https://youtu.be/0xzFjgUlaIg

Money Heist Malayalam Subtitle Releasing Date 🥳
#moneyheist
#Tokio
#elprofesor

#MSone Release - 2833

Jirisan (2021)
ജിരിസാൻ (2021)

Episodes: 11-12 / എപ്പിസോഡ്‌സ്: 11-12

ഭാഷ : കൊറിയൻ
സംവിധാനം : Eung-bok Lee
പരിഭാഷ : കൃഷ്ണപ്രസാദ്‌ പി ഡി, ജീ ചാങ് വൂക്ക് & തൗഫീക്ക് എ
പോസ്റ്റർ : ഉണ്ണി ജയേഷ്
ജോണർ : ഡ്രാമ, മിസ്റ്ററി, ത്രില്ലർ

IMDb ⭐️ 7.9/10

ഏറെ വർഷത്തെ കാത്തിരിപ്പിനൊടുവിൽ സിഗ്നൽ, കിംഗ്ഡം എന്നീ പ്രശസ്ത കൊറിയൻ സീരീസുകളുടെ തിരക്കഥാകൃത്തായ “കിം യൂൻ ഹീ”യുടെ തിരക്കഥയിൽ 2021ൽ tvn 15-ാം വാർഷികവുമായി ബന്ധപ്പെട്ട്, ജിരിസാൻ നാഷണൽ പാർക്കിലെ റേഞ്ചർമാരുടെ ജീവിതകഥയെ അടിസ്ഥാനമാക്കി എടുത്ത ആക്ഷൻ, മിസ്റ്ററി ത്രില്ലർ സീരീസാണ് ജിരിസാൻ. ഒരു നീണ്ട ഇടവേളക്ക് ശേഷം കൊറിയൻ താരസുന്ദരി ജുൻ ജീ ഹ്യൂൻ മടങ്ങിയെത്തുന്ന സീരീസ്, മികച്ച വിഷ്വലുകൾ കൊണ്ടും, നിഗൂഢത നിറഞ്ഞ സംഭവങ്ങളും അതിനോടിണങ്ങി ചേർന്ന പശ്ചാത്തല സംഗീതം കൊണ്ടും ഇതിനോടകം കാഴ്ചക്കാരുടെ എണ്ണത്തിൽ റെക്കോർഡ് സ്ഥാപിച്ചു കഴിഞ്ഞു.

ജിരിസാൻ പർവ്വതം! ചിലർക്കത് പ്രതീക്ഷയുടെ പ്രകാശമാണെങ്കിൽ മറ്റു ചിലർക്കത് മരണമുനമ്പാണ്. കണക്കുകൾ പ്രകാരം വർഷം 3 ലക്ഷം പേരാണ് ജിരിസാൻ സന്ദർശിക്കുന്നത്. ആ പർവ്വതത്തിന്റെ കാവൽക്കാരാണ് ജിരിസാൻ നാഷണൽ പാർക്കിലെ റേഞ്ചർമാർ. അങ്ങനെയിരിക്കെ പുതുതായി സ്ഥലം മാറ്റം കിട്ടി വന്ന റേഞ്ചർ നായകൻ കാങ് ഹ്യുൻ ജോ(ജു ജി ഹൂൺ)ക്ക് കയറിയ ഉടനെ ഒരു മിസ്സിംഗ് കേസ് അന്വേഷിക്കേണ്ടി വരുന്നു. രാക്ഷസി എന്ന് ഇരട്ടപ്പേരുള്ള നായിക സോ യി ഗാങിനൊപ്പം (ജുൻ ജി ഹ്യുൺ) സെർച്ചിംഗ് പങ്കാളിയായി ചേർന്ന്, കാണാതായ ആ ഹൈക്കറെ അവർ കണ്ടെത്തുന്നു. പക്ഷേ നായകന്റെ പെരുമാറ്റത്തിലും വർത്തമാനത്തിലും പന്തികേട് തോന്നിയ നായിക, എങ്ങനെയാണ് കാണാതായ ഹൈക്കർ ഇരിക്കുന്ന സ്ഥലം കൃത്യമായി മനസ്സിലായത് എന്നും മറ്റും ചോദിക്കുന്നു. ഇത് ആദ്യമായിട്ടല്ല എന്നും, മുൻപ് പലതവണയായി കാണാതായ ഹൈക്കർമാർ പർവ്വതത്തിൽ എവിടെയുണ്ടെന്ന് തനിക്ക് ഒരു ദീർഘ ദൃഷ്ടിയിലൂടെ കാണാൻ സാധിക്കുമെന്നും പറയുന്നു. ആദ്യമൊന്നും ആരുമത് വിശ്വസിച്ചില്ല. പക്ഷേ പിന്നീട് പല നിഗൂഢമായ സംഭവങ്ങളും ജിരിസാൻ പർവ്വതത്തെ ചുറ്റിപ്പറ്റി നടക്കുന്നു. പർവ്വതത്തിലേക്ക് ഹൈക്കിങ്ങിന് വന്ന് സഹായം ലഭിക്കാതെ വഴിതെറ്റുന്ന ഹൈക്കർമാർ സ്വാഭാവികമായി മരിക്കുന്നതല്ലെന്നും, ആരോ കൊലപ്പെടുത്തുന്നതാണെന്നും റേഞ്ചർമാർ മനസ്സിലാക്കുന്നു. സംഭവത്തിന്റെ ചുരുളഴിക്കാൻ ഇറങ്ങിയ നായകനും നായികയ്ക്കും പ്രതീക്ഷിക്കാത്ത ചില സംഭവങ്ങളായിരുന്നു നേരിടേണ്ടിവന്നത്.
ആരാണത്? എന്താണ് ജിരിസാൻ പർവ്വതത്തിലെ ആ നിഗൂഢത?

അഭിപ്രായങ്ങൾ പങ്കുവെക്കാൻ

Categories : #Drama #Korean #Mystery #Thriller #Web_Series

കാത്തിരിപ്പിന് അവസാനം 🥳
#moneyheist
#Tokio
#elprofesor

#MSone Release - 2879

Bizim Için Sampiyon (2018)
ബിസിം ഇച്ചിൻ സാമ്പ്യോൻ (2018)

ഭാഷ : ടർക്കിഷ്
സംവിധാനം : Ahmet Katiksiz
പരിഭാഷ : റിയാസ് പുളിക്കൽ
പോസ്റ്റർ : രോഹിത്ത് ജി. എസ്
ജോണർ : ബയോഗ്രഫി, ഡ്രാമ, റൊമാൻസ്

IMDb ⭐️8.3/10

തുർക്കിയുടെ കുതിരയോട്ട മത്സരങ്ങളുടെ ചരിത്രത്താളുകളിൽ തങ്കലിപികളാൽ എഴുതപ്പെട്ട രണ്ടുപേരുകളാണ് ഹാലിസ് കരതാഷിന്റെതും ബോൾഡ് പൈലറ്റിന്റേതും. ഒരാൾ കുതിരയോട്ട മത്സരപ്രേമികൾ “മാന്ത്രികൻ” എന്ന ഓമനപ്പേരിട്ട് വിളിച്ച തുർക്കിയുടെ ഇതിഹാസ ജോക്കിയും മറ്റൊരാൾ ഗാസി റേസിലെ ഏറ്റവും വേഗതയേറിയ കുതിര എന്ന റിക്കോർഡിന് ഉടമയായ ഒരു കുതിരയും. തുർക്കിയുടെ കുതിരയോട്ട ചരിത്രത്തിൽ ഇത്രയധികം ആരാധിക്കപ്പെട്ട ഒരു കുതിരയോ ജോക്കിയോ വേറെ ഉണ്ടായിട്ടില്ല. ഒരു കുതിരയ്ക്ക് ഒരു റേസിങ് കോഴ്‌സിനെ മുഴുവൻ നിശബ്ദമാക്കാൻ കഴിഞ്ഞിട്ടുണ്ടെങ്കിൽ ആ കുതിരയുടെ പേര് ബോൾഡ് പൈലറ്റ് എന്നായിരിക്കണം.

തുർക്കിയുടെ കുതിരയോട്ട മത്സര ചരിത്രത്തിൽ ഏറ്റവുമധികം വിജയം നേടിയ ജോക്കികളിൽ ഒരാളാണ് ഹാലിസ് കരതാഷ്. ഹാലിസും ബോൾഡ് പൈലറ്റും തമ്മിലുള്ള ഗാഢമായ ആത്മബന്ധത്തിന്റെ കഥയാണ് ‘ബിസിം ഇച്ചിൻ സാമ്പ്യോൻ‘ അഥവാ “ഫോർ അവർ ചാമ്പ്യൻ” എന്ന ഈ തുർക്കി സിനിമയിൽ പറയുന്നത്. ഒരു സ്പോർട്സ് മൂവി എന്നതിനപ്പുറം ജീവിതത്തിൽ പ്രതീക്ഷ നഷ്ടപ്പെട്ടവർക്ക് വലിയ രീതിയിൽ പ്രചോദനമാവുന്ന ഒരു സംഭവകഥ കൂടിയാണ് സാമ്പ്യോൻ. സിവാസിലെ ഒരു ചെറിയ ഗ്രാമത്തിൽ ഒരു കുതിരക്കാരന്റെ ആറ് മക്കളിൽ ഒരാളായിട്ടാണ് ഹാലിസ് ജനിക്കുന്നത്. അതുകൊണ്ട് തന്നെ നന്നേ ചെറുപ്പത്തിൽ തന്നെ ഹാലിസ് കുതിരയോട്ടം അഭ്യസിച്ചിരുന്നു. ഒരു ജോക്കിയാവാനായിരുന്നു അയാളുടെ ആഗ്രഹം. പക്ഷേ, ഒരു ജോക്കിയായിരുന്ന ഹാലിസിന്റെ ജ്യേഷ്ഠൻ ഹുസൈന്റെ അപകടവും തുടർന്നുള്ള അയാളുടെ ആത്മഹത്യയും കാരണം ഹാലിസ് ജോക്കിയാവുന്നതിൽ അയാളുടെ പിതാവ് ഹസന് തീരെ താല്പര്യമില്ലായിരുന്നു. പക്ഷേ, പിതാവിന്റെ എതിർപ്പ് വക വെക്കാതെ ഹാലിസ്, ഒരു ജോക്കിയാവാനുള്ള ആഗ്രഹവുമായി ഇസ്താംബൂളിലേക്ക് പുറപ്പെട്ടു. ഒരു റേസ് കോഴ്സിൽ വെച്ചാണ് അയാൾ, വളരെ നല്ല സ്വഭാവവിശേഷണത്തിന് ഉടമയായിരുന്ന ഒസ്ദമീർ അത്മാൻ എന്ന കുതിരയുടമയെ പരിചയപ്പെടുന്നത്. ഒസ്ദമീർ അയാളെ തന്റെ ജോക്കിയാവാൻ ക്ഷണിച്ചു. വളരെ വാശിക്കാരനും എന്നാൽ കരുത്തനുമായ ബോൾഡ് പൈലറ്റ് എന്ന കറുത്ത സുന്ദരൻ കുതിരയെ ഹാലിസ് കണ്ടുമുട്ടുന്നത് ഒസ്ദമീറിന്റെ ഫാമിൽ വെച്ചാണ്. അങ്ങനെ ബോൾഡിയെ റേസിലെ തന്റെ പങ്കാളിയാക്കാൻ ഹാലിസ് തീരുമാനിക്കുന്നു. അവിടെ വെച്ച് തന്നെയായിരുന്നു ഒസ്ദമീറിന്റെ സുന്ദരിയായ മകൾ ബീഗത്തെയും ഹാലിസ് പരിചയപ്പെടുന്നത്. പങ്കുവെക്കപ്പെടുമ്പോൾ പടരുന്നതാണല്ലോ പ്രണയം. അതെ, ഹാലിസ് തന്റെ മുതലാളിയുടെ മകൾ ബീഗവുമായി പ്രണയത്തിൽ അകപ്പെടുന്നു. ഇവിടെ ചാമ്പ്യനാവുക ബോൾഡ് പൈലറ്റുമൊത്ത് ഹാലിസോ അതോ.. ഹാലിസും ബീഗവുമായുള്ള പ്രണയമോ...?

അഭിപ്രായങ്ങൾ പങ്കുവെക്കാൻ

Categories : #Biography #Drama #Romance #Turkish

#MSone Release - 2880

Demon Slayer – Season 01 (2019)
ഡീമൺ സ്ലേയർ – സീസൺ 01 (2019)

Final Selection Arc
ഫൈനല്‍ സിലക്ഷന്‍ ആർക്ക്

ഭാഷ : ജാപ്പനീസ്
സംവിധാനം :Haruo Sotozaki
പരിഭാഷ : എല്‍വിന്‍ ജോണ്‍ പോള്‍
പോസ്റ്റർ : ഉണ്ണി ജയേഷ്
ജോണർ : ആക്ഷൻ, അഡ്വഞ്ചർ, അനിമേഷന്‍

IMDb ⭐️ 8.7/10

കൊയോഹാരു ഗോട്ടോകെയുടെ അതേ പേരില്ലുള്ള മാങ്കയെ ആസ്പദമാക്കിയുള്ള അനിമേ സീരിസ് ആണ് ഡീമണ്‍ സ്ലെയര്‍. ഒരു മാങ്ക, അനിമേ സീരീസിലെ ഒരേ കഥാസന്ദര്‍ഭത്തെ ചുറ്റി പറ്റിയുള്ള അദ്ധ്യായങ്ങള്‍, എപ്പിസോഡുകളെ കോര്‍ത്തിണക്കി ഒരു ആര്‍ക്ക് എന്ന് വിളിക്കും.

ഡീമണ്‍ സ്ലെയര്‍ സീരീസിന്റെ ആദ്യത്തെ ആർക്ക് ആണ് “ഫൈനല്‍ സിലക്ഷന്‍” അഥവാ “അവസാന തിരഞ്ഞെടുപ്പ്” ആര്‍ക്ക്. ആദ്യ സീസണിന്റെ ആദ്യത്തെ 5 എപ്പിസോഡുകള്‍ ചേരുന്നതാണ് ഈ ആര്‍ക്ക്.

1920കളിലെ ജപ്പാനിലെ ഒരു പട്ടണത്തോട് ചേര്‍ന്ന മലയില്‍ വസിക്കുന്നവരാണ് തന്‍ജിറോയും കുടുംബവും. ഒരു ദിവസം പട്ടണത്തില്‍ പോയി തിരിച്ചു വരുമ്പോള്‍ തന്‍ജിറോ കാണുന്നത് തന്റെ കുടുംബത്തെ മുഴുവന്‍ രക്ഷസ്സുകള്‍ കൊന്നിട്ടിരിക്കുന്ന കാഴ്ചയാണ്. തന്റെ ഇളയ സഹോദരിയായ നെസുകോ മാത്രമേ ജീവനോടെയുള്ളൂ. അവളാണേല്‍ ഒരു രക്ഷസ്സായി മാറിയിരിക്കുന്നു. തന്റെ കുടുംബത്തെ കൊന്ന രക്ഷസ്സുകളോട് പ്രതികാരം ചെയ്യാനായിട്ടും തന്റെ അനിയത്തിയെ തിരിച്ച് ഒരു മനുഷ്യസ്ത്രീയാക്കാനും വേണ്ടി അവന്‍ രക്ഷസ്സ് വേട്ട സംഘത്തില്‍ ചേരാന്‍ തീരുമാനിക്കുന്നു. അതിനായി ഉള്ള പരിശീലനങ്ങള്‍ അവന്‍ നടത്തുന്നു. എന്നാല്‍ രക്ഷസ്സ് വേട്ട സംഘത്തില്‍ ചേരുന്നതിന് മുന്നേ ഒരു അവസാന തിരഞ്ഞെടുപ്പ് പരീക്ഷയുണ്ട്. ആ പരീക്ഷണം തന്‍ജിറോക്ക് താങ്ങാവുന്നതിലും അപ്പുറമാകുമോ? ഉത്തരമറിയാന്‍ കാണുക.

NB: സബ് വീഡിയോ പ്ലേയറിൽ തുറക്കുന്ന മുന്നേ കൂടെയുള്ള ഫോണ്ട് ഇൻസ്റ്റാൾ ചെയ്യാൻ മറക്കില്ലല്ലോ.

1) സീസൺ 1: Release number 2880 (ഇതിൻ്റെ സബിൻ്റെ കൂടെ ssa ഫയൽ ഉപയോഗിക്കേണ്ട വിധം വിവരിക്കുന്ന pdf ഫയലും ഉപയോഗിക്കേണ്ട ഫോണ്ട് ഫയലും ഉണ്ട്.)

2) സീസൺ 2 എപ്പിസോഡ് 1 : Release number 3125(ഓപ്ഷണൽ)

3) സീസൺ 2 എപ്പിസോഡ് 2 മുതൽ 7 വരെ: Release number 3125 അല്ലെങ്കിൽ മൂഗെൻ ട്രെയിൻ മൂവി: Release number 3100

4) സീസൺ 2 എപ്പിസോഡ് 8 മുതൽ 18 വരെ: Release number 3125

അഭിപ്രായങ്ങൾ പങ്കുവെക്കാൻ

Categories : #Action #Adventure #Animation #Japanese #Web_Series

#MSone Release - 2863

The Wheel of Time – Season 01 (2021)
ദ വീൽ ഓഫ് ടൈം – സീസൺ 01 (2021)

Episodes – 05 / എപ്പിസോഡ്സ് – 05

ഭാഷ : ഇംഗ്ലീഷ്
നിർമാണം : Sony Pictures Television
പരിഭാഷ : സാമിർ & അജിത് രാജ്
പോസ്റ്റർ : പ്രവീൺ അടൂർ
ജോണർ : ആക്ഷൻ, അഡ്വഞ്ചർ, ഡ്രാമ

IMDb ⭐️ 7.4/10

റോബർട്ട് ജോർദന്റെ “ദ വീൽ ഓഫ് ടൈം” എന്ന നോവൽ സീരിസിനെ ആധാരമാക്കി അതേ പേരിൽ തന്നെ ആമസോണിലൂടെ പുറത്ത് വന്ന സീരീസാണ് “ദ വീൽ ഓഫ് ടൈം” എപ്പിക് ഫാന്റസി സീരീസ് നോവലുകളുടെ ചരിത്രത്തിലെ നാഴിക കല്ലെന്ന് വിശേഷിപ്പിക്കുന്ന ഒരു നോവൽ ചലച്ചിത്ര രൂപേണ പുറത്ത് വരുമ്പോൾ വേണ്ട എല്ലാ മികവും ആദ്യ എപ്പിസോഡുകളിൽ തന്നെ ഈ സീരീസ് പ്രേക്ഷകർക്ക് സമ്മാനിക്കുന്നുണ്ട്.

ഐസ് സെഡായി എന്ന സംഘടനയിൽ നിന്നും റോസമുണ്ട് പൈക്ക് അവതരിപ്പിക്കുന്ന കഥാപാത്രമായ മൊയ്റെയിൻ, തിന്മയെ നേരിടാൻ പുനഃർജന്മം നേടിയ ഡ്രാഗണിനെ തിരഞ്ഞു പോകുന്നതിലൂടെയാണ് കഥ ആരംഭിക്കുന്നത്.

ടു റിവേഴ്സ് എന്ന സ്ഥലത്ത് 4 ആളുകളാണ് സാധ്യത എന്ന് മനസ്സിലാക്കിയ മൊയ്റെയിൻ അവരെ തേടി വരുന്ന അതേ സമയം തിന്മയുടെ പ്രതീകമായ ഡാർക്ക്‌ വണ്ണും സൈന്യവും ഇതേ ആളുകളെ തേടി ടു റിവേഴ്‌സിലേക്ക് എത്തുകയും ചെയ്യുന്നു.
ഡ്രാഗൺ ആരാണ്, മൊയ്റെയിന് ഡ്രാഗണെ കണ്ടെത്താനാകുമോ, മൊയ്റെയിന് ഡാർക്ക്‌ വണ്ണിനേയും സൈന്യത്തെയും മറികടക്കാനാകുമോ എന്നതൊക്കെയാണ് ആദ്യ സീസണിൽ പ്രേക്ഷകർക്ക് കാണാനാകുന്നത്.

അഭിപ്രായങ്ങൾ പങ്കുവെക്കാൻ

Categories : #Action #Adventure #Drama #English #Web_Series

#MSoneRelease - 2758

Money Heist: Season 05 (2021)
മണി ഹൈസ്റ്റ്: സീസൺ 05 (2021)

Part 02 / പാർട്ട് 02

ഭാഷ : സ്പാനിഷ്
നിർമാണം : Atresmedia & Vancouver Media
പരിഭാഷ : ഫഹദ് അബ്ദുൾ മജീദ്, കൃഷ്ണപ്രസാദ്‌ പി ഡി, ഹബീബ് ഏന്തയാർ, ഗോകുൽ എസ് എൻ ചെറുവല്ലൂർ & തൗഫീക്ക് എ,
പോസ്റ്റർ : പ്രവീൺ അടൂർ
ജോണർ : ആക്ഷൻ, ക്രൈം, മിസ്റ്ററി

IMDb ⭐️ 8.3/10

മുൻപ് റോയൽ മിന്റിൽ കയറി ആൾക്കാരെ ബന്ദികളാക്കി കറൻസി അച്ചടിച്ചത് പോലെ വെറുമൊരു കവർച്ചയല്ലിത്. വ്യവസ്ഥിതിയെ വെല്ലുവിളിക്കുകയാണിത്. ചെറുത്തു നിൽക്കാനുള്ള നിലപാടാണിത്. “മതി” എന്ന് പറയുകയാണിത്. അവർ റിയോയോട് ചെയ്തത് ഒരു യുദ്ധ പ്രഖ്യാപനമായിരുന്നു. ആ യുദ്ധത്തിലെ എതിരാളികളിപ്പോൾ ചുവന്ന വസ്ത്രവും ദാലിയുടെ മുഖംമൂടിയുമണിഞ്ഞ്, ബാങ്ക് ഓഫ് സ്പെയിനിന്റെ നാഷണൽ റിസർവിലുള്ള സ്വർണ്ണം ഉരുക്കുകയാണ്.
അതെ… പ്രൊഫസറും സംഘവും തങ്ങളുടെ പ്രതിരോധം ആരംഭിച്ചുകഴിഞ്ഞു.

ടോക്കിയോക്ക് തോന്നിയ സ്വാർത്ഥമായ ഒരു ചിന്തയാണ് റിയോ പിടിക്കപ്പെടാനും, ഇപ്പോൾ പ്രൊഫസറും കൂട്ടരും ഈയൊരു അവസ്ഥയിൽ എത്താനും കാരണമായത്. എന്നാലും പ്രൊഫസർക്ക് ഇതിന് പിന്നിൽ വ്യക്തമായ ഒരു പദ്ധതി ഉണ്ടായിരുന്നു. തന്റെ സ്വന്തം ജേഷ്ഠനായ ആൻഡ്രേസ് തയ്യാറാക്കിയ ആ പഴയ പദ്ധതി. അത് നടപ്പിലാക്കാനുള്ള ഒരു മാർഗ്ഗം കൂടിയായിരുന്നു പ്രൊഫസർക്ക് ഈയൊരു അവസരം. അതെ… ബാങ്ക് ഓഫ് സ്പെയിനിന്റെ നാഷണൽ റിസർവിലുള്ള ടൺ കണക്കിന് സ്വർണം മോഷ്ടിക്കുക. അതിസാഹസികമായി ബാങ്കിൽ കയറിക്കൂടിയ പ്രൊഫസറിന്റെ സംഘത്തിന് നേരിടേണ്ടിവന്നത് പ്രതീക്ഷയ്ക്കും അപ്പുറമായിരുന്നു. എങ്കിലും പ്രൊഫസർ അതെല്ലാം മനസ്സിൽ കണ്ടിട്ടുണ്ടായിരുന്നു. പക്ഷേ, പ്രൊഫസറിന്റെ ബുദ്ധിയെ വെല്ലുവിളിച്ചുകൊണ്ട് ഗാൻഡിയയും, പലെർമോയും, ആർതുറോയും നടത്തിയ പൊല്ലാപ്പുകൾ നൈരോബിയുടെ മരണത്തിലേക്കും മറ്റു പല പ്രശ്നങ്ങൾക്കും വഴിതെളിച്ചു.

അതേസമയം പോലീസ് കസ്റ്റഡിയിലുള്ള ലിസ്ബൺ, കാര്യങ്ങളെല്ലാം കൈവിട്ടു പോകുമെന്ന് മനസ്സിലായതോടെ എല്ലാം തുറന്നു പറയാൻ തയ്യാറാകുന്നു. എന്നാൽ, ഞൊടിയിടയിൽ തന്നെ പ്രൊഫസറിന്റെ ഇടപെടൽ ഉണ്ടാവുകയും, ലിസ്ബൺ ബാങ്കിനുള്ളിൽ എത്തുകയും ചെയ്യുന്നു. അതേ സമയം ആരുമറിയാതെ പ്രൊഫസറിന്റെ താവളത്തിലേക്ക് കയറിയ അലീസിയ തന്റെ വിജയം ഉറപ്പിച്ചു കഴിഞ്ഞിരുന്നു.

അതെ… വെറിപിടിച്ച് നിൽക്കുന്ന അലീസിയയുടെ തോക്കിൻ മുനയിൽ നിൽക്കുന്ന പ്രൊഫസർക്ക് ഇനിയെന്ത് സംഭവിക്കും… കണ്ടറിയൂ…

എംസോൺ റിലീസ് ചെയ്തിട്ടുള്ള മണി ഹൈസ്റ്റിന്റെ മറ്റു സീസണുകൾ

മണി ഹൈസ്റ്റ്: സീസൺ 1 (2017)
മണി ഹൈസ്റ്റ്: സീസൺ 2 (2017)
മണി ഹൈസ്റ്റ്: സീസൺ 3 (2019)
മണി ഹൈസ്റ്റ്: സീസൺ 4 (2020)

അഭിപ്രായങ്ങൾ പങ്കുവെക്കാൻ

Categories : #Action #Crime #Mystery #Spanish #Web_Series

#MSone Release - 2881

Lupin – Season 02 (2021)
ലൂപാൻ – സീസൺ 02 (2021)

ഭാഷ :ഫ്രഞ്ച്
സംവിധാനം : Louis Leterrier, Hugo Gélin,
Ludovic Bernard, Marcela Said
പരിഭാഷ : വിഷ്ണു ഷാജി
പോസ്റ്റർ : രോഹിത്ത് ജി. എസ്
ജോണർ : ആക്ഷൻ, ക്രൈം, ഡ്രാമ

IMDb ⭐️7.5/10

George Kayയും François Uzanനും ചേർന്ന് സൃഷ്ടിച്ച ഫ്രഞ്ച് മിസ്റ്ററി ത്രില്ലർ സീരിസ് ലൂപാൻ 2021 ജനുവരി 8-നാണ് ആദ്യ സീസൺ (അഞ്ച് എപ്പിസോഡുകൾ) നെറ്റ്ഫ്ലിക്സിൽ റിലീസ് ചെയ്തത്.

1900 കളുടെ തുടക്കത്തിൽ എഴുത്തുകാരനായ മൗറീസ് ലെബ്ലാങ്ക് സൃഷ്ടിച്ച കഥാപാത്രമായ “ആഴ്സൻ ലൂപാൻ” എന്ന അതിബുദ്ധിമാനായ കള്ളനിൽ നിന്നും പ്രചോദനം ഉൾക്കൊണ്ടാണ് ലൂപാൻ എന്ന ഈ ഡ്രാമ അണിയിച്ചൊരുക്കിയിരിക്കുന്നത്. അസ്സേൻ ഡിയോപ്പ് എന്ന ലുപാന്റെ ആരാധകനായ നായക കഥാപാത്രത്തെ അവതരിപ്പിച്ചിരിപ്പിക്കുന്നത് ഒമർ സൈ ആണ്.

ഫ്രാൻസിലെ സമ്പന്നനും, ശക്തനുമായ ഹ്യൂബർട്ട് പെല്ലെഗ്രിനി തന്റെ അച്ഛനോടും, കുടുംബത്തോടും ചെയ്ത ദോഹങ്ങൾക്ക് പ്രതികാരം ചെയ്യാൻ 25 വർഷങ്ങൾക്ക് ശേഷം അസ്സേൻ ഡിയോപ്പ് ഇറങ്ങിത്തിരിക്കുന്നതാണ് കഥയുടെ ഇതിവൃത്തം. തന്റെ ജന്മദിനത്തിൽ പിതാവ് നൽകിയ “ആഴ്സൻ ലൂപിൻ – മാന്യനായ മോഷ്ടാവ്” എന്ന പുസ്തകത്തിൽ നിന്ന് പ്രചോദനം ഉൾക്കൊണ്ടാണ് പെല്ലെഗ്രിനി കുടുംബത്തോട് അസ്സേൻ പ്രതികാരം ചെയ്യുന്നത്.

അധികം വലിച്ച് നീട്ടലോ, ബോറടിപ്പിക്കലോ ഇല്ലാതെ തന്നെയാണ് ഓരോ എപ്പിസോഡും മുന്നോട്ട് നീങ്ങുന്നത്. ചെറിയ കഥാപാത്രങ്ങൾ പോലും അവരുടേതായ വ്യക്തി മുദ്ര പതിപ്പിച്ചിട്ടാണ് വന്നു പോകുന്നത്. മുഴുവൻ ചോദ്യങ്ങൾക്കുള്ള ഉത്തരങ്ങളും രണ്ടാം ഭാഗത്തിലേക്ക് ബാക്കി വെച്ചിട്ടാണ് ലൂപിൻ ആദ്യ സീസൺ അവസാനിക്കുന്നത്. ഒരിക്കലും നിരാശ സമ്മാനിക്കാത്ത ഒരു നെറ്റ്ഫ്ലിക്സ് ഡ്രാമയാണ് ലൂപാൻ.

എംസോൺ റിലീസ് ചെയ്തിട്ടുള്ള ലൂപാൻ സീരീസിന്റെ മറ്റു സീസണുകൾ

ലൂപാൻ – സീസൺ 01 (2021)

അഭിപ്രായങ്ങൾ പങ്കുവെക്കാൻ

Categories : #Action #Crime #Drama #French #Web_Series

#MSone Release - 2833

Jirisan (2021)
ജിരിസാൻ (2021)

Episodes: 13-14 / എപ്പിസോഡ്‌സ്: 13-14

ഭാഷ : കൊറിയൻ
സംവിധാനം : Eung-bok Lee
പരിഭാഷ : ജീ ചാങ് വൂക്ക് & തൗഫീക്ക് എ
പോസ്റ്റർ : ഉണ്ണി ജയേഷ്
ജോണർ : ഡ്രാമ, മിസ്റ്ററി, ത്രില്ലർ

IMDb ⭐️ 7.9/10

ഏറെ വർഷത്തെ കാത്തിരിപ്പിനൊടുവിൽ സിഗ്നൽ, കിംഗ്ഡം എന്നീ പ്രശസ്ത കൊറിയൻ സീരീസുകളുടെ തിരക്കഥാകൃത്തായ “കിം യൂൻ ഹീ”യുടെ തിരക്കഥയിൽ 2021ൽ tvn 15-ാം വാർഷികവുമായി ബന്ധപ്പെട്ട്, ജിരിസാൻ നാഷണൽ പാർക്കിലെ റേഞ്ചർമാരുടെ ജീവിതകഥയെ അടിസ്ഥാനമാക്കി എടുത്ത ആക്ഷൻ, മിസ്റ്ററി ത്രില്ലർ സീരീസാണ് ജിരിസാൻ. ഒരു നീണ്ട ഇടവേളക്ക് ശേഷം കൊറിയൻ താരസുന്ദരി ജുൻ ജീ ഹ്യൂൻ മടങ്ങിയെത്തുന്ന സീരീസ്, മികച്ച വിഷ്വലുകൾ കൊണ്ടും, നിഗൂഢത നിറഞ്ഞ സംഭവങ്ങളും അതിനോടിണങ്ങി ചേർന്ന പശ്ചാത്തല സംഗീതം കൊണ്ടും ഇതിനോടകം കാഴ്ചക്കാരുടെ എണ്ണത്തിൽ റെക്കോർഡ് സ്ഥാപിച്ചു കഴിഞ്ഞു.

ജിരിസാൻ പർവ്വതം! ചിലർക്കത് പ്രതീക്ഷയുടെ പ്രകാശമാണെങ്കിൽ മറ്റു ചിലർക്കത് മരണമുനമ്പാണ്. കണക്കുകൾ പ്രകാരം വർഷം 3 ലക്ഷം പേരാണ് ജിരിസാൻ സന്ദർശിക്കുന്നത്. ആ പർവ്വതത്തിന്റെ കാവൽക്കാരാണ് ജിരിസാൻ നാഷണൽ പാർക്കിലെ റേഞ്ചർമാർ. അങ്ങനെയിരിക്കെ പുതുതായി സ്ഥലം മാറ്റം കിട്ടി വന്ന റേഞ്ചർ നായകൻ കാങ് ഹ്യുൻ ജോ(ജു ജി ഹൂൺ)ക്ക് കയറിയ ഉടനെ ഒരു മിസ്സിംഗ് കേസ് അന്വേഷിക്കേണ്ടി വരുന്നു. രാക്ഷസി എന്ന് ഇരട്ടപ്പേരുള്ള നായിക സോ യി ഗാങിനൊപ്പം (ജുൻ ജി ഹ്യുൺ) സെർച്ചിംഗ് പങ്കാളിയായി ചേർന്ന്, കാണാതായ ആ ഹൈക്കറെ അവർ കണ്ടെത്തുന്നു. പക്ഷേ നായകന്റെ പെരുമാറ്റത്തിലും വർത്തമാനത്തിലും പന്തികേട് തോന്നിയ നായിക, എങ്ങനെയാണ് കാണാതായ ഹൈക്കർ ഇരിക്കുന്ന സ്ഥലം കൃത്യമായി മനസ്സിലായത് എന്നും മറ്റും ചോദിക്കുന്നു. ഇത് ആദ്യമായിട്ടല്ല എന്നും, മുൻപ് പലതവണയായി കാണാതായ ഹൈക്കർമാർ പർവ്വതത്തിൽ എവിടെയുണ്ടെന്ന് തനിക്ക് ഒരു ദീർഘ ദൃഷ്ടിയിലൂടെ കാണാൻ സാധിക്കുമെന്നും പറയുന്നു. ആദ്യമൊന്നും ആരുമത് വിശ്വസിച്ചില്ല. പക്ഷേ പിന്നീട് പല നിഗൂഢമായ സംഭവങ്ങളും ജിരിസാൻ പർവ്വതത്തെ ചുറ്റിപ്പറ്റി നടക്കുന്നു. പർവ്വതത്തിലേക്ക് ഹൈക്കിങ്ങിന് വന്ന് സഹായം ലഭിക്കാതെ വഴിതെറ്റുന്ന ഹൈക്കർമാർ സ്വാഭാവികമായി മരിക്കുന്നതല്ലെന്നും, ആരോ കൊലപ്പെടുത്തുന്നതാണെന്നും റേഞ്ചർമാർ മനസ്സിലാക്കുന്നു. സംഭവത്തിന്റെ ചുരുളഴിക്കാൻ ഇറങ്ങിയ നായകനും നായികയ്ക്കും പ്രതീക്ഷിക്കാത്ത ചില സംഭവങ്ങളായിരുന്നു നേരിടേണ്ടിവന്നത്.
ആരാണത്? എന്താണ് ജിരിസാൻ പർവ്വതത്തിലെ ആ നിഗൂഢത?

അഭിപ്രായങ്ങൾ പങ്കുവെക്കാൻ

Categories : #Drama #Korean #Mystery #Thriller #Web_Series

#MSone Release - 2882

No One Gets Out Alive (2021)
നോ വൺ ഗെറ്റ്സ്‌ ഔട്ട് അലൈവ് (2021)

ഭാഷ : ഇംഗ്ലീഷ് & സ്പാനിഷ്
സംവിധാനം : Santiago Menghini
പരിഭാഷ : അനുപ് അനു
പോസ്റ്റർ : ഉണ്ണി ജയേഷ്
ജോണർ : ഡ്രാമ, ഹൊറർ, മിസ്റ്ററി

IMDb ⭐️ 5.3/10

2021′ ൽ പുറത്തിറങ്ങിയ ഇംഗ്ലീഷ് ഹൊറർ, മിസ്റ്ററി, ത്രില്ലർ ചിത്രമാണ് “നോ വൺ ഗെറ്റ്സ് ഔട്ട് അലൈവ്.”

നായികയായ അംബർ നിയമവിരുദ്ധമായി അമേരിക്കയിൽ എത്തുന്നിടത്താണ് സിനിമ ആരംഭിക്കുന്നത്. താമസിയാതെ തന്നെ അവിടെയുള്ള ഒരു ഫാക്ടറിയിൽ അവൾക്ക് ജോലി ലഭിക്കുന്നു. ഇതിനിടയിൽ താമസിക്കാൻ സുരക്ഷിതമായ ഒരിടം കണ്ടെത്താൻ അവൾ ശ്രമിക്കുന്നുണ്ട്. ഒരു ദിവസം, സ്ത്രീകൾക്ക് മാത്രമായി താമസസൗകരം ഒരുക്കുന്ന ഒരു സ്ഥലത്തെ കുറിച്ചുള്ള പരസ്യം അവൾ കാണുവാനിടയാകുകയും അവിടേക്ക് പോകാൻ തീരുമാനിക്കുകയും ചെയ്യുന്നു. വൃത്തിഹീനമായ അന്തരീക്ഷമാണെങ്കിലും വാടക കുറവായത് കാരണമാണ് അവിടേക്ക് ആളുകൾ എത്തുന്നത്. എന്നാൽ ആ വീട്ടിൽ വച്ച് അംബറിന് വിചിത്രമായ പല അനുഭവങ്ങളും ഉണ്ടാവുന്നു. അപരിചിതമായ ശബ്ദങ്ങളും, കാഴ്ചകളും അവളെ ഭയപ്പെടുത്തുന്നു. തുടർന്നങ്ങോട്ട് അവൾക്ക് നേരിടേണ്ടി വരുന്ന പ്രശ്നങ്ങളും അതിനെ തരണം ചെയ്യാൻ അവൾ നടത്തുന്ന ശ്രമങ്ങളുമാണ് ഈ സിനിമയുടെ ഇതിവൃത്തം.

അഭിപ്രായങ്ങൾ പങ്കുവെക്കാൻ

Categories : #Drama #English #Horror #Mystery #Spanish