#MSone Release - 2840

Little Things - Season 01 (2016)
ലിറ്റിൽ തിങ്സ് - സീസൺ 01 (2016)

ഭാഷ : ഇംഗ്ലീഷ് & ഹിന്ദി
സംവിധാനം : Ajay Bhuyan, Sumit Arora & Ruchir Arun
പരിഭാഷ : സേതു
പോസ്റ്റർ : പ്രവീൺ അടൂർ
ജോണർ : കോമഡി, റൊമാൻസ്

IMDb ⭐️ 8.3/10

മുംബൈയില്‍ ലിവിംഗ് ടൂഗതര്‍ റിലേഷന്‍ഷിപ്പില്‍ കഴിയുന്ന ധ്രുവ്, കാവ്യ എന്നീ രണ്ടുപേരുടെ കഥയാണ് ‘ലിറ്റില്‍ തിങ്സ്.’ പറയുന്നത്.

യാത്രകളും, സുഹൃത്തുക്കളുമായുള്ള ഒത്തുചേരലും, ജോലിയുമൊക്കെയായി അവര്‍ അവരുടെ യൌവ്വനകാലം ആസ്വദിക്കുകയാണ്. സീരീസിന്‍റെ പേര് സൂചിപ്പിക്കുന്ന പോലെ തന്നെ, ധ്രുവിന്റെയും കാവ്യയുടെയും ജീവിതത്തിലെ ചെറിയ ചെറിയ സംഭവങ്ങള്‍, ഇണക്കങ്ങള്‍, പിണക്കങ്ങള്‍, തമാശകള്‍ ഒക്കെയാണ് കഥയുടെ ഇതിവൃത്തം.

സാധാരണ ഇന്ത്യന്‍ സീരിയലുകളിലെ പോലെ വീട്ടുകാരുടെയും ബന്ധുക്കാരുടെയും ഇടപെടലുകളോ നാടകീയമായ മുഹൂര്‍ത്തങ്ങളോ ഇല്ലാത്തത് കൊണ്ട് തന്നെ നിത്യജീവിതത്തിനോട് ചേര്‍ന്നുനില്‍ക്കുന്ന കഥാസന്ദര്‍ഭങ്ങളാണ് ലിറ്റില്‍ തിങ്സ് നെ വ്യത്യസ്ഥമാക്കുന്നത്. ‘പഠിച്ചു ജോലി നേടിയാല്‍ പിന്നെ ഉടനേ കല്ല്യാണം’ എന്ന സ്ഥിരം സങ്കല്‍പ്പങ്ങളെ പൊളിച്ചെഴുതി, ഭൂരിഭാഗം പേര്‍ക്കും ‘ദഹിക്കാന്‍’ ബുദ്ധിമുട്ടുള്ള ലിവിംഗ് ടൂഗതര്‍ കണ്‍സപ്റ്റ് നെ പ്രധാന കഥാതന്തുവാക്കിയത് ഏറെ ശ്രദ്ധേയമായ കാര്യം. വളരെ മനോഹരമായി തന്നെ ആ റിലേഷന്‍ഷിപ്പിനെ സീരീസില്‍ ഉടനീളം ചിത്രീകരിച്ചിട്ടുമുണ്ട്.

മിഥില പാല്‍ക്കര്‍, ധ്രുവ് സെഗാള്‍ എന്നിവര്‍ പ്രധാന കഥാപാത്രങ്ങളെ അവതരിപ്പിച്ച ലിറ്റില്‍ തിങ്സിന്റെ ഒന്നാം സീസണ്‍, ഡൈസ് മീഡിയയുടെ യൂട്യൂബ് ചാനലിലൂടെ 2016 ല്‍ സംപ്രേഷണം ചെയ്യുകയും തുടർന്ന് നെറ്റ്ഫ്ലിക്സ് ഏറ്റെടുത്ത് രണ്ടാം സീസണ്‍ മുതല്‍ സംപ്രേഷണം ചെയ്യുകയും ചെയ്തു.

അഭിപ്രായങ്ങൾ പങ്കുവെക്കാൻ

Categories : #Comedy #English #Hindi #Romance #Web_Series

Any Guess ?

#MSone Release - 2841

Wrath of Man (2021)
റാത്ത് ഓഫ് മാൻ (2021)

ഭാഷ : ഇംഗ്ലീഷ്
സംവിധാനം : Guy Ritchie
പരിഭാഷ : മുഹമ്മദ് റാസിഫ്
പോസ്റ്റർ : നിഖിൽ ഇ കൈതേരി
ജോണർ : ആക്ഷൻ, ക്രൈം, ത്രില്ലർ

IMDb ⭐️ 7.1/10

ഫോർട്ടിക്കോ കമ്പനിയുടെ ക്യാഷ് ട്രക്കുകളിലൊന്ന് കൊള്ളയടിക്കപ്പെടുകയും, കൊള്ളയ്ക്കിടയിൽ സെക്യൂരിറ്റി ഗാർഡ് ഉൾപ്പടെ മൂന്ന് പേർ കൊല്ലപ്പെടുകയും ചെയ്യുന്നു. ഇതേ കമ്പനിയിൽ പുതുതായി ജോലിക്ക് ചേർന്നയാളാണ് H എന്ന് വിളിപ്പേരുള്ള പാട്രിക് ഹിൽ ജോലിയിൽ പ്രവേശിച്ച് കുറച്ച് നാളുകൾക്കുള്ളിൽ തന്നെ H ന്റെ നിയന്ത്രണത്തിലുള്ള ഒരു ക്യാഷ് ട്രക്ക് കുറച്ച് പേർ ചേർന്ന് കൊള്ളയടിക്കാൻ ശ്രമിക്കുന്നു. കൊള്ളയ്ക്കിടയിൽ എതിരാളികളെ ഒരു വെറി നായയെപ്പോലെ നിഷ്ക്രൂരം വേട്ടയാടുന്ന H ന്റെ നായാട്ട് സഹപ്രവർത്തകരിൽ പോലും ഭയമുളവാക്കുന്നതായിരുന്നു.

ട്രെയിനിങ്ങിൽ ശരാശരിയിൽ മാത്രം പ്രകടനം കാഴ്ച വെച്ച ഒരാൾക്ക്, എങ്ങനെയാണ് ഒരു പ്രൊഫഷണലിനെപ്പോലെ എതിരാളികളെ തറ പറ്റിക്കാൻ കഴിയുക? ശരിക്കും ആരാണ് H? അയാൾ എന്തിനാണ് ഹോർട്ടിക്കോയിൽ വന്നത്? അയാൾക്ക് മറ്റെന്തെങ്കിലും ഉദ്ദേശ്യ മുണ്ടോ?

അഭിപ്രായങ്ങൾ പങ്കുവെക്കാൻ

Categories : #Action #Crime #English #Thriller

#MSone Release - 2842

Prison Break – Season 03 (2007)
പ്രിസൺ ബ്രേക്ക് – സീസൺ 03 (2007)

ഭാഷ : ഇംഗ്ലീഷ്
നിർമാണം : Original Film
പരിഭാഷ : നിഖിൽ നീലകണ്ഠൻ
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, ഡ്രാമ

IMDb ⭐️8.3/10

2005-ൽ പുറത്തിറങ്ങിയ അമേരിക്കൻ ടെലിവിഷൻ സീരീസാണ് ‘പ്രിസൺ ബ്രേക്ക്’. 5 സീസണുകളിലായി ഇറങ്ങിയ സീരീസിലെ, ആദ്യ സീസണിൽ ചെയ്യാത്ത കുറ്റത്തിന് വധശിക്ഷ കാത്തു കിടക്കുന്ന ലിങ്കൻ ബറോസിനെ രക്ഷിക്കാൻ അനിയനായ മൈക്കിൾ സ്‌കോഫീൽഡ്‌ ജയിലിലെത്തുന്നതും, തുടർന്ന് ജയിൽ ചാടാൻ നടത്തുന്ന ശ്രമങ്ങളുമാണ് ഇതിവൃത്തം. പദ്ധതികൾ തയ്യാറാക്കുന്നത് മുതൽ, അവ പ്രാവർത്തികമാക്കുന്നതടക്കമുള്ള കാര്യങ്ങളിലെ സൂക്ഷ്മതയും കയ്യടക്കവും നമ്മൾ പ്രേക്ഷകർക്കും അനുഭവിച്ചറിയാൻ സാധിക്കും. അടുത്ത എപ്പിസോഡിൽ എന്ത് സംഭവിക്കുമെന്ന ആകാംക്ഷ നിലനിർത്തിക്കൊണ്ടാണ് ഓരോ എപ്പിസോഡുകളും അവസാനിക്കുന്നത്. നായക കഥാപാത്രങ്ങൾ മാത്രമല്ല, നെഗറ്റീവ് ഷേഡുള്ള കഥാപാത്രങ്ങൾ വരെ, നമ്മെ ആവേശം കൊള്ളിക്കുമെന്നതും ഈ സീരിസിന്റെ പ്രത്യേകതയാണ്. വെന്റ് വർത് മില്ലർ, ഡൊമനിക് പഴ്‌സൽ, അമൗറി നോളസ്‌കോ, റോബിൻ ടൂണേ, വാസ് വില്യംസ്, റോബർട്ട് നെപ്പർ, പീറ്റർ സ്റ്റോർമേർ എന്നിവരുടെ മികച്ച പ്രകടനം എടുത്ത് പറയേണ്ടതാണ്. പ്രേക്ഷക- നിരൂപക പ്രശംസ ഒരുപോലെ പിടിച്ചു പറ്റിയ ത്രില്ലർ- സസ്പെൻസ് വിഭാഗത്തിൽ പെടുന്ന പ്രിസൺ ബ്രേക്ക് സീരീസ്, 2005- ൽ ഏറ്റവും അധികം ആളുകൾ കണ്ട ടെലിവിഷൻ സീരീസുകളിൽ ഒന്നാണ്.

എംസോൺ റിലീസ് ചെയ്തിട്ടുള്ള പ്രിസൺ ബ്രേക്കിന്റെ മറ്റു സീസണുകൾ

പ്രിസൺ ബ്രേക്ക്: സീസൺ: 1 (2005)
പ്രിസൺ ബ്രേക്ക്: സീസൺ: 2 (2006)

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English

Sardar Udham / സർദാർ ഉധം (2021)
എംസോൺ റിലീസ് – 2832

പരിഭാഷ: പ്രജുൽ പി & രോഹിത് ഹരികുമാര്‍

Cut: benhar sabu Xavier

നമ്മുടെ ഇന്ത്യന്‍ സ്വാതന്ത്ര്യ സമരത്തില്‍ അറിയാതെ പോയ നിരവധി പോരാളികള്‍ ഉണ്ട്. അവരില്‍ ഒരാളാണ് ഉധം സിംഗ്. അദ്ദേഹത്തെക്കുറിച്ചുള്ള ചിത്രമാണ് സുജീത്ത് സര്‍ക്കാരിന്റെ സംവിധാനത്തില്‍ 2021-ല്‍ ഇറങ്ങിയ “സര്‍ദാര്‍ ഉധം“.

നമ്മുടെ എംസോണിൽ മലയാളത്തിൽ ആസ്വദിക്കാം...

#MSone Release - 2833

Jirisan (2021)
ജിരിസാൻ (2021)

Episodes: 03-04 / എപ്പിസോഡ്‌സ്: 03-04

ഭാഷ : കൊറിയൻ
സംവിധാനം : Eung-bok Lee
പരിഭാഷ : ഹബീബ് ഏന്തയാർ, കൃഷ്ണപ്രസാദ്‌ പി ഡി, ജീ ചാങ് വൂക്ക് & തൗഫീക്ക് എ
പോസ്റ്റർ : ഉണ്ണി ജയേഷ്
ജോണർ : ഡ്രാമ, മിസ്റ്ററി, ത്രില്ലർ

IMDb ⭐️ 8.9/10

ഏറെ വർഷത്തെ കാത്തിരിപ്പിനൊടുവിൽ സിഗ്നൽ, കിംഗ്ഡം എന്നീ പ്രശസ്ത കൊറിയൻ സീരീസുകളുടെ തിരക്കഥാകൃത്തായ “കിം യൂൻ ഹീ”യുടെ തിരക്കഥയിൽ 2021ൽ tvn 15-ാം വാർഷികവുമായി ബന്ധപ്പെട്ട്, ജിരിസാൻ നാഷണൽ പാർക്കിലെ റേഞ്ചർമാരുടെ ജീവിതകഥയെ അടിസ്ഥാനമാക്കി എടുത്ത ആക്ഷൻ, മിസ്റ്ററി ത്രില്ലർ സീരീസാണ് ജിരിസാൻ. ഒരു നീണ്ട ഇടവേളക്ക് ശേഷം കൊറിയൻ താരസുന്ദരി ജുൻ ജീ ഹ്യൂൻ മടങ്ങിയെത്തുന്ന സീരീസ്, മികച്ച വിഷ്വലുകൾ കൊണ്ടും, നിഗൂഢത നിറഞ്ഞ സംഭവങ്ങളും അതിനോടിണങ്ങി ചേർന്ന പശ്ചാത്തല സംഗീതം കൊണ്ടും ഇതിനോടകം കാഴ്ചക്കാരുടെ എണ്ണത്തിൽ റെക്കോർഡ് സ്ഥാപിച്ചു കഴിഞ്ഞു.

ജിരിസാൻ പർവ്വതം! ചിലർക്കത് പ്രതീക്ഷയുടെ പ്രകാശമാണെങ്കിൽ മറ്റു ചിലർക്കത് മരണമുനമ്പാണ്. കണക്കുകൾ പ്രകാരം വർഷം 3 ലക്ഷം പേരാണ് ജിരിസാൻ സന്ദർശിക്കുന്നത്. ആ പർവ്വതത്തിന്റെ കാവൽക്കാരാണ് ജിരിസാൻ നാഷണൽ പാർക്കിലെ റേഞ്ചർമാർ. അങ്ങനെയിരിക്കെ പുതുതായി സ്ഥലം മാറ്റം കിട്ടി വന്ന റേഞ്ചർ നായകൻ കാങ് ഹ്യുൻ ജോ(ജു ജി ഹൂൺ)ക്ക് കയറിയ ഉടനെ ഒരു മിസ്സിംഗ് കേസ് അന്വേഷിക്കേണ്ടി വരുന്നു. രാക്ഷസി എന്ന് ഇരട്ടപ്പേരുള്ള നായിക സോ യി ഗാങിനൊപ്പം (ജുൻ ജി ഹ്യുൺ) സെർച്ചിംഗ് പങ്കാളിയായി ചേർന്ന്, കാണാതായ ആ ഹൈക്കറെ അവർ കണ്ടെത്തുന്നു. പക്ഷേ നായകന്റെ പെരുമാറ്റത്തിലും വർത്തമാനത്തിലും പന്തികേട് തോന്നിയ നായിക, എങ്ങനെയാണ് കാണാതായ ഹൈക്കർ ഇരിക്കുന്ന സ്ഥലം കൃത്യമായി മനസ്സിലായത് എന്നും മറ്റും ചോദിക്കുന്നു. ഇത് ആദ്യമായിട്ടല്ല എന്നും, മുൻപ് പലതവണയായി കാണാതായ ഹൈക്കർമാർ പർവ്വതത്തിൽ എവിടെയുണ്ടെന്ന് തനിക്ക് ഒരു ദീർഘ ദൃഷ്ടിയിലൂടെ കാണാൻ സാധിക്കുമെന്നും പറയുന്നു. ആദ്യമൊന്നും ആരുമത് വിശ്വസിച്ചില്ല. പക്ഷേ പിന്നീട് പല നിഗൂഢമായ സംഭവങ്ങളും ജിരിസാൻ പർവ്വതത്തെ ചുറ്റിപ്പറ്റി നടക്കുന്നു. പർവ്വതത്തിലേക്ക് ഹൈക്കിങ്ങിന് വന്ന് സഹായം ലഭിക്കാതെ വഴിതെറ്റുന്ന ഹൈക്കർമാർ സ്വാഭാവികമായി മരിക്കുന്നതല്ലെന്നും, ആരോ കൊലപ്പെടുത്തുന്നതാണെന്നും റേഞ്ചർമാർ മനസ്സിലാക്കുന്നു. സംഭവത്തിന്റെ ചുരുളഴിക്കാൻ ഇറങ്ങിയ നായകനും നായികയ്ക്കും പ്രതീക്ഷിക്കാത്ത ചില സംഭവങ്ങളായിരുന്നു നേരിടേണ്ടിവന്നത്.
ആരാണത്? എന്താണ് ജിരിസാൻ പർവ്വതത്തിലെ ആ നിഗൂഢത?

അഭിപ്രായങ്ങൾ പങ്കുവെക്കാൻ

Categories : #Drama #Korean #Mystery #Thriller #Web_Series

എംസോൺ മർച്ചന്റൈസ് കോണ്ടസ്റ്റ്
***************************************
എംസോൺ മർച്ചന്റൈസ് കോണ്ടസ്റ്റിലെ വിജയിയെ പ്രഖ്യാപിക്കുകയാണ്. ഫോട്ടോ അപ് ലോഡ് ചെയ്ത് കോണ്ടസ്റ്റുമായി സഹകരിച്ച എല്ലാവർക്കും നന്ദി.
അഭിനന്ദനങ്ങൾ Balu DM

#MSone Release - 2843

Better Watch Out (2016)
ബെറ്റർ വാച്ച് ഔട്ട് (2016)

ഭാഷ : ഇംഗ്ലീഷ്
സംവിധാനം : Chris Peckover
പരിഭാഷ : അരുൺ ബി. എസ്
പോസ്റ്റർ : നിഖിൽ ഇ കൈതേരി
ജോണർ: കോമഡി, ഹൊറർ, ത്രില്ലർ

IMDb ⭐️6.5/10

ആ തണുത്ത ക്രിസ്മസ് രാത്രിയിൽ പന്ത്രണ്ട് വയസ്സുള്ളൊരു ആൺകുട്ടിക്ക് കൂട്ടിരിക്കാനായി എത്തിയതായിരുന്നു ആഷ്‍ലി എന്ന പതിനേഴുവയസ്സുകാരി. പക്ഷേ, ആ രാത്രിക്ക് മരണത്തിന്റെ തണുപ്പായിരുന്നുവെന്ന് മനസ്സിലാക്കാൻ ആഷ്‍ലിക്ക് അധികം സമയം വേണ്ടിവന്നില്ല.

വെറുമൊരു പീക്കിരി ചെറുക്കനെന്ന് ഏവരും വിചാരിച്ച ആ പന്ത്രണ്ടുവയസ്സുകാരൻ ലൂക്കിന്റെ യഥാർത്ഥ കഴിവുകൾ ആഷ്‍ലി പതിയേ തിരിച്ചറിയുന്നു. പിന്നീടവിടെ നടന്നതറിയാൻ 2016-ൽ പുറത്തിറങ്ങിയ ബെറ്റർ വാച്ച് ഔട്ട് (Better Watch Out) എന്ന സൈക്കളോജിക്കൽ ഹൊറർ ചലച്ചിത്രം കാണുക.

ലെവി മില്ലർ, ഒലീവിയ ഡീയോങ്ങ്, എഡ് ഓക്സൻബോൾഡ് എന്നിവർ പ്രധാന വേഷങ്ങളിൽ അഭിനയിച്ച് ക്രിസ് പെക്കോവർ സംവിധാനം ചെയ്ത ഈ ചിത്രം മികച്ച നിരൂപകപ്രശംസ നേടുകയുണ്ടായി. അഭിനേതാക്കളുടെ തകർപ്പൻ പ്രകടനവും പ്രേഷകരെ പിടിച്ചിരുത്തുന്ന മുഹൂർത്തങ്ങളും നർമ്മ സംഭാഷണങ്ങളുമാണ് ചിത്രത്തിന്റെ പ്രധാന ഹൈലൈറ്റ്.

ക്യാറ്റ് & മൗസ് ഗെയിം ശൈലിയിലുള്ള ത്രില്ലർ ചലച്ചിത്രങ്ങൾ ഇഷ്ടപ്പെടുന്നവർക്കും സർവൈവൽ ഹൊറർ ചലച്ചിത്രങ്ങൾ ഇഷ്ടപ്പെടുന്നവർക്കും മികച്ചൊരു അനുഭവമായിരിക്കും ഈ ചിത്രം സമ്മാനിക്കുക

അഭിപ്രായങ്ങൾ പങ്കുവെക്കാൻ

Categories : #Comedy #English #Horror #Thriller

#MSone Release - 2844

Sicario: Day of the Soldado (2018)
സികാരിയോ: ഡേ ഓഫ് ദ സോൾദാദോ (2018)

ഭാഷ : ഇംഗ്ലീഷ് & സ്പാനിഷ്
സംവിധാനം : Stefano Sollima
പരിഭാഷ : ഷൈജു എസ് & വിഷ്ണു പ്രസാദ്
പോസ്റ്റർ : ഷൈജു എസ്
ജോണർ : ആക്ഷൻ, ക്രൈം, ഡ്രാമ

IMDb ⭐️7.1/10

2015-ൽ ഡെനിസ് വില്ലെന്യൂവിന്റെ സംവിധാനത്തിൽ പുറത്തിറങ്ങിയ വളരയെധികം പ്രശംസകൾ ഏറ്റുവാങ്ങിയ സികാരിയോ എന്ന സിനിമയുടെ രണ്ടാം ഭാഗമാണ് “സികാരിയോ: ഡേ ഓഫ് ദ സോൾദാദോ.”

അമേരിക്കയിലെ വിവിധ നഗരങ്ങളിൽ അടുത്തിടെയായി അരങ്ങേറുന്ന തീവ്രവാദ ആക്രമണങ്ങളിൽ മെക്സിക്കൻ ഡ്രഗ് മാഫിയയ്ക്കുള്ള പങ്ക് പരസ്യമായ രഹസ്യമാണ്. അവരുടെ പങ്കും പ്രഹര ശേഷിയും ഏവർക്കും അറിയാവുന്നതാണെങ്കിലും പ്രസ്തുത സംഭവത്തിന് ശേഷം അവയുടെ വിഷയമേ അല്ലാതായിരിക്കുന്നു. ഡ്രഗ് മാഫിയകളെ ഒരു പാഠം പഠിപ്പിക്കാനും അവർക്കെതിരെ തിരിച്ചടിക്കാനുമായി രഹസ്യാന്വേഷണ ഏജൻസി തെരഞ്ഞെടുക്കുന്നത് മാറ്റ് ഗ്രേവറിനെയാണ്. ഏറ്റെടുത്ത ജോലി പൂർത്തിയാക്കാനായി ഏതറ്റം വരെയും പോവാൻ മടിയില്ലാത്ത നിശ്ചയ ദാർഢ്യമാണ് ഏജൻസിക്ക് ഇപ്പോൾ ആവശ്യം.

മാഫിയകളുടെ അന്ത്യം ലക്ഷ്യം ഇട്ടുകൊണ്ട് ഇറങ്ങി തിരിച്ച ഗ്രേവർ യാത്രാമദ്ധ്യേ പ്രസ്തുത വിഷയത്തിൽ അറിവും, സർവോപരി ബ്ലാക്ക് ഓപ്പറേറ്റീവ് ഏജന്റ് കൂടിയായ അലെഹാന്ദ്രോ ഗില്ലിക്കിനെയും കൂടെ കൂടെകൂട്ടുന്നു.

ഡ്രഗ് മാഫിയകളെ ഇല്ലാതാക്കാൻ അവർ കണ്ടെത്തിയ മാർഗ്ഗം അവരെ പരസ്പരം തമ്മിലടിപ്പിക്കുക എന്നതായിരുന്നു. അവരുടെ ലക്ഷ്യം വിജയം കാണുമോ ഇല്ലയോ എന്നത് കണ്ടുതന്നെ അറിയുക.

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #English #Spanish

#MSone Release - 2845

Agatha Christie’s Poirot: Season 7 (2000)
അഗത ക്രിസ്റ്റീസ് പ്വാറോ: സീസൺ 7 (2000)

Episode 01: The Murder of Roger Ackroyd
എപ്പിസോഡ് 01: ദി മർഡർ ഓഫ് റോജർ അക്രോയ്ഡ്

ഭാഷ: ഇംഗ്ലീഷ്
നിർമാണം : London Weekend Television
പരിഭാഷ: ഫഹദ് അബ്ദുൾ മജീദ്
പോസ്റ്റർ : പ്രവീൺ അടൂർ
ജോണർ : ക്രൈം, ഡ്രാമ, മിസ്റ്ററി

IMDb ⭐️8.6/10

അഗത ക്രിസ്റ്റീസ് പ്വാറോ (1989 – 2013)

അഗത ക്രിസ്റ്റീസ് പ്വാറോ: സീസൺ 1 (1989)
അഗത ക്രിസ്റ്റീസ് പ്വാറോ: സീസൺ 2 (1990)
അഗത ക്രിസ്റ്റീസ് പ്വാറോ: സീസൺ 3 (1990 – 1991)
അഗത ക്രിസ്റ്റീസ് പ്വാറോ: സീസൺ 4 (1992)
അഗത ക്രിസ്റ്റീസ് പ്വാറോ: സീസൺ 5 (1993)
അഗത ക്രിസ്റ്റീസ് പ്വാറോ: സീസൺ 6 (1994)

വിരമിച്ചശേഷം സ്വസ്ഥമായ ഒരു വിശ്രമജീവിതം നയിക്കാനായി ഒരു മനുഷ്യൻ കഠിനമായി അധ്വാനിക്കും. അവസാനം, ശരിക്കും ആ പഴയ തിരക്കേറിയ ദിവസങ്ങളും, സന്തോഷപൂർവ്വം ഉപേക്ഷിച്ച ആ പഴയ ജോലിയുമായിരുന്നു തന്റെ എല്ലാമെല്ലാം എന്ന് അയാൾ തിരിച്ചറിയും.

അതുപോലെ സ്വസ്ഥമായ ഒരു വിശ്രമജീവിതത്തിന് വേണ്ടി തന്റെ കുറ്റാന്വേഷണങ്ങളെല്ലാം നിർത്തിവെച്ച് വിരമിച്ചതായിരുന്നു ഹെർക്യൂൾ പ്വാറോ.
അങ്ങനെയിരിക്കെ ഒരു ദിവസം, സുഹൃത്തുക്കളായ റോജർ അക്രോയ്ഡിനും ഡോ: ഷെപേർഡിനുനൊപ്പം അത്താഴം കഴിച്ചു യാത്ര പിരിഞ്ഞു പോകുന്നു. പക്ഷേ, വീട്ടിലെത്തി അധികം വൈകാതെ ഡോ: ഷെപെർഡിന് ഒരു കോൾ വരുന്നു. റോജർ അക്രോയ്ഡ് കൊല്ലപ്പെട്ടിരിക്കുന്നു. വിളിച്ചത് അക്രോയ്ഡിന്റെ ജോലിക്കാരൻ പാർക്കറാണ് എന്നായിരുന്നു കരുതിയത്. പക്ഷേ, വീട്ടിലേക്ക് ചെന്ന് ചോദിച്ചപ്പോൾ താൻ അങ്ങനെ ഒരു കോൾ പോലും ചെയ്തിട്ടില്ലെന്ന് പാർക്കർ ആണയിട്ട് പറയുന്നു. പന്തികേട് തോന്നിയ ഇരുവരും സ്റ്റഡി റൂം വാതിൽ തല്ലിപ്പൊളിച്ചു അകത്തു കയറിയപ്പോൾ കഴുത്തിൽ കുത്തേറ്റ നിലയിൽ അക്രോയ്ഡ് കൊല്ലപ്പെട്ട് കിടക്കുന്നതാണ് കണ്ടത്. ഉടൻ തന്നെ പ്വാറോയും സ്ഥലത്തെത്തുന്നു. പക്ഷേ വിശ്രമജീവിതത്തിലായിരുന്നു പ്വാറോ കേസ് ഏറ്റെടുക്കാൻ തയ്യാറാവാതെ മടിച്ചു നിൽക്കുമ്പോഴായിരുന്നു അപ്രതീക്ഷിതമായി തന്റെ പഴയ സുഹൃത്ത് ഇൻസ്പെക്ടർ ജാപ്പിനെ കണ്ടുമുട്ടുന്നത്. ജാപ്പിന്റെ നിർബന്ധപ്രകാരം, വളരെക്കാലത്തിനു ശേഷം വന്ന ഒരു വെല്ലുവിളിയായി ഈ കേസ് ഏറ്റെടുത്തു കൊണ്ട്, പ്വാറോ എന്ന ലോകം കണ്ട ഏറ്റവും വലിയ ഡിറ്റക്ടീവ് വീണ്ടും കളത്തിറങ്ങുകയാണ്.
ആരായിരിക്കും കൊലപാതകി?
ആരായിരിക്കും ഫോൺ വിളിച്ചത്? എന്തിനായിരിക്കും കൊലപ്പെടുത്തിയത്?

കഥയിലെ ഓരോ കഥാപാത്രങ്ങളും വളരെ ദുരൂഹമായി തുടരുന്ന, ഊഹങ്ങൾക്ക് പോലും പിടി തരാത്ത, കുഴപ്പംപിടിച്ചതും അവിശ്വസനീയവുമായ ഈ ക്രൈം ത്രില്ലർ അവസാനം വരെ പ്രേക്ഷകനെ കുഴപ്പിക്കുമെന്നതിൽ സംശയമില്ല. സീരീസ് മുഴുവനായി കാണാത്തവർക്കും ഒരു സിനിമ എന്നോണം കാണാൻ സാധിക്കുന്നതാണ് “അഗത ക്രിസ്റ്റിയുടെ പ്വാറോ” സീരീസിലെ ഏഴാം സീസണിലെ ആദ്യത്തെ എപ്പിസോഡായ “ദി മർഡർ ഓഫ് റോജർ അക്രോയ്ഡ്”.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #Mystery