#MSone Release - 2883

My Octopus Teacher (2020)
മൈ ഒക്റ്റോപ്പസ് ടീച്ചർ (2020)

ഭാഷ : ഇംഗ്ലീഷ്
സംവിധാനം : Pippa Ehrlich & James Reed
പരിഭാഷ : ഡോ. ആശ കൃഷ്ണകുമാർ
പോസ്റ്റർ : അഷ്‌കർ ഹൈദർ
ജോണർ: ഡോക്യുമെന്ററി

IMDb ⭐️ 8.1/10

സൗത്ത് ആഫ്രിക്കയിലെ കേപ് ടൗണിലാണ് ക്രേഗ് ഫോസ്റ്റർ ജനിച്ചു വളർന്നത്. ലോകത്തേറ്റവും ഭയാനകവും നീന്താൻ പ്രയാസമുള്ളതുമായ അറ്റ്ലാന്റിക് സമുദ്ര തീരത്ത് നീന്തലും ഡൈവിങ്ങും ഒക്കെയായി കുട്ടിക്കാലം ചിലവിട്ട ക്രേഗ് മുതിർന്നപ്പോൾ അതിൽ നിന്നെല്ലാം അകന്ന് ഒരു ഫിലിം മേക്കറായി ലോകം ചുറ്റി. എന്നാൽ പിന്നീട് എല്ലാത്തിലും വിരസത തോന്നിയ ക്രേഗ് നാട്ടിലേക്ക് തന്നെ മടങ്ങി വരുകയും പ്രകൃതിയുമായി വീണ്ടു ചങ്ങാത്തത്തിലാവാൻ ശ്രമിക്കുകയും ചെയ്യുന്നു.

എന്നാൽ അതിനിടയിൽ വളരെ അപ്രതീക്ഷിതമായി ഒരു കൂട്ടുകാരിയെ കിട്ടുന്നു. ആരോടും സാധാരണയായി ഇണങ്ങാത്ത ഒരു നീരാളി. പിന്നീടങ്ങോട്ട് ഒരു വർഷത്തോളം അവളുടെ ജീവിതത്തെ സൂക്ഷ്മമായി നിരീക്ഷിക്കുന്ന ക്രേഗിന്റെ അനുഭവങ്ങളാണ് ‘മൈ ഒക്റ്റോപ്പസ് ടീച്ചർ‘ എന്ന ഡോക്യുമെന്ററി. 2021 ലെ ബെസ്റ്റ് ഡോക്യുമെന്ററിക്കുള്ള ഓസ്കാർ അവാർഡുൾപ്പെടെ ധാരാളം പുരസ്‌കാരങ്ങൾ ഇതിന് ലഭിക്കുകയുണ്ടായി.

അഭിപ്രായങ്ങൾ പങ്കുവെക്കാൻ

Categories : #Documentary #English

#MSone Release - 2884

Shazam! (2019)
ഷസാം! (2019)

ഭാഷ : ഇംഗ്ലീഷ്
സംവിധാനം : David F. Sandberg
പരിഭാഷ : ജെറിൻ ചാക്കോ
പോസ്റ്റർ : രോഹിത്ത് ജി. എസ്
ജോണർ : ആക്ഷൻ, അഡ്വെഞ്ചർ, കോമഡി, ഫാന്റസി

IMDb ⭐️7.0/10

DCEUയിലെ ഏഴാമത്തെ ചിത്രമാണ് “ഷസാം!“. ബില്ലി ബാറ്റ്സൺ എന്ന കുട്ടിക്ക് ഒരു മാന്ത്രികന്റെ ശക്തി ലഭിക്കുന്നതും, അവൻ തന്റെ കുടുംബത്തെ കണ്ടെത്തുന്നതുമാണ് ചിത്രത്തിന്റെ ഇതിവൃത്തം. ലൈറ്റ്സ് ഔട്ട് എന്ന ചിത്രത്തിലൂടെ ഖ്യാതി നേടിയ ഡേവിഡ് എഫ് സാൻഡ്ബർഗ് സംവിധാനം ചെയ്ത ഈ ചിത്രത്തിൽ സാക്കറി ലീവൈ, ജാക് ഡിലൻ ഗ്രേസർ, മാർക് സ്ട്രോങ്ങ് എന്നിവർ പ്രധാന വേഷങ്ങളിൽ അണിനിരക്കുന്നു.

അഭിപ്രായങ്ങൾ പങ്കുവെക്കാൻ

Categories : #Action #Adventure #Comedy #English #Fantasy

#MSone Release - 2885

Kama Sutra: A Tale of Love (1996)
കാമസൂത്ര: എ ടെയിൽ ഓഫ് ലൗ (1996)

ഭാഷ : ഇംഗ്ലീഷ്
സംവിധാനം : Mira Nair
പരിഭാഷ & പോസ്റ്റർ : അഷ്‌കർ ഹൈദർ
ജോണർ : ക്രൈം, ഡ്രാമ, ഹിസ്റ്ററി, റൊമാൻസ്

IMDb ⭐️6.0/10

മീര നായരുടെ സംവിധാനത്തിൽ 1996ൽ പുറത്തിറങ്ങിയ റൊമാന്റിക് മൂവിയാണ് കാമ സൂത്ര: എ ടെയിൽ ഓഫ് ലൗ. പതിനാറാം നൂറ്റാണ്ടിലാണ് കഥ നടക്കുന്നത്. ആ കാലത്തുള്ളൊരു ചെറു രാജ്യത്തിലെ രാജകുമാരിയാണ് താര. താരയുടെ ബാല്യകാല സുഹൃത്തും തോഴിയുമാണ് മായ. താരയുടെ വിവാഹം അയൽരാജ്യത്തിലെ രാജകുമാരനായ രാജ് സിങ്ങുമായി ഉറപ്പിച്ചശേഷം താരയും മായയും ശത്രുതയിലാവുന്നു. താര, രാജ് സിങ്ങിന്റെ കൂടെ പോകുന്ന സമയം താരയുടെ സഹോദരൻ ബിക്കി, മായയെ വിവാഹം കഴിക്കാൻ താല്പര്യം പ്രകടിപ്പിക്കുമെങ്കിലും മായ അതിന് സമ്മതിക്കാത്തതിനാൽ അവളെ നാട് കടത്തുന്നു.

നാടുകടത്തപ്പെട്ട മായ എത്തിച്ചേരുന്നത് അയൽ രാജ്യത്തുള്ള ശിൽപ്പി, ജയ് കുമാറിന്റെ അടുത്താണ്. ജയ് കുമാർ അവളെ രാസദേവിയുടെ അടുത്തു കൊണ്ട് ചെന്നാക്കുന്നു. ദേവദാസിയായ അവർ മറ്റു ദാസികളെ നൃത്തം പഠിപ്പിച്ചും കാമസൂത്രം പഠിപ്പിച്ചു കൊടുക്കുന്നു. രാസദേവിയിൽ നിന്നും കാമസൂത്രം പഠിച്ചെടുക്കുന്ന മായ, രാജ് സിംഗിന്റെ പ്രീതി സമ്പാദിക്കുകയും കൊട്ടാരത്തിലെ മുഖ്യ ദേവദാസിയായി മാറുകയും ചെയ്യുന്നു. ഇതറിയുന്ന താരയ്ക്ക് മായയോടുള്ള വൈരാഗ്യം കൂടുന്നു. ഇതിനിടയിൽ മായ, ജയ് കുമാറുമായി പ്രണയത്തിലാകുന്നു. മദ്യത്തിനും മദിരാശിക്കും അടിമപ്പെട്ട രാജ് സിംഗ് രാജ ഭരണം മറക്കുന്നു.

രാജ് സിങ്ങിന് രാജ്യം നഷ്ടപ്പെടുമോ? മായ, ജയ് കുമാർ ബന്ധമറിയുന്ന രാജ് സിംഗ് എങ്ങനെ പ്രതികരിക്കും? മായ, താര സുഹൃത്ത് ബന്ധം വീണ്ടും നല്ല രീതിയിലാകുമോ? എന്നതിന്റെയെല്ലാം ഉത്തരമറിയാൻ സിനിമ കാണുക.

നല്ലൊരു പ്രണയ കാവ്യമായ ഈ സിനിമയിൽ കാമസൂത്രയിലെ സിദ്ധാന്തങ്ങൾ മുഴുവനായിട്ടും പറയുന്നില്ലെങ്കിലും ചില പ്രധാനപ്പെട്ട കാര്യങ്ങൾ പറഞ്ഞു പോകുന്നുണ്ട്. അതിനാൽ നഗ്നത/ ലൈംഗികതയെല്ലാം ചെറിയ തോതിൽ വരുന്നതിനാൽ പ്രായപൂർത്തിയായവർ മാത്രം കാണുക.

അഭിപ്രായങ്ങൾ പങ്കുവെക്കാൻ

Categories : #Crime #Drama #English #History #Romance

#MSone Release - 2886

Little Forest: Summer/Autumn (2014)
ലിറ്റിൽ ഫോറസ്റ്റ്: സമ്മർ/ഓട്ടം (2014)

ഭാഷ : ജാപ്പനീസ്
സംവിധാനം : Jun’ichi Mori
പരിഭാഷ : സുബീഷ് ചിറ്റാരിപ്പറമ്പ്
പോസ്റ്റർ : പ്രവീൺ അടൂർ
ജോണർ : ഡ്രാമ

IMDb ⭐️ 7.7/10

ഇച്ചിക്കോ, ജപ്പാനിലെ കുമോരി എന്ന ഉൾനാടൻ ഗ്രാമത്തിൽ ജീവിക്കുന്ന പെൺകുട്ടിയാണ്. അമ്മ വീടു വിട്ട് പോയത് കാരണം തനിച്ചു കഴിയുകയാണവൾ. മുൻപ് പട്ടണത്തിൽ ജീവിച്ചിരുന്നെങ്കിലും അവിടം മടുത്ത് തിരിച്ചു വന്നിരിക്കുകയാണ് ഇച്ചിക്കോ. പക്ഷേ അവൾ പ്രയത്നശാലിയാണ്. കൃഷി ചെയ്യുന്നത് കൂടാതെ, വിവിധ ഋതുക്കളിൽ നാട്ടിലും, കാട്ടിലും ലഭിക്കുന്ന പ്രകൃതിവിഭവങ്ങൾ ഉപയോഗിച്ച് കൊതിയൂറുന്ന ഭക്ഷണമുണ്ടാക്കി ആസ്വദിച്ചു ജീവിക്കുകയാണ് അവൾ.

കൃഷിയെയും, പ്രകൃതിയെയും സ്നേഹിക്കുന്ന ഒരു നാടിന്റെ ഹൃദയത്തുടിപ്പ് അടുത്തറിയാൻ ഈ സിനിമ നമ്മളെ സഹായിക്കും. ഇച്ചിക്കോയുടെ കൂടെ നമ്മളും ആ ഗ്രാമത്തിലെ ഒരാളായി മാറുന്ന മായാജാലത്തിന്റെ കവാടമാണ് ഈ സിനിമ നമുക്ക് മുന്നിൽ തുറന്നിടുന്നത്.

അഭിപ്രായങ്ങൾ പങ്കുവെക്കാൻ

Categories : #Drama #Japanese

#MSone Release - 2887

The Innocents (2021)
ദി ഇന്നസെന്റ്സ് (2021)

ഭാഷ : നോർവീജിയൻ
സംവിധാനം : Eskil Vogt
പരിഭാഷ & പോസ്റ്റർ : ഷൈജു എസ്
ജോണർ : ഡ്രാമ, ഹൊറർ, ത്രില്ലർ

IMDb ⭐️7.3/10

ഒൻപത് വയസ്സുകാരി ഈദയുടെ കുടുംബം പുതിയ ഒരിടത്തേക്ക് താമസം മാറിവന്നിരിക്കുകയാണ്. വേനലവധിയാണെങ്കിലും ഈദയുടെ ആഗ്രഹം പോലെ അവധിക്കാലമാഘോഷിക്കാൻ അവർക്ക് യാത്ര പോവാനോ ഒന്നും പറ്റുന്നില്ല. അതിന്റെ പ്രധാന കാരണം, ഓട്ടിസം ബാധിച്ച അവളുടെ ചേച്ചിയാണ്. അവധിക്കാലമായതിനാൽ തന്നെ മിക്ക കുടുംബങ്ങളും യാത്ര പോയിരിക്കുകയാണ്. വളരെ കുറച്ചു കുട്ടികൾ മാത്രമേ ആ പരിസരത്തുള്ളൂ. അങ്ങനെ ഒരുനാൾ ഗ്രൗണ്ടിലേക്കിറങ്ങുന്ന ഈദയോട് സമപ്രായക്കാരനായ ബെഞ്ചമിൻ എന്ന പയ്യൻ കൂട്ടുകൂടുന്നു. അധികം വൈകാതെ തന്നെ ബെഞ്ചമിൻ അവന് ചെയ്യാൻ കഴിയുന്ന ഒരു അമാനുഷിക ശക്തി അവൾക്ക് കാണിച്ചു കൊടുക്കുന്നു. ആദ്യമൊക്കെ വളരെ രസകരമായി ആസ്വദിക്കുന്ന അവന്റെ പ്രവർത്തികൾ പോകെപ്പോകെ ഈദയെ ഭയപ്പെടുത്താൻ തുടങ്ങുകയാണ്.

Eskil Vogt സംവിധാനം ചെയ്ത് 2021ൽ പുറത്തിറങ്ങിയ ഈ നോർവീജിയൻ ചിത്രത്തിൽ പ്രധാന കഥാപാത്രങ്ങളെല്ലാം കുട്ടികളാണ്. പതിവ് ഹൊറർ, ത്രില്ലർ ചിത്രങ്ങളിൽ നിന്നും തികച്ചും വ്യത്യസ്തമായ പുതുമയുള്ളൊരു കഥയാണ് ചിത്രത്തിന്റെ ആകർഷക ഘടകം.

അഭിപ്രായങ്ങൾ പങ്കുവെക്കാൻ

Categories : #Drama #Horror #Norwegian #Thriller

#MSone Release - 2863

The Wheel of Time – Season 01 (2021)
ദ വീൽ ഓഫ് ടൈം – സീസൺ 01 (2021)

Episodes – 06 / എപ്പിസോഡ്സ് – 06

ഭാഷ : ഇംഗ്ലീഷ്
നിർമാണം : Sony Pictures Television
പരിഭാഷ : ഗിരി പി. എസ്. & വിഷ്ണു പ്രസാദ്
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.5/10

റോബർട്ട് ജോർദന്റെ “ദ വീൽ ഓഫ് ടൈം” എന്ന നോവൽ സീരിസിനെ ആധാരമാക്കി അതേ പേരിൽ തന്നെ ആമസോണിലൂടെ പുറത്ത് വന്ന സീരീസാണ് “ദ വീൽ ഓഫ് ടൈം” എപ്പിക് ഫാന്റസി സീരീസ് നോവലുകളുടെ ചരിത്രത്തിലെ നാഴിക കല്ലെന്ന് വിശേഷിപ്പിക്കുന്ന ഒരു നോവൽ ചലച്ചിത്ര രൂപേണ പുറത്ത് വരുമ്പോൾ വേണ്ട എല്ലാ മികവും ആദ്യ എപ്പിസോഡുകളിൽ തന്നെ ഈ സീരീസ് പ്രേക്ഷകർക്ക് സമ്മാനിക്കുന്നുണ്ട്.

ഐസ് സെഡായ് എന്ന സംഘടനയിൽ നിന്നും റോസമുണ്ട് പൈക്ക് അവതരിപ്പിക്കുന്ന കഥാപാത്രമായ മൊയ്റെയ്ൻ, തിന്മയെ നേരിടാൻ പുനഃജന്മം നേടിയ ഡ്രാഗണിനെ തിരഞ്ഞു പോകുന്നതിലൂടെയാണ് കഥ ആരംഭിക്കുന്നത്.

ടു റിവേഴ്സ് എന്ന സ്ഥലത്ത് 4 ആളുകളാണ് സാധ്യത എന്ന് മനസ്സിലാക്കിയ മൊയ്റെയ്ൻ അവരെ തേടി വരുന്ന അതേ സമയം തിന്മയുടെ പ്രതീകമായ ഡാർക്ക്‌ വണ്ണും സൈന്യവും ഇതേ ആളുകളെ തേടി ടു റിവേഴ്‌സിലേക്ക് എത്തുകയും ചെയ്യുന്നു.

ഡ്രാഗൺ ആരാണ്, മൊയ്റെയ്ന് ഡ്രാഗണെ കണ്ടെത്താനാകുമോ, മൊയ്റെയ്ന് ഡാർക്ക്‌ വണ്ണിനേയും സൈന്യത്തെയും മറികടക്കാനാകുമോ എന്നതൊക്കെയാണ് ആദ്യ സീസണിൽ പ്രേക്ഷകർക്ക് കാണാനാകുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSone Release - 2888

Sound of the Sea (2001)
സൗണ്ട് ഓഫ് ദി സീ (2001)

ഭാഷ : സ്പാനിഷ്
സംവിധാനം : Bigas Luna
പരിഭാഷ & പോസ്റ്റർ : അഷ്‌കർ ഹൈദർ
ജോണർ : ഡ്രാമ, റൊമാൻസ്

IMDb ⭐️6.0/10

വലെൻസിയയിലെ തുറമുഖ നഗരമായ ഡെനിയയിലെ സ്കൂളിൽ ഭാഷാധ്യാപകനായി എത്തിയതാണ് ഉലിസസ്. വന്യമായ കാല്പനികതയാൽ വശ്യമായ കണ്ണുകളുള്ള ഉലിസസ് ഒറ്റനോട്ടത്തിൽ മാർട്ടിനയുമായി പ്രണയത്തിലാകുന്നു.

ഉലിസസിന്റെ പ്രണയാതുരമായ കഥകളിൽ വീണു പോകാതിരിക്കാൻ മാർട്ടിനയ്ക്കും ആവുന്നില്ല, ഉലിസസ് കഥ പറഞ്ഞു തുടങ്ങി…

“അഗാധമായ സമുദ്രത്തിന്റെ ആഴങ്ങളിൽ നിന്നും രണ്ട് സർപ്പങ്ങൾ ഉയർന്നു വന്നു, ജലപ്പരപ്പിൽ അവ തന്റെ മകുടവും മാറിടവും ഉയർത്തി നിന്നു, അതിലൊന്ന്, പ്രണയത്തിന്റെ ഇരട്ട വളയങ്ങളാലെന്നെ ഞെരിച്ചമർത്തുവാനാഞ്ഞു”

കൊടുങ്കാറ്റ് തകർത്ത ഉലിസസെന്ന സ്വപ്നങ്ങളിൽ സ്വയം വെന്തു നീറാൻ വയ്യാതെ പുതുജീവിതം തേടിപ്പോയ മാർട്ടിന, കാലമേറെ കഴിഞ്ഞ് തിരിച്ചെത്തുന്ന പ്രണയത്തിന്റെ പഴം കഥകൾക്കായി എല്ലാറ്റിനും മാപ്പേകി സ്വയം നഷ്ടപ്പെടുത്തുമോ?

പ്രണയത്തിന്റെ ആ ഇരട്ട വളയങ്ങളിൽ നിന്ന് കുതറി മാറാൻ മാർട്ടിനയ്ക്കാകുമോ?

അതോ, “നീയില്ലാതെ എനിക്കൊരു ജീവിതമില്ലെന്ന് തിരിച്ചറിയാൻ, മുഴുവൻ സമുദ്രങ്ങളും താണ്ടേണ്ടി വന്നു”വെന്ന ഉലിസസിന്റെ പ്രണയത്തിൽ സ്വയം മറന്ന് ആഴിയുടെ അഗാധതയിലേക്ക് അവൾ ചേരുമോ?

മാനുവൽ വിൻസെന്റിന്റെ സോൺ ഡി മാർ (സൗണ്ട് ഓഫ് ദി സീ) എന്ന നോവലിനെ ആസ്പദമാക്കി ജുവാൻ ജോസ് ബിഗാസ് ലൂണയുടെ സംവിധാനത്തിൽ 2001 ഇൽ ഇറങ്ങിയ റൊമാന്റിക് സിനിമയാണ് സൗണ്ട് ഓഫ് ദി സീ.

അഭിപ്രായങ്ങൾ പങ്കുവെക്കാൻ

Categories : #Drama #Romance #Spanish

#MSone Release - 2889

Palma (2021)
പാൽമ (2021)

ഭാഷ : റഷ്യൻ
സംവിധാനം : Aleksandr Domogarov
പരിഭാഷ & പോസ്റ്റർ : ഷൈജു എസ്
ജോണർ : ഡ്രാമ, ഫാമിലി

IMDb ⭐️6.9/10

1974-1976 കാലഘട്ടത്തിൽ മോസ്കോയിലെ നുക്കോവോ അന്താരാഷ്ട്ര വിമാനത്താവളത്തിൽ നടന്ന യഥാർത്ഥ സംഭവത്തെ ആസ്പദമാക്കി Aleksandr Domogarov സംവിധാനം ചെയ്ത് 2021ൽ പുറത്തിറങ്ങിയ റഷ്യൻ ചിത്രമാണ് പാൽമ (Palma).

ജോലി സംബന്ധമായ വിദേശയാത്രക്കായി തന്റെ നായയോടൊപ്പം വിമാനത്താവളത്തിലെത്തുന്ന ഒരാൾക്ക് നായയുടെ മെഡിക്കൽ സർട്ടിഫിക്കറ്റ് ഇല്ലാത്തതിന്റെ പേരിൽ അതിനെ കൂടെ കൊണ്ടുപോവാൻ സാധിക്കാതെ വരുന്നു. വേറെ വഴിയില്ലാത്തതിന്റെ പേരിൽ നായയെ വിമാനത്താവളത്തിൽ ഉപേക്ഷിച്ച് അയാൾ യാത്ര പോവുകയും, നായ അയാളെയും കാത്ത് അവിടത്തന്നെ കഴിയുകയുമാണ്. അയാൾ യാത്ര പോയ വിമാനം എപ്പോൾ ലാൻഡ് ചെയ്താലും ആ നായ എവിടെയാണേലും ഓടി വന്ന് യാത്രക്കാർ ഇറങ്ങുന്നയിടത്ത് വന്ന് നിന്ന് അവളുടെ യജമാനനെ തേടും.

ഈ സമയത്താണ് അമ്മയുടെ മരണത്തെത്തുടർന്ന് താൻ മുൻപ് കാണുക പോലും ചെയ്തിട്ടില്ലാത്ത പൈലറ്റായ അച്ഛന്റെ കൂടെ ഒൻപത് വയസ്സുകാരനായ നിക്കോളായ് ആ വിമാനത്താവളത്തിലെത്തുന്നത്. തുടർന്ന് ആ നായയും അവനുമിടയിൽ ഉണ്ടാവുന്ന സൗഹൃദവും ഇരുവരുടെയും ജീവിതങ്ങളിൽ വന്നു ചേരുന്ന പ്രശ്നങ്ങളുമായി ചിത്രം മുന്നോട്ട് പോവുന്നു.

വളർത്തുമൃഗങ്ങൾക്ക് തന്റെ യജമാനനോടുള്ള സ്നേഹവും വിശ്വസ്തതയും എത്രത്തോളം ആഴമേറിയതാണെന്ന് ഈ ചിത്രം മനോഹരമായി വെളിപ്പെടുത്തുന്നുണ്ട്. കുട്ടികൾക്ക് ഇഷ്ടപ്പെടുന്ന തരത്തിലുള്ള കഥയും സംഭവവികാസങ്ങളും നിറഞ്ഞ ചിത്രം കുടുംബത്തോടെ ബോറടിക്കാതെ ആസ്വദിക്കാൻ തക്കതാണ്.

അഭിപ്രായങ്ങൾ പങ്കുവെക്കാൻ

Categories : #Drama #Family #Russian

#MSone Release - 2890

A View to a Kill (1985)
എ വ്യൂ റ്റു എ കിൽ (1985)

ഭാഷ : ഇംഗ്ലീഷ്
സംവിധാനം : John Glen
പരിഭാഷ : നിഖിൽ നീലകണ്ഠൻ
പോസ്റ്റർ : അഷ്‌കർ ഹൈദർ
ജോണർ : ആക്ഷൻ, അഡ്വഞ്ചർ, ത്രില്ലർ

IMDb ⭐️ 6.3/10

1985-ൽ ഇറങ്ങിയ ജയിംസ് ബോണ്ട് ചിത്രമാണ് എ വ്യൂ റ്റു എ കിൽ. ഏറ്റവും കൂടുതൽ തവണ ജെയിംസ് ബോണ്ടായി അഭിനയിച്ച റോജർ മൂർ, അവസാനമായി അഭിനയിച്ച ബോണ്ട് ചിത്രം കൂടെയാണ് ഇത്. സീക്രട്ട് ഏജന്റ് ആയ ഒരു സഹപ്രവർത്തകന്റെ മൃതദേഹത്തിൽ നിന്ന് കിട്ടിയ ഒരു ചിപ്പിനെ പിന്തുടർന്നുണ്ടാകുന്ന അന്വേഷണത്തിൽ, മൈക്രോ ചിപ്പ് നിർമ്മാണ മേഖലയിൽ സർവാധിപത്യം സ്വപ്നം കാണുന്ന ഒരു വ്യവസായിയുടെ അടുത്തേക്കെത്തുന്നതും, തുടർന്ന് അതി ഭീകരമായ ഒരു കുറ്റകൃത്യം നടപ്പാക്കാതിരിക്കാൻ ശ്രമിക്കുന്നതുമാണ് ചിത്രത്തിന്റെ ഇതിവൃത്തം. കമ്പ്യൂട്ടർ, മൈക്രോ ചിപ്പ് എന്നിവ ചിരപരിചിതമല്ലാത്ത ഒരു കാലഘട്ടത്തിൽ ഇറങ്ങിയ ഒരു ചിത്രമാണെന്നുകൂടെ ഓർക്കണം. ഉദ്വേജനകമായ ഈ ചിത്രത്തിൽ റോജർ മൂറിനെ കൂടാതെ, ടാന്യാ റോബർട്ട്, ഗ്രേസ് ജോൺസ്, ക്രിസ്റ്റഫർ വാൾകൻ എന്നിവരും അഭിനയിച്ചിരിക്കുന്നു.

30 മില്യൻ നിർമ്മാണ ചിലവിൽ പുറത്തിറങ്ങി, 150 മില്യനിൽ അധികം പണം വാരിയ ഈ ചിത്രം സംവിധാനം ചെയ്തിരിക്കുന്നത് ജോൺ ഗ്ലെൻ ആണ്.

എംസോൺ റിലീസ് ചെയ്തിട്ടുള്ള മറ്റു ജയിംസ് ബോണ്ട് ചിത്രങ്ങൾ

ജയിംസ് ബോണ്ട് മൂവി ഫെസ്റ്റ്

അഭിപ്രായങ്ങൾ പങ്കുവെക്കാൻ

Categories : #Action #Adventure #English #James_Bond_Movie_Fest #Thriller

#MSone Release - 2891

Kota Factory: Season 2 (2021)
കോട്ട ഫാക്ടറി: സീസൺ 2 (2021)

ഭാഷ : ഹിന്ദി
സംവിധാനം : Raghav Subbu
പരിഭാഷ : പ്രജുൽ പി
പോസ്റ്റർ : പ്രവീൺ അടൂർ
ജോണർ : കോമഡി. ഡ്രാമ

IMDb ⭐️9.2/10


കോട്ട ഫാക്ടറി രണ്ടാമത്തെ സീസണിലേക്ക് കടക്കുമ്പോൾ ഒന്നാം ഭാഗത്തിലെ പ്രധാന കഥാപാത്രങ്ങളെല്ലാം JEE കോച്ചിങ്ങിൻ്റെ രണ്ടാം വർഷത്തിലേക്ക് കടക്കുകയാണ്. വൈഭവ്, മഹേശ്വരി ക്ലാസ്സസിലാണ് ഇപ്പോൾ പഠിക്കുന്നത്. മീനയും, ഉദയും, വർതികയും, മീനലും പ്രോഡിജിയിലും.

ഒന്നാം സീസണിൽ വിദ്യാർത്ഥികൾക്കാണ് കൂടുതൽ ഊന്നൽ നൽകിയിരുന്നതെങ്കിൽ ഈ സീസണിൽ അവർക്കൊപ്പം കോച്ചിങ്ങ് ഇൻസ്റ്റിറ്റ്യൂട്ടുകളും അദ്ധ്യാപകരും ഒരു പ്രധാന വിഷയമായി വരുന്നുണ്ട്. കോച്ചിങ്ങ് ഇൻസ്റ്റിറ്റ്യൂട്ടുകളുടെ കിടമത്സരം വിദ്യാർത്ഥികളിൽ ഉണ്ടാക്കുന്ന സമ്മർദ്ദവും ആകുലതകളും, അവരുടെ സൗഹൃദങ്ങളും പ്രണയവും ഇണക്കങ്ങളും പിണക്കങ്ങളും നർമ്മത്തിൽ ചാലിച്ച് അവതരിപ്പിച്ചിരിക്കുന്നു. ആദ്യ സീസണിൽ പ്രേക്ഷകർക്ക് ഇഷ്ടമായ എല്ലാ ഘടകങ്ങളും ഈ സീസണിലുമുണ്ട്.

അഭിപ്രായങ്ങൾ പങ്കുവെക്കാൻ

Categories : #Comedy #Hindi #Web_Series