എസ്
പോസ്റ്റർ : ഉണ്ണി ജയേഷ്
ജോണർ: ഡ്രാമ

IMDb ⭐️ 6.4/10

യഥാർത്ഥ സംഭവങ്ങളിൽ പ്രചോദനമുൾക്കൊണ്ട് 2015 ൽ Peng Sanyuan ന്റെ സംവിധാനത്തിൽ പുറത്തിറങ്ങിയ സിനിമയാണ് ലോസ്റ്റ് ആൻഡ് ലൗ.

കുട്ടികളെ തട്ടിക്കൊണ്ട് പോവുകയും, ആ കുട്ടികളെ ആർക്കെങ്കിലും കാശിന് വിൽക്കുന്നതും ചൈന എന്ന രാജ്യത്ത് അപൂർവമായ ഒരു കാര്യമല്ല. അങ്ങനെ ആരോ തട്ടിക്കൊണ്ടുപോയ മകനെ 15 വർഷങ്ങളായി ചൈനയിലെ ഓരോ പ്രദേശങ്ങളിലുമായി ബൈക്കിൽ സഞ്ചരിച്ചുകൊണ്ട് അന്വേഷിച്ചു നടക്കുകയാണ് Lei Zekuan എന്നയാൾ. മകൻ ഇപ്പോ വളർന്നു തനിക്ക് തിരിച്ചറിയാൻ കഴിയാത്ത ഒരാളായി മാറിയിട്ടുണ്ടെന്ന് അറിയാമെങ്കിലും, പ്രതീക്ഷ കൈവിടാതെ, എന്നെങ്കിലും മകനെ കണ്ടെത്തുമെന്ന പ്രത്യാശയിലാണ് അദ്ദേഹത്തിന്റെ ഓരോ യാത്രയും. അങ്ങനെ ഒരിക്കൽ, യാത്രയ്ക്കിടയിലെ ഒരു അപകടത്തിൽ ബൈക്കിന് കേടുപാടുകൾ സംഭവിക്കുന്നു. ബൈക്ക് റെഡിയാക്കിത്തന്ന mechanic ആയ ചെറുപ്പക്കാരനോട് തന്റെ യാത്രയുടെ ഉദ്ദേശ്യം പറയുന്നു. തന്നെയും പണ്ട് ഇതുപോലെ ആരോ തട്ടിക്കൊണ്ട് പോയി, ഇപ്പോഴത്തെ കുടുംബത്തിന് കൊടുത്തതാണെന്ന് അവൻ അയാളോട് പറയുന്നു. വീടിനടുത്തുള്ള ചങ്ങല പാലവും, ഒരു മുളങ്കൂട്ടവും, അമ്മയുടെ മെടഞ്ഞ നീണ്ട മുടിയുമാണ് അവന് ആകെ ഓർമ്മയുള്ളത്. തുടർന്ന് ഓൺലൈനിൽ കണ്ട ഒരു ചങ്ങല പാലത്തിനടുത്തേക്ക് അവർ രണ്ടുപേരും അവന്റെ കുടുംബത്തെ അന്വേഷിച്ചു യാത്ര തിരിക്കുകയാണ്.

അഭിപ്രായങ്ങൾ പങ്കുവെക്കാൻ

Categories : #Drama #Mandarin

#MSone Release - 3068

House of the Dragon Season 01 (2022)
ഹൗസ് ഓഫ് ദ ഡ്രാഗൺ സീസൺ 01 (2022)

Episode - 08
എപ്പിസോഡ് - 08

ഭാഷ : ഇംഗ്ലീഷ്
നിർമ്മാണം : GRRM; Bastard Sword; 1:26 Pictures Inc
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ആക്ഷന്‍, അഡ്വഞ്ചർ, ഡ്രാമ

IMDb ⭐️ 8.6/10

ലോകമെമ്പാടും ആരാധകരെ സൃഷ്ടിച്ച ജനപ്രിയ സീരിസ് ഗെയിം ഓഫ് ത്രോണ്‍സിന്റെ പ്രീക്വല്‍ സീരിസ് ആണ് ഹൗസ് ഓഫ് ദ ഡ്രാഗൺ.

റ്റാര്‍ഗേറിയന്‍ കുടുംബത്തിന്റെയും വിസേരിസ് ഒന്നാമന്റേയും കഥയാണ് സീരീസിന്റെ ഇതിവൃത്തം. ഗെയിം ഓഫ് ത്രോണ്‍സില്‍ നടന്ന സംഭവങ്ങള്‍ക്കും 200 വര്‍ഷം മുമ്പുള്ള കഥയാണ് പുതിയ സീരിസില്‍ പറയുന്നത്.

കഥ ആരംഭിക്കുന്നത് ഭ്രാന്തൻ രാജാവ് ആയ ഈറിയസിന്റെ മരണത്തിനും അദ്ദേഹത്തിന്റെ പുത്രി രാജകുമാരി ഡനേറിയസ് റ്റാർഗേറിയന്റെ ജനനത്തിനും 172 വർഷം മുമ്പാണ്.

വിസേരിസ് ഒന്നാമന് റനീറ എന്നൊരു മകൾ മാത്രമാണ് അവകാശിയായിട്ടുള്ളത്. അവകാശിയായി ഒരു ആൺകുഞ്ഞിനെയും പ്രതീക്ഷിച്ച് വർഷങ്ങളായി ഇരിക്കുകയാണ് വിസേരിയ്‌സ്. റ്റാർഗേറിയൻസിന്റെ കീഴ്‌വഴക്കം അനുസരിച്ച് ഒരിക്കലും ഒരു റാണിയും അന്നുവരെ അയൺ ത്രോണിൽ ഇരുന്നിട്ടില്ല. ആരും ഇരിക്കാൻ സമ്മതിച്ചിട്ടുമില്ല. വിസേരിസിന് ഒരു മകൻ ജനിച്ചില്ലെങ്കിൽ സാധാരണ നിയമങ്ങളും കീഴ്‌വഴക്കവും അനുസരിച്ച് അധികാരം ചെന്ന് ചേരേണ്ടത് വിസേരിസിന്റെ അനിയനും ക്രൂരനും ധൂര്‍ത്തനും സ്വേച്ഛാധിപതിയുമായ ഡേമൻ റ്റാർഗേറിയന്റെ കൈകളിലാണ്.

ഈയൊരു അവസരത്തിൽ രാജ്യത്തിന്റെ സ്ഥിരതയ്ക്കും നന്മയ്ക്കും വേണ്ടി നിയമങ്ങൾക്കും കീഴ്‌വഴക്കത്തിനും എതിരായി തന്റെ മകൾ റനീറയെ അയൺ ത്രോണിൽ ഇരുത്താൻ സഭയും വിസേരിസും തീരുമാനിക്കുമ്പോൾ അവർ അറിഞ്ഞിരുന്നില്ല റ്റാർഗേറിയൻമാരുടെ വംശത്തെയും അവരുടെ ഡ്രാഗണുകളെയും തന്നെ ഏതാണ്ട് പൂർണ്ണമായും ഇല്ലാതാക്കാൻ പോകുന്ന ആഭ്യന്തരയുദ്ധത്തിനാണ് അവർ തുടക്കം കുറിക്കുന്നതെന്ന്.

റ്റാർഗേറിയൻമാർക്കിടയിൽ നടന്ന ഈ ആഭ്യന്തരയുദ്ധം ഡാൻസ് ഓഫ് ദ ഡ്രാഗൺസ് എന്നാണ് അറിയപ്പെടുന്നത്. അതേ പേരിലുള്ള എഴുതി പൂർത്തിയായിട്ടുള്ള പുസതകത്തെ അടിസ്ഥാനമാക്കിയാണ് ഈ സീരീസ് ഒരുക്കിയിട്ടുള്ളത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 562

Back To The Future (1985)
ബാക്ക് ടു ദി ഫ്യൂച്ചര്‍ (1985)

ഭാഷ : ഇംഗ്ലീഷ്
സംവിധാനം : Robert Zemeckis
പരിഭാഷ : വിഷ്ണു പ്രസാദ്
പോസ്റ്റർ : പ്രവീൺ അടൂർ
ജോണർ : അഡ്വഞ്ചർ, കോമഡി, സയൻസ് ഫിക്ഷൻ

IMDb ⭐️ 8.5/10

1985-ൽ പുറത്തിറങ്ങിയ ഒരു അമേരിക്കൻ സയൻസ് ഫിഷൻ സിനിമയാണ് ബാക്ക് ടു ദി ഫ്യൂച്ചർ. റോബർട്ട് സെമക്കിസ് ആണ് ചിത്രം സംവിധാനം ചെയ്തിരിക്കുന്നത്. നിർമ്മാണം സ്റ്റീവൻ സ്പിൽബർഗ്ഗ്. മൈക്കൽ ജെ.ഫൊക്സ്, ക്രിസ്റ്റഫർ ലോയ്ഡ്, ലിയ തോംസൺ, ക്രിസ്പിൻ ഗ്ലോവർ, തോമസ് എഫ്. വിൽസൺ എന്നിവരാണ് പ്രധാന കഥാപാത്രങ്ങൾ.

മാർട്ടി മിക്ഫ്ലൈ എന്ന കൗമാരക്കാരനാണ് ചിത്രത്തിലെ കേന്ദ്ര കഥാപാത്രം. മാർട്ടിയുടെ സുഹൃത്തും സയന്റിസ്റ്റുമായ ഡോക്ടർ എമ്മെറ്റ് ബ്രൗൺ ഒരു ടൈം മെഷീൻ കാറ് കണ്ടുപിടിക്കുന്നു. ടൈം ട്രാവൽ ചെയ്യാനാവശ്യമായ പ്ലൂട്ടോണിയം, ബ്രൗൺ ഒരു ലിബിയന്‍ തീവ്രവാദികളില്‍ നിന്ന് മോഷ്ടിച്ചതായിരുന്നു. എന്നാൽ ടൈം മെഷീനെ മാർട്ടിക്ക് പരിചയപ്പെടുത്തി കൊടുക്കുന്നതിനിടയ്ക്ക് വെച്ച് ബ്രൗണിനെ തീവ്രവാദികൾ വക വരുത്തുന്നു. കാറിൽ രക്ഷപ്പെടാൻ ശ്രമിക്കുന്ന മാർട്ടി, അബദ്ധവശാൽ ടൈം മെഷീൻ ഓൺ ആവുകയും അതിൽ സെറ്റ് ചെയ്തിരുന്ന ഡേറ്റായ 1955-ലേക്ക് പോവുകയും ചെയ്യുന്നു.

അങ്ങനെ 1955 ലേക്ക് മാർട്ടി ടൈം ട്രാവൽ ചെയ്യുന്നു. അവിടെവെച്ച് മാർട്ടിയുടെ കൗമാരക്കാരായ ഭാവി അച്ഛനെയും അമ്മയെയും കണ്ടു മുട്ടുന്നു. 1955-ലെ എമ്മെറ്റ് ബ്രൗണിന്റെ സഹായത്തോടെ വർത്തമാന കാലത്തേക്ക് തിരിച്ച് പോകാൻ വേണ്ടി ശ്രമിക്കുന്നതിനിടയ്ക്ക് യുവതിയായ മാര്‍ട്ടിയുടെ ഭാവി അമ്മയ്ക്ക് അവനോട് പ്രണയം തോന്നിത്തുടങ്ങിയതോടെ കാര്യങ്ങൾ കൂടുതൽ കുഴപ്പത്തിലേക്ക് പോകുന്നു.

ഒരു സയന്‍സ് ഫിക്ഷന്‍ ടൈം ട്രാവൽ സിനിമ എന്നതിലുപരി വളരെ ലളിതമായ ഒരു റൊമാന്റിക് കോമഡി ചിത്രവും കൂടിയാണ് ബാക്ക് ടു ദി ഫ്യൂച്ചർ.

എംസോൺ റിലീസ് ചെയ്തിട്ടുള്ള ബാക്ക് ടു ദി ഫ്യൂച്ചര്‍ ട്രൈലജിയിലെ ബാക്കി രണ്ട് സിനിമകൾ

ബാക്ക് ടു ദി ഫ്യൂച്ചർ പാർട്ട് II (1989)
ബാക്ക് ടു ദി ഫ്യൂച്ചർ പാർട്ട് III (1990)

അഭിപ്രായങ്ങൾ പങ്കുവെക്കാൻ

Categories : #Adventure #Comedy #English #Sci_Fi