❤️#MSone Release ⏩ 3322

OMG 2 (2023)
ഓ എം ജി 2 (2023)

💠ഭാഷ: ഹിന്ദി
💠സംവിധാനം: Amit Rai
💠പരിഭാഷ: സജിൻ എം എസ്
💠പോസ്റ്റർ: ഉണ്ണി ജയേഷ്
💠ജോണർ: കോമഡി, ഡ്രാമ

🎥🎥 🌟 7.6/10
📽📽 6️⃣ 77% 🍿92%

പങ്കജ് ത്രിപാഠി, യാമി ഗൗതം, അക്ഷയ് കുമാർ എന്നിവരെ പ്രധാനകഥാപാത്രങ്ങളാക്കി അമിത് റായിന്റെ സംവിധാനത്തിൽ 2023-ൽ പുറത്തിറങ്ങിയ ബോളിവുഡ് ചിത്രമാണ് OMG 2.

കാന്തി ശരൺ മുദ്ഗൽ ഒരു ശിവ ഭക്തനാണ്. ഒരിക്കൽ അയാളുടെ മകൻ സ്കൂളിൽ വച്ച് ചെയ്ത ഒരു പ്രവർത്തി വയറൽ ആവുകയും ആകെ നാണക്കേടാവുകയും ചെയ്യുന്നു. ചുറ്റുമുള്ള എല്ലാവരും കുറ്റപ്പെടുത്തുമ്പോഴും താൻ ചെയ്തത് തെറ്റാണോ ശരിയാണോ എന്ന് മനസ്സിലാക്കാനാവാത്ത അവസ്ഥയിലായിരുന്നു അയാളുടെ മകൻ. തന്റെ മകന് പറ്റിയ തെറ്റിന് താൻ അടക്കമുള്ള സമൂഹം ഉത്തരവാദിയാണെന്ന് തിരിച്ചറിയുന്ന അയാൾ തന്റെ മകന് നീതി ലഭിക്കാനായി പോരാടാൻ തീരുമാനിക്കുന്നു.

സെക്സ് എഡ്യൂക്കേഷന്റെ പ്രാധാന്യം വളരെ വ്യക്തമായി തുറന്ന് ചർച്ച ചെയ്യുന്നുണ്ട് സിനിമയിൽ. Sexual abuse, Good touch, bad touch, sexually transmitted diseases, അതുപോലെ ‘consent’ന്റെ പ്രാധാന്യം എല്ലാം എന്തുകൊണ്ട് ടീനേജിൽ തന്നെ പഠിപ്പിക്കേണ്ടതുണ്ട് എന്ന് ചിത്രം വരച്ചുകാട്ടുന്നുണ്ട്.

✅അഭിപ്രായങ്ങൾ പങ്കുവെക്കാൻ

Categories : #Comedy #Drama #Hindi

❤️#MSone Release 🫥 3323

Mune: Guardian of the Moon (2014)
മ്യൂൺ: ഗാർഡിയൻ ഓഫ് ദ മൂൺ (2014)

☯️ഭാഷ: ഇംഗ്ലീഷ്
☯️സംവിധാനം: Alexandre Heboyan & Benoît Philippon
☯️പരിഭാഷ: ജിതിൻ ജേക്കബ് കോശി
☯️പോസ്റ്റർ: ഉണ്ണി ജയേഷ്
☯️ജോണർ: അഡ്വഞ്ചർ, അനിമേഷന്‍, കോമഡി

🎥🎥 ⭐️ 7.1/10
📽📽 6️⃣ 80% 🍿83%

സ്വപ്നങ്ങളും മാന്ത്രികതയും നിറഞ്ഞ, പേരില്ലാത്തൊരു സാങ്കല്പികഗ്രഹത്തിലാണ് ഈ മുത്തശ്ശിക്കഥ നടക്കുന്നത്. ആ ഗ്രഹത്തെ രണ്ട് നാടുകളായി തിരിച്ചിരിക്കുന്നു. ഒന്നിൽ സൂര്യന് കീഴെ ജീവിക്കുന്ന പകലിന്റെ ജനങ്ങളും, മറ്റൊന്നിൽ ചന്ദ്രന് കീഴെ ജീവിക്കുന്ന രാത്രിയുടെ ജനങ്ങളും. സൂര്യനെയും ചന്ദ്രനെയും ജനങ്ങൾക്ക് ഉപയോഗപ്രദമാകുന്ന വിധം നിയന്ത്രിക്കാൻ രണ്ടിന്റെയും അമ്പലങ്ങളിൽ ഓരോ കാവലാളുകളുമുണ്ട്.

അനേക തലമുറകളായി ധാരാളം മഹാമയന്മാർ അലങ്കരിച്ചുപോന്ന ഈ സ്ഥാനത്തേക്ക്, ചന്ദ്രന്റെ കാവലാളായി മ്യൂൺ എന്നൊരു കാട്ടുപയ്യൻ യാദൃച്ഛികമായി തിരഞ്ഞെടുക്കപ്പെടുന്നു. ആ ഞെട്ടലിൽനിന്ന് ഗ്രഹം മുക്തി നേടുന്നതിന് മുമ്പേ പാതാളത്തിൽ നിന്നുള്ള ഒരു ലാവാ രാക്ഷസൻ സൂര്യനെ തട്ടിയെടുത്ത് അവന്റെ ദീർഘനാളത്തെ പ്രതികാരം നിറവേറ്റുന്നു.

സൂര്യനില്ലെങ്കിൽ ചന്ദ്രനുമില്ല. അത്തരത്തില്‍ ലോകാവസാനം എത്തിനോക്കുന്ന വേളയിൽ, സഹോൻ എന്ന സൂര്യന്റെ കാവലാളിനും ഗ്ലിം എന്ന മെഴുക് പെൺകുട്ടിക്കുമൊപ്പം മ്യൂൺ പാതാളത്തിലേക്ക് യാത്രയാകുന്നു. ആത്മസന്ദേഹവും ഉൾഭയവും മടികടന്ന്, സൂര്യനെ വീണ്ടെടുത്ത് ആ ഗ്രഹത്തിന്റെ ജീവാത്മാവിനെ പുനഃസ്ഥാപിക്കാൻ മ്യൂണിനാകുമോ?

🔵 അഭിപ്രായങ്ങൾ പങ്കുവെക്കാൻ

Categories : #Animation #Adventure #Comedy #English

❤️#MSone Release 💡 3068

House of the Dragon Season 01 (2022) 🐲
ഹൗസ് ഓഫ് ദ ഡ്രാഗൺ സീസൺ 01 (2022) 🐲

🔥ഭാഷ: ഇംഗ്ലീഷ്
🔥നിർമ്മാണം: GRRM; Bastard Sword
🔥പരിഭാഷ: ഫഹദ് അബ്ദുൾ മജീദ്
🔥പോസ്റ്റർ: പ്രവീൺ അടൂർ
🔥ജോണർ: ആക്ഷന്‍, അഡ്വഞ്ചർ, ഡ്രാമ

🎥🎥 🌟 8.4/10
📽📽 🍅 93% 🍿82%

ലോകമെമ്പാടും ആരാധകരെ സൃഷ്ടിച്ച ജനപ്രിയ സീരിസ് ഗെയിം ഓഫ് ത്രോണ്‍സിന്റെ പ്രീക്വല്‍ സീരിസ് ആണ് ഹൗസ് ഓഫ് ദ ഡ്രാഗൺ.

റ്റാര്‍ഗേറിയന്‍ കുടുംബത്തിന്റെയും വിസേരിസ് ഒന്നാമന്റേയും കഥയാണ് സീരീസിന്റെ ഇതിവൃത്തം. ഗെയിം ഓഫ് ത്രോണ്‍സില്‍ നടന്ന സംഭവങ്ങള്‍ക്കും 200 വര്‍ഷം മുമ്പുള്ള കഥയാണ് പുതിയ സീരിസില്‍ പറയുന്നത്.

കഥ ആരംഭിക്കുന്നത് ഭ്രാന്തൻ രാജാവ് ആയ ഈറിയസിന്റെ മരണത്തിനും അദ്ദേഹത്തിന്റെ പുത്രി രാജകുമാരി ഡനേറിയസ് റ്റാർഗേറിയന്റെ ജനനത്തിനും 172 വർഷം മുമ്പാണ്.

വിസേരിസ് ഒന്നാമന് റനീറ എന്നൊരു മകൾ മാത്രമാണ് അവകാശിയായിട്ടുള്ളത്. അവകാശിയായി ഒരു ആൺകുഞ്ഞിനെയും പ്രതീക്ഷിച്ച് വർഷങ്ങളായി ഇരിക്കുകയാണ് വിസേരിയ്‌സ്. റ്റാർഗേറിയൻസിന്റെ കീഴ്‌വഴക്കം അനുസരിച്ച് ഒരിക്കലും ഒരു റാണിയും അന്നുവരെ അയൺ ത്രോണിൽ ഇരുന്നിട്ടില്ല. ആരും ഇരിക്കാൻ സമ്മതിച്ചിട്ടുമില്ല. വിസേരിസിന് ഒരു മകൻ ജനിച്ചില്ലെങ്കിൽ സാധാരണ നിയമങ്ങളും കീഴ്‌വഴക്കവും അനുസരിച്ച് അധികാരം ചെന്ന് ചേരേണ്ടത് വിസേരിസിന്റെ അനിയനും ക്രൂരനും ധൂര്‍ത്തനും സ്വേച്ഛാധിപതിയുമായ ഡേമൻ റ്റാർഗേറിയന്റെ കൈകളിലാണ്.

ഈയൊരു അവസരത്തിൽ രാജ്യത്തിന്റെ സ്ഥിരതയ്ക്കും നന്മയ്ക്കും വേണ്ടി നിയമങ്ങൾക്കും കീഴ്‌വഴക്കത്തിനും എതിരായി തന്റെ മകൾ റനീറയെ അയൺ ത്രോണിൽ ഇരുത്താൻ സഭയും വിസേരിസും തീരുമാനിക്കുമ്പോൾ അവർ അറിഞ്ഞിരുന്നില്ല റ്റാർഗേറിയൻമാരുടെ വംശത്തെയും അവരുടെ ഡ്രാഗണുകളെയും തന്നെ ഏതാണ്ട് പൂർണ്ണമായും ഇല്ലാതാക്കാൻ പോകുന്ന ആഭ്യന്തരയുദ്ധത്തിനാണ് അവർ തുടക്കം കുറിക്കുന്നതെന്ന്.

റ്റാർഗേറിയൻമാർക്കിടയിൽ നടന്ന ഈ ആഭ്യന്തരയുദ്ധം ഡാൻസ് ഓഫ് ദ ഡ്രാഗൺസ് എന്നാണ് അറിയപ്പെടുന്നത്. അതേ പേരിലുള്ള എഴുതി പൂർത്തിയായിട്ടുള്ള പുസതകത്തെ അടിസ്ഥാനമാക്കിയാണ് ഈ സീരീസ് ഒരുക്കിയിട്ടുള്ളത്.

🌐 അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

❤️#MSone Release 🫥3324

Death’s Game [K-Drama] (2023)
ഡെത്ത്സ് ഗെയിം [കെ-ഡ്രാമ] (2023)

🔄ഭാഷ: കൊറിയൻ
🔄സംവിധാനം: Byung-Hoon Ha
🔄പരിഭാഷ: സജിത്ത് ടി. എസ് & അരവിന്ദ് കുമാർ
🔄പോസ്റ്റർ: ഉണ്ണി ജയേഷ്
🔄ജോണർ: ഡ്രാമ, ഫാന്റസി

🎥🎥 ⭐️ 8.6/10

ജീവിതം മടുത്ത് ആത്മഹത്യ ചെയ്ത ഒരാൾക്ക് ശിക്ഷയായി വീണ്ടും ജീവിക്കണമെന്ന അവസ്ഥ വന്നാൽ എന്താവും? അതും 12 തവണ… അത്തരമൊരു കഥയാണ് 2023 ൽ പുറത്തിറങ്ങിയ ഡെത്ത്സ് ഗെയിമിലൂടെ പറയുന്നത്.

ഒരു സാധാരണക്കാരനായ ലീ ഇ-ജേക്ക് കോളേജ് പഠനം കഴിയും മുമ്പേ വൻ കമ്പനികളിൽ ഒന്നായ തേകാങ് ഗ്രൂപ്പിന്റെ ഫൈനൽ ഇന്റർവ്യൂവിലേക്ക് എത്താൻ കഴിഞ്ഞു. ഇന്റർവ്യൂവിനായി ചെന്ന അവന് വിധി കരുതി വെച്ചത് മറ്റൊന്നായിരുന്നു. പോകുന്ന വഴിക്ക് അപകടത്തിൽ പെട്ടയാൾ തന്റെ മുന്നിലേക്ക് വന്ന് വീഴുകയും, മനസ്സ് പതറിയ ഇ-ജേ ഇന്റർവ്യൂവിൽ ശ്രദ്ധിക്കാനാവാതെ പരാജയപ്പെടുകയും ചെയ്യുന്നു. വർഷങ്ങളോളം പാർട്ട് ടൈം ജോലി ചെയ്ത് മുന്നോട്ടുപോയ അവന് ഒരിക്കൽ കൂടി തേകാങ്‌ ഗ്രൂപ്പിന്റെ ഫൈനൽ ഇന്റർവ്യൂവിന് സെലെക്ഷൻ കിട്ടുന്നു. ഇന്റർവ്യൂ കഴിഞ്ഞിറങ്ങിയ അവനെ കാത്തിരുന്നത് കൂട്ടുകാരൻ തന്റെ സമ്പാദ്യവുമായി കടന്നു കളഞ്ഞെന്നുള്ള ഞെട്ടിക്കുന്ന വാർത്തയായിരുന്നു. അതിന്റെ ആഘാതത്തിൽ പെട്ട അവൻ കാമുകിയെ കാണാൻ പോകുമ്പോ അവൾ മറ്റൊരുത്തനോടൊപ്പം കാറിൽ നിന്നിറങ്ങി പോകുന്ന കാഴ്ചയാണ് വരവേൽക്കുന്നത്. വീട്ടിലെത്തിയപ്പോൾ വീട്ടുടമസ്ഥൻ സാധനങ്ങളെല്ലാം പുറത്താക്കി വീടൊഴിയാനായുള്ള കുറിപ്പും വെച്ചിരിക്കുന്നു.

ആകെ തകർന്ന് പോയ അവൻ ആത്മഹത്യ ചെയ്യുന്നു. മരണാനന്തര ജീവിതത്തിലേക്ക് പോയ അവൻ ചെന്ന് പെടുന്നത് മരണത്തിന്റെ (Death) മുന്നിലാണ്. മരണത്തെ കളിയാക്കിയതിനുള്ള ശിക്ഷയായി അവന്, മരണം തൊട്ട് മുന്നിലെത്തിയ 12 പേരുടെ ശരീരത്തിലേക്ക് പ്രവേശിച്ച് വീണ്ടും മരണം അനുഭവിക്കേണ്ടി വരുന്നു. എന്നാൽ, അതിൽ ഒരു മരണം ഒഴിവാക്കാനായാൽ അവന് ആ ശരീരത്തിൽ ജീവിതകാലം മുഴുവൻ കഴിയാം. ഇല്ലെങ്കിൽ, അവന് നരകത്തിലേക്ക് പോകേണ്ടി വരും. അവനെക്കൊണ്ട് മരണത്തെ ഒഴിവാക്കാൻ കഴിയുമോ?

✅ അഭിപ്രായങ്ങൾ പങ്കുവെക്കാൻ

Categories : #Drama #Fantasy #Korean #Web_Series

❤️#MSone Release 🔹 3325

#MsoneGoldRelease 🥇

Lupin III: The Castle of Cagliostro (1979)
ലൂപാന്‍ III: ദ കാസില്‍ ഓഫ് കാഗ്ലിയോസ്ട്രോ (1979)

💥ഭാഷ: ജാപ്പനീസ്
💥സംവിധാനം: Hayao Miyazaki
💥പരിഭാഷ: എല്‍വിന്‍ ജോണ്‍ പോള്‍
💥പോസ്റ്റർ: ഉണ്ണി ജയേഷ്
💥ജോണർ: ആക്ഷൻ, അഡ്വഞ്ചർ, അനിമേഷന്‍

🎥🎥 ⭐️ 7.6/10
📽📽 🍅 95% 🍿88%

വിഖ്യാത ജാപ്പനീസ് സംവിധായകനായ ഹയാവോ മിയസാക്കി ആദ്യമായി സംവിധാനം ചെയ്ത ചലച്ചിത്രമാണ് ലൂപാന്‍ III: ദ കാസില്‍ ഓഫ് കാഗ്ലിയോസ്ട്രോ എന്ന അനിമേഷന്‍ ചലച്ചിത്രം. പ്രസിദ്ധ ഫ്രഞ്ച് കഥാപാത്രമായ ആഴ്സേന്‍ ലൂപാന്‍ എന്ന “മാന്യനായ കള്ളന്റെ” കൊച്ചുമകനായ ലൂപാന്‍ മൂന്നാമന്‍ എന്ന പേരില്‍ ഇറങ്ങിയ ജാപ്പനീസ് മാങ്ക (കോമിക്) കഥകളെ അടിസ്ഥാനമാക്കിയാണ് ഈ ചലച്ചിത്രം നിര്‍മ്മിച്ചത്.

മോണോക്കോയിലെ പ്രശസ്തമായ മോണ്ടി കാര്‍ലോ കസീനോ കൊള്ളയടിച്ചിട്ട് മടങ്ങുകയാണ് ലൂപാനും ആളുടെ വലം കൈയായ ജിഗെന്‍ ഡായ്സുകെയും. വഴിയില്‍ വെച്ച് അവര്‍ക്ക് മനസ്സിലാവുന്നു കസീനോയില്‍ നിന്ന് അവര്‍ കൊള്ളയടിച്ച പണമെല്ലാം കള്ളനോട്ടായിരുന്നെന്ന്. ഒരു രാജ്യത്തിന്റെ സര്‍ക്കാരിനെ പോലും കബളിപ്പിക്കാന്‍ കഴിഞ്ഞ ആ കള്ളനോട്ടുകളുടെ സ്രോതസ്സ് തേടി അവര്‍ കാഗ്ലിയോസ്ട്രോ എന്ന രാജ്യത്ത് ചെല്ലുന്നു. അവിടെ അവരെ കാത്ത് നിന്നത് നൂറ്റാണ്ടുകളായി അവിടുത്തെ രാജകുടുംബങ്ങള്‍ രഹസ്യമാക്കി വെച്ചിരുന്ന ചില കാര്യങ്ങളായിരുന്നു.

പ്രായഭേദമന്യേ ആര്‍ക്കും രസിച്ച് കാണാവുന്ന ആക്ഷനും, കോമഡിയും നിറഞ്ഞൊരു സിനിമയാണിത്. ഇതിനുശേഷം വന്ന പല അനിമേഷന്‍ സിനിമകളെയും, സംവിധായകരെയും വളരെയധികം സ്വാധീനിച്ച ഈ ചിത്രം എല്ലാ അനിമേഷന്‍ പ്രേമികളും ജീവിതത്തില്‍ ഒരിക്കലെങ്കിലും കാണേണ്ടതാണ്.

📘 അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #MsoneGold

❤️#MSone Release 🔵 3317

The Walking Dead – Season 11 (2021) 🧟‍♀️
ദ വാക്കിങ് ഡെഡ് – സീസൺ 11 (2021) 🧟‍♀️

Episodes 13-24
എപ്പിസോഡ്സ് 13-24

🔴ഭാഷ: ഇംഗ്ലീഷ്
🔴നിർമാണം: Idiot Box Productions
🔴പരിഭാഷ: ഗിരി പി. എസ്.
🔴പോസ്റ്റർ: ഉണ്ണി ജയേഷ്
🔴ജോണർ: ഡ്രാമ, ഹൊറർ, ത്രില്ലർ

🎥🎥⭐️ 8.1/10
📽📽 6️⃣ 79% 🍿78%

ടിവി സീരീസുകളുടെ ചരിത്രത്തിൽ ഒരിക്കലും ഒഴിച്ച് കൂടാനാവാത്ത ഒരു അദ്ധ്യായമായി മാറിയ സീരീസ് ആണ് ദി വാക്കിങ് ഡെഡ്. സോംബികൾ മനുഷ്യരെ ആക്രമിക്കുന്ന കഥകള്‍ മുമ്പും പല സിനിമകളിൽ വന്നിട്ടുണ്ട്. പക്ഷേ വാക്കിങ് ഡെഡ് അങ്ങനൊരു കഥയായിരുന്നില്ല. കാരണം വക്കിങ് ഡെഡിൽ വില്ലൻ സോംബികളല്ല, അത് മനുഷ്യരാണ്.

അതിജീവനം ഒരാവശ്യമായി വരുമ്പോള്‍, ജീവിതമെന്ന പേരിൽ നമ്മൾ സങ്കൽപിച്ചെടുത്ത അർത്ഥങ്ങൾ ഒന്നുമല്ലാതാകും. ജീവന്റെ അർത്ഥം ‘ജീവനോടെ നിലനിൽക്കുക’ എന്ന് മാത്രമാകും. ബന്ധങ്ങൾ നശിക്കും. സൗഹൃദങ്ങള്‍ ഇല്ലാതാകും. നരഭോജികളായ മൃഗങ്ങളെ പോലെ നമ്മള്‍ പരസ്പരം കടിച്ചു കീറും. ഇത്രേയുള്ളൂ മനുഷ്യന്മാർ!

റിക്ക് ഗ്രൈംസ് എന്ന പോലീസ് ഉദ്യോഗസ്ഥന് ജോലിക്കിടെ സംഭവിക്കുന്ന ഒരപകടത്തിൽ, അയാളുടെ ബോധം നശിച്ച് അയാള്‍ കോമയിലാകുന്നു. അതിൽ നിന്ന് ഉണരുന്ന റിക്കിന് കാണേണ്ടി വരുന്നത് ഒരു പുതിയ ലോകമാണ്! ആളൊഴിഞ്ഞ ആശുപത്രി കെട്ടിടവും, ചോര പതിഞ്ഞ ചുവരുകളും, അയാളെ പുറം ലോകത്തെ ഭീകരതയിൽ കൊണ്ടെത്തിക്കുന്നു. ‘വാക്കേഴ്സ്’ എന്ന് പേരിട്ട് വിളിക്കുന്ന സോംബികൾ, മനുഷ്യരെ കടിച്ചു കീറി ചോര കുടിക്കുന്ന ഒരു ലോകം അയാളെ കാത്തിരിക്കുകയായിരുന്നു. സ്വന്തം ഭാര്യയും മകനും ജീവനോടെയുണ്ടോ എന്നു പോലും അയാൾക്കറിയില്ല. സഹായിക്കാനോ, സഹതപിക്കാനോ കൂടെ ആരുമില്ല. ചുറ്റും മനുഷ്യ മാംസത്തിന്റെ ഗന്ധം തേടിയലയുന്ന ശവങ്ങളുടെ മുഖം മാത്രം! പ്രതീക്ഷയുടെ ഒരു കണിക പോലും, അയാളെ എവിടെയും കാത്തിരിക്കുന്നില്ല.

എംസോൺ റിലീസ് ചെയ്തിട്ടുള്ള ദി വാക്കിങ് ഡെഡ് സീരീസിന്റെ മറ്റ് സീസണുകൾ

ദ വാക്കിങ് ഡെഡ് – സീസൺ 01 (2010)
ദ വാക്കിങ് ഡെഡ് – സീസൺ 02 (2011)
ദ വാക്കിങ് ഡെഡ് – സീസൺ 03 (2012)
ദ വാക്കിങ് ഡെഡ് – സീസൺ 04 (2013)
ദ വാക്കിങ് ഡെഡ് – സീസൺ 05 (2014)
ദ വാക്കിങ് ഡെഡ് – സീസൺ 06 (2015)
ദ വാക്കിങ് ഡെഡ് – സീസൺ 07 (2016)
ദ വാക്കിങ് ഡെഡ് – സീസൺ 08 (2017)
ദ വാക്കിങ് ഡെഡ് – സീസൺ 09 (2018)
ദ വാക്കിങ ഡെഡ് – സീസൺ 10 (2019)

അഭിപ്രായങ്ങൾ പങ്കുവെക്കാൻ ✅

Categories : #Drama #English #Horror #Thriller #Web_Series

❤️#MSone Release 😭 3326

The Walking Dead: The Ones Who Live Season 1 (2024)
ദ വാക്കിങ് ഡെഡ്: ദ വൺസ് ഹു ലിവ് സീസൺ 1 (2024)

Episodes 01
എപ്പിസോഡ്‌സ് 01

♥️ഭാഷ: ഇംഗ്ലീഷ്
♥️നിർമ്മാണം: Skybound Entertainment
♥️പരിഭാഷ: ഗിരി പി. എസ്.
♥️പോസ്റ്റർ: ഉണ്ണി ജയേഷ്
♥️ജോണർ: ഡ്രാമ, ഹൊറർ, ത്രില്ലർ

🎥🎥 ⭐️ 8.9/10
📽📽 🍅 90% 🍿95%

ദ വാക്കിങ് ഡെഡെന്ന AMC സീരിസിന്റെ സ്പിനോഫ് സീരീസായിട്ട് AMC-യിൽ സംപ്രേക്ഷണം ആരംഭിച്ച സീരീസാണ് “ദ വൺസ് ഹു ലിവ്“

2010-യിൽ സംപ്രേഷണം ആരംഭിച്ച ദ വാക്കിങ് ഡെഡ് സീരിസിൽ നായകനായ റിക്ക് ഗ്രൈംസിന് ഒൻപമത്തെ സീസണിൽ അപകടം സംഭവിക്കുകയും ഒരു ആർമി ഹെലികോപ്റ്ററിൽ അദ്ദേഹത്തിന്റെ ശരീരം മറ്റെങ്ങോട്ടോ മാറ്റുന്നതുമാണ് കാണിച്ചത്. തുടർന്ന് അദ്ദേഹത്തിന്റെ ഭാര്യ മിഷോൺ അദ്ദേഹത്തെ തിരഞ്ഞു പോകുന്നത് പത്താമത്തെ സീസണിലും കാണിക്കുന്നുണ്ട്.
വാക്കിങ് ഡെഡ് സീരിസിന്റെ അവസാന ഭാഗത്ത് ഒരു സീനിൽ റിക്കിനേയും മിഷോണിനേയും തിരികെ കൊണ്ടുവരുന്നതിലൂടെ അണിയറ പ്രവർത്തകർ പുതിയ ഒരു സീരീസ് ആരംഭിച്ചിരുന്നു.

വാക്കിങ് ഡെഡ് സീരീസ് അവസാനിച്ചെങ്കിലും റിക്കിന്റെയും മിഷോണിന്റേയും കഥ ദ വൺസ് ഹു ലിവിലൂടെ തുടരുന്നു, വാക്കിങ് ഡെഡ് ഫ്രാൻഞ്ചസിയിലെ തന്നെ ഏറ്റവും വലിയ വില്ലന്മാരായ CRM ദ വൺസ് ഹു ലിവിൽ ആണ് റിക്കുമായി നേർക്കുനേർ വരുന്നതെന്ന പ്രത്യേകതയും സീരിസിനുണ്ട്.

അഭിപ്രായങ്ങൾ പങ്കുവെക്കാൻ ✅

Categories : #Drama #English #Horror #Thriller #Web_Series

❤️#MSone Release 🔋 3299

Ozark Season 4 (2022)
ഒസാർക് സീസൺ 4 (2022)

Part 2
പാർട്ട് 2

🟣ഭാഷ: ഇംഗ്ലീഷ്
🔵നിർമ്മാണം: MRC Television
🟣പരിഭാഷകർ: ഫഹദ് അബ്ദുൽ മജീദ്
🔵പോസ്റ്റർ: പ്രവീൺ അടൂർ
🟣ജോണർ: ക്രൈം, ഡ്രാമ, ത്രില്ലർ

🎥🎥 🌟 8.5/10
📽📽 🍅 82% 🍿85%

2017-ൽ നെറ്റ്ഫ്ലിക്സില്‍ സംപ്രേക്ഷണം ആരംഭിച്ച ക്രൈം-ഡ്രാമ സീരീസാണ് ഒസാര്‍ക്.

മെക്സിക്കൻ ഡ്രഗ് കാർട്ടെലിന്റെ കള്ളപ്പണം വെളുപ്പിക്കുന്ന അതിബുദ്ധിമാനായ ഫിനാന്‍ഷ്യല്‍ അഡ്വൈസറാണ് മാര്‍ട്ടി ബേഡ്. ഇതിനിടയിലൂടെ മാര്‍ട്ടിയുടെ പാര്‍ട്ണര്‍ നടത്തിക്കൊണ്ടിരുന്ന കള്ളക്കളി ഡ്രഗ് കാർട്ടെല്‍ കൈയ്യോടെ പിടിക്കുകയും ഓരോരുത്തരെയായി കൊല്ലുകയും ചെയ്യുന്നു. മരണത്തില്‍നിന്ന് രക്ഷപ്പെടാനായി മാര്‍ട്ടി അവരോട് ഒരു ഡീലിന് തയ്യാറാവുന്നു. അതനുസരിച്ച് മാര്‍ട്ടിക്ക് 500 മില്യണ്‍ ഡോളര്‍ വെളുപ്പിക്കാമെന്ന് സമ്മതിക്കേണ്ടി വരുന്നു.

കുടുംബത്തിന്റെ സുരക്ഷ കൂടെ കണക്കിലെടുത്ത്‌ മാര്‍ട്ടിയും ഭാര്യ വെന്‍ഡിയും രണ്ട് മക്കളും ഷിക്കാഗോയില്‍ നിന്ന് ഒസാര്‍ക് തടാകക്കരയിലേക്ക് താമസം മാറുന്നു. അവിടെയെത്തിയ അവർ പുതിയ ബിസിനസ്സ് തുടങ്ങുന്നതോടെ നേരിടുന്ന പ്രശ്നങ്ങളെയും
പുതിയ പ്രതിയോഗികളെയും പ്രതിസന്ധികളെയും മാര്‍ട്ടിയും ഭാര്യ വെന്‍ഡിയും നേരിടുന്നതും ബുദ്ധിപൂര്‍വ്വം മറികടക്കുന്നതുമാണ് സീരീസ് പറയുന്നത്.

ആദ്യ സീനുകളില്‍ത്തന്നെ നായകനുണ്ടാകുന്ന പ്രശ്‌നങ്ങളിൽ തുടങ്ങി വളരെ വേഗം മാറി മറിയുന്ന കഥാസന്ദർഭങ്ങളും ഓരോ സംഭവങ്ങൾക്കും വ്യക്തമായ വിശദീകരണം കൊടുത്തുകൊണ്ടുള്ള കഥയുടെ മുന്നോട്ടു പോക്കും മികച്ച രീതിയിലുള്ള കഥാപാത്ര
നിര്‍മ്മിതിയും ട്വിസ്റ്റുകളും ഈ സീരിസിന്റെ പ്രത്യേകതയാണ്. ഡാർക്ക് മൂഡിലുള്ള കളർ ടോണും മനോഹരമായ ലൊക്കേഷനുകളും പ്രധാന കഥാപാത്രങ്ങളെ അവതരിപ്പിക്കുന്ന ജേസന്‍ ബെറ്റ്‌മാന്‍, ലോറ ലിന്നെ, ജൂലിയ ഗാര്‍നര്‍, ജേസന്‍ ബട്ലര്‍ ഹാര്‍നര്‍ തുടങ്ങിയവരുടെ മികച്ച പ്രകടനങ്ങളും ഒസാര്‍കിന്റെ മാറ്റുകൂട്ടുന്നു. മറ്റ് ഷോകളില്‍ നിന്ന് വ്യത്യസ്തമായി സ്ത്രീ കഥാപാത്രങ്ങള്‍ക്കുള്ള പ്രാധാന്യമാണ് ഒസാര്‍കിന്റെ മറ്റൊരു പ്രത്യേകത. ഇതിലെ അഭിനയത്തിന് മികച്ച സഹനടിക്കുള്ള എമ്മി അവാര്‍ഡ്‌ ജൂലിയ ഗാര്‍നര്‍ തുടര്‍ച്ചയായി മൂന്നു വര്‍ഷം നേടി എന്നത്‌ ഈ സീരിസിന്റെ മികവ് എടുത്തുകാട്ടുന്നു.

എല്ലാം കൊണ്ടും മികച്ച കഥയും കഥാപാത്രങ്ങളും കഥാസന്ദർഭങ്ങളുമുള്ള ഒരു മികച്ച സീരീസാണ് ഒസാര്‍ക്.

എംസോൺ റിലീസ് ചെയ്തിട്ടുള്ള ഒസാർക് സീരീസിന്റെ മറ്റ് സീസണുകൾ

ഒസാർക് സീസൺ 1 (2017)
ഒസാർക് സീസൺ 2 (2018)
ഒസാർക് സീസൺ 3 (2020)

🌐 അഭിപ്രായങ്ങൾ പങ്കുവെക്കാൻ

Categories : #Crime #Drama #English #Thriller #Web_Series

❤️#MSone Release 😭 3326

The Walking Dead: The Ones Who Live Season 1 (2024)
ദ വാക്കിങ് ഡെഡ്: ദ വൺസ് ഹു ലിവ് സീസൺ 1 (2024)

Episodes 02
എപ്പിസോഡ്‌സ് 02

♥️ഭാഷ: ഇംഗ്ലീഷ്
♥️നിർമ്മാണം: Skybound Entertainment
♥️പരിഭാഷ: ഗിരി പി. എസ്.
♥️പോസ്റ്റർ: ഉണ്ണി ജയേഷ്
♥️ജോണർ: ഡ്രാമ, ഹൊറർ, ത്രില്ലർ

🎥🎥 ⭐️ 8.8/10
📽📽 🍅 91% 🍿92%

ദ വാക്കിങ് ഡെഡെന്ന AMC സീരിസിന്റെ സ്പിനോഫ് സീരീസായിട്ട് AMC-യിൽ സംപ്രേക്ഷണം ആരംഭിച്ച സീരീസാണ് “ദ വൺസ് ഹു ലിവ്“

2010-യിൽ സംപ്രേഷണം ആരംഭിച്ച ദ വാക്കിങ് ഡെഡ് സീരിസിൽ നായകനായ റിക്ക് ഗ്രൈംസിന് ഒൻപമത്തെ സീസണിൽ അപകടം സംഭവിക്കുകയും ഒരു ആർമി ഹെലികോപ്റ്ററിൽ അദ്ദേഹത്തിന്റെ ശരീരം മറ്റെങ്ങോട്ടോ മാറ്റുന്നതുമാണ് കാണിച്ചത്. തുടർന്ന് അദ്ദേഹത്തിന്റെ ഭാര്യ മിഷോൺ അദ്ദേഹത്തെ തിരഞ്ഞു പോകുന്നത് പത്താമത്തെ സീസണിലും കാണിക്കുന്നുണ്ട്.
വാക്കിങ് ഡെഡ് സീരിസിന്റെ അവസാന ഭാഗത്ത് ഒരു സീനിൽ റിക്കിനേയും മിഷോണിനേയും തിരികെ കൊണ്ടുവരുന്നതിലൂടെ അണിയറ പ്രവർത്തകർ പുതിയ ഒരു സീരീസ് ആരംഭിച്ചിരുന്നു.

വാക്കിങ് ഡെഡ് സീരീസ് അവസാനിച്ചെങ്കിലും റിക്കിന്റെയും മിഷോണിന്റേയും കഥ ദ വൺസ് ഹു ലിവിലൂടെ തുടരുന്നു, വാക്കിങ് ഡെഡ് ഫ്രാൻഞ്ചസിയിലെ തന്നെ ഏറ്റവും വലിയ വില്ലന്മാരായ CRM ദ വൺസ് ഹു ലിവിൽ ആണ് റിക്കുമായി നേർക്കുനേർ വരുന്നതെന്ന പ്രത്യേകതയും സീരിസിനുണ്ട്.

അഭിപ്രായങ്ങൾ പങ്കുവെക്കാൻ ✅

Categories : #Drama #English #Horror #Thriller #Web_Series

❤️#MSone Release 🔸3327

Fallen Leaves (2023)
ഫോളൻ ലീവ്സ് (2023)

💫ഭാഷ: ഫിന്നിഷ്
💫സംവിധാനം: Aki Kaurismäki
💫പരിഭാഷ: എല്‍വിന്‍ ജോണ്‍ പോള്‍
💫പോസ്റ്റർ: നിഷാദ് ജെ എന്‍
💫ജോണർ: കോമഡി, ഡ്രാമ

🎥🎥 🌟 7.4/10
📽📽 🍅 98% 🍿 58%

വിഖ്യാത ഫിന്നിഷ് സംവിധായകൻ അകി കൗറിസ്മാക്കി രചനയും സംവിധാനവും നിർവ്വഹിച്ച് 2023-ൽ പുറത്തിറങ്ങിയ റൊമാൻ്റിക് കോമഡി ഡ്രാമ ചലച്ചിത്രമാണ് “ഫോളൻ ലീവ്സ്“.

ഹെല്‍സിങ്കിയില്‍ താമസിക്കുന്ന രണ്ട് ഏകാകികളായ മനുഷ്യരുടെ ഇടയില്‍ പൊട്ടിമുളയ്ക്കുന്ന പ്രണയവും അതിനെ ചുറ്റിപ്പറ്റിയുള്ള സംഭവങ്ങളുമാണ് ചിത്രത്തിൻ്റെ ഇതിവൃത്തം.

ഐ.എഫ്.എഫ്.കെ. മുതല്‍ കാന്‍ വരെ പല ചലച്ചിത്ര മേളകളിലും പ്രദര്‍ശിപ്പിച്ച ചിത്രം ഏറെ നിരൂപക ശ്രദ്ധ പിടിച്ചുപറ്റി. 2024-ലെ ഓസ്കാറിലെ മികച്ച വിദേശ ചിത്രത്തിനുള്ള ഫിന്‍ലാന്‍ഡിന്റെ ഔദ്യോഗിക എന്‍ട്രിയായ ചിത്രം 2023 ലെ കാന്‍ ഫിലിം ഫെസ്റ്റിവലിലെ ജൂറി പുരസ്കാരവും നേടുകയുണ്ടായി.

💬 അഭിപ്രായങ്ങൾ പങ്കുവെക്കാൻ


Categories : #Comedy #Drama #Finnish